كرونيك:صائدة الرجال

35

 35:

وصلت صيادتنا....امينة بقلبها الواجف...طلعت جابت للتاكسي حق الكورصة دوبل كيما وعدتو....رجعة تكلفتلها غالية....اما بالنسبة ليها منعت بجلدها....تلقى جواب تحت الباب مالحامي بش تتصل بيه في اقرب فرصة...رماتو على جنب....عبات فاليز حوايج....اوراقها.....صاكها ....وفليساتها....و خلت البلاصة....مشات لاوتال....منها تهدي اعصابها الساعة....ترتاح ايامات....و بعد تكري دار اخرى....بعد تفكرت حقها ....ملكيتها لفيلا المرسى....تو كيف تتصل بالمحامي تاخذ مفتاحها و تمشيلها....توة راحة و استجمام...تبري جروحها...و .تخمم مليح....توضاح الرؤيا و تعرف شنوة بش تعمل....نخليوها تداوي روحها....وتعمل حصص ماساج و سونا....الخ....و نرجعو لاسكندر....اللي خلط للادراس ....طلع للدار...دق دق....شي ما فماش حتى جواب....خلع الباب بقوتو...دخل....لقى اثارها....دبش مفرت....سيرفاتو اللي لبسهالها ملوحة...هزها يشم في ريحتها....قعد....وحط راسو بين ايديه....وين بش يلقاها هو توة... هي و في العاصمة....منين بش يبدا....لا فاميليا يمشيلهم...لا شي....تنرفز....اول مرة يحس بالعجز...اكيد ماهياش بش ترجع للدار...لقى ورقة المحامي ملوحة....خذا عنوانو و تليفونو و اتصل بيه...قلو اللي ما عندو حتى فكرة عليها...هو بيدو يلوج عليها....حب يقررو علاش....اما لاخر مهف....كي المحامين الكل....قلو سر المهنة....هز سيرفاتو....طبق الباب دوباش...و عاود شد ثنيتو مروح....رجع على جرتو....مروح خاسر....يكركر في ساقيه....فقد الامل في انو يلقاها...روح نادم....موجوع....هابل....يرجع في دمعتو...مهما كان لازم يطلها منين هي....كيما لقاها قبل تو يلقاها توة....كلم رجالو....زوز يشدو عنوان الدار تمشيش بالصدفة ...وزوز ناصبين العسة للمحامي...مادامها قرات الورقة اكيد تتصل بيه.... امينة تتشخلع...مدللة روحها...رجعت فيها الروح و اتفرهدت...حاولت تمحي اللي تعدى من مخها ...اما شي...تدور تدور وترجع تخمم فيه...تتفكرو ...تحنلو...وقتاللي بوها قالب عليها الدنيا....خاصة وقت لقى باب دارها مخلوع....والمحامي قلو راهي لا تجاوب على تليفونات ولا جات....و فمة شكون سال عليها و هو ما ضوالوش....وسي كاظم واصل و بنفوذو....بث رجالو في كل بلاصةيلوجوا و يلوجواا...الدنيا قامت وقعدت و امينة ما على بالهاش.....لاهية ترتاح.... اتصلت بالمحامي تحب على مفتاح الفيلا وما في بالهاش باللي صاير....قالها تجيه للبيرو.... وتتسلم مفتاحها....مشاتلو خذاتو وعنوانها ومشات....هو خبر بوها يطمن فيه....و اسكندر جاتو المعلومة وين هي....طار ....مشات لدارها الجديدة....قول قصر....خدامة....الجرديني و العساس....و المنظفة و الطباخة....لقات روحها في العز لعينيها....دخلت تتمشى و تتفرج في ممتلكاتها....رووووعة و ضخامات....ذوق رفيع....طلعت اختارت بيت نومها.....وتلهات ترصف في دبشها....و الموسيقى تشرقع من تليفونها....كملت دوشت و رقدت.....لعشية....قامت مرهوجة....تلقى بوها يستنى فيها في الصالة.....سلام بارد و قعدت مقابلتو.....ما زالوا ما حكاوش....وشوية اخرى ينوقز الباب....و يدخل سي اسكندر جايبو العساس....تلمت لاحباب.