كرونيك:صائدة الرجال

24

 24

هوما اكاكا....و حس كرهبة...حس برشا ساقين...دق الباب...دخلوا زوز رجال تقول غولة...الواحد دوبل راجل...قالولوا عم سالم جاء...قلهم دخلوه....دخل....قعدت نثبت فيه....وجهو مش غريب...طال بي العهد...اما لا ما مشيتش معاه هذا....تي ظاهر زوالي....مش جوي...وهو قلو:_عم سالم هذي هي؟....ثبت...غزرلي مليح:_لا وليدي ما ظاهرلي...لاخرى مش هكا....تظهر متاع شارع...اما كان نسمع صوتها نطلعها...نحى الكمامة و قلها:_حل سما فمك و تكلم..._اش تحبني نقلو...وانت ماو لباس تعيط علي...مانيش ملوحتلك راني...عم سالم عقل الصوت اما خاف على اسكندر لا يستجرم...قلو:_وليدي الصوت يشبه...اما شاكك....فد هو وطيقر...و عدى ايديه على شعرو...عاود كمملها فمها و خرجوا الزوز... قعدت سارحة...تسترجع في الاحداث...شريط الذاكرة يخدم...شكونو زعمة هذا ؟....عمك سالم وين ريتو انا؟...وقعدت تتغصور ....تعصر في مخها....حتى صاحت....اه ايه ايه....هو متاع الشيوبة متاع الفياغرا....يا شومي...زعمة اش جرالو؟....زعمة هذا ولدو اللي قالب علي الدنيا و هربت من جرتو لتونس؟...اش ناويلي؟...صك تربح يا امينة....ما كانش قاتلك هذا لهنا...ولا نقلك...جرب اتزعبن عليه....لا لا النسا مش جوو ماني في بالي بيه معقد....كيفاش بش تخرج من هوني...هو شاكك ويحب يتاكد قبل ما يضرك...يلزمك تلقى فرصة تقطع بيها....هي سارحة في حبل افكارها مش عارفة قداه الوقت....ضايعة و مش حاسة بشي....والباب عاود اتحل ودخل سي اسكندر ومعاه زوز اخرين...:_ثبتولي....هذي اللي ريتوها نهارتها مع بابا الله يرحمو ولا لا؟....قعدوا يثبتوا....واحد منهم قلو:_هي زيدها صبيغة لشعرها مع قصة...ولون لعينيها تطلع كان هي....نهارتها ثبت فيها مليح على ما عجبتني....و تنهد....صرفقو اسكندر بكف....وطلعهم لبرا الزوز....و رجعلي...هاد علي....مشمر على ايديه الزوز...عينيه جمرة بالغش....كينو جرح وعاود تحير و حير معاه غلو الكل...كرهو للنسا وموت بوه خلاوه يعمى و بش يفش غيضو فيها....وامينة كالطير المكبل....يرفرف و جناحاتو مقصوصة....وين المهرب يا امينة؟....زعمة هذي نهايتك؟....زعمة بش تموت وتغمض عالدنيا مرة وحدة؟....بعد ما لقات بوها و استغنات....تبعوا معانا عذاب امينة....و اش بش يجرى للصيادة...