حب بعد ورطة

13

#رواية_حب_بعد_ورطة
الحل{13}قة...
قيصر خش للدار حامق وقعد يكسر في كل شي قدامه
تبعاته سراب وخشت للدار أنصدمت وخافت من عنفه وصوته العالي
سراب:قيصر أنت فهمت غلط
قيصر بصوت عالي:مافهمتك غلط مافهمتك غلط
سراب بخوق:غير وقف تكسير وخلينا نتفاهموا
قيصر من العصبية نين شعره نزل على عيونه وعروق وجهه بانت:شن بتفهمييني قلتك من الأول مانبيش شفقة منك مانبيكش تشفقي عليا
وبعدين من يلي خبرك اااه من يلي خبرك
سراب:مش عيب كلنا عندنا ماضي حتى عندي ماضي وأسود
قيصر بصوت عالي:أسكتيييي مانبيش نسمعك
أطلعي برا
سراب بدموع:صدقني يلي فات فات إنت ماتقدر اتغير شي
قدملها بسرعة ووقف قدامها بعيوون نار وبتهديد:قلتلك تسكتي وتطلعي خير ما إندير حاجة نندم عليها إنت ماشفتيش وجهي التاني الأحسن تطلعي قبل مانفقد أعصابي
سراب:نبي إنشوفه وجهك الثاني نبي إنشوف قيصر لوين بيوصل إنت خايف إنت واحد خواف إتخاف يصير فيك زي قصي
فتح عيونه وهو يفنص فيها بحدة وضغط على سنونه نين وجهه قعد يرعش وشدها من يدها بقوة نين صوابعه طبعن في يدها ويفتح الباب يدفها برا نين جت مقعمزة ويسكر الباب
سراب بألم:ااااه
قيصر شد جبهته ومسح راسه بعصبية
سراب اتدق ع الباب:أفتح منتكلم معاك
قيصر بصوت عالي مرعب:إمشي من هنااااااااا
قعدت سراب تبكي وناضت جتها سارة تجري
سارة:صارلك شي
سراب بدت تمسح في دموعها:لا لاكن هو مايبيش يسمع مش عارفة كيف عايش هو
سارة قعدت تضحك
سراب:ليش  الضحك
سارة:ههه اسفة لكن شوفي روحك وين وصلتي ومن أمتى سراب يهمها قيصر يسمعها ولا لا تي إنت كان إتحصلي ما أتكلميشي ولا يكلمك
سراب استغربت من روحها فعلا هي تكرهه ليش مهتمة بيه يسمع كلامها ولا
سراب في خاطره:وحتى واسمعني شن منقوله أصلا
سارة:إنت تقدري تضحكي عليا لكن ماتقدريش تكدبي على قلبك إنت بديتي إتحبي قيصر ياسراب يديتي اتحبيه
سراب إرتبكت وزي يلي بتنكر
سارة:ماتنكريش وماتوضحيلي شي واضح عليك كان هذا ليش لما مرض عالجتيه وليش اسمعتي قصته كان تكرهيه مايهمكش حتى ماضيه شن يخصك بيه فهمتي
سرحت سراب وبدت اتفكر في كلام سارة
ألبس قيصر بدلته متاع الشرطة وفتح الباب قربعه على الحيط ونزل شبحاته سراب ولحقت وراه
سراب:وقف
قيصر تجاهلها حامق وطلع بإستعجال
سارة:هكي طبعه لما يحمق صعب يروق
سراب:أني نعرف دواه
سارة:شن تقصدي
سراب:أني مايمشيش معاي الطبع يلي هكي كان هو عنيد أني أعند
سارة:خوفتيني شن بتديري
سراب الباب وطلعت
سارة:وين بتمشي
سراب:منمشي وكان سألك قوليله مانعلمش بيها
سارة:باهي وين بتمشي
سراب:ماتخافيش لأهلي
سارة:أهلك مش ااا
سراب:أكيدة روقوا توا
-يلا باي وديري كيف ماقلتلك
وطلعت سراب تجري...
هي طلعت برا من الحوش وبدت سيارة اتبع فيها
.
.
سفيان:امي
أم سراب:نعم
سفيان:نبيك في موضوع
أم سراب:شن في إن شاء الله خير
سفيان:لالا خير غير نبي إنحدد العرس
إبتسمت أمه:حق
سفيان:ايه نبيك إتنظمي أمورك بيش نتفاهموا مع عيلتها
أم سراب:أموري منظمة شوف روحك الحوش كامل خلاص
سفيان:مافي شي ناقص
-تمام العرس بعد أسبوعين تقدري اتلايمي
أم سراب:ان شاء الله نقدر يوم هو في الصالة
سفيان:مية مية منمشي إنكلم أمل أني
أم سراب:لولولوليييييي ألف مبروك
سوسن:شن في
طارق:خيركم
أم سراب:خوكم وآخيرا حدد العرس
سوسن:ألف مبروك ههههه حصلنا هياجة
طارق:إفتكيت منك
سفيان:خزي
وقفت أم سراب وعفويا:هيا سوسن نادي سراب وا..
كلهم شبحولها طارق وسفيان حمقوا وسوسن بتبكي وأم سراب قعمزت وبدت تبكي:شن صار فينا كنا عايشين متريحين
سفيان:ومايجيش العرس بلاها
سوسن:يجي ياسفيان لكن ناقص
طارق:مافي شي ناقص كأنها ميتة
أم سراب:استاحشتها هلبا
سفيان:هي يلي اختارت هكي غيروا السيرة
طق.طق طق
مشت سوسن وفتحت الباب..
سوسن:سرااااب
كلهم وقفوا وقدموا للباب
أم سراب ضحكت بدموع:سراب
وجت تجري سراب حضنت أمها وبدت تبكي
أم سراب:وينك يابنتي معقولة تاخدي كلامي يلي قلته في وقت حمق
سراب:آسفة سامحيني يا أمي
أم سراب:مسامحاتك دنيا و آخرة
وسلمت سراب على راس أمها ويدها وحضنت سوسن
سوسن وهي تبكي:خديت كل دبشك ومشيت فيه
-عرفتي الجاكيت يلي حالفة عليه ماتبيش تعطيه خديته
سراب:ههههه قردة
سفيان بحدة:كملتووا
وخرت سراب وهي تشبح في سفيان وقدملته
سفيان:وخرري ماتقدميش
سراب أنصدمت وفتحت فمها
سفيان:كان كملتي إمشي من هنا
أم سراب:سفيااان
سفيان:شن في كان أنتن إنسيتن أني مانسيتش
شن دارت وينه راجلك مش معاك اليوم ولا منكدها عليك وماعندكش وين تمشي
أم سراب:أسكت خلاص
سفيان بصوت عالي:مانييييش سااااكت وتوا تطلع من هنا خير ما نقتلها
سراب بدموع:سفيان أني سراب
طارق بعصبية:وكااان سراب يلي درتيه نزلك من عيوننا وخلاك مش أختنا
ام سراب تبكي:شن هالكلام يلي نسمع فيه
سوسن:طارق سفيان هي غلطت وندمت خلاص ساد سامحوها
سفيان قدم:أنت تسكتي
وشد يد سراب :وإنت أطلعي برا
ورماها برا من الحوش وسكر الباب
أم سراب:هذي أختتتك شن درت هذي أختك أفتح الباب
سوسن:بالله أفتح حرااام عليك
سفيان:وحدة تطلعلها برا مايصير خييير
-طارق رد بالك منهن
سراب تخبط على الباب:أفتح سفيان أفتح أسمعني مرة وحدة وإعرف ليش درت هكي
أم سراب وسوسن يتباكن ومش قادرات يديرن شي لأن طارق أمسكر الباب بالمفتاح...
قعد قريب ساعة وهي إتدق في الباب وتبكي نين صوتها إمبح وعيونها عين من الدموع ولما فقدت الأمل من إن يفتحولها إلتفتت وهي تبكي بتروح
أم قيصر:ليش ما إسمعتوها أني ماربيتكمش هكي
طارق:قولي الكلام هذا ليها
سوسن:أمي روقي إنت كيف صحيتي من العملية
..
..
حاط قيصر يده على جبهته ويدكر في كل شي سمعه من سراب وكل شي صار معاه من ست شهور
قطع عليه محسن:شن فيك
قيصر تنهد:مافي شي
محسن:واضح عل...
فنص فيه بحدة:هات الملف هات
-وين انوقع
محسن:هنا وهنا
وقعه ومدهله..
وقعد واقف محسن يشبحله
قيصر:محسن إمشي من قدامي من فاضيلك ومش رايقلك
...
...
في سيارة سودة ضخمة..
سراب بصوت عالي:امممممممممممممممممم
شادي:شدها زين
فادي:قلتلك أربطلها رجليها ويديها
سراب تخبط بيديها ورجليها:اممممممممممممممم
شادي:خلت هي من يربطها أقسم بالله أتقول كان حولي بيدبحوه
فادي:تي أقعدي يابنت تعبتينا
شادي:حتى هي مرت القيصر
فادي:ههههههه
وبعدين كشر ملامحه:مش عليا واعرة
ويخبطها على راسها باللوحة يصيخها
شادي:والله ريحتنا...
.
.
أم سراب:مش متريحة أني قلبي مش متريح
سوسن:خيرك
أم سراب:في حاجة مش كويسة بتصير
.
.
روح قيصر للحوش وتلاقى بأحمد في الباب طبعا أحمد دار روحه ماشبحاش وفات من جنبه لا كلام لا سلام وخاصة بعد ما أهل حبيبته رفضوه على خاطر سمعة قيصر زاد كره أحمد لقيصر
وقف قيصر قعد يدور بعيونه ع سراب
سارة تشبحله من بعيد:ياحي ياحي
رقي قيصر وهو حامق والشيطان متربع ع خشمه
وفتح الباب لقي الدار مضمومة
وفي خاطره يسأل وين سراب
فتح الحمام لقاها مهناش دورها على البلكونه ومالقاهاش نزل تحت وقعد يدور عليها والجنون بدن يرقن بالشوي
قيصر يمشي بسرعة ويدور فيها ويردد في كلمة:وينها وين مشت
.
.
فتحت سراب عيونها وكانت اتحس في راسها بيتفجر صحصحت زين ولقت روحها يديها ورجليها مربوطات والمكان خرابة و شبه ظلام
سراب بخوف:وويني
بعدين إذكرت إنها في إثنين غموها وخطفوها
وبصوت عالي:وييينكم طلعووووني من هنا ساعدووووني
خش شادي وفادي وهم يضحكوا
سراب طبعا مافرزتهمش لأن المكان ظلام شوي
شادي:شن منديروا فيها توا
فادي:امضني نقطعوها طرف طرف ونبعتوها في شنطة للشرطي
شادي:لالا امضني نقطعوا راسها أحسن
وسراب ميته خوف وتعرش
قدموا الإثنين نين جو في الضي ومن مناظرهم سراب شهقت بخوف
شادي:والله مرته سمحة يافادي
فادي:ترا
-ايه هذا قيصر ديما حظه مليح
سراب:فكوووني شن تبوا مني
شادي:لا مانبوا منك شي راجلك يلي نبوا منه
فادي:راجلك تعبنا هلبا خلانا نمسحوا في الحبوس
سراب تحاول ما تبينش خوفها:أكيدة مجرمين والحبس إنحط ليكم ويلي زيكم
شادي:وووو وأم لسااان
فادي:شكله الشرطي لحق يعلمها
-صح إحني مجرمين على الأقل مش خاشين تحت اسم الشرطة لكن راجلك هذا يدير في يلي يبيه تحت اسم الشرطة هالفاسد المرتشي
سراب حست بالإهانة ليها وعفويا تلقائيا:سكر فمك إنت وياه قيصر أشرف منكم بمليون مرة
فادي:ههههههههههههههه وووك عالجو
الكلام هذا مايهمناش المهم منتفرجوا ع راجلك وهو يترجى فينا بيش انخلوك تمشي وبعد مايترجانا وسلم على رجلينا حنخلوه يغرق في العااارر قبل لتموتي
سراب أنصدمت وقعدت تشبح يمين يسار خايفة
شادي:ههه خلينا نتصلوا بيه انشوفوا شن مداير
.
.
قيصر يدور فيها قالب الحوش عليها بعدين إذكر أنها مرة مدايرتها فخش يجري للدار وتنهد بحدة ونزل تحت السرير:مازال أتديرها الحركة هذ.....
ولقاها مهناش وهنا جن جنونه وبصوت عالي:سرااااااااااااااااااااب
ونزل لسارة:شفتها وينها
أم قيصر:منهي
قيصر بهستيريا:سسسراب يا أمي وينها أكيدة هربت
أم قيصر:غير روق ماعندها وين تهرب
قيصر:أني دورت عليها ومالقيتهاش ماعندها حد هي حتى هلها وا....
سارة وجعها خوها:هي عند هلها
قيصر:شنو
سارة:إمشيلها عند هلها
ابتسم قيصر وطلع يجري
أم قيصر:ليش مشت لهلها
سارة:تبي اتغير طبعه
أم قيصر:وكان هذا  هكي
سارة:حاليا سراب تلعب ع الوتر الحساس عارفة إن قيصر مايقدرش يتحمل فكرة إنها مش حداه فسراب تبي أتغيره وأتخليه ماعاد يحمق بسرعة
.
.
وبعد ماوصل قيصر على حوش أهل سراب قعد يخبط بالقوة
سفيان بصوت عالي:باااهي بااااااهي
فتح الباب ويخش قيصر الداخل وهو يدور عليها زي المجنون
سفيان:تي أنت وين تسحاب روحك
قيصر:سررااااب
أم سراب:شن فييي
-أنت شن اتدير هنا
سفيان:وقف قلتلك وين خاش
قيصر:وين سراب وينهااااا قوللها تطلع
سفيان:شن تخرف إنت مهناش هي أطلع
قيصر بصوت عالي:سراااااب أطلعي والله مايصير خير عارفتني إنت
سوسن:شن هالمجنون هذا
أم سراب:هي جت وعدت
قيصر:شنووو أمتى وين مشت
سفيان وقف قدامه وبحدة:مانعلموش ومانبوش نعلموا هذي مرتك توا أنت المسؤول أحني مادخلناش وتوا تطلع من هنا وخبر مرتك ماعاد إتجي هنا
قيصر:مرتي حتجي هنا لأمها ولحوش بوها وغصبا عنك
وقطع عليهم تليفون قيصر
رن رن رن رن
فتح قيصر التليفون وحطه على وذنه وهو قاعد يفنص في سفيان:الو
شادي:هههههههههههههههه
قيصر:الووو
سراب:فكنييييي ياتافه ياحقيير ساعدووووني
تغيرن ملامح وجهه من العصبية للخوف:سسراب الو سراااب وينك
سفيان حتى هو خاف وقعد يشبح في قيصر وعرفه من ملامح وجهه ان في مشكلة
شادي:اسمعتها هههههههه اسمعت سراب حبيبة قلبك
كيف تصيح
قيصر بعصبية:شششششااااااديييي
شادي:بشحمه ولحمه شن تسحابني منطلع من الحبس وما أنردش اعتباري
قيصر:عداوتك معاي مش معاها
أم سراب بخوف:شن فييي وين بنتي
سفيان:أس شوي
شادي:حتى عدواتك كانت معانا مش مع بوي
قيصر:بوك غاطس في الجرايم لركبته وطبقت القانون عليه
شادي:هذا مايهمنيش هذا كله المهم عندي تندل ياقيصر
فادي شد شعر سراب بقوة
سراب بألم:اااااااااااااه
قيصر بصوت عالي:شاااادييي يدك نكسرررهاااا
فادي:فادي مش شادي أسمع هن كلمتين تمشي إتسكر ملفنا زي الراجل الطيب وتستقيل من عملك
وإلا..
سراب بألم:اااااااااااه
قيصر:حتندموا أقسم بالله ماني راحم فيها واحد
سراب بصوت عالي:رد بالك اتدير يلي يبوه ياقيصر
قيصر:سراااب سراااب انت مافيك شي
سراب وهي تبكي :لا مافيا شي لكن خايفة
قيصر:ماتخافيش أني وعدتك وأني عند وعدي
شادي:جيب استقالتك الموقعة وجيب الملف على المكان يلي منبعتهلك توا ورد بالك تلعب
فادي:مرتك سمحة أن شاء الله نتحمل نين تجي
هههههه
شادي:هههههههههه
قيصر بتهديد وعصبية:ردوا بالكم اتمسوها ردوا بالكم
شادي:هيا هيا لا تنسى موعدنا اليوم الساعة تسعة في الليل
وسكر الخط..
قيصر:الو الو الووووووووو سرااااااااب
ويحدف التليفون يكسره ويحط يده على جبهته ومسح راسه بعصبية
سفيان:وين سراب قول وينهااا ومن يلي خطفوها
ويشده قيصر من سوريته وقعد يهز فيه بقوة وعصبية وحدة:كل منك كان خليتها هنا ما إنخطفت ما إتقولش خوها إنت قلت عليها مش أختك لا أنت يلي مش خوها...المفروض تطلق شعرك زي الفرخات وتحلق شناباتك يلي ضاربهن فوق شواربك من يلي داراته أختك
أم قيصر وسوسن خشن من بينهم وفكوهم عن بعضهم
أم قيصر:مش وقت عراك
قيصر بصوت عالي:لااااا وقته سراب تزوجتني على خاطر تنقد خوتها مني ياخالتي
الكل:😦😦😦
قيصر:ااييه زي ما إسمعتوا أني ضغطت عليها وهددتها لو ماتوافق تتزوجني طارق وسفيان حيعفنوا في الحبوس وهي من خوفها عليكم قبلت تتزوجني غصب عنها لأنها ماتبيش تخسركم وإنت ياسفيان ياكبير العيلة شن درتلها قبل بتضربها وتبريت منها واليوم لما جتكم لزيتها
سفيان وخر على وراه من الصدمة وسوسن حطت يديها على فمها:أختي سراب
أم سراب:يابنتي ياحبيبتي إحني شن درنا فيك وانت شن درتيلنا..
قيصر:ألو محسن
-جيب فيت الرقم هذا ضروري وبسرعة
قيصر لسفيان:أقسم بالله تصيرلها حاجة لمنطربق الدنيا فوق روسكم
وطلع يجري...
رن رن رن
قيصر:ألو
محسن:في مشكلة في الرقم يلي عطيته تعالى
قيصر:هاني جاي
.
.
شادي قعد يناشب في سراب وينخص فيها:انت يلي ماينخافش عليك هههههه
سراب اتوخر متقززة وخايفة
فادي:غير شوفها خيرها اتفنص
شادي:نزلي عيونك
سراب لا رد وقاعدة اتفنص
ويعطيها كف نين جبهتها جت على حديدة مرمية
في الوطا أغمى عليها طول
فادي:حي علمك ياشادي
شادي خاف وشافها تتنفس ولا لا
شادي تنهد بإرتياح:لالا تتنفس
.
.
ومن فادي وشادي لقيصر في المركز
قيصر:كيف ما إقدرتش توصله
محسن:الرقم خاص ما إقدرناش نوصلوله
قيصر:تي دبر فيته مانقدرش نصبر للتسعة في الليل أنييي
الشرطي:أني عندي ولد عمي فالح في الحاجات هذين مخترق يعني
قيصر:اتصل بيه بسرعة
الشرطي:هي هي
.
.
سفيان مقعمز حاط يده على وجهه وام سراب وسوسن يبكن خايفااات
طارق:مخطوووفة ومن خطفها
سوسن:مش عارفة اتصلوا براجلها وأشبح شن طلبوا منه
طارق:تي نوض خيرك مقعمز
سفيان شبحله
طارق:شن تشبحلي هكي نوض مهما يكون
.
.
سراب تحلم😴😴
قيصر:سراب هاني جايك ماتخافيش
سراب:أني مش خايفة على روحي خايفة عليك إنت شادي وفادي مش ناوينلك على خير
قيصر:مش مهم المهم انت
سراب:ليش خايف عليا للدرجة هذي
قيصر:لأني إنحبك حب مش عارف كيف نوصفه أنت كل شي في حياتي
سراب إبتسمت:قيصر
لكن قيصر فجأة إختفي
سراب:قيصر وينك نبي إنقولك حاجة
-قيصررررر وييينك
-قيصر أني إنحبك هذا يلي نبي انقولهلك سراب اتحبك ياقيصر اتحبك
وناضت قفزت من نومها وبدت اتدور ع قيصر ونست روحها مخطوفة وإنها بعيدة عليه...
...................
يلي بعيدة دارك...يلي بعيدة دارك....
قوللي وين أخبارك...وكيف أحوالك....
ووين الطريق يلي إتدلني على أوصالك...
يلي بعيدة دارك...يلي بعيدة دارك....
ماتهمنيش مسافات ولا وين بالزبط عنوانك...
مايهمنيش البعد وإنت في قلبي مكانك...
مايهمني شي طول ما القلب يدق ع شانك...
يلي بعيدة دارك...
حبيت كلامك حبيت سلامك أمانك...
وعيوني سحرتها وين رفعتلي أنظارك
يلي بعيدة دارك...
خليتني عليك أنغني رانك...
قوللي كيف أحوالك ووين الطريق..
يلي إتدلني على أوصالك..
يلي بعيدة عني ديارك😉
#مدونات_رحيق_الفجر...
............................
قيصر:يلاااا
الولد:أصبر شوي
-اييه ايييه ييييييسسسسسس جبته
قيصر:وين بسرعة
الولد:غبي إغلط لما استعمل نفس الرقم في أنه يتصل منه مرة ثانية
قيصر:بسرررعة المكان
الولد:في(*&****&&*)
ويطلع قيصر خط طلقة...هو طلع من هنا وطارق وسفيان خشو من هنا...
قيصر وهو يسوق بجنون:جايك أصبري جايك
.
.
فاقت سراب وقعمزت وجبهتها تنزف دم ودايخة
شوية اذكرت كيف حلمت بقيصر وبدت تبكي:قيصر وينك أني خايفة منهم
خش شادي
شادي:هاك كولي
دفت سراب الكيس برجلها:أرفعه عني
شادي بخبث وسخرية:ووو جبهتك دم نزفنتي هلبا خودي كولي بيش تصحصي لبعدين ههههههه
سراب قعدت تشبحله بخوف عرفت يلي بيدره فيها لأنهم مجرمين وأي حاجة مش حيترددوا يديروها
.
.
الولد:ايه.ايه خليك ماشي طول
-توا لف يمين وخليك مكمل على طول المصنع المهجور يلي قدامك
قيصر:تمام
ولوح التليفون بإهمال وزاد سرعته
.
.
فادي:منوض نستمتع شوي
شادي:راك تستمتع هلبا بس
فادي:ربع ساعة بس ههههههه
شادي:هههههه
وخش فادي وقدم لسراب
سراب دارت روحها ماشبحتاش
فادي:غير عدلي عليا
سراب شبحتله بنص عين وعجبت عليه
فادي:تو أنوري فيتك على شبحتك هذي ونكسر غرورك وظهر راجلك
سراب:إنت شن بتدير
فادي يضحك ويفتح في سبته
سراب بدت اتوخر وهي مقعمزة خايفة:وخر عني مازال اتقرب مايصيرش خير
فادي:خليني انقرب قبل وبعدين الخير يلي مايصير خله يصير
سراب تبكي بدموعها:ما إتديرش هكي فيا شن درتلك
وينحي السبته يرميها ويقعمز قدامها وقعد يمس في خدودها وفي رقبتها وهي تعيط بصوت عالي مجروح:لااااااااااااااا
وفجأة ينفتح الباب ويرتمي شادي ووجهه معبي دم
فادي مدهوش:ششااادي
ووقف إجمد في مكانه
شادي يكح:أهرب جاك
ويخش قيصر وفادي إجمد مكانه من الخوف ويشده قيصر يعطيه بوكس وركله برجله على بطنه طيحه
وقدم لي سراب بلهفة وحب وخوف:سراب سراب ياعمري انت..
وشبح جبهتها تنزف:جبهتك دم
سراب ابتسمت بإرتياح والدموع في عيونها
وقعد يفكلها في يديها ورجليها
وهي تشبحله وتبكي..
قيصر:جيتك كيف ماوعدتك
سراب حضناته بقوة وهي منهمرة بكي من الخوف:الحمد لله جيت
قيصر حضنها بقوته:مستحيل انخلي حاجة اتصيرلك
سراب تتنفس بالسيف:هالحيوان جرب يتعدى عليا كان ما جيت اااا.
وأغمى عليها بين يديه..
قيصر قعد يهز بسراب:سراب نوضي سراااب
حطها تحت وسلب سوريته حطها عليها وإلتفت لي فادي طبعا شادي اشبع فيه برا فشادي مغمى عليه
أما فادي وقف وهو شاد بطنه
ويشده قيصر يكسرله يده
فادي بألم:ااااااااااااه
ويشدله يده الثانية يكسرهاا ويخنقه من رقبته إتقول أسد شد ضبع وقعد يخبط فيه على خشمه وفمه
قيصر بحدة وعصبية:هاذي يدك يلي مسيتها بيها هذين يديك يلي اقدرت تمسهن بيها حيوان كلب
-هاااا هااااا
فادي من كثر الخبطات يلي على وجهه من قيصر ماعاش شبح شي وحس بالمكان ظلم عليه
قيصر:خليت جبهتها دم ...خليت جبهتها دم...حاولت تغتصبها ياحيوان بتغتصب مرت قيصر يابهيم
فادي فقد توازنه وطاح تحت ووجه معبي دم نين ملامحه ماينشبحن
ومع هذا قيصر ماشبع فيه وقعد يركل فيه برجله على جنبه وبطنه وصدره وكل مكان
-خود هاك حقير
نين صوته امبح وهو يعيط بقوة ويعاود في نفس الكلام:جربت تغتصبها...جبهتها دم...واحد حيوان...قيصر حيشبح منك اليوم...
نين قيصر شبع وفادي خلاص في عداد الأموات تنهد قيصر بقوة ومشي لسراب قعد ينوض فيها
قيصر:حبيبتي نوضي شوفيه كسرتله يديه نوضي كسرتهله يلي مسك بيهن كسرتهن نوضي
وقف قيصر ورفعها بين يديه وطلع بيها يجري حطها من قدام في السيارة وخدي شيشة المية من جيب السيارة ورشها على وجهها بيش ناضت...
وفعلا بعد شوي ناضت فتحت عيونها...خذاها قيصر في حضنه وإبتسم بإرتياح
قيصر:ماتخافيش أني معاك
سراب بهمس:إنت كويس
قيصر:مافيا شي المهم إنت ياعمري
سراب:للدرجة هذي إتحبني
قيصر:مش وقت كلامك خليني نطلع من هالمكان
سندها زين في السيارة وهي تشبحله وعيونها كلهن حب ليه..سكر الباب وركب في السيارة وولعها ومشي...
سراب تشبحله
قيصر:خيرك تشبحي
سراب:رد ع جوابي للدرجة هذي اتحبني
قيصر:وأكثر ماتتوقعي فتت درجة الحب والعشق
وبسخرية وحزن:لكن شن الفايدة في نظرك أني مسكين
وقف قيصر السيارة وفتح درج السيارة من قدام طلع مناديل وقعد يعقملها في الجرح يلي في جبهتها
وهي تشبحله:ااااه
قيصر:حارة؟؟
هزت سراب براسها بمعنى إيه
قيصر بحدة وعصبية:هالحيوان التافه
سراب:قيصر
قيصر:مممم
سراب:ولو بادلتك نفس الشعور وقلتلك حتى أني
❤إنحبك❤
يده جمدت على جبهتها وقعد يشبح فيها بذهول ودهشة😦😦
..
..              يتبع....
#بقلم_رحيق_الفجر🕊🕊