كرونيك:صائدة الرجال

23

23

رجعلها الكمامة....فددتو قداه تتحدث...._اسكت هالهم قداه تحكي....انت اللي بش تقلي شكونك...مهمهت .و الصوت ما طلعش....كيفاه بش نجاوبك وانت رابطلي فمي....هزت حواجبها و تمهمه فهمها...عاود نحاهالها وحط صبعو على فمها...وهنا حس حاجة غريبة لملمس شفايفها....هذي شفايف تعدات عليها افام الشياب....ولقى روحو يعدي في صبعو ماشي جاي على فمها....يتبسم بخبث...يستفز فيها...وهي لحمها قشعر...وهو عامل روحو هادي ...حتى عضتو....صاح مرة وحدة:_شبي والديك....ويتوحوح...وينفض في صبعو..._بش تتعلم تمد يدك على حاجة خاطيتك..._انت توة تحت رحمتي واللي نحب نعملو فيك نعملو..._اي حتى هي رجلة...راجل رابط مرا و يستعرض في عضلاتو عليها...._سكر والدين فمك لا نهدهولك...و تو ترى الرجال اش تعمل....استنى الساعة حتى نتاكد...وعاود ربطلها فمها...و جاب كرسي وقعد مقابلها....تقول كرسي الاعتراف...وهي تقول خافت ولا رخات عينيها....جملة...ديما في مخها ما عندها ما تخسر...ما عندها شي تخاف عليه....اما تحب تعرف السبب و تفهم كهو...وهو يستنطق في وجهها....هالوجه الصغير هذا يعمل هكا...لا اله الا الله...هز تليفونو...كلم الشوفور....وقلو ايجاني تو للبلاصة الفلانية....و فمك تحلو تعرف اش يصير فيك....و الوقت تعدى ما اطولو...الوجه في الوجه....و العين في العين....يقحروا لبعضهم....هو يتوعد تو تشوف اش نعملك كان تطلع اللي في مخي ...وهي تجاوب تعيا وانت تعمل....زوز عنايدية....و زوز يكرهوا الجنس لاخر....و كل واحد جابو سبب بش يتلاقاو....وبش يتواجهوا...