#حب_بعد_ورطة
الحل{37}قة...
#الجزء/1
#والآخيرة❤
قيصر مصدوم ومستغرب إن ليش سراب ماخبراته طلع من المستشفى جري وركب السيارة وع الحوش
أحمد:هذا خيره طلع يجري🤔
وصل قيصر للحوش ونزل حامق فتح الباب وخش وبصوت عالي:داااانا دااانااااا
دانا وسارة وأم قيصر نزلن تحت
أم قيصر:شن في خيرك
قيصر قدم لدانا وبحدة:هو سؤال تجاوبي عليه بلا لف ودوران😡
دانا ساكتة..
قيصر:سراب حامل ولا لا
أم قيصر وسارة مصدومات:😧
دانا تنهدت بضغط:ايه
أم قيصر:فهموني شن في؟؟
قيصر حط يده ع جبهته:حامل وليش أني آخر من يعلم
دانا قدمت بتشرح الموضوع لقيصر:قيصر ا..
قيصر بصوت عالي:لين واحد غرييب يقوللي
دانا:أسمعني
قيصر:شنهووو يلي منسمعه وإنت يلي معتبرك أختي ليش ماخبرتيني
دانا بصوت عالي:لأن سراااب طلبت مني ما انخبرك في الحالة هذي شن منديير أني وبعدين إنت يلي غالط تحمل مايجيك
قيصر استفزاته وبصوت عالي:خلاااص الأحسن تسكتي ولا عاد تتكلمي معاي هكي فاهمة
ام قيصر:فهموني ياناس
قيصر:خبريها ليش ماقلتيلها
وإلتفت بيطلع
دانا:وين ماشي توا
قيصر إلتفت وفنص فيها بحرارة:ساد مهزلة اليوم مننهي كل شي
وفتح الباب وطلع...
دانا شبحت لسارة ونفخت بضيق
أم قيصر:توا إتفهمني شن صاير بين قيصر وسراب
.
.
مقعمزين كلهم في الصالة مجتمعين سراب وسفيان وآمال مرته وطارق
سراب:حاضر يوصل سلامك سلمينا ع فهد
-اوكي باي
-تسلم عليكم سوسن كلكم وخص نص آمال
آمال:سلمها يارب
أم سراب:كيف حالها
سراب:ع حسب صوتها فرحانة وتوتي في شنتطها بتسافر مع فهد غدوة لتركيا
ام سراب:اه ربي يهنيهم أني هكي تريحت توا عليكم مازال هالولد
طارق:ع قلبك قاعد يامنجلطك يامهبلك
آمال وسفيان:هههههههه
أم سراب:لا حق هو شكلك بتجلطني
سرحت سراب في سفيان وآمال لما شبحتهم يشبحوا لبعض برومانسية وحب وإدكرت أيامها مع قيصر
وفجأة قعد الباب يدق بقوة
أم سراب:من يلي يدق هكي
ناض طارق فتح الباب وخش قيصر لا إحم ولا تستور
طارق:غير سلم
قيصر:سراااب
فتحت عيونها مصدومة مش مصدقة
سفيان وقف ومشي لجهة الباب تلاقى هو وقيصر
سفيان:إنت شن جيبك هنا
سراب:ق ي ص ر؟؟
قدم قيصر متجاهل سفيان ووقف قدام سراب وكانت نظراتهم لبعض نظرات حب وشوق وعتاب وحزن...
أم سراب وطارق وآمال مش فاهمين شي🙁
تحمحمت سراب وعطت وجهها للجهة الثانية😤
قيصر بيتكلم قطع عليه سفيان
سفيان:وعندك عين اتجي هنا بعد سلس درته
قيصر بحدة:ماتدخلش إنت بيني وبين مرتي فاهم المرة يلي فاتت ماتكلمت لكن توا ماتلومني كان فصلت
سفيان:إنت دايس بساطنا الأحسن تحترم روحك وتمشي من هنا بلا مشاكل
قيصر:ولأني دايس بساطكم مانبيش مشاكل كلمتين مع مرتي ومايدخل حد
وشبح في سراب:نبيك في كلمتين لحقي وراي
وخش للدار طول
الكل مصدومين منه كيف يخش هكي
سفيان تنهدت بعصبية وبيقدم
سراب:سفيان😔
بمعنى تو انشوفه...
وخشت للدار وسكرتها..
أم سراب:وين ماشي فهمنا شن صاير
سفيان:ااا
طارق:أمي عندها حق فهمنا شن يلي صاير بينهم
تنهد سفيان وقعمز..
سراب:ماتقوليش خيرك جاي شن تبي
قيصر بأستغراب:شن نبي؟؟هاذي كلمة اتقوليها لي بو
العيل يلي في بطنك؟؟
سراب اندهشت واستغربت من وين علم
قيصر:ليش مستغربة ولا فكرك مش حنعلم
سراب ساكتة وتشبحله ببرود
قيصر قدم وشد يديها وبحزن:خلاص ياسراب سادك زعل سادك عداب فيا أني غلطت صح وعاقبتيني غيابك عني ها الاسبوعين دبحني برايك في عقاب اكبر من هكي؟؟
سراب تشبحله وزي يلي متأثرة وأثر فيها
قيصر:والله تغيرت خلاص رديلي سراب يلي حبيتها سراب الحنونة سراب يلي تحب قيصر ويلي تدعم في قيصر ردي سراب يلي نعرفها سراب يلي تغير قيصر ع خاطرها
خلاص سراب بتبكي شادة دموعها بالسيف
قيصر شبح في بطنها وابتسم:انت طلبتي انخليك وخليتك وتوا خلينا نولوا لحوشنا ويكبر ولدي في بطنك قدام عيوني تعرفي ولينا للحوش وعلاقتي مع العيلة ولت حتى ولاء تأسفتلي مازال احمد بس ومع الوقت يتصلح كل شي
هزت سراب راسها بدموع بمعنى لا وفكت يدها من قيصر ووخرت وعطاته بظهرها وبدت تبكي
قيصر:الحوش ناقصه إنتي بس لتكمل العيلة حتى امي وبوي يسألوا عنك الحوش بلاك ظلام ياسراب حتى النوم وإنت بعيدة عني ماعاد جاني كل شي وكل مكان مظلم وانت مهناش ولي ياسراب
إلتفتت سراب وهي تبكي:تبي سراب تولي ليش تبيها تولي بيش اتشك فيها ولا بيش تجرحها وتهينها وتستغل حبها ليك وضعفها لا ياقيصر مستحيل نضعف قدام كلامك هذا وتعرف ليش ماخبرتك عن حملي لأني مانبيش نشوف تصرفاتك ونتوحم عليهن ويطلع يلي في بطني زيك تعرف ليش مانبيش انشوفك لأني مانبيش نكرهك لكن وين ندكر هذاك اليوم ينبتني شعور الكره فعلا إنت غلطت هلبا حقي قديش منسامحك سامحتك لما خطفتني وسامحتك لما غصبتني هذيك الليلة و و و عيت خلااص كبدي فدت وتوا لما طلبت منك اتخليني في حالي ماقدرت قراري ولا راعيت شعوري
قيصر بصوت عالي:وشعوووري أني ااه تعرفي كيف قضيت الليالي ومشيت الأيامات يلي فاتن ااه تعلمي
سراب:مانبيش نعلم والأحسن تمشي من هنا
قيصر زنت في دماغه وصبره نفد مافهمت عليه وتعب وهو يتأسف ويشرح وقعد يفنص فيها😡
سفيان خبرهم بكل شي..
طارق:لما نوريه الكلب
شداته أم سراب:طارق صلي ع النبي وروقك عيب
طارق:ما اسمعتي سفيان شن قال ضربها طلع ضاربها
أم سراب:وكان ضريها هاذي مرته وبعدين أختك ماسكتتله وخلاته يجيها لعندها هما ويتأسف
طارق قدم لكن أم سراب قاعدة شداته
سفيان:أقسم بالله حتى أني دمي يفور
أم سراب:خلااص إنت وياه أقسم بالله واحد يقلل أدبه ولا يحط يده ع راجل أخته لا عاد ولادي ولا نعرفكم فاهمين
-هم الإثنين كبار ويحلوا مشاكلهم برواحهم وبعدين الراجل جي هنا أكيدة مش جاي يلعب جاي بيصلح غلطه
إنتم تقعدوا ساكتين ولا كلمة فاهمين
طارق خبط الكرسي برجله وزمجر بغضب
وفجأة طلع قيصر من الدار وحاط سراب ع كتفه وهي تخبط فيه ع ظهره:نزلني نزلني
قيصر:ماتبيش تفهمي ولا خودي مايجيك أني عييت من هالوضع
سفيان وطارق وآمال وسراب😧😱
قدم سفيان لكن شداته أمه وفنصت فيه:شن قلت أني
سفيان وخر:احححح
سراب:نزلني يلي ماتتحشم نزلني
قيصر وقف وشبح فيهم:نستأذن ثقلت دمها عليكم هلبا فلهذا مناخدها من هنا نتمنى مافي حد عنده اعتراض
أم سراب:أرفع ياولدي المرا مراتك وانت حر
سراب شهقت:أمييي إنت معااه
قيصر إبتسم ع جنب:شكرا
وطلع من الباب..
لكن سراب شدت في الحيط:نموت ولا نولي معاك نزلنييي😡
قيصر:لو إنت عنيدة أني أعند
-سيبي الحيط
سراب:مانيش
نزلها قيصر ورفعها بين يده
سراب بعصبية زايدة:إنت مجنون نزلني توا
قيصر سرح فيها وابتسم ع جنب:مجنون فيك
سراب بإرتباك:ااا نزلني ولا ولا
قيصر بحب:ولا شنو؟؟
سراب فنصت فيه:ولا انلم عليك الجيران
قيصر:تقدريش
سراب سكتت وبدت تشبح فيه بمكر وخبث وفجأة بدت اتعيط بقوة:يااااناااس هذا بيخطفني يااانااااس ساعدوني
قيصر جري للسيارة فتحها وحط سراي فيها تحت ضرباتها
وسكر الباب وشبح يمين يسار:فضحتينا الله يفضح حالك😬
وشبح لقي عزوز تشبحله من الروشن ضحك ضحكة صفرة:مساء الخير خالتي الحاجة 😅😄
وركب السيارة وولعها
سراب:نزلني قلتلك
قيصر:أحلمي خلاص سكرت دماغي حتمشي معاي حتمشي سادك دلع بنات وتجكتير فاهمة
وحرك السيارة انطلق..
سراب بصوت عالي:اااااه نكرهك نكرهك
قيصر ببرود:عارفك اتحبيني واتموتي فيا
سراب بعصبية:طمن روحك
قيصر بتصنع حط يده ع قلبه:ااااااه ااااه
سراب تلقائيا وبخوف:شن صارلك😨
شبحلها ع جنب وغمزلها عينه وضحك
سراب فتحت فمها وعيونها وحبطاته ع كتفه:حقير تافه نكرهك نكرهك
قيصر:غني زيدي وفرتي ع المسجل متاع السيارة
😂😂
.
.
أم قيصر إبتسمت ووقفت:وآخيرا منسمع ضحكة عيل في هالحوش
سارة:هذا يلي همك بعد ما اسمعتي بولدك شن دار في مرته
أم قيصر:أكيدة سراب بنتي نعتبر فيها لكن تو اتشوفي العيل يلي في بطن سراب حيقرب قيصر وسراب من بعضهم وحيغير قيصر للأبد
دانا:زعما؟؟؟
أم قيصر:الصغار نعمة من عند ربي حتشوفي كيف قيصر بيتغير أكثر وأكثر الرجالة ديما يتغيروا لما يجيهم ولد..😊😊
قيصر:هي إنزلي
سراب مابتش تشبحله ولا ترد عليه
قيصر:إنزلي قلتلك
سراب😤😡
قيصر:شكلك تعودتي ع الرفع
ورفعها بين يديه وسكر الباب متاع السيارة برجله ومشي بيها وهي قاعدة مصممة وتضرب فيه تبيه ينزلها لكن قيصر متبت عليها بعضلاته مش مخليلها مجال إنها تهرب منه حطها وبيفتح الباب هربت منه ويلحق وراها طلعت سراب ع الطريق
قيصر بخوف:سراب وقفي
سراب:قلتلك إنموت ولا انخش ونوليلك
قطعت الطريق وتجي سيارة تجري..
سرتب شهقت وقلبها وقف
وعشوي مامشت فيها لكن قيصر شد يدها وسحبها لعنده..
سراب من الخوف شدت في سورية قيصر وبدت ترعش خايفة
قيصر بصوت عالي وقلبه يدق بسرعة من الخوف:أشبح قدامك يا.....
وشبح في سراب ووخرها عنها وبدي فيها هزايب:إنت مافيك عقل في حد عاقل يطلع ع الطريق يامجنونة إنت مش بروحك في بطنك روح لو صارتلك حاجة شن مندير أني
وركز عليها خايفة وترعش حضنها وحط راسها ع صدره يلي سمعت دقات قلبه الخايفة
قيصر:أني آسف ياعمري خفت عليك و..
قطعت كلامه سراب ودفاته:وخر عني ماعاد تقرب مني إنت فاهم
قيصر تنهد ونفخ ومسح جبهته:شكلك مش حتفهمي ب التي هي أحسن
سراب وخرت خطوة:ترفعني انهارك ياقيصر
قيصر:للأسف هذا يلي بيصير
ورفعها ع كتفه ومشي بيها وهي بصوت عالي:مانبيش انولي نزلني نزللللني ياحقير ياتافه
فتح الباب وخش وهي قاعدة اتصب عليه في الكلام والضرب
دانا وسارة وأم قيصر متفاجآت:سراااب
سراب:عمتي قوليله ينزلني
أم قيصر دارت الحولة 😌
سراب:دانا سااارة
دانا:حيي تليفوني يضرب😁
سارة بإرتباك:واني انسيت الغسالة ع النار🤪
سراب فاتحة فمها شكلها الكل متفقين عليها😧
ركب قيصر الفوق وفتح الدار وحط سراب وحاولت تهرب لكن شدها من خصرها:لوين ياطير
سراب وخرت خطوة وبحدة:إنت واحد حقير وتافه وماتتحشم قلتلك مانبيش انجي هنا ولا
قيصر:أمتى؟🤔
وإبتسم ع جنب😏
ومشت جري للباب حط قيصر يده ع الباب
سراب:حول يدك أحسن ليك
قيصر:طولع من هنا ماعاد في ويلي بتديره ديري
نفخت سراب خدودها وهاذي الحركة نقطة ضعف قيصر مايقدرش يقاومها وقعد يقرب منها وهي توخر
سراب:لا تقرب ولا خطوة أحسنلك
قيصر دايب فيها استاحشها هلبا
سراب:حدرتك
ولصقت ع الحيط وهو قرب حط يده ع الحيط وقرب مباشرة وهو يشبح لفمها
لقت قلم متاع بينة ع الطاولة يلي جنبها خداته وغرساته في صدره
قيصر وخر وحط يده ع صدره بألم:شن درتيي ااااا
سراب قدمت وبحدة:هذا بيش تعرف روحك وتلزم حدودك معاي يلي قدامك سراب القديمة وإحمد ربك يلي مش مقص زي هذيك المرة
قيصر إذكر لما خطفها لما تلاقوا وحطها في دماغه الشراسة و الحدة يلي في سراب هذيك المرة نفسها ع سراب الجديدة يعني سراب القديمة ولت
وهذا يعني الأحداث القديمة تتعاود بروحها
إبتسم قيصر رغم الألم:ماشي ياشرسة تعرفي شكلي حنتعب معاك وأكثر من الأول
ووخر وقف لعند الباب:بما إنك وليتي سراب يلي خطفها قيصر حتى أني بنولي قيصر يلي حط سراب في دماغه والباب هذا حيتسكر بالمفتاح
وطلع وسكر الباب وقدمت سراب بدت اتدق في الباب:طلعني من هناااا أني مانلعبش طلعني
قيصر:ومن قالك قيصر يلعب حتى هو؟؟
-خليك في الدار محبوسة بلكي اتولي لعقلك
ونزل من الدروج..
سراب خبطت الباب برجلها:حقييير
نزل قيصر ولقي امه
أم قيصر:ليش سكرت عليها الباب هي حامل والحامل ماتتحملش
قيصر:بتهرب ماهو
أم قيصر:عطيني المفتاح
قيصر:شن تبي فيه
أم قيصر:خليك واثق فيا وماتخافش سراب مش حتسيب الحوش
قيصر تنهد وعطي المفتاح لأمه
أم قيصر:وهذا مايعنيش إن يلي درته معاها صح راه أني مش في صفك لكن الكبد حرفة مانبيكش تولي قيصر القديم وحتى ع خاطر حفيدي المستقبلي
وخدت المفتاح ومشت لسراب
قيصر:حتشوفي يا أمي كيف حنخليها اتسامحني هي يلي اختارت تولي للقديم وقيصر القديم لما يحط حاجة في دماغه يديرها😈
وحط يده ع صدره وبألم:ااااااه يدها ثقيلة
فتحت أم قيصر الباب وسراب وقفت وفي يدها المزهرية وجت بترميها
أم قيصر:هذا أني أني
سراب تحشمت وحطت المزهرية وقدمت:أني آسفة سامحيني مش إنت المقصودة
إبتسمت أم قيصر:عارفة قيصر تعرفي لو كنت مكانك كنت درت أكثر من هكي
تنهدت سراب وقعمزت:هو يلي جبرني اندير هكي ياعمتي هو ماخلالي خيار بكل
قعمزت جنبها وحطت يدها ع راسها:يابنتي كل المتزوجين عندهم مشاكل بس نبيك تنسي المشاكل واتحطيهن ع جنب واتفكري في يلي بطنك
سراب شبحت في أم قيصر
أم قيصر:إيه نعلم ولما علمت فرحت قريب طرت وآخيرا منشوف أحفادي قبل لنموت
سراب:بعيد السوء عليك
أم قيصر:تسلمي يابنتي يلي نبي انقولهلك إن قيصر نادم هلبا وتغير صدقيني مش زي قيصر الأول هو غلط معاك صح لكن عطيه فرصة ليصلح غلطه وبعدين العصبية الزايدة مش باهية للحامل واكيدة ماتبي شي يصير تندمي عليه صح
هزت سراب راسها بمعنى ايه
أم قيصر:تمام نتمنى اتكوني فهمتي عليا زين يابنتي وكيف ماقلتلك عطيه فرصة هو يحبك وأصلا ماتوقعنا قيصر اتغيره بنت ويصير ايحب فيها للدرجة هذي
-يلا أني انخليك تتريحي أكيدة تعبانة ونزولك للعشي بعدين هذا دليل ع إنك موافقة تقعدي هنا وإنك سامحتي قيصر
وطلعت....
خش احمد هو وولاء ولاء قدمت وهي تعبانة
أحمد:ولاء
إلتفتت وبصوت مبحوح:نعم
أحمد قدم:شن علاقتك بمحمد وشن يلي خلاك تمشيله
ولاء إرتبكت خايفة لسانها انعقد
أحمد:تكلمي خيرك ساكتة شن علاقتك بمحمد
ولاء:بصراحة هو اني
أحمد إدكر دانا شن قالتله
دانا:في حد من عيلتك متفاهم مع محمد وهو يلي حطلك ورقة التنازل في الملف
احمد فتح عيونه بصدمة واذكر ولاء لما جابتله الملف ولما طيحت تليفونه في الميه كل الأحداث يلي إدكرهن ربطهن مع كلام دانا ومع يلي صار اليوم
أحمد قدم وبإندهاش:يعني نفهم من هذا إنك إنت يلي متفاهمة مع محمد بيش تاخدوا الأملاك مني
ولاء قلبها يدق من الخوف ووخرت خطوة
أحمد بعصبية حط يده ع جبهته ومسح شعره للوراء:هه ااه يعني كلام دانا صح إنت وراء كل هذا حتى إتهامك لسعاد كان كدب
ولاء تبكي:أحمد والله نادمة
أحمد:نادمة؟؟توا نادمة بعد ماعرفتي إن محمد واحد طماع توا إندمتي بعد ماشفتيه ع حقيقته والله ماني إمصدق إنك ممكن تنزلي للمستوى هذا ياربي وين كنت أني
ولاء تبكي:احمد سامحني والله نادمة أني
أحمد بصوت عالي:عليييش منسااامحك اااه
أنخلعت ولاء من صوته ووخرت خايفة
أحمد:مافيش حد يحبني في هالعيلة لييش اااه
قيصر جي ولقي أحمد بيضرب ولاء وهي لاصقة في الحيط خايفة
قدم قيصر يجري وخش بينهم:وخر عنها
أحمد:حول من قدامي خليني عليها هالحيوانة
قيصر:قلتلك وخر وسكر فمك
أحمد:إنت عارف شن يلي داراته ويلي قبل بتديره
قيصر:ايه نعلم وهي تأسفت ونادمة ع غلطها
ولاء تبكي شادة في قيصر من خلف
احمد قعد يشبح في قيصر مصدوم😨
جت سراب وأم قيصر ودانا وسارة للصالة بعد ماسمعن الصوت العالي
أحمد اضحك بسخرية:تعالوا شوفوا في من إنكلم بالله عليك اتحول إنت مادخلكش بينا خليك في حالك
أم قيصر:احمد؟؟
احمد.بصوت عالي:بالله خليك برا إنت
قيصر بصوت عالي:سكر فمك وإحترم نفسك هاذي أمك
أحمد:جاي بتعلمني الإحترام تي غير عدي شوف روحك إنت والكلبة يلي وراك نفس الطينة
ويعطيه قيصر كف لين برم وجهه للجهة الثانية
سراب شهقت وحطت يديها ع فمها
قيصر بحدة:طول عمرك غبي ومش حتفهم أمتى هالكره يلي في قلبك بيتنحى أمتى؟؟ هذيك يلي تقول عليها أسكتي ومادخلك!!هذي في بطنها حملاتك تسع شهور وجاباتك ع الدنيا وفرحت بيك وكبراتك وردت بالها منك ولما تمرض فوق راسك لما تبكي تبكي معاك ولما تضحك تضحك معاك هكي تجازيها..
لاحظت الأسبوعين يلي فاتن اختك سارة تهتم بيك وغير شن تبي دانا دانا يلي ماتقربكش حتى هي تساعد فيك ولا نسيت شن دارتلك وقت شركتك في خطر كلهم يحبوك ويهتموا بيك حولني أني ع جنب لأني في نظرك واحد فاسد وماننفعش
احمد تأثر بالكلام يلي يسمع فيه وحس بروحه صغير وغالط هلبا في حق خوه...
سراب تشبح في قيصر وتبتسم
قيصر:لكن البغض والكره يلي في قلبك والأنانية هن يلي عامياتك مش مخلياتك تشبح الحب والإهتمام يلي من عيلتك ولو جينا للإحتيال والتحايل صح ولاء غلطت ويلي صلح الغلط دانا هذا مابال تحمد ربك إن الأملاك ما إنكتبن بإسم الكلب محمد كان هذا إنت في الشارع
-ومنقولك حاجة وحدة صار إنت لما تحايلت ع بوي وخليته يوقع بالسيف وعشوي ماقتلته مش حقارة ويلي داراته ولاء ودانا حقارة
-جديات إنت واحد مش عارفة شن منقولك
احمد نزل عيونه وإلتفت رفع عيونه شبح في أمه وطلع حامق قربع الباب
ولاء حست بروحها دايخة والدنيا اتلف بيها..
تنهد قيصر بغضب وضيق وشبح في سراب لكن سراب دارت الحولة
وفجأة ولاء طاحت تحت مغمي عليه😵
شهقت أم قيصر
دانا:ولااء
إلتفت قيصر وقعد ينوض فيها:ولاااء نوضي
الكل وقف ع راسها خايفين عليها
سراب قدمت تجري :ياجماعة ياجماعة حولوا سيبولها الوسع
-قيصر أرفعها حطها هنا
رفعها قيصر وحطها ع الصالون
سراب:سارة عندك ريحة قوية
سارة:هي تو نمشي إنجيبها
سراب بدت اتشوف فيها وتفتحلها في عيونها وتفحص فيها
وأم قيصر شادة في دانا وترعش خايفة
قيصر يشبح في ولاء خايف عليها
سارة:سراب هاك
شدت سراب الريحة وشممتها لولاء وبدت تضرب فيها شوي شوي ع خدودها :ولاء تسمعي فيا ولاء
حركت ولاء راسها يمين يسار :امممم
إبتسمت سارة وأم قيصر وودانا
وقيصر تنهد بإرتياح ..
شوية والباب قعد يدق إلتفت قيصر فتح الباب وكانت الدكتورة يلي فحصت ولاء في المستشفى
قيصر استغرب جيتها
الدكتورة:آسفة جيت بلا مانتصل
قيصر:خشي تفضلي
وقفت سراب وكلهم بدوا يشبحوا في الدكتورة
طبعا هنا ولاء نص مستاعية
الدكتورة:آسفة لأني منخبركم هالخبر اليوم لما جبت اختك ع المستشفى خدينا منها عينة دم لأن المريضة بدت أتكح وترجع في دم فلهذا خديت منها دم نبي نتأكد من حاجة
قيصر شبح ولاء وشبح في الدكتورة:اتكح في دم؟؟
الدكتورة:ايه
هنا كلهم مش فاهمين شي ويشبحوا في الدكتورة
الدكتورة:إنتم مالحظتوا عليها أي تغيرات
أم قيصر:لا عادي اصلا هي مش هلبا تطلع من دارها بدات الأسبوعين يلي فاتن ليش تسألي يادكتورة
الدكتورة:بنتك يامدام معاها الإيدز في الكبد
ام قيصر بصوت عالي:شنهووووو؟؟
الكل مصدومين من الدكتورة مش مصدقين شي😨
الدكتورة:للاسف التحاليل طلعن هكي وعاودتهن أكثر من مرة والنتيجة وحدة
سراب :ياربي 😱😢
سارة قعمزت ع الكرسي وبدت تبكي
قيصر:متأكدة يادكتورة
الدكتورة:ايه
سراب قدمت للدكتورة:دكتورة قصدي كيف جاها ومن وين لقاته بعدين ليه علاج ولا لا
قيصر:ايه يادكتورة كيف
الدكتورة:في هلبا ناس يجيهم هكي إبتلاء يعني من ربي عندكم حد في العيلة عنده
قيصر:لا
الدكتورة:يبقى عامل طبيعي
فجأة ولاء بدت تبكي وتشهق😭😭
جتها تجري دانا حضنتها وقعمزت قدامها سراب وبدن يهدن فيها
سارة شادة امها وتهدي فيها
الدكتورة قدمت لولاء:ولاء إنت مؤمنة بالله
ولاء وهي تبكي:لا إله إلا الله
الدكتورة:تمام إنحب أنقولك إن المرض قاعد في مرحلته الأولى يعني كيف بادي
وقفت الدكتورة:يتعالج بإذن الله
قيصر:تتكلمي جديات يادكتورة
الدكتورة:ايه نقدروا نستأصلوه لو بدينا في العلاج بكري لكن
سراب:لكن شنو؟؟
الدكتورة:التكلفة والفلوس
قيصر تلقائيا:إنت أبدي في العلاج وكل المصاريف عليا
ولاء وهي تبكي شبحت لقيصر وزادت بكي
سراب حضنت ولاء:ماتبكيش ياولاء سمعتي الدكتورة يتعالج بإذن الله
ولاء:اني نستاهل هذا كله من عمايلي ااااه
الدكتورة:يلا نستأذن أني توا
لحق قيصر وراء الدكتورة ع الباب
قيصر:دكتورة
الدكتورة:نعم
قيصر:دكتورة تقدري إتسافري مع ولتء وتشرفي ع علاجها
الدكتورة:صعب
قيصر:دكتورة بالله وافقي وتكاليفك كلهن عليا غير وافقي بس وسافري مع ولاء لاي بلد إنت اتشوفيه مناسب لو سمحتي لو سمحتي
الدكتورة:حنفكر في الموضوع ونردلك خبر
قيصر:فكري براحتك
ومشي قيصر لولاء وشد يدها وهي تبكي قاعدة
ولاء:هذا جزاتي ماعمري احترمتك وفوق كل هذا حاولت ناخد الأملاك من احمد أني يلي فاسدة ياقيصر مش إنت
قيصر حضن ولاء:أسكتي ماتقوليش هكي أني مسامحك ومش زعلان منك وحتتعالجي وتولي زي قبل وأحسن
ووخرها عنه :ولاء إنت واثقة في خوك صح
ولاء هزت راسها بمعنى إيه
قيصر:تمام كويس أني كلمت الدكتورة وحتتعالجي برا البلد وحتكون الدكتورة مشرفة عليك وأني حنتكفل بكل شي ووعد مني حندير كل جهدي بيش اتصحي ووتعالجي زين
ولاء إبتسمت بدموع
قيصر:ايوا هكي نبيك خليك قوية
ولاء حضنت قيصر بقوة:شكرا يا أحسن أخ ربي مايحرمني منك
سراب إبتسمت وفي خاطرها:هذا يلي كنت نبيه
دانا همست لسراب:شن رايك
سراب:فرحانة تعرفي هذا يلي كنت نبيه يصير لكن أحمد؟؟😔
دانا:خلي أحمد عليا
أم قيصر حضنت ولاء وباستها من راسها:ربي يشفيك يابنتي
سارة:ياحبيبتي ياولاء😘
إبتسمت ولاء:الحمد لله عندي عيلة اتحب واتخاف عليا..
سراب:ع فكرة شن يلي بينك وبين أحمد لين قلتي خليه عليا
دانا بتصنع:حبيبتي ولاااء
وقعمزت جنبها
سراب🤔🤨
وجي الليل...
سراب بتنزل تحت بتشوف شن صار وبتطمن ع ولاء
تلاقت هي وقيصر يلي خاش للدار بيغير دبشه
سراب دارت الحولة وتجاهلة قيصر شدها قيصر من يدها إلتفتت وفكت يدها منه
قيصر:قاعدة زعلانة
سراب بحدة:وإنت شن خصك ويهمك
قيصر شد يديها من جديد:شكرا سراب لأنك قعدتي وما مشيتي سيبتي الحوش في هالظروف
فكت يديها منه وبحدة:ع فكرة سبب قعادي في الحوش مش لأني سامحتك ولا حنسامحك فاهم أني هنا ع خاطر عمتي وعمي بس فلا تتأمل فيا وتطمع في السماح فاهم
وطلعت من الدار...
قيصر:وأني حنخليك تسامحيني ياسراب😎😎
وبعد ماتعشوا رقت أم قيصر رجب للدار وبتعطيه دواه وبتلود عليه...أما قيصر طلع هو وعصام وسراب وسارة ودانا رقيوا مع ولاء لدارها وبدن يهدرزن معاها ع أساس يفرجن عليها...
ولاء:سراب نتمنى إتسامحيني أني غلطت فيك هلبا
سراب إبتسمت:عادي إنت زي سوسن أختي مانزعلش منك
ولاء حضنت سراب:شكرا مش عارفة وين كنت أني مغطسة
سراب:المهم توا صحتك وتتعالجي بيش اتوليلنا
ولاء هزت راسها بدموع...
سارة:هي شن رايكم نلعبوا لعبة
سراب:ايه ع قيس الغسالة يلي ع النار
سارة: اااه😂😁
دانا:إنتم خمموا في اللعبة شنهي وأني منمشي إنجيب حاجة إنكسدوا عليها
سراب:وإنت أهربي وديري التليفون سبلة
دانا باست سراب ع خدها:والله نموت فيك وفرحت لأنك موجودة معانا الحوش بلاك يزهق
سراب:ايه زمزكي
ولاء تضحك:هههه والله جوكم يهبل
وبحزن😔:لكن من سوء حظي مش حنكمل معاكن
دانا:أسكتي انهارك مازال تتكلمي هكي فاهمة
إنت حتصحي وتولي زي قبل
سارة:وتولي تحرقيلي دمي ع الدبش
سراب:ونتعارك أني وياك
دانا:وأني شن مندير
ولاء ضحكت بدموع:انت تعالي هنا
دانا حضنت ولاء وقدمت سراب وسارة حضنن بعضهن
دانا:أوكي خلاص هيا منمشي للمطبخ تو انجي
نزلت دانا وخشت للمطبخ فتحت الدولاب وخدت طنجرة وهي تغني بصوت حلو وولعت النار ع الطنجرة بتدير بوشار غطت الطنجرة وقعد اتغني
وصلني جواب اليوم رد الجوابي...
رد الجوابي...
فوق الظرف مختوم دمعة حباااابي...
سمعت حاجة طاحت وراها أنخلعت وإلتفتت وفتحت فمها...
وكان أحمد يلي سكران وطيح سلة الكواشيك من ع الرخامة
دانا لصقت ع الغاز وإرتبكت لأن ماتعلمش بيه سكران :أحمد من أمتى هنا😨
أحمد قدم بخطوات مش متوازنة ويبتسم:صوتك حححلوا هلبا
دانا:إحم
قدم أحمد ودانا فتحت عيونها مصدومة من قربه
أحمد إعتر في رجليه وجي ع دانا حاضنها
دانا قلبها قعد يدق بسرعة ورفعت يديها ومش عارفة شن اتدير😳😳
أحمد يلخبط في الكلام وعرفاته دانا إنه سكران😵
دانا:أحمد إنت سكران؟؟
وخر أحمد وطاح تحت وقعد يضحك
دانا طفت الغاز ومشتله قعمزت قدامه بخوف:احمد
أحمد:هههههه شربت شوية شوية صغيرة
تعالي إنقولك سر في وذنك شربت شيشة كاملة
دانا شهقت😱
أحمد:أششش🤫 ماعاد انقولك شي راه
ههههههههههه
دانا:ياربي هذا مش صاحي بكل
أحمد حط يديه ع أكتاف دانا وقرب منها جمدت في مكانها وقلبها بيطلع من بين ضلوعها❤💓
أحمد:تعرفي عيونك السود قتلني وين نشبحهم ماعاد نعرف شن اندير
دانا 🥶🥶😳
احمد:إنت حلوة هلبا يادانا خصلات شعرك يديك الناعمات الرقيقات وأهم شي وين تحمقي
دانا:إحم احمد نوض معاي إنت مثقل نوض
سحبها أحمد لعنده لين حطت يديها ع كتافه وشهقت
أحمد:هذاك اليوم لما تبكي برا
إدكرت دانا يوم عيد ميلادها لما بكت برا...
أحمد:تعرفي دموعك سيوف هنا هنا شفتي هنا❤
كنت نبي إنجي وانخفف عنك لكن لكن اااممم
ناض وقف وقعد يتمايل:دانا أني إنحبك هلبا هلبا ماقدرتش نكرهك أصلا أني حبيتك من أول مرة شفتك فيها
دانا وقفت مصدومة مش مصدقة الإعتراف المباشر
أحمد:إنحب كل تفصيل فيك
دانا قدمت وشدت أحمد يده وخشت تحت دراعه سنداته عليها ورفعاته لداره:احمد إنت مش صاحي ع روحك شن تقول
وبدت تسحب فيه وتمشي بيه وهو يتمايل يمين يسار
أحمد:هههههههه
دانا:أششش وطي صوتك
أحمد بصوت عالي شوي:/
قتلوني عيونه السود/ياليل ماله حدود.
قتلوني قتلوني قتلوني عيونه السود...
ههههههه الأغنية تطلع عليك
فتحت دانا الدار وخشت هي وياه طاح تحت جي مقعمز...
دانا شهقت:أسفة أحمد صارلك شي
أحمد بألم:اااه
دانا شدت يده بتنوضه لكن فك يده:حولوا كلكم تكرهوني مافيش حد يحب وجود أحمد أمي بوي سارة ولاء قيصر كلكم
دانا:احمد😔
احمد:حتى أني نكره أحمد مانحباش نقرف منه لأنه واحد حقير وتافه ما يحترم في حد مد يده ع أمه وخلى بوه يوقع بالسيف يضرب في خواته وطول عمره يجرح في خوه الوحيد خوه الكبير قيصر
وقعد يبكي😭😭😭
دانا قعمزت قدام أحمد وحطت يدها ع كتفه:ما إتقولش هكي إنت مش هكي
أحمد:لااا أني هكي وأكثر اليوم لإقتنعت بكلام قيصر لما قالي واحد أناني فعلا اني أناني يا دانا
وقعد يصرب في روحه في كفوف
شدت دانا يده:بطل ضرب في روحك
احمد:خليني اني حمار نستاهل طول عمري بعيد عن العيلة صدق قيصر حسدي وحقدي عماني ع الحب والإهتمام😭😭
وقعد يبكي ويكرر في كلمة أني حمار حمار
دانا:احمد اشبحلي شوية
احمد ماباش يرد
حطت يديها ع خدوده ورفعتله راسه وقعد يشبح فيها مسحتله دموعه وبحب وحنيه:إنت مش حقير للدرجة هذي مش سيئ كل إنسان عنده جانب خير وشرير ودموعك اليوم دليل ع إنك طيب وحنون ونادم ع يلي فات..
مانعلمش بالزبط يلي صاير بينك وبين قيصر لكن المهم اعترفت بغلطك يا احمد ولو تبي إتصلحه تأسف منهم وإعتذرلهم تقرب منهم واول واحد بوك
فهمتني يا أحمد
وإبتسمت😊
ووقفت مدت يدها ليه...
قعد يشبحلها مد يده وهو يشبح وقف وهو يشبح وقعد يمشي وهو يشبح وصل للسرير قعمز
دانا:اوكي تصبح ع خير
وقف احمد وشدها من يدها وبحب:دانا
دانا ألتفتت:تبي حاجة
قرب منها أحمد وحط يديه ع خدودها
دانا بإرتباك:أ أحمد إنت مش واعي ع روحك
احمد قرب:اششش
غمضت دانا عيونها وكمشت يديها وباسها بوسة طويلة بوسة عبر فيها عن حبه وشكره وأمتنانه ليها
وشوي وخر عنها ونفسهم في صوت واحد
احمد إبتسم ع جنب وطاح دايخ ع السرير...
.....
تالله لم أعرف من ذا الذي...🤔؟؟
تذوقته حتى ذهب بعقلي...🤯💥
أهي تلك الكأس اللعينة...🍻🍾🚫
أم شفتاها أمَن يقل لي...🙏🔊
.....
طلعت دانا تجري من الدار ولصقت في الباب وحطت يدها ع قلبها يلي دقاته بتفضحها..
سارة:دانا
دانا أنخلعت:هاااا
سارة:شن اتديري
دانا قدمت:ااه لا شي
سارة:من بكري انراجوا فيك وينك خيرك عطلتي
دانا:اااه
سارة:نتكلم عربي راه
دانا سرحت..
سارة قدمت:دااانا
دانا:نعم
سارة:الووو إنكلم فيك
دانا:إحم خيرك
سارة بخبث:شن أتديري في دار أحمد😈
دانا:اااه لاشي
سارة:متأكدة
دانا:شي قلتلك
ومشت من جنبها خشت للمطبخ..
سارة خشت وراها:ع فكرة صدقتك
دانا غمضت عيونها وتنهدت:حرة
سارة:والله شاكة فيك
دانا إلتفتت:عليش شاكة
سارة قربت:إنت وأحمد على ااااا
دانا:تريحي وقعمزي وفكينا من ال ااااا متاعك هذي
سارة:ترا قولي مافي شي والله
دانا:عليش الحلفان
سارة:معناها والله مزبوط يلي فكرت فيه
دانا:بتمشي من حداي ولا إنقول شن شفت أمس في الجنان عقاب الليل
سارة بإرتباك:شن شفتي
دانا حطت يدها ع بعضهن:مش عارفة تقريبا عصام هو ووحدة مانعلمهاش من هي حاضنين بعضهم زي العصافير وباسها ع خدها وقاللها إستاحشتك وأمتى منتزوجوا وا...
حطت يدها ع فم دانا:خلااص أسكتي
دانا ضحكت بمكر
سارة:حيوانة وإنت ليش اتقصقصي
دانا:الله غالب بدون قصدي كنت طالعة اندور في تغطية
سارة:قلتيلي تغطية
دانا:ايه ههههههه
سارة:تو اتشوفي ياحيوانة والله غير مانشد عليك حاجة..
وبعد ماسهروا وكملوا خشت سراب للدار لقت قيصر ع البلكونه تحسابه يدخن
جت تجري وشداته من يدها سحباته لعندها وشافت يديه مالقت فيهن شي تحشمت ع حركتها تو يحسابها ميته عليه
قيصر ابتسم:مش قلتلك اني مستحيل تكرهيني
سراب بإرتباك:بلا كلامك الفاضي
قيصر:تسحابيني اندخن صح
سراب سكتت
قيصر:قاعدة مش واثقة إني سيبت الدخان وهذا كله ع خاطرك
سراب:إحم تعالوا شوفوا من يتكلم ع الثقة
قيصر كشر وعقد حواجبه:مش حتنسي هذاك اليوم
سراب:مستحيلة فاهم
قيصر قرب منها:ولا حتسامحيني
سراب:في احلامك
مرر يده ع خدودها:بكل
سراب بإرتباك:ب بكل
ورد خصلات شعرها لوراء وذانها:بكل ياسراب
سراب:اايه
ولف يده ع خصرها وقرب من فمها لين حسن بنفسه ع شفايفها دفاته عنها وبشراسة:واحد حقير وسع عني
إبتسم قيصر:خيرك؟؟
سراب بإرتباك وتوتر:مازال تعاودها نقتلك قتل
قيصر ببرود:المهم تقتليني بيديك الناعمات
فنصت فيه تفنيصات باهيات..
قعمزت ع السرير وبتتمدد رقد قيصر جنبها
سراب وقفت:أنت يا بني آدم شن إتدير
قيصر بإستغباد:منرقد خيرك
سراب بعصبية:نوض توا
قيصر:تي منرقد تعالي أرقدي مش حنديرلك شي
سراب:تجرأ ودير حاجة ترا
قيصر وقف وعيونه قلوب:حقا تعالي هي
سراب شهقت:قليل أدب اقعد مكانك
قيصر:باه
وتمدد ع السرير
سراب:نوووض إنت ماتفهمش
قيصر:والله ماعاد فهمتك مرة نوض ومرة اقعد مكانك
سراب:نوض من هنا إمشي ارقد ع الكنبة نوض
قيصر وقف :حاضر
-عرفت ليش ماتبينيش نرقد جنبك
سراب😑😑🤨
قيصر بخبث:لأنك خايفة من روحك😈😂
سراب في الأول مافهمت شي وبعدين شهقت😳 بقوة:حيوااان حقييير 😱
قيصر:هههههههه صح النوم😈😂
سراب:أقسم بالله ماني راقدتها هنا فاهم
وخدت بطانية ووسادة 😡
وقيصر طايح فيها ضحك عليها 🤣🤣
سراب رمت عليه الوسادة وفتحت الباب وطلعت:تافه😤
قيصر نقز ع السرير رقد:اااااه تهبل لما تحمق
❤❤
وجي اليوم التاني...
ناض أحمد وراسه امصدع خش للحام دوش وطلع وفجأة إذكر ليلة أمس وشن دار لدانا والكلام يلي قاله ليها والكلام يلي قالاته ليه
في الاول خزي روحه إن قاللها كل هالكلام وهكي لكن بعدين إبتسم ومشط شعره وطلع..
لقاهم كلهم يفطروا عالطاولة مجتمعين
سارة:احمد صح النوم تعالى
دانا مش قادرة ترفع عينها بكل متحشمة
قدم احمد وقعمز وجت تقعميزته قبالة دانا يلي غاطسة راسها تحت مش قادرة ترفعه
سارة همست لي دانا:خيرك أرفعي راسك وأنت شعرك قريب هو يلي بيفطر
دانا خبطت سارة:ألهي في عمرك
نزل قيصر:صباح الخير
الكل ماعاد سراب:صباح النور
حط قيصر اللاب توب متاعه ع جنب وقعمز جنب سراب وهمس في وذنها:قلت صباح الخير
سراب خبطاته ع رجله:مش صباح النور
قيصر أبتسم:مع من رقدتي أمس
سراب:مادخلكش
قيصر:اكيدة يلي رقدتي معاه تخيلتيه اني
سراب شهقت بقوة😳😱
الكل قعد يشبحلها..
تحشمت سراب😅😁
قيصر قعد يضحك عليها
رجب:شن في ياسراب
سراب:لا أنسيت الشاهي ع النار وناضت تجري وهي تتمتم في خاطرها..
اما عن أحمد قعد يشبح في قيصر ويبي يتأسف منه لكن ما إقدرش
دانا رفعت عيونها ولقت احمد متردد إن يكلم قيصر
رن رن رن
قيصر خدي تليفونه وناض
احمد:ق ااااه
وجت عينه في دانا دانا دارت روحها تشبح للجهة الثانية إبتسم أحمد وحط ذقنه ع يده وقعد يراقب فيها كيف تاكل وتحرك في شفايفها..
سارة وولاء شبحن احمد كيف سارح في دانا قعدن يضحكن
ام قيصر:شن يلي يضحك
ولاء رفعت حاجبها أشرت لأحمد وضحكت
أم قيصر شبحت في احمد وبدت تضحك ونخصت رجب حتى هو قعد يضحك وانفجروا ضحك ماعادا احمد ودانا يلي مايعلموا بشي
احمد استاقض ع روحه ودانا رفعت راسها لقتهم يضحكوا
احمد:شن يضحك فيكم
ام قيصر:انضنك ياولدي مشيت فيها
وقعدوا يضحكوا ناض احمد وسيب الفطور متحشم
دانا:احم
ولت سراب:عليش تضحكوا
سارة:فاتك موقف نص عمرك ههههه
خش قيصر من برا:ترا أسمعوني شوي
الكل شبحوا في قيصر
قيصر:الدكتورة وافقت اتسافر مع ولاء حجزت التذاكر ورتبت الأمور وطيارتك يا ولاء الساعة عشرة في الليل ع ألمانيا
ولاء بحزن:شكرا قيصر
قيصر:ماعاد تشكريني
رجب:هذا ولدي قيصر يخاف ع عيلته وحنون عليهم
إبتسم قيصر
سارة:منستاحشك هلبا ياولاء
ولاء وهي تبكي:واني اكثر
ام قيصر:باهي مافيش حد بمرافق ليها
ولاء تلقائيا:لا مانبي حد معاي لو سمحتوا مانبيكمش اتشوفوني وتتعدبوا معاي ساد الدكتورة معاي واني كبيرة وواعية
قيصر:خلوها ع راحتها
أم قيصر تبكي:ربي يشفيك يابنتي
خش عصام:قيصر وينك؟؟هيا
عصام:صباح الخير كلكم
الكل:صباح النور
رجب:كيف حالك ياولد
عصام:كويس ياعمي
ام قيصر:أن شاء الله بخير ياصوما
عصام:الحمد لله
عصام رفع يده:دانا ولاء سراب شن الجو
ردن عليه:تمام
وشبح في سارة غمزلها بعينه إبتسمت ونزلت راسها ورفعت راسها وغمزتله
عصام وهو يبتسم:احم قيصر تعطلنا ع الإجتماع
قيصر:يلا هي
ومر الوقت لعند الساعة 10 م وبعد ماوتتولاء شنطتها ونظمت أمورها وجي موعد الطيارة
نزلت تحت بتودع عيلتها
احمد:كييف إيدز😱😢
سارة:ايه
أحمد:وليش آخر واحد يعلم
سارة:امس بس طلعن التحاليل
تنهد بغضب وطلع من الباب جري
ولاء تبكي وهي حاضنة امها:إدعيلي يا أمي
أم قيصر:ربي يجعلك في كل خطوة سلامة يابنتي
وحضنت بوها وودعتهم كلهم بالدموع والحزن
احمد جي يجري شد يدها سحبها لعنده
ولاء:احمد؟؟
احمد بحزن وتلقائيا وحضنها بقوة:آسف آسف
وقعد يبكي وولاء تبكي
والكل قعدوا يبكوا من المنظر😢
احمد وخر ع ولاء:إنراجي فيك راه صحي بيش تاكليها طريحة مني
ضحكت ولاء بدموع:حاضر
-سامحني يا احمد
أحمد:أنت يلي سامحيني
خش قيصر وانصدم من احمد يلي يبكي وحاضن ولاء😶😶
وخر أحمد ومسح دموعه:تمام ساد دموع ساد
أمشي من قدام وجهي تو
سارة:خزي حتى في عز الحزن كلامه زي وجهه
دانا:هههه
قيصر:احم يلا ولاء
ولاء خدت شنتطها قدم قيصر وخداها منها:يلا انراجي في السيارة
ولاء:باي
وطلعت ولاء والدموع وراها بحيرة
وصلوا للمطار وحضنت ولاء قيصر:بالسلامة
قيصر:ردي بالك من روحك وكولي زين وخلي النت ديما مفتوح بيش نطمن عليك فاهمة
ولاء:حاضر
-باي😢
وهكي ولاء سافرت وهي إمصلحة علاقتها مع الكل
صباح اليوم التاني...
وع صبح ربي من الساعة 8
رن رن رن
قيصر بكسل:ألوو
؟؟؟:كان تبي خوك حي جيب ورقة تنازل
احمد بصوت عالي:قيصر ماتجيش
قيصر قعمز مصدوم:ألووو احمد وينك
؟؟؟:خوك بخير طالما حطيت عقلك في راسك ودرت يلي قلتلك عليه أنت فاهم
قيصر بحدة:شن تبي
؟؟؟:ههههههه كويس أنك تفهم ع الطاير
-جيب وراق التنازل وتعالى ع العنوان يلي منبعتهلك في رسالة...
احمد:قيصر ماتاخدش كلااامه
-اااااااااااه ااااااه
قيصر بصوت عالي:نهارك احرف تمسه حول يدك من عليه ياحيوااان
طوط طوط طوط
قيصر لوح التليفون بغضب وزمجر بالقوة:اااااه
يتبع....
#رحيق_الفجر🕊🕊
