حب بعد ورطة

29

#حب_بعد_ورطة
الحل{29}قة...
دانا:عصام أنت الأول
عصام:فوتيني
قيصر:شن تفوتك
سراب:غير هيا
شبح عصام في سارة لقاها مطنشة الموضوع بكل تنهد وفي خاطره:لازم إنبينلها إني مهتم بيها
عصام:تمام..
سراب ابتسمت..
قيصر:ايوا هكي خليك اسد
سارة ماتوقعاته يوافق وبدت تشبح فيه
دانا:عيد ميلادها
عصام:واحد/4
دانا:لونها
عصام:أصفر
دانا:حلو ولا حار
عصام:حلو
دانا:النوع
عصام:معجنات
دانا:تكره
عصام:الدحي
دانا:طبعها
عصام:متسرعة
سارة تشبحله ومستغربة فيه كيف قاعد خافظ تفاصيلها كلهن
دانا:أحلى حاجة فيها
عصام:ضحكتها
دانا:عيب فيها
عصام:بالنسبة ليا لا
سارة😐😯😯
سراب وقيصر شبحوا في بعضهم وابتسموا
دانا:صفة تكرهها فيك سارة
سكت عصام وقعد يشبح في سارة..
دانا:واحد...إثنين..ثلاثة
عصام: الفارة ماتكرهش حتى وكرهت كرهها حب
سارة فتحت فمها وعيونها كيف شن معنى كلامه شن يقصد ليش ألف سؤال يضرب في راسها وقفت سارة وبرمت ومشت...
دانا:سارة سااارة
لكن سارة فتحت الباب وطلعت برا في الجنان
كلهم استغربوها خيرها طلعت تجري...
دانا:تو أني نمشي انشوفها خيرها...
عصام:تمام أني منمشي
قيصر:أقعد خيرك
عصام:لا خلاص منوض بكري غدوة
قيصر:اوكي براحتك
عصام:فكر في الموضوع يلي قلتلك عليه
قيصر:يصير خير
عصام:هي تصبح ع خير
-سراب باي
سراب في وسط المطبخ:باي
عصام:أقعد إنت تو نطلع بروحي
قيصر:ولو كيف منوصلك
.
.
دانا:سارة خيرك
سارة عاطيتها بظهرها وبصوت متقطع:شي
دانا:إن شاء الله تبكي
سارة:لا
وقفت دانا قدامها ولقتها تبكي:عليش تبكي
سارة مسحت دموعها:شي
دانا:كيف مافي شي
سارة:مش عارفة متلخبطة حاسة روحي في دوامة ماعاش فهمت شي يادانا..
دانا:خيرك من شني إحكيلي اعتبريني أختك ولا صاحبتك وإحكيلي...
تنهدت سارة:أني إنحب عصام يادانا
دانا:باه ووين المشكلة كلنا إنحبوا إمشي قوليله وصارحيه
سارة:تي لاا المشكلة مش هنا
دانا:وين أمالا
سارة:عصام ااااا هو عصام
دانا:ايه خيره عصام
سارة بحزن:عصام متزوج وعنده ولد وبنت
دانا:شنهوووو
سارة :ايه وهذا يلي حارقني من داخل وتصرفاتي معاه وعدم كلامي معاه نبي نتجنبه ونبعد عنه
دانا:كيف متزوج وكيف أصلا عرفتي
سارة:مرة لقيت صورة في تليفونه بنت ووالد سألته عليهم قالي صغاري وإن يحبهم ومايقدرش يعيش بلاهم واليوم لما روحنا من المحكمة اتصل بيه رقم امسجله إكبيدتي وقعد يتكلم معاها بحنية وحب
دانا:لكن تصرفاته معاك ماتقولش واحد متزوج
سارة:كيف
دانا:قصدي يتلصق فيك هلبا ويشبحلك هلبا حتى الأسئلة يلي سألتها ليه جاوب عليهن جواب قيصر وسراب يعني جواب واحد يحب
سارة ضحكت بسخرية:غير نعرفوا بعضنا من لما صغار بس
دانا:الصراحة أنصدمت لما قلتيلي متزوج لأن ماتوقعته بكل وحتى وتعرفوا بعض من زمان مش قلتي سافر وسيبكم
سارة:ايه
دانا:يعني كيف قاعد يذكر في تفاصيلك لتو اااه
سارة سكتت وبدت اتفكر
دانا:سارة إنت اتحبيه من أمتى
سارة:من لما كنت صغيرة
دانا:معقولة اتحبيه وما صارحتيه بكل طول هالسنين
سارة:لما جيت منصارحه فات الوقت وسافر ولأني كنت متأكدة إنه حب من طرف واحد فما جتني الجرأة نعترفله بكل
وتنهدت بضيق
دانا:الله غالب كل واحد ياخد نصيبه وإنت خلي نصيبك ع الله وخلاص وصدقيني لو عصام ليك مش حيكون لغيرك ولو لغيرك مش حيكون ليك
إنت ماتقطعيش علاقتك بعصام بكل عيب هو وقف معاكم ولاتنسي نقدك من شادي فأنتي عامليه معاملة أخ أو صديق
سارة:صعب يادانا مانقدر إنسيطر ع عواطفي وهو قدامي مانقدرش
دانا:ع الأقل حاولي ما تحمقي منه هو شن ذنبه تزوج وخلاص توا شن بتفسدي عليه
سارة:معاك حق أني زودتها هلبا معاه
-شكرا دانا للأسف حتى ولاء مادارت يلي درتيه شكرا
دانا:العفو والشكر لسراب وقيصر يلي جمعونا في حوشهم
.
.
غسلت سراب الماعين ونشفتهم وردتهم حطت المنشف ع الرخامة وسرحت في الغاز وشدها الماضي للخلف لما تفجر المطبخ في بوها إنفعلت طبعا العرق بدي يصب من وجهها ويديها يرعشن ماعد قدرت تطلع رجليها ثقلن جمدن وتتخيل في المطبخ كله راكبة فيه النار...
قيصر خش للحوش وشبح سراب واقفة في نص المطبخ خش للمطبخ ولف يديه ع خصرها وحط ذقنه ع كتفها
سراب أنخلعت وشهقت...
إلتفتت سراب ولقاته قيصر
اشبح ملامح وجهها الخايفة ويديها يلي يرعشن ووجها يلي عرق
قيصر بخوف:سراب خيرك
هو ماكملش كلمته زين لين سراب حضناته بقوة وبهستيريا:ننننار المممطبخ ننننار
فتح قيصر عيونه في الغاز وعرفها إن الفوبيا ولتلها
سراب شادة في سوريته بقوة نين قريب بتشكرها من الخوف...
سراب بصوت متقطع:ططلعني من هنا
رفعها قيصر بين يديه وطلع بيها من المطبخ وقلبه يرعش عليها خايف وهي شادة في رقبة سوريته بقوة من الخوف...خش للدار وحطها ع السرير وقعمز جنبها:ماتخافيش ياعمري اني في جنبك ماتخافيش
سراب:نار نار
قيصر:حبيبتي مافيش نار لا تخافي
سراب سراب
سراب؛ننعم
قيصر:واثقة فيا صح
هزتله راسها بمعنى ايه..
قيصر نوضي حبيبتي قعمزي به
هزت راسها بمعنى لا:نننار خليك جنبي
قيصر:جنبك أني غير قعمزي نوضي
علت سراب تقعميزتها بمساعدة من قيصر ولف قيصر يده ع كتفها وسحبها ع صدره وشد يدها:أني هنا مانيش امسيبك
سكتت سراب وبدي قيصر يمسح ع شعرها ويبوس
قيصر:روقي ليش خشيتي للمطبخ ليش
سراب بخوف:خشيت امبكري مع سارة ودانا ماصارليش هكي وتوا بعد ماكملت جت عيني ع الغاز وإذكرت هذاك اليوم....
وهنا بدت تبكي ...
قيصر:اسسسس خلاص عارفك
سراب:حاولت ننسى لكن ما إقدرتش ياقيصر ما إقدرتش
قيصر:سراب
سراب:نعم
قيصر:اشبحيلي هنا
رفعت راسها وشبحتله..
قيصر:عارفتني قديش انحبك وانحب ضحكتك ونكره دموعك ولا
سراب بدموع هزت راسها بمعنى ايه
قيصر:تمام باهي قاعدة عندك ثقة فيا
سراب:أكثر من روحي
قيصر:تمام إنتي مرة قلتيلي حنواجهوا أي مشكلة مع بعض ومشكلتك مشكلتي صح
سراب:إيه
قيصر:مية مية واجهي خوفك لأمتى بتقعدي هكي اتخافي من النار ماتعودت عليك خوافة تعودت عليك شجاعة وقد حالك وشجاعتك هي يلي جذبتني ليك من أول مرة شفتك فيها وزدت حبيتك وتعلقت بيك لما واجهتيني بكل جرأة واجهتي قيصر القاسي العنيف واجهتي الجانب الشرير يلي فيا وقلبتيه خليتيه يحبك وخليتيه يتغير
سراب:لكن في فرق ياقيصر
بعدها عنه وتربع تربيع قدامها وشد يديها :لا مافيش فرق حتى أني كنت نار قبل لنتعرف عليك اصلا
سراب كل حاجة في الدنيا عندها جانبين والنار عندها الجانب الدافئ وعندها الحامي يلي يحرق
إقلبي الجانب الحامي لصالحك كيف ماقلبتي قيصر وغيرتيه
سراب واضح عليها من ملامحها إنها تأثرت بي كلام قيصر
قيصر:سراب يلي صار معاك ومعاي ماليناش دنب فيه بوك في هذاك اليوم إنكتبله يموت وإنكتبلي في نفس اليوم إن قصي يموت أني واجهت ماضيا وحليت عقدتي بفضلك إنت وتوا ضروري عقدتك تنحل وخوفك من النار يتحول وتولي سراب زي زمان نبي إنشوف سراب يلي زمان يلي مانعرفهاش
وخليتيني نتكلم أكثر من العادة ونعطي محاضرة
سراب:ههههههههه
قيصر:أيوا هكي أضحكي
سراب:حنحاول
قيصر:وعد
سراب:وعد
قيصر:الله قديش انحبك
سراب:وأني أكثر
-قيصر؟؟
قيصر:عيونه..
سراب:خطوبة سوسن غدوة وا...
قيصر:تمام تو نرفعك الصبح وتباتي عند أهلك تمام
سراب خافت في الأول تسحابه بيقوللها لا وبعدين ضحكت:شكرا
قيصر شد خدودها:ماعاش تشكريني أني راجلك
وتوا خلينا نرقدوا غدوة عندك يوم طويل...
.
.
#يوم_جديد...
رن رن رن
رن رن رن
سراب فتحت عيونها بكسل شافت تليفونها طلع مش  هو رفعت راسها لقاته تليفون قيصر يرن..
سراب:قيصر قيصر حبيبي نوض
قيصر حضن سراب وبكسل:امممم
سراب:حبي تليفونك يرن من بكري شوفه
فتح عيونه وشبح في سراب:صباح الخير ياحلو
سراب:صباح النور تليفونك من بكري
إلتفت قيصر وخدي تليفونه :هذا عصام
سراب:إن شاء الله خير
فتح قيصر التليفون:الو
عصام بصوت عالي:أفتح التليفزون بسرعة
قيصر:خيرك وطي صوتك صبح
عصام:تي أفتح التليفزون بسرعة
وسكر الخط...
سراب قامت وربطت شعرها:خير شن في
قيصر:ترا أفتحي التليفزون
سراب:حاضر
إن شاء الله خير..
وع أول مافتحاته طلع اسم قيصر وعيلته في الأخبار ...
سراب:قيصر اسمك طالع في الأخبار
قيصر:شنهووو؟؟
ووقف قدم للتليفزون..
طبعا عرضوا شوية مقاطع من المحكمة متاع أمس
المراسلة:إذ رأيتم محامية الدفاع كيف أستمعلت إستراتجية جدا ذكية في إظهار الحقيقة...
سراب إبتسمت وقربت لقيصر:الله الباين هاليوم يوم مليح من أوله
المراسلة:إذ حكم القاضي على شادي بالإعدام لأنه قام بقتل الشرطي الراحل محسن وليس هذا فحسب فقد قام أيضا بالدخول في عصابات تقوم ببيع الفتيات ومنذ فترة شوه سمعة الشرطي رجب وابنه الراحل قصي والذي أتهمهم المجتمع بالفساد ونبذهم فقد برء القاضي كل من رجب وأبناءه قيصر وقصي من الفساد ولكي يكفر القاضي عن هذا الخطأ فقد اصدر أمر بتكريم كل من رجب والضابط الراحل قصي...
أما بخصوص الصحافة فهي تعتذر جدا وتتأسف من عائلة رجب من إتهامهم كل هذه الفترة بالفساد...
سراب:شفت ياقيصر قلتلك أني حتفرج تو ولى الحق لأصحابه وواضح الصحافة نادمين حتى سارة مش جايبينها في الأخبار
.
.
محمد يبتسم بخبث :أيوا مازال الغبية ولاء اتخلي أحمد يوقع عليهن وبعدين يولي كل شي ليا وياقيصر ويا أحمد ياويلكم مني😈😈
.
.
طلعت سراب من الدار بعد مادوشت ولبست..
جتها رسالة من نفس الرقم إرتبكت سرتب وخافت وفتحت الرسالة بدت تقرا فيها..
؟؟؟؟:صباح العسل ياعسل
سراب سرحت من الخوف..
دانا طلعت من دارها وصبحت ع سراب لكن سراب ماردتش عليها
قربت دانا من سراب:سراب
سراب وخرت وانخلعت
دانا:خيرك
سراب بتوتر:ااه لا شي
دانا:خيرك قولي في حاجة مضايقاتك
سراب:لالا مافي شي
مشت دانا خطوة
سراب:دانا؟؟
دانا إلتفتت:نعم..
.
.
سارة بكسل:ااااه صباح الخير
سراب:صح النوم
دانا تلبس في جاكيتها في الممر:تعطلت هلبا هلبا
سراب:راجي الفطور
دانا:تو نفطر في المكتب هلبا تعطلت
سارة:شكلكم كلكم رقدتوا
سراب:والله أني مانندري بيها نين اتصل عصام بقيصر
سارة:عصام؟؟
سراب:ايه محكمة أمس طلعت في الأخبار والناس كلها توا تعلم إن قيصر مش فاسد☺️☺️
سارة بخوف:شنهووو اخبار
دانا وهي تلبس في شخشيرها:ماتخافيش سارة ماطلعتيش فيهن
سراب:شفتيهن
دانا:ع النت
طلع قيصر من الدار:الصبايا مجتمعات
سراب:وين ماشي حتى انت افطر
قيصر:لالا منمشي مستعجل
-دانا بتمشي
دانا:ايه
قيصر:يلا تعالي انوصلك معاي
دانا:باه
قيصر:تبو شي
سراب:وأني من بيرفعني
قيصر:تو أنجي مش معطل أني
سراب بإبتسامة:به😘
طلعت دانا هي وقيصر
سراب:سارة
سارة:اااااه هااا
سراب:تي نوضي وإنت تتاومي...
.
.
أحمد كاين يتفرج ع الأخبار طفى التليفزون وسرح...
سعاد:قهوتك
شبحلها ع جنب وتستنى فيه يهزبها لكن خدي القهزة وبرم ومشي..
سعاد:اشبح شن بيصير
ام قيصر:سعاااد
سعاد:جاية...
أم قيصر:طالعة منرفع رجب للعلاج ردي بالك باهي
سعاد:باه
.
.
وصل قيصر دانا للمكتب ومشي بيحضر محاكمة شادي...
بتركب دانا من الدروج خبطت راسها؛حييي ياحييي وصلني قيصر ونسيت سيارتي ومن بيروح بيا
الله ع هاليوم...
وخشت للمكتب...
.
.
سوسن:ياناااري منك ياطارق نووووض وقت
طارق يتاوم:حلي عني شن تبي
سوسن:تي نوووض يازهاق مش بترفعني للمزين نوض طارق وقت وقت
ام سراب:سوسن وقت عليك يابنتي
سوسن:ماباش ينوض يا أمي تعاليله
ام سراب جت خبطت طارق:نوض يافرخ نوض اختك وقت عليها وصلها وتعالى نبيك
طارق:تي باهي وين سفيان
ام سراب:مش عارفه عنده خدمة نوووض
طارق ناض وحذف البطانية ووقف ضرب سوسن ع راسها:تو إنت كيف بيطلع عليك المكياج غير خسارة فلوس وخلاص
سوسن:مادخلكش هي نوض بسرعة
.
.
سراب:قوليلي شن نلبس أحلى قفطاني الأسود ولا الأبيض بالذهبي
سارة:الأبيض بالذهبي أحلى يطلع عليك هو كلوش وإنت جسمك متوسط لاك سمينة ولاك ضعيفة وخلي شعرك مطلوق ديريله فلو من تحت تطلعي أميرة تعرفي
سراب:زعما
سارة:ايه
سراب: ع فكرة كيف علاقتك انت وعصام
سارة:ااااه وخلاص ماعاد في شي بيننا
سراب:ياحيوانة انت قلتي متزوج صح
سارة:ايه
سراب:متزوج عينك
سارة:كيف شنو
سراب:ايه وأمس تقدملك بيخطبك
سارة مش فاهمة شي وماعاد تندري ع روحها لين الطاسة طاحت من يدها
سراب:خدت سوك ياحنة هههه مش منك
سارة مصدومة:كيف قلتيلي
سراب:ايه ومتقدملك قديش ليه غير السي قيصر ماباش يفاتحك في الموضوع
المهم إنت شن قلتي ايه ولا لا
سارة بعصبية:من كل عقلك تبيني انوافق مستحيل
وألتفتت بتنرفز وطلعت من المطبخ..
سراب فاتحة فمها:خيرها هذي...
.
.
#في_المكتب..
حط محمد الأوراق ع الطاولة وطلع تليفونه من جيبه وحطه بعدين حس بضيق ناض للحمام..
طلع من مكتبه وتلاقى بدانا...فنص فيها ومشي
دانا:إن شاء الله تطربق هههه...
سمعت صوت ينادي فيها ألتفت
؟؟؟:يا أبلة دانا
دانا:نعم
؟؟؟:بالله أعطي هذا لمحمد منمشي وقت اني
منمشي بالله
دانا:لكن
وحطلها الظرف في في يدها وطار يجري...
دانا:عطك جدري أني ما أنكلم فيه
-أحسن حاجة أنحطه في مكتبه خير ما إنكلمه ويرفع خشمه عليا ع الفاضي
خشت دانا لمكتب محمد وحطت الظرف ع الطاولة ولفت نظرها اوراق زي اوراق ملكية حاجة زي هكي
رفعت الورقة وبدت تقرا فيها فتحت عيونها بصدمة
دانا:لااا مش مصدقة عيوني معقوولة هكي
وحطت الورق ع المكتب:محمد الكلب يبي ينقل املاك عيلة رجب لإسمه هذا عليش هو محتك بأحمد كله كله يبي ينتقم من قيصر وسراب..
بعدين شافت تليفونه شداته وفتحاته وكان تليفونه بلا رمز
فتحت الرسائل مالقت شي فيهن وشافت جهات الإتصال مافي شي
دانا:مافيه شي
بعدين خطرتلها فكرة كتبت رقمها في تليفون محمد واتصلت برقمها سمعت محمد برا شكله يتعارك مع حد
مسحت رقمها من تليفونه وحطت تليفونه وطلعت من روشن مكتبه...
خش محمد للمكتب وشبح الروشن مفتوح:اني مافتحتاش الروشن من خش هنا 🤔🤔🤔
إذكرت دانا لما تلاقت هي وسراب في الممر ولقتها متوترة...
سراب:دانا
دانا إلتفتت:نعم
سراب:دانا منقولك ع حاجة وخليها سر وقوليلي حل
دانا:قولي
سراب عطت تليفونها لدانا وفتحتلها عالرسائل وبدت دانا تقرا بعد ماكملت دانا
دانا بإستغراب:شنو هذا من؟؟
سراب:مش عارفة يبعتلي ديما مرة يهدد ومرة كلام رومانسي ماعرفتش كيف نتصرف انخبر قيصر ولا لا
قوليلي الحل
دانا بدت إتفكر:ماعرفتيش من
سراب:لا وهذا يلي موترني ومخوفني خايفة من ردة فعل قيصر كا يعلم
دانا:ما تخبريش قيصر توا واني تو أنشوفلك حل ماتخافيش
سراب:شكرا دانا
دانا:ولا يهمك
قيصر:سراااااب
مشت سراب لقيصر
دانا في خاطرها:زعما يطلع يلي في بالي لازم نتأكد
#نولوا_للوقت_الحاضر...
دانا شبحت الرقم وبدت تتفكر في الرقم يلي شبحاته في تليفون سراب
دانا:هذا محمد مش ناوي ع الخير ضروري أحمد وقيصر يعلموا شن امخططلهم واني ضروري نتصرف قبل ليوقع احمد على الاوراق...
.
.
رن رن رن
قيصر:هي أطلعي انراجي برا
سراب:هي هي
-سااارة طلعت أني...
من سارة مافيش رد
خدت سراب شنتطها وطلعت...
ركبت في السيارة وشافت لي قيصر لقاته متضايق
سراب:حضرت المحاكمة اليوم
قيصر :ايه
سراب:وليش متضايق
قيصر:مش عارف هكي إذكرت كل يلي صار معاي وقلت لو قتلت شادي في هذاك اليوم ماكانت كرامة وإحترام عيلتي ولى..
سراب تشبحله وتبتسم...
قيصر حط يده ع خدها:شكرا لأنك في حياتي إنحبك
سراب:واني إنحبك
قيصر:نمشوا
سراب:يلا..
قيصر وهو يحرك في السيارة:تو كيف منتحمل غيابك كل هالوقت أني
سراب:هههه منقيس غلاي
قيصر:راهو إتوقعيني انجيك في أي لحظة راه
سراب:والله
قيصر رفع حواحبه:ايه
سراب:ع فكرة تعالى هو في الصالة مدايرين الحفلة
قيصر:لا ما إنحبش الحفلات
سراب:ع خاطري
قيصر:لا سراب الجو هذا ما إنحباش فكيني
سراب بضيق:ع راحتك
.
.
رن جرس الباب
سارة:من يلي جاي توا
وقربت من الباب:مني
عصام:هذا أني عصام
سارة إستغربت وفتحت الباب وبتنرفز:شن تبي
عصام:الناس إتقول أهلين
سارة:شن تبي قيصر مهناش
عصام خلاص وصل العداد حده وإطربق ودف الباب وخش بعصبية
سارة:شن إتدير إنت
سكر الباب وشد سارة من يدها ولصقها ع الحيط
وبصوت عالي:ليش تتكلمي معاي هكي ليش كل القسوة هذي معاي شن درتلك ليش المعاملة الزفته قوليلي لييش أني مش قادر نتحمل معاملتك هذي ليا
سارة:أطلع من هنا ياعصام مانبيش إنكلمك
عصام خبط الحيط بيده بقوة :مانيييش طالع نين اتجاوبيني ع كل أسألتي ليش تتجنبي فيا ليش ماتبي إتكلميني ليش تتعاملي معاي هكي وكأني غريب عليك ليش يافارة
سارة فكت يدها بقوة ويشدها من جديد بيديه الإثنين :مافيش مشي من هنا نين إتجاوبيني
سارة بصوت عالي:شن تبي إنت بالزبط لوين تبي توصل وحتى ولو عاملتك هكي إنت شن يهمك في الموضوع عندك عيلتك وحياتك أنساني أني كنت مجرد صديقة وتوا ا...
عصام بصوت أعلى:كنت صديقة وتوا حبيبة
سارة😐😮😱
عصام:إيه إنحبك ياسارة من لما كنت صغيرة يافارة ماكنتش نعلم بروحي ماكنتش نعلم نين سافرت وبعدت عنك وبعدين قدرت قربك مني وعرفت روحي إني إنحبك لكن الوقت والظروف خلني نقطع علاقتي بيكم لكن مافيش يوم مشي إلا لما إذكرتك فيه ولما لقيت معاملتك ليا هكي جرحتيني وحرقتيني ليش إتعاملي فيا هكي
سارة ماعاد عرفت تضحك لا تزعل تبتسم ولا تبكي تحضنه ولا تضربه
.
.
يتبع...
#رحيق_الفجر...