#حب_بعد_ورطة
الحل{22}قة..
.............................................................
وآسفة ع التأخير بس والله ضغط دراسة
.............................................................
خش قيصر للحوش وقعد يشبح يمين يسار يدور ع سارة لمحه عصام أنه خش قعد يمشي شوي شوي نين وقف وراه وغرس صوابعه في ظهر قيصر ع أساس انهن مسدس
عصام:حركة وحدة منك نقتلك
قيصر في خاطره:هالصوت مش غريب
عصام:نزل مسدسك أحسنلك
قيصر في الأول عند
عصام:نزل مسدسك
نزل قيصر مسدسه وهو حامق ويبي يعرف من العدو الجديد
عصام :ايوا فالح
قيصر:من إنت وشن تبي من سارة
عصام سكت ونزل يده وقعد يضحك
استغرب قيصر وخدي سلاحة بسرعة والتفت لعصام حط في راسه السلاحه لكن قيصر انصدم وطيح المسدس
قيصر:صصوما
عصام وهو يبتسم:بشحمه ولحمه
قيصر:مش مصدق
عصام:هههههه تعالى ياكلب
وحضن عصام قيصر حضن المليووون عام وقيصر قاعد مش مصدق عيونه
عصام:ههه قيصر تكلم خيرك
وخر قيصر وقعد يتأمل في عصام وحضنه بقوة:استاحشتك هلبا تي وين الغيبة هذي كلها
ووخر:الله قاعد زي ما إنت ماتغير فيك شي
عصام:وانت تغيرت ماعاد مشيتك يلي عرفتك بيها توا
قيصر بإندفاع:كيف حالك شن مداير ووين ليش قطعت اتصالاتاك وا...
عصام:غير روق بس عليا
سارة بدموع:قيصر؟؟
ألتفت قيصر وافرح :سارة
سارة ابتسمت وبعدها كش ت
قدملها قيصر بيحضنها لكن دفاتها وبدت تبكي
وبصوت عالي:ليش سيبتني انت ديما تنقد فيا خيرا المرة هذي
قيصر عيونه ولن حمر من الحزن ع أخته والحمق ع روحه
سارة بصوت أعلى ومجروح ودموع:تعلم شن دار فيا هالكلب
وبدت تخبط فيه ع صدره واتكرر في نفس الكلام
عصام وجعاته ونزل راسه تحت بيبكي
حضنها قيصر وقعد يبكي وهي تبكي وتخبط فيه
قيصر:ماتخافيش اني هنا
سارة تبكي:وصلت متأخر هو ا..
قيصر قطع عليها بصوت عالي مايبيهاش تتكلم ه شني دار فيها شادي:اسكتيييي خلاااص
وحط ع أكتافها ووخرها وهو حامق بملامحه الحادة:الكلب شادي انتهييي وحقك خديته تالت ومتلت
وقعد يهز فيها:فهمتييي عمره قيصر ما فوت لحد غلطه مابالك حد يغلط مع عيلتي صدقني نحرق المنطقة كلها
قعد سارة تبكي ع الهزاز منهارة خداها قيصر في حضنه وقعد يمسح عليها ويهدي فيها
عصام حط يده ع كتف قيصر:قيصر
اشبحله قيصر ودموعه في عيونه
ثواني وخشت سراب واستغربت الوضع واستغربت عصام
عصام :منو انت
التفت قيصر وفنص في سراب شبحتله سراب كيف فنص فيها لكن ماعدلتش عليه وجت تجري لسارة
سارة :سرااب؟؟
سراب حضنتها:ياحبيبتي كيف حالك خفنا عليك
من نظرات قيصر لسراب عرف عصام انها مرته
عصام:خشوا في الدار يلي قدامكم تريحوا
هزت سراب راسها لعصام وخشت بسارة يلي تبكي
أما قيصر مش حيفوت لسراب طلعتها من السيارة ودخولها قدام عصام لأن غيرة قيصر أقوى من حبه
عصام:ايه بما إنك ا....
قيصر بحدة:قوللي كيف ووين إلقيت سارة
عصام شبحله ع جنب:وخيرك تتكلم هكي
قيصر بعصبية:سألتك سؤال جاوب
عصام:لا ياروح سؤالك انت مش فاتح مركز شرطة هنا وأني مش مجرم أني صاحبك تكلم معاي زين
تنهد قيصر بعصبية:ما انحبش انعاود كلامي مرتين
عصام:وأني اسلوبك هذا مايمشيش معاي
فنص فيه قيصر وكمش يديه
عصام ببرود:بتضرب بتعيط بتقتل هذا مايهمنيش أني مانيش متكلم نين تغير طريقتك في الكلام وتولي قيصر يلي نعرفه لأن تغييرك مايمشيش عليا
تنهد قيصر بقوة وقعد يشبح لعصام
عصام ببرود:براحتك
-قهوة ولا شاهي تبي
قيصر:خبرني ياصوما لأني قريب منختش راه
عصام:اه شايفك وليت زي قبل
قيصر بحدة:عصاااام
عصام:تمام تمام خلاص تعالى انخبرك وأني اندير في قهوة
.
.
سراب بحزن:كل هذا صار معاك وكيف هربتي
سارة بدموع:لولا عصام كانوا باعوني وكنت تحت راجل تاني الله يعلم منو
سراب بخوف:لا بعيد السو المهم ولتيلنا
سارة بحزن:شن الفايدة ياسراب وشرفي يلي اخسرته شرفي يلي ضاع شرفي يلي تمسخ لو متت كان أحسنلي من هالعيشة السودة
سراب:لا ماتقوليش هكي هالشي صار غصب عنك
سارة بصوت مبحوح:شن الفرق ماهو خسرت خسرت
سراب بدت تشبحلها وتبكي
سارة:من بيرضى ببنت خسرت شرفها
سراب حضنتها وبدت تمسح ع شعرها:اسسس ماتقوليش هكي يلي عند ربي مش بعيد هذا نصيبك كل واحد بياخد الحلو والمر من هالدنيا خوديني أني ع سبيل المثال
-مات بوي بسببي في حريق نار في ليلة مظلمة ولعند توا انخاف حتى من اسم نار لعند تو انخاف انخش مطبخ
وسرحت تدكر في هذيك الليلة وماحست إلا بحضن سارة القوي:آسفة خليتك ا..
سراب:لا بس حبيت انقولك ان كل واحد مخلوق معرض للمشاكل وان المشاكل اختبار من عنده والحل اننا نصبروا لأن صبرنا فرجنا
وضحكت بسخرية وفي خاطرها:شوفوا من يعطي في النصائح يلا ماعلينا المهم تروق سارة وما اتخش في حالة نفسية من الموقف يلي صار معاها
.
.
عصام:وهذا يلي صار أني في الأول ماعرفتها سارة نين بدت اتقول ع اسمك وانك خوها
قيصر ربع يديه ع صدره وقعد وقعد يفكر
عصاام:في شني اتفكر
قيصر:أني خيرني ماقتلتاش
عصام:منو
قيصر:شن يلي خلاني مانقتلاش
عصام:على من تحكي انت
قيصر:ع شاااادي مش عارف شن صارلي وشن يلي وقفني لآخر لحظة كنت منقتله
عصام:أحسن ماقتلته هكي حيحسبوه عليك خلي القاضي يقول حكمه
قيصر:وحتى هي هكي قالتلي
عصام:منهي
قيصر سكت
عصام عرفه يتكلم ع سراب اضحك وسكت..
عصام:قيصر
قيصر:ااممم
عصام:آسف ع قصي وآسف ا...
قيصر قفز:اه تعطلنا هلبا وامي خايفة ع سارة
عصام عرفه مايبيش يتكلم:باهي وين ماشيين
قيصر:للحوش
عصام:قصدك حوش أحمد
قيصر إذكر ان أحمد لزهم :اااه
عصام:قيصر شن صارللكم خيركم هكي صرتوا
قيصر :ايه خبرني ع روحك شن درت ومادرتش في هالسنين كان يشبحك رجب يفرح
عصام:يعطيني طريحة مندري ههه
قيصر:لالا مش للدرجة هذي
-ماخبرتنيش شن خطر عليك اتولي
عصام تنهد:والله كنت نبي انجي من فترة لكن العقد متاع الشركة منعني وكان فرض عليا نقعد خمس سنين في كندا ع شان يكمل العقد
قيصر:خمس سنين والسنتين يلي فضلن انت مسافر ليك سبع سنين وخمس شهور ويومين
عصام فتح فمه:حتى أني بروحي انسيت كم ليا مسافر
قيصر:شن تسحابني زيك
-ع كل نتلاقوا مرة ثانية منمشي
عصام:وحق الله ماك ماشي اليوم من عندي إلا بتبات
قيصر:ليش الحلف
عصام:تي أني ماصدقت إلقيتك وانت بتمشي
ولا يلي لقي أحبابه نسي أصحابه
قيصر:مش قصة أحباب وأصحاب لكن ثقلنا عليك وإنت عارفني نفسي عزيزة
عصام:لا عزيزة لا خديجة عليا ني نفسك عزيزة كان عليا أني نبيها نفسك ماتتحشم بكل
سكت قيصر وقعد يشبحله وفجأة عصام حضنه:أحسن مادرت
قيصر:ومن قالك وافقت أني
عصام:خابزك وعاجنك مش أمس ولا اليوم معاك
صح في تغييرات لكن مش عليا أني
.
.
سفيان:شنهووو
-تمام تمام
-خلاص روقي أني جايك
سكر التليفون :لاحول ولاقوة الا بالله إنا لله وإنا إليه راجعون
طارق:خيرك
ناض سفيان وقعد ينادي ع أمه
أم سراب:خيييرك برا في الجنان
طلع سفيان:أمي
أم سراب:نعم
سفيان:أم أمل توفت اليوم
أم سراب بشهقة:شنووو ياناااري عليها
-أنا لله وانا إليه راجعون
سفيان:بتمشي؟؟
أم سراب:وهذي فيها سرال ياوليدي شوية بس نلبس
سفيان اسرح وهو يراجي في أمه ويفكر بأمل كيف حالتها..
أم سراب:سوسن ردي باك من الحوش طيبي العشي انت وخوك وماتنسش تتصلي بأختك سراب شوفيها
سوسن:حاضر
أم سراب:ايه وانت راك تطلع اتسيب أختك بروحها في الحوش
إشبح في سوسن ع جنب:لمنوريك ياسوسة
سفياان:هيااا يا أمي
أم سراب:يلا جاية
وطلعت...
طارق بصوت عالي نسبيا:يلا بنقلا تعالي أمسحي وضمي 😈😈
سوسن:دمك ثقيل
طارق:أني دمي ثقيل
وخدي الوسادة رماها عليها
سوسن:يافرخ ياعيل
طارق:يلاااا حطي العشي نبيه عشي امقوم
سوسن:طارق
طارق:خيرك بسرعة
سوسن:في أما شهر أنت
طارق:ع حسب الحسبة نهاية الثالث ووووك ياكبدي ما إمتعبني شكلها بنت😁😁😈
سوسن شهقت:😱😱ياناري من يلي بتتحملك
-والله جميلة مسكينة لبتهرب
طارق بغرور:شخصية وجمال وخفة دم وبتهرب؟؟
-تي أني البنات يطيحن عليا من الدور ال...
سيباته سوسن ومشت من جنبه:بدي يتفلسف...
.
.
أحمد بصوت عالي:سعااااااد
سعاد:نعم
أحمد:قولي نعم ياسيدي
سعاد بخوف:نعم ياسيدي
أحمد:ديري عشي باهي جايني صاحبي اليوم تعرفي نلقى حاجة إمعفنه نقلب السفرة ع دماغك فاهمة
سعاد:حححاضر
أحمد :إقلبي وجهك توا ديري يلي قلتلك عليه
سعاد مشت وبهمس:وينك ياسيد قيصر ع الأقل إنت فارض احترامك وتحترم في غيرك
احمد:بري بسرعة..
طلعت ولاء من دارها وهي ع سنقة عشرة
أحمد:وين ماشية
ولاء:عفوا وانت شن دخلك
أحمد قدم وشدها من شعرها:شن قلتي
ولاء بألم:ااااه إطلقني
أحمد:تولي تنقبري في دارك وماتطلعيش منها ماعنديش فرخات يطلعن
ولاء:حول يدك اااااه
أحمد بصوت عالي وضغط ع شعرها:فااااااهمة
جت تجري ام قيصر :اطلق أختك إطلقهاااا
أحمد اشبح في أمه وطلق ولاء
أم قيصر:خيرها شن دارتلك
-الزم حدودك وماعاد ترفع يدك ع أختك هذا مابال تمشي اتدور ع أختك الثانية وين جاي تتأمر هنا
أحمد بصوت عالي:أني هكي يلي عاجبه باهي ويلي مش عاجبه هذا الباب ماشديت حد أني وثاني حاجة أني مش زي قيصر راه فتقبلوا الواقع يلي عايشينا
ومشي من حداهن
طبعا ولاء تبكي وأم قيصر مشت حامقة حزينة ع وضع عيلتها يلي خش في بعضه
رجب:خيرك يامرا
أم قيصر بدت تبكي:والله تعبت يارجب شوف صغارك اليوم كيف يتقاتلوا اتقول أعداء هذا مابال يساعد خوه بيش يلقوا سارة ياكل ويشرب ويلبس ولا هامه الموضوع
رحب بحزن:ياريته مات بدال قصي ياريته
أم قيصر بصدمة:لااا ليش تدعي يارجب
رجب بحدة:هذا تااافه وحقير ومتبري منه ليوم الدين
أم قيصر:شن اتقووول ياراجل
رجب:لو تعلمي شن دار هالكلب بيش ياخد الأملاك كلهن
أم قيصر:مش إنت كتبتهله
رجب:نكتبببببله عيييينه أكيدة قيصر زعلان مني ويسحابني فعلا كتبت كل شي لأحمد
أم قيصر:فهمني شن في
رجب:هذا ولدك جاني وا........................................
طبعا حكي القصة كلها كيف حاول يقتله وكيف خديه توقيعه غصب عنه
حطت أم قيصر يدها ع قلبها وشهقت:مستحيل
رجب:لا صدقي الفلوس هكي يديرن
-حاولت نحكي لسراب لكن هي مافهمتنيش وللأسف صار يلي صار نبي نتواصل مع قيصر بأي طريقة نبيه يعلم إني...
وجاته نوبة الربو ناضت تجري أمي قيصر وعطاته البخاخة
أم قيصر:تريح أنت تريح توا وبعدين ساهل
رقداته ع السرير وغطاته وطلعت من الدار وهي تدمع مش مصدقة شي وكأنه حلم..
.
.
وبعد ماهديت سارة
سراب:ساارة
سارة بهمس :نعم
سراب:من عصام هذا
سارة عيونها لمعن:اااه.هذا صوما
سراب:ع اساس قارية معاه نين قلتي صوما منعرفه طول
سارة:ااه
وخدودها ولن حمر وكأنها نست كل شي صار معاها:هذا عصام صاحب قيصر من الطفولة
سراب:غريب ولا مرة جبتوا سيرته حتى قيصر
سارة:لأنه من سبع سنين سافر العيلة شبه انساته لكن قيصر واني مستحيل ننسوه
سراب:اها قلتيلي إنت وقيصر
سارة ابتسمت وسرحت:اايه
سراب بخبث:افهمنا إن قيصر صاحبه من لما كانوا صغار باه وانت شن موقعك من الإعراااااب😈😈
سارة إرتبكت وتحشمت:اااه لا غير ااا امممم
ايه بما أني محتكة بقيصر هلبا ف اااا اااا
سراب:ايه ايه فهمتك قولي معجبة بيه مهتمة بيه او مثلا حب الطفووولة😜
شبحتلها سارة وفتحت عيونها:ااااه
سراب:ااااااا
سارة إبتسمت وقعمزت:تعرفي
سراب بفرح:ايه إحكي
سارة:من لما كنت صغيرة معجبة بيه وهالإعجاب كل يوم يتطور لعند ما بديت إنحب فيه ومابطلت ولا يوم ولا ساعة حب فيه لعند هاللحظة وللأبد
سراب:وووه شكلك ميته وذايبة
ضحكت سارة:زمان ديما نسبل بأي سبلة بيش انشوفه وانخليه يتكلم معاي حتى مادة الرياضيات حافظتها حفظ من كثر ما نمشيله واندير في روحي مش فاهمة الدرس انسيب في قيصر وانجيه هو
حتى إنه مسميني سارة الفارة
سراب:بااه كملي
سارة:واني كنت انقوله صوما هو مايحبهاش ومشت على لسان العيلة كلهم صوما
ضحكته كلامه اسلوبه شخصيته عفويته حبيت كل شي فيه كنت لما نتعارك مع حد من العيلة أو من الشارع يدافع عليا حتى ولو كنت ع غلط ندكر هو الوحيد يلي اذكر عيد ميلادي وجابلي هدية
وطلعت من تحت رقبة سوريتها سلسال مرسوم عليه فارة😂😂
ابتسمت سارة:مستحيل يفارق رقبتي هذا السلسال
وخاصة لما سافر حسيت بالعالم انتهي سافر ومالحقت انقوله ونعترفله لما سافر عصام كنت نقرا اولى ثانوي كنت مستعدة لنعترفله بما أني كبرت وصرت واعية لكن كل أحلامي وأمالي ضاعن لما نضت وبديت انراجي فيه قدام حوشنا كنت فرحانة ومرتبكة وما نسمع إلا قيصر يتكلم مع بابا ع عصام وعرفت إنه سافر مع عيلته لظروف مادية زعلت قلبي حسيته بين إثنين لكن حبي ليه قعد واحد وكبير ياسراب لاعاد ناكل زي الناس ولانشرب كرهت مادة الرياضيات كل صفحة في كتاب الرياضيات فيها وجه عصام وذكرياني معاه مع إنه حب من طرف واحد
استغربوني أهلي لكن ماخبرت حد ولا عمري خبرت واحد كان انت توا... هالسر احتفظت بيه لليوم هذا
وبعد فترة اتصل عصام بقيصر واسمعت صوته فرحت ومانعلم ع روحي نين فكيت التليفون من قيصر وكلمته حسيت قلبي تصلح وخديت الرقم وبديت نتكلم معاه ع الواتس هذيك الفترة كنت طايرة في أحلامي لعند ماجي يوم وقطع اتصالاته لا عاد فتح واتس لا حاجة جربت نتصل بيه لكن يعطي فيا خارج الخدمة سألت عليه قيصر لقيت قيصر احرف مني بيطير عليه
سراب:ياروحي انت وبعدين
سارة:ماعاد في بعدين قصة حبي انتهت قبل ماتبدأ قررت ننساه لكن يشهد الله ما انسيته قررت ماعاد انفكر فيه ونقنع روحي انه حب طفولة ومراهقة وانه من طرف واحد لكن القلب امعند ماباش ينساه
سراب:باه توا شني لما شفتيه شن قالك وشن قلتيله شن درتي اعترفتيله ولا لا
.
.
عصام:ياصاحبي هلبا ضار فيا هذا عليش قطعت ماعاد اتصلت
قيصر:تكلم شن في
عصام:اول ماوصلنا لكندا أني وبوي واختي وراجلها
نصب علينا واحد ع اساس انه الشقه ليه وبيبيعها شريناها منه ودفعنا يلي فوقنا ويلي تحتنا بيش شريناها بما أنها أرخص شقه..الاسبوع الاول كويس مشي وبدي عامر يخدم وأني ومرت عامر وبوي بما إنه أعرج ويمرض هلبا انت عارف هوينا
قيصر:ايه كمل
عصام:يقعد بوي في الحوش مع رفيف وزياد واحني نخدموا وفي يوم روحنا من الخدمة لقينا بوي والصغار برا سألناه شن في؟؟
طلع ولد حرام ونصب علينا وطلعت الشقة خانب مفتاحها من واحد جاره ورفعونا للشرطة حققو معانا كلنا وطلعونا بعد ما عرفوا إن اتنصب علينا
قعدنا برا في الشوارع انلودوا ومن الحظ كانت مرت عامر عندها ذهب في شنتطها باعاته وكل واحد باع تليفونه وجمعنا قرشين أجرنا بيهن شقة في واحد من الأحياء السكنية غادي لمدة شهر وهذا السبب يلي خلاني نقطع اتصالاتي بيكم
قيصر:بااه وكيف درت بعدين
عصام:فرج ربي علينا لقيت شركة اتدور في حد معاه شهادة في الهندسة قريت الإعلان ومشيت بسرعة لكن كانوا طالبين شهادة ماستر مش شهادة عادية
والمشكلة ان المنصب منصب نائب مدير قلت مستحيل انفوت هالفرصة وبديت نتفلسف عليهم ونتحايل وطلعت كل المعلومات يلي عندي ليهم ومن حسن حظي المدير طيب فهمني وفهم وضعي ووافق وحطني تحت التدريب لمدة شهر وبعد مالقاني كويس وماشي في عملي قعد يدخل فيا في الإجتماعات متاعه وبديت نشرح في المشاريع متاع الموظفين ونقترح في آراء عيني نائب مدير بالرسمي ومرتي سدني لدرجة حولنا من الشقة هذي وشرينا حوش اصغير..
قيصر:باه وليش ما إتصلتش بيا وقلتلي
عصام:قلتلك المشاكل انصبت وراء بعضهن ماعاد عرفت شن اندير نصبوا علينا وكنت لاهي اندور في عمل كويس وكيف ماقلتلك تليفوني بعته بالشفرة وأنت مغير رقمك ورقمك الجديد مالحقت نحفظه ولما توسعت لحكاية وشريت تليفون يلي كنت حافظه رقم سارة لكن سارة مقفل نلقى فيه وبعدين بوي عطاك عمره
قيصر:شنهوووو امتى كيف وليش
عصام:جاته جلطة ومالحقناه لأن كنا في أشغالنا كلنا
روحت لقيته فايت فيه هاذي أول مصيبة وبعد اسبوع من وفاة بوي ترقيت وصرت مدير الشركة تحت اشراف المدير الأول طبعا ومشت الشركة أمورها تمام التمام ونجحت وارتفعن الأسمهم وكنت نبي انولي للبلاد لكن كنت مجبور نقعد خمس سنين ع خاطر العقد كملن الخمس السنين وبعد ماكونت روحي وشريت حوش في كندا واسست شركتي الخاصة قررت انولي لكن القدر قالي هني روحك واني في المطار اتصلوا بيا وخبروني أن نستلم جثة اختي وراجلها...
-ماصدقتش شن يلي اسمعته أمتى صار وأني خليتهم مافيهم شي وودعتهم قبل لنمشي للمطار..
المهم وليت نجري ومشيت للمستشفى لقيت اجتثهم في ممر المستشفى سألت كيف وامتى وليش بعدها عرفت إنهم قطعت قدامهم حاوية متاع سيارات فقدت توزانها وطاحت عليهم وماتوا ونصيب الصغار كانوا في الحوش مع المربية وليت ماعاد صارلي بكل من السفر وقعدت انربي في صغار أختي نين جت عمتي وخدتهم مني أني هذاك التاو تراكم العمل عليا
فقلت لعمتي اتولي بيهم للبلاد واني انكمل وانلحق
ضاقت بيا الدنيا انحس في روحي غريب مع اني خديت ع الوضع غادي نظمت أموري بعد سنتين وجيت للبلاد هنا وأول واحد نلقاه سارة ههه صدفة
قيصر حضن عصام بقوة:ياصاحبي كل هذا صار معاك وقاعد زي الجبل ربي يعوضك
عصام:الله يسلمك عوضني ربي بيك خلاص ماعاد نبي شي
قيصر:وأهلا بيك من جديد ياصووما
عصام:الله قديش استاحشت كلامنا وسهرنا مع بعض ومقالبنا وقرايتنا
.
.
سراب:قوليلي خيرك ساكتة
وقفت سارة وفي عيونها جيش دموع:فات الوقت وهذا وين تأكدت إن حبي كان من طرف واحد وانت حب طفولي مراهق
سراب:كيف
سارة:طلع متزوج وعنده ولد وبنت
سراب وقفت:شنهووو
سارة:ايه زي ما اسمعتي
وضحكت بدموع وسخرية:واني يلي هبلة كيف كنت متأملة فيه لا وحتى ولو مش متزوج كيف شاب عزري بيقبل ببنت خسرت شرفها بنت لمسها حد بالحرام من ياسراب من؟؟
سراب:ماعاش اتقولي هالكلام نزعل منك راه
سارة:لكن هذا الواقع يا سراب
سراب تنهدت بحزن ماعاد عرفت شن اتقول قدمت وحضنت سراب:ماتخافيش ياروحي انت مادرتي شي غلط ولا دنبك في شي وربي لما يحب حد يبتليه مرات نصيبك في حد أحسن من عصام ينسيك فيه
-ايه وماتنسيش قيصر موجود ديما المسكين لا نومه نوم ولا أكله ايكال تعرفي حالته حاله ماتريح نين شد شادي وماشده نين محسن خسر حياته
سارة:شنييي
سراب:ايه محسن مات وأخته مدايرة حالة عليه المسكينة وفوق كل هذا خوك أحمد لزنا من الحوش
سارة:شن تقووولي
سراب:هذا يلي صار خوك احمد نقل الأملاك كلهن باسمه وتحايل ع عمي وخلاه يوقع الاوراق بالسيف
سارة بحزن ومصدومة:ماتوقعته يدير هكي
سراب:رد بالك اتجيبي سيرة لقيصر إن أحمد دار في عمي هكي
سارة:ليييش باه
سراب:مش ناقصه ومش وقتها خايفة من ردة فعله خايفة منه يدير حاحة في احمد يندم عليها
سارة تنهدت بضيق وحزن..
.
.
فهد:حبيي كيف حالك
سوسن:بخير كيفك انت
فهد:كويس مشتاق ليك
سوسن:وأني أكثر
فهد:والله العطلة مادارت خير فيا
منجي نخطبك راه
سوسن:صبر بالك يافهد
فهد بعصبية:لأمتى شكلك ما إتحبيني
سوسن:من قال هكي
فهد:تصرفاتك يدلن ع هكي كل مانجي منتقدم اتقوليلي لا مش وقتها ماعاش افهمتك
سوسن:قصدك مش واثق فيا وتحسابني زي الفرخات التانيات يضحكن ضحك قلتلك الظروف مايسمحن
فهد:باهي باهي سكري مش فاضي
سوسن:الو الووو
-اقسم بالله ماك امفوتها ع الحركة هذي
طارق بصوت عالي:بنقلااااااا
سوسن بصوت عالي:حلللللل عنييييييي
.
.
احمد:تفضل تفضل خش الحوش حوشك
ويلي خش هو يلي حرض احمد وهو يلي يعبيله في راسه وهو يلي يكلم ويستغل في ولاء هو محمد محمد خطيب سراب السابق محمد يلي ولى وبينتقم من سراب لأن الكف هذاك اليوم في المستشفى مانساه ورمية الدبلة ع وجهه
محمد خش وقعد يشبح يمين يسار في الحوش وكانه يدور ع شي
احمد:خش خش
خششه وقعد يتعشى هو وياه ويهدرزوا ويضحكوا
احمد:شوية تو انجيك
نزلت ولاء اتدور في خيط الشحنة:وييين خيط الشحن النهار الاحرف
وشبحت هكي لقت محمد يشبحلها
ولاء ابتسمت وقدمت:هاي
محمد:هاي شن الجو
-شن الجو
ولاء:مليح شن اتدير هنا
محمد:ولو اني يلي المفروض هنا
ولاء:نعم
محمد:شي شي بعدين نبيك
ولاء:شنوو
محمد:خيرك نبيك استاحشتك نبي انهدرز معاك
ولاء ابتسمت وبدت تشبحله
محمد:لاقيني في جنانكم لما نتصل بيك
ولاء:اممممم
محمد:انراجي فيك
احمد:ديري يلي قلتلك عليه وماتناقشيش
سعاد:حح حاضر
ولاء هربت تجري
ومحمد دار روحه ياكل...
احمد:أهلين بحمادي
محمد:أهلين بيك
.
.
طلعت سراب وخلت سارة راقدة وبدت اتدور في قيصر تلاقت بعصام
عصام:اتدوري ع قيصر
سراب التفتت خافت:ااه ايه
عصام ابتسم:تو يجي
سراب:آسفة خشيت للحوش بلا احم ولا تستور
عصام:لا عادي انت زي اختي تو اني عصام
سراب:تشرفت بيك
-واني سراب
عصام:تشرفت بيك
-تبي حاجة
سراب:ااا
ويخش قيصر ويشوفها واقفة معاه ويركبه ستين عفريت
عصام:ايه هوا قيصر جي تعالى كانت اتدور فيك
قيصر يشبح بملامح حادة ويفنص في سراب
سراب:عصام
عصام:نعم
قيصر يفنص وعيونه نار الغيرة والعة
سراب:مافيش دار نبي نتريح شوي
عصام:ايه هذيك يلي في نهاية الممر فاضية
سراب:شكرا
ومشت وعجبت ع قيصر...
(ياحي عليك ياسراب شن درتي...)
عصام:انتم تريحوا وأني انوصي ع عشي من برا
قيصر فات حامق وراء سراب وما عدل ع عصام شن يخرف..
سلبت سراب جاكيتها وقعدت في فانيلا نص كم بيضة وسروال لاصق اسود وفتحت شعرها وع أساس بتخش للحمام بتغسل وماتحس إلا بيد تلف ع خصرها وتجدبها لعنده سراب شهقت وخافت إلتفتت القاته قيصر
سراب:انت اااا
قيصر:مانا من تحسابي
سراب:حول مانبيش انكلمك وخر عني
قيصر بحدة:اتكلمي عصام عادي لكن اني لا
سراب:انت شن اتقووول شن الكلااام الفاضي
قيصر:كلااام فاضيي اااه تعرفي مازال اتكلمي حد غيري انوريك كلامك نظراتك طلباتك ليا أني وبس
دفاته سراب عنها وبعصبية:شن اتقوووول من أمتى صرت هكي غيور للدرجة هذي
قيصر بحدة :اني حدرتك
سراب:هذا يسمى شك ومرض الغيرة ليها حدوود
وبعدين لا اتدير روحك غايران عليا كان انهمك راهو مادرتش يلي في راسك للدرجة هذي عندك القتل ساهل
قيصر برم وجهه وهو متنرفز من كلامها
سراب قدمت وشدت وجهه بيدها وبرماته وبصوت عالي:لما انكلمك اتجاوبني فاهم مش كيف حركتك البايخة سيبتني قدام حوشنا ومشيت
قيصر لفتته نظره كيف شعرها مطلوق وكيف قاعدو في كانتيرا وجسمها مرسوم باللبسة قعد يشبحلها وامركز ع فمها كيف يتحرك طبعا اول مرة قيصر يسيبها اتهزب وتعيط عليه وهو ما هزتله شعره
سراب:اني تعبت معاااك والله تعبت خلاص اتغي...
ويحط يديه ع خصرها ويسحبها بقوة لعنده ويبوسها من شفايفها بوسة قوية عنيفة طويلة حست سراب بشفايفها بينقطعن بدت اتدف فيه لكن ماقدرتاش زثواني وحست بنفسها إنقطع بدت تخبط فيه ع صدره بقوة وبعد صراع طويل وخر عنها وبدت تتنفس بقوة وبسرعة وتشبحله بعصبية
قيصر قعد يشبحلها يحب ويبتسم ع جنب
وماتحس إلا بقربه من جديد وجهه في وجهها مباشرة:كل ماتعلي صوتك هكي حتتعاقبي بالطريقة هذي فهمتي
سراب:نكررررهك
قيصر:لا عارفك اتحبيني
سراب:ماعاد اتكلمني فاهم
ومشت خطوتين ويشدها من يدها ويسحبها لعنده لصقها فيه وحط يده ع رقبتها من الخلف :إنموت كان ماتكلمتش معاك ياسراب
سراب بدت تشبحله بعسلياتها وتسمع في كلامه الحلو
قيصر:انحبك ياسراب مانقدرش انعيش بلاك
-اليوم جيت منقتله جيت منفرغ فيه لآخر لحظة كنت حنقتله لكن مش عارف كيف جيتي في بالي واذكرت كلامك قبل لنمشي وما قتلته انت منعتيني من قتله
ابتسمت سراب:حق ياقيصر ماقتلتااش
هز قيصر راسه:ايه قلت لروحي منجرب كلامك ورفعته للحبس ومحكمته بعد يومين
سراب:حتشوف كيف تتريح وكل المشاكل حتنحل
قيصر قعد يلعب بشعرها:يعني توا مش حامقة
سراب:قيصر اني ماعمري حمقت منك أني نبيك تتغير حياتك هكي بلا اتجاه بلا هدف حتى صغارنا يجوا يحبوا الدنيا وتكون انت قدوتهم
قيصر بخبث:قصدك تبي اصغار انت
تحشمت سراب ووجها ولى أحمر
قيصر:يلا انجيبوهم توا😈😈
سراب خبطاته:قيصرر ساد
قيصر باسها من خدها وهي لفت يديها ع رقبته وحضناته :انحبك ياعمري
قيصر تنهد بحب ودفن وجهه في رقبتها:إنموت فيك
عصام بصوت عالي:العشيييي واتي قيصر سرااب سارة
قيصر وسراب وخروا ع بعضهم
قيصر:خيره هذا ينادي فيك بإسمك
سراب:قيصر؟؟؟
قيصر:تعالي اصلا بايتين هنا اليوم
سراب:ااه
قيصر:هذا طلب من عصام
-يلا اكيدة جعانة انت
...
عصام:وين سارة
سراب:راقدة سيبتها
قيصر ناض بينادي عليها
عصام:خليك تو اناديها أني
شدت سراب يد قيصر بمعنى قعمز خليه هز راسه وقعمز وعصام مشي لسارة
.
.
محمد:ايوا ريت روحك توا متريح ولا
أحمد:والله متريح تمام التمام الغمة يلي قاعدة ع قلبي حولت
محمد:هههههه
-يلا تصبح خير منمشي
أحمد:هدرز خيرك
محمد:لالا منوض غدوة عندي محكمة
-المهم حولت الفلوس يلي متفقين عليهن ياحمود
أحمد:كيف عاد حولتهلك
محمد:حنردهلك بأقرب وقت..
احمد:عادي مش بينا
محمد:تصبح ع خير ياطير
أحمد:وانت بخير
طلع محمد
أحمد بصوت عالي:سعاااد تعالي لمي العفن يلي طيبتيه وراتبك مخصوم منه النص
سعاد:لكن
أحمد:اتزيدي كلمة منفصلك إقلبي وجهك ضمي الطاولة
سعاد مشت وهي تبكي
ام قيصر من فوق تشبحله:ياغيبتك ياقيصر ياغيبتك
وخلاص الحوش ظلم من بعدك
وبعد خش كل واحد لداره طلعت ولاء تتمشى شوي شوي فتحت الباب بالشوي وطلعت للجنان
سعاد:تبي حاجة
ولاء:سكري فمك وخشي ونهارك أحرف تتكلمي
سعاد:حاضر
طلعت برا و بدت اتدور في محمد وماتحس إلا بيد تسحبها شهقت
محمد:اششش هذا أني
ولاء:خلعتني
محمد قرب منها:شن الجو
ولاء:كويسة
-لأمتى منقعد هكي أني
محمد:كيف
ولاء:نتلاقى معاك بالسر
محمد عرفها شن تقصد:قريب ماتخافيش انت مش واثقة فيا
ولاء:لا واثقة فيك
محمد قرب منها أكثر:خلاص ما اتخافيش مني أني انحبك
ولاء ابتسمت وقربتله أكثر:واني انحبك
قرب اكثر وباسها وهي استسلمته وبادلاته البوسه 💋💋
شبحتهم سعاد وشهقت:ياغيبة الشرطي ياعيبتك ياقيصر😱😱
.
.
خش عصام لسارة ولقاها راقدة زي الملاك
عصام:سااا
ولفتتله نظره وقعد يشبحلها ويتأمل فيها وفي خاطره:سيبتك فارة صغيرة امتى إكبرتي وصرتي حلوة للدرجة هذي
فتحت سارة عيونها وانخلعت منه جت مقعمزة
عصام:ماتخافيش هذا اني عصام
سارة تنهدت بإرتياح وبدت تتنفس بضيق
سارة:شن تبي
عصام:نوضي كان بتتعشي
سارة:ماخاطريش
عصام:يلا نوضي
لصقت رجليها لصدرها وبدت تبكي:مانبييش
عصام:خيرك يافارة خيرك تبكي
سارة:مانقدرش انحط عيوني في عيونه
عصام:قصدك قيصر
سارة:ايه
عصام ابتسم:تعالي ماتخافيش خوك عارفك وكلنا عارفين إن مش ذنبك
سارة بدت اتهز في راسها بدموع:نقدررش
عصام شد يدها:ماتخافيش اني معاك
حست بآمان ودفء لما شد يدها وبدت تشبحله
عصام:انت مش ذنبك انت ضحية انت أشرف بنت نعرفها ومستحيل نظرتي فيك تتغير إنت سارة الفارة البريئة العفوية الطيبة الشريفة
كلمتين من عصام خلن سارة تبتسم وتشعر بالآمان
عصام:ايوا هكي نبيك ديما تضحكي توا نوضي غسلي وجهك وتعالي كولي لقمتين تمام
سارة هزت راسها بمعنى حاضر..
.
.
سراب:هني روحك قيصر بلا حركات تافهة
قيصر يتلمس في ظهرها وينخص فيها بخبث
سراب خبطاته ع يده:هني روحك تحشم تو عصام وسارة يخشوا
قيصر:وخلهم يخشوا مرتي ومش حرام ولا عيب
سراب وهي تبتسم بخجل:خلاص قيصر بالله
عصام:احححم يلا سارة جاية
شوية وسارة جت وهي منزلة راسها
قيصر قعد يشبحلها ويتبع فيها بعيونه نين قعمزت جنب عصام
شبح في سراب سراب هزتله راسها وحطت يدها ع كتفه بمعنى كلمها..
قيصر:سارة
سارة منزلة راسها
قيصر:سارة أرفعي راسك
رفعت راسها وشبحتله
قيصر:نبيك تعرفي إن قيصر واثق ومستحيل نظرتي فيك تتغير أختي قبل أختي توا وبعدين للأبد
أرفعي راسك وماتتحشمي من حد شادي خدي عقابه وتعاقب وانت يا أختي خليك قوية انت مادرتيش غلط ويلي غلط تعاقب
انهمرت سارة بكي وحط عصام يده ع يد سارة
يهدي فيها
ناضت سارة تجري وحضنت قيصر وبدت تبكي:آسفة سامحني قلت كلام مش ضروري ينقال وانت يلي ماعمرك قصرت معاي سامحني
سلم ع راسها:واني نقدر نحمق منك يافارة خلاص ماعاش تبكي خلاص
وخرها عنه ومسح ادموعها:خلاص ماعاش تبكي وقعمزي كولي
مسحت دموعها وابتسمت..
ولت سارة وقعمزت جنب عصام
عصام:تفضلوا تفضلوا
وبدت سارة تشبح لعصام وبعدين اذكرت الصور متاع زياد ورفيف كشرت وتنهدت بي ضيق..
.
.
يتبع...
#روايات_رحيق
