كرونيك:صائدة الرجال

الحلقة 01

 1:

قاعدة ....الدنيا ليل...وجوه صباح....تترشف في قهوة مرة....تتكيف في سقن....دخانها خارج حلقات حلقات....مضبب...غامض....كيما حياتها...تتفرج من بركونها...كراهب ماشية جاية...عباد الوان و اشكال...ناس الليل...السهارة...و الغبارة...و اللي ملزوز...و اللي هاوي الليل....الاضواء تشعل عاملة ظلال...تبرق...تجلب...تستهوي...و هي من هاويات الليل...حياتها صندوق اسرار....ما تعرفو كان هي....بيرها غارق...و تمن اللي السر كان خرج من اك الزوز شفايف ما عادش سر....وهي حريصة انو حد ما يعرف حقيقتها....هي في النهار حاجة....و في الليل حاجة اخرى...اختارت انها تعيش دوبل شخصية بش توصل لاغراضها...تعلمت انو شي ما يوقفها....و قد ما تاخو قد ما تحب على الزيادة...هذي هي ....أمينة ....وحد ما يعرف اسمها الحقاني....كل ليلة باسم...وكل مديدة بمنظر...حد ما يعرفها على حقيقتها كان هالحيوط كتروحلها....تتعرى و ترجع للحقيقة...اما عمرها ما ندمت....اختارت...وحتى كان ترجع بالتوالي تختار نفس الطريق...أمونتنا بعمر الزهور22 سنة....ساحرة باتم معنى الكلمة....بش نوصف وجهها الحقاني...خاطر هي تتبدل بوجوه متعددة...شعر كستنائي طويل....عينين عسلي قراب للشهل....خشم جويد...فم مليان مغري....صدر بارز ....طويلة...قشرة قمحي....مغرية....مع هي تعلمت انها تكون الاغراء يمشي على ساقيه.....نرجع بيكم لسنين طفولتي....انا بنت حرام....و ممكن هذاكا علاش الحرام يسري في دمي....جيت نتيجة نزوة...و تكلفتليرغالية بررررشا....خلصت ثاني و مثلث و تو تعرفو ميفاش و علاش....ما نعرفهمش الزوز....امي على القليلة نعرف تصويرتها ....ولدتني و توفات عالنفاس....خباها خالي عندو بعد ما بعثوهالو مالبلاد بش تخبي الفضيحة....نعرف اللي بابا راجل غني ولباس عليه....غر بيها و خذا اللي حاجتو بيه و طيشها....مشالو خالي يعلم فيه اللي هي حبلى.....تفاهمو.... رباني خالي مع عايلتو....على خاطر بابا طلب منو اكاكا مقابل انو تجيه شهرية قارة كل شهر....واذا يقولولي شكونو تتقص عليهم....لذا حرص خالي هو ومرتو اني ما نعرفوش على خاطر الحنينات....هذي المصيبة لولى في حياتي....وهذاكا اول خلاصرقبل حتى ما نجي للدنيا...اما ما قصروش معاي....ديما يسبوا في بنت لحرام...مررولي عيشتي...عشت اليتم و الذل....كبر قلبي مالصغرة و تحجر حتى يبس...شي ما عاد يوجعني ولا يبكيني...ما حبوش يخسروا علي بش نقرا....وانا زادة كنت النافع الله....خرجت مالسادسة ثانوي....عملت تكوين اعلامية....كرهتهم الزوز وصغارهم....و تربيت ناقمة عليهم...جيعانة في دارهم و صغارهم تاكل بفلوس بابا....صغارهم يقراو وانا لا....صغارهم يلبسوا وانا عريانة...تربيت جيعانة لابسط الحاجات....و تربيت ناقمة على حاجة اسمها راجل....غل كبير ....بش نخلصو من كل راجل يطيح في ثنيتي..قعدت نخطط بش نهرب.....حد ماهو بش يلوج ولا يسال على اك اليتيمة بنت لحرام....وحد ما بش يتوجع ولا يحس عليها...قمرت ليلة خالي مروح بالشهرية....عسيت وين يحط الفلوس....فاقوا الفجر الفلوس طارت....وانا بحححح....طرت معاها....و هذيكا كانت البداية......هههههه بداية موفقة