كرونيك:صائدة الرجال

- الحلقه 38 والاخيره:

– الحلقه 38 والاخيره:

صباح العرس...قامت مرهوجة...تلقى الدار مليانة...خالها ومرتو وصغارو...اش تكرههم...شي قلبها ما حبش يصفى ...سلمت عليهم فوق من قلبها...راهم يوتوتوا و يقطعوا فيها و يريشوا...اش يهمها...فطرت...سقام العرايس ما عندهاش...جاها اسكندر بش يهزها للحجامة...لابسة شلاكة بالصبع و مريول خلعة و سروال سيرفات...تقول خاطيها العرس...لا هامها سر ولا على بالها...ما زالت في اعماقها مش عارفة فرحانة ولا...وهالراجل اللي بش تعيش معاه زعمة تهني على روحها معاه...زعمة تحبو يحبها كيف اي زوز بش يكونوا عايلة...مخها رافض...كينها خانت مبائها...وقلبها قابل...وموافق و يزغرط...تجري مرت خالها لبستها السفساري....قالتلها عاداتنا اكاكا...لفت روحها فيه تجرجر تمشي و تتعثر...خرجت لاسكندر...عينيه لمعت...هاي بدات تشد الثنية قال في قلبو..._ صباح الورد لاحلى عروسة..._صباح الخير اما اخطانا بربي من لغة عروسة وعروس..._ما تطيرليش كيفي...عروستي...و الليلة بايتة عندي...وغمزها...معدتها تقلبت...دورت وجهها و قتلو:_هيا برك ...ما عادش وقت...خدم..و هزها...و مرة يزمر...مرة يغني...مرة يصفق...وهي شايخة عليه...وصلت_هات بوسة عالحساب نشد بيها قلبي حتى لبعد....تو جمعة وانت تتهرب مني...هربت مطفيتو....ضحك..وقلها_المليح يبطى....تعدى نهار كيما اي عروسة...جا المغرب...كملت وتستنى فيه....هو من حمامو لحجامو مع خوه و اصحابو...جا الوقت مشالها بش يروح بيها....خرجت تتبختر....زينها يهبل يدوخ...يبلع في ريقو بالسيف كي غزرلها....قدم بخطوات مزروبة....شدلها يدها و باسها من جبينها...._احلى عروسة في نظري... حشمت لاول مرة...وهو خرج حليلتو....مكستم موهر...هزها بالسياسة للكرهبة...يدو ما فارقتش يدها...حاسس روحو طاير بالفرحة....العدل يستنى في دار بوها...كتبت الصداق...صححت على روحها...دخلت القفص بساقيها....حست بفرحة كبيرة تسري في بدنها....امينة مرت اسكندر.....وقت صححت و الناس تباركلهم...نسات العالم و مركزة معاه....هو تلفت باسها منا ومنا ووشوش في وذنها....الليلة طرح كبير....و نشوفو شكون يربح...يا مرتي...وضحك...وللسهرية مباشرة في الاوتال ...جوو كبير...حفالي...الصالة معبية....كلها باعين لبلاد...معارفو ومعارفها...هي مش لاهية تثبت في وجوه لعباد...تشطح هي واسكندر شايخة و عايشة اللحظة....ياخذ بوها الميكرو..._سامحوني يا جماعة....ما دامكم ملمومين ...حبيت نعرفكم ببنتي...امينة العروسة...بنتي الكبيرة اللي ما تعرفوهاش....نقلها الف مبروووك وحمد الله اللي تهنيت عليك ووصلتك لراجلك...و ان شاء الله تسامحني يا بنيتي....امينة اللي مش عوايدها تبكي....عيناها تعباو بالدموع....وجيعة سنين تمحات في لحظة...لكن الماضي عمرو ما يرحم...اللي فات ما يموتش....داروا بامينة برررشا رجال....الوجوه هذي تعرفها لكل....فرايس اصطادتهم بين الساحل و العاصمة....معارف راجلها و بوها....تكلم راجل واثنين وثلاثة.....انا ما نسامحش في فلوسي....اسمها عايدة...اسمها سليمة....اسمها منى ...هربتلي بفلوسي....قلبتني....كثر الحس...ودخلت الصالة بعضها....التاريخ ما يرحمش....و اعمل تلقى....في وسط الخوضة ...بوها و راجلها يهديوا في الجو...و العباد....و تسمع كان العروسة هربت....العروسة هربت....جرى اسكندر يلوج على مرتو....ما يهمو في حد....حاجتو بيها هي....مايهموش في ماضيها....قلبو ينبض ليها و بحبها.....مفجوع لا يكون خسرها....وما عادش يراها.....يلقاها تمشي هايمة تحب توقف تاكسي.....يجري و ينادي بش تاقفلو....و هي تشوف في الدنيا فلو.....يجري يجري شدها عطلتها روبتها.....عنقها بالقوي:_وين ماشية؟..هاربة مني؟..._هاربة من ماضي و مالدنيا لكل.....يزيني راني تعبت و عييت..._انسى اللي فات....وحل قلبك لحبي....وحل عينيك تلقاني انا.....راني نموووت عليك....راك دنيتي....وشي ما يسوى بلا بيك.....عزرتلو يعينين مليانة دموع:_واللي فات....زعمة تنساه؟....._اللي فات مات عزيزتي....نسيتو من نهارت لقيتك صبية ما تمستش.....انت حلالي.....و ماضيك دفناه مع بعضنا في اك الليلة.........هيا راني مزرووووب.....تتبهلل:_على شنوة مزروووب؟....._يزي عاد....ارحمني اللي يذوق حلاوتك ما عادش ينجم ينسى...ويدمن.....ما زلت ما سمعتهاش منك راني...._شنية؟...._نحبك.....و نموووت عليك.....ضربتو على صدرو تدكك...._نستنى فيك تقولهالي و تبردلي على قلبي..._.......نحبك......وهز مريتو وطاروا لعش الزوجية.....و ان شاء الله كيما تفرح كل صبية...

       💗💗النهااااية💗💗

..#منال
بنات ان شاء الله تكون عجبتكم الكرو....حبيت نطرح بررشا قضايا ....ونحكي في واقع صاير توة...نستنى تفاعلكم و اراءكم
..
للكاتبة منال منولة