#رواية_حب_بعد_ورطة
الحل{3}قة...
تبدأ الحلقة بسراب خشت للحوش وبدت إتوتي في شنطتها بسرعة وإتحط في دبشها بسرعة⚡⚡
أم سراب:وين ماشية وليش هالشنطة🤨
سراب:اااه حملة تطعيم يومين وانجي🙄
أم سراب:يومين ليش🤔
سراب:وين البطاقة متاعي وينها😫
أم سراب:كلميني ليش😠
سراب:ماشية مع طاقم المستشفى يا أمي😩
أم سراب :توا وفجأة 😳
سراب:إيه حتى أني مانعلمش كان توا كلهم واتيين ويراجوا فيا عطيني بطاقتي 😤
مشت أم سراب وفتحت الدرج وعطتها بطاقتها
سراب:شكرا ايه ماتخافيش عليا ماشيين على خاطر تطعيم الصغار ضد الفيروس ايه وخبري خوتي يلا باي🧐🏃♀️🏃♀️
أم سراب:باي ردي بالك على روحك وماتدخليش في أي حد غادي كملي وروحي🤨
سراب :تمام يلا سلامات
وطلعت تجري
أم سراب:قلبي مش متريح😥😥
سراب:ألو بالله منطلب طلب منك😌
المديرة:شن في سراب😕
سراب:كان سألك حد من عيلتي عني قوليلهم ماشية مع طاقم المستشفى على خاطر تطعيم الصغار 😁
المديرة:ليش وبعدين انت وين🤔
سراب:بعدين نحكيلك كل شي أني مستعجلة والموضوع طارئ أكثر مما تتخيلي بالله عليك ديري يلي طلبتك فيه
المديرة:حاضر لكن بتخبريني ع كل شي راه
سراب:تمام ايه نبي إجازة يومين
المديرة:إدللي ياسراب خودي ثلاثة
سراب:شكرا
.⚡
.⚡
وصل قيصر وإستقبلوه عيلة نصيب بالرصاص يضرب الفوق
بو نصيب:أهلين بالضابط أهلين😤
قيصر:مش طالع عليك الدور واضح الكره في عيونك😈
خو نصيب:هي إحترم نفسك ومتنساش رانك في حوشنا 😡
قيصر:لا مانسيتش وماتنساش حتى إنت إتسكر فمك وإلا في المركز في زنزانة فاضية وحتعجبك 😏
بو نصيب:اه خلاص باهي تفضلوا 😁
نصيب تبكي بصوت مبحوح:فكوووني مانبيش نتزوجه فكوووني😩😫
اسمعها قيصر وهو فايت إبتسم على جنب😏
خو نصيب:تي وين ماشي 😳😠
قيصر ماعدلش عليه وفات للدار يلي فيها نصيب😎
قدم خو نصيب وهو حامق شده بوه 🤬🤬
بو نصيب:خليه على كيفه ساعات وتصير مرته 😌😌
خش قيصر للدار ولقي نصيب تبكي ويديها ورجليها مربوطات😢😢
قيصر بسخرية:تس تس تس من إمكتف عروستي هكي🙃
نصيب تشبحله وكان إتحصل تخنقه 😠
قيصر قدم وقعمز قدامها وقرب منها.. وخرت نصيب راسها وهي تشبحله بتقزز😷🤢
قيصر:هههههههه 😈
ورفع يده بيمسح دموعها لكن برمت وجهها😡
قيصر بنبرة تهديد:ماتعانديش أحسنلك🤨
نصيب بحدة:أشكر ربك إني مربوطة ياتافه🤬🤬
قيصر بسخرية:اوووو خفت وشن بتديري يعني🤪
نصيب:واحد مقرف وسع عني🤮
حط يده على يدها وضغط عليها بقوة
نصيب بألم:اااااااه😬😬
وشد الحبل وفكه من يديها وبتحدي:شن بتديري هاني فكيتك يلا وريني ماعندك😏😏
فكت نصيب رجليها وناضت تجري بتفتح الباب ويشدها من يدها ويلويها ويقربها منه😧😧
نصيب متقززة منه وخايفة من ملامحه وقعدت تخبط فيه على صدره العريض وهو ماهزتله شعره لا بالعكس هو مستمتع:وكبرتي ياقطوسة وصار عندك ظوافر هههه
وتجمع شجاعتها وتدفل عليه💦😂
برم وجه لليمين وغمض عيونه😡😡
نصيب:ننتحر ولا إنخليك إتمسني ياحقير 😡
ويعطيها كف على وجهها نين خشمها قعد ينزف وخنقها من رقبتها 😵😵
نصيب إتخبط فيه على يديه وصدره وإتدور في النفس😥🥺
قيصر:وتأكدي مش حنخليك تنتحري إلا بعد ليلة عرسنا
وإبتسم على جنب وطلقها😈
نصيب طاحت على ركبيها وشدت رقبتها وبدت إتكح وتتنفس بقوة😵😭😭
قيصر:وبعد ما إندير فيك مانبي حنخليك تنتحري لأن في بعدها حتكرهي روحك بالرسمي لدرجة إنك حتقتلي روحك هههههههه وتيلي روحك زين ايه نبي الروب أحمر فهمتي ههههههه 😈😈😈
وطلع سكر الباب عليها
نصيب:ااااااااااااااااااا إن شاء الله إتمووووت ياكلب ااااااااااه
.😫😫
.😭😭
ومن نصيب الفريسة إلى سراب المنقدة😜
سرحانة سراب في السيارة وتدكر في نصيب لما بدت تبكي وتقوللها ساعديني...
#تعالوا_إنخبركم_بالتفصيل_شن_حكن😉
نصيب:ساعديني ياسراب إنحس في روحي محبوسة
سراب:شن في خبريني
نصيب وهي تبكي:وأني مروحة من المستشفى للحوش إلقيت قدام حوشنا سيارة غريبة سودة إمظلمة وعالية قدمت لعند الباب إسمعت بوي يترجى ويبكي في حد وبعدها مشيت من الروشن منشوف شن في لقيته واقف زي الجبل وعيونه ياسراب عيونه يشبح فيك إتموتي من الخوف الضابط قيصر رجب مانعرف عنه شي كان هو ضابط فاسد ومرتشي..😢🥺
سراب:باه كملي😠
نصيب:بوي يقول للضابط خليها البضاعة تمشي ونعطيك يلي تبيه
قيصر:اممم نبي 50% وماينقص منهن ولا ربع
نصيب:بوي وافق يعطيه المبلغ وأني من كثر الحمق ومن كثر ما إستفزني الموقف لقيت روحي واقفة قدام هالحقير .
.
.
نصيب:إمداير روحك شرطي ياكلب وإنت تبتز في الناس ومستغل مكانك كشرطي تي تحشم على وجهك
بو نصيب:أسكتي يا بنت وخشي
قيصر بسخرية:خليها خليها ماقالت شي غلط تعجبني البنت الجريئة
نصيب وهي تبكي خايفة :قعد يشبحلي من فوق لتحت شبحات حقيرة حسيت روحي قدامه ياسراب بلا دبش😔😩 ومالقيت روحي إلا رافعة يدي ومنضربه كف لكن شد يدي ولواها وقالي:
قيصر:نكسرها من وين مانبتت فهمتي
ودفها نين جت على أمها وقعد يشبح فيهم وخطرت على باله حاجة
قيصر:تعرف لما شبحت بنتك بطلت ماعاد نبي50% عطيني25% والخمسة وعشرين الثانيات إعتبرهن مهر فهمت ورد بالك تمشي هنا ولا هنا ولا تلعب بذيلك فاهم هي سلام يا بو مرتي😠✊
سراب حطت يديها على فمها:مستحيل يكون بني آدم هذا😱
نصيب:هذا ضبع على شكل إنسان😬
سراب:باهي ليش ماخبرتينيش من الأول
نصيب:ياسراب القصة ليها شهرين
سراب:كيف شهرين معقولة تي أني يوميا إنكلم فيك صوت وصورة ماكلفتي روحك إتخبريني وأني إنقول صاحبتي
نصيب:صبري بالك عليا ياسراب
(سراب ونصيب صاحبات الطفولة ويسكنن في نفس المنطقة وين إنحرق حوش سراب ومات بوها سافروا من المنطقة لأن سراب جتها حالة نفسية من الحوش)
نصيب:هو سكّت في هالشهرين ماعاد شبحناه بكل قلنا مرات إنسي الموضوع ووين جاني التعيين إن نخدم في المستشفى مافكرتش ووتيت صاكواتي وجيت لعمتي قلت في خاطري ما نزعجك بالموضوع لأن يلي فيك ساد سامحيني سراب ماتوقعته بعد شهرين يولي والموضوع خش في دماغه.. المشكلة بوي خايف منه وماباش حتى يواجهه ولا يعارضه يقولك كان عارضته بيورطني ومناكلها على راسي
وبدت تبكي بإنهيار وهستيريا وتقول:ساعديني ياسراب ساعديني مانبيش نتزوجه لأنه واحد حقير ومش عارفة شن بيدير فيا 😭😭😭😭😭
حضنت سراب صاحبتها وقعدت إتمسح على راسها :ماتخافيش بإذن الله تو نلقالك حل إيفكك
.🥺
.😢
ونولوا بقصتنا للوقت الحالي😘
سراب بهمس:ماتخافيش يانصيب هاني جيتك 😠
.
.
سفيان:سكري سكري طارق جي
رنا:اوكي حبيبي باي
طارق:مع من كنت إتهدرز🤔
سفيان:شن دخلك إقلب وجهك
طارق:غير هيا قول😁
سفيان:مع صاحبي عز الدين😑
طارق بخبث:الله والله أحسن صاحب عندك كان إنحصل إنهدرز معاه طول الليل مع إني عمري ماشفته لكن يلا.. تعرف حاجة عز الدين سمح وا..😂
سفيان فتح عيونه:إحترم نفسك يافرخ🤨
طارق بإستغباء:خيرني شن قلت حسستني كأني إنعاكس في بنت😈
سفيان:نوض من حداي ياحمار ماعاش نبيك إتزيد كلمة على رنا ااا قصدي عز الدين🙄😅
طارق إضحك ووقف وقعد يغني ويصفق:عز الدين أحمر وسمين جاب عروسة في كروسة سماها فار وقطوسة😂😂👏👏
وقف سفيان وهو حامق وخدي الشبشب🥾 طارق عدا يجري بسرعة😂🏃♂️🏃♂️
حط سفيان الشبشب وتنهد بقوة:ناقص كان ترقصلي يابهيم😠😠
ولى طارق ومرق راسه من الباب:والقطوسة كلت الفار عز الدين قعد حرجااان ههههههه🤣🤣🤣
رماله الشبب على طوله لكن طارق سكر الباب بسرعة ومشي بسرعة وهو يضحك😂
.
.
بو قيصر:رد عليك
ام قيصر:لا
سارة:نتصل بيه حتى أني ومايردش
ولاء:ماتخافوش عليه قطوس بسبع رواح عمر الشاقي باقي
سارة:سكري فمك خوك راه
ولاء:عارفين
ام قيصر:بتمشي ولا نضربك كف بيش تستاعي على عمرك
سارة:أستغفر الله
.
.
طبعا هنا سراب وصلت لمكان سكنهم قبل تكنطت واضايقت وشدها المكان لوقت الحريق تنهدت بحزن وضيق واذكرت عليش جاية
خشت لجنان حوش نصيب ودقت الباب فتحلها خو نصيب
خو نصيب:إنت😨
سراب:الناس إتقول أهلين قبل🤨
خو نصيب:اه ايه أهلين شن تبي😐😑
سراب:مانبي منك شي اليوم عرس نصيب معقولة مانحضرش
بو نصيب:من ياولد
دفت سراب خو نصيب وخشت:أني ياعمي( سراب)
وهنا مقعمز قيصر في صالة الضيوف ويسمع في صوت سراب العالي الحاد والقوي وقعد إمركز على الصوت 🤔🙄👂
بو نصيب:شن إتديري
سراب بثقة:معقولة عرس نصيب ياعمي ماتعزمنيش لكن أني مش حامقة منك لأن نصيب زي أختي والأخت ماتبيش عزومة المهم وين نصيب توا 😉😊
قيصر في خاطره من هالبنت يلي تتكلم بالأسلوب هذا
ناض بي شوف لكن قعمز وطنشها كل تفكيرة شن بيدير في نصيب اليوم😈
قيصر:شن إندير أني ليش مهتم بي شوفتها زيها زي أي بنت عادي المهم ياقيصر إتربي يلي اسمها نصيب👿
خو نصيب:بري من هنا نصيب ماتبيش إتشوفك
سراب:لا صدقتك بتخلوني نحضر عرس صاحبتي ولا إنقول للجيران إنكم إتعاملوا في ضيوفكم بقلة أدب وعلى ما أظن مافيش داعي إنخبركم الناس ولسانها وخاصة المنطقة هذي معروفين ناسها بالجود والكرم واحتررررام الضضيف صح عمي😑
خاف بو نصيب من سراب إتديرله مشكله ويعرفوا الناس بزواج بنته بالسر لأن قيصر هددهم إن لو حد إعلم مش حيرحم عيلة نصيب وأولهم بوها
بو نصيب:خشي في دارها
قيصر:اووووف والله هالبنت طلعت لبوة خشت خشت الزفت😒😒
خشت تجري لعند نصيب ولقتها واخدة شفرة حلاقة وبتقطع وريدها قدمتلها وفكت منها الشفرة😱
سراب:مجنووونة 🥶
نصيب إبتسمت بدموع:سسراب😔😢
سراب حضنت نصيب وقعدت تبكي:شن كنت بتديري معقولة وصلت بيك للدرجة هذي
نصيب بصوت مجروح:ايييه وكان ماخشيتيش عليا كنت إفتكيت من عمري
وخرت عنها سراب وهي تشبحلها بخوف ومصدومة:إنت أكيدة ختشتي هكي غلط كل شي وليه حل
نصيب قعمزت بدت تبكي:حل؟؟ حل شنو وكل شي أمسكر في وجههي كل شي😭 ماعنديش حل ثاني كان إنموت وخلاص تعرفي شن قاللي قاللي:يلي منديره فيك بعد زواجنا هو يلي بي خليك تنتحري😱😭
شن تبيني إندير نقعد واقفة ونتفجر عليه يدمر حياتي ولا إنخليه يذلني ويخليني عنده زي الجارية
سراب:اشششش ولا كلمة فاهمة كان هذا تنتحري يانصيب هذا غلط في حقك وحق نفسك حرام مع ربي
نصيب:باهي أنت قوليلي شن الحل
سراب:ماتخافيش أني هنا
مسحت إدموعها نصيب:شن قصدك
سراب:تحسابيني جيت هنا منتفرج عليك إطمني جيت هنا بيش منساعدك
نصيب:ككككيف
سراب:إنت ماعاد تبكي ولا عاد إتديري شي خليك طبيعية وماعاش تبكي وتصيحي بعدين ساهل
نصيب:كيف مافهمتش
سراب:مش لازم تفهمي المهم هالحقير مش حنخليه يدير يلي في راسه كوني هانية
حضنت نصيب سراب وهي تبكي:شكرا سراب
سراب: يا أني يا الضابط 😎😠
.
.
طلعت سراب من الدار وتلاقت مع أم نصيب
ام نصيب بصدمة:سسسراب
سراب:ايه بشحمي ولحمي
ام نصيب :شفتي نصيب
سراب:شفتها باهي إنت شفتيها
ام نصيب:ايه شفتها
سراب بحدة:إنت ماشفتيها صح شفتيها من برا لكن ماشفتي قلبها المكسور ولا حسيتي بيها مع إنها بنتك كيف تقدري تغصبيها وزيادة على زواج الزواج الحاجة الوحيدة يلي مايجيش بالغصب
قعدت ام نصيب تبكي:عندك حق يابنتي لكن الله غالب عليا ماعنديش كلمة مع بو نصيب إنت كنت ساكنة هنا وعارفة أن المرا ماعندهاش الحق تتكلم ولا تدخل في كلام التريس
تنهدت سراب بهدوء:سامحيني خالتي مش قصدي لكن من كثر ماواجعتني نصيب آسفة
أم نصيب:لا عادي عارفة محبتك لبنتي على فكرة الطريق طويلة وأكيدة جعانة صح
سراب:جعااانة مووت
أم نصيب:إنديرلك حاجة تاكليها
سراب إبتسمت وهزت راسها بمعنى ايه
مشت ام نصيب للمطبخ وشدت سراب تليفونها بتتصل بمحمد ومشت خطوتين وحست بي حد واقف زي الجبل قدامها رفعت راسها ولقت قيصر😍😍 وجت عينها في عينه مباشرة وطلع زي ماوصفاته نصيب حاد الملامح وقوي الجسم والشخصية 😎
طول عرفاته سراب انه الضابط قيصر لكن دارت روحها عادية جدا مع إنها تغلي غلي من داخل عليه🔥🔥
تجاهلاته سراب وشبحتله بعيونها العسليات وفاتت من جنبه
قيصر:إحم ما إتعبيش روحك وتقنعي حد إنه يوقف زواجي منها🙄😠
سكرت تليفونها وحطاته في جيبها وإلتفتتله بملامح البرود المخلطة بالثقة والجدية وقدمت لعنده
حط قيصر يديه في جيوبه وإبتسم بخبث ومكر:الضابط ا..
سراب بثقة:قيصر رجب
في الأول إنصدم من طريقة اسلوبها معاه وكيف مش خايفة منه وكيف عرفت اسمه لكن دار روحه عادي😧😈
قيصر:او كويس عرفتي اسمي بدل ماتعبت روحي
سراب:وكويس إنك ماتعرفني بيش إنتعب روحي ونعرفك ولا إنخليك تكتشف بروحك🤨
إبتسم على جنب:اوو حادة الطبع 😏
سراب بحدة:ايوا طلعت ذكي هذي أول صفة فيا كويس ممتاز شطور😉
قيصر بتهديد:لكن نكره حادين الطباع 😤 وديما أنحط فيهم في راسي نين نسحنهم تحت رجلي
سراب بتحدي:اووو خوفتني وإنت تسحن فيهم برجلك رد بالك إتطيح...تعرف إنت جيت للمكان الغلط يا أفندي
قيصر:بالله عليك..إنت يلي هني روحك خيرلك لأنك في منطقة غريبة وماتعرفيش شن يصيرلك
سراب ضحكت بسخرية:تس تس تس غلط تفكيرك غلط هذي إتكون منطقتي أني وكل الناس يعرفوني كويس ونعرفها شبر شبر إنت الغريب يلي هنا وبين العيلة مافيش مكان للغريبين فهمت👊
رفع قيصر حاجبه:اووه نفهم منك إنك تتحدي فيا🤨
كويس عندك ثقة هلبا في روحك شجاعة
صفقت سراب وإبتسمت على جنب:كويس إكتشفت صفتين تانيات فيا 🔥
قيصر بسخرية:مازال عندك صفات ولا إنزيد نحزر
سراب رفعت حاجب:تس هذين سادات ليربن حقير زيك
قيصر:ردي بالك إنت خشيتي في حاجة لقيصر وقانون قيصر يلي يدّخل في أموري وخاصة الخاصة يتمنى أمه ماجابته
وبنظرات ثقة وعدم خوف:إذكرها مني.. سراب مش حتخلي قيصر يتزوج من نصيب حتى ولو كلفني هالموال حياتي فهمت
وبدوا يشبحوا في بعضهم بنظرات تحدي ونار والعة في عيونهم الإثنين 🔥V/S🔥
إلتفتت سراب ومشت وخلاته واقف يفكر
قيصر بهمس ويبتسم:سراب..س ر ا ب سراب😏😎
-ههه اسم حلو وغريب وشخصية حلوة وغريبة
وتنهد بهدوء:ااااه شكلي منتعب اليوم..
طلعت سراب برا:واحد تافه وحقير
رن رن رن😠
سراب:ألو
محمد:وين انت
سراب:أني مسافرة
محمد:مسافرة أمتى وليش سراب إنت إتبصري ولا شني
سراب:يوم بس وإنولي
محمد:وليش ماخبرتينيش وشاورتي معقولة
سراب:راجي راجي لحظة شنو إنشاورك أهلي يعلموا بيا
محمد:وكان أهلك في خطيبك يلي بيصير راجلك بتقوليلي هكي بعد زواجنا
سراب:لكن إحني ماتزوجناش قاعدين
محمد:هذا هو
سراب:اولا إنت خطيبي يعني مش راجلي يعني ماخصكش فيا حاليا فهمت
محمد:كيف شن قلتي عاودي
تنهدت سراب:مش قصدي محمد كنت نبي اا
محمد:تمام تمام باي ديري يلي في راسك
سراب:ألو محمد أسمعني ألو
طوط طوط طوط
إتصلت بيه من جديد لكن فصل الخط عليها
سراب:اوووف إحمق مني
إلتفتت وراها ولقت قيصر يشبحلها بخبث 👿😈
سراب:أستغفر الله
ومشت من جنبه😷
قيصر:حلي مشاكلك قبل لتدخلي في حاجة مش ليك وللمرة الثانية إنقولك هني روحك
سراب:ومن قالك مشكلة نصيب مش مشكلتي إنت يلي خشيت بيننا فأحسنلك إتوسع
قيصر:تمام براحتك تعرفي حاجة إنت أول بنت إنكلمها بالطريقة هذي وإنحدرها مني ولآخر مرة إتقي شري يابنت الناس خيرلك زواجي بعد شوي جربي ديري حاجة إتخليني نحمق😠
ومشي من جنبها وهو يشبحلها بنظرات تهديد وتحدير...
زعما سراب بينفع معاها التهديد ولا في دماغها شي تاني...
.
.
مرت ساعة ونص وسراب إتفكر في خطة..
وصل الشيخ يلي بيقرا الفاتحة وقعمزوه في الصالة ضيفهم خو نصيب والأمور ماشية
اما قيصر زرعت سراب في راسه أفكار سودة فكرة تجيبه وفكرة إترده وقف قيصر وبيطلع يشوفهن
الشيخ:وين ماشي ياعريس
قيصر:تو إنجي
الشيخ:لا تعالى قعمز هنا وقت عندي فاتحتين بعدك وطريقي طويلة
بو نصيب بخوف:قعمز تعالى شن تبي إنت
قيصر:شوفو بس
بو نصيب:تمام فهمتك..
-نوض شوف أختك
ناض خو نصيب وقعد يدق على الباب فتحتله سراب:خيرك
خو نصيب:وين نصيب
سراب:ماتخافش إنوتي فيها قاعدة
خو نصيب:وينها باه
نصيب بصوت عالي:ربع ساعة بس
سراب:إمشي أحضر الفاتحة تعلّم حاجة مرات حتى إنت بعد نصيب
إضحك خو نصيب وجهه ولى أحمر☺️☺️
سكرت سراب الباب:خوك غبي هلبا ماصدق الراجل 🤔🤔
واقفة نصيب طبعا مش موتية روحها
سراب:إتصلتي بي رامي
نصيب:إيه وقالي نستنى فيك برا
سراب:كويس بسرعة هذي شنتطك وهذين فلوس ونقال بيش تتصلي بيا ايه ماتنسيش تطلعي من دار الخزين يلي برا فهمتي يلا إمشي بسرعة لأن كلهم مش فاضيين
حضنت نصيب سراب:شكرا وقفتك معاي مش حننساها
سراب وهي تبكي:بري بسرعة باي
فتحت نصيب الروشن ونقزت منه ومشت تجري لدار الخزين وخشت فيها وطلعت من الروشن نقزت على الطريق وقعدت تجري🏃♀️🏃♀️🏃♀️🏃♀️
طبعا سراب إتشوف في الأوضاع
وهنا قيصر شد التليفون وبعت رسالة..
قيصر:وقف ياشيخنا
الكل قعدوا يشبحوا في قيصر
بو نصيب:ليش
الشيخ:ليش وقفتني
قيصر:وقف قلتلك ولا يناقشني حد فاهمين
قدم خو نصيب وهو حامق:مش على مزاجك قاعدين
ويعطيه كف وبحدة:سكر فمك وولي قعمز وإنت وساكت وإلا حنفتح مجزرة هنا فاهمين
وفنص في الشيخ الشيخ مسكين قعمز ويبس في مكانه😂
بو نصيب:فهمني شن صاير ليش وقفت الشيخ خيرك حامق
شد قيصر التليفون وماعدل على كلام حد ولا رد على حد..
.
. يتبع...
.
شن قصة الرسالة يلي بعتها قيصر وليش هو وقف متفاعل...
سراب ماتندريش مع من جت حفتها هالمرةو ماتعلمش حجم الغلطة يلي دارتها لما ماسمعتش كلام القيصر زعما تستحق العقاب من قيصر ولا لا ولو عاقبها فعلا شن نوع هالعقاب..
ترقبوا كل هالتفاصيل في الحلقة{4}
.✍
.✍
#بقلمي_رحيق_الفجر🕊🕊
