#رواية_حب_بعد_ورطة
الحل{18}قة...
شافت الساعة لقتها 9:00
زاد الضغط والتوتر وبالها وفكرها وقلبها مع فهد وقفت
جميلة بهمس:خيرك وقفتي
سوسن:ماعش فيها كيف ياجميلة
الدكتور:شن في ياطالبة خيرك
سوسن بإرتباك:اااه منطلع دكتور
الدكتور:ياطالبة قعمزي في مكانك
سوسن:الموضوع ضروري دكتور
الدكتور :شن يلي أهم من المحاضرة
سوسن خلاص كان اتحصل تنقز عليه:لو مش مهم مانطلعش يادكتور بالله الموضوع حياة وموت بالنسبة ليا
الدكتور:باهي إطلعي
سوسن ابتسمت:شكرا شكرا
الدكتور:كان صار منه موضوعك نبي الحلوان
سوسن وهي طالعة:ههه حاضر
طلعت تجري وتشوف في الساعة :تعطلت هلبا الزفت
نزلت تحت للقاعة وفتحت الباب وكانت متأملة إن فهد يراجي فيها داخل لكن أملها خاب وزعلت حست بحاجة راحت منها قعمزت ع الكرسي الداخل
سوسن:فات الوقت
ونزلت دمعة من عينها مسحتها ونزلت الثانية مسحتها وثالثة ورابعة نين إنهمرت بكي:ليش نبكي أني شن يهمني سافر سافر من هو بالنسبة ليا
وبدت تبكي من جديد وتدكر شن قاللها:عارفك حتجي لكن إدعي مايفوت الوقت
سوسن:فات الوقت ايه جيت متأخرة أني غبية ومانفهم
-فهههههد لييش مشيت راجيتني شوية
وقعدت مقعمزة في القاعة مكسورة خايبة أمل الندم ياكل فيها مع دموع تحرق...
.
.
قيصر:خليك وراها ديما وكان صارت حاحة خبرني
سراب:قيصر في حاجة
قيصر:لا مافي شي
-عجباتك الهدية
إبتسمت وحضناته من الخلف:شكرا
ع فكرة كيف عرفت إني نبي تليفون
قيصر إلتفتلها:مرة قلتيلي إني شاطر في التحزير وعلى ما أظن إكتشفت فيك صفتين في أول لقاء تذكري
ابتسمت سراب:إذكرت وقتها نصيب قالتلي عنك اتخوف وعيونك يركبن الصفير هههه
قيصر:قلتيلي يركبن الصفير اااه
سراب:لكن أني ماخفتش منك
قيصر فنص فيها..
سراب:خفت منك شوييية
قيصر:المهم خوفتك
سراب:والله... والمهم ماخليتك تتزوج هذاك اليوم
قيصر:المهم مافوتهلك
سراب:المهم ااا اااا
قيصر:شنووو خيرك سكتي
سراب:المهم حصلت فيا
قيصر:وحصلة سمحة
وقطع عليهم تليفون قيصر...
قيصر:شوية بس
ووخر عنها خطوات ورد:ألو
شادي:صباااح الخير
قيصر حمق والحمق طلع في صوته:شاااديييي
شادي بسخرية:اللله ع الحب يلي في صوتك
قيصر:لأمتى بتقعد تدهور برا ياكلب
شادي:تس تس تس...الكلب هذا بيقعد يدهور نين يفطس خشمك
قيصر:في حلمك ياتافه
شادي:للأسف في الواقع أني
قيصر:شن قصدك
شادي:ماقصدي شي لكن أمك وأختك ليش مستعجلات ههههههههههههه
فتح قيصر عيونه وإلتفت ونزل يجري نين سراب انخلعت منه
سراب:شنو فيي
شادي:ههههههههههههههههههه
قيصر يدور في أمه وولاء لقي الخدامة
قيصر:وين أمي
الخدامة:مشن
قيصر:وييين
الخدامة:مش عارفة
قيصر:الزفت
شادي:ايه هكي نبيك لحق أختك وأمك ياقيصر ههههههههههههه
وسكر...
قيصر:الو الووو الوووووووو
سراب:شن في خيرك
اتصل بأمه وقعد يتصل بيها لكن ماردتش
قيصر بصوت عالي:ردي رديييييي
سراب خايفة:قيصر قوللي
قيصر:ألو محسن نبعتلك رقم أمي حددلي الموقع
محسن:تمام
طلع قيصر يجري
سراب:قييصرررر
قيصر:ردي ردي ردي
لكن أمه ماردتش وولاء خارج التغطية
محسن:قيصر
سراب:اييه
محسن:في المجمع التجاري
سكر قيصر وعلق السيارة وفات خط...
سراب:ياربي شن صاير
الخدامة:يامدام
سراب:شن في
الخدامة:السيد رجب مش عارفة خيره
سراب:شنهوووو
.
.
وصل قيصر للمجمع وقعد يدور ع أمه ويدور ويدور
وحالته يرثى لها
رن رن رن
قيصر:الو وينننك
أم قيصر:في المجمع أني وأختك
قيصر:حداك ولاء
أم قيصر:ايه حداي.خيرك تتصل.
قيصر:غير وينك بالزبط في المجمع
أم قيصر:اهو منسلك ومنطلع
قيصر:أطلعي انراجي فيكن
وسكر تنهد بقوة وبإرتياح
جي محسن:خير ياقيصر
قيصر:هذا شادي الكلب أقسم بالله غير مانحصل عليه
رن رن رن
قيصر:أنطق يادابة
شادي يستفز في قيصر:بصراحة ماصارلي من أمك وأختك شن نبي فيهن وحدة عزوز والتانية وجها زي الطنجرة
قيصر:إحترم نفسك ورد بالك تلعب
شادي:تس لا حرام جيت في نص اللعبة وتبيني انوقف بصراحة غيرت راي لأن مرتك سمحة وطرف يهبل
لهنا قيصر ركبه ستين عفريت شادي وصل في الكبد والقلب والروح وكل شي وصل لنقطة ضعفه...
قيصر :شادي لا رد بالك
شادي:ههههههههههه
قيصر:لااااا
سكر شادي الخط..
قيصر:لا لا لا اااااااااااااااا
محسن:شنووو
قيصر:خليك روح بأمي وولاء وأني مولي للحوش
محسن:باهي باه
وولى قيصر يجري للحوش
.
.
ونخلوا قيصر ونولوا لسوسن
ناضت سوسن ومسحت دموعها ع أساس بتطلع ويخش فهد داهش امبحوس في بعضه
سوسن:😯😯
فهد:وووه دهشت
سوسن:إنت مش قلت منسافر
فهد شاف الساعة:وووك تعطلت كل من أمي مانوضتنيش بكري
سوسن مش فاهمة شي:مش على أساس طيارتك الساعة اا
فهد:طيارة شنو
سوسن:مش مسافر
فهد:من قالك منسافر أني
سوسن بصوت عالي:انت ااااا
فهد انخلع:وطي صوتك خلعتيني خيرك امتى قلتلك منسافر
سوسن خلاص بتنفجر:أمس مش اتصلت بيا
فهد:تي أمتى حرام عليك قلتلك منسافر شكلك ختشتي ترا تعالي نضربلك يبرة مهدأ
حطت سوسن شنتطها ع الطاولة وقدمت:يبرة مهدأ قتلي اااه
فهد وخر:سوسة روقي
سوسن:لا مروقة أني وكنت مروقة وين خشيت لحياتي قلبتها فوقي تحت تو انوريك ياتافه تكدب عليا
فهد وخر في آخر القاعة:غير روقي بس
سوسن انفجرت فيه:وأني المهبولة صدقتك وطلعت سيبت المحاضرة ع خاطرك نسحاب روحي ماعاش منشوفك فعلا وطلعت تكدب عليا لا ومعاها كنت نبكي ونادمة ياكلب ياتافه ياكداب
فهد قعد يضحك:ههههههه
سوسن:وتضحك شن يلي يضحك
-تعرف نكرهك إنت أكيد مش طبيعي اقعد فيها ووجهك ماعاد نبي انشوفه
وخدت شنتطها وبتطلع وحست بيده شدت يدها
ألتفتت وبعصبية:إطلق يدي
فهد:مستحيل نطلقها بعد ما شديتها
سوسن:ا...
قطع عليها فهد ووقف قدامها باسها ع فجأة نين طيحت شنطتها ومدكرتها
وخر عنها وهو يشبحلها بحب وهي تشبحله بصدمة
فهد يثقة وحب:إنحبك
((لا يافهد هكي هلبا ع البنت بوسة واتحبها أكيد بتختش بيها بالرسمي))
شعرت في داخلها أفواج من الشعور يختلطن ببعضهن لكن القلب دقاته تنادي في صوت واحد ويلي هو فهد
فهد شد يديها:ايه انحبك من أول يوم شفتك فيه خشيتي قلبي وعقلي وتفكيري خليتيني انفكر فيك ديما ويلي درته معاك اليوم كنت نبي نتأكد من إنك تبادليني نفس الشعور ولا لا والحمد لله خطتي نجحت ولو ما إنهمك ماطلعتي من المحاضرة وسيبتيها وا...
وتقطع عليه ببوسة مفاجئة حتى هي
(الله ع سوسن الجريئة نعرف إن لكل فعل رد فعل لكن مانعلمش إن رد الفعل يكون جريء ياعيييني ماعلينا إنولوا ياكبدي لسرد القصة)
وخرت سوسن عنه:وأني إنحبك يامجنون
فهد:🥴🥴🥴🥴🤤🤤🤤😍😍
سوسن:شن يلي خلاني إنحبك مش عارفة وخفت نحسابك حق سافرت وسيبتني ندمت قلت ياريتني قلتلك واعترفت بحبي تعرف لو سافرت فعلا كنت متت في اليوم ألف موته
فهد:🥴🤤🥴🤤🥴🤤😍😍
سوسن:أنهارك مازال اتبصر عليا بصارة هكي
فاهم
فهد:🥴🤤😌🤤🥴🤤😍😍
سوسن خبطاته:تسمععع فياااا
فهد:ااه ايه
وحضنها بقوة:إنحبك ياقردة
اوبس آسف
سوسن:التافه تافه نين يموت خزو
فهد:مازالي بوسه تانية ولا إنتبع النجم
سوسن خبطاته ع ظهره:الطمع مش باهي حبيبي
فهد وخرها عنها وبفرح:شن قلتي تو
سوسن:حبيبي
فهد:الللله
وحضنها مرة ثانية بقوة وبحب وحنان...
.
.
خش قيصر للحوش:سرااااب سرااااااب
وقعد يدور لكن مالقاش حد في الحوش
هنا النار ركبت في عقله وقلبه والعداد انضرب
وقعد يتصل بيها لكن تليفونها في الدار..
طلع لقي أحمد قدامه ماعدلش عليه وطلع يجري
أحمد يشبح بخبث ومكر وكأنه مداير حاجة والله أعلم...
قيصر يعيط ع الحراس:وإنت وياه شن اتديروا ليش حاطكم هنا ياكلاب
واحد من الحراس:أني خشيت للحمام خمس دقايق
والثاني:طلعت برا لأن كان في واحد مداير مشاكل
قيصر بحدة:انت وياه مفصوليييين فاهم
وإلتفت جت جارتهم :ياولدي خيرك
قيصر:إنت شبحتي حد خش لحوشنا
جارتهم:لا لكن في بنت طلعت ببوك تجري ومعاها الخدامة
قيصر:بنت شعرها عسلي وعيونها عسليات
جارتهم:ايه وكانوا خايفين وبوك مغمي عليه
قيصر:شنهووووو بوي
جارتهم:ايه
وطلع خط يجري خايف وفي خاطره:أكيدة في المستشفى..
جارتهم:إن شاء الله خير ديما هالشاب المشاكل ع راسه
.
.
وصل للمستشفى ووقف ع الإستعلامات بيسأل
لكن نادت عليه سراب:قييصر
مشالها قيصر بعصبية وخوف ووقف قدامها
سراب:ا...
شدها من يدها وضغط عليها:ليش طلعتي بدون ماتخبريني ليش
سراب بألم:يدي اااه
قيصر بعصبية:تعلمي قديش كنت خايف عليك اااه
سراب بدموع:يدي ياقيصر
قيصر:نكسرلك رجليك مازال تطلعي بدون ماتخبريني
استفزها بكلامه فكت يدها منه وبحدة:منطلع لما ما إتردش ع تليفونك منطلع فاهم وبعدين بدل ماتسأل ع بوك وحالته جاي اتعيط عليا
قيصر سكت لكن النار في عيونه
سراب:رقيت لعمي إلقيته النفس غايب عنه دورت ع البخاخة متاعه مالقيتهاش فجأة أغمى عليه اتصلت بيك مشغوول ودرت يلي لازم
غمض عيونه وتنهد بضيق وعصبية وطلع الدكتور
سراب:الدكتور
وقدمت بتسأل الدكتور قيصر شد يدها ووخرها وراه وقدم هو
سراب بدت تشبحله بصدمة واستغراب😧😧
الدكتور:هو متعرض لتوتر أو ضغط أو خاف من شي
قيصر سكت
سراب:لما مشيتله القيته يتنفس بالسيف
الدكتور:بوك تعرض لتوتر أو خوف خلى نفسه يغيب عنه والمريضين بالقلب ضروري ياخدوا اليخاخة في حالة زي هذي
سراب:هي كانت حداه لكن ما إلقيتهاش
قيصر فتح عيونه بإستغراب
الدكتور:على كل جبتوه ع الوقت كان تعطلوا شوي راهو مشي فيها حالته كويسة توا درناله اللازم وتقدروا تروحوا بيه
ألتفت قيص لسراب:شن كنت اتقولي توا
سراب بعصبية:يلي اسمعته
وفاتت من جنبه لحق عليها وشدها من يدها لواها وراء ظهرها
سراب:شن إتدير الناس تشبحلنا
قيصر بعصبية وحدة: خلهم يشبحوا
-لما إنكلمك اتجاوبني زين فهمتي
سراب:طالما هكي تتصرف معاي حتى إنت تقبل تصرفاتي
قيصر :منتصرف هكي مستحيل إنخليك اتكلمي جنس ذكر غيري
سراب:انت شن اتقووول
قيصر:زي ما إسمعتي إتكلمي حد صدقيني مايصير خير انت وكلامك كله لقيصر وبس
وضغط ع يدها أكثر
سراب بألم:اااااأاااه
قيصر طلقها بعيون حادة نارية :فهمتي
شدت يدها وبدت تشبحله بصدمة وخوف واستغراب
رن رن رن
قيصر:ياويلك مني ياشادي إنت ماشبحت وجهي الثاني
سارة:قيصر ساعدنييي
قيصر بدهشة:سارة
شادي:اسمعتها شن اتقول
وبسخرية يقلد في سارة:ساعدني ياقيصر قيصر ساااعدني شادي بيغتصبني بيقتلني بي يبعيني
قيصر ههههههههههههههههههههه
قيصر طلع يجري وانفجر غضب:والله ياشادي اتمسها انوريك هذا وين موتك انكتب
شادي:هههههههههههه
قيصر سكر الخط وولع السيارة واتصل بمحسن
.
.
سارة خايفة تبكي:وخر عني ياكلب
شادي:وتو مندير عرفي منخلي خوك مكسور الظهر طول حياته
سارة:لااااااااااا ساعدونيييي ااااااااه
لكن شادي حيوان وحش ماعدل ع عياط سارة ومرجاتها ليه ودار يلي كل شاب حقير تافه سفيه في كل بنت ضعيفة ايه أغتصبها وسحب شرفها منها في وسط عياطها المتكرر وصرخاتها يلي تخلي حتى الحجر يبكي عليها لكن شادي حينفد بعملته من قيصر ولا لقيصر كلام ثاني...
كمل الحيوان شادي ووقف لبس حوايجه وقعد يضحك بهستيريا:قيصر ههههههههههههه كسرتك اليوم بصمتك بالعار هههههههههههههه
ومسكينة هالسارة من وحشيته أغمى عليها ومنظرها يكسر ألف خاطر وحالتها تسخف
.
.
روحت سراب برجب للحوش ولقت العيلة متكركبة في بعضها
سراب:عمتي
جت تجري أم قيصر:رجب شن فيك سراب خيره رجب هكي
سراب:خليه يتريح في داره وبعدين نحكيلك
جت ولاء تجري:حولي يديك من بوي ماعاش تمسيه
سراب:شن درتله أني
ولاء:كانك تتحشمي ماعاد تقربيه أبصر شن درتيله واحني مهناش
أم قيصر:تحشمي يابنت
رجب بهمس:ولاء سكري فمك
ولاء:مانيش
ودفت سراب ووسحبت بوها بالكرسي ومشت
سراب خنتقها العبرة بتبكي
أم قيصر:ماتواخديهاش يابنتي
سراب:لا عادي
أم قيصر:شن صار يابنتي وين كنتي إنت ورجب وليش قيصر متصل بيا
سراب:والله قيصر مانعلم بيه زيك مش عارفة خيره الأيام هذين أشبح كيف وكلا عمي إلقيته يلقط في نفسه بالسيف
أم قيصر:عطيتيه البخاخة
سراب:ما إلقيتهاش ع قد مادورت
أم قيصر:وين بتعدي بخاخته
سراب:في حاجه خوافته او وتراته خلى النفس عنه ينقطع
أحمد بعصبية:وإنت شن دراك
سراب أنصدمت وبدت تشبحله
أم قيصر:تحشم مرت خوك راه
أحمد:من قالك عندي خو أصلا وإنت ماتدخليش في أمورنا أحسنلك ممرضة ع روحك مش علينا
سراب:بس هذا مش كلامي كلام الدكتور يلي رفعت عمي ليه
أحمد :ياودي شكرا شن تبي يعني نضربولك التحية ولا نعطوك الأوسكار
أم ص
قيصر:عييب قلتلك أسكت تحشم
أحمد بإندفاع وتفاعل:ماصدقت جت وبدت اتحلل
إنت خليك لاهية بالفاسد راجلك ومادخلكش فينا
سراب بصوت عالي:خلااااص لهنا ألزم حدودك يا أحمد أفندي مش كان تشبح هادية وساكته تسحابني خايفة منك ولا ماعنديش شن إنقول أولا أني كنة هالحوش ومرت خوك الكبير يلي غصبا عنك بتحترمه فاهم وبعدين من يلي فاسد أني من راي مافيش غيرك فاسد قيصر صح عصبي ومغرور وعنيف لكن ماعمره قلل من قيمة حد من عيلته ولا يتكلم معاهم بالطريقة يلي تتكلم فيها توا معاي يعني الفاسد إنت مش قيصر
أحمد بصوت عالي:ضمي فمك
سراب بصوت أعلى:ماتسكتنيش من إنت لتقولي أسكتي
أم قيصر:خلاص ياسراب
سراب:لا عمتي سامحيني خليني نتكلم وانعرفه حجمه وانوقفه عند حده تمادى هلبا الأفندي
-يكون بعلمك بوك يامحترم لو ما كنت موجودة كان مشي فيها ووين إنت إنت وينك ؟؟انقولك وين إنت مش فاضي لحاجة اسمها عيلة مش إمعدل ع حد اسمه بو وام واخت وخو مش فاضي لمشاكل عيلتك فاضي كان تتعارك واتدور في المشاكل مع خوك وفالح كان في خوك و مركز ع كلمة فاسد ايه هو يمكن يكون فاسد لكن ع الأقل مهتم بيكم كلكم وين إنت من هالكلام أربع وعشرين ساعة سهر مع الجماعة وتروح نص الليل وتجي توا بكل وقاحة اتقولي ماتدخليش فينا لا مانا تو انخلوا كل شي عليك انت يافالح ياناشط
أحمد:قلتلك أسكتي
سراب:مانيش ساكته كلام الحق وجاع صدقني حيجيك يوم وتعرف قيمة قيصر مش اليوم غدوة مش غدوة بعد غدوة..لأنك يلي زيك مايفهموش نين اتجي ع روسهم وجرب مرة ثانية اتهين راجلي ولا اتحط من كرامته وكرامتي فاهم صدقني ماشفتش الوجه التاني لسراب و الأحسن ماتشوفه
وبدت اتفنص فيه بعيون عسلية نارية
(ومن قال القطوسة ماتصيرش لبوة وين حد يعفس ع كبدها)
وخلت أحمد يفنص فيها مصموت حتى كلمة مازادها
#نولوا_بالوقت_شوي
أحمد الكلام يلي سمعه من ؟؟؟؟؟ خش في دماغه ومشي فعلا للمحمكة وخدي أوراق متاع نقل ملكية باسمه طبعا استغل الفرصة إن قيصر والعيلة كلها مش موجودة ماعدا سراب وعارف ان سراب مش هلبا تطلع خش لبوه في الدار..
أحمد وقف فوق راس رجب وفي خاطره:تو مايقدر قيصر الزفت يتحكم بحاجة
فتح رجب عيونه واستغرب:أحمد خيرك شن تبي
أحمد:نبيك توقعلي أوراق
رجب:أوراق...اوراق شنو
أحمد:انت وقع وانقولك بعدين
رجب:لا قولي قبل
أحمد بعصبية:وقع قلتلك
رجب فك الورق وقعد يقرا انصدم وتوتر وين القي الوريث للمتلكات والحسابات يلي في المصرف بينتقلن لحساب أحمد بمجرد توقيع
رجب:انت شن بتدير شن هذا
أحمد:زي ما إشبحت وقع خيرلك
رجب:إنت أكيدة مش ولدي مستحيل
وجاته نوبة الربو يبي يتلاحق البخاخة لكن أحمد شدها وماباش يعطيهله
رجب بصوت ونفس متقطع:ه ه ا ت هات الب خا خة
أحمد بحدة:ومن أمتى تعامل فيا كولدك أني إنت عندك قصي وقيصر وانقطع الخبر جاي توا اتقوللي ولدي ولدك في حاجات وفي حاجات مش ولدك
قعد رجب يتلاحق بيديه في أحمد بياخد منه البخاخة لكن أحمد مسكر...
أحمد:تبي البخاخة ؟؟هههههه نوض خودها باه
أصلا إنت مشلول من يوم يومك
رجب مسكين ماسد النفس غايب عنه ماسد الكلام يلي يسمع فيه من ولده مش مصدق
أحمد:وقعها بسرعة
ورماها...رجب مايعلم كيف وليش وقعها لكن من النفس يلي غايب عنه ماعاد قدر يتحمل كان يموت قدام ولده عديم الرحمة يلي كل همه يذل قيصر ع حساب بوه والعيلة
وقع مسكين رجب الورقة...
أحمد إضحك بخبث ونصر:ايوه هكي تمام التمام
رجب نين طاح تحت وهو يدور في النفس:بخاخة الب خ ا خ ة يا اااحمممد
إلتفت أحمد ورماها وراه جت البخاخة تحت السرير
وطلع وقعد رجب يخض في مكانه..
#نولوا_للوقت_الحاضر
إبتسم ع جنب بخبث:تو يبانلك أصبري شوي عليا إنت وراجلك الكلب
.
.
قيصر بعصبية وصوت عالي:تي كيييف ما إلقيتوهاش تي بسررررررعة دوروا عليها مرة ثانية
محسن:هدي ياقيصر خيرك
قيصر:تي كيف تبيني نهدأ وأختي عند شادي الكلب
محسن:تو انراقبوا تليفونك ونعرفوا وين مكانه
قيصر:بسرعة يامحسن هذا الكلب خطير ومرات يديرللها حاجة
.
.
فتحت سارة عيونها ومش حاسة بشي نهائيا وجت بتنوض ماقدرتش شافت روحها لقت دبشها امشرك إذكرت شادي شن دار معاها
وبهستيريا:لا مستحيل ياربي كابوس يطلع لااااااااااااا اااااااه اه اه اه ياااااااربيييييي لااااااااا
وبدت تبكي وتعيط وتخبش في روحها
😢😭
شادي:عطيني سعر كويس البضاعة يلي عندي سمحة
؟؟؟:مستعملة ولا اااا
شادي:هههههههههه مرة وحدة بس
؟؟؟:هههههههه كويس ههههههه
.
.
روح قيصر للحوش وهو مهموم وخايف
أم قيصر:وين سارة
ولاء:مانعلمش ع اساس مروحة للحوش من بكري
تنهد بضيق والتوتر واضح عليه
أم قيصر:إنت جيت وين أختك
قيصر:سارة
أم قيصر:ايه مانا من وينها المفروض مروحة معاك
رن رن رت
قيصر:ألو
شادي :شن الجو
تعابير وجه تغيرت للعصبية
أم قيصر:خيرك
شادي:ههههههه تعرف اليوم استمتعت هلبا بأختك
انقولك شن كانت اتقول
-لااااااا وخر عني ماتمسنيش لاااا
كانت تنادي عليك تنقدها ياقيصر
قيصر خلاص رجليه مش رفعنه والنار في عيونه تكدح
شادي:مش مصدق ااه اسمع راجي
وثواني قيصر اسمع سارة وهي تعيط بقوة عياط نين حتى أن قيصر سمعاته عياط نين يهز البدن ويقشعرة...
قيصر بصوت عالي:شااااااااااادييييييييييي
أم قيصر حطت يديها ع فمها وشهقت:س ا ر ة
نزلت سراب تجري هي وولاء
سراب:شن في
-قيصر كلمني
أم قيصر:وين سارة قووول خيرها هكي اتعيط
قيصر:أمي سارة اا اا
ولاء:قوووول خيرها
قيصر:أنخطفت
أم قيصر:شني
ولاء شهقت وسراب تشبح بإستغراب
سراب:ومن يلي خطفها
قيصر خدي تليفونه وطلع يجري
سراب:قيصر وقف
ومشي قيصر وماوقف
أم قيصر ت تبكي وخايفة
سراب:روقي ياعمتي أكيدة قيصر ا...
ولاء بدموع:كل منك ومن راجلك تي خلو عنا الزفت خلاص عيينا منكم ماسلكناش بواحد ناض جاب مرته
سراب:شن تقولي انت واعية ع روحك
ولاء:واعية ونعرف روحي شن انقول إنت وجهك فقر ع أول ماخشيتي للحوش قلبتيه وتهبي في دماغ سارة علينا تهنيتي توا ياعقرب صار يلي تبيه
أم قيصر تبكي:بنيتي سارة جيبولي سارة
.
.
محسن:قيصر لقيت شادي نبعتلك عنوان المكان وتعالى ماتتعطلش
قيصر بإندفاع:تمام
.
.
؟؟؟؟:ههههههههههه ههههههههههه
أحمد:خيرك تضحك
؟؟؟:ماتوقعتك اتديرها
أحمد:وليش ما إنديرها ودرتها وتم
؟؟؟:ههههههههه وووه هكي عجبتني إنت تقدر اتدير يلي تبيه توا
أحمد:هههههههه والله ماخطرت في بالي في الأول وهكي بحركة وحدة اقدرت انجيب كل شي لإسمي
؟؟؟؟:أحمد هات يلي قلتلك عليه
أحمد:شن تبي فيه باه
؟؟؟؟:عندي حساب منصفيه
أحمد:هاك ورد بالك اتجيبني في الخلطة
؟؟؟:هههههههه هااااي
.
.
سوسن:يلا باي اليوم فوتت محاضرتين
فهد:مش خسارة فيا
سوسن:حي ع الغرور
فهد :باي انحبك
سوسن:وأني انحبك
فهد:ماتنسيش تتصلي
سوسن:مانيش جاية غدوة تريح
فهد:انهاارك
ضحكت ومشت..
.
.
محسن:تي هيا وينك ياقيصر
قيصر:اهو وصلت
محسن:بسرعة أبصر وين بيرفعوها
قيصر:لالا يامحسن رد بالك يتحركوا
محسن:مش حيتحرك حد إلا ع جتثي إنت غير سقد
سكر قيصر الخط وصب كل تركيزه ع السواقه
.
.
محسن يراقب في شادي ونفرين معاه ثانيين
شوي وطلعوا سارة بدبشها المشروك وحالتها البائسة
فتح محسن عيونه بصدمة وعرف إن أخت صاحبه معتدي عليها لف وجهه:شن درت ياشادي شن درت ياكلب
سارة:اطلقووووني ااااااه
شادي:شدها زين
؟؟؟؟:والله صدقت البضاعة سمحه
شادي:هذا من دوقك
وركبوها في السيارة وسلموا ع بعضهم وعطي ال؟؟؟الفلوس لشادي
محسن:لا ياشادي وصلت بيك لهنا ياتافه
والتفت:تي وينك ياقيصر وينك
-مافيش كان حل واحد
سحب سلاحه وقدملهم:وقفوا
شادي سحب سلاحه والراجل الثاني شح اسلاحه
محسن:سلموا رواحكم المكان محاصر
شادي:محسسن ليك وحشة
محسن:وحش ياكلك ياكلب
-ردوا البنت وإلا
شادي:وإلا شنو
محسن:رد البنت ياشادي إنت ماتعرفش قيصر
شادي:يد قيصر طولت هلبا وأني قصتهله شوف حالة كيف خليتها هههههههههههههههههههه
هو قتل فادي بلا رحمة وأني مندير فيه أحرف من هكي شوف الفلوس حصلت فيها ألفين دينار
وصل قيصر ونزل من السيارة وسحب سلاحه
إلتفت محسن إبتسم وألتفت لشادي:ريت موتك جاك ياشادي
شادي بعصبية:مستحيل انخليه يشدني مستحيل
طلق محسن رصاصة ع شادي جت في جنبه
جي الراجل يجري طلق ع محسن جت في قلبه
قيصر وهو يجري وبصوت عالي:محسن لاااااا
طب الراجل شادي ودخله في السيارة وطلع خط
جي يجري قيصر لمحسن:محسن نوض
محسن والدم معبي المكان وبصوت متقطع:ألحق أختك ياقيصر إمشي ما اتدورنيش
قيصر:أسكت إنت تنزف هلبا
محسن:إمشي ياقيصر أختك كح كح كح
قيصر:قلتلك أسسكت الطلقة جت في قلبك الزززح
محسن:اح اح اح أختك ااااه أختك الكلب شادي إغتصبها وتوا ماشي بيبيعها قلتلك إمشي
قيصر نين طاح المسدس من يده بلا شعور:ششن قلت اغتصبها
محسن:اييه الكلب باعها اااااااااه اح اح باعها بألفين بعد ما....إمشي ما إدورنيش أهم حاجة الشرف ياصاحبي ماترحماش هذا طلبي منك ماترحماااش
اااااااه نوض ألحقهم
وقف قيصر سيارة وطلب من صاحبها يرفع محسن للمستشفى وركب سيارته وفات خط ومش ناوي الخير ايه اغتصب أخته وفتحت جهنم بيبانها ليك ياشادي ...
.
.
يتبع....
#بقلم_رحيق_الفجر🕊🕊
