#رواية_حب_بعد_ورطة
الحل{7}قة...
سوسن بصوت عالي تعيط:مانبيييش يبرة واااااك عليااااا سراااااب😭😭
فهد:عليا الطلاق إلا بتاخديها😂😂
خشت الممرضة وسراب
لكن ضربلها اليبرة وفات الوقت
سراب انصدمت وشهقت من يلي مقعمز على أختها
الممرضة:يادكتور فهد شن درت
فهد بنصر:هاهاهاها كان هي عنيدة أني أعند
قدمت سراب ودفت فهد من على سوسن
سراب بخوف:سوسن تسمعي فيا ردي
سوسن:🥴🥴🥴🥴🥴🥴🥴
سراب شبحت في فهد:شن درتلها
فهد:عطيتها يبرة مهدئي
سراب:ومن قالك أختي تبي مهدئي من إنت
الممرضة:يادكتور فهد هذي مش البنت المريضة
فهد فتح فمه وعيونه وقعد يشبح في سوسن وسراب والممرضة😬😱
فهد:شنووو
الممرضة:المريضة في الحجرة يلي بعد هذي
فهد:قالولي هنا
الممرضة تنهدت بأسف😔😕
سراب:سوسن سوسن
-مش عارفة من يلي عطاك الشهادة
فهد متحشم:آسف سامحيني
سراب:كيف منوضها
فهد:هذي يبرة مهدئي تبي ساعتين
سراب:لا حول ولاقوة إلا بالله
فهد:آسف أني دكتور جديد في المستشفى وقالولي مريضتي في الحجرة هذي احسبتها اختك هي المريضة
الممرضة:سطحيها وغطيها كان هذا
سراب تنهدت:ناقصة هي
فهد:معليشي
سراب:ولا يهمك صار خير
فهد:بجد آسف ولو تبي حاجة كلميني أني الدكتور فهد
سراب:لا شكرا صحيت
سطحت سراب اختها على السرير وغطتها وفهد مستهزب مصموط من الموقف يلي صار
فهد فنص في الممرضة:عجبك هكي توا😑
الممرضة:شن دخلني
فهد:امشي من قدامي وناديلي الجحشة يلي خلتني نغلط في المرضى😂
الممرضة:حاضر😔
......
الكل في هذيك الليلة خدوا غفطة وهم تاعبين مرهقين لأن التوتر والخوف سحب كل جهدهم...بعكس شخص ساهر يخطط لشي أكبر من شي🤔🤔
#صباح اليوم التاني...
ناضت سوسن وراسها دايخ شدت راسها وشبحت يمين يسار
سوسن بهمس:وين أني
وثواني إذكرت شن صار معاها وكيف حصلت في الدكتور المتخوخم🤪
سوسن بتنرفز:عليك بهيم مش عارفة كيف يمشي كان قعد شوي تاني راهو وليت مجنونة حق😤
شبحت قدامها لقت سراب راقدة على الكرسي ابتسمت وخدت البطانية وغطتها وطلعت..🥰🥰😘
الدكتور:اها كويس حالتها أرفعيها لحجرة طبيعية
الممرضة:حاضر
طلع الدكتور
سفيان وطارق:شنو دكتور
الدكتور:أمورها تمام التمام مافيش حاجة اتخوف نعطيها خروج غدوة
سفيان بإرتياح:الله يبارك فيك
الدكتور:نستأذن
طارق:الحمدلله
سفيان:وين خواتك
طارق:خدن غفطة
سفيان:اه ياه خلهن
طارق:كيف الحل مع الكلب هذا
سفيان:والله ماني عارف شن مندير خايف اندير حاجة اتولي عليكم
طارق:قصدك خايف منه
سفيان:مش قصة خايف منه إنت شوف سراب مادرتله شي وريت وين وصلنا أمي في المستشفى..
طارق:سراب بنت هذا ليش واخد الغلبة كان منسكتوله بيزيد
سفيان:تو إنشوفله حل هذا واحد خبيت ومستغل إنه شرطي..
.
.
سوسن:وووك راسي 🤯🤕
وخشت في فهد رفعت راسها ووخرت خطوة وبحدة:إنت😠
فهد يبتسم:كيف حالك🥰
سوسن:ماصح وجهك 😯😳
فهد:ع أمس أني ااا😶
سوسن: ما إنسيتش شن صار أمس مش معقول إنت أكيدة هارب من مستشفى مجانين مستحيل تكون دكتور ☹
فهد:غير ع...🤐
سوسن:تجري في جرتي زي التور حتى كلمة معاك ماعطيتنيش لا ومعاها حاطينك دكتور نفسية تي إنت كتلة أمراض نفسية🤯😡
فهد:آسف أني😁
سوسن:آسف على شني وإنت عشوي ماطلعتني من عقلي فعلا 😑
فهد بإنفعال:شن منديرلك تصرفاتك زي المجانين
تنقزي اتقول قردة 🐒🐒
سوسن بصوت عالي شوي:ويلي ينقز زي القرد مجنون إنت دكتور المفروض تميز بين المجنون والعاقل🧐
فهد:للأسف المرة هذي ماميزتش😈
سوسن شهقت:شن قصدك أني مجنونة 😱
فهد بإرتباك:لا مش هكي😓
سوسن:فوق ماضربتلي يبرة النمي هذي من غباوتك وإتقولي أني المجنونة حق والله... انت العاقل يا أفندي..🤬🤬
فهد:غير وقفي😏
سوسن:وخر عني نزيد نوقف معاك إتختش بيا...حل عني واحد مختش😤😠
قدم فهد:منقولك🤐
سوسن:والله إنادي لخوتي يوروك المرض النفسي شن طبعه🤨
فهد بسخرية:قصدك عيلتك مختشين😱
سوسن:وووووووك عليا منيش مصنوع انت 😮😩
ومشت من جنبه وهي إتفنص وتنفخ في خدودها
فهد قعد يشبح فيها ويبتسم هز راسه وحط يديه في جيوبه وتنهد ومشي..😌😌
.
.
وهي واخدها النوم حلمت بقيصر يجري وراها وفي😴😴 يده مسدس وطلق لكن الرصاصة جت في امها وبعدين قتل خوتها ☠☠
قفزت سراب من نومها وهي تتنفس بقوة والعرق يصب من وجهها 😰😰😰
سراب😧:استغفر الله شن هالحلم
مسحت جبهتها ووقفت لقت سوسن مهناش...
طلعت بيش تطمن على حال أمها..
.
.
ومن المستشفى لحوش قيصر
ام قيصر:وين خوك
ولاء :آخر همي
-منفطر ومنطلع وقت عليا
ام قيصر:استغفر الله
سارة:صباح الخير
ام قيصر:صباح النور
احمد:وين حبيب قلبك الشرطي الف...
ام قيصر:صبح سكر فمك
سارة فنصت في أحمد:أمي قيصر جنب بوي يوكل فيه
ام قيصر:اها تمام افطري وقت عليك
**عند قيصر**
رجب:شن جو الشرطة
قيصر سرحان
رجب:احم
قيصر شبحله:امم اه
رجب:وين سارح
قيصر:شن تبي فيها الشرطة كمل فطورك
رجب:قيصر
قيصر:ايييه
رجب:سادك ياولدي الناس كرهاتك وكلهم يتجنبوا فيك حتى من خوتك كرهوك
قيصر بلا مبالاة:التفاح فيه فايدة هلبا خود تفاحة صبح وتفاحة قبل لترقد
رجب بعصبية:آخر همي التفاح
قيصر بحدة:وأني آخر همي الكره والحب
رجب:انت كيف بتعيش وانت هكي
قيصر:ومن قالك مش عايش
رجب:الكلام هذا مايفيدكش الرشوة والحاجات الفاسدة ماعمرهاش فادت صاحبها
قيصر حط يديه على كرسي رجب وطبسله حط عينه في عينه و بصوت حاد وملامح أحد:قوللي وإنت شن حصلت من خدمة الناس بيش جازوك طلعوك شرطي فاسد وهانك مرمي على الكرسي أما قصي كان ضحية اااا
شبح بوه تأثر ونزل راسه
قيصر وخر وتنهد بعصبية:ماعاش تفتح القديم بالله
رجب:تعرف كان مش مشلول راني بركت فوقك وصكيتك طريحة
ابتسم قيصر من كلام بوه بدال ما يحمق وسكر الباب ونزل..
سارة:تعالى أفطر
قعمز قيصر وجت عينه في عين ولاء وأحمد ناضوا الإثنين بتنرفز
ام قيصر:كملوا فطوركم
ولاء وأحمد:شبعنا
سارة:خليهم ينوضوا بيش النية تنفتح
أحمد:شكله حلدك يحك فيك
ولاء ابتسمت اتقد في سارة
قيصر بحدة:وانت وجهك يبي تعديل شكله
سارة:احم ههه
أحمد فنص فيه وخدي تليفونه وطلع
ام قيصر:خيركم ماتقولش خوت منقسمين أحزاب
كلا أني منوض انشوف بوكم
قيصر:استاحشتيه مسرع
ام قيصر:تحشم
سارة:ههههههه
قيصر:شكلك مكسدة
سارة:لا والله عندي كلية
قيصر:مانا شن مادة وجهك حداي
سارة:انحبك ماهو
قيصر:حبك البرص نوضي وقت عليك
**ومن قيصر لسراب**
سوسن:حقير مجنون خزي
طارق:خيرك ختشتي
سوسن:مش بعيد
طارق بسخرية:إن شاء الله بيش نبدإ إنجيب فيك من الشوارع في نص القايلة😂😂
سوسن:ضم تاكمك وهي كان منشوفوا أمي
طارق مشي خطوتين فات واحد عطس عليه😪😷
سوسن:😂😂😂🤣🤣🤣
طارق بتقزز:مالقيتش وين إتنطر خناينك كان على وجهي🤢🤢
الراجل:سامحني
طارق:إمشي من قدام وجهي خير مانفركس خريطة وجهك فِرّاس إن شاء الله😠
الراجل مشي وهو متحشم مستهزب😬
طارق:زهق كبدي على الصبح
-أضحكي يا سوسة ياخامرة
سوسن:والله تستاهل مايجيك...
.😂
.😂
سراب:أمي تسمعي فيا
أم سراب مدروخة:ااامممممم
سفيان:أمي أني سفيان أفتحي عيونك
سراب:قاعدة تحت التخدير ياسفيان
خش طارق وسوسن
سوسن باست يد امها وطارق باس جبهتها
سراب:ماتخافوش قاعدة تحت التخدير
سفيان:الدكتور قال غدوة نكتبلها خروج
سراب:على الأقل في الحوش تتريح إكثر
طارق:أني منجيب الأدوية بيش يعطوها منه اليوم
سوسن:منمشي معاك للحوش
سراب:ايه روحي ديري طلة على الحوش
سفيان:ايه امشوا حتى تريحوا وأني وسراب هنا
طارق:كان في حاجة اتصل
سفيان:تمام
سراب:ايه جيبي كاب لأمي صقع في الليل
سوسن:به
وقعدت سراب وسفيان في المستشفى..
ومر الوقت...للعشية...
سراب:منمشي للحمام تو إنجي
سفيان:امشي
مشت سراب للحمام قضت حاجتها وغسلت يديها وطلعت حست روحها متضايقة طلعت برا تشم هواء
غمضت عيونها وسرحت
وبعد عشر دقايق فتحت عيونها لقت قيصر قدامها فتحت عيونها بصدمة وقبل لتتكلم حط على خشمها مخدر
ثواني بعد صراع بينها وبينه صاخت عليه رفعها بين يديه وحطها في سيارته وانطلق
قيصر:نوريك اللعب على أصوله..
.
.
وبعد وقت طويل شوي خش طارق وسوسن ع سفيان في الحجرة يلي فيها أمهم
طارق:فانكوا جديد ياسفيان
سفيان:شن في
طارق:اختك فسخت خطوبتها
وقف سفيان مش مصدق:شت تخرف
سوسن:مش عارفة جت ام محمد وعبتنا عياط ومحمد حامق بينفجر
سفيان حط يده على جبهته:تي باهي أمتى صار الكلام هذا
طارق:وينها هي خلها اتفهمنا
سفيان:شوفيها في الحمام ياسوسن
طلعت سوسن
طارق:والله اختك هذي ختشت
سفيان:والله ماني عارف كيف منحلها
طارق:غير خلينا نفهموا منها قبل
خشت سوسن:مهناش في الحام راهو
سفيان:تي غير شوفيها هنا ولا هنا أكيدة قاعدة ماعندها وين تمشي
-امشي معاها شوف اختك
طلع طارق وسوسن يدوروا ع سراب لكن مالقوهاش
نهائيا وإتصلوا بيها قريب ستين مكالمة لكن بلا فايدة
سفيان بعصبية:كيف مهناش وين بتمشي النهار الأحرف
سوسن:دورت عليها في كل تركينة واتصلت حتى بصحباتها
طارق:ايه حتى أني دورت برا من المستشفى
أم سراب فاقت وقعدت تتهمهم بألم:سسسسسفيان
التفت سفيان:امي انت نضتي
أم سراب:سسسفيان ااااممممم
طارق وسوسن قدموا
ام سراب:وين إني
سفيان:انت في المستشفى
طارق:امي انت درتي عملية على قلبك
سفيان:تريحي الدكتور قال لازماتك الراحة
أم سراب:وين سراب
سفيان وطارق تبهونوا ماعاد عرفوا شن يردوا
سوسن بتوتر:مشت اتجيبلك في الأدوية وعندها دوام
ولت رقدت من جديد غمزوا لبعضهم وطلعوا الثلاثة برا...
سوسن:كيف الحل وين مندوروا عليها
سفيان:سوسن أنت أقعدي جنب امك واحني اندوروا عليها
سوسن:تمام
سفيان:امشي طارق
.
.
فتحت عيونها شوي شوي وقعدت تشبح للسقف الغريب وفي خاطرها وين أني...إذكرت آخر ماصار معاها وهي لما قيصر حط عليها منديل وصاخت
قفزت امقعمزة وشهقت شبحت قدامها لقت واحد امقعمز على الكنبة حاط رجل على رجل وفي يده دخان لكن الجهة يلي امقعمز فيها ظلام
سراب بإستغراب:إنت من
وقف قيصر ورمي الدخان وبصوت خشن:كابوسك
عرفت سراب الصوت وقف ووخرت على وراها
قدملها قيصر نين وقف قدامها مباشرة بملامح الجمود الحادة النارية
قيصر:شرفتي عالمي المظلم ياسراب
سراب بحدة:إنت واحد مايتحشمش على وجهه كيف تقدر تخطفني
قيصر:اقدرت وخلاص
سراب:شكلك مش حتفهم قلتلك ماعاد نبي نشبح وجهك خليك بعيد عني احسنلك
ومشت تجري للباب بتفتحه لكن الباب مسكر
سراب بعصبية:أفتح الباب
قيصر يشبح بعصبية وحدة
سراب:رد عليا قلتلك أفتح الباب
قيصر:مش انت يلي تأمري أني الآمر الناهي هنا
سراب:لاااا والله شن وليت إنت من تكون أصلا
بدت اترقيله في الغاز بالشوي بكلامها
قدملها بحدة:أني صاحب هالحوش أحسنلك تقعدي عاقلة
سراب:إمشي الفلاحة ديرها في راجل زيك زيه مش تتقوى ع بنت تسحاب روحك راجل إنت
خبط يده على الحيط وبعصبية:فمك تسكريه وألزمي حدودك..
وقرب منها أكثر ورفع يده بيحول خصلة شعرها لكن خبطت يده دفتها بعصبية ويشدها من رقبتها بيده الثانية ويلصقها في الحيط
شهقت بصوت عالي وبقوة:نزل يدك ياحيوان
قيصر:هالحيوان اليوم بيكسر غرورك
سراب تبكي بألم:عليش إتدير فيا هكي شن درتلك أني..
قيصر بهمس في وذنها:نبيك تنكسري نبيك تترجيني نبي كبرياءك وغرورك يمتسحن نبي إنخليك جسم بلا روح...
وقعد يتلمس فيها بشهوة
سراب بصوت عالي:لاااااااا وخر عني ماتمسنيش ياتافه
قيصر بهستيريا:حتشوفي التافه هذا كيف بيسود عيشتك وياخد شرفك ويخلي عيلتك تعوم وتغطس في العار..
جمعت قوتها ومش عارفة كيف دفاته مع إنه قيصر جهامته وطوله مش بالساهل يندف لكن سراب دفاته عنها بعيد ومشت تجري جهة الباب
قيصر قرب منها وشركلها سوريتها من جهة صدرها
عيطت بصوت عالي بصوت خش لقلب قيصر وشقه بصوت خلى الوحش يلي قدامها يولي إنسان عنده ضمير بصوت خلاته يتجمد في مكانه ويشبحلها بنظرات كلها ندم وأسف..
إلتفتت سراب وعطاته بظهرها وانهارت مقعمزة تبكي وتشهق..
تنهد قيصر وغمض عيونه بندم قرب منها ومد يده بيحطها على راسها لكن غروره منعه وسرح
وقفت سراب فجأة وفكت سلاحه من على خصره
وحطاته على راسها
قيصر وخر خطوة وبخوف:سراب حولي البلي من يدك هذا مش لعب
سراب بدموع وخوف ويديها يرعشن:وخر عني
قيصر قدم خطوة:هاتي المسدس الجاي سراب
سراب عيطت بالقوة بنبرة مبحوحة:وخررر عنيي قلت
وخر قيصر:وخرت غير نزليه من يدك
سراب:صدقني نقتلك ونقتل روحي قبل لتمسني وخر عني أحسن لك
جمد قيصر مكانه ولا حركة..
سراب بهستيريا وصوت عالي:شن تسحابني انخليك تلهب بشرفي ونقعد ساكتة ولا منخاف منك تأكد الرصاصة هذي حتقتلني قبل لتمسني
قدم خطوة:نزليه وخلينا نتفاهموا
سراب:قلت وخررررررر
-إنت مريض نفسيا في حد يقدر يدير هكي حتى الحيوان عنده ضمير اما انت مش عارف شن تركيبتك كل القصة ساعدت صاحبتي ولو تعرف شن معنى العلاقات ماكنتش درت هكي متأكدة إن أهلك نافرين منك
كلمتين منها ولعت فيه النار خلاته يطلع عن طوعه ويقدم بسرعة ويعطيها كف نين صوته وجب في الدار طاح المسدس من يدها من قوة الكف ومن قوة الكف طاحت وجي راسها على حافة الطاولة يلي أصلها مرش وماحست إلا بالدنيا ظلّمت عليها وأغمى عليها
قيصر بصوت عالي وبعصبية:مرة تانية وطي صوتك
طبس بياخد مسدسه لقي الدم تحت راسها
سيب المسدس وقعد فاتح فمه وعيونه قدم يجري وقعمز على ركبيه بخوف وحط يديه على خدودها
قيصر:سراب نوضي 😨😨
وقعد يخبط فيها على خدها بالشوي بيش تفيق لكن مافيش فايدة
قيصر بخوف:سراب نوضي عارفك تكدبي نوضي مش بقصدي...
حط يده تحت راسها ولقاه الجرح ينزف بدرجة لأن المرش فتح راسها من وراء
قعد فاتح عيونه نين ولن حمر من خوفه عليها طبها بين يديه ومشي بيها يجري🏃♂️🏃♂️
سارة وأم قيصر مروحات بي بو قيصر من العلاج الطبيعي وقعمزوا في الصالة اما ولاء فتتكلم مع الخدامة وأحمد يتفرج على التليفزون..
ومايسمعوا إلا صوت رجلين ينزلن من الدروج بسرعة وبقوة كلهم شبحوا في قيصر وإنصدموا إستغربوا علامات الذهول مرسومة ع وجه كل واحد حتى الخداميين
طبعا قيصر ما إشبح حد كل همه وتركيزه ع سراب يلي بين يديه وراسها ينزف..
طلع قيصر وركب السيارة وانطلق..
كلهم قعدوا يشبحوا في بعضهم ب...😳😱😧
اما في المستشفى الأحوال مكركبة في بعضها سفيان وطارق ماخلوش تركينة إلا مادوروا فيها على سراب لا خلوا مستشفيات لا مراكز شرطة لا حياش صاحباتها...ومن سفيان وطارق الشايشين لي سوسن الخايفة ومش عارفة شن إتدير..
طلعت سوسن وقعمزت قدام الحجرة يلي فيها امها وسرحت بتفكيرها...وفي لحظة طلعت بنت تجري في حمال جريها🏃♀️..وفي جرتها يجارن الممرضات😂😂😂😂
الممرضة:وقفيييي😥😥
سوسن:😳😧
وشوية خطم فهد يجري في جري اتقول طالقين خيل يلهد😂😂
فهد بصوت عالي:شدنها بسرعة متخلنهاش تطلع من المستشفى
وقفت سوسن وحلت فمها
وكل يلي في المستشفى انتبهوا وقعدوا يتفرجوا
البنت تجري وبهستيريا:مانبيش مانبيش مانبيش
الممرضات عين وقعمزن ماعاش قدرن يجرن
فهد وهو يجري:تي نوضي إنت وياها
الممرضات:عيينا شدها بروحك
فهد:يامسخااات
وقعد يلهد هو والبنت في المستشفى ومافيش كرسي قعد واقف ومافيش حاجة قعدت ع طاولة يلي تجي قدام البنت إتنطرها
فهد:وووووك حتى بوي ماجري في جرتي هكي تسونامي هد في المستشفى😓
خشت البنت تحت الطاولة...😂😂
فهد وقف وقعد يتنفس بالقوة:إنت المفروض اتخشي للألومبيات شن هذا إتقول عنز متدوشنة🐐
البنت تكمكمت في بعضها:مانبيش مانبيش
سوسن توا قاعدة تتفرج😶😶
فهد:غير أطلعي وفهميني شن يلي ماتبيشي
((هذي بنت كبيرة عندها حالة نفسية جابوها لفهد بيكشف عليها لكن طلعت مجنونة وفايت فيها😂))
وفجأة طلعت خط من تحت الطاولة شدها من رجلها وتشده من شعره وبدت اتشح فيه
فهد بصوت عالي:شعريييي يابنت ال***اطلقي فيته
طلقها من رجلها وفاتت تجري أتكمل في الجولة
الكل إنفرط ضحك ع فهد والبنت وكيف يجري في جرتها🤣🤣
ناض فهد ومنظره أتقول لاعبات فيه قطاطيس ويلي حاول يشد البنت إتجيبه فرشة على الوطا😂😂
فهد:الصبر من عندك
اشبح في الممرضات:يامسخات عاجبكن منظري من حطكن هنا تي زودي شدنها معاي وهن اتقول يتفرجن على سيرك
وهو يتعارك مع الممرضات إشبح سوسن واقفة مع البنت يلي شرداته واستغرب البنت هديت مع سوسن
فهد:باهي إقلبي وجهك انت وياها
ومشي قدم لسوسن والبنت..البنت خمدت وراء سوسن وإلتفتت سوسن
فهد:أنت
سوسن:أكيدة البنت ختشت بيها إنت
فهد داهش فايت فيه..
سوسن:هذا صاحبك عادي أطلبي منه ماتبي هو أليف مش حيديرلك شي
فهد فنص فيها:شن تسحابيني كلب يامعفنة
سوسن:إنت سكاتك بركة
فهد:انت ا...
سوسن قعدت إترطب في الجو مع البنت وإتهدي فيها وآخيرا البنت إقتنعت ومشت مع الممرضات وهذا كله عجب فهد في الآخير وقعد يبتسم
إلتفتتله سوسن من جديد ولقاته يوزع في الإبتسامات:احم ضم سنونك
فهد كشر وجهه...وإنفلقت سوسن ضحك:هههههههههه
ياناري شوف منظرك هههههههه
فهد:هاهاهاخخخخ بايخة مافي شي يضحك
سوسن:لا في ومش أني بس نضحك أقسم بالله أول مرة نشبح دكتور متاع نفسية هو في الأصل مختش هههههه
قعد يتأمل فهد فيها وفي ضحكتها...أنتبهت سوسن كيف يشبحلها فوقفت ضحك وتحمحمت
فهد:خيرك سكتي كملي ضحكك ضحكتك حلوة
تحشمت سوسن:إحم
فهد:على كل شكرا
سوسن:ساعدت البنت منك لأني كنت في مكانها في يوم🤨
فهد:اااه لا ماتفهميش غلط هذاك اليوم قالولي البنت المريضة في الحجرة يلي فيها انت فنسحابك هي آسف سامحيني حاولت أنفهمك لكن ماعطيتيني كلمة معاك..
سوسن:اووه
فهد:وإنت قعدتي إتديري في حركات زي المجنونة بالزبط هههه
سوسن:هههه لأن عندي فوبيا من اليباري ردة فعلي عفوية
فهد:نتمنى ماضراتك اليبرة
سوسن:يعني مش هلبا
فهد:آسف
سوسن:قديش مرة بتتأسف
فهد:ماك ماقلتيش سامحتك
سوسن:ااه سامحتك عادي إتصير
فهد:تمام...
وقعدوا واقفين بلا كلام لدقايق
فهد:ايه أني الدكتور فهد
سوسن بضحكة:اسم ع مسمى جريت هلبا اليوم
فهد:ههههههه أقسم بالله ماعمري جريت هكي وشدتلي شعري نتفاته
سوسن:هههه تستاهل المرضى تعامل معاهم بهدوء وتفاهم مش اتشدها من رجلها شن تسحابها كبش بتذبحه
-نستأذن منشوف امي
فهد:يا مجنونة
إلتفتت سوسن
فهد.إبتسم:شن اسمك
سوسن:الجنونة سوسن😉
ومشت خشت للحجرة
حط يده وراء راسه وقعد يمسح عليه وهو يبتسم بعدين حط يده على شعره وكشر:هالقردة ريشت شعيراتي عشوي ماخلتني أصلع جدري إتقول يديها مقص..
ومن فهد لي قيصر يلي في مستشفى ثانية بسراب يراجي في الدكتورة برا..
قيصر يلود ويطربق في صوابعه بتوتر ويذكر كيف شركلها سوريتها وكيف خبطها كف وكيف فقدت وعيها..
قطعت تفكيره الدكتورة:ياخونا
صحصح قيصر وقدم:ها شني
الدكتورة:شن تقرب للبنت يلي جبتها
قيصر بحدة:وإنت شن خصك درتي يلي عليك ولا
الدكتورة:البنت سوريتها مشروكة وعلى جسمها علامات يدين واضح إنها محاولة إغتصاب شن تقرب للبنت وشن صار نين خش المرش في راسها
سرح قيصر في يلي صار وبعدين بخشونة:إنت دكتورة ولا شرطية على ما أظن إتخلي الأسئلة هذي للشرطة أحسن
جت الدكتورة بتتكلم لكن محسن جي وضرب التحية لقيصر عرفت الدكتورة أن قيصر شرطي فخافت وسكتت
قيصر:محسن مانيش جاي اليوم للإجتماع لأن مرتي دارت حادث..
وإشبح في الدكتورة بمعنى ((إنت تسكتي وتمشي))
الدكتورة:آسفة
ومشت...
محسن:إنت شن درت في البنت ياقيصر كان ماتبعتكش راهو اااا
قيصر:شنو قصدك إتبع فيا انت
محسن:مش قصدي انتبعك لكن خفت إتدير حاجة غلط
قيصر ببرود :درت يلي درته تقدر تمشي..
يتبع...
هي بصوت عالي وبهستيريا خوف:وسع عني وسع عني ماتمسنيش...
.
.
الدكتورة:رد بالك منها وتجنب إتوترها لأنها مش حتتحمل ومرات إتخش في إنهيار عصبي
.
.
هي بصوت مجروح مبحوح:خليني نطلع من هنا طلعوني طلعو....
.
.
هو:ماقلتلكش عطيني نصايح إنت بس خليها إتنوض ومادخلكش في الباقي..
.
.
أم قيصر:من البنت هذي شن قصتها
.
أحمد:فاسد شن بيطلع منه يعني
قيصر بصوت عالي مافيش حد يدخل في حياتي وإلا حتندموا أقسم بالله
.
سارة تبكي:شن صارله خيره هكي
.
ولاء:مرتشي وقلنا باهي فاسد وهضمناها لكن المرة هذي خش عالقوي
.
قصير يهدد:تعرف مازال تقول عليها نقتلك ونقبرك ومافيش حد يعلم بيك...
((وهذي كانت لمحة عن الحلقة{8}...))
.
.
#بقلمي_رحيق_الفجر..
