حب بعد ورطة

2

#رواية_حب_بعد_ورطة
الحل{2}قة...
وتبدأ الحلقة مع بطل الرواية (القيصر)
وتحديدا في مركز الشرطة👮‍♂️👮‍♂️
شادي:والله ماك إمفوتها وماك إمبردها
قيصر تجاهله:محسن وين ملف قضية سليم
محسن:مش سكرته
قيصر:لا مسكرتاش نين يتم الزواج
محسن:وأمتى باه
قيصر:موعدنا اليوم
محسن:اه مبروك مقدما مانا
قيصر إبتسم بخبث:لا مبروك لا شي زواج صفقة ههههه
شادي:عارف فيتك شرطي فاسد تاخد في الرشاوي ياكلب وإمرمط عيشتنا
فادي:إمداير روحه شريف علينا ال*** وهو ياخد في فلوس بيش يمشي الشاحنات متاع المخدرات والسكير
محسن بصوت عالي:سكر فمك إنت وياه
قيصر وقف ورفع حاجبه:شكرا على مديحكم شهادة نعتز بيها والله
شادي:هههههههههه ما إتديرش روحك طبيعي لأنك شرطي فاسد زي خوك الله لا ترحمه وبوك المشلول وإنت نهايتك أحرف منهم 😏😏
(هنا شادي إلعب على الوتر الحساس)⚡⚡
محسن يشبح لقيصر يلي حواجبه انعقدن وعضلات وجهه يلي طلعن من الحمق😠😠
سلب قيصر بدلة الشرطة وقعد في كانتيرا وحول المسدس من خصره وعطاه لمحسن 😡😡🤬🤬
محسن:قيصر فوته 😶😶
فنص في محسن بمعنى أفتح الزنزانة محسن خاف وفتح
شادي:شن الكلام إستفزك صح ههههه ماهو هذا الواقع واقع عيلة رجب كلهم فاسدين 😌😌
ومايحس إلا بي بوكس على خده نين وخر على وراه من قوة البوكس🤯🤕
فادي قدم لقيصر على أساس بيضربه لكن قيصر عطاه خبطة على مكان الرصاصة طاح فادي وقعد يعيط بقوة وشد شادي وبدي فيه ضرب خليط من الضرب🤯😧😬
قيصر:من الفاسد يابهيم من الفاسد؟؟ لسانك نقطعه مازال تجيب سيرة عيلتي فاهم ياكلب ياحقير ياتافه😡😡
-خود هاك هذي ياحيوان
خش محسن يجري وشد قيصر من خصره:يا قيصر بتقتله حول
شادي:ااااااااه ااااااه كح كح كح😓😓
قيصر:إتفووو
طلع قيصر وسكر محسن الزنزانة
قيصر بحدة:أسمعوني كلكم.. يقعدوا بلا إيكال ولا شراب نين يتربوا هالحمير..فاهمييين
الكل:فاهمين😬
.
.
سراب:حي على أمي تعطلت هلبا
سوسن:راجيني منلبس كندرتي
سراب:بسرررعة سفيان يراجي
طارق:المنجوهة وأختها 😂
سراب:على أساس إنت العاقل🤨
أم سراب:سراااب تليفونك
طارق:تي باهي تمشي حتى على رجليها😑
سوسن:صبح إصبحنا في وجهك 🤨
سراب:هيا فكينا من دوته طارق هذا
أم سراب:ربي يحفظكن
طارق:ماتخافيش على قلبك هذين الزوز نين إتموتي إنتي😅
سراب فنصت في طارق:بعيد السوء عليها مازال تعاودها ولا تجيب سيرة الموت مايصير خير ياطارق 🤨😠
الكل سكتوا وطارق إستهزب🙁  
سراب:إمشي سوسن هيا
خبطت أم سراب طارق:إنت خيرك تكلمت هكي إنت عارف سراب تكره سيرة الموت وإنت من كل عقلك
تس اااح😩😩😩
. . . ..
#نولوا_بالوقت_شوي_قبل_ست_شهور
بسرعة أطلعوا من الحوش مستحيل النار تنطفي🔥
أبو سراب:طلعتوا كلكم
أم سراب تعيط وتخبط في روحها وسوسن مغمي عليها وطارق واقف وهو وسفيان يبكوا على حوشهم يلي كله راكبة فيه النار 🔥🔥
أبو سراب:وين سراب وين سراب😧
أم سراب بصوت عالي:سراااااب سرااااااااب😨
سفيان وطارق:سرااااااااااااااب😱😱
الجيران حاولوا يشدوا أبو سراب من إنه يخش لكن ماقدروشي وخش يجري في وسط النار وقعد يدور عليها
ابو سراب يكح من الدخان:سرااااب يابنتي سرااااب
كح كح كح 😟😷
سفيان بصوت عالي:تي حولووووا نبي أنخشششش
سراب:بابا
أبو سراب:وينك
سراب:وسط الحمام كح كح كح
مشي للحمام وقعد يفقع فيه وآخيرا فقعه وشد سراب من يدها وقعدوا يجروا بيطلعوا بسرعة لأن النار مش حتراجي حد نهائيا
🕔🕔🕔🕔🕔
مشوا يجروا للروشن
ابو سراب:بري فوتي هاني وراك
🕔🕔🕔🕔🕔
سراب بصوت عالي:لاااااااااااااااااااااااا😨😨😨😫
.
.
#الوقت_الحاضر..
شد سفيان فرينوا وولت سراب لوعيها
سفيان:إنزلي سراب وصلنا
سراب:اه 🙄
سفيان:خيرك وصلنا إنزلي
سراب :ايه هي هي
نزلت سراب وخشت للمستشفى
. . . .
أم سراب:مش عارفة زعما إنست سراب هذاك اليوم ولا لا
طارق:مامضني لأن سراب حاسة إنها السبب في موت بوي
أم سراب:اااه عليك ياسراب
طارق:تعرفي أمس شبحتني وفي يدي الولاعة تبهونت وزي يلي خافت ...من هذاك الحادث وأني إمركز عليها صارت إتخاف من حاجة اسمها نار
أم سراب:مش عارفة شن منديرولها زعما نرفعوها لدكتور نفسي
طارق:لا ردي بالك يا أمي إتجيبي سيرة الدكتور النفسي قدامها سراب مش مجنونة شوية وقت وتنسى يلي صار علينا بس إنراعوها هالفترة وإنسوها
ام سراب:عندك حق
. . . . .
ومن حوش سراب لحوش القيصر
ولاء:أني خلاااص عييت زهقت كبدي ماعاش نقدر نمشي للعمل زي الناس
ام قيصر:سكري فمك قلتلك وماعاد تعاودي كلام زي هذا
أحمد:خيرك أتسكتي فيها عندها الحق قيصر معيشنا في ذل وين مانمشوا مانسمعوا كان في كلمة الفاسد الفاسد أقسم بالله كرهت عيشتي
ام قيصر:مش إمصدقة يلي نسمع فيه إنتم تتكلموا على خوكم هكي
أحمد:ماجبنا شي من عندنا يا أمي الناس كلها تدوي بينا وبدات على قيصر عمله مش نظيف إحني ماصدقنا الناس نست قصة بوي وقصي بيش يجي قيصر ويعاود نفس الغلط من جديد
ولاء وام قيصر إجمدن في مكانهن  شبح أحمد وراه لقي قيصر واقف وملامح الحمق على وجهه وشعره إمبعثر على جبهته وشاد صاكو صغير في يده ولابس فانيلا بيضة وسروال جينز أسود
احمد بخوف:ااا
قدم قيصر لأحمد وقعد يشبحله:أمي أني مسافر ليومين ردي بالك من بوي
أم قيصر:لوين باهي
قيصر شبح في ولاء على جنب:لعمل فاسد جديد
إيه وفهمي ولدك وبنتك  مازال نسمعهم يتكلموا على بوي وقصي مافيش حد يتوقع يلي بيصير
وقعد يفنص في ولاء وأحمد
قيصر:باي تو
أم قيصر:على الأقل خبرني وين ماشي بس
قيصر فات وماعدلش على أمه
.
.
في المستشفى🏥
سراب:شفتي نصيب
الممرضة1:لا
سراب:تس وينك يا نصيب حتى تليفونها مقفل
-شفتي نصيب اليوم
النظافة:أصلا ماجتش اليوم بكل
سراب:متأكدة
النظافة:متأكدة
تنهدت سراب وحاولت تتصل بأمها بتطمن عليها لكن مافيش فايدة
سراب:لا حول ولا قوة إلا بالله إن شاء الله مش صايرلك شي يانصيب
المديرة:سراب خيرك تهدرزي بروحك
سراب:اه لا شي
المديرة:تعالي نبيك في مكتبي
سراب:إن شاء الله خير
المديرة:خير خير
. . . . .
نصيب:أمي كلمي بوي نبيش نتزوجه مانبييييش
وماتحس إلا بالكف على خدها من بوها
بو نصيب:سكري فمك لعند اليوم ماوقفت ضدك في شي لكن لو كان زواجك منه بيفكنا من شره فالأحسن تقعدي ساكتة وتقبلي بواقعك وإلا إنولع فيك النار وإنت حية
خوها:خلينا نولوا لحوش سادك تدهوير
نصيب:عمتي بالله كلميه عمتي مانبيش مانبيش😢
عمة نصيب تبكي مش قادرة إتدير شي نهائيا
ورفعوا نصيب للنار الحمرة🔥🔥😱
.
.
المديرة:اسمعيني سراب لاحظتك إتساعدي في الناس وبدون حتى ما إتفكري أني معاك إنه الناس لبعضها وتصرفك صح لكن ردي بالك وإنت إتساعديي حد إتطيحي في مشكلة أكبر منك
سراب:باهي شن مندير مانقدرش نتحمل 😔😔
المديرة:أني مش ضدك بالعكس نفرح وين إنشوف في حد قاعد عنده ضمير لكن إحسبي كل خطوة تاخديها لما بتساعدي حد خليك مساعدة من بعيد صدقيني وين تعلمي مرات غلطة منك تخليك في ورطة طول عمرك فهمتيني سراب
سراب:إيه فهمتك شكرا على النصيحة لكن وعدت روحي في هذاك اليوم إن أي واحد يبي مساعدة مش حنتردد ولا ثانية لأن لما إنساعد حد إنكون خففت من الذنب يلي في قلبي فهمتيني
إبتسمت المديرة:والله معتبراتك زي بنتي وخايفة عليك
سراب:شكرا تسلميلي
رن رن رن
سراب:نستأذن
المديرة:خودي راحتك
طلعت سراب
سراب:ألو
محمد:كيف حالك توا😍
سراب:كويسة😔
محمد:إنت متأكدة لأن صوتك مش عاجبني😕
سراب:لا مافي شي غير راسي إمصدع🙃
محمد:سلامتك🥰🥰
سراب:تسلم ياروحي..محمد
محمد:نعم
سراب:نتصل بيك بعدين في حالة خشت للمستشفى
محمد:تمام باي
سكرت من هنا ورن تليفونها من هنا
سراب:ألو
نصيب بصوت مبحوح:سراب
سراب بلهفة:نصيب وينك اليوم
نصيب تبكي😭😭
سراب بخوف:شن فيك ليش تبكي
نصيب:ساعديني يا سراب أهلي جو ورفعوني يبوا يزوجوني بالسيف 😢😢😭😭
سراب:ياربي وين إنتي توا
-الو الو الو
طوط طوط طوط
سراب بدت إتلود في مكانها ومش عارفة شن أتدير
سراب:ايه عمة نصيب أكيد تعلم
وطلعت تجري من المستشفى🏃‍♀️🏃‍♀️
. . . . .
يسوق في سيارته ويذكر...
#نولوا_بالوقت_قبل_ست_شهور..
؟؟:إنت بوك متورط في عمليات تهريب هو وخوك لازم يمشوا معانا
قيصر:نحي يدك بوي مش متاع الدوة هذي حول يدك..
؟؟:في المركز قول الكلام هذا
.
.
خشت خطيبة قصي وضربت قصي كف ورمتله الدبلة:واحد مرتشي وفاسد ماتورينيش وجهك فاهم
قيصر:وقفي سالمة وقفي كله كدب والله قصي مايديرها
.💔💔💔
قصي مايعلمش على روحه آخر شي شاده في دماغة الكف يلي من سالمة...
قيصر:سالمة وقفي
سالمة:حل عني إنت وخوك الفاسد وعيلتك الفاسدة
وطلعت وهي تبكي
ورفعوا قصي ورجب على التحقيق
🕔🕔🕔🕔🕔
قيصر:بوي تسمع فيا
رجب بصوت متقطع:خليني في حالي
قيصر:غير وين ماشي
رجب:قلتلك حل عنييييي
طلع رجب بسيارته وقصي رقي لداره وسكر على روحه الباب
طلع يجري قصي وراء  بوه رجب يبي يوقفه وما إسمع إلا عياط أمه وخواته😭😭😭😫😫😫😫
ولى يجري لقي أحمد يبكي في الزاوية ولقي خواته وأمه مقعمزات جنب بعضهن ويتباكن 😭😭😭😢😢
قصير بصوت عالي:اااااااااااااااااااااااااااااااااااا😫😫😫😫
#الوقت_الحاضر...
.
وتطلع قدامه سيارة شد فرينو في آخر لحظة 🚘
وهنا القيصر صحصح وتنهد بقوة😨😯
صاحب السيارة:عشوي ماودرتنا ياخونا خيرك 😠
قيصر طلع راسه من الروشن:صارلك شي🤨
صاحب السيارة:لا😶
قيصر:مانا إقلب وجهك 😑
. . . . .
رجب:وين قيصر
أم قيصر:ليش تسأل عليه
رجب:هالولد مش عارف خيره صار هكي ☹
أم قيصر:يلي صار معانا من ست شهور قلب حياة قيصر فوقي لوطي🙁
رجب قعد يبكي:كل مني أني أني السبب في حالة قيصر😢
أم قيصر:ماتقولش هكي إنت شن دخلك هذا مكتوب😞
رجب:المشكلة إنشوف في ولدي يدمر في حياته واني امقعمز على هالكرسي مش قادر نتحرك ااااه💔
أم قيصر:ماتخافش يارجب تو إتجي البنت يلي تمشيه على الخط وتوريه الصح😊
رجب:هذا كان ناوي يتزوج هو كل البنات زي اللعبة في يديه كل ماحاولت بنت تتقرب منه يمشي معاها يومين وبعدين يوريها الويل⚡🔥
أم قيصر:مرات هالبناويت مش كويسات تأكد يارجب نصيبه في بنت شخصيتها قوية وبنت ناس قيصر مايبيش النوع يلي تخاف على أول مايتكلم بالصوت العالي قيصر يبي بنت عنايدية فارضة شخصيتها بأخلاقها وأسلوبها ولو حصلها صدقني حياته حتتغير للأحسن😊🥰
رجب رفع راسه الفوق:يارب يارب طيحه في بنت الحلال يلي تهديه😫🤲
أم قيصر:آميين 🤲
.
.
**ومن حوش قيصر لحوش عمة نصيب**
عمة نصيب:مانعلمش قلتلك😠
سراب:عمتي نصيب ماتبيش تتزوجه أفهمي إنت عارفة لمن بيزوجوها بيزوجوها لواحد مايعرفش ربي الفساد ماشي في دمه واحد نسواني يلعب ببناويت الناس يومين ثلاثة ويرميهن إتقول لعبة🥺🥺
خافت عمة نصيب وبدت تبكي 😟😟
سراب:تخيلي شن يصير لنصيب المسكينة لو خداته أكيدة هالجحش حيوريها نجوم الظهر ويخليها زي الجارية تحته وبعدين يرميها وتدمر حياتها قوليلي ياعمتي وين مكان زواجها خليني إنساعدها هذي صاحبتي وزي أختي كيف إنخليها هكي 🤨🤨
عمة نصيب مسحت دموعها:يابنتي في مكانهم الأول ماحولوش منه😔😔
فتحت سراب عيونها واذكرت النار وفي خاطرها:سراب انت بتمشي للمكان يلي 😢😟
وسرحت في أفكارها🥺🥺🙄
هي محتارة بين صاحبتها يلي في مشكلة كبيرة وبين  انها تمشي للمكان يلي مات فيه بوها ويلي انكسرت فيه 💔💔
عمة نصيب:سراب
وآخيرا خدت قرارها 🧐🧐
سراب إبتسمت:شكرا عمتي😘
عمة نصيب:موفقة يابنتي
مشت بسرعة وبهمس:مش حنسيب نصيب هي صاحبتي وقفت معاي في الكبيرة والصغيرة😎😎
ومشت سراب تجري لتساعد صاحبتها يلي تعتبر فيها أختها..🏃‍♀️🏃‍♀️🏃‍♀️
.
.
                         يتبع...
#جزء_من_الحلقة_الجاية...
.
.
نصيب:ااااااااااااااااااا إن شاء الله إتمووووت ياكلب ااااااااااه
.😢
.😫💔
قيصر:شكلك متعبة هلبا هذا عليش أهلك رابطينك
.😈
.👿
قيصر:وتأكدي مش حنخليك تنتحري إلا بعد ليلة عرسنا
.😉
.
نصيب متقززة منه وخايفة من ملامحه وقعدت تخبط فيه على صدره العريض وهو ماهزتله شعره
.🤢
.😤
نصيب تبكي بصوت مبحوح:فكوووني مانبيش نتزوجه فكوووني
.😩
.😫

يعطيها كف على وجهها نين خشمها قعد ينزف
.🤯
.🤕
أم سراب:يومين ليش
.😧
.
سراب:ااا منسافر على (&&&&)ليومين
.🙄
.
أم سراب:قلبي مش متريح
.
.

أم سراب:باي ردي بالك على روحك وماتدخلي في أي حد غادي كملي عملك وروحي🧐

#بقلمي
#رحيق_الفجر🕊🕊