كرونيك:صائدة الرجال

14

 14:

نغزر للي معانا الكل وجوههم دارت....و عينيهم خرجت...يثبتوا فينا....هو رخف كرافاتو...و بدا يتغصور....ودموعو بدات تجري....نطقت من غير ما نشعر:_ما تقليش انت هو....غزرلي وعينيه مرغرغة بالدموع....و حرك راسو معناها ايه... طحت....ركايبي ترجف....نحس فيها فارغة...بدني مقشعر بكلو.....بردت و تزيلفت و سخنت في نفس الوقت.....ما نجمتش نتمالك روحي ولا نتحكم في رعشتي....احساسي واقف موش واضح....ما نعرفش شنوة اللي في قلبي ولا مخي وقتها.....اما الدنيا و الوقت حبسوا....ولقيت روحي نتذكر في شريط عمايلي......من غير ندم....اما حسيت هذا كفوي على اللي عملتو في الرجال.....بش نخلص توة.....زعمة مشيت معاه و تعريت و شطحت وعملت....زعمة عملت اكبر مصيبة.....وقفوني اللي بحذاي...ماعادش حاسة بالدنيا...قلهم:_من فضلكم خليونا على راحتنا....خرجوا الكل....وقعدت انا وياه راس راس....بدا يحكي:_انا هو بوك....كنت صغير و غارتني الدنيا....و امك جات تخدم عنا....عجبني زينها...درت بيها...ما ركحتلي كان ما وعدتها بالعرس....عشت معاها ايامات حلوة....حتى عرفت روحها حبلى...دارنا ادخلوا....و طردوها و علموا دارهم...بحكم الفارق الطبقي.....و هددوني نتحرم نتحرم من ورثتي كان نخلط عليها....وانا وقتها غارني صغري و الفلوس...اخترت الفلوس عليها...ما لوجتش عليك خاطرني عايش حياتي وقتها...وعرفت اللي هي توفات كيف جاني خالك وقلي...ووعدتو نتكفل بمصروفك في مقابل يربيك عندو وماندتك تجيك كل شهر...المهم ما يسمع بيك حد ولا تعرفني ولا نعرفك....الله غالب الدنيا و الوقت حبوا اكاكا...ما كنتش نتصور نلقاك هكا ولا لهنا ...._يعطيك الصحة والله برافو....بو مثالي انت....و رجلة كبيرة....لوحتنا....و بعتنا بالفلوس....والله لا بعدك لا قبلك...._اسمع ما تغلطش...ماني الا بوك...._شو كي قلي انا بوك.....والله برافوووووو......تصفيقة حارة على اروع و احن بو في الدنيا... اما بو تحكي عليه....البو اللي هملني و ما يعرفنيش....البو اللي كان عقدة حياتي و كرهني في الرجال....البو اللي خلاني عريانة و جيعانة....البو اللي زعمة روحت معاه....بالك راني مشيت مع واحد من اولادك...قام يجري ضربني بكف....تعودت اني نقوى مع الضرب...

ال