حب بعد ورطة

21

#رواية_حب_بعد_ورطة
الحل{21}قة...
قيصر:وين ماشي
صاحب المحل:اااا اااني كككنت
قيصر:تكلللم ليش بلغت وهربت ااه
صاحب المحل:اااني مادرت شي
قيصر:ليش من قالك درت سألتك سؤال جاوب خير مانفرغ هالمسدس في راسك
صاحب المحل:أني مانعلم بي شي في إثنين خشوا للمحل متاعي وواحد منهم كان متصاوب في جنبه
قيصر باندفاع:هذا شااادي
-قولي وين مشو
صاحب المحل:مانعلمش
حط المسدس ع راسه:ماتكدبش تكلللم
صاحب المحل بلع ريقه من الخوف:والله مانعلم بيهم وين مشو خشولي في المحل خدوا دبش نسائي وكان واحد منهم متصاوب في جنبه
عقد قيصر حواجبه وبحدة:هذا شادي
-ويينه وين مشوا
صاحب المحل:قلتلك والله مانعلم بيهم خدوا الدبش وطلعوا
قيصر:وكيف عرفتهم وليش بلغتنا
صاحب المحل:لأني اسمعتهم يتعاركوا وحسيتهم مش طبيعيين
قيصر:أقسم بالله تطلع كداب انهاارك أسود
-عبدووووو
عبدو:نعم
قيصر:ارفعه ضيف عندنا في القسم
وبحدة:ياشاااادي وين بتهرب ولوين سيورك طايح
.
.
عصام:شدي هاذي قهوتك
سارة بهدوء:شكرا
عصام:ايه خبريني كيف حالكم وشن الأخبار
-ايه عمتي كيف حالها ورجووو
سارة:قاعد مانسيتاش الدلع هذا
عصام:ههه مستحيل ننسى وخاصة رجووب وطرايحة أخر طريحة قاعدة في بالي بكل تفاصيلها
سارة:ههه تستاهلوا
عصام:عطانا أني وقيصر طريحة طريحة جهارة قبور
سارة:ايه هههه خديتوا سيارته ودرتوا بيها حادث
-والأحلى من هكي لما قعد يجري وراكم بالطوبوا
عصام:ههههههههه حرام عليك طوبوا متاع السخانة ان شدنا راهو جيفنا تجييف احنشة
سارة:هههههههههه لكن ضربكم
عصام شد ظهره من وراء:والله ضربنا بيده وبعدين بيكمل علينا بطوبو.السخانة
سارة:هههههههههههه هههههههههههههه
قعد عصام يشبحلها وهي تضحك
وفجأة بدت تبكي
عصام:ايواااااا اششش خلاص ماتبكيش قلتلك تو انردك لحوشكم يافارة
سارة:اني مانبكيش ع حوشنا
عصام:مانا عليش تبكي
سارة:نبكي ع الأيام يلي ضاعن قيصر ماعاد قيصر ورجب ماعاد رجب وقصي ماعاد قصي
عصام:ايه قصي تزوج ولا لا
سارة ضحكت بسخرية:قصي
-قصي مات
عصام بإندفاع:شنهوووو وأمتى صار الكلام هذا
سارة:عندك حق إنت أخبارك أنقطعن وماعاد اتصلت بينا ولا دورتنا
عصام تنهد بضيق:ظروفي ياسارة ظروفي
سارة:وشن الظروف يلي خلاتك تنسانا
عصام:بعدين نحكيلك المهم كملي خبريني شن صاير فيكم في هالسنين
سارة:مش سنين في هالست شهور
وبدت تحكيله في القصة كيف وليش انتحر قصي ولما بوها دار حادث وكيف قيصر خش للشرطة وتبرم وقعد متوحش وراسه مسكر وحكتله ع سراب وكيف تلاقى معاها وحكتله ع احمد وولاء كيف كرهوا قيصر من فساده لعند ماوصلت لما خطفوها
وبدت تبكي وتشبح في جسمها
عصام حط القهوة وقعمز حداها:خلاص روقي كل شي يتصلح
هاك تليفوني أكتبي رقمه واتصلي بيه
خدت سارة التليفون وكتبت رقم قيصر..
.
.
قيصر:وااااك راسي بيتفجر
رن رن رن
قيصر:ايه سراب
سراب:كيف حالك
قيصر:حالي!!
سراب:عرفت شي ع سارة
قيصر:لا
سراب:صبر بالك تو تلقاها
قيصر:أطلعي شوي برا
سراب:ليش
قيصر:اطلعي
سراب:ها طلعت
-الو الو
-تس خيره سكر
وفجأة حست بحد وراها واقف قلبها قعد يدق وخافت:مممن هنا
وإلتفتت لقاته قيصر تنهدت بإرتياح وحضناته:خوفتني
قيصر:مانا ليش قلتلك اطلعي
سراب:انت كويس
قيصر هز راسه
شداته من يده:تعالى خش
قيصر:لالا مانبيش نزعج اهلك أكيدة راقدين
سراب:خش عادي
قيصر:لا خلينا برا
سراب:إنت مضايق ياقيصر
قيصر سكت وقعد يشبحلها
سراب:قولي شن يلي مضايقك
قيصر تنهد بضيق:اول مرة في حياتي انخاف ياسراب
سراب:ومن شني خايف من شادي
قيصر فنص فيها:هذا الكلب ينخاف منه مازال تعاودي كلام زي هذا انوريك
سراب:آسفة مش قصدي
-قول من شني
قيصر:مش خايف من حد لكن خايف ع عيلتي امي بوي ويلي خايف عليه أكثر إنت ياسراب
اليوم شادي عدوي وغدوة أشبح من تاني خايف يجي حد يكرهني ويدخلك انت في النص وإنت عندي كل حياتي
سراب ابتسمت وشدت يده وحطت راسها ع كتفه:الخوف مش عيب ياقيصر كلنا إنخافوا من حاجة معينة ويلي تشعر بيه توا مايسمى خوف الخوف لما ماتساعد حد ولما ما إتعدل ع شي في هالدنيا والخوف لما تخلي حقك يضيع
قيصر:تعرفي سارة ماتستاهل يلي صار معاها هي طيبة وحنونة بدات معاي تتعارك مع أحمد وولاء ع خاطري هي ماذنبها شي لكن شادي الكلب
-ااااه لو انشده ياسراب منقتله قتل
حطت يديها ع خدوده وبإندفاع:لا ياقيصر ماتقتلاش
قيصر:شن تخرفي انت مانا انسيبه
سراب:مش هكي نقصد لكن ماتوسخش يديك فيه
وقف قيصر بعصبية:تي أني منشرب من دمه هال***
سراب وقفت وقدمتله:انت مش واعدتني بتتغير
قيصر:وعدتك نتغير لكن ماوعدتكش نعفي ع يلي اغلط فيا ومسخ شرفي تي هذا وصمني بالعار إغتصب أختي وباعها ولد ال***للي يسوى ومايسوى تبيني نعفي عنه أني الغالط يلي جيت هنا
سراب بعصبية:وقف ماكملتش كلامي
قيصر:حلي عني ياسراب
سراب:وقف قلتلك
قيصر:قلت إمشي
سراب مشت وشدت يده:لما نبدأ نتكلم تسمعني للأخير فاهم
قيصر بحدة:شن قلتي عاودي
سراب بتنرفز:يلي اسمعته
قدملها وشدها من رقبتها:ماتخلينيش نولي زي قبل وأحرف عدلي كلامك وماتتخطي حدود صح انحبك وصح فتحتيلي عيوني ع حاجات لكن مايعنيش أنك تتدخلي فيا وتتحكمي إلا هذي مانسمحش بيها
سراب ماتعلم ع دموعها كيف نزلن وفعلا بدت تبكي :ع أساس إنت تغيرت نين بتولي زي أول
رخي ع رقبتها وقعد يشبحلها متأثر بدموعها لأن مايحبهاش تبكي..
سراب:ليش رخيت أخنقني وأقتلني ريحني
وخر قيصر عنها وبرم وجهه للجهة التانية
شدت من لحيته :أشبحلي هنا ليش برمت وجهك
تعرف إنت ماتغيرتش قاعد ع طبايعك الأولى كنت متأملة إنك تتغير حتى شوي قلت لروحي قيصر يحبك يابنت وتو يتغير ع خاطرك لكن اليوم أتبتتلي العكس
قيصر:شن تقصدي😠😡اني حبي ليك كدب ووهم
سراب:ماقلتش هكي لكن تصرفاتك يخلني انشك غيرتك الزايدة وغرورك القاسي وين انكلمك ع مصلحتك ومستقبلنا يخلني انشك في حبك ليا
-وكل مرة نتكلم فيها معاك ماتخليش فيا انكمل كلامي وتفهم فيا غلط كل مرة
قيصر:انت عارفة روحك شن طلبتي مني
سراب:ايه عارفة ولو صبرت كنت عرفت شن يلي نقصده
قيصر سكت وحط يديه ع بعضهن
سراب:أني مانبيش راجلي يكون قاتل ودم الناس في رقبته لأنك حتتعاقب في الدنيا وفي الأخرة مانبيكش تنقل دم واحد كلب زي شادي في رقبتك قني لو قتلته حتكون ريحته من حياته
قيصر:شن تبيني انديرله مانا
سراب:قيصر مش أني يلي انقولك شن اتديرله وما إطبقش القانون بيديك في قانون أكبر منك ومني ومنه وصدقني مش حينفد بعملته جرب ماتقتل جرب ماترشي ولا ترتشي جرب ماتبتز الناس حتتريح في نومك وكل شي
قيصر:من وين عرفتي إن اني ا...
سراب:مش مهم من وين عرفت ومش مهم إنت تاخد الفلوس من البشر وترفعهن لدار الأيتام والعجزة
قيصر فتح عيونه وشدها من يديها:أنت من عرفتي ولا اتراقبي فيا تكلللميييي
سراب:ااااه يدي
قيصر:قلتلك من وين عرفتي وكيف
سراب:إطلقني يدي
قيصر:مش حنطلقك ياسراب نين تجاوبيني من وين عرفتي
سراب:ماتحملت أحمد وولاء يقولوا عنك فاسد ومرتشي ويلي خبرني توا ميت
قيصر طلقها:قصدك ممحسن
سراب:ايه محسن إتصلت بيه قبل لتنخطف سارة وسالته في الأول ماباش يقولي لكن بعد ما أصريت عليه خبرني بطبيعة عملك وخبرني وين تنقل في الفلوس يلي تاخد فيهن من الناس
قيصر تنهد بغضب:محسسن
سراب:بطل كل يلي اتدير فيه صدقني تتريح
قيصر:قلتلك ماتدخلي
سراب:قيصر ماتخلينيش انخاف منك حتى أني ماتخليش الثقة يلي بيننا تختفي وتقعد علاقتي بيك مبنية ع خوف
-وبدموع:ماتخوفنيش منك كان اتحبني خلي العدالة هي يلي اتطبق وتاخد الحق سادك قتل وفساد سادك
فات قيصر من حداها
سراب بصوت عالي شوي:قيصررر وقف قيصر
لكن تجاهلها وركب سيارته ومشي
سراب:ياربي منك ياقيصر كيف مندير معاك
وتنهدت بحزن وضيق
.
.
شد قيصر تليفونه ولقي مكالمات فتحه من ضمنهن مكالمتين من رقم يلي هو رقم عصام ومن عبدو ومن مصطفى
وشوي وقعد يرن تليفونه
قيصر:ايه مصطفى
مصطفى:تعالى لقينا سيارة في الطريق مدايرة حادث
قيصر:فتشتوها
مصطفى:ايه لكن مالقينا فيها حد
قيصر:هاني جايكم هي
وحرك سيارة بسرعة أكبر...
.
.
عصام:ماردش
سارة:لا ماردش
عصام:هاتي تو انجرب معاه بعدين
سارة:تمام
وقفت سارة وبتمشي
عصام:يافارة
سارة التفتت:نعم
عصام:ماخبرتينيش ع روحك شن درتي ومادرتيش
سارة بحزن:شن الفايدة عليش منخبرك وحدة شرفها تمسخ عليش بتتكلم
وقف عصام:من أمتى يافارة بديتي تستسلمي
مش متعود عليك هكي كنتي اتنفخيلي زمان
.......
هذا عصام صاحب قيصر من أيام التانوي يجي لقيصر في الحوش ويقروا جميع ومرات يباتوا جميع
المهم عصام محتك هلبا بقيصر وبعيلته وطبعا سارة كانت صغيرة ووقت يصعب عليها فهم حاجة في الرياضيات اتجي لعصام طول مع ان قيصر وعصام نفس الدكاء لكن سارة اتجي لعصام لأنها اتحبه ❤
وهو حبها الأول لكن عصام ماكانش يعلم او بالأحرى يعلم بيها ومداير الحولة لأنها صغيرة وقتها المهم صارن لعيلة عصام ظروف وسافروا لكندا وسارة من حزنها عليه قعدت لا تاكل ولا تشرب وكل يوم تبكي في فراشها بدون حد مايعلم حتى إنها قعدت شهر مامشتش للمدرسة قعد عصام يتواصل مع قيصر شهرين وبعدها قطع عصام الإتصال وماعاد دورهم لكن سارة كانت ديما اتفكر فيه ووتتأمل في مرواحته في يوم لكن طول الفترة والمدة يلي غابهن عصام خلت سارة تنساه وتعتبره طيش صغار..
.......
سارة:من لما سيبتني
عصام بإستغراب:ااه
سارة:لا شي المهم شن اتدير هنا
عصام وقف :يافارة انت زعلانة مني
سارة:أنيي عليش
عصام:لأني قطعت عليكم وماعاد دورتكم
سارة:وليش تبررلي اني ما سألتك
عصام سكت وقعد يشبحلها مستغرب من اسلوبها
سارة:تصبح ع خير
عصام:🤔🤔😐😐
.
.
وصل قيصر للمكان يلي فيه الحادث
مصطفى:اهلين
قيصر فاته ومشي يجري للسيارة قعد يدور فيها
مصطفى:دورت فيها ما إلقيت شي شكله مش هو
قيصر لاهي بالتفتيش وقعد يدور شاف تحت الكرسي لقي ربطة شعر متاع سارة قامها الفوق وطلع من السيارة وهو يشبح للربطة
مصطفى:شن هذي
قيصر:هاذي هي هذي سيارة الكلب شادي وهذي ربطة شعر سارة
ووقف في نص الطريق وقعد يدور ويلود في مكانه شاف تحت لقي نقاطي دم نزل تحت يشبح زين
جي عبدو ووقف:شن صار معاكم
مصطفى:شكله عرف مكانه
قيصر اشبح لقي الدم هلبا ع طول الطريق:شباب وراي
ومشوا يجروا يتبعوا في الدم نين وصلوا في حوش قديم
قيصر:توزعوا وكان القتوه ماتطلقوش عليه نبيه حي
عبدو ومصطفى:حاضر
وكل واحد مشي في جهة وقعدوا يدورا لكن مالقوش حد
عبدو:لقيت شي
مصطفى:لا وانت
عبدو:مامضني يقعد هنا
قيصر:ها شني
هزوا راسهم بمعنى لا
مصطفى:تعالوا اندوروا برا
قيصر قعد يشبح في المكان ويتأمل فيه وقاعد شاك
ان شاد هنا
عبدو:يلا خلونا اندوروا برا
طلع قيصر وهو قاعد يشبح للمكان
وفعلا قيصر شكه في مكانه وطلع شادي خامد تحت الخرابة شاد جنبه يلي زاد نزيف من الحادث
شادي:ااااه باهي نفدت
وفجأة يطلع قدامه قيصر وعبدو ومصطفى
شادي من الخوف وخر ع وراه
قيصر حط سلاحه في خصره وبحدة:وين ياطير
شادي وخر :ققصير ااني
قيصر:سادك هروب هربت هلبا مش قلتلك من الاول ان الدنيا تكبر تكبر وفجأة تضياق وهاهي اضياقت بيك وطحت طيحة شينة ياحقير
عبدو ومصطفى حطوا السلاح في خصرهم وقعمزوا يتفرجوا
شادي يشبح يمين يسار ومايحس إلا بالبوكس ع وجهه وركله ع بطنه من قيصر طاح شادي تحت وقعد يعيط بصوت عالي:اااااااااه
نزل قيصر وشده من رقبته ووقفه:جربت تخطف أختي مع خوك الكلب فادي
ويعطيه كف نين وخر ع وراه شادي قدمله قيصر
قيصر بحدة:ومع هذا ماتربيتش وخطفت مرتي وحاول خوك الكلب يتعدى عليها
ويعطيه كف وبوكس ع خده طاح شادي تحت نزله قيصر وشده من رقبة سوريته ووقفه
قيصر:مازال حسابك
- ومع هذا ماشعفتش وحرقت المركز واتهدد فيا
ويعطيه كفين ويشده من شعره
شادي بألم:اااااااااااااا
قيصر عيونه ولن حمر وعروق وجهه نين برزن من الغل:وخطفت سارة واغتصبتها
وبصوت عالي نين مصطفى وعبدو خافوا:وقتلت محس اااااااااااااااااااااان
ويعطيه ركله ع بطنه وطاح فيه ركل برجله ع وين ما اتجي:ياكلب ياتافه
شادي نين ضببت قدامه ووجه كله دم
اما قيصر نين وخر ع وراه من كثر غله وضربه لشادي سحب قيصر سلاحه وقبل بيطلق عليه اذكر سراب شن قاتله...
تنهد وغمض عيونه وصبعه ع الزناد يوخر ويقدم وع مرتين بيطلق عليه لكن كلام سراب يمنع فيه
عبدو بهمس :خيره شن صارله
مصطفى:مممم مش من عوايده يتردد في قتل حد وخاصة يلي زي شادي
قيصر نفخ بعصبية وقعد يطلق في الرصاص جنب شادي وشادي من الخوف نين دارها تحته😁😁😂
قيصر شده الفوق:وين سارة تكلم
شادي خايف ودايخ
قيصر يخض فيه:أنطق بسرعة
شادي:مانعلمش هي هربت من السيارة
قيصر خنقه بغل وعصبية
شادي قعد يكحكح وبصوت مخنوق:والله هربت جيت لقيتها مهناش هذا عليش قتلته الراجل
قيصر:عبدو مصطفى
عبدو ومصطفى:ايه
قيصر:اتنوضوه بطريحة وترقدوه بطريحة نين يعترف بمكان سارة وين وبكل الجرايم يلي دارهن وماتنسوش اتسجلوا كل شي صوت وصورة
عبدو:ليش باه
قيصر بحدة وهو يتنفس بقوة:دير يلي قلت عليه
وطلع قيصر برا تنفس وشبح للسماء لقي الدنيا ضاوية إبتسم ع جنب وفي خاطره:وفيت بوعدي ياصاحبي وفيت وتو نقدر ندفنك وأني متريح
.
.
ومر الوقت لعند مادفنوا محسن جو الناس يلي اتعزي وجت سراب اتواسي في  دانا أخت محسن
سراب:ماتخافيش يادانا اني وقيصر عيلتك
دانا:مافيش حد ياخد مكان محسن 😭😭😭
سراب حضنتها وبدت تبكي معاها
.
.
لبس قيصر نظارته وناض لأن الأجواء هذين مايحبهن اتصل بي سراب وقاللها أطلعي
طبعا سراب حامقة منه وتكلم فيه براس خشمها
ركبت في السيارة بدون ما تشبحله ولا اتكلمه
قيصر اشبحلها ع جنب:شن قالت دانا
سراب بحدة:مش وقت نفتحلها الموضوع البنت منهارة ع خوها
قيصر:وليش تتكلمي هكي
سراب تجاهلاته وسكتت
قيصر ضغط ع سنونه وشبحلها وقبل بيوريها لكن إذكر كلامها وإن مايبيش يكرهها فيه
حرك السيارة بعصبية ومشي
.
.
طق طق طق
سارة:تفضل
عصام:صباح الخير
سارة:صباح النور
عصام:شدي التليفون كلمي خوك وديري زي ماقتلك
سارة:تمام
خدت سارة التليفون واتصلت بقيصر
قيصر:ألو
سارة شبحت في عصام وغمزتله لما غمزتله لفتتله نظره وقعد يشبحلها
قيصر:ألووووو
سارة:قيصر ساعدني
قيصر بإندفاع:سارة سارة وينك وكيف حالك
سارة طبعا إتمثل:قيصر ساعدني هذا شادي الكلب باعني لواحد تاني
قيصر:وينك قوليلي
سارة:أني في استراحة جنب مصنع الكرتون
قيصر:سارة الو
عصام بصوت عالي:شن اتديرييي يابنت
سارة:اااااا
وسكرت التليفون
سراب تشبح لقيصر
قيصر:ولد الكلب.... ولد الكلب
وزاد سرعة سيارته
عصام وسارة طقوا يدين بعض وقعدوا يضحكوا
عصام:كلاها الشرطي
سارة:ومشت عليه
-ع فكرة من يلي في الصورة البنت والولد
عصام:اها هذوما اطفالي
سارة كشرت وعقدت حواجبها:مممن
عصام:البنت اسمها رفيف والولد زياد غاليين عليا تعرفي استاحشتهم هلبا هلبا
سارة خلاص وجهها ولى أحمر اتقول ضربوها مليون كف
عصام:كنت ماشي نشريللهم في دبش بيش منعطيهلهم لكن طلعتي انت وانسيتهم بكل
سارة:يعني هذوما اصغارك
عصام:وأكثر من صغاري مانقدرش انعيش بلاهم
خلاص سارة ماعاد قدرت تسمع شي وقفت بإندفاع وبتمشي
عصام:ويين
سارة بإرتباك:منمشي تو انجي
وطلعت تجري شادة قلبها ودموعها ع خدها خشت للحمام وبدت تبكي
عصام:خيرها الفارة مش ع بعضها لكن سبحان الله كيف خليتها وكيف لقيتها آية من الجمال طرف الزفت🤩🤩
.
.
وصل قيصر للإستراحة
قيصر:خليك في السيارة وماتطلعيش مهما صار
ونزل يجري سحب سلاحه...
.
.
يتبع....
#بقلم_رحيق🕊🕊