كرونيك:صائدة الرجال

33

 33:

هزها النوم...قامت تتململ في الفرش...حلت عينيها تلقاه قاعد يتفرج فيها...لمت روحها فيسع وقامت..._صباح الخير..._صباح النور هوكا فطورك...._يعيشك..جا خارج....قتلو:_خليني نروح..اش عندك تعمل بي توة... تلفتلها:_وقت نقرر انا نسيبك تو نخليك تروح...._اش معناها....بش نقعد كل ليلة هكا تحت رحمتك....سيبني ....عندي اموري تستنى في....قحرلها....و رجع شدلها دقنونتها بقوة:_حنيت للوسخ اللي كنت فيه....نطرتلو يدو...._حاجة ما تخصكش....حد ما يتحكم في حياتي...و تنطرت مالفرش....تجري للباب...فحجتين كان قدامها....ضيق عينيه..._انا بش نتحكم فيك منو هكا....و الباب هذا ما تعتبو كان بامري....وشدها يرج فيها...فهمت ولا....دزتو...._ما فهمتش و ما نحبش نفهم....بش نروح يعني بش نروح....وتدق في الباب...هزها منا ومنا .....و رماها على الفرش....وخرج...رمات طبق الماكلة....كسرت المرايا....يسمع فيها كي تدقدق و يضحك...و خرج و خلاها....كلات روحها ماكلة....طلعت...هبطت...نقزت مالغزول....و رجعت رقدت...و قبل ما ترقد خممت مليح في حل لوضعها...ما رقدت الا ما برمجت الهروب....يلزمها الليلة تبات هاربة في الثنية....باي طريقة وكان...فاقت بيه يقيم فيها...الدنيا ملمومة...و طبق اخر بالماكلة بجنبها...قحرتلو...و رجعت تمدت..._قوم كول يزي بلا دلال...._ما دللني حد....اتهنى..._باهي قوم كول....دارتلو بغش..._اش تحب عندي ياخي ...تي اعتقني....فار انا مسكر علي و تعشعش في....ضحك...._ما صاب الفيران الكل كيفك....دخلت بعضها....يذبل في عويناتو....و حنية صوتو....قالت نستغل الفرصة:_باهي خليني نمشي على روحي....حد هنا و يزي...._ما زلت ما سامحتكش....مانيش مسلم في ثاري..._قول ما زلت تحب تستغلني...ما زلت تحب تبرد شهوتك...كيفك كيف كل الرجال.......زايد والله لا تحشم...استفزاتو....هو اسكندر اللي ترثل منو رجال....تحكي معاه هي هكا...ضربها بكف...._خمم كيف ما تحب...ما نسيبك الا ما نشبع...وقتها نرجعك كيف ما جبتك..._لا رجلة الحق....قوم خوذ حاجتك و سيبني...قطعت السورية تستفز فيه...._هيا قوم...هاني قدامك...يلا..._لها الدرجة تسخايلني ساقط....مزروبة تحب تمشي....كينو يلوم فيها....خرج و خلاها....وخلى الباب محلول...بالعاني....قصدو يطمنها....ما لحقتوش....رجعت تمدت....ومنها جاتها فكرة تمنعها....و تبعد على العسة اللي عندو....قامت تصيح و تعاود....ما تعرفش علاش متاكدة اللي هو بش يخاف عليها.....طلع الدروج يجري....كي سمعها....خاف عالاخر...يلقاها تخدم على الفرش بيديها و ساقيها....خاف عليها على الاخر...حاول يشدها ما نجمش....مد سروال سيرفات و مريول لبسهولها بالسيف....و حملها وطار للكرهبة عجاجة....يخض فيها في الثنية فماش ما تتكلم....و هي رامية القاتلة ....لا كلام لا سلام....كان النفس طالع هابط....هزها للكلينيك....وهي عاملة روحها دايخة و مسلمة....فيسع ركبولها سيروم ....و هزوها للسكانار.....و هو يتبع.....قالولوا يستنى في بيتها....حتى يرجعوها.....هوما بعدوا بيها يدزوا في الفرش بيها....وهي تنطرت تجري.....عيطوا ....خلطوا وراها وهي تجري ساقيها اعلى من راسها.....التاكسي اللي لقاتها قدامها ترمات فيها.....قتلو تونس و حط كونتور....استغرب التاكسيست...و هي قتلو:_ازرب روحك تاخو الدوبل....خدم و طار بيها.....وقت اللي اسكندر عرف اللي هس هربت....خنق الممرضة....وخرج يجري يلوج....هي وقتها سايي .....شدت ثنيتها.....و بعدت المسافات .....روح هو على اعصابو و فادد.....و في مخو بش يرجعها.....و هي روحت .....في مخها ودعتو و ما عادش تراه....زعمة يلعب القدر لعبتو و يرجعو يتقابلو؟.....زعمة علاقتهم مجرد ليلة ووفى كل شي؟.....زعمة مكتوب عليهم الفراق ولا اللقا؟....زعمة وين بش ترصي بالصيادة؟.....ثنيتهم ترجع تتلم ولا وفى كل شي.؟.....تبعوا مع الصيادة مش جتقدر تغمض عينيك.....ههههههههه