#رواية_حب_بعد_ورطة
الحل{12}قة...
سراب قعمزت قيصر وحطت يده فوق رقبتها
سراب:قيصر ساااعدنيي
قيصر دايخ ومش واعي ع حاجة إلا اسمه من فم سراب
وقفاته بالسيف وقمدت خطوتين بيه وإتطيح هي وياه جو ع السرير
سراب:ااااه إهناك نملة طابة فيل اااه نوض معاي ساعدني
قيصر بصوت حاطي:اسمي حلو من شفايفك سراب
سراب :شن يقول هذا
وقربت وذنها من فمه
قيصر:ااس م ي ح لو من شف ا يفك
سراب تحشمت وخدودها ولن حمر:حتى ومريض مايتحشمش على وجهه
ناضت سراب وقعدت تسحب فيه تواسي فيه زين سلبتله كندرته وقدمت بتنحيله الجاكيت قرباته لعندها نين جي راسه ع كتفها هنا سراب قعد قلبها يدق ويدق نين قريب بيطلع من بين ضلوعها
سلبتله الجاكيت وبتحوله من عليها يمشي يجي فمه على رقبتها فتحت عيونها ودفاته بقوة نين ظهره وراسه جو على اللوحة الفوقية متاع السرير
قيصر بألم:ااااااه
سراب قعدت شادة رقبتها بخجل وتوتر :اااسفة ياربي شن يلي درته
قيصر بصوت متقطع:أني مريض مش فاضي نلمسك
قعدت تشبحله وحالة فمها:وكان مريض خلاص الصايع يقعد صايع حتى في نومه ومرضه
وساته زين وجابتله كمدات وحبوب عطاته الدواء وحطتله الكمدات
قيصر بألم:مش أني درت فيك الويل ليش تهتمي بيا توا
سراب:اااه مش عارفة يلي نعرفه بس إن أني ممرضة ويلي يجي نعالجه سوا كان هالشخص طيب ولا شرير
قيصر:باهي شن بالنسبة ليك طيب ولا شرير أني
سكتت سراب وقعدت تشبحله
قيصر بسخرية:أني يلي نسأل معروف أكيدة بالنسبة ليك شرير ووحش والشخص يلي خلاك بلا عيلة
سراب في خاطرها:والله ماني عارفة قاعدة نكرهك ولا بديت انحبك
قيصر:ليش سكتتي ولا بديتي اتحبي فيا كان في مكانك راهو سيبتك تموتي من الحرارة
سراب:احم قلتلك أني ممرضة ماعنديش فرق يلي يجي نهتم بيه
حولت الكمادة وغطستها في مية وعصرتها وحطتها على جبهته
قيصر غمض عيونه:اممممممم
سراب:في شني اتحس
قيصر بخبث:لو تبوسيني أنوض زي الحصان
سراب فصلت:والله حمارة يلي سألتك شكله مافيك حاجة غير تتوحم
قيصر:والله مريض وانحس في راسي بيتفجر مني
حست سراب أنه مريض ومريض هلبا ولت وقعدت إتقيسله في الحرارة ولقتها 40
سراب:حي على أمك أربعين الحرارة
قيصر وهو يحرك في راسه بألم:حي على أمي مرة وحدة ما إتقولش ممرضة اتقول ولد شوارع
وبعدين هناك ممرضة اتقول للمريض حرارتك اربعين بيش تجلطيه من عطاك الشهادة
سراب:أسكت أسكت ضروري تنزل حرارتك حتى من وذانك قريب بيصبن الدم من الحرارة
وقفت سراب:كيف الحل كيف الحل ايه
حولت من عليه البطانية
قيصر:خيييرك
سراب:نوض معاي ساعدني
ونوضاته قعمزاته وخشت للحمام فتحت الدوش وعبت الحوض ميه مسقعة وولت
قيصر:شششن بتديري
شدت سوريته من تحت وبتقلعها حط يديه على يديها:مش وقت الرومانسية مريض أني خليني انصح😈😈
حولت يديها من تحت يديه وهي متحشمة من كلامه:ياتافه مش ميته عليك هذين اسعافات أولية
قيصر:أغرب اسعافات شفتهن المفروض اسعافات رومانسية مش أولية
سراب:والله خليتني انشك في مقياس الحرارة معقولة منظر واحد حرارته أربعين
قيصر قعد يدروخ فعلا هو مريض
وعلى أول ماتقلعله السورية نين بلعت ريقها من عضلاته وجهامته وقعدت تشبح فيه
قيصر ابتسم:قعدت سنتين في صالة الرياضة
سراب بإرتباك:ااه احم ماقلتلكش احكيلي
-نوض معاي ساعدني
حط يده هلى كتفها وقف وعلى أول ماحطت يدها على صدره اتقول شدها الضي وحس بيها ترعش وخايفة وخرها عنه
قيصر:نقدر نمشي
سراب عرفاته عرفها خايفه منه ومش واثقة فيه فقدمت وتشجعت وحطت يد على خصره ويد على صدره وخششاته للحمام إستغرب قيصر من حركتها وإبتسم
وحطاته في حوض المية المسقعة
وبعدين طلعاته وخدت المنشف وقعمزاته على الكرسي وبدت إتجففله في شعرها الطويل الناعم
وهي اتجففله في شعره لقت أثر المقص يلي رشقاته فيه أول ماخطفها مدت يدها بتمسه ويشدلها يدها بقوة:شن إتديري
سراب:الأثر هذا مممن
قيصر:ماتحنيش بيش مانكرهكش لأن كرهي أقوى من حبي
طلق يدها ووقف لكن داخ شوي وجت تجري شداته
سراب:لا تخاف مستحيل انحن عليك هذا واجبي كممرضة...
قعمزاته على الكرسي:سروالك مبلول
ومشت فتحت الدولاب طلعتله توته يلبسها
سراب:شد ألبس السروال وناديني
قيصر ضحك بخبث
سراب بإندفاع:بتقول كلمة خاطية مايصير خير ألبس السرواال وناديني
وطلعت تجري سكرت الباب
قيصر بكسل:هههه
سراب:لبست
قيصر:ااييه
وخشت لبستله السورية والتب وهو طول الوقت يشبحلها بحب
رقداته على السرير وهو قاعد يشبحلها
غمض عيونه:إنحبك سراب
سراب أنصدمت تسحابه في الأول يهلوس من تأثير الحرارة فغطاته وبتمشي
قيصر:إنحبك من أول مرة شفتك فيها وزدت لما تحديتيني وتعلقت بيك لما ضربتيني كف وأدمنت عليك لما صختي عليا في المستشفى وصرت مجنون بيك لما خطفتك والأحلى لما تزوجتك وتوا نعشقك بجنون فات حده
سراب غمضت عيونها لا عرفت تبتسم لا عرفت تحزن جمدت في مكانها مش عارفة شن تقول ولا شن إتدير
قيصر:إنت البنت يلي كسرت قواعدي أنت مميزة ومختلفة عليهن كلهن ماعمري فكرت ولا توقعت إنحب لعند ما طلعتي قدامي وخليتيني انفكر ديما فيك هذا عليش خطفتك
سراب إلتفتت 😦😦
قيصر:ايه سراب أني مانعرفش انعبر مانعرفش نتعامل مع البنات يلي تجي قدامي نمحاها إلا إنت ماقدرتش نمحيك...
قيصر بدموع:باهي ليش غصبتني يلي يحب يعطي الحرية مش ياخدها
قيصر:خفت نخسرك وتريحي مني بعد ماتعلقت بيك للسبب هذا خططت أني ومحسن
سراب:خططت؟؟؟
قيصر:اايه عطيت فلوس والصوت يلي سمعتيه مش صوت خوتك
سراب:يعني خدعتني وخليتني نتزوجك
قيصر:ماكانش عندي خيار
سراب:إخسرت أهلي على خاطر كدبة ليش كدبت عليا وأني زي الهبلة صدقت
قيصر:سراب
سراب :ماعاش نبي نسمعك أسكت
-نبي نقعد بروحي
قيصر:نبيك تعرفي حاجة وحدة أني إنحبك وكل يلي درته ع خاطر إنحبك وتفهمي حاجة وحدة لو يلي درتيه معاي محنة وشفقة الأحسن تكرهيني خير لأن قيصر مايحب حد يشفق ويحن عليه وكان يلي درتيه بداية حب حنكون فرحان...
طلعت سراب من الدار وهي تفكر ومتلخبطة...
.
.
خشت للمحاضرة وهي متنرفزة ومش طبيعة
جميلة:خيرك
سوسن:شي
جميلة:كيف شي واضح عليك
سوسن:بالله خليني
خش فهد:صباح الخير
الكل:صباح النور
وبدي شرح في المحاضرة وهو يشبح في سوسن حامقة وجوها متكهرب
كمل المحاضرة:تفضلوا أطلعوا
طلعوا كلهم وقعد سوسن اتلم في شنتطها
فهد:إنت كويسة فيك حاجة
سوسن أنفجرت فيه:إنتم الشباب ديما هكي لما تلقوا بنت تعجبكم تقعدوا تقللوا في أدب نين اتحصلوا كف على وجوهكم
فهد سكت وماحبش يقص عليها لأنها عارفها فشت غل
سوسن:وزيادة وين تقوللكم البنت لا إتقول قالتلكم باهي شن هالمخلوقات يلي تفهم بالعكس وإتقولولنا إحني النسوان غبيات غير شوفوا رواحكم قبل
تلقاه وجهه معفز زي الزينقو ومدايرلي متبث على شعره إتقول ماضغاته بقرة ورامياته وسرواله إتقول متضايق منه مايبيش يلبسه حاطه غير بالسمي سروال ويتفلح ويدير في روحه راجل خزي
وسكتت قعدت تتنفس بقوة
فهد:كملتي ؟؟!!
سوسن:لا ماكملتش وا...
-اااوه
فهد يشبحلها ويرفع في حواجبه
سوسن بإرتباك:آسفة إنت سألتني سؤال وأني عبيتك كلام
فهد وهو يبتسم:شكلها اليبرة ماجابتش نتيجة
سوسن:والله كان انت تبيها
فهد:تعالي انبصر
-شن في خيره مقعمز على خشمك الشيطان
سوسن:لا مافي شي وبعدين تسأل فيا إتقول حبي...
تحشمت ووجها ولى أحمر
فهد بخبث:اتقول شنو كمليها
خدت مذكرتها وعدت تجري
فهد:هههههههههه
طلعت سوسن وبدت اتدور في جميلة...
سوسن:وين مشت هالفرخة
إلتفتت وتلقى مؤيد ورضوان وإثنين شباب معاهم
مؤيد:عطلتي علينا هلبا خيرك
سوسن ترعش وخايفة مابتش تتكلم معاه وتجاهلاته
ماشية من جنبه
رضوان شدها من يدها:تي وين خلينا نكملوا كلامنا
سوسن فكت يدها منه:حول يدك
قدم مؤيد بسخرية:تي حول يدك يارضو خيرك البنت خايفة من وجهك المغبر
جميلة جت ولقت مؤيد وجماعته محاصرينها
جميلة:ياربي
ووقفت جمدت ماعرفتش شن اتدير
مؤيد لف:جيبوها في السيارة
شدها رضوان من خصرها رفعها وحط يده على فمها
كل يلي في الكلية يشبحوا وساكتين
((إنسميه هنا إنعداام الضمير))...
سوسن تحاول تهرب من قبضته بأي طريقة طلعت البيرو من مذكرتها والمدكرة طاحت هي والشنطة وتحول مغطى البيرو وترشق البيرو في يده يلي على خصرها
طلقها رضوان وقعد شاد يده ويعيط بقوة:البنت هررربت
التفت مؤيد والشباب وقعدوا يجروا وراها
جميلة خدت شنطة سوسن وخدت تليفونها واتصلت بطارق
طارق:وواك يانفخ شن تبي
جميلة:ألو تعالى للكلية أختك في مشكلة
طارق:شنهوو من انت
جميلة:مش وقت أسئلتك سوسن في ورطة
.
.
ركبت الفوق وقعدت تجري بين القاعات وماتحس إلا بيد تطلع من قاعة وتسحبها وتسكر الباب
سوسن بخوف ومغمضة عيونها:اطلقني شن درتلك اطلقني
ويحط يده على فمها:اسسسسس
فتحت عيونها وتريحت لما لقاته فهد
فهد:وطي صوتك
وحول يده من عليها
سوسن من الخوف حضنت فهد بقوة وشدت جاكيته بقوة وقعد تبكي
فهد:خلاص أسكتي أني هنا
سوسن بدموع:خايفة منهم يافهد أني
فهد يمسح على راسها:أني هنا ماتخافيش خلاص
سكتت سوسن وفهد سكت هو مستغرب كيف يهدي فيها في حضنه وهي مصدومة كيف حضناته طبعا فهد ابتسم في خاطره لأنه حس بشعور حلو لما قربت منه لكن قطع الشعور هذا سوسن يلي وخرت متحشمة متوترة
سوسن بعصبية وتوتر:إنت كيف تقدر تحضني
فهد فتح فمه:شنوو يا روح أمك
سوسن بإرتباك:انت ماتتحشم على وجهك
فهد:لا والله مانتحشم فعلا أني الكلب يلي ساعدتك
وبصوت عالي شوي:تعااالوا هيا هن...
وتقدم اتحط يدها على فمه:يامختش أسسسسكت
فهد:ااااممممم
سوسن:خيرك
فهد:اااامممممم
سوسن:تي قول غير وطي صوتك
فهد دار عيونه حول وخرت سوسن عنه
سوسن:وووه عليا لخبطتلي عيوني
فهد:مسكرتيلي فمي وتبيني نتكلم شينك دكاء
اجتمعوا في الممر قدام القاعة:ويين مشت ويين
سوسن شهقت:حي عليا حي
وإنفتح الباب عليهم وقبل ليشوف مؤيد سوسن هنا ولا لا وقف فهد قدامها ولصقها على الحيط وحط جبهته على جبهتها ويديه على خدودها بكل رمانسية وحب وكأنه بيبوسها
سوسن في حالة خوف أول حاجة من مؤيد ان يشبحها ثاني حاجة توتر وحشم وخجل وقلبها يدق وركبت فيها نار حست خدودها بينفجرن من الحرارة من قرب فهد ليها خلاص قريب بيبوسها
فهد بهمس:حطي يديك على رقتي
سوسن فتحت عيونها 😳😳😳
فهد:ماتشبحيش هكي بسرعة ديري يلي قلتلك عليه خليك واثقة
حطت عفويا يديها حول رقبته...
{{وكأنهم عشاق يتبادلون قبلة كبيرة فيما بينهم}}
🙉🙊🙉🙊🙉🙊🙉🙊🙉🙊🙉🙊
مؤيد وقف يبي يشوف سوسن هنا ولا لا
رضوان:هذوما خيرهم((سوسن و فهد))
مؤيد ابتسم:خليهم في محاضرتهم
سوسن مغمضة عيونها خايفة وفهد واثق من خطته إن مؤيد حيطلع من القاعة بدون مايشبح سوسن
رضوان:هههه والله مايعلموا بيها من وين زرقت
مؤيد قبل ليسكر الباب ويطلع:كمل كمل ربي يقويك
وسكروا الباب وطلعوا يجاروا يدوروا في سوسن
يلي بين يدين فهد ومغمضة عيونها بخوف..
ألتفت فهد وشافهم طلعوا تنهد بإرتياح وإلتفت لقي سوسن مغمضة عيونه قعد يشبح مشوار فيها وبعدين باسها من خدها بوسة سريعة خفيفة
سوسن فتحت عيونها بصدمة وشبحت في فهد يلي يبتسم ويرفع في حواجبه
وبعصبية دفاته سوسن وخبطاته بيدها على بطنه:حيواان يلي ماتتحشم
فهد:اااه
سوسن بدت تخبط فيه على صدره:ياكلب يامستغل
من قالك بوسني
فهد وهو يضحك:اسكتي ولا انادي عليهم
سوسن:إنت كيف تقدر
فهد:خديت حق أتعابي
سوسن:أتعاب شني ياتافه
فهد:مش ساعدتك منهم هذا بدل ماتشكريني خديت بوسة
سوسن:ومن قالك منشكرك ياحيقير
فهد:كيف نقدر انفوت منظر حلو وسمح قدامي وقريب مني بدون ما اندير شي...وبعدين تشكري ولا ماتشكري الشكر خديته بروحي
سوسن:اااااه ماعاد توريلي وجهك
وفتحت الباب وهي تفنص فيه
فهد:هيا راهي
سكرت الباب وإلتفتت بخوف
فهد:هههههههههههه
لقت كراسة على الطاولة شدتها رمتها عليه وطلعت
فهد حط يده خلف راسه وقعد يمسح فيه بسرعة ويبتسم:ااااه شكلك كبدت ياقلبي
جميلة:سوسن
سوسن:هااا
جميلة:وينك وين كنتي
سوسن:ااا
جميلة:مش مهم المهم انزلي بسرعة اتصلت بخوتك وهم التحت يستنوا فيك
سوسن:باهي وين مشوا
جميلة:طلعوا من الكلية يسحابوك هربتي برا
سوسن:شكرا جميلة
وخدت شنتطها ومدكرتها منها ونزلت تجري
سفيان:تي وين أختك
طارق:نزلت هيا
جت تجري سوسن وهي خايفة
سفيان:وينه الحمار يلي ضايقك
جميلة:طلعوا يدوروا عليها برا
طارق:انت يلي اتصلتي
جميلة:ايه
-هذا مؤيد واحد كلب ومتاع ممنوعات
طارق:😍😍😍😍
جميلة:مامضني يسيبها في حالها
طارق في خاطره:ياعنجدها مسمح بوها
ااه لالا شن دخلني في بوها أكيدة بوها قرد ديما الأبهات قرود...
سفيان:مايقدر يدير شي
-طارق هيا
طارق:😍😍😍
إلتفتت جميلة ومشت
وطارق:🤤🤤😍😍😍
سفيان:طااارق
طارق:اااه هي هي
.
.
حطوا الفطور على الطاولة وطلعت سراب من المطبخ بسفرة...
أم قيصر:عمك فطرته يابنتي
سراب:اه لا هذي لي قيصر
أم قيصر بإستغراب:قيصر
سراب:ايه لأن مريض
أم قيصر قفزت:مرييض أمتى
سراب:امبكري خش عليا حرارته مرتفعة
ورقيت أم قيصر مع سراب بتشوفه
فتحن فمهن لقن قيصر بيمشي للمركز
أم قيصر:كيف حالك
قيصر:مليح خيرك تسألي
أم قيصر تشبح في سراب:قالوا مريض
قيصر اشبح في سراب:من قالك مريض
سراب فنصت مذهولة
قيصر بخبث:لا مش مريض
ابتسمت أم قيصر تسحابه سراب بتفطر هي وقيصر برواحهم والجو هذا
أم قيصر:ههههه عطك السلامة قولي منفطروا بروحنا ليش تحشمتي
وطلعت وهي تضحك وفرحانة
أم قيصر:الحمد لله وآخيرا
سارة:أمي خيرك تهدرزي بروحك
أم قيصر:تعالي تعالي شكلها بدت اتحبه
سراب قاعدة تشبح في الباب بصدمة وقيصر يشبح ويبتسم
سراب:إنت شن يلي درته وقلته توا
قيصر:شن قلت
سراب:أمك تسحابني ااا
قيصر:وخلها تسحابك اااا مرتي إنت راه
سراب:والله كنت شاكة إنك مش مريض طلعت تكدب عليا واستغليتني
قيصر يشبحلها ويبتسم وبخبث:إسعافاتك الرومانسية خلني زي الحصان
سراببتنرفز:اسمها اسعافات أولية اولا ثانيا الحرارة مش بسرعة اتصح يعني إنت قاعد مريض ومن عيونك واضح
قيصر كشر: منمشي للعمل ومادخلكش
سراب:إنت مريض
قيصر:مريض مش مشلول
قدمتله سراب وحطت يدها ع جبهته بحركة عفوية
قعد يشبحلها كيف بدت تهتم بيه وهالشي خلاه فرحان
سراب بحدة:إنت قاعد مريض عمل اليوم مافيش هذا آخر كلام عندي
شد يدها:ليش بديتي تهتمي بيا بدال ماتنتقمي مني وتكرهيني
سراب:ومن قال ماعاد نكرهك أني قاعدة نكرهك لكن ضميري مايسمحش ننتقم من شخص مريض صح في الأول وبعدين ساهل
شداته من يده ورفعاته للسرير وحطتله سفرة الفطور وهو يشبح فيا ماباش يحول عيونه من عليها
رن رن رن
قيصر:ألو
-لا مانيش جاي اليوم
-مريييض منموت انكلم فيك من تحت البطانية ومش قادر نرفع راسي
سراب في خاطرها:واحد كداب...
.
.
روحت سوسن وهي اتفكر في فهد وادكرت كيف نقدها وباسها قعدت تبتسم وبدت تدكر في ملامحه وضحكته وكل شي
سوسن شدت التليفون:جميلة
جميلة:شن صاير
سوسن:شكلي حبيت
جميلة:خلعتيني الله ينزعك نسحابه غير مؤيد قتلك
سوسن:كان مؤيد قتلني كيف منصل بيك ياغبية
جميلة:هذا هو
سوسن:مؤيد ماقتلنيش فهد يلي قتلني
جميلة:اوووو الموضوع كبير شكله
سوسن:لولاه اليوم كنت أبصر شن صارلي
جميلة:البطل فهد ياريته مؤيد جاي قديش ليه
سوسن:يهبل ياجميلة هذا وين ركزت عليه بعد البو
-احم
جميلة:بعد شنهوووو
سوسن:الو الو
وسكرت الخط عليها وتنهدت ابتسمت نتشت التليفون ومشت للحمام
.
.
طارق في الحمام يغني:شفتك إتلخبط 😍
فز قلبي ونط...❤إنت إنسية ولا جنية ولا إيه بالزبط🤪
سوسن:مطول
طارق:وووااااك يخطر عليهم ستين جن غير وين انخش للزفت الحمام
سوسن:إنت تبي حمام بروحك على حسابك تخش ماعاد تطلع
طارق:يامحلا عيونه ريت غزااال يامحلاااا عيونه ريت غزال
سفيان:ومن وين بيجيك الغزال وإنت حتى القرد أحلى منك أطلع يافرخ من الحمام
طلع طارق واشبح في سوسن:تقولي كلمة نقتلك خشي وإنت ساكته
سفيان:هذا فيش فالح
طارق:تهبل ياسويفة تهبل الفرخة
سفيان:من
طارق:هي
سفيان:من
طارق:مش ضروري تعلم
خبطه سفيان:مانا إقلب وجهك
.
.
سارة:سرااب
سراب:ايه
سارة:هذيك صاحبتك كلمتيها
سراب:لاا
سارة:كلميها حرام
سراب سرحت
سارة:حرام عليك كلميها
سراب:باهي عطيني تليفونك
سارة:والله مقفل نشحن فيه
-خودي تليفون قيصر
سراب:اااه
سارة:ايه بوي وأمي ماعندهمش تليفون وطبعا أحمد وولاء مش حيعطوك الحل الأخير قيصر
سراب شوبت ماتبيش
سارة:عادي مش حيقولك لا
قيصر في خاطره:ليش خديت كلامها وقعدت في الحوش من أمتى أني ناخد في كلام حد
وقعد يدكر فيها لما لابسة القفطان القصير ويبتسم
خشت سراب وهي مترددة شبحلها
سراب:نبي تليفونك
قيصر قعمز:وشن تبي فيه
سراب:منتصل
قيصر بخبث:اهوا عالطاولة
استغربت منه تسحابه بيقوللها لا وقدمت للطاولة وثواني ومالقاته إلا قدامها مباشرة
سراب أنخلعت منه:ااانت شن تبي
قيصر قرب منها هي خافت وارتبكت
سراب:شششن إتدير
دخل يديه من بين شعرها وبحب:شعرك حلو
سراب بتوتر:باه حول هكي منتصل
وحط يديه على خدودها:عيونك مش عاديات
سراب وخرت خطوة وقلبها بيطلع من مكانه
حط صبعه على شفايفها:وهذين مش حيخلني عاقل
وشدها من خصرها قربها منه ويبوسها بوسة غفلة
سراب طيحت التليفون من يدها وقعدن يديها في الهواء ماعرفتش إتدفه يديها ثقلن وركبت النار فيها
حست بالبوسة طولت وصحت هي على الموقف دفت قيصر لبعيد وهو وخر وقعد يتنفس بقوة
ويبتسم...
سراب قعدت مشوار واقفة مش مصدقة شن صار مسحت فمها:يلي ماتستحي
وطلعت تجري...
قيصر:اااه اووووه
سارة:خيرك طالعة تجري
سراب تعرش:اه مافي شي
سارة:خيرك ترعشي ووجهك أحمر
سراب سرحت وعاودت يلي صار في بالها:اااااا مافي شي خيرك
سارة:باهي اتصلتي بصاحبتك
سراب:لا وماعاش نبي نتصل ومانليش نتصل
وفاتت تجري من جنبها وهي متحشمة...
.
.
#في_مكان_ما
شادي:اتزوج
فادي:ايه
شادي:ههههه ههههههه
فادي:خيرك تضحك
شادي:ضروري انباركوا للعريس بطريقتنا يافادي
فادي:وأمتى باه طولت انت
شادي:قربت مش مطولة
وقعدوا يضحكوا بمكر وخبث والواضح إنهم ناويين على حاجة كبيرة
.
.
سوسن:خش
طارق يدحنس:سوسو
سوسن:أبصر شن في من مصلحة
طارق قعد يشبحلها😅😅😅
سوسن:قول شن تبي
طارق:لما إنت تجري في جرة المفرخ اليوم😊😊
سوسن شهقت بعصبيه😱😡
طارق:اتصلت بيا وحدة صوتها سمح سمح ف...
سوسن حولت التليفون من يدها:اولا مش أني يلي كنت نجري وراهم يادابة هم يلي يجروا وراي
طارق:اااه
سوسن:ثانيا ماتلفش واتدور قول نبي نعرف صاحبتك منين
طارق اضحك وجي قعمز جنبها:شن اسمها قوليلي والله قعدت في دماغي
سوسن:هات عشرة دينار
طارق شهق:وليييش عشرة تسحابي روحك في إستخبارات ياكلبة
سوسن:والله ذنبك ع جنبك كان تبي تعرف
طارق:وحدة كلبة واستغلالية المناظر يلي زيك دمروا البلاد
سوسن تضحك بخبث..
طارق:هاك إن شاء الله تموتي
سوسن:يييس حصلت بيش نفطر غدوة
طارق:سم قطاع
-هيا قولي
سوسن:هذي جميلة
طارق بسخرية:ايييه متخرجة معاي ياقردة قالولك
سوسن:ههههه
-هذي صاحبتي اسمها جميلة اندادي تسكن في ال{☆☆☆☆☆}
طارق سرحان ويدكر في الصوت ويدكر في الشكل:الله ما أجملها جميلة ا....
سوسن:اسكت اسكت ما اتديرش روحك شاعر سادك مداير روحك مغني وإنت صوتك اتقول بعير ينوح
طارق:اندمري ارقدي ولا أقري جن
.
.
سارة وسراب مقعمزات عالدروج يهدرزن...
سارة:شن ياسراب شني قيصر معاك
سراب تنهدت:والله ماني عارفة ياسارة متلخبطة ماعرفتش انحبه ولا نكرهه نكرهه على يلي داره فيا يلي داره فيا مش ساهل خلاني نخسر عيلتي خلى عيلتي تتبرأ مني ولا نشفعله على خاطر يلي مر بيه وعاشه من ست شهور تعرفي إنصدمت وماتوقعتش يكون ماضيه أسود للدرجة هذي وهذا يلي خلاني إنرد حساباتي وانفكر من جديد
سارة إلتفتت لجهة سراب وبتكلمها حست بحد واقف فوقهن شبحت زين وتلقى قيصر واقف حامق النار من عيونه والدخان من وذانه
سراب شبحتله ووقفت خايفة مصدومة
وإذكرت شن قاللها:لو مهتمة بيا على خاطر حنيتي عليا فكرهك أحسن من الشفقة...
سارة فاتحة عيونها وفمها خايفة من ردة فعل خوها..
.
.
قيصر الشخص يلي مايحبش حد يحن عليه قيصر الشخص يلي مايحبش يعاود كلامه مرتين...الشخص المغرور المتكبر يلي عنده عزة نفس ويلي يجن جنونه وين حد يجرحها...قيصر الأناني في كبرياءه وكرامته...لكنه عنيد متملك في حبه...
هذا قيصر حس بنقص لما اسمع من سراب انها شفعتله على خاطر ماضيه...زعما بيفوتها على خير ولا للقيصر كلام جديد...
.
.
يتبع....
#بقلمي_رحيق_الفجر🕊🕊
