كرونيك:صائدة الرجال

22

 22

وقف قدامها....مخو يهز ويجيب...عينيه مرشوقة فيها...طالعة هابطة....شنية هذي؟....هذي الهاملة اللي يلوج عليها؟...في مخو شعر اصفر فاقع...مبلبزة بالحمامر و الالوان...لابسة لبسة بوفضوح....تطلعلو بنية....صغيرة...و شبابة....و لابسة تويتي؟....دخل بعضو....ثبت في عينيها يلقاش لؤم العاهرات...ما لقاش ضالتو...ماهياش هي اللي يلوج عليها....شك....و لقى عينيه غاطسة في عينيها...هو يتساءل....و هي كيف كيف...الحيرة تنطق في قسمات وجهها الكل...هزة حواجبها...غزرتها...خشمها المكمش...جبينها الملموم...وجهها ينطق بالبراءة ....القريماس اللي تعمل فيهم متاع بنية صغيرة....هذي لكعت رجال كبار و ضربتهم في فلوسهم؟....هذي عداتها على رجال اعمال؟....هو يساءل بينو و بين روحو....وهي تسال:_شكونك انت؟ ...وهو زادة:_انت هي اللي نلوج عليها؟....موجات جذب و نفور....هي مش خايفة قد ماهي مستغربة....شكونو واش يحب وعلاه جايبني هوني....زعمة واحد ماللي لكعتهم....لا لا مادرتش بالصغار...زعمة تابع ايمن...وهو سارح في تفاصيلها...نسى اللي هو حاقد و ناقم....والغى تصور انها تكون المرا اللي يفركس عليها...اعصابو تشدت...عينيها بعثوا موجات سحر اسروه...حرك راسو رافض ....قربلها....نحى الكمامة اللي على فمها...وقابلها قد قد...مواجهة... عينيه مرشوقة في عينيها....يحب يشوف و يحس بصدقها ولا بكذبها...مخو يقلو مستحيل تكون هذي بنت ليل....لا مش مخو هذا قلبو يقلو هكا....تي اش مدخل قلبو....لقى روحو حاير و يحب يلقى اجابة صادقة شافية عندها...دوب ما تنحالها الرباط اللي على فمها نطقت: _شكونك انت؟اش تحب عندي؟وعلاه جايبني لهوني و رابطني؟خدمة متاع عصابات هذي.....