#حب_بعد_ورطة
الحل{25}قة...
طبعا كلكم تسألوا من دانا ومن وين جت... دانا هي أخت محسن وذكرتها في الحلقات السابقة لكن ذكرتها لمح وماركزتش ع شخصيتها أما في الحلقات الجاية شخصية دانا حتتوضح زين...واما عن توا خلوني إنكمل باقي القصة يلي وقفت الحلقة الماضية ع عصام وقيصر مشوا لي أحمد في الشركة..
مشي عصام وقيصر لأحمد في الشركه....
قيصر فتح باب الشركه وركب في الدروج يلي يوصل للمكتب ويتلاقه هوا وأحمد..
وعيون قيصر نار وعصام نارين
....
احمد: انت؟ شني جابك اهني؟؟؟
قيصر: جاي باش نقبض روحك ونمسح بيك أرضية الشركة ياكلب
احمد دف قيصر قريب طيحه من الدروج
... قيصر ركبت فيه نار .....
احمد: تي امشي من هنا فوتني خيرلك
قيصر بصوت مخيف: كيف تضرب أختك هكي
احمد:بنضربها ونكسر راسها مدامها ماتسمعش في كلامي
قيصر بحدة: وزياده داف أمك مطيحها يا (**)
احمد: الي بيدافع علي حد ويخش في أموري حيشوف حسابه ولو كنت حتى انت
قيصر ولعت فيه النار😠
عصام بصوت عالي: يا تافه يا حيوان كيف تضرب أختك هكي ماعندكش ضمير
وكل يلي في الشركة إلتموا تحت الدروج ويشوفوا
احمد: قصدك حتى انت جاي محامي دفاع شن دخلك أصلا..
قيصر ضاغط علي سنونه بغضب 🤬
ويعطي احمد بوكس علي خشمه قعد ينزف 🙊
احمد:اااااه
وعدل وقفته ودفل: اتفووو
ويقدمله عصام كف علي وجه وركله برجله على بطنه
احمد:ااااااه
قيصر يضرب في احمد برجله لين عرفه خلاص أن احمد ماش يقدر يتحمل😖
قيصر: هيا خليه الكلب وهيا
عصام: والله مزال ماشبعت منه
أحمد يتألم وجاد بطنه
قيصر قعد يشبحله وزي يلي وجعه لكن الغالب قالب شعور الغل أقوى من الحنية..
ونولوا لسراب...
خدت دانا اميه وقعمزت ع الكرسي
دانا:شن صار فهموني
إنولوا للوقت للخلف..
قيصر وسراب كيف ينظفوا في الحوش
خشت دانا ووقفت في فم الباب ولقت العمال ولقت سراب اتنحي هي وقيصر في الوسخ والخرد
شبحت سراب في فم الباب لقتها سيبت من يدها وقدمت
قيصر:شن في
وشبح في الباب
سراب:دانا صح
دانا:ايه
((دانا في الطول زي سراب متوسطة الطول يعني بشرتها سمرة شوي شعرها أسود متوسط وعيونها كبار سود فمها صغير وخشمها واقف فيها غمزات واضحات ووجها طويل جسمها رشيق سمرة جميلة)
قيصر:دانا خير فيك شي في حد مضايقك
دانا:لا
سراب:خشي خشي
آسفة مانيش مقايلتلك قعمزي لأن المكان ااا
دانا:عادي مش مشكلة
-أني مشيت للحوش قالولي إنت مش موجود لا إنت لا سراب ويلي عطاني عنوان المكان بنت اسمها سارة
قيصر:ايه هذي أختي
دانا:أني منخبرك إن محكمة شادي بعد يومين وأني حنكون محامة المدعي العام
قيصر ابتسم:كويس
سراب:زعما بيتحاكم
دانا بحدة:ومش حنبطل في القاضي نين يحكمه اعدام
قيصر:هو حاليا قاعد تحت التحقيق نبي منه معلومات لكن ما اعترفش بيهن ولو ما اعترفش يمكن يحبسوه خمس سنين لأنه عليه قضية اعتداء جنسي وقتل
دانا:ماتخممش بكل حتى ولو المعلومات ماحصلناهم منه تو نعرف كيف انخليه يعترف في المحكمة وقدام القاضي
سراب:خليك
دانا:لالا منمشي
قيصر:دانا خوك قبل ليموت موصيني بيك مانقدرش انخليك بروحك عايشة في الحوش
سراب:دانا بالله عيشي معانا حتى روح محسن تتريح
دانا خنقتها العبرة وبتبكي تنهدت بضيق:يصير خير اني عندي قضية في (#####) يوم ومولية
قيصر:تبي شي قولي
دانا:لا صحيت غير جيت منخبركم اني مسافرة يلا سلامات تو
سراب وقيصر:مع السلامة...
#نولوا للوقت الحالي...
سراب: هذي أخت محسن الله يرحمه
ساره : تشرفنا
دانا : بيك أكثر
وقعمزوا علي الكنبه يلي قاعدة بغلافها
سارة سارحه
سراب: الوو ساره وين مشيتي
سارة قفزت: لالا معاك
سراب : اسمعي ساره مش عاجبتيني خيرك
سارة: لالا شي لكن انفكر في أمي وولاء كيف مداير فيهم احمد توا
سراب: لالا ماتخافيش تو يصير خير بصراحه خوك واحد مايتحشمش
سارة: لالا هو طيب غير طبعه هكي🥺
سراب: لا خوك مش طيب كان طيب راهو ماكتبش الحوش بإسمه ولا ضربك وضرب امك😡
دانا: خيركم شن في ؟؟
سراب بدت تحكيلها في الحكايه
ساره قريب تبكي😢
دانا: شني رأيكم نفتحوا فيه قضية
(العنف ضد المرأة)
سراب عجبتها الفكره
ساره: لالا منقدرش في الأخير يبقى خوي ويخاف عليا
سراب: 😡كان يخاف عليك راهو ماضربكش،وضرب أمك ولزني اني و قيصر من الحوش
سارة:لالا مانبيش نفتح فيه أني ماعاش نبي انروح وخلاص
ومن سراب ودانا وسارة لي سوسن
بدي يوم سوسن في الكليه🖤
جميله شبحت سوسن من بعيد دارتلها بيدها هلا👋🏻
سوسن دارت روحها ماشفتهاش
جميله : صبا ح الخير
سوسن: صباح الهم😤
جميله: خيرك
سوسن: قصدك ماتعرفيش
جميله: قصدك علي خوك طارق
سوسن بغضب: اهوا عرفتي
جميله: شني مافيش نصيب شني بندير
سوسن: كان جت على النصيب انقولوا باهي المشكله انتي ماخليتيش ماقلتيله؟
الحمدلله احني حالتنا على قد حالنا لكن خير منك
جميله: اني ماقتله شي هوا مش نفس مستوى عيلتنا
سوسن:أقسم بالله طلعتي تافهةوتفكيرك عاق
جميلة بسخرية :شني قصدك عاجبك حال أختك سراب الي خطفها واحد بعدين طلع متزوجها
سوسن بغضب تعطي جميله كف علي خدها😵
جميله: ااااه
سوسن: مره تانيه جربي تكلمي علي عيلتي بالطريقه هدي انوريك...
-فهمت توا ليش مصاحبتني يامصلحجية ومش كلبة زيك تتكلم ع عيلتنا وقبل لتفتحي فمك عدي شوفي خوك يلي فاتح دعارة اتفييي
ومشت وسيبتها 😤😤
وبدت تمشي سوسن وتتكلم بغضب مع روحها نين حست بروحها خشت في حد رفعت عيونها لقاته فهد
فهد:إنت خاشه فيه من زمان
وخرت سوسن:بلا تمسخير يا فهد بالله مش رايقة
فهد:من يلي مزعل الحلو
سوسن سكتت وتنهدت
فهد مسك ذقنها ورفع راسها:خيرك شن في
سوسن:فهد نبي انخبرك حاجة قبل لتعلم بيها من غيري
فهد حط يديه ع أكتافها:تكلمي حبي
وحكتله قصة سراب كلها
سوسن بإندفاع:مانبيكش تفهم ان عيلتنا مش كويسة وان بلا شرف لكن صدقني كل هذا صار غصب
ابتسم فهد وحط يديه ع خدها:خلاص مصدقك حبيبتي أصلا مستحيل البنت يلي اختارها قلبي وحبها تطلع هكي ومستحيل البنت يلي اخترت نتزوجها تطلع عيلتها صفتها نعتها وبعدين هذا الشي يخص أختك سراب لو كان يخصك كنت زعلت شوي لكن هو يخص غيرك يعني يلي يهمني انت وبس والباقي مادخليش فيهم
بدت سوسن تبكي وحضنت فهد بقوة استغربها فهد كيف حضناته لأن سوسن ملتزمة في الأماكن العامة ابتسم حتى هو وحضنها:خلاص ماتبكيش ورانا يوم حلو مايبيش دموعك
ابتسمت سوسن:انحبك
.
.
احمد قعد ينزف وقعد يتوجع من كترت الضربات يلي حصلهن من عصام ومن قيصر وكل مايخش عليه موظف يعيط عليه ويلزه من جنب
في السياره.....
عصام : شني بتخليه هكي
قيصر: إن شاء الله يموت
وقف السيارة قيصر
عصام:وين نازل
قيصر:تو انجي
ونزل لمحل متاع الدخان🚬شري باكو
وركب في السيارة
وقعد قيصر يدخن بطريقه غريبة بعد ماهو وعد سراب انه حيسيبه ويسيب هالعادة
عصام أستغرب فيه... قيصر يدخن هكي
عصام: قيصررر خيرك من امتى أتدخن
قيصر بصوت عالي انت شن دخلك 🤬
عصام:كيف شن دخلني حول العفن من يدك مش باهي
قيصر بحدة:كان مش عاجبك انزل
عصام:مس عاجبني
قيصر بصوت عالي:اهو الباب قدامك
عصام:خيرك هكي من أمتى صرت تتكلم بالأسلوب هذا
تجاهله قيصر ولا عبره
عصام حمق فتح الباب متاع السيارة وسكره بقوة وسيب قيصر في السيارة بروحه مع دخانه🚙
.
.
محمد مشي لأحمد في الشركة...
لقاه مرمي على الأرض ويتوجع😯
قدمله
محمد: احمد أحمد
أحمد:خيرررك شن تبي ااااه
محمد:من دار فيك هكي
أحمد:ااااه كح كح
محمد:نوض تعالى
ورفعه حطه ع الكنبة يلي في المكتب
أحمد:ااااه
محمد:تي خيرك من مداير فيك هكي
أحمد:اااه قيصر
هنا محمد تحرك عنده الجانب الشيطاني وفي خاطره:هذا يلي نبيه نعلق الخوت مع بعضهم ونوصل للي نبيه
.
.
وصل قيصر للحوش وخش لقاه مرتب ونظيف شبح يمين لقي سراب وسارة ودانا
سراب وقفت:قيصر جيت وين كنت وليش تعطلت هكي
وشافت ليده لقتها دم
سراب بخوف شدت يده:ياربي دم توجع فيك انت مجروح
شبح في سارة وبحدة:خديت حق أمي وحقك
وفك يده من سراب ومشي...
خش للدار قلع التيشيرت متاعه ولوحه ع السرير
وتنهد حط يده على جبهته واذكر أحمد كيف خلاه يتألم وماحس إلا بيدين ناعمات ع صدره وحطت راسها ع ظهره من خلف
سراب:خيره الضابط متضايق
قيصر تنهد وحط يديه في جيوبه:ماخيرني شي
وقفت سراب قدامه:قيصر انت مش ع بعضك قوللي في حاجة مضايقاتك أني مرتك إنت ضربت أحمد هلبا
قيصر:وشن دخل أحمد
سراب:تقدر تسكت وماتقوللي لكني نفهم فيك من عيونك بدون ماتتكلم ويلي شايفاته في عيونك حاجة من الندم او حزن
شبحلها قيصر بإستغراب
سراب:صح كلامي
عطاها قيصر بظهره وغير الكلام:المطبخ ماتخشيله تو نوصي ع عشي من برا
وخش للحمام...
سراب:ولت حليمة لعادتها القديمة..
وبعدين ابتسمت وفي خاطرها:مهما قسي وحمق يقعد حنون
وتندهت بحب:اااه قاسي حنون هذا ليش انحبه
وقدمت خدت التيشيرت متاعه وطلعت بتحطه في الغسالة فشمت ريحة الدخان عالقة فيه
سراب:ريحته دخان من وين جي
-زعما قيصر ولى لعادته
بعدين سرحت واذكرت وعده ليها إبتسمت:لالا قيصر مستحيل يخوني اكيدة في حد مدخن جنبه..
شوية ويجيها إتصال..
ردت:ألو
؟؟؟:ههههههههههههههههه
سراب:من معاي ألو
؟؟؟طولت عليك صح ليا هلبا ماعاش بعتت رسائل ليك فقلت نتصل بيها
سراب جمدت في مكانها
؟؟؟:تسحابي روحك بتتهني انت والكلب راجلك لا حبيبتي إنت ليا أني وبس خلي هالشي في بالك ومش حنتريح إلا لما تكوني في حضني وفي سريري
هههههههههههههههه
سراب بخوف وصوت يرعش:ااالو من معاي شن تبي مني الوووو
طوط طوط طوط
جت دانا:خيرك سراب من يلي تعيطي عليه التليفون
سراب جت بتحكيلها لكن ماقدرتش وبإرتباك:لالا رقم غالط اني منمشي نغسل دبش قيصر
دانا رفعت حاجبها وبدت تشبح لسراب بشك..
.
.
حط محمد تليفونه في جيبه وخش لمكتب أحمد
محمد:كيف حالك توا
أحمد:خير من بكري
محمد:نبي نعرف خيره ضربك
أحمد سكت
محمد بخبث:تمادى هلبا صراحة
أحمد بحدة:سكر ع الموضوع
محمد بخبث:شن رايك تفتح في محضر
أحمد شبحله ع جنب بمعنى شن تخرف
محمد:ماتشبحليش هكي نتكلم لمصلحتك بياخد عليك الغلبة ديما يقعد يمد في يده لكن لما تقرصله وذنه ماعاش يديرها
أحمد:هو شرطي
محمد:شرطي ع روحه انت غير قدم شكوى والباقي خليه ليا قدم شكوى في مركز تاني بس
أحمد:لكن
محمد:لكن شنو ماتقولش حان عليه
احمد سكت
محمد:خيره ماحنش عليك لما ضربك هو والتاني شن اسمه
احمد:عصام
محمد:ايه اني عليا نصحتك وانت عقلك في راسك تعرف خلاصك
احمد سرح وقعد يفكر في كلام محمد😈
.
.
عصام فتح الحوش وخش ويجوه رفيف وزياد يحضنوه
بابا بابا بابا
عصام رفعهم بين يديه :ااااه شن توكل فيكم عمتي بيش صرتوا هكي
رفيف:وين شكلاتطي
زياد:وين السيارة
عصام:حي انسيت
رفيف وزياد:ااااااا
حطهم تحت :خلااااص اسكتوا
رفيف:تكدب علينا
عصام:لا ماكدبتش كل القصة مامشيتش في سيارتي
غدوة وقبل لتفتحوا عيونكم تلقوهن باهي
رفيف:اسمع احني من صغار راه اتمشي فينا
عصام اضحك:هه هه يا ام لسان انت وووه
قلتلك حاضر
زياد:تمام كلمة راجل؟؟
عصام😱😱حي عليا حي كبرتوا أمتى
زياد ورفيف توأم يقروا روضة
عمة عصام:رفيف زياد يلا خلو عصام يتريح
زياد ورفيف شبحو لبعضهم:الشريرة الفانص جت أهربووووو
عمة عصام بصوت عالي:اسمعتكم
عصام:ههههههههه
عمة عصام:اضحك عاجبك انت هذا مابال اتربيهم زين وتضربهم ع قلة الأدب الزايدة
عصام:عمتي مانقدرش نمد يدي عليهم يكرهوني
عمة عصام:ايه أقعد هكي نين يفسدوا
طق طق طق
طلعت الخدامة فتحت الباب
الشرطي:هنا حوش المهندس عصام
الخدامة:ايه تفضل
إلتفت عصام ومشي لناحية الباب:شن في
الخدامة:الشرطي هذا يبي حضرتك
عصام: شني في يا فندي اتفضل
الشرطي:عندنا بلاغ ضدك
عصام مستغرب: من مني
الشرطي: من السيد أحمد رجب
عمة عصام حطت يدها ع قلبها
عصام بهمس: دارها الحيوان
الشرطي :شرف معانا للمركز وبدون صوت
..............
لبس قيصر دبشه وطلع برا في الجنان يتصل بي عصام ردت عليه عمته
قيصر:عصام الو
عمة عصام :أني عمة عصام
قيصر:وين عصام
عمة عصاام:توا رفعاته الشرطة
قيصر:شنهووو
وسكر التليفون وركب سيارته وانطلق استغربت فيه سراب خيره واتصلت بيه
قيصر سكر عليها وبعتلها رسالة
دانا وسارة:خيرك شن في
سراب:عصام حبساته الشرطة وقيصر مشاله
دانا:عرفتي المركز منه
سراب:لا ماردش عليا هو
سارة:أكيدة أحمد بلغ عليهم
سراب:والله مايتحشم
.
.
وصل قيصر للمركز متاعه يسحابه هنا محجوز
عبدو ابتسم:قيصر كيف حالك طولت الغيبة
قيصر:حبستوا واحد هنا اسمه عصام
عبدو:لا ليش
قيصر:معناها في المركز التاني
وطلع يجري
مصطفى:خيره
عبدو:مش عارف قديش ليه ماجاش وين جي طلع طول
.
.
عصام شد أحمد من سوريته:أقسم بالله ماتتحشم ش عارف كيف انت خو قيصر
الشرطي:هييي اطلقه وين تسحاب روحه
عصام:يا أفندي اسألني ليش ضربته
الشرطي:وين التاني يلي معاك
أحمد:يا أفندي يعلم بمكانه هم الإثنين هجموا عليا وضربوني
عصام فنص فيه وبحدة:لما تمد يدك ع بنت تاكل ع دماغك ماكتب ربي
الشرطي:اسسسس
-ومن البنت يلي ضربتها
أحمد:أما بنت ماضربت حد أني
عصام:كداااب
الشرطي:سيد عصام اني كله هذا مايهمني نبي التاني وين يلي معاك
عصام سكت
أحمد:ها شبحته
الشرطي:تكلم ولا نستعملوا طريقة تانية
قيصر بصوت عالي:طريقة شنو يلي بتستخدمها
عصام:قيصر؟؟
أحمد:هوا يلي ضربني معاه
قدم قيصر بحدة وثقة :ايه أني يلي ضربتك
الشرطي:وليش ضربته
قيصر:يبي رباية من جديد
الشرطي طبعا ما يعلمش بقيصر أنه شرطي:تكلم زين وجاوب زين
قيصر يشبح في احمد بتقزز وتنرفز
أحمد:نبي نرفع شكوى ضدهم ومانيش متنازل ع حقي تعدوا عليا وفي نص شركتي
الشرطي:عندكم شي تقولوه ولا بتدافعوا ع رواحكم
عصام:انت عارف مع تتكلم
الشرطي:عاود شن قلت
عصام:يلي قدامك هذا ش..
قيصر:ماعندنا شي ايه لكن نبي انقولك ان أني يلي ضربته عصام مادخلاش
عصام:شن تقول انت غير خبره من انت
أحمد:اني مادخلنيش تعدوا عليا الأثنين وفي شهود
خش محمد:ايه تعدوا الإثنين عليه وقدام موظفي الشركة كلها
قيصر وعصام يشبحوا في محمد ومستغربين من هذا
محمد:اسمع يا شرطي جاتك شكوى صح
الشرطي:ومن انت أصلا
محمد عطاه بطاقته:المحامي محمد
وشبح في قيصر وابتسم بخبث اما قيصر لأول مرة علامات البرود ع وجهه بعكس عصام يلي قريب بينفجر
الشرطي:اه اهلين
احمد:خيرك تعطلت
محمد:المهم جيت
-جاتك شكوى ارفع قضية وانهي الموضوع بسرعة
الشرطي:يا حمزة
جي حمزة الشرطي
الشرطي:احبس هذوما الإثنين
قدم حمزة وشد يد عصام
عصام فك يده:حول نمشي بروحي
حول حمزة ومشي عصام وهو يفنص في أحمد
قدم قيصر لأحمد وبحدة:تعرف مش غريبة ع واحد أناني حركات زي هذين وياريتني دخلتك في غيبوبة تعرف عليش لأني لو نعلم بيك بتشكي ماضربتك هكي
محمد طبعا كبده غل ع قيصر ترا ليش...
لأن قيصر خدي منه سراب ايه محمد هو صاحب الرسائل والإتصالات والتهديات يلي يجن لي سراب
حبه لي ولاء كدبه وصحبته لأحمد مجرد مصلحة يبي ياخد فلوس من أحمد ويحرضه ع قيصر بيش يفتك منه وتقعدله سراب...
محمد ابتسم ع جنب وبسخرية:مش شرطي وين مكانتك ياضابط قيصر رجب ههه
حط قيصر يده في جيبه وجاه حمزة شده من يده وبيسحبه فنص فيه قيصر تفنيصة حادة بملامح حادة ساخنة نين حمزة خاف ووخر وكأنه قيصر القديم ولى..
وشبح قيصر في محمد وقدم خطوة وبحدة وصوت رقيق مخيف وبنبرة تهديد :وقد جنت على نفسها براقش...
(هذا مثل عربي قديم براقش هذي كلبة)
(حاشا طبعا)...
وإلتفت وببرود وثقة وفخر خش للحبس زي الأسد
كلمتين من قيصر بثن الخوف والقلق في قلب محمد يلي قعد يشبح في الفراغ يلي خاف من قيصر ..
اول مرة يشبح قيصر او بالأحرى اول مرة يتعامل معاه ههه مسكين محمد ماعرفش مع من علق وجت حفته..
عصام:فهمني خيرك ما قلتش للشرطي انك شرطي زيك زيه
قيصر :تبيني نستعمل مكانتي بيش نتهرب من الحبس أبدا مايكتبها عليا تاريخ
عصام:تعرف أمتى تستعملها!!
قيصر فنص فيه
عصام:باهي لأمتى منقعدوا هنا
قيصر:خيرك الحبس للتريس
عصام:ماهو عندك الحق انت حياتك كلها عايشها في المركز
-من الحيوان يلي طلعلنا
قيصر قعد يفنص بحدة:مش عارف ويلي عارفه إنه حطيته في دماغي وتم الموضوع
#إستدعاء_الشخصية_القديمة
🔥🔥🔥🔥🔥🔥🔥
سفيان:منكلمكم في موضوع يخص سوسن
ام سراب:قول
سوسن زبطت الموضوع ونزلت راسها
طارق:شكله حمار متقدملها
سفيان:ايه
طارق:ههههه ماني قلتلك
أم قيصر:من هو
سفيان:تعرفيه ياسوسن انت
سوسن دارت الحولة:من؟؟
سفيان:جارنا فتح الله
طارق بصوت عالي:هههههههههه طنجرة ولقت غطاها
تجي ضرة ع خالتي سعيدة وتبقي زيها فولة في فمك ماتنبلش🤣🤣🤣
سوسن:خزي
سفيان:ههههه
ام سراب:قول من حق
سفيان:فهد دكتورها يقري فيها
ام سراب:باه
طارق:تقصد هذاك يلي مرة إلقيناه في المستشفى
سفيان:ايه اليوم جاني في الخدمة ويبي سوسن
أني سألت عليه شوية أصحاب نعرفهم يخدموا معاه المستشفى الحق مافيش حد ذمه
سوسن كان اتحصل اتفرررر من الفرح
أم سراب:والله ماني عارفة الراي الأول والأخير ليها
سفيان:شني
طارق:جاوبي وانت مدايرتلي فيها دلال في باب الحارة
وقفت سوسن وهي ماشية بسرعة:انفكر قبل
وسكرت ع روحها الباب
طارق:بنات آخر وقت
ام سراب:باهي كيف فهمني
سفيان:الحق هو ولد باين عليه ماشاء الله قالي منكمللها دراستها وبيسافروا لأن عنده خدمة برا
طارق:يعني بيتزوج بسرعة
أم سراب:الحوش بيفصي عليا😥😥
طارق خبط صدره:أني قاعدلك
سفيان:شياط الريق
وأني يا أمي وين منعدي منك أهو باني فوق منك ماتخممي في شي ولا تحبي بناتك أكثر
أم سراب :عارفني ماعنديش فرق بينكم أولادي وبناتي زي بعضكم لكن في الأول سراب وبعدين سوسن وانت وشوي ينوض طارق الحوش بيفضى
طارق:ماتقوليش هكي من بيخليك بروحك
سفيان:ماتخافيش كل يوم ع وجهك نين انت اتلزينا
أم سراب:ربي يخليكم ليا وماننحرم من شوفتكم ونوشوف اصغار اصغاركم
طارق:مش هلبا صغار صغارنا
سفيان:حمااار
ام سراب:خزي
طارق:هههههه انبصر
.
.
طلعت الخاتم يلي عطالها فهد من الدولاب وبدت تبتسم وتلف من الفرح
خدت التليفون واتصلت بيه
فهد:امتى إنجي😃😃
سوسن:احم غير من قالك وافقت
فهد:😔😔مانا ليش متصلة😑😑
سوسن:هكي حبيت نسمع صوتك
فهد:لا هنا روقي عليا
سوسن:انحبك يا أحلى غلطة في حياتي
فهد:غلطة؟؟
سوسن:ايه مش غلطت فيا وقت ضربت اليبرة
هذاك الوقت ماتوقعتش انكون ليك
فهد:عاودي شن قلتي
سوسن:احم ليك
فهد:اخخخخ ياقلبي واني من وقتها حبيتك ياهبلة انحبك ومستني اللحظة يلي تكوني فيها في جنبي وقدامي وبعدين ياويلك مني ياشفشفة
سوسن☺️☺️🥵🥵🤪
.
.
سراب:ياربي تعطلوا هلبا
دانا:رني عليه
خدت التليفون وبدت اترن
الشرطي:لمن التليفون هذا
قيصر ببرود:ليا
الشرطي رفعه وقري الاسم
الشرطي ابتسم:ملاكي
قيصر فتح عيونه والنار ولعت فيهن
الشرطي:ترا منردوا ع ملاكك ياعاشق انت
قيصر بصوت عالي:رد باااالك اقسم بالله تندم
الشرطي بحدة:سكر فمك
قيصر:نبهتك ياااشرطيي
تجاهله وفتح التليفون وفتح المكبر وخلى كل يلي غي المركز يسمعوا صوت سراب هنا الشرطي لعب ع الوتر الحساس
سراب:الو قيصر وينك خوفتني عليك
الشرطي بحب وبصوت سحنون:االله ع الصوت
قيصر خبط الحدايد متاع الحبس وبصوت عالي:يااااشرطييييي
الكل انخلعوا وقعدوا يشبحلوه والشرطي عدل تقعميزته من الخلعة
سراب:قيصر الو الو
الشرطي:حداك سكرله فمه هالحمار
عصام:قيصر روق
قيصر:كيف تبيني انروق ريت هالكلب كيف يكلم فيها ااااااااا
سراب مش فاهمة شي
دانا:شن في
-هاتي نتكلم أني
خدت التليفون:الو
الشرطي:هااي❤😍
دانا:من إنت اعطي التليفون لقيصر بلاش حيونه
قيصر هدى وعرف الصوت مش لسراب لكن النار قاعدة والعة ومش ناوي الخير نهائيا للشرطي لأنه تجرأ وكلم ملاكه بطريقة حقيرة قيصر يتحمل كل شي إلا حد ينعت سراب او حد غيره يكلمه..
الشرطي:هي انت تكلمي زين
دانا:لما تاخد تليفون غيرك تحمل الكلام يلي بتسمعه
وتوا عطيني قيصر
الشرطي:ممنوع قيصرك هذا محجوز عندنا بتهمة
دانا:شنهووو
الشرطي:نكدب عليك اني
دانا:عطيني انكلمه باه
الشرطي:قلتلك ممنوع أني
وسكر التليفون ورماه ع الطاولة:الله عالنسوان وكلامهم
قيصر ضاغط ع سنونه وضاغط ع الحديد ويفنص في الشرطي..
.
.
سراب متوترة خايفة ع قيصر
دانا خدت تليفونها ومفتاح سيارتها:ماتخافيش الشمس مش حتطيح قبل ليطلع قيصر وعصام
وطلعت تجري...
في حوش أحمد..
ام قيصر:خير وجهك هكي
أحمد:مادخلكش
ام قيصر:أمك اني راه احترمني
أحمد وقف وتأفأف:تعالى يامحمد
ام قيصر استهزبت ومشت بحزن
محمد:هههههه والله احسن ريت ولا كيف خديت حقك
احمد:انت ليش تشبح لقيصر هكي اتقول عندك معاه حاجة
محمد:اااه لا شي ع خاطرك بس ممافي شي
-منقولك حاجة
أحمد:قول
محمد:مستحق فلوس
أحمد:كم
محمد:هكي ألفين
احمد:تم الليلة يكونوا عندك
محمد:شكرا ياصاحبي بلاك مش عارف شن اندير
أحمد:ولا يهمك انت ديما واقف معاي مش خسارة
سعاد:احمد
أحمد:حيوانة قولي سيدي
سعاد:سسيدي
احمد:ايوا
سعاد:في وحدة تبيك
أحمد:مني
سعاد:مش عارفة
أحمد:فوتيها قوليلها مهناش
دفت دانا سعاد :من يلي مهناش ؟؟
محمد وقف مصدوم شن جيبها هنا لأن دانا تشتغل معاه في المحكمة
أحمد سحراته طول وقف وفتح فمه من هذي البنت يلي تبيه وهو ماعمره شايفها
سعاد:انت كيف تخشي
احمد:سعاااد
سعاد وخرت وخشن للمطبخ
دانا:يلي بيكدب على الأقل يوطي صوته
محمد:دانا شن اتديري هنا
احمد:دانا؟؟!!
دانا:جيت منقول كلمتين ومنمشي ع حالي
احمد مش مستوعب شي لا عرف ينزل عيونه من عليها ولا عرف يرد عليها لأنها اتكلم فيه بالطريقة هذي
دانا:قيصر وعصام
هنا أحمد استوعب وحمق
محمد:وانت شن ليك من علاقة
دانا بحدة:لما الكلام يتوجه ليك بعدين تكلم فاهم
محمد:مش محكمة احني راه
دانا:وانت قلتها مش محكمة يعني اتسكر فمك وانت مش محامي دفاع لحد خلي كلامك هذا ينفعك في مرافعة غدوة
محمد:انت وحدة
احمد:شن تبي ليش جاية هنا 🤪
دانا:قيصر وعصام قبل طياح الشمس يطلعوا وإلا
أحمد حط يديه ع صدره وقدم:وإلا شنو
دانا حطت يديها ع صدرها وقدمت وحطت عيونها في عيونه بتحدي:وإلا حنخلي سارة ترفع قضية ضدك قضية العنف ضد المرأة ومن هالقضية قيصر وعصام يطلعوا غصب عنك وانت حتنحبس مكانهم
صدقني القضية ماتاخد معاي وقت جلسة وحدة انخليك اتختخ في الحبوس
وشبحت في محمد ورفعت حاجبها:اشرحله شن عقوبة العنف ضد المرأة
ومشت ناحية الباب وقبل لتطلع:منروح للحوش توا الساعة خمسة الساعة ستة نبيهم مزروعين قدامي في الحوش وقد أعذر من أندر
وسكرت الباب بقوة وطلعت
أحمد:من هذي
محمد:هذي المحامية دانا عمرها ماخسرت قضية وقوية في القضايا يلي تخص المرأة
أحمد سرح وقعد يدكر في دانا كيف قبل شوي كيف كانت تتكلم وتحرك في شفايفها وترفع في حاجبها بغرور وثقة هذي السمرة سحرت أحمد
احمد:منتنازل
محمد:ع شنو
أحمد:ع القضية
محمد:قصدك خفت منها
أحمد:سمعتها شن قالت بتخلي سارة تشكي ضدي وبعدين سمعتي اتطيح
محمد:ماتقدر اتدير شي خيرك خايف
أحمد:ماعاش اتقولي خايف مش خايف منها خايف ع السمعة بس
محمد في خاطره:من وين طلعتلي دانا هذي
احمد اححححمد
-اااا خزي
وطلع أحمد من الحوش
ولاء نزلت ولقت محمد
ولاء:شو الجو
وقربت منه دفها محمد:حلي عني مش رايق لفيتك
ولاء:خيرك شن مضايقك
محمد:ماخيرني شي وسعي عني بس
وطلع سيبها
ولاء مش فاهمة شي بكل
.
.
سراب:شن صار يادانا
دانا قعمزت ع الكرسي وبثقة:ماتخافيش خلال ساعة يكونوا هنا
سراب:كيف شن صار
دانا:مش واثقة فيا
سراب:لا واثقة كيف
دانا:خلاص حطي رجليك في اميه باردة
سارة:قوليلنا شن درتي باه وين مشيتي
وقفت دانا وهي ماشية:يلي درته درته
سارة😑😑😑
.
.
قيصر يلود في الحبس وملامحه ملامح الجمود الحدة الغضب شوية خش أحمد
عصام:قيصر أحمد
شبح قيصر في أحمد بحدة وإستغراب
أحمد ماباش يشبح لي قيصر بكل
الشرطي:شن تبي
أحمد:نبي نتنازل ع الشكوى
الشرطي:شنهوو؟؟
عصام وقيصر شبحوا لبعضهم
أحمد:ايه نبي نتنازل
الشرطي:مش قلت قبل شوي مانبيش تتنازل ع حقك
وعبيتنا كلام ودوشة
احمد سكت
الشرطي:مانيش امطلعهم
أحمد:وأني قلتلك متنازل عليها الشكوى خيرك
الشرطي:واني قلتلك مانيش امطلعهم شن تسحابها سايبة أمتى ماتبي ترفع وأمتى ماتبي تتنازل حتى أني مانا ع مزاجي أمتى مامنطلعهم منطلعهم
أحمد:من يلي حطك شرطي
وقف الشرطي وقدم قرب من احمد:شن قلت عاود
أحمد:من حطك شرطي
قعد يشبح الشرطي في أحمد ويعطيه كف نين أحمد برم وجهه لجه اليمين
قيصر بإندفاع عفوي:ياشرطي انهااارك اسسود
احمد قعد يشبح في قيص واستغربه
قعد قيصر يخبط في الحديد ويعيط بقوة
الشرطي شبح في قيصر:ضم فمك انت حداكم سكروله فمه ال؟؟؟؟؟هذا
عصام:احترم نفسك بعدين ماتقولش سامحوني
الشرطي اضحك بسخرية ولأحمد:اطلع من هنا خير مانحبسك معاهم
قيصر يشبح في أحمد وزي يلي بيبكي..
طلع أحمد من المركز
قيصر بهمس وحدة:ماك امفوتها كان أني فوتها
.
.
مشي الوقت وجت الساعة الستة ونص وقيصر وعصام ماجوش
دانا:سارة
سارة:نعم
دانا:عندك رقم خوك أحمد
سارة:ليش
دانا:غير هاتيه
سارة بإستغراب:سجلي هي
دانا:تمام شكرا
وطلعت برا في الجنان إتصلت الإتصال الأول ماردش
دانا:أقسم بالله مايرد لما إندير يلي في راسي
#عند_أحمد
يسوق في سيارته ويفكر في ردة فعل قيصر لما ضربه الشرطي
رغم الكره يلي بينهم ماتحمل قيصر إن أحمد ينضرب
ومايعلمش ان التليفون يرن نين في الآخير
احمد استغرب الرقم فتح التليفون وقبل ليقول ألو
دانا بحدة :باهي يلي رديت
أحمد:من معاي
دانا:ليش ماتنازلت ع الشكوى
أحمد شاف الرقم ورد التليفون ع ودنه وبإستغراب:من وين جبتي رقمي
دانا:أني مش متصلة بيك ع خاطر تسألني ليش ماتنازلت ع الشكوى
أحمد:مانيش متنازل
دانا:تمام نتلاقوا في المحكمة يا أفندي
أحمد:غير أصبري خيرك هكي جدية للدرجة هذي
خودي وأعطي معاي
دانا:ماعنديش وقت انضيعة ع واحد زيك فاهم
أحمد:وكان قلتلك تنازلت
دانا:كداب كان هذا جو للحوش
أحمد:تنازلت لكن الشرطي ماباش
دانا:كيف ماباش
أحمد حكالها شن يلي صار معاه
(شن صار لأحمد من أمتى كان يعدل ع كلام حد ولا يتنازل يمكن هذا يلي يسموه ثأثير الحب أو الحب من أول نظرة)
دانا:وين مركز الشرطة هو
احمد:في(********)
-شن رايك ا....
طوط طوط طوط
أحمد:الو الو
-سكرت
ابتسم وهز راسه وحط التليفون وتنهد بحب
بعدين خطرت عليه سارة حمق وزاد السرعة
دانا:سراب عطيني بطاقة قيصر
سراب بخوف:شن صاير
دانا:مش صاير شي هاتي البطاقة
خشت سراب للدار وطلعت عطتها البطاقة:بالله قوليلي قيصر فيه حاجة أني خايفة
دانا:والله مافي حاجة
.
.
رجب:استاحشت قيصر
أم قيصر:والله حتى أني قلبي هكي يقول عليه
رجب:ياريتني متت ولا وقعت الأوراق
أم قيصر:بعيد السو عليك
رجب:صدق أحمد أني مش قادر انوض كيف قادر نتولى مسؤولية حوشي وعيلتي
أم قيصر:لا ماتقولش هكي يارجب طول عمرك صاحب مسؤولية الوقت أحرف
رجب:الحوش امفضي ولى مش عارف شن يلي غير أحمد هكي
خش أحمد للحوش وسمعوه يعيط
رجب:بدي بري شوفيه
أم قيصر وقفت وطلعت
ولاء:خيرك
أحمد:وين الفرخة سارة
ولاء:مانعلمش بيها
أحمد:كييييف ماتعلميييش بيها
وقعد يدور فيها في الحوش كله
أم قيصر:ماتعبش روحك
أحمد:كيف
أم قيصر:عدت ماتحملتش العيشة هنا
أحمد:وين عدت
أم قيصر:للي يحن عليها ويدورها مش يلي يضرب فيها ويهين ويحبس
أحمد شبح في امه وعطاها بظهره وخبط الباب برجله وطلع
أم قيصر:ربي يهديك ياولدي ربي يهديك
.
.
خشت دانا للمركز ولقت الشرطي يضحك شبحت لقيصر لقاته يفنص عيونه قريب بيطلعن
وقفت دانا قدام الشرطي
الشرطي رفع عيونه :من انت شن تبي
عصام وقيصر رفعوا عيونهم وبدوا يشبحولها
دانا حطت بطاقتها ع الطاولة:المحامية دانا
خدي الشرطي البطاقة وقعد يشوف فيها
دانا:ليش حابسهم
الشرطي:في شكوى ضدهم
دانا خبطت الطاولة نين الشرطي انخلع:كداب الشكوى يلي ضدهم تنازل صاحبها عليها
الشرطي:كيف تكلميني هكي
دانا:لما تشوف عملك بنية انكلمك بإحترام وتوا طلعهم خير مانرفع قضية ضدك وضد مركزك تخسر فيها عملك وبعدين يلي حابسه شرطي زيك زيه
الشرطي:شنوو
دانا:هاذي بطاقته
قعد يشوف في بطاقة قيصر وقري اسمه كامل زرط ريقه وشبح في قيصر
دانا فكت منه البطاقة:الخيار ليك
الشرطي:طلعوووهم بسرعة
فتح الشرطي حمزة الحبس وطلع قيصر بشموخ وحدة وقرب من الشرطي
الشرطي:آسف
غمض عيونه وفتحهن وضربه كف قوي نين طاح عالطاولة وشده خنقه من رقبته
قيصر:مرة تانية لما تغلط في مرت حد إذكر هالكف
الشرطي قعد يخبط في يد قيصر من النفس يلي انقطع عليه
عصام:قيصر فوته تو تبتلي فيه
طلقه قيصر ووخر عنه وهو يفنص فيه
وقف الشرطي وهو شاد رقبته
ركله قيصر برجله نين طيحه ع الطاولة وخدي السلاح من خصر الشرطي التاني وحطه ع جبهة الشرطي
دانا شهقت
عصام:قيصر لااا
الشرطي رفع يديه الفوق:لا بالله عليك سامحني آخر مرة ماكنتش نعلم انك الضابط قيصر رجب سامحني
كل الشرطيين والموظفين خافوا ووخروا
قيصر تنهد بغضب
عصام اضحك بسخرية:مش قلتلك ههه
-قيصر سيبه ماتوسخش يديك بيه يحسبوه عليك جثة وهو كلب مايسواش
ضغط قيصر ع سنونه وخبطه بالمسدس ع خشمه
الشرطي:ااااااه
قيصر:أني الوحيد يلي نضرب أحمد فاهم إحمد ربك يلي مافصلتك من عملك
ولوح المسدس وخدي تليفونه ومفتاح سيارته وطلع هو وعصام دانا...
عصام:قيصر
قيصر: عارفك عليش بتسأل اسكت ياعصام مانبيش نتكلم توا فوتني
عصام:باه
-شكرا دانا
دانا:عفوا
قيصر:كيف عرفتي
دانا:عرفت وخلاص المهم امشوا طول للحوش سراب وسارة خايفات عليكم
المهم وصلوا للحوش وفتح قيصر الباب وطول تتلاقاه سراب وتحضنه بقوة:خفت عليك
بادلها الحضن قيصر
عصام:احم احم
وخرت عنه وتحشمت
سارة:الحمد لله ع السلامة
قيصر:سلمك
وشبحت في عصام وعصام شبحلها
سراب:خشوا تعالوا
وشدت في يد قيصر وسحباته
طق طق طق
ألتفت عصام وفتح الباب
قيصر:مني
عصام:موصي ع عشي انت
قيصر:ايه
عصام:تمام
خدي العشي وسكر الباب كانوا هلبا أكياس فسارة جت تلقائيا خدت منه وجت يديها ع يده وقعدوا يشبحوا لبعضهم....
.
.
يتبع...
#رحيق_الفجر🕊🕊
