رواية بترجعين؟ // بقلم،، كاملة للكاتبة جود الحزن

27

8 صباحًا..
دخل بملابسه الرياضية و جسمه المعرق.. أنفاسه متسارعة و في يده مطارة الموية.. لقى بوجهه امه و ابوه جالسين كالعادة على الجلسة الأرضية و قريب من أمه كانت بنته.. قدامهم القهوة و المعاميل و واضح انهم متقهوين و خالصين..
بابتسامته الوسيعه و المشعه قال/صباااح الوررد و الفل و الياسمين
ابتسمت امه لابتسامته و ردت مع ابوه /صباح الخير
و زادت امه/مشرق ما شاء الله
باس خد بنته كذا مرة ثم التفت للدرج ناحية صوت ملاك الناعم و هي تقول /اكيد بيشرق مو عريس اليوم؟
ابتسم اكثر و ما علق.. فرحته ما توسعه و لا توسع الدنيا.. يحس انه خفيف لأول مرة خفيف و يطير
فجر صبت لها فنجال قهوة و راحت طالعه فوق من غير كلمة
سعود عقد حواجبه /شفيها فجر؟
ملاك عبست ملامحها و سكتت
ابو سعود نقل عيونه عليهم كلهم ينتظر إجابة
و ام سعود ردت باستنكار/ما هي بمن عوايدها و الله غريبة
سعود ناظر ابوه بعتب/يبه ما تحس انك قسيت عليهم زيادة؟
ابو سعود لوى فمه و هو ساكت و كأنه ما اعجبه ان بنته تزعل عشان هالشيء
وقف سعود و راح طالع الدرج و لما مر من ملاك قالها برقة/عيوني انتبهي للنوف
ملاك ابتسمت بحلاوة/من عيوني
ابتسم لها و كمل طريقه رايح لفجر.. دق الباب مرتين ثم جاه صوتها الزعلان/ادخل
دخل و قرب منها /ممكن اعرف من مزعل الوجه السمح هذا؟
لفت بوجهها عنه و هي ساكتة
مد يده و مسك ذقنها لف وجهها له و جبرها تناظره و قال بملامح وجه بشوشة و حنونه/ابوي انتي.. علميني وش فيتس؟
فجر بكت على طول /لاا..ل..._ بلعت باقي كلامها و حروفها و اجهشت في بكاء مرير
ما أمتلك غير انه يضم راسها لصدره و هي جالسة و هو شبه مايل عليها و همس لها/أوعدك..أوعدك من نخلص من الملكه _وأبتسم وهو ينفخ صدره بالهواء ثم كمل/أوعدك أني أقنع ابوي يترك يسور وجه العنز ياخذك أوك؟! بس لا تصيحين!!
أبعدت راسها عن صدره وهي تمسح دموعها وتحاول ترسم على طرف شفايفها بسمه بس فشلت.. ناظرته بأسف.. حاولت تتكلم.. تعلمه بس ماقدرت.. الكلام كان يضيع ويتبخر ولا يلقى طريقه للسانها..وهو باس راسها
لمرة أخيره ثم طلع _خذا جواله ولقى مكالمات كثيره من عمر ومن سامي ومن عيال عمه.. دق اول شي على سامي ولا لقى رد.. ثم دق على عمر وفي اقل من 10 ثواني رد بصوت مرح/هالووو.
ابتسم سعود/هالو.. كيفك؟!
عمر ببسمه بانت في صوته/افا كيفني؟ انت الي كيفك وكيف مزاجك؟!
سعود/عال العال الحمدلله..
عمر/شسويت؟!
سعود/للحين ماسويت شيء.. بروح للصالون الحين.. واحلى استجمام
عمر/لا لا.. تجيني والا أجيك_انا حاجز لنا في مكان يحبه قلبك
سعود ابتسم/زين تعال انت.. على ما أخذ شور الحين..
عمر /اوك..
.
.
.
تأففت بيأس وطفشت ورجعت تجلس..
وريف/للحين نايمه؟!
روان مدت برطمها/يعني ماتعرفينها؟! حتى لو صاحيه وما تبي ترد م راح ترد
وريف/حيوانه البنت ذي غريبه اول مره اشوف وحده اليوم ملكتها ونايمه ببرود للحين فوق كذا مانزلت السوق ولا مره عشان تتقضى حاجتها!! انكرفنا احنا وهي لسه!
مرام ببحه قويه تبين لما تصحى من النوم/اصلا مدري شلون وافقت؟!
روان بحيره/من جد! انا مصدومه للحين..
وريف/يمكن عمي محمد أقنعها!!
مرام بأستبعاد للفكرة /لا ما اظن وش المناسبه يقنعها؟!
وريف رفعت حاجب/حبيبتي هذا ولده عادي ليه مستغربه انه يقنعها توافق؟
مرام بصدمه/دقيقه.. دقيقه.. شلون يعني ولده؟
وريف سكتت شوي/ليه ماتعرفين ان عمي محمد هو الي رباه؟!
اصلا عاش مع اخواني اكتر من عيشته مع أهله..
روان شهقت/تمزحييين؟!
وريف بأستغراب/ما قالكم؟ ليش مصدومين!!
روان بتفكير/لا.. صدق ليش ما علمنا؟!
مرام/اكيد ما يبي يجيب سيرته وانتي عارفه طبعاً ليش
روان هزت راسها بتأييد/اتوقع بعد..
مرام بعيون متسعه/يعني تهقين ابوي أقنعها؟!
روان/وهي اصلا بتقتنع عل.....
قاطعتها وريف وهي تفز لما شافت باب غرفة وجدان انفتح/واخيرا يا عروس! ماب... _قطعت كلامها لما شافت وجهها شاحب ومسحوب اللون منه وسكتت..
التفتت روان تشوف وش سكتها! ووقفت بسرعه وقالت بقلق/جودي!!
مسحت جبينها بضعف وقالت بخفوت/وين عمر؟!
مرام ركضت ومسكت يدها وقالت بحده مصطنعه/تعالي..دام صدناك ما راح نتركك..
سحبت ذراعها الي كانت ترتجف بوسط يد مرام وقالت وهي تردد نفس سؤالها/وين عمر؟!
مرام عقدت حواجبها وبهدوء قالت /مدري عنه تبين اتصل له؟!
وجدان /اذا رذ خليه يجيني ابيه ضروري..
مرام هزت راسها/من عيوني..
روان قربت منهم/تفطرين؟!
وجدان تحركت راجعه للغرفه/لا..
روان مسكت يدها /تعالي وين رايحه؟! بتنامي؟!
وجدان ناظرته بمرارة لثواني معدوده ثم قالت/لا بأجلس بروحي
تركت يدها في صمت وهي رجعت لغرفته وسكرت الباب
.
.
طلع مستعجل ولما وصل سيارته تذكر انه ناسي المفتاح،، ضرب جيوب ثوبه وهو يدور عليه في امل انه يلقاه بس ما لقاه..
عض على شفته التحتيه بقهر.. الحين بيرجع لغرفته ويمكن يصادفها.. ولو صادفها ورفعت خشمها عليه هالمرة صدق بيكسره لها لمح عامر داخل يركض للقصر وبسرعه ركض وراه/عامر.. عامر
عامر وهو ما التفتله/بعدين.. بعدين.
حس بألم في رأسه ووقف مد يده لراسه يضغط عليه وكأنه يسكت الألم الي بدأ ينغزه.. صرخ بغضب/عامر يا كلللللبب!!!
بس عامر اختفى جوا القصر.. راح للقصر وهو متردد ما يبي يشوفها.. حمدالله لما سمع صوت ابوه في الصاله.. مستحيل تنزل الحين.. اسرع بخطوات ودخل من غير سلام كالعاده وشاف ابوه وأمه وعامر وراشد ورائد.. بغضب فاتر قال/روح جيب مفاتيحي اظن تركتها في غرفتي..
راشد بسرعه فز وهو يخاف من عمر لما يتكلم بهالطريقه والنبره.. ورائد راح يتبع راشد مثل ظله ومجرد ما اختفوا.. نطق عامر بصدمه/يبه!
ابو عمر بحده /وحطبه داخل من الصبح تراكض وش عندك؟
عامر انصدم اكثر/ابو رائد براا.
عمر اتسعت عيونه/وش جالس يسوي برا؟ ورا ما قلطته؟!
عامر بلع ريقه وسكت..
عمر رتب الشماغ الي كان على كتفه.. رتبه على راسه بسرعه وراح طالع وهو يقول /جهزوا القهوه.
ابو عمر وقف مع عامر وطلعوا الديوانيه... أما عمر طلع مع باب القصر الرئيسي ولقى بوجهه أسامه واقف ومن شافه ابتسم ابتسامه صفراء.. ومد يده يصافح عمر بس عمر فجأة لما ضمه بلهفه وهو يقول /ابو رائد؟ الحمد لله.. الف الحمدلله على سلامتك.. وش ذا اليوم المبارك؟! تفضل.. تفضل حياك
أسامه لمعت عينه الرماديه بنظرات موده /الله يسلمك.. زاد فضلك
عمر شد على يده ودخل معه من الباب الي يودي الديوانيه مباشره.
انحرج وهو يشوف ابو عمر جالس ومن شافه وقف وسلم عليه بهدوء وهيبه وزرعها في صدره.. وصافح عامر بمحامله.. جلس بصمت.. الحين وش بيقول..؟!شلون يبرر حتى لو كان غايته ما أحد يأذيهم! كان المفروض يعلم أبوهم وهو الي بيحفظهم ويحافظ عليهم بعد الله.. او على الاقل حط عنده علم انهم بخير ومو مع عدو؛!! رفع عينه ناصيه ابو عمر لما تكلم بصوت مفخم/حياك الله.. اشرب فنجالك.
خذا الفنجال بتردد.. يعرف انه مجرد ما يخلص من فنجاله بيبدأ وقت الحساب.. شرب فنجاله وأشار لعامر الي كان قاعد يقهويهم ان "شكراََ"
ابو عمر ما وفر الوقت وقال بهدوء /يا ولد الناس... مانبي ندخل في الي فات.. على ما قالوا.. الكلام في الماضي.. نقصان في العقل.. لكن الي بقوله خذ الامانه الي جاي عشانها اليوم ولا عاد يتقاطع دربك مع دربي.
عمر عقد حواجبه بعد رضا ونطق /يبه!!
ابو عمر ناظره بحدة.. والآخر سكت
اسامه وقف براحه وعيونه تلتهم عيون ابو عمر الشبيهه بعيونها وقال بلوعه/على راسي.. _وناظر عمر_ممكن عمر أبي رائد لو سمحت.
عمر وقف بسرعه /استريح ان..
اسامه قاطعه/انا انتظره في سيارتي.. عن اذنكم.