للكاتبـة رحيـق الفجــر
#ﺭﻭﺍﻳﺔ_ﺣﺐ_ﺑﻌﺪ_ﻭﺭﻃﺔ
ﺍﻟﺤﻞ {1} ﻗﺔ ...
ﺗﺒﺪﺃ ﺍﻟﺤﻠﻘﺔ ﻣﻊ ﻣﻜﺎﻟﻤﺔ ﺟﺖ ﻟﻘﻴﺼﺮ ﺑﻄﻞ ﺍﻟﺮﻭﺍﻳﺔ 😍
ﺭﻥ ﺭﻥ ﺭﻥ
ﻗﻴﺼﺮ ﺭﺍﻗﺪ ﻋﻠﻰ ﺳﺮﻳﺮﻩ ﺍﻟﻜﺒﻴﺮ ﻓﻲ ﺳﺎﺑﻊ ﺣﻠﻤﺔ 😴😴
ﺭﻥ ﺭﻥ ﺭﻥ
ﻗﻴﺼﺮ ﺑﻜﺴﻞ : ﺍﻟﻠﻪ ﻳﺠﻴﺒﻚ ﻳﺎﻃﻮﻟﺔ ﺍﻟﺒﺎﻝ ﻣﻦ ﻫﺎﻟﺤﻤﺎﺭ ﻳﻠﻲ ﻳﺘﺼﻞ ﺍﻟﻴﻮﻡ
ﺷﺪ ﺍﻟﺘﻠﻴﻔﻮﻥ ﻭﺑﺤﺪﺓ : ﺃﻟﻮﻭﻭﻭ
؟؟؟ : ﻗﻴﺼﺮ ﺳﺎﻋﺪﻧﻲ ﻓﻲ ﻭﺍﺣﺪﻳﻦ ﻳﺠﺮﻭﺍ ﻭﺭﺍﻱ ﻭﻣﺶ ﻋﺎﺭﻑ ﺷﻦ ﻳﺒﻮ ﻣﻨﻲ
ﻭﻗﻒ ﻗﻴﺼﺮ ﺑﻌﺼﺒﻴﺔ ﻭﺧﻮﻑ ﻭﺣﺪﺓ : ﻭﻳﻦ ﺇﻧﺘﻲ
؟؟؟ : ﺍﺍﺍﺍﺍﺍﺍﺍﺍ
ﻗﻴﺼﺮ ﺑﺼﻮﺕ ﻋﺎﻟﻲ : ﺃﻟﻮ ﺃﻟﻮﻭﻭﻭﻭﻭﻭ
ﻃﻮﻁ ﻃﻮﻁ ﻃﻮﻁ
ﺣﻂ ﺍﻟﺘﻠﻴﻔﻮﻥ ﻓﻲ ﺟﻴﺒﻪ ﻭﻃﻠﻊ ﻳﺠﺮﻱ
ﺃﻡ ﻗﻴﺼﺮ : ﻭﻳﻦ ﻣﺎﺷﻲ ﺑﺴﺮﻋﺔ ﻭﻣﺴﺘﻌﺠﻞ
ﻗﻴﺼﺮ : ﺑﻌﺪﻳﻦ ﺑﻌﺪﻳﻦ
ﻭﻻﺀ ( ﺍﺧﺖ ﻗﻴﺼﺮ ﻡ 1993 ) : ﺧﻴﺮﻛﻢ ﺷﻦ ﻓﻲ؟؟
ﺃﺣﻤﺪ ﺑﺼﻮﺕ ﻋﺎﻟﻲ : ﺳﻌﺎﺍﺍﺍﺩ ﺳﻌﺎﺍﺍﺍﺩ
ﺳﻌﺎﺩ : ﻧﻌﻢ
ﺃﺣﻤﺪ ( ﺧﻮ ﻗﻴﺼﺮ ﻡ 1989 ) : ﻗﻬﻮﺗﻲ ﺑﺴﺮﻋﺔ
ﺳﻌﺎﺩ : ﺣﺎﺿﺮ
ﺃﺣﻤﺪ ﺇﺷﺒﺢ ﻭﻻﺀ ﻭﺃﻣﻪ ﻣﺘﻠﺨﺒﻄﺎﺕ ﻓﻲ ﺑﻌﻀﻬﻦ
ﺃﺣﻤﺪ : ﺃﻣﻲ
ﺃﻡ ﻗﻴﺼﺮ : ﺇﻳﻪ
ﺃﺣﻤﺪ : ﺷﻦ ﻓﻴﻜﻢ ﺧﻴﺮﻛﻢ ﺷﺎﻳﺸﻴﻦ
ﺍﻡ ﻗﻴﺼﺮ : ﻣﺶ ﻋﺎﺭﻑ ﺧﻮﻙ ﻃﻠﻊ ﻳﺠﺮﻱ
ﺃﺣﻤﺪ : ﻣﻦ ﺃﻣﺘﻰ ﻭﻫﻮ ﻳﻄﻠﻊ ﻳﻤﺸﻲ ﺩﻳﻤﺎ ﻭﻫﻮ ﻳﻄﻠﻊ ﻳﺠﺮﻱ 😂😂
ﻭﻻﺀ : ﺍﻟﻴﻮﻡ ﻋﻄﻠﺘﻪ ﻭﻳﻮﻡ ﻋﻄﻠﺘﻪ ﻣﺎﻳﻄﻠﻊ ﺑﺮﺍ ﻣﻦ ﺩﺍﺭﻩ
ﺃﺣﻤﺪ : ﻋﺎﺩﻱ ﺍﻟﺸﺮﻃﻴﻴﻦ ﻫﻜﻲ ﺣﻴﺎﺗﻬﻢ ﺣﺘﻰ ﻓﻲ ﻋﻄﻠﺘﻬﻢ ﻳﺨﺪﻣﻮﺍ ﻣﺎﺗﺨﺎﻓﻮﺵ ﺃﻛﻴﺪﺓ ﻣﺴﺘﺪﻋﻴﻪ ﺍﻟﻀﺎﺑﻂ ﻳﻠﻲ ﺃﻋﻠﻰ ﻣﻨﻪ
.......
ﻗﻴﺼﺮ ﺑﺼﻮﺕ ﻋﺎﻟﻲ : ﺃﻟﻮ ﻣﺤﺴﻦ
ﻣﺤﺴﻦ : ﺍﻳﻪ
ﻗﻴﺼﺮ : ﻧﻌﻄﻴﻚ ﺭﻗﻢ ﺣﺪﺩﻟﻲ ﻣﻮﻗﻌﻪ
ﻣﺤﺴﻦ : ﺇﻳﻪ ﺧﻤﺲ ﺩﻗﺎﻳﻖ
ﻗﻴﺼﺮ : ﺑﺴﺮﻋﺔ
ﺳﻜﺮ ﺍﻟﺘﻠﻴﻔﻮﻥ ﻭﺗﻨﻬﺪ ﻭﻣﺴﺢ ﺭﺍﺳﻪ ﺑﺨﻮﻑ ﻭﺗﻮﺗﺮ : ﺳﺎﺭﺓ ﺃﻧﻲ ﺟﺎﻱ
ﺭﻥ ﺭﻥ ﺭﻥ
ﻗﻴﺼﺮ : ﺍﻳﻪ ﻣﺤﺴﻦ
ﻣﺤﺴﻦ : ﻓﻲ ﺍﻟﺸﺎﺭﻉ ﻳﻠﻲ ﺟﻨﺐ ﺍﻟﻜﻠﻴﺔ ﻗﺮﻳﺒﺔ ﻣﻦ ﺍﻟﺠﺎﻣﻊ
ﻗﻴﺼﺮ : ﺗﻢ
ﺳﻜﺮ ﺍﻟﺘﻠﻴﻔﻮﻥ ﻭﺯﺍﺩ ﺳﺮﻋﺔ ﺳﻴﺎﺭﺗﻪ
.
.
.
؟؟ : ﺑﺴﺮﻋﺔ ﺷﺪﻭﻫﺎ ﻧﺒﻴﻬﺎ ﺣﻴﺔ
ﺳﺎﺭﺓ ( ﺃﺧﺖ ﻗﻴﺼﺮ ﻡ 1999 ) ﺍﻟﻤﺴﻜﻴﻨﺔ ﺗﺠﺮﻱ ﺧﺎﻳﻔﺔ ﻭﻭﺟﻬﻬﺎ ﻳﺼﺐ ﻋﺮﻕ ﻭﻗﻠﺒﻬﺎ ﻳﺪﻕ ﺑﺴﺮﻋﺔ ﻭﻗﻔﺖ ﺷﻮﻱ ﺑﻌﺪ ﻣﺎﺷﺎﻓﺖ ﺍﻟﻄﺮﻳﻖ ﻓﺎﺿﻴﺔ ﻟﻜﻦ ﻟﻘﺘﻬﻢ ﻗﺪﺍﻣﻬﺎ ﺟﻤﺪﺕ ﻓﻲ ﻣﻜﺎﻧﻬﺎ
ﺷﺎﺩﻱ : ﺧﻮﻙ ﺩﺍﺭﻟﻨﺎ ﻣﺸﺎﻛﻞ ﻫﻠﺒﺎ ﻭﺇﻧﺖ ﺗﻌﺒﻴﺘﻨﺎ ﻓﻲ ﺟﺮﺗﻚ ﺷﻦ ﻫﺎﻟﻌﻴﻠﺔ
ﺳﺎﺭﺓ : ﺷﻦ ﺗﺒﻮ ﻣﻨﻲ
ﻓﺎﺩﻱ : ﻣﺎﻧﺒﻮﺍ ﻣﻨﻚ ﺷﻲ ﺑﺲ ﻣﻨﺸﺪﻭﺍ ﺧﻮﻙ ﻣﻦ ﺍﻟﻴﺪ ﻳﻠﻲ ﺗﻮﺟﻊ ﻓﻴﻪ
ﺷﺎﺩﻱ : ﻫﻮ ﺣﺒﺲ ﺑﻮﻧﺎ ﻳﺎﻓﺎﺩﻱ ﻭﺍﻟﻴﻮﻡ ﺷﺮﻑ ﺃﺧﺘﻪ ﻋﻠﻰ ﺍﻟﺤﺎﻓﺔ
ﺳﺎﺭﺓ ﺧﻼﺹ ﺑﺘﻤﻮﺕ ﻣﻦ ﺍﻟﺨﻮﻑ ﻭﺍﻟﺮﻋﺐ ﻭﺗﺪﻋﻲ ﻓﻲ ﺧﺎﻃﺮﻫﺎ ﺇﻥ ﺧﻮﻫﺎ ﻳﻮﺻﻞ ﻓﻲ ﺍﻟﻮﻗﺖ
ﺑﺼﻮﺕ ﻋﺎﻟﻲ : ﺷﺮﻑ ﻣﻦ ﻳﻠﻲ ﻋﻠﻰ ﺍﻟﺤﺎﻓﺔ ﻳﺎﻛﻠﺐ ﺇﻧﺖ ﻭﻳﺎﻩ
ﺇﻟﺘﻔﺘﺖ ﺳﺎﺭﺓ ﻭﻟﻘﺖ ﻗﻴﺼﺮ ﺇﺑﺘﺴﻤﺖ ﻭﻣﺸﺘﻠﻪ ﺑﺴﺮﻋﻪ
ﻗﻴﺼﺮ : ﻭﺻﻠﺖ ﻓﻲ ﺍﻟﻮﻗﺖ ﻭﻻ
ﺳﺎﺭﺓ ﺑﻔﺮﺡ : ﻋﻠﻰ ﺍﻟﻮﻗﺖ ﺑﺎﻟﺰﺑﻂ
ﻗﻴﺼﺮ : ﺃﺭﻛﺒﻲ ﻓﻲ ﺍﻟﺴﻴﺎﺭﺓ
ﻫﺰﺕ ﺭﺍﺳﻬﺎ ﻭﻣﺸﺖ
ﻓﺎﺩﻱ ﺑﺘﺤﺪﻱ : ﻳﻼ ﻭﻓﺮﺕ ﻋﻠﻴﻨﺎ ﺍﻟﺘﻌﺐ ﺑﻤﺎ ﺇﻧﻚ ﺟﻴﺖ ﺑﺮﺟﻠﻴﻚ
ﺇﺑﺘﺴﻢ ﻗﻴﺼﺮ ﻋﻠﻰ ﺟﻨﺐ
ﺷﺎﺩﻱ ﺑﺘﻬﺪﻳﺪ : ﺃﻗﺴﻢ ﺑﺎﻟﻠﻪ ﻟﻤﻨﻮﺭﻳﻚ ﺣﻨﺨﻠﻴﻚ ﺗﺘﺄﺳﻒ ﻭﺗﺘﺮﺟﻰ ﻓﻴﺎ ﺑﻴﺶ ﻧﺴﺎﺣﻤﻚ
ﺇﺳﻤﻊ ﺍﻟﻜﻠﻤﺘﻴﻦ ﻫﺬﻳﻦ ﻭﻭﻟﻌﺖ ﺍﻟﻨﺎﺭ ﻓﻴﻪ ﺍﻟﻘﻴﺼﺮ ﻣﺎﻳﺤﺒﺶ ﻛﻠﻤﺔ ﺁﺳﻒ ﻭﻻ ﺇﻥ ﻳﺘﺮﺟﻰ
ﺳﺤﺐ ﻣﺴﺪﺳﻪ ﻭﺑﺪﻭﻥ ﺗﻔﻜﻴﺮ ﺿﺮﺏ ﺷﺎﺩﻱ ﻓﻲ ﺭﺟﻠﻪ ﻭﻓﺎﺩﻱ ﻓﻲ ﻛﺘﻔﻪ ﻃﺎﺣﻮﺍ ﺍﻹﺛﻨﻴﻦ ﻭﻗﻌﺪﻭﺍ ﻳﺘﺄﻟﻤﻮﺍ
ﻗﺪﻡ ﺍﻟﻘﻴﺼﺮ ﻭﺣﻂ ﺭﺟﻠﻪ ﻓﻮﻕ ﺭﺍﺱ ﺷﺎﺩﻱ ﻭﺑﺤﺪﺓ : ﻣﺶ ﺍﻟﻘﻴﺼﺮ ﻳﻠﻲ ﻳﺘﺄﺳﻒ ﻭﻣﺶ ﺍﻟﻘﻴﺼﺮ ﻳﻠﻲ ﻳﺘﺮﺟﻰ ﻭﻳﻠﻲ ﺇﻏﻠﻂ ﺃﻧﻲ ﺣﻨﺤﺪﺩﻟﻪ ﻋﻘﺎﺑﻪ
ﻭﺻﻠﻮﺍ ﺷﻮﻳﺔ ﻋﻨﺎﺻﺮ ﻣﻦ ﺍﻟﺸﺮﻃﺔ ﻭﻭﻗﻔﻮﺍ ﻗﺪﺍﻡ ﻗﻴﺼﺮ
ﻗﻴﺼﺮ : ﺃﺭﻓﻌﻮﻫﻢ ﻟﻠﻤﺴﺘﺸﻔﻰ ﻭﺩﻓﻮﻫﻢ ﻓﻲ ﺍﻟﺤﺒﺲ ﻣﻊ ﺍﻟﻜﻠﺐ ﺍﻟﻜﺒﻴﺮ
ﺷﺎﺩﻱ ﺑﺄﻟﻢ ﻭﺷﺎﺩ ﺭﺟﻠﻪ : ﺃﻗﺴﻢ ﺑﺎﻟﻠﻪ ﻟﻤﺎ ﺗﻨﺪﻡ ﻛﻠﻬﺎ ﻛﻢ ﻳﻮﻡ ﻭﻣﻮﻟﻴﻠﻚ
ﻗﻴﺼﺮ : ﺃﺭﻓﻌﻮﻩ ﻣﻦ ﻭﺟﻬﻲ ﺧﻴﺮ ﻣﻦ ﺇﻧﻔﻀﻲ ﺍﻟﻤﺨﺰﻥ ﻓﻲ ﺭﺍﺳﻪ
ﺍﻟﺸﺮﻃﻲ : ﺣﺎﺿﺮ
ﺭﻛﺐ ﻗﻴﺼﺮ ﺳﻴﺎﺭﺗﻪ ﻭﺷﺒﺢ ﺳﺎﺭﺓ ﺗﺒﻜﻲ ﻭﺗﺮﻋﺶ
ﻗﻴﺼﺮ ﺑﺈﺑﺘﺴﺎﻣﺔ : ﻣﺎﺗﺨﺎﻓﻴﺶ ﺣﻄﻴﺘﻬﻢ ﻓﻲ ﺍﻟﺤﺒﺲ
ﺳﺎﺭﺓ ﺑﺪﻣﻮﻉ : ﻛﺎﻥ ﻣﺎﺟﻴﺘﺶ ﺭﺍﻫﻮ ﺍﺍ
ﻗﻴﺼﺮ : ﻫﺬﺍ ﻭﺍﺟﺒﻲ ﻛﺄﺥ ﻗﺒﻞ ﺍﻟﻀﺎﺑﻂ ﻓﻬﻤﺘﻲ ﻭﻛﺎﻥ ﻣﺎﺣﻤﻴﺘﺶ ﻋﻴﻠﺘﻲ ﻣﻦ ﺑﻴﺤﻤﻴﻬﺎ
ﺳﺎﺭﺓ : ﺃﻧﺖ ﺗﻬﺘﻢ ﺑﻴﻨﺎ ﺃﻛﺜﺮ ﺣﺘﻰ ﻣﻦ ﺑﻮﻱ ﺭﺑﻲ ﻳﺨﻠﻴﻚ ﻟﻴﻨﺎ
ﻗﻴﺼﺮ : ﺇﺣﻢ ﺍﻟﻤﻬﻢ ﺻﺎﺣﺒﺘﻚ ﻳﻠﻲ ﻣﻌﺎﻙ
ﺳﺎﺭﺓ : ﻭﺍﺍﺍﺍﺍﺍﺍﻙ ﻋﻠﻴﺎ ﻫﺬﻱ ﺧﺎﻣﺲ ﺑﻨﺖ ﻓﻲ ﺍﻹﺳﺒﻮﻉ ﻫﺬﺍ ﺃﺭﺣﻢ ﺑﻨﺎﺕ ﺍﻟﻨﺎﺱ ﺣﺮﺍﻡ ﻋﻠﻴﻚ
ﻗﻴﺼﺮ ﺑﻐﺮﻭﺭ : ﺃﻧﻲ ﻧﻜﺮﻩ ﻳﻠﻲ ﻳﺪﻳﺮ ﻓﻲ ﺭﻭﺣﻪ ﺑﻴﺘﺤﺪﺍﻧﻲ ﻭﻫﻮ ﻣﺶ ﻗﺎﺩﺭ ﻭﺻﺎﺣﺒﺘﻚ ﻫﺬﻱ ﻣﻦ ﺍﻟﻨﻮﻉ ﻳﻠﻲ ﺇﺗﺪﻳﺮ ﻓﻲ ﺍﻟﻄﺮﻭﺡ ﻓﻼﺯﻡ ﺇﻧﺮﺑﻴﻬﺎ ﻛﺎﻥ ﺃﻫﻠﻬﺎ ﻣﺎﺭﺑﻮﻫﺎﺵ
ﺭﻥ ﺭﻥ ﺭﻥ
ﺳﺎﺭﺓ : ﺃﻫﻲ ﺗﺘﺼﻞ ﺃﺳﻜﺖ ﺇﻧﺖ ﻭﺩﻭﺗﻚ ﺍﻟﻔﺎﺿﻴﺔ
ﻗﻴﺼﺮ : ﻏﻴﺮ ﺃﻓﺘﺤﻲ ﺍﻟﻤﺎﻳﻚ ﻭﺭﺍﺱ ﺃﻣﻚ
ﻓﺘﺤﺖ ﺳﺎﺭﺓ ﺍﻟﻤﺎﻳﻚ : ﺃﻟﻮ
ﺯﻳﻨﺔ : ﺃﻫﻠﻴﻦ ﺳﺎﺭﺓ
ﺳﺎﺭﺓ : ﺃﻫﻠﻴﻦ
ﺯﻳﻨﺔ : ﻣﻨﻘﻮﻟﻚ
ﺳﺎﺭﺓ : ﻗﻮﻟﻲ
ﺷﺒﺢ ﻗﻴﺼﺮ ﻋﻠﻰ ﺟﻨﺐ ﻭﺇﺑﺘﺴﻢ ﺑﺨﺒﺚ
ﺯﻳﻨﺔ : ﻗﺎﻋﺪﺓ ﻓﻲ ﺍﻟﺤﻮﺵ ﺍﻟﻴﻮﻡ
ﺳﺎﺭﺓ : ﺇﻳﻪ
ﻗﻴﺼﺮ ﺑﻬﻤﺲ : ﻗﻮﻟﻴﻠﻬﺎ ﻗﻴﺼﺮ ﻣﺴﺎﻓﺮ
ﺳﺎﺭﺓ ﺑﻬﻤﺲ : ﺷﻦ ﺗﺨﺮﻑ
ﻗﻴﺼﺮ : ﻗﻮﻟﻲ ﻭﻻ ﺇﻧﻔﺮﻍ ﺍﻟﻤﺴﺪﺱ ﻓﻲ ﺟﺒﻬﺘﻚ
ﺯﻳﻨﺔ : ﺃﻟﻮﻭﻭﻭﻭ
ﺳﺎﺭﺓ : ﺇﻳﻪ ﻭﺇﺣﺴﻦ ﺣﺎﺟﺔ ﻣﺎﻓﻴﺶ ﺣﺪ ﻓﻲ ﺍﻟﺤﻮﺵ
ﺯﻳﻨﺔ : ﺣﺘﻰ ﻭﺍﺣﺪ
ﺳﺎﺭﺓ : ﺍﻳﻪ
ﺯﻳﻨﺔ : ﺣﺘﻰ ﻗﻴﺼﺮ
ﺳﺎﺭﺓ : ﺣﺘﻰ ﻫﻮ ﺷﻦ ﻋﻠﻰ ﺭﺍﺳﻪ ﺭﻳﺸﺔ
ﺇﺿﺤﻚ ﻗﻴﺼﺮ ﻭﺭﻓﻊ ﺣﺎﺟﺐ
ﺯﻳﻨﺔ : ﺗﻤﺎﻡ ﺣﺒﻴﺒﺘﻲ ﺇﻧﺴﻴﺖ ﻋﻨﺪﻱ ﺍﻟﻴﻮﻡ ﻃﻠﻌﺔ ﻣﺶ ﺣﻨﺠﻴﻚ
ﺳﺎﺭﺓ : ﻟﻴﺶ
ﺯﻳﻨﺔ : ﺧﻠﻴﻬﺎ ﻣﺮﺓ ﺗﺎﻧﻴﺔ
- ﻳﻼ ﺳﻼﻣﺎﺕ
ﻃﻮﻁ ﻃﻮﻁ ﻃﻮﻁ
ﺳﺎﺭﺓ ﺑﺈﺳﺘﻐﺮﺍﺏ : ﺧﻴﺮﻫﺎ ﻫﺬﻱ
ﻗﻴﺼﺮ : ﻣﺶ ﻗﻠﺘﻠﻚ ﺇﺗﺪﻳﺮ ﻓﻲ ﺭﻭﺣﻬﺎ ﻣﺶ ﻣﻌﺪﻟﻪ ﻛﻞ ﺍﻟﻔﺮﺧﺎﺕ ﻫﻜﻲ ﺯﻱ ﺑﻌﻀﻬﻦ
ﺳﺎﺭﺓ : ﻋﻴﻴﻨﻚ ﻣﺶ ﻛﻠﻬﻦ
ﻗﻴﺼﺮ : ﻭﺍﻟﻠﻪ ﻛﻠﻬﻦ ﻓﻲ ﺍﻷﻭﻝ ﻳﺪﻳﺮﻥ ﻓﻲ ﺭﻭﺍﺣﻬﻦ ﻣﺶ ﻣﻌﺪﻻﺕ ﻭﻫﻦ ﺃﺻﻼ ﻣﻦ ﺩﺍﺧﻞ ﺑﻴﻨﺤﺮﻗﻦ ﺣﺮﻕ ﻋﻠﻰ ﺧﺎﻃﺮ ﻛﻠﻤﺔ ﻭﺣﺪﺓ ﻣﻨﻲ ﺑﺲ
ﺳﺎﺭﺓ : ﺧﻒ ﻋﻠﻴﻨﺎ ﻳﺎﻃﻴﺎﺭ ﻭﻳﻦ ﻣﺘﺒﺎﻋﺪ ﻓﻲ ﻓﻀﺎﺀ ﺭﺑﻲ
ﻗﻴﺼﺮ ﺑﻐﺮﻭﺭ : ﻣﺶ ﻏﺮﻭﺭ ﻫﺬﺍ ﻭﺍﻗﻌﻜﻦ ﻳﺎ ﺃﻧﺎﺛﻲ
ﺳﺎﺭﺓ : ﺗﻮ ﻣﺎﻓﻴﺶ ﻭﺣﺪﺓ ﺧﻄﻔﺖ ﻗﻠﺒﻚ ﻭﺗﺮﻛﻴﺰﻙ ﻟﺮﺑﻊ ﺳﺎﻋﺔ ﻋﻠﻰ ﺍﻟﻜﺪﺏ
ﻗﻴﺼﺮ ﺑﺴﺨﺮﻳﺔ : ﻓﻲ
ﺳﺎﺭﺓ ﺑﻠﻬﻔﺔ : ﻣﻦ ﺑﺎﻟﻠﻪ
ﻃﻠﻊ ﺭﺻﺎﺻﺔ ﻣﻦ ﺟﻴﺒﻪ : ﺃﻫﻴّﺎ ﺭﻳﺘﻴﻬﺎ 😂😂
ﺳﺎﺭﺓ : ﺗﺎﻓﻪ ﻧﺴﺤﺎﺑﻚ ﺟﺪ ﺣﻮﻟﻬﺎ ﻣﻦ ﻭﺟﻬﻲ
ﻗﻴﺼﺮ : ﻫﺬﻱ ﻣﺶ ﺗﺨﻄﻒ ﻓﻲ ﺍﻟﺘﺮﻛﻴﺰ ﺑﺲ ﺃﺗﺨﺶ ﻓﻲ ﻧﺺ ﺍﻟﻘﻠﺐ ﻭﺗﻔﺘﺮﺷﻪ ﺗﻔﺘﺮﻳﺶ ﻭﺗﺨﻄﻒ ﻓﻲ ﺍﻟﺮﻭﺡ ﻓﻬﻤﺘﻲ 😉😁
ﺳﺎﺭﺓ ﺑﻤﺴﺎﻳﺮﺓ : ﻫﺎﻫﺎﻩ
ﻗﻴﺼﺮ : ﺷﻦ ﻫﺎﻟﻜﻼﻡ ﺍﻟﻔﺎﺿﻲ ﺗﺨﻄﻒ ﻗﻠﺒﻲ ﻣﺶ ﻋﺎﺭﻑ ﺷﻨﻮ
ﺳﺎﺭﺓ : ﺗﻮ ﺇﺗﺸﻮﻑ ﺣﺘﺠﻲ ﺑﻨﺖ ﻭﺣﺘﻘﻠﺐ ﺣﻴﺎﺗﻚ ﻓﻮﻗﻲ ﻟﻮﻃﻲ ﻭﺗﻐﻴﺮﻙ 180 ﺩﺭﺟﺔ ﻭﺣﺘﺨﻠﻴﻚ ﺗﺠﺮﻱ ﻭﺭﺍﻫﺎ ﻛﻴﻒ ﻣﺎﻳﺠﺮﻥ ﺍﻟﺒﻨﺎﻭﻳﺖ ﻓﻲ ﺟﺮﺗﻚ ﺗﻮﺍ
ﻗﻴﺼﺮ : ﺧﺮﻓﻴﻴﻲ
ﺳﺎﺭﺓ : ﺣﺘﺸﻮﻑ ﻳﺎﺣﻀﺮﺓ ﺍﻟﻀﺎﺑﻂ ﻗﻴﺼﺮ 🤨
ﻗﻴﺼﺮ : ﺑﺘﺴﻜﺘﻲ ﻭﻻ ﺇﻧﻔﺠﺮ ﺩﻣﺎﻏﻚ ﻳﻠﻲ ﻛﺒﺮﻩ ﻛﺒﺮ ﺣﺒﺔ ﺍﻟﺰﺑﻴﺐ 😂
.
.
.
ﺍﻟﻤﻤﺮﺿﺔ : ﻣﺴﺘﺤﻴﻴﻴﻞ ﻣﺎﻧﻘﺒﻠﻮﺵ ﻓﻲ ﺣﺎﻻﺕ ﻫﻜﻲ ﺇﻣﺸﻮﺍ ﻟﻠﻤﺼﺤﺔ
ﺍﻟﺮﺍﺟﻞ : ﺑﺎﻟﻠﻪ ﻋﻠﻴﻚ ﻳﺎﺃﺧﺘﻲ ﻟﻮ ﺗﻌﻄﻠﺖ ﺷﻮﻱ ﻭﻟﺪﻱ ﺑﻴﻤﻮﺕ
ﺍﻟﻤﻤﺮﺿﺔ : ﻗﻠﺖ Noooo
ﺍﻟﻤﻤﺮﺿﺔ :2 ﺃﻃﻠﻊ ﻣﺎ ﺇﺿﻴﻌﺶ ﻭﻗﺘﻨﺎ ﻭﻻ ﻭﻗﺘﻚ ﺧﻮﺩ ﻭﻟﺪﻙ ﻭﺇﻣﺸﻲ
ﻭﺇﻟﺘﻔﺘﻦ ﻭﻣﺸﻦ
ﻧﺼﻴﺐ : ﺧﻴﺮﻛﻦ ﻟﻴﺶ ﻟﺰﻳﺘﻦ ﺍﻟﺮﺍﺟﻞ
ﺍﻟﻤﻤﺮﺿﺔ :1 ﻳﻌﻌﻊ ﺃﻧﻲ ﺇﻧﻤﺲ ﺭﺍﺱ ﻣﻔﺘﻮﺡ ﻳﻌﻌﻊ
ﺍﻟﻤﻤﺮﺿﺔ :2 ﺇﻳﻪ ﻭﺯﻳﺎﺩﺓ ﻣﻠﻴﺎﻥ ﺩﻡ ﻭﻭﻭﻙ ﻋﻠﻴﺎ
ﻧﺼﻴﺐ : ﻣﺶ ﺇﻧﺖ ﻳﻠﻲ ﺑﺘﺨﻴﻄﻲ ﺍﻟﺠﺮﺡ ﻓﻲ ﺩﻛﺘﻮﺭ
ﺍﻟﻤﻤﺮﺿﺔ : ﻭﻣﻦ ﺑﻴﻨﻈﻒ ﻣﻊ ﺍﻟﺪﻛﺘﻮﺭ ﻳﺎﺣﻠﻮﺓ
ﻧﺼﻴﺐ : ﻏﻠﻂ ﻫﻜﻲ ﺣﻮﻟﻲ ﺇﻧﺖ ﻭﻳﺎﻫﺎ ﺗﻮ ﺃﻧﻲ ﺇﻧﻈﻒ ﺍﻟﺠﺮﺡ ﻣﻊ ﺍﻟﺪﻛﺘﻮﺭ
ﺷﻮﻱ ﻭﺧﺸﺖ ﺳﺮﺍﺏ ﺑﻄﻠﺔ ﺍﻟﺮﻭﺍﻳﺔ
ﻧﺼﻴﺐ ﺍﺑﺘﺴﻤﺖ : ﺃﻫﻲ ﺳﺮﺍﺏ ﺟﺖ ﺗﻮ ﺗﻮﺭﻳﻜﻦ
ﺍﻟﻤﻤﺮﺿﺎﺕ ﻗﻌﺪﻥ ﻳﺸﺒﺤﻦ ﻓﻲ ﺳﺮﺍﺏ ﻭﺧﺎﻳﻔﺎﺕ ﻣﻨﻬﺎ
ﺳﺮﺍﺏ ﺷﺒﺤﺖ ﺍﻟﺮﺍﺟﻞ ﻭﻣﻌﺎﻩ ﻭﻟﺪﻩ ﻳﻠﻲ ﻣﻌﺒﻲ ﺩﻡ
ﺳﺮﺍﺏ : ﺻﺒﺎﺡ ﺍﻟﺨﻴﺮ ﻳﺎﺧﻮﻱ
ﺍﻟﺮﺍﺟﻞ : ﺃﻫﻠﻴﻦ
ﺳﺮﺍﺏ : ﻭﻳﻦ ﻣﺎﺷﻲ ﺑﻮﻟﺪﻙ
ﺍﻟﺮﺍﺟﻞ : ﻣﻨﺪﻭﺭ ﻣﺴﺘﺸﻔﻰ ﺛﺎﻧﻲ ﻷﻥ ﻫﻨﺎ
ﺳﺮﺍﺏ : ﻗﺎﻟﻮﻟﻚ ﻻ ﺻﺢ
ﺍﻟﺮﺍﺟﻞ : ﺍﻳﻪ
ﺳﺮﺍﺏ ﺷﺒﺤﺖ ﻓﻲ ﺍﻟﻤﻤﺮﺿﺎﺕ ﺑﻐﻀﺐ : ﺗﻌﺎﻟﻰ ﻣﻌﺎﻱ
ﺍﻟﺮﺍﺟﻞ : ﻭﻳﻦ
ﺳﺮﺍﺏ : ﻟﻮ ﻗﻌﺪﺕ ﺇﺗﻠﻒ ﺑﻮﻟﺪﻙ ﻫﻜﻲ ﺑﻴﻦ ﺍﻟﻤﺼﺤﺎﺕ ﻭﺍﻟﻤﺴﺘﺸﻔﻴﺎﺕ ﻣﺮﺍﺕ ﻳﺼﻴﺮﻟﻪ ﻧﺰﻳﻒ ﺩﺍﺧﻠﻲ ﻭﻳﺘﺠﺮﺗﻢ ﺍﻟﺠﺮﺡ ﺗﻌﺎﻟﻰ
ﺇﺑﺘﺴﻢ ﺍﻟﺮﺍﺟﻞ ﻭﺗﺒﻊ ﺳﺮﺍﺏ
ﻧﺼﻴﺐ : ﺻﺒﺎﺡ ﺍﻟﺨﻴﺮ
ﺳﺮﺍﺏ : ﺻﺒﺎﺡ ﺍﻟﻨﻮﺭ
ﻧﺼﻴﺐ : ﻫﺬﻳﻦ ﺍﻟﻜﻠﺒﺎﺕ ﻫﻦ ﻳﻠﻲ ﻟﺰﻥ ﺍﻟﺮﺍﺟﻞ
ﺳﺮﺍﺏ : ﻋﺎﺭﻓﺘﻬﻦ ﺣﺴﺎﺑﻬﻦ ﺑﻌﺪﻳﻦ ﺍﻟﻤﻬﻢ ﺇﻧﺖ ﺇﺗﺼﻠﻲ ﺑﺎﻟﺪﻛﺘﻮﺭ ﺃﻳﻤﻦ ﻳﺠﻲ
ﻧﺼﻴﺐ : ﺣﺎﺿﺮ
ﺳﺮﺍﺏ : ﺣﻂ ﻭﻟﺪﻙ ﻫﻨﺎ
ﺣﻂ ﺍﻟﺮﺍﺟﻞ ﻭﻟﺪﻩ ﻭﻫﻮ ﺧﺎﻳﻒ ﻭﻳﺒﻜﻲ
ﺳﺮﺍﺏ : ﻣﺎﺗﺨﺎﻓﺶ ﻋﻠﻴﻪ
ﺷﻮﻱ ﻭﺧﺶ ﺍﻟﺪﻛﺘﻮﺭ ﺃﻳﻤﻦ
ﺃﻳﻤﻦ : ﻭﺗﻴﺘﻲ ﻛﻞ ﺷﻲ
ﺳﺮﺍﺏ : ﺧﻴﻂ ﺑﺲ
ﺇﺑﺘﺴﻢ ﺃﻳﻤﻦ ﻭﺷﺒﺢ ﻓﻲ ﺍﻟﻮﻟﺪ
ﺑﺪﺕ ﻳﺮﺍﺏ ﺇﺗﻨﻈﻒ ﻓﻲ ﺍﻟﺠﺮﺡ
ﺍﻟﻮﻟﺪ ﻗﻌﺪ ﻳﻌﻴﻂ ﻣﻦ ﺍﻟﻮﺟﻊ
ﺃﻳﻤﻦ : ﻻ ﻻ ﻳﺎﺑﻄﻞ ﻣﺎﺗﺒﻜﻴﺶ
ﻭﻗﻌﺪ ﻳﻬﺪﺭﺯ ﻣﻌﺎﻩ ﻭﻳﻠﻬﻲ ﻓﻴﻪ
ﺳﺮﺍﺏ : ﻛﻤﻠﺖ ﺗﻔﻀﻞ ﺩﻛﺘﻮﺭ
ﺑﺪﻱ ﺍﻟﺪﻛﺘﻮﺭ ﺃﻳﻤﻦ ﻳﺨﻴﻂ ﻓﻲ ﺭﺍﺱ ﺍﻟﻮﻟﺪ ﻭﺳﺮﺍﺏ ﺇﺗﻠﻌﺐ ﻭﺇﺿﺤﻚ ﻓﻲ ﺍﻟﻮﻟﺪ ﻧﻴﻦ ﻛﻤﻞ ﺧﻴﺎﻃﺔ ﻭﺭﺑﻄﻮﺍ ﺷﺎﺵ ﻋﻠﻰ ﺭﺍﺱ ﺍﻟﻮﻟﺪ ﻭﻃﻠﻌﻮﺍ
ﺳﺮﺍﺏ : ﺗﻘﺪﺭ ﺇﺗﺨﺶ ﺇﺗﺸﻮﻑ ﻭﻟﺪﻙ
ﺍﻟﺮﺍﺟﻞ : ﺷﻜﺮﺍ ﻳﺎ ﺃﺧﺘﻲ ﺷﻜﺮﺍ
ﺳﺮﺍﺏ : ﺍﻟﻌﻔﻮ
ﺍﻟﺪﻛﺘﻮﺭ ﺃﻳﻤﻦ : ﻫﺬﻱ ﺍﻟﻮﺻﻔﺔ ﻣﺘﺎﻉ ﺍﻷﺩﻭﻳﺔ
ﺳﺮﺍﺏ : ﻧﺴﺘﺄﺫﻥ ﺩﻛﺘﻮﺭ ﻋﻨﺪﻱ ﺣﺎﻟﺘﻴﻦ ﻣﺴﺘﻌﺼﻴﺎﺕ ﺿﺮﻭﺭﻱ ﺇﻧﺮﺑﻴﻬﻦ ﺍﺍ ﻗﺼﺪﻱ ﺇﻧﻌﺎﻟﺠﻬﻦ
ﺿﺤﻚ ﺃﻳﻤﻦ : ﻫﻪ ﺑﺮﻱ
ﻧﺼﻴﺐ : ﺳﻠﻮﻯ ﻣﺮﻳﻢ ﺗﺒﻴﻜﻦ ﺍﻟﻤﺪﻳﺮﺓ ﻓﻲ ﺍﻟﻤﻜﺘﺐ
ﺷﺒﺤﻦ ﻓﻲ ﺑﻌﻀﻬﻦ ﺑﺨﻮﻑ ﻭﻣﺸﻦ
ﺍﻟﻤﺪﻳﺮﺓ : ﺃﺩﺧﻞ
ﺧﺸﺖ ﻣﺮﻳﻢ ﻭﺳﻠﻮﻯ ﻭﻟﻘﻦ ﺳﺮﺍﺏ ﻣﻊ ﺍﻟﻤﺪﻳﺮﺓ
ﺍﻟﻤﺪﻳﺮﺓ ﻭﻗﻔﺖ : ﺷﻦ ﻳﻠﻲ ﺇﺳﻤﻌﺘﻪ ﻣﻦ ﺃﻣﺘﻰ ﺇﻧﻌﺎﻣﻠﻮﺍ ﻓﻲ ﺍﻟﻤﺮﺿﻰ ﻫﻜﻲ
ﻣﺮﻳﻢ : ﺍﻟﻘﺼﺔ ﻣﺶ ﻗﺼﺔ ﻣﻌﺎﻣﻠﺔ
ﺳﺮﺍﺏ ﺑﺤﺪﺓ : ﺇﻳﻪ ﺍﻟﻘﺼﺔ ﻫﻜﻲ ﻭﺃﻛﺒﺮ ﻣﻦ ﻫﻜﻲ ﺇﻧﺘﻦ ﻣﺎﺩﺭﺗﻦ ﺣﺴﺎﺏ ﺣﺘﻰ ﻟﻠﻮﻟﺪ ﻳﻠﻲ ﺩﻣﻪ ﻣﻌﺒﻲ ﺭﺍﺳﻪ
- ﻳﺎﻣﺪﻳﺮﺓ ﻟﻴﺶ ﺇﻧﻔﺘﺤﺖ ﺍﻟﻤﺴﺘﺸﻔﻰ ﺃﺻﻼ ﻛﺎﻥ ﻛﻞ ﻭﺍﺣﺪ ﺑﻲ ﻟﺰ ﻳﻠﻲ ﻳﺒﻴﻪ ﻭﻳﻦ ﺿﻤﻴﺮﻛﻦ ﺇﻧﺘﻦ ..
ﻳﺎﺭﻳﺘﻬﺎ ﻓﻲ ﻭﺍﺣﺪ ﻣﻦ ﺃﻗﺎﺭﺑﻜﻦ ﺗﻮ ﻧﺸﺒﺤﻜﻦ ﻛﻴﻒ ﺇﺗﺪﻳﺮﻥ
ﺳﻠﻮﻯ : ﻟﻜﻦ
ﺳﺮﺍﺏ : ﻟﻜﻦ ﺇﻧﺘﻦ ﻣﺎﺗﺒﻨﺶ ﺃﺗﻤﺴﻦ ﺍﻟﺪﻡ ﻷﻧﻜﻦ ﻧﻈﻔﺎﺕ ﻭﻋﻴﻔﺎﺕ ﻭﻻﺧﺎﻳﻔﺎﺕ ﻋﻠﻰ ﻳﺪﻳﻜﻦ ﺍﻟﻨﺎﻋﻤﺎﺕ ﻭﻻ ﺩﺑﺸﻜﻦ ﺍﻟﻐﺎﻟﻲ ﻋﺎﺩﻱ ﺟﺪﺍ ﻗﺪﻣﻲ ﺇﺳﺘﻘﺎﺗﻠﻚ ﻭﻓﻲ ﺃﻟﻒ ﻭﺣﺪﺓ ﺗﺘﻤﻨﻰ ﻣﻜﺎﻧﻚ
ﻣﺮﻳﻢ : ﻭﺇﻧﺖ ﻣﻦ ﺗﻜﻮﻧﻲ ﻟﺘﻘﻮﻟﻴﻠﻨﺎ ﻗﺪﻣﻦ ﺇﺳﺘﻘﺎﻟﺔ
ﺳﺮﺍﺏ ﻗﺪﻣﺖ ﻭﺣﻄﺖ ﻋﻴﻮﻧﻬﺎ ﻓﻲ ﻋﻴﻮﻥ ﻣﺮﻳﻢ ﻭﺑﺘﺤﺪﻱ : ﻣﺶ ﺿﺮﻭﺭﻱ ﻣﻦ ﺇﻧﻜﻮﻥ ﻟﻨﻘﻮﻟﻚ ﻛﻴﻒ ﺇﺗﻜﻮﻧﻲ ﻷﻧﻲ ﺇﻧﺴﺎﻧﺔ ﻋﺎﺩﻳﺔ ﺟﺪﺍ ﺯﻳﻲ ﺯﻳﻚ ﻣﺎﻓﻴﺶ ﻓﺮﻕ ﺑﻴﻨﻨﺎ
ﺳﻠﻮﻯ : ﻻ ﻓﻲ ﻓﺮﻕ
ﺳﺮﺍﺏ : ﺷﻦ ﺍﻟﻔﺮﻕ ﻳﻠﻲ ﺑﻴﻨﻲ ﻭﺑﻴﻨﻚ ﺗﻘﺼﺪﻱ ﺍﻟﻔﻠﻮﺱ ﻫﻬﻬﻪ ﺍﻟﻔﻠﻮﺱ ﻋﻤﺮﻫﺎ ﻣﺎﺗﺸﻜﻞ ﻓﺮﻕ ﺑﻴﻦ ﺍﻟﻨﺎﺱ ﺍﻟﻔﻠﻮﺱ ﺑﺲ ﻭﺳﻴﻠﺔ ﻟﺘﺨﻠﻲ ﻳﻠﻲ ﺯﻳﻚ ﻳﻮﺻﻠﻮﺍ ﻟﻤﺴﺘﻮﻯ ﻣﺎﻳﺸﻮﻓﻮﺍ ﻭﻟﺪ ﺻﻐﻴﺮ ﻭﺃﺏ ﻳﺘﺠﺪﻯ ﻭﻳﺒﻜﻲ
ﻭﺑﻌﺪﻳﻦ ﻟﻤﺎ ﺇﻧﺖ ﻏﻨﻴﺔ ﻟﻠﺪﺭﺟﺔ ﻫﺬﻱ ﺷﻦ ﺟﻴﺒﻚ ﻋﻠﻰ ﻣﺴﺘﺸﻔﻰ ﻭﺗﺸﺘﻐﻠﻲ ﻓﻴﻬﺎ ﺻﺢ ﺗﻜﻠﻤﻲ ﻟﻴﺶ ﺳﻜﺘﻲ
ﻣﺮﻳﻢ ﻭﺳﻠﻮﻯ ﺳﻜﺘﻦ
ﺳﺮﺍﺏ ﺑﺼﻮﺕ ﻋﺎﻟﻲ : ﻓﻠﻬﺬﺍ ﺗﻌﺎﻟﺠﻲ ﺃﻱ ﺣﺪ ﻳﺨﺶ ﻭﺇﻧﺖ ﻣﺴﻜﺮﺓ ﻓﻤﻚ ﻭﻏﺼﺐ ﻋﻨﻚ ﻓﻬﻤﺘﻲ
ﺍﻟﻤﺪﻳﺮﺓ : ﻭﺃﻧﻲ ﻣﻊ ﺳﺮﺍﺏ ﻫﺎﻟﻤﺮﺓ ﺣﻨﻤﺸﻴﻬﺎ ﺍﻟﻤﺮﺓ ﺍﻟﺠﺎﻳﺔ ﻓﺼﻞ ﻓﻬﻤﺘﻦ
ﻫﺰﻥ ﺭﺍﺳﻬﻦ ﺑﺈﺳﺘﻬﺰﺍﺏ ﻭﻃﻠﻌﻦ
ﻧﺼﻴﺐ : ﺧﻠﻬﻦ ﻳﺴﺘﺎﻫﻠﻦ
ﺍﻟﻤﺪﻳﺮﺓ : ﺳﺮﺍﺏ
ﺳﺮﺍﺏ : ﺇﻳﻪ
ﺍﻟﻤﺪﻳﺮﺓ : ﺃﻧﻲ ﻓﺮﺣﺎﻧﺔ ﻷﻥ ﻓﻲ ﻣﻤﺮﺿﺔ ﺣﻨﻮﻧﺔ ﻭﻃﻴﺒﺔ ﻓﻲ ﺍﻟﻤﺴﺘﺸﻔﻰ ﻋﻠﻰ ﺍﻷﻗﻞ ﺳﻤﻌﺔ ﺍﻟﻤﺴﺘﺸﻔﻰ ﻓﻲ ﺁﻣﺎﻥ
ﺇﺑﺘﺴﻤﺖ ﺳﺮﺍﺏ : ﻻ ﺗﺨﺎﻓﻲ ﻃﻮﻝ ﻣﺎ ﺃﻧﻲ ﻧﺨﺪﻡ ﻫﻨﺎ ﺗﺄﻛﺪﻱ ﺳﻤﻌﺘﻨﺎ ﻣﺼﻴﻮﻧﺔ ﻭﺣﻨﻈﻒ ﺍﻟﻤﺴﺘﺸﻔﻰ ﻣﻦ ﺃﺷﻜﺎﻝ ﺯﻱ ﻣﺮﻳﻢ ﻭﺳﻠﻮﻯ
ﺭﻥ ﺭﻥ ﺭﻥ
ﺳﺮﺍﺏ : ﻧﺴﺘﺄﺫﻥ
ﻃﻠﻌﺖ ﺳﺮﺍﺏ ﻭﺭﺩﺕ ﻋﻠﻰ ﺗﻠﻴﻔﻮﻧﻬﺎ : ﺃﻟﻮ
؟؟؟؟ : ﺷﻔﺘﻲ ﻛﻢ ﺭﺳﺎﻟﺔ ﻭﻛﻢ ﻣﻜﺎﻟﻤﺔ
ﻧﺘﺸﺖ ﺳﺮﺍﺏ ﻟﺴﺎﻧﺔ : ﺍﻭﻭﻭ ﺁﺳﻔﺔ
؟؟؟ : ﻣﻦ ﺣﻘﻲ ﻧﺤﻤﻖ ﻭﻻ
ﺳﺮﺍﺏ : ﻣﻦ ﺣﻘﻚ ﺗﺤﻤﻖ ﻭﻣﻦ ﺣﻘﻲ ﻧﺸﺮﺣﻠﻚ ﺷﻦ ﺻﺎﺭ
؟؟؟ : ﺍﻣﻤﻤﻢ
ﻭﺑﺪﺕ ﺳﺮﺍﺏ ﺗﺸﺮﺡ ﻟﺨﻄﻴﺒﻬﺎ .. ﺇﻳﻪ ﺧﻄﻴﺒﻬﺎ ﻟﻴﺶ ﻣﺴﺘﻐﺮﺑﻴﻦ 😘😉 ﻭﺑﺪﺕ ﺗﺸﺮﺣﻠﻪ ﻳﻠﻲ ﺻﺎﺭ
ﺳﺮﺍﺏ : ﻓﻬﻤﺖ ﺗﻮﺍ ﻟﻴﺶ ﻣﺎﺭﺩﻳﺖ ﻋﻠﻴﻚ ﻛﺎﻥ ﺿﺮﻭﺭﻱ ﺇﻧﺮﺑﻴﻬﻦ
ﻣﺤﻤﺪ : ﺍﻣﻤﻤﻢ ﻫﺬﺍ ﻣﺎﻳﻨﻔﻴﻜﺶ ﻣﻦ ﺍﻟﻌﻘﺎﺏ ﻳﺎﺳﺮﻭﺑﺔ
ﺳﺮﺍﺏ ﺿﺤﻜﺖ ﺑﺨﺠﻞ : ﻫﻬﻬﻪ ﺃﻱ ﻋﻘﺎﺏ ﻣﻨﻚ ﺣﻠﻮ ﺑﻌﺪ ﻣﺎ ﺇﺳﻤﻌﺘﻚ ﺇﺩﻟﻊ ﻓﻴﺎ
ﻣﺤﻤﺪ : ﺍﻭﻭﻭﻑ ﻗﻠﺒﻲ ﺑﻌﺪ ﻫﺎﻟﻀﺤﻜﺔ ﺍﻟﺤﻠﻮﺓ
- ﻋﻘﺎﺑﻚ ﻣﺶ ﺣﺘﺮﻗﺪﻱ ﻷﻧﻲ ﻧﺒﻲ ﺇﻧﻬﺪﺭﺯ ﻣﻌﺎﻙ ﻃﻮﻝ ﺍﻟﻠﻴﻞ
ﺳﺮﺍﺏ : ﻭﻱ ﻭﻱ ﻭﻱ ﺷﻦ ﺷﺮﻛﺔ ﺍﻹﺗﺼﺎﻻﺕ ﻋﻠﻰ ﺣﺴﺎﺑﻚ ﻭﺃﻧﻲ ﻣﺎﻧﻌﻠﻤﺶ
ﻣﺤﻤﺪ : ﺷﻦ ﺭﺍﻳﻚ ﺇﻧﺖ
ﺳﺮﺍﺏ : ﺇﻧﺖ ﻋﺎﺭﻑ ﺭﺍﻳﻲ
ﻣﺤﻤﺪ : ﻋﺎﺭﻓﻚ ﺗﻠﻘﻄﻲ ﻓﻴﻬﺎ ﻋﺎﻟﻄﺎﻳﺮ ﻳﻼ ﺑﺎﻱ ﺣﺒﻲ ﺧﻠﻴﻚ ﻋﻠﻰ ﺍﻟﻤﻮﻋﺪ ﻓﺎﻫﻤﺔ ﻭﺃﺷﺤﻨﻲ ﺗﻠﻴﻔﻮﻧﻚ ﻣﺰﺑﻮﻁ ﻭﺃﺷﺮﺑﻲ ﻗﻬﻮﺓ ﻣﺮﺓ ﻭﺛﻘﻴﻠﺔ 🐽
ﺳﺮﺍﺏ : ﺷﻦ ﻗﺎﻟﻮﻟﻚ ﺇﻧﺪﺧﻦ 🤨
ﻣﺤﻤﺪ 😂😂: ﻣﺶ ﻫﻜﻲ ﺑﻴﺶ ﺃﺗﺼﺤﺼﺤﻲ ﻣﻌﺎﻱ
ﺳﺮﺍﺏ : ﺇﻥ ﺷﺎﺀ ﺍﻟﻠﻪ
ﻣﺤﻤﺪ : ﺑﺎﻱ ﺇﻧﺤﺒﻚ
ﺳﺮﺍﺏ : ﺇﻧﺤﺒﻚ ﺑﺎﻱ
ﺳﻜﺮﺕ ﺍﻟﺘﻠﻴﻔﻮﻥ ﻭﻗﻌﺪﺕ ﺗﺒﺘﺴﻢ ﻓﻲ ﺍﻟﻔﺮﺍﻍ
ﻧﺼﻴﺐ : ﻻ ﺍﻟﺪﺍﻟﺔ ﻛﺜﺮ ﺍﻟﻤﺤﺎﻣﻲ ﺷﻦ ﻗﺎﻟﻚ ﺑﻴﺶ ﺧﻼﻙ ﺗﻮﺭﻱ ﺇﺳﻨﻮﻧﻚ ﻓﻲ ﺍﻟﻔﺮﺍﻍ 😂😂
ﺳﺮﺍﺏ ﺑﺘﻮﺗﺮ : ﺍﻩ ﺷﻦ ﺑﻴﻘﻮﻝ ﻋﺎﺩﻱ ﻭﺑﻌﺪﻳﻦ ﻟﻴﺶ ﻋﻨﺪﻙ ﻓﻮﺑﻴﺎ ﻣﻦ ﺍﻟﻤﺤﺎﻣﻴﻴﻦ
ﻧﺼﻴﺐ : ﻣﺶ ﻓﻮﺑﻴﺎ ﻟﻜﻦ ﻳﺎﺧﻮﻓﻲ ﺇﺗﻘﻮﻟﻴﻠﻪ ﻣﺎﻓﻴﺶ ﻃﻤﺎﻃﻢ ﻳﻘﻮﻟﻚ ﻭﻳﻦ ﺍﻟﺪﻟﻴﻞ ﻭﻳﻘﻠﺒﻠﻚ ﺍﻟﻤﻄﺒﺦ ﻣﺤﻜﻤﺔ ﻫﻬﻬﻬﻪ 😂😂😂
ﺧﺒﻄﺘﻬﺎ ﻋﻠﻰ ﻳﺪﻫﺎ : ﺧﺰﻱ ﻓﺎﺿﻴﺔ ﻳﻠﻲ ﻳﺤﻜﻲ ﻣﻌﺎﻙ ﻳﺎﻛﻠﺒﺔ
ﺳﺮﺣﺖ ﻧﺼﻴﺐ ﻭﺑﺤﺰﻥ : ﻋﻠﻰ ﺍﻷﻗﻞ ﺃﻫﻠﻚ ﻣﺎﻏﺼﺒﻮﻛﺶ ﻋﻠﻴﻪ ﻭﺧﺪﻳﺘﻲ ﻳﻠﻲ ﺇﺗﺤﺒﻴﻪ
ﺳﺮﺍﺏ ﻛﺸﺮﺕ ﻭﺣﺴﺖ ﺻﺎﺣﺒﺘﻬﺎ ﻣﺶ ﻓﺮﺣﺎﻧﺔ : ﺷﻦ ﻓﻲ ﻧﺼﻴﺐ ﺇﺣﻜﻴﻠﻲ
ﺗﻨﻬﺪﺕ ﻧﺼﻴﺐ ﺑﺤﺰﻥ ﻭﺑﺪﻣﻮﻉ : ﻭﺍﻟﻠﻪ ﻗﺮﻳﺐ ﻣﻨﻨﻔﺠﺮ ﻳﺎﺳﺮﺍﺏ ﺇﻧﺤﺲ ﻓﻲ ﺭﻭﺣﻲ ﻣﺤﺒﻮﺳﺔ ﻭﻛﺎﻥ ﺇﻧﺤﺼﻞ ﺇﻧﻤﻮﺕ ﻭﻧﻔﺘﻚ ﻣﻦ ﻋﻤﺮﻱ
ﺳﺮﺍﺏ : ﻣﺎﺗﻘﻮﻟﻴﺶ ﻫﻜﻲ ﺷﻦ ﻓﻴﻚ ﺧﻮﻓﺘﻴﻨﻲ
ﻧﺼﻴﺐ : ﺳﺎﻋﺪﻳﻨﻲ ﻳﺎ ﺳﺮﺍﺏ ﺇﻗﻨﻌﻲ ﺑﻮﻱ ﻣﺎﻳﺰﻭﺟﻨﻴﺶ ﻟﻴﻪ
ﺳﺮﺍﺏ ﻣﺘﻠﺨﺒﻄﺔ : ﺯﻭﺍﺝ ﻏﺼﺐ ﻓﻬﻤﻴﻨﻲ ﺯﻳﻦ ﻧﺼﻴﺐ ﻣﻦ ﻳﻠﻲ ﺑﻴﺰﻭﺟﻮﻙ ﻟﻴﻪ ﺑﺎﻟﺴﻴﻒ ﻭﻟﻴﺶ
.
.
.
ﺃﻡ ﺳﺮﺍﺏ : ﺳﻔﻴﺎﻥ ﻳﺎﺳﻔﻴﺎﻥ
ﺳﻔﻴﺎﻥ ( ﺧﻮ ﺳﺮﺍﺏ ﺍﻟﻜﺒﻴﺮ ﻡ 1991 ) ﺧﺎﻃﺐ ﺃﺧﺖ ﻣﺤﻤﺪ ﺧﻄﻴﺐ ﺳﺮﺍﺏ
ﺳﻔﻴﺎﻥ : ﻧﻌﻢ
ﺃﻡ ﺳﺮﺍﺏ : ﺷﻮﻑ ﺍﻟﻐﺴﺎﻟﺔ ﻣﺶ ﻋﺎﺭﻓﺔ ﺧﻴﺮﻫﺎ
ﺳﻔﻴﺎﻥ : ﺑﺎﻫﻲ ﺑﺎﻩ
ﺳﻮﺳﻦ ﺑﺼﻮﺕ ﻋﺎﻟﻲ : ﺗﻲ ﺑﺮﻱ ﻳﺎﻗﺮﺩﺓ ﺇﻣﺸﻲ ﺧﺰﻱ ﻭﻫﻲ ﺇﺗﻘﻮﻝ ﻃﺎﻳﺤﺔ ﻣﻦ ﻛﺘﺎﺏ ﺗﺎﺭﻳﺦ ﺷﻮﻓﻲ ﺭﻭﺣﻚ ﻗﺒﻞ ﻟﺘﺄﺷﺮﻱ ﻋﻠﻴﺎ ( ﺳﻮﺳﻦ ﺃﺧﺖ ﺳﺮﺍﺏ ﻡ 1997 )
ﺇﺳﻤﻊ ﻃﺎﺭﻕ ( ﺧﻮ ﺳﺮﺍﺏ ﻡ 1992 ) ﺻﻮﺕ ﺳﻮﺳﻦ ﺍﻟﻌﺎﻟﻲ ﻭﻫﻮ ﻣﺮﻭﺡ ﻣﻦ ﺍﻟﻌﻤﻞ ﻭﺷﺪ ﺳﻮﺳﻦ ﻣﻦ ﺷﻌﺮﻫﺎ
ﺳﻮﺳﻦ : ﺍﺍﺍﻱ
ﻃﺎﺭﻕ : ﻟﺴﺎﻧﻚ ﻳﺒﻲ ﺍﻟﻘﻄﻊ ﺧﻴﺮ ﻓﻴﺘﻚ ﺇﺗﺼﻴﺤﻲ ﻗﺪﺍﻡ ﺍﻟﺠﻴﺮﺍﻥ
ﺳﻮﺳﻦ : ﻫﺎﻟﻜﻠﺒﺔ ﻣﻨﻰ ﺗﺒﻲ ﻃﺮﻳﺤﺔ
ﻃﺎﺭﻕ ﻃﻠﻖ ﺳﻮﺳﻦ : ﻣﻦ ﻣﻨﻰ 😍
ﺳﻮﺳﻦ : ﺟﺎﺭﺗﻨﺎ ﺍﻟﺠﺪﻳﺪﺓ ﺍﻝ ﺍﺍ ﻭﺇﻧﺖ ﺧﻴﺮ ﻋﻴﻮﻧﻚ ﻭﻟﻦ ﻗﻠﻮﺏ
ﻃﺎﺭﻕ ﻗﻌﺪ ﻳﻮﺍﺳﻲ ﻓﻲ ﺷﻌﺮ ﺳﻮﺳﻦ : ﻗﻠﺘﻲ ﺟﺎﺭﺗﻨﺎ
ﺳﻮﺳﻦ : ﺍﻣﻤﻢ ﺍﺍﺍﺍﺍ ﻭﺃﻧﻲ ﺇﻧﻘﻮﻝ 😑
ﻃﺎﺭﻕ : ﻛﻴﻒ ﺷﻜﻠﻬﺎ ﺑﺎﻟﻠﻪ 😍
ﺳﻮﺳﻦ : ﻗﺼﻴﺮ ﻭﺳﻤﻴﻨﺔ ﻭﺳﻮﺩﺓ 🤨
ﻃﺎﺭﻕ : ﺃﻋﻮﺫ ﺑﺎﻟﻠﻪ ﻣﻨﻚ ﻭﺇﻧﺖ ﻣﺎﻋﻤﺮﻙ ﻓﺘﺤﺘﻴﻬﺎ ﻓﻲ ﻭﺟﻬﻲ
ﺳﻮﺳﻦ : ﺇﻧﺖ ﺯﺍﺑﻂ ﺷﻜﺎﺭﺓ ﺍﻟﻔﺤﻢ؟؟ﻣﺎﺧﻠﺖ ﻣﻨﻬﺎ ﺣﺎﺟﺔ 😂😂
ﻃﺎﺭﻕ : ﺩﺭﻗﻲ ﻭﺟﻬﻚ ﺩﻳﺮﻳﻠﻲ ﻗﻬﻮﺓ 😤
- ﻭﻳﻦ ﺍﻟﻜﻮﻣﻨﺪﺍﻥ ﻣﺎﺭﻭﺣﺘﺶ
ﺳﻮﺳﻦ : ﻓﻲ ﺍﻟﻤﺴﺘﺸﻔﻰ ﻗﺎﻋﺪﺓ
ﺳﻔﻴﺎﻥ : ﻳﺎﺍﺍﺍ ﺟﺤﺶ ﺗﻌﺎﻝ
ﺳﻮﺳﻦ : ﻫﻬﻬﻬﻪ ﻣﺎﻳﻌﺮﻑ ﺩﻭﺍﻙ ﻛﺎﻥ ﺳﻔﻴﺎﻥ
ﻃﺎﺭﻕ ﺑﻐﻀﺐ : ﺇﻗﻠﺒﻲ ﻭﺟﻬﻚ ﻳﺎ ﺳﻮﺳﺔ ﻭﺩﻳﺮﻱ ﻗﻬﻮﺓ
ﻓﺎﺗﺖ ﺃﻡ ﺳﺮﺍﺏ
ﻃﺎﺭﻕ : ﻳﺎﻗﻤﺮﺓ ﻭﻳﻦ ﻣﺎﺷﻴﺔ ﻋﺪﻟﻲ ﻋﻠﻴﻨﺎ 😘
ﺃﻡ ﺳﺮﺍﺏ : ﺗﺤﺸﻢ ﻳﺎﻭﻟﺪ ﺍﻟﻌﻔﻮ 😑🤨
ﺳﻔﻴﺎﻥ ﺑﺼﻮﺕ ﻋﺎﻟﻲ : ﺗﻌﺎﺍﺍﻟﻰ ﺧﻴﺮ ﻣﺎﻳﺒﺪﻭﺍ ﻳﺼﻠﺤﻮﺍ ﻓﻲ ﻭﺟﻬﻚ ﺑﺪﻝ ﺍﻟﻐﺴﺎﻟﺔ
ﻃﺎﺭﻕ : ﺇﻧﺸﻚ ﺇﻧﻪ ﺧﻮﻱ ﻷﻥ ﻣﺴﺘﺤﻴﻞ ﻳﻜﻮﻥ ﺧﻮﻱ ﺃﻛﻴﺪﺓ ﺇﻣﺒﺪﻟﻴﻨﻪ ﻓﻲ ﺍﻟﺤﻀﺎﻧﺔ 😂
ﺃﻡ ﺳﺮﺍﺏ : ﺇﻣﺸﻲ ﺑﻼ ﺩﻭﺓ ﺯﺍﻳﺪﺓ ﻭﺃﺭﻓﻊ ﻣﻊ ﺧﻮﻙ ﺍﻟﻐﺴﺎﻟﺔ 🤨
ﻃﺎﺭﻕ : ﻭﺍﻟﻠﻪ ﻣﺎﺗﺤﺒﻮﻧﻲ ﺇﺗﻘﻮﻝ ﻭﻟﺪ ﺍﻟﻀﺮﺓ ﺃﻧﻲ
ﺳﻮﺳﻦ ﺑﺼﻮﺕ ﻋﺎﻟﻲ ﻣﻦ ﺍﻟﻤﻄﺒﺦ : ﻣﺶ ﻭﻟﺪ ﺍﻟﻀﺮﺓ ﻭﺇﻧﺖ ﺍﻟﺼﺎﺩﻕ ﻷﻧﻚ ﺩﻣﻚ ﺑﺼﺮﺍﺣﺔ ﺭﺻﺎﺻﺔ 😛
ﻃﺎﺭﻕ ﻭﻫﻮ ﻳﺮﻓﻊ ﻓﻲ ﺍﻟﻐﺴﺎﻟﺔ 😤
ﺳﻔﻴﺎﻥ : ﻋﻨﺪﻫﺎ ﺍﻟﺤﻖ ﺩﻣﻚ ﻗﻄﺮﺍﻥ 😑
ﻃﺎﺭﻕ : ﺇﻣﺸﻲ ﺭﺻﺎﺻﺔ ﻓﻲ ﻧﺺ ﺑﻄﻨﻚ ﻳﺎﺳﻮﺳﺔ
ﻭﺍﻟﻠﻪ ﺩﻣﻲ ﺷﺮﺑﺎﺕ ﻭﺷﺎﻫﻲ ﺑﺎﻟﻨﻌﻨﺎﻉ 😎
ﺳﻔﻴﺎﻥ : ﻟﻤﺎ ﺃﻣﻲ ﺣﺎﻣﻞ ﺑﻴﻚ 😒☹
ﻃﺎﺭﻕ : ﺇﻳﻪ ﺧﻴﺮﻫﺎ 🤔
ﺳﻔﻴﺎﻥ : ﻳﺎﺭﻳﺘﻬﺎ ﺯﻟﻘﺖ 😂
ﻃﺎﺭﻕ ﺣﻤﻖ : ﻫﻲ ﺩﻭﺭ ﻣﻦ ﻳﺮﻓﻊ ﻣﻌﺎﻙ ﺍﻟﺨﺮﺍ ﻫﺬﻱ 😤
ﺳﻔﻴﺎﻥ : ﻋﻠﻰ ﺃﺳﺎﺱ ﺷﺎﺩ ﺣﺎﺟﺔ ﺇﻧﺖ ﻭﺍﻟﻠﻪ ﺳﺮﺍﺏ ﺃﺭﺟﻞ ﻣﻨﻚ 🙃
ﻃﺎﺭﻕ : ﺇﻣﺎﻻ ﺭﺍﺟﻴﻬﺎ ﻧﻴﻦ ﺗﺠﻲ ﻳﺎﻋﻮﻳﺸﺔ 😙😉
ﺳﻔﻴﺎﻥ : ﺇﺣﻢ 😍
.
.
.
ﻳﺘﺒﻊ ...
#. ﺟﺰﺀ _ ﻣﻦ _ ﺍﻟﺤﻠﻘﺔ _ ﺍﻟﺠﺎﻳﺔ 😉
.
ﺳﺮﺍﺏ ﻓﻨﺼﺖ ﻓﻲ ﻃﺎﺭﻕ : ﺑﻌﻴﺪ ﺍﻟﺴﻮﺀ ﻋﻠﻴﻬﺎ ﻣﺎﺯﺍﻝ ﺗﻌﺎﻭﺩﻫﺎ ﻭﻻ ﻧﺠﻴﺐ ﺳﻴﺮﺓ ﺍﻟﻤﻮﺕ ﻣﺎﻳﺼﻴﺮ ﺧﻴﺮ ﻳﺎﻃﺎﺭﻕ
ﺍﻟﻜﻞ ﺳﻜﺘﻮﺍ ﻭﻃﺎﺭﻕ ﺇﺳﺘﻬﺰﺏ ..
.
.
ﺑﺴﺮﻋﺔ ﺃﻃﻠﻌﻮﺍ ﻣﻦ ﺍﻟﺤﻮﺵ ﻣﺴﺘﺤﻴﻞ ﺍﻟﻨﺎﺭ ﺗﻨﻄﻔﻲ 🔥
ﺃﺑﻮ ﺳﺮﺍﺏ : ﻃﻠﻌﺘﻮﺍ ﻛﻠﻜﻢ
.
.
ﺃﺑﻮ ﺳﺮﺍﺏ : ﻭﻳﻨﻚ ..
.
.
ﺃﺑﻮ ﺳﺮﺍﺏ : ﺑﺮﻱ ﻓﻮﺗﻲ ﻫﺎﻧﻲ ﻭﺭﺍﻙ
.
.
ﺳﺮﺍﺏ ﺑﺼﻮﺕ ﻋﺎﻟﻲ : ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ 😫😨😨😨
ﺷﺎﺩﻱ : ﻫﻬﻬﻬﻬﻬﻬﻬﻬﻪ ﻣﺎﺗﺤﺎﻭﻝ ﺇﺗﺪﻳﺮ ﺭﻭﺣﻚ ﻃﺒﻴﻌﻲ ﻷﻧﻚ ﺷﺮﻃﻲ ﻓﺎﺳﺪ ﺯﻱ ﻣﺎﻛﺎﻥ ﺧﻮﻙ ﺍﻟﻠﻪ ﻻ ﺗﺮﺣﻤﻪ ﻭﺑﻮﻙ ﺍﻟﻤﺸﻠﻮﻝ ﻭﺇﻧﺖ ﻧﻬﺎﻳﺘﻚ ﺃﺣﺮﻑ ﻣﻨﻬﻢ ..
.
.
ﺷﺎﺩﻱ : ﻋﺎﺭﻑ ﻓﻴﺘﻚ ﺷﺮﻃﻲ ﻓﺎﺳﺪ ﺗﺎﺧﺪ ﻓﻲ ﺍﻟﺮﺷﺎﻭﻱ ﻳﺎﻛﻠﺐ ﻭﺇﻣﺮﻣﻂ ﻋﻴﺸﺘﻨﺎ
.
.
ﻗﻴﺼﺮ : ﻣﻦ ﺍﻟﻔﺎﺳﺪ ﻳﺎﺗﺎﻓﻪ ﻣﻦ ﺍﻟﻔﺎﺳﺪ؟؟ ﻟﺴﺎﻧﻚ ﻧﻘﻄﻌﻪ ﻣﺎﺯﺍﻝ ﺗﺠﻴﺐ ﺳﻴﺮﺓ ﻋﻴﻠﺘﻲ ﻓﺎﻫﻢ ﻳﺎﻛﻠﺐ ﻳﺎﺣﻘﻴﺮ ﻳﺎﺗﺎﻓﻪ
- ﺧﻮﺩ ﻫﺎﻙ ﻫﺬﻱ ﻳﺎﺣﻴﻮﺍﻥ
ﺷﺎﺩﻱ : ﺍﺍﺍﺍﺍﺍﺍﺍﻩ ﺍﺍﺍﺍﺍﺍﻩ ﻛﺢ ﻛﺢ ﻛﺢ
.
.
ﺳﺮﺍﺏ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﺇﻥ ﺷﺎﺀ ﺍﻟﻠﻪ ﻣﺶ ﺻﺎﻳﺮﻟﻚ ﺷﻲ ﻳﺎﻧﺼﻴﺐ
.
.
ﻧﺼﻴﺐ : ﺳﺎﻋﺪﻳﻨﻲ ﻳﺎ ﺳﺮﺍﺏ ﺃﻫﻠﻲ ﺟﻮ ﻭﺭﻓﻌﻮﻧﻲ ﻳﺒﻮﺍ ﻳﺰﻭﺟﻮﻧﻲ ﺑﺎﻟﺴﻴﻒ 😭😭😢😢
.
.
ﺍﻟﻤﺪﻳﺮﺓ : ﺍﺳﻤﻌﻴﻨﻲ ﺳﺮﺍﺏ ﻻﺣﻈﺘﻚ ﺇﺗﺴﺎﻋﺪﻱ ﻓﻲ ﺍﻟﻨﺎﺱ ﻭﺑﺪﻭﻥ ﺣﺘﻰ ﻣﺎ ﺇﺗﻔﻜﺮﻱ
.
.
ﺳﺮﺍﺏ : ﺗﺨﻴﻠﻲ ﺷﻦ ﻳﺼﻴﺮ ﻟﻨﺼﻴﺐ ﺍﻟﻤﺴﻜﻴﻨﺔ ﻟﻮ ﺧﺪﺍﺗﻪ ﺃﻛﻴﺪﺓ ﻫﺎﻟﺠﺤﺶ ﺣﻴﻌﺬﺑﻬﺎ ﻭﻳﻮﺭﻳﻬﺎ ﻧﺠﻮﻡ ﺍﻟﻈﻬﺮ ﻭﻳﺨﻠﻴﻬﺎ ﺯﻱ ﺍﻟﺠﺎﺭﻳﺔ ﺗﺤﺘﻪ ﻭﺑﻌﺪﻳﻦ ﻳﺮﻣﻴﻬﺎ ﻭﺗﺪﻣﺮ ﺣﻴﺎﺗﻬﺎ ﻳﺎﻋﻤﺘﻲ
.
.
.
؟؟ : ﺇﻧﺖ ﺑﻮﻙ ﻣﺘﻮﺭﻁ ﻓﻲ ﻋﻤﻠﻴﺎﺕ ﺗﻬﺮﻳﺐ ﻫﻮ ﻭﺧﻮﻙ ﻻﺯﻡ ﻳﻤﺸﻮﺍ ﻣﻌﺎﻧﺎ
.
.
ﻗﻴﺼﺮ : ﻏﻴﺮ ﻭﻳﻦ ﻣﺎﺷﻲ ﻳﺎﺑﻮﻱ
.
.
ﻃﻠﻊ ﻳﺠﺮﻱ ﻗﺼﻴﺮ ﻭﺭﺍﺀ ﺑﻮﻩ ﺭﺟﺐ ﻳﺒﻲ ﻳﻮﻗﻔﻪ ﻓﺠﺄﺓ ﺇﺳﻤﻊ ﻋﻴﺎﻁ ﺃﻣﻪ ﻭﺧﻮﺍﺗﻪ
.
.
ﻗﺼﻴﺮ ﺑﺼﻮﺕ ﻋﺎﻟﻲ : ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
.
ﻟﻜﻞ ﺣﺎﺩﺙ ﺣﺪﻳﺚ ﻭﻟﻜﻞ ﻗﺼﺔ ﺭﻭﺍﻳﺔ ﻭﻛﻞ ﺍﻧﺴﺎﻥ ﻋﻨﺪﻩ ﻣﺎﺿﻲ ﻳﺨﻠﻒ ﺃﺛﺮ ﻛﺒﻴﺮ ﻓﻲ ﺍﻟﺬﺍﻛﺮﺓ ﻭﺟﺮﺡ ﺃﻛﺒﺮ ﻓﻲ ﺍﻟﻘﻠﺐ ... ﺳﺮﺍﺏ ﻭﻗﻴﺼﺮ ﻋﻨﺪﻫﻢ ﻣﺎﺿﻲ ﺧﻼﻫﻢ ﻳﺼﻴﺮﻭﺍ ﺑﺎﻟﺤﺎﻟﺔ ﻳﻠﻲ ﺗﻮ ﻓﻴﻬﺎ ﺑﺲ ﻓﻲ ﻭﺍﺣﺪ ﺃﺛﺮ ﺍﻟﻤﺎﺿﻲ ﻋﻠﻴﻪ ﺑﺴﻠﺒﻴﺔ ﻭﺍﻟﺸﺨﺺ ﺍﻟﺜﺎﻧﻲ ﺑﺈﺟﺎﺑﻴﺔ
.
.
ﺣﺘﻌﺮﻓﻦ ﺍﻟﺘﻔﺎﺻﻴﻞ ﻛﻠﻬﺎ ﻓﻲ ﺍﻟﺤﻠﻘﺔ ( 2 ) ﻭﻏﻴﺮﻫﺎ ﻣﻦ ﺍﻟﺤﻠﻘﺎﺕ ﺍﻟﺠﺎﻳﺔ ..
.
.
# ﺑﻘﻠﻤﻲ
# ﺭﺣﻴﻖ _ ﺍﻟﻔﺠﺮ
