آسفة ع التأخير بس الظروف... قبل مش منزلتها لكن قلت تو تستنن فيها ماحبيتش نحبطكن🥰🥰🥰🥰
#رواية_حب_بعد_ورطة
الحل{8}قة...
قيصر بتهديد:ماعاش تعاودها وإتبعني يكون أحسنلك
محسن سكت ماعنده مايقول...
حط قيصر يده على يد الباب ومحسن إمشي
فتح قيصر الباب وخش لفتتله نظره كيف راقدة والشاش على راسها وكيف واخدة صورة جميلة..قرب منها وقعمز جنبها على الكرسي وكأنه يرسم في ملامحها في باله
فتحت عيونها وتلقاه فوقها كشرت وجهها ودموعها بينزلن عرفها قيصر مرعوبة منه
سراب مهسترة:وسع عني ماتمسنيش وخر عنييي
قيصر:سراب
سراب بدت إتعلي في صوتها بالشوية:قلتلك وخر عني وخر عنييييي يانااااااااس
حط يده على فمها بيسكتها:قلتلك أسكتي
سراب:اممممممممممممممممممم
قيصر بحدة:شن ريتي مني هذي البداية بس هذا تمهيد للدرس ماخشيناش في الموضوع المطلوب مازال صدقيني
سراب تبرم في راسها يمين يسار:اممممممممممم
نين عيونها دمعن وقيصر مازال مسكرللها فمها
ويهدد فيها بملامح قاسية حادة:أني مادرت شي وهسترتي مانا كان إندير كيف هههههههههههه
وفجأة أغمى عليها من جديد والدموع قاعدات في عيونها
حول يده من عليها وقعد ينوض فيها لكن ماردتش عليه..طلع يجري للدكتورة...نادها خشت الدكتورة وقعدت تفحص فيها...
طلعتله الدكتورة بعد.عشر دقايق
قيصر:شن فيها
الدكتورة:مافي شي يخوف حاليا لكن رد بالك منها وماتخليهاش تتوتر زيادة لأنها مش حتتحمل ومرات اتخش في إنهيار عصبي يعني خليها بعيدة عن كل شي يوتر ويقلق..
قعد سارح في تفكيره وفي خاطره:طلعتي مش قوية كيف منكمل باقي يلي بديت فيه
-تس وإنت خيرك رايف عليها وكان جاها انهيار هذا يلي نبيه بالضبط أني..
إبتسم بخبث على جنب نين الدكتورة أنصدمت وفي خاطرها:معقولة هذا راجلها خيرا يضحك
ومشت من جنبه الدكتورة..(( لكن الأهم هل فعلا هذا يلي يبيه قيصر لسراب ولا الوقت هو يلي يخليه يغير رايه))
.
.
ومن المستشفى لحوش قيصر..
أم قيصر:من البنت هذي شن قصتها أني مش مصدقة يلي اشبحته
أحمد:لا صدقي لأن كلنا اشبحنا نفس الشي ياحنة
بو قيصر:لوين وصل روحه هالولد معقولة
أم قيصر :اشبح شن في من وراها هالبنت
ولاء:أكيدة ضحية المسكينة
بو قيصر تنهد وقعد يلح
أم قيصر بخوف:تعالى رجب إنت قالك الدكتور ماتتوترش تعالى
رفعت أم قيصر رجب لداره يتريح..
ولاء:مرتشي وقلنا باهي فاسد وهضمناها لكن المرة هذي خش عالقوي
أحمد:فاسد شن بيطلع منه يعني
سارة:تعرفوا حالتكم ميؤووس منها منمشي نقرا حرفين على عمري خير من كلامكم المستفز
أحمد بتنرفز:نقرة في نص جبهتك
عجبت عليه سارة وفاتت
أحمد:حيوانة
وشد تليفونه وطلع وسارة قعمزت على التليفزون..
**ومن حوش قيصر للمستشفى**
مقعمزة سوسن برا من الحجرة إتراجي في سفيان وطارق وتراجي في الدكتور بيش يشوف حالة أمها
خطم فهد يلي كاين مروح وحب يقعمز جنبها
سوسن بإستغراب:إنت
فهد:لو فيها إزعاج أنوض
سوسن:لا عادي
فهد:اووه كويس
سكتوا شوي...
فهد تحمحم:مش كانوا إثنين شباب معاك هنا وينهم
سوسن:اه تقصد خوتي طارق وسفيان
فهد:ممم
سوسن:ايه مشوا ل....
وسكتت بحزن ونزلت راسها
فهد:شن في خيرك في حاجة نقدر إنساعدك
سوسن:اه لالا صحيت مافي شي غير مشوا تو يجو أصلا إنراجي في الدكتور بيش يعطي امي خروج
فهد:اها وكيف حالها تو
سوسن:مصلحة
سكت فهد وقعد يشبح فيها كيف تواسي في شعرها وتشبح بعيونها يمين يسار تشوف في الدكتور
سوسن:إنت مروح صح
فهد:اه ايه ايه كنت مروح شفتك قلت اندردش معاك انطير الكساد ليك
إبتسمت بمسايرة:اها شكرا
مستغربة كيف مستشفى وفيها مجانين ودكتور نفسي
فهد:اولا أني مش دكتور أني أخصائي نفسي
بضحكة سوسن:ويلي صار أمس و قبل شوي هذا شن انسميه
اضحك فهد:لالاا فاهمة غلطة أني أخصائي عندي يومين على بعضهن في المستشفى في من حالات مش مستعصيات قصدي مايبنش مستشفى مجانين يجوني أني هنا ويستشيروا فيا
سوسن:مافهمتكش
فهد عدل تقعميزته:في أشخاص عندهم حالة نفسية من حاجة معينة لما يشبحوا هالحاجة ولا يسمعوا بيها يديروا في ردة فعل زي المجانين وهم مش مجانين أصلا بس يتفاعلوا زيادة وفي يلي قاعد متعلق بحاحة صارت زمان وماقدرش ينساها فيجوني هنا يلي فايت فيه انحوله للمستشفى المجانين ويلي في أمل منه إنتابع في حالته كل اسبوع فهمتي توا
سوسن:فهمتك
فهد:ويلي صارلك أمس وصار قدامك اليوم تعويجة أمس هاذي هي البنت يلي نحسابك انت
سوسن:قصدك البنت يلي توا يلي ريشت شعرك
فهد:للأسف ايه...نحسابها إنت أمس وقالولي هلها حالتها النفسية بكل زيرو..فقررت نعطيها مهدئ قبل لنشوف حالتها
سوسن:والمهدئ جي فيا
فهد:هههه ايه
سوسن:باه
فهد:طلعت بعد ماعطيتك اليبرة انت اندور في البنت لكن قالولي روحوا بيها اليوم الصبح ردوها ليا وطلعت مش حالتها النفسية
سوسن:شن طلعت
فهد:طلعت حالتها العقلية على أول ماخشت لمكتبي بدت اتنهوش في الحاجات يلي في المكتب وبعدين شفتي شن صار
سوسن بدت تضحك عليه:تمام آسفة بس الموقف يضحك كل ماندكره
فهد:هههه إنت تقري ولا تشتغلي
سوسن:انحضر في الماجستير
فهد:كويس اما تخصص
سوسن:أعصاب
فهد:اووو زي تخصصي وأني انقول ليش البنت المجنونة هدت معاك
سوسن:ايه
وقف فهد وتنهد:على كل معرفة خير وتشرفت بيك
سوسن:وأني أكثر
فهد:نتلاقوا
سوسن:زعما
فهد:مش مصدقة
سوسن:اممم مش عارفة يعني وين منتلاقوا
فهد بحب:كان مقدر لينا نتلاقوا حنتلاقوا وين تعلمي
.......
الدكتورة :وين رافعها
قيصر:مادخلكش وسعي عني
ورفع سراب بين يديه وطلع والدكتورة تجري وراه:حالتها مش كويسة والجرح يلي في راسها يبي اهتمام وين ماشي بيها
وقف قيصر وإلتفت للدكتورة بحدة وتهديد:آخر مرة نتكلم بأدب قلت ماخصك وسسسعي
خافت الدكتورة ووخرت وهو كمل مشي بملامح الجمود وهي بين يديه غايبة عن الوعي اتقول حمامة بين يدين جارح..🦅🦅
.
.
طارق:ياراجل عييت خلينا نمشوا للمركز
سفيان:هذا يلي بيصير
مشوا للمركز يلي رئيسه قيصر😱😱لكن قيصر مش فاضي لاهي بي سراب..
خش سفيان ولقي محسن يلي هو صاحب قيصر ونائبه...
محسن:تفضل
سفيان:نبي انقدم بلاغ
محسن:تفضل قعمز
سفيان:بلاغ عن شنو
محسن:عندي أختي ليها خمس ساعات مهناش ولا إتصلت ودورنا عليها مافيش فايدة
محسن:آخر مكان كانت فيه
سفيان:المستشفى كنا جميع طلعت قالتلي تو انولي وماعاد ولت
محسن:تو شن منقولك مانقدرش اندير شي نين تفوت 24ساعة إنت خلي بياناتها عند كريم وخلي رقم تليفونك وأني حنتصل بيك
سفيان:شكرا
ومشوا بيعطوا البيانات...
.
.
أم سراب ناضت بنبرة ألم وهمس:سسسوسن
قفزت سوسن وجتها تجري:أمي
أم سراب:وين خوتك
سوسن بتوتر:اه تو يجوا تو يجوا
أم سراب:إنت داسة عليا شي
سوسن ارتبكت وماعاد عرفت شن اترد خش الدكتور وقص عليهم
سوسن:أهلييين دكتور
الدكتور:اعلين سامحوني عن التأخير
سوسن:ولا يهمك
قعد الدكتور يفحص في أم سراب وام سراب تشبح لسوسن
الدكتور:أمورها تمام تقدري ترفعيها للحوش لكن قبل لترفعيها خليني نوصفلكم أدوية
سوسن:تمام
.
.
حطها على سريره وغطاها وطلع سكر الباب عليها بالمفتاح ونزل
بو قيصر:وين ماشي تعالى هنا تسحاب روحك في فندق
قيصر غمض عيونه وضغط علة سنونه:شن تبي
أم قيصر:شني شن نبو تعالى فهمنا شن يلي شبحناه امبكري
قيصر ببرود:وشن شبحتوا
أحمد بسخرية:هههه لا ما إشبحنا شي
فنص فيه قيصر تفنيصة رداته حجمه..
بو قيصر:كيف شن اشبحنا البنت يلي نزلت بيها تجرس شن قصتها
قيصر سكت
بو قيصر:ماتسكتش جاوب ولا خاطفها
قيصر:وأنت شن يهمك خاطفها ولا لا
بو قيصر بصوت عالي:كيف شن يهمني هذا ااااا
وفجأة جاته نوبه ربو جاته تجري سارة وأم قيصر
قدمله قيصر ورفعه لي داره حطه على سريره
ووخر.. قدمت أمه وعطاته البخاخة
إسرح قيصر وإذكر شن صار من ست شهور(جاته زي الشريط مر قدامه)وقطع هالشريط امه شداته من يده ونزلاته تحت واجتمعوا كلهم
ام قيصر بعصبية:تو إتفهمني شن هالمهزلة ومش حتمشي من هنا إلا لما اتقولي وغصب عنك
كمش يديه وبعصبية:إيييييه أني خطفتها تعرفوا ليش خطفتها لأنها وقفت قدامي ونقدت صاحبتها مني فخليها تاكل مايجيها على راسها
الكل مصدوميين 😧😧😧مش مصدقين ولا مستعوبين شي..
قيصر غير نبيرة صوته للتهديد:مافيش حد يدخل في قيصر
أحمد:إنت كيف تهدد عيلتك على خاطر وحدة إمسخة أشبح من وين جايبها
ومايحس أحمد إلا بيدين قيصر على رقبته بقوة
قيصر:تعرف مازال اتقول عليها هكي نقتلك ونقبرك ومافيش حد يعلم بيك ألزم حدودك فهمت..
أم قيصر بنبرة خوف:إطلق خوك ياقيصر إطلقه
فنص فيه من فوق لتحت بعصبية ودفه بقوة
وبصوت عالي:مافيش حد يدخل في حياتي أقسم بالله حتندموا كلكم..
وخر قيصر وهو يفنص فيهم وركب لداره..
قعمزت أمه وبدت تبكي
وأحمد وولاء طبعا زي كل مرة مش معدلين وكل واحد خش لداره
سارة بدموع:شن صارله خيره هكي ولى
ام قيصر:والله ماني عارفة مش عارفة شن صارله
مشي قيصر لداره وأول مافتح الباب وخش ومايحس إلا بحاجة خشت في كتفه
قيصر بألم:اااااااا
وفاتت بتهرب ويشدها من يدها ويسحبها بقوة نين جت مقعمزة على السرير...فتح الضي وشح المقص من كتفه ورماه...وسراب ميته خوف ومش مصدقة كيف المقص خش في كتفه ومادارله شي وما أترش فيه حتى شوي
قيصر ببرود مختلط بألم:شكلها صحتك كويسة
سراب بحدة والكره في عيونها:وإنت شن دخلك طلعني من هنا أحسن لك
قيصر:وقاعدة اتهددي شكلك ماشعفتيش
سراب:كان المفروض اندخله في نص قلبك وأنريح الناس من شرك طلعني من هنا
إبتسم بخبث:كويس نضتي في الأول نسحابك وحدة ضعيفة وحتستسلمي من أول مرة
سراب والكره واضح في عيونها نار والعة
قيصر قدم بملامح الصخر والدم طالع من سوريته:نزلي عيونك
حطت يديها على بعضهن وبتحدي زادت فتحت عيونها بكره أكثر
لفتتله نظره بعيونها العسليات الناريات مع إن التعب والسواد يلي تحت عيونها والألم والخوف واضح عليها إلا أنها تحاول تغطيه قدامه وبدال مايعطيها كف قدملها وقرب منها أكثر لدرجة نفسه في وجهها
سراب كمشت يديها من الخوف:وخررر عني
ورفع يده ومزقلها كم سوريتها
سراب فتحت فمها ونزلن دموعها وقعد يقدم وهي توخر بخوف وصوت يرعش:لا وخر عني ماتمسنيش
طاحت على السرير ويرفع رجله عليه ويحط يده على كتفها الثاني
وهي تعيط بصوت مبحوح:ساااااعدووووني لااااااا
وهو مستمتع بالموقف ويبتسم بخبث وماعدلش على وجعها يلي ع شكل عياط
ويمزقلها كمها الثاني لتعيط هي بصوت نين سمعوها كل يلي في الحوش
وبعدها أغمى عليها من جيد وخر عنها وهو مصدوم حس بحاجة خشت قلبه وخلاته يقول:أني شن درت فيها
وقعد يشبح كيف خلاها بالحالة هذي دبشها ممزوق ووجها متورم وشفايفها بيض وجسمها أصفر أبيض
هو مامسهاش بسوء ولا تعدى عليها لكن خلاها إتقول متعدي عليها...
قدملها بجنون وأندفاع وقعد ينوض فيها وإذكر كلام الدكتورة وزاد فتح عيونه وخاف
طلع يجري لقي سارة وأمه في الدروج
شهت أمه وأخته لما إلقن كتفه دم
سارة:قيصر كتفك
قيصر يخوف:غيروللها دبشها منجيب الدكتورة ومنجي
وطلع جري((اما كتف واما دم في اللحظة هذي المهم عنده سراب البنت يلي خلاته يجري ولا يندري))
ركبن يجرن وخشن لقن منظرها يرثى له
أم قيصر:ربي يهديك ياولدي
سارة:أمي منجيبلها دبش من عندي وأنجي
أم قيصر:بسرعة
قعدت إتلود وخايفة تشبح في سراب الملاك الراقد
خشت سارة بدبش وغيرللها
سارة:اشبح شن قصتها المسكينة
أم قيصر:باين عليها محترمة وبنت عيلة
سارة:اكيدة عيلتها أتدور فيها
.
.
عندنا عيلة سراب يلي طلعت أمها من المستشفى ووصلت للحوش لكن مابطلتش سؤال عن سراب
ام سراب بألم:ووين أختكم ماشفتهاش
سفيان:ايه كانت جنبك وإنت راقدة غير اتصلوا بيها من المستشفى وطلعت
طارق:هاك دواك
أم سراب بعدم إرتياح:متأكدين مافي شي
سوسن:مافي شي غير هودي دواك بيش تشربي الحليب
غمز سفيان لطارق وطلعوا
طارق:شن صار ما أتصلش
سفيان:لا والمشكلة أمي كان تعلم مش حتتحمل
طارق:مش عارف وينها وين بتمشي الزفت فسخت خطوبتها وإختفت زعما هربت مع ....
سفيان:أسكت ما تكملش سراب مستحيل أتديرها
طارق:تي والله حالة أتخلي بشكطي سمايل يندب
.
.
قيصر:هنا
خشت الدكتورة وطلعت سارة وام قيصر وقيصر برا
أم قيصر:شن تفسرلي هذا...بوك مش حيتحمل راه
قيصر يلود وأول مرة يخاف هكي وعرف إن فات حده ووصل لأعلى مراتب الحقارة والقساوة معاها
سارة تشبحله وعرفاته خايف عليها وهمس لأمها:امي مش وقته بعدين
ام قيصر:كيف جايبلي بنت مش عارفة شن أصلها ومن عيلتها ومع هذا ريتي شن مداير فيها
طلعت الدكتورة ووقفت قدام قيصر:أني شن قلتلك إمبكري مش قلتلك ماتوترهاش تفضل هي... أعصابها تاعبة راعيها ماتخليهاش تخاف وتتوتر هكي مرات تخسرها
اسمع كلمة تخسرها ماتحملش اتقول خدوا منه حاجة وعفويا:أسكتييي وماقلتلكش عطيني نصايح إنت بس خليها إتنوض ومادخلكش في الباقي..
سارة:قيصر شن صارلك روق
تنهد قيصر وخش لي سراب..
وصلت سارة الدكتورة لبرا وتأسفت منها على تصرف خوها
ولاء:سارة
سارة:شن تبي
ولاء:خيره خوك
سارة:ماخيره شي ولو تحبي تعرفي شوفي بروحك
ولاء:ننننننن اقلبي وجهك فاضية حتى أني
.
.
أم قيصر:ياولدي رد البنت لعيلتها هي غلطت وإنت عاقبتها خلاص ياولدي
قيصر بتهديد ووعيد:على جثتي تطلع سراب من هنا ولو واحد فيكم جرب يطلعها حتطلع روحه من جسمه قبل لتخطي خطوة من العتبة
خافت امه من ردة فعله وسكتت وفي خاطرها:أول مرة نشبح قيصر هكي
طلعت أم قيصر وقدمت سارة حطت يدها على خوها يلي يشبح في سراب بشفقة
سارة:ماتخافش عليها
قيصر بهدوء:ومن قالك خايف
سارة:أنت ماقلتش لكن تصرفاتك وردة فعلك قالت هلبا كلام
فنص فيها على جنب
سارة:ماتشبحش فيا هكي واضح عليك ومن عيونك ياقيصر
وبعدين ابتسمت:وأخيرا قيصر لقاها وأخيرا
قيصر:لقيت من وسعي عني
سارة:تقدر تكدب عليا لكن على روحك مستحيل منقولك كلمتين قيصر في حياته ما إهتم ببنت ولا خاف على بنت زي ماخفت توا على سراب
بو قيصر:سااااارةة
سارة:فكر في كلامي وراجع روحك
وطلعت تجري...
قعد يشبح في سراب وسرحان ويذكر كيف اول لقاء بينهم وكيف كانت مش خايفة منه وكيف هي البنت الوحيدة من بين كل البنات يلي مالفتهاش قيصر لا من ناحية جماله ولا من ناحية فلوسه
.
بو قيصر:شن قال قيصر
سارة:إنت عارفه صح
بو قيصر تنهد بحزن..
سارة:بوي ماتفكرش في الموضوع
بو قيصر:كيف ما إنفكرش فيه جايبلي بنت الناس وزيادة خاطفها
سارة:شاكه فيه يحبها
بو قيصر:شني
سارة:إيه أنت فكر فيها شوي عمره قيصر مادخل بنت للحوش ولا رفعها للمستشفيات كان أني ولا ولاء وباقي البنات يلعب معاهن يوم ويرميهن
تدكر البنت يلي طاحت قدام المستشفى وقتها قيصر تخطاها وخش ماباش يعدل عليها واليوم سراب خلاته يرفعها للمستشفى ويجيبلها الدكتورة وخلاته يتوتر
بو قيصر:وين تبي توصلي لخبطي فيتي
سارة:يلي نبي انقوله خلوه على حاله هي وياه
ام قيصر خشت وبإندفاع:شن تقولي انت خوك غالط غلط كبير
سارة:عارفاته غالط يا أمي غير أسمعوني زين
شكلها البنت متحدية قيصر ومعانداته وقيصر يبي وحدة كيف سراب وحدة ماتسكتش ع حقها وحدة توري قيصر حجمه الطبيعي
بو قيصر وأم قيصر يشبحوا في سارة ومستغربين
من كلامها
سارة:إنتم خلو قيصر مع سراب وماتكلموشي ولا تعارضوه
ام قيصر:مرات يديرلها حاجة
سارة:مستحيل كان بيدير حاجة راهو دارها قديش ليه هو يحبها واضح غير مدايرلي فيها بروسلي
صدقوني سراب هي البنت يلي حتغير قيصر لأن كل مازادت قسوة قيصر زاد تمرد سراب عليه وهكي أحسن لقيصر لأن حيطر يدير حاجات ترضي سراب وحيستغنى على حاجات كان يدير فيهن بيش سراب تتريح
أم.قيصر:ايه والله عندك حق
بو قيصر:باهي شن دنب البنت المسكينة قيصر وحش
سارة:هي حتتحمل هلبا حاجات وحتصبر على هلبا لكن شكلها من النوع يلي مايستسلم والنوع يلي مايستسلمش بتكون بنت عيلة وناس ومربية وإحني مستحقين لبنت زيها
بو قيصر:باهي كان ماحبتاش
ام قيصر:ماكثر أسئلتك يارجب
سارة:من البنت يلي ماتتمنى قيصر حتحبه صدقني في عوايد كويسة في قيصر ماتغيرنش فيه وبسببهن حتحبه سراب المسألة مسألة وقت انتم غير سايروه
.......
وبعد هالنقاش الطويل وافق بو وام قيصر على فكرة سارة وإنهم مش حيوقفوا قدام قيصر ويخلوه مع سراب ويخلوا كل شي ع النصيب...
.
.
ومن حوش قيصر لحوش سراب
أم سراب: وين أختك خيرها تعطلت
سوسن بتوتر:اه خيرك تسألي عنها إنت عارفتها وعارفة طبيعة المستشفيات
أم سراب بألم:عارفة لكن المرة هذي مش متريحة
انحس فيكم داسين عليا حاجة حتى خوتك قبل يبصروا في وسط الحوش لكن توا وينهم مهناك حد
سوسن:يمي مافي شي إنت مكبرة القصة سفيان برا مع جارنا يهدرز وطارق ساهرين جماعته عنده وسراب في أي وقت اتخش هاك دواك توا
ام سراب:ايه هذا فيش فالحة كان في الدواء اتغريلي فيه
سوسن بهمس:شن منديرلك
سفيان:خيرا ما إتصلش
طارق:قلتلك أني خلينا نمشوله
سفيان:غير اصبر سويعة ثانية
طارق:تي أختك من الصبح مهناش ومان صارتلها حاجة وأمك مابطلتش سؤال عليها
سفيان:أمي حلها عندي نعرف كيف انسكتها على الأقل نين نلقوا سراب
.
.
رن رن رن
طلع قيصر برا وشد التليفون:ها يامحسن
محسن بإندفاع:تريحت توا مابطلتش نين حطينا في مشكلة
قيصر ببرود:مرة وحدة في حياتك جيب خبر كويس قول
محسن:لما تبطل مشاكل إنجيبلك خبر كويس
قيصر بحدة:شن في
محسن:البنت يلي خطفتها اليوم إنفتح محضر على خاطرها
قيصر:ومن فتحه
محسن:خوتها
قيصر:شكلهم يبوا طريحة تانية...تو نتصرف
محسن:كيف بتتصرف ترا وخوتها يراجوا في إتصال مني..قيصر رد البنت لعيلتها
تنرفز وبحدة:مستحيل أنردها ولو ع رقبتي الحاجة يلي تخش في حوش قيصر ماعاش تطلع
محسن:شن تسحابه مكيف ولا تليفزون هذي بنت وعندها أهل
قيصر بصوت عالي:سكررر فمك ورد بالك مازال أتقولي ردها سكر وتو نلقى حل انسكت خوتها
سكر محسن وهو متنرفز حامق خايف وقيصر تنهد ومسح جبهته..
.
.
وهي مغمضة عيونها جي في وذنها صوت قيصر
قيصر:شن مازال إنت ما إشبحتي شي مني هذي البداية بس حياتك ليا أني وحنخليها جحيم هههههه
قفزت مقعمزة والعرق يصب من وجهها وتتنفس بضيق وبقوة شبحت يمين ويسار وبعدين حطت يديها على جسمها وبدت إتشوف في دبشها مستغربة من يلي غيرللها وفجأة إذكرت كيف شركلها سوريتها وحاول يغتصبها وقطع تفكيرها دخول قيصر للدار
ولقاها تبكي وتشبح في روحها...
شبحت قيصر خش للدار وبخوف وهلع وقفت على السرير وبهستيريا:وخر عني ماتقدمش ساعدوووني وخررررر لااااااااااا
. يتبع...
.
محمد:أختكم إتحبه هذا عليش هربت معاااه
ويعطيه طارق كف...
.
.
أم سراب :شنهووووو😱😱
سوسن:أميييييي
.
.
سارة:كيف تبيها توثق فيك وشن متوقع منها يلي عيشتها فيه هاليومين يخليها تكرهك طول عمرها
.
.
سفيان:وإحني يلي قالبييين عليك الدنيا فوقي لوطي حتى نومنا مش زي الناس وإنت طلعتي ....
#بقلمي_رحيق_الفجر🕊🕊
