كرونيك:صائدة الرجال

29

 29:

حست روحها....عرقت...رمات الغطا....جات تقوم....ما نجمتش....تقول سكاكن تقطع فيها....وجيعة تشوي...غصبت على روحها....وقامت....تلقى ماكلة بجنبها....كلات حتى شبعت...اللي يعجبك فيها انها تتاقلم فيسع مع الوضع اللي هي فيه...ما تتساءلش شنوة اللي جاي وراه....قامت تدور في البيت...فرش كبيييير....دراسينغ كبييير زادة...حلت تتفرج فيه....كلو حوايج رجال...حوايجو تدل على ذوق رفيع...منظمة...برفانات...مناقل....سبت....كل حاجة في بلاصتها....مرتوبة ....اختارت مريول طويل من عندو....دخلت لبيت البانو الي في البيت...غسلت حالتها....كل شي رجالي....ما على بالهاش...تتحرك كيني في دارها....ماخذة راحتها اكثر من اللازم...لبست اك المريول....و جات تحل في الباب....طلت تلقى زويز عفرتة عندها....رجعت...وهوما التليفون خدم فيسع....قالولوا قامت و تدور....وحبت تخرج...وقتها فات نصف الليل....وهو قاعد يشرب...و يتكيف...ويغلي و يبكبك كالبرمة.....عصب ماكنو....كيفاش ما عملش اللي كان ناويه...وكي يتخلط شراب و غش و تخمام وكره اش بش يطلع....يطلع الشيطان في حد ذاتو...هز مفاتح كرهبتو....دبوزتو....وخرج....طلع....ديمارى....يسوق و يشرب....يحب يوصل وقلبو معبي بلقدا....بش ما يرحمهاش....بش ما يحسش بالشفقة....ولا بالاعجاب....بش ما يرحمهاش....معمل يعذبها عذاب شديد....و يخرجها يلوحها في الشارع....و يروح على روحو ....كينو لا صار و لا كان....وفي مخو كيفاش بش ينحيها من بالو....كيفاش يعمل فيها و ينساها....كيفاش بش يمحي ملامح وجهها من ذاكرتو....زعمة بش ينجم...و الاحساس الصغير اللي حركتو في داخلو...و الاعجاب...فيسع رماهم من تفكيرو....بين عينيه هي تو....يوصل...و ينفذ اللي في مخو...و هي كالبهلولة....واقفة بحذا الشباك...بعد ما دارت دارت تلوج في منفذ....لقات روحها في الطاق الثاني....لا تنجم لا تطلع و لا تهبط....وقفت تغزر للي داير بيها....تحفظ في البلاصة....سانية كبيييرة لقدام....اصطبللات....وحيوانات....الدبو اللي كانت فيه مقابل.....الفيلا في الوسط....ضو الساحة الكلو يشعل....ورجال واقفة تعس في كل تركينة...وين الهربة وين....يا امينة يا مسكينة...سارحة بخيالها....زعمة وين بش ترصي....زعمة ما فقدني حد.....زعمة سي كاظم ما لوجش ولا ايمن....مشات لبعيد....و ترى في الكرهبة كي وقفت....وهبط اسكندر مرهوج.....دبوزتو في يدو....طبق الباب بالقوي....هز عينيه يغزر لفوق ....وجات العين في العين....تبسم بخبث....وعملها حركة بيدو معناها استنى هاني جايك....هي ما وخرتش ...وما هبطتش عينيها....اما قلبها سقط بين ضلوعها....وحست جيتو عقاب ليل و شارب وراها مصيبة....دخلت بعضها....والخوف تسلل يسري في داخلها....كمشت المريول بايديها....هو طالع في الدروج...حس خطواتو.....و هي سيبت الريدو رجع....تسمع فيه امر رجالو يخرجواا و يسكروا الفيلا ....حس ساقيهم ماشية.....هي تقدم حافية لشيرة الدراسينغ.....وهو حل الباب.....غزرلها.....كينو يتوعد و يتهدد.....وخرت خطوة....دار سكر الباب بالمفتاح.....وحطو في جيب الفاست.....رماها على شيرة....و غزرة نار ...منها ومنو....هي تقلو بسكات على شنوة ناوي.....و هو يقلها اصبر على قضاك....وبدات الليلة الحاسمة