#رواية_حب_بعد_ورطة
الحل{10}قة...
حط يده على كتفها والنار في عيونها والعة
سفيان:ماتوقعتها منك ليش إنت الكبيرة والعاقلة
سراب قدمت ودموعها في عيونها:سفيان أني
ويرفع يده بيعطيها كف لكن قيصر( له بالمرصاد)
غمضت سراب عيونها وفتحتهن لقت قيصر شاد يد سفيان عليها قدم قيصر قدام سراب وخلاها وراه ورمي يد سفيان وبحدة وتهديد:يدك ماترفعهاش عليها مرة ثانية فهمت نكسرها من وين مانبتت هذي مرتي مرت القيصر رد بالك تعاودها وتغلط
سراب تشبحله وعيونها مليانات دموع وألم وجروح
من رد فعل خوتها وامها
أم سراب:هكي ربيتك ياسراب هكي علمتك تتزوجي بالدرقة من واحد ضرب خوتك وعيشك خوف وتوا جاي يتفلسف ويعطي محاضرات
سراب بهمس:ااامي
أم سراب بصوت عالي:مش أمك
سراب:😢🤯💔💔
أم سراب:مش أمك عندي ثلاثة صغار سفيان وطارق وسوسن بس وليهم الحق ينادوني أمي أما إنت
وجتها نخصة في قلبها😖😖
الكل:أمي
قدمت سراب بتخش خايفة على أمها
سفيان بصوت عالي:خليييك برا
وقفت سراب وهذي آخر حاجة متوقعتها سراب
سفيان:أرفعوا أمي الداخل
-وإنت خليك برا طول عمرك ماتفكريش تخطي خطوة الداخل فهمتيي توا إقلبي وجهك
سراب بصوت عالي وتبكي:سفيان ما إتديرش هكي فيا أسمعني قبل
ويسكر عليها الباب بقوة وخلاها برا
وقيصر واقف زي الجبل ومش قادر يديرللها شي
إلتفتتله سراب وفقدت توازنها شدها بخوف:سراب شدي حيلك
وركبها في السيارة وروح بيها
(وهذا الهدوء يلي قبل العاصفة...ماعيطت ولا صرخت ولا عاتبت ولا دارت ردة فعل بس الهدوء مخيم عليها))وهذا يلي خوف قيصر وخلاه طول الطريق فكرة تجيبه وفكرة تنقله وخلاه يلوم روحه
وصلوا للحوش ونزلت سراب للجنان لحق وراها قيصر خايف إتدير في روحها حاجة لأنها خسرت عيلتها ع شن مازال عايشة
إلتفتت سراب وبهدوء مخيف لقيصر:خليني بروحي نبي نقعد بروحي
قيصر قعد واقف يشبحلها
سراب بهدوء:مش حنقتل روحي لأني مش ضعيفة شخصيتي ومانبيشكش تروف عليا لأنك السبب في الحالة يلي وصلتها
ومشت قعمزت بين الوردات...
...............
والألم بين ضلوعي يصدر...
أنينا حتى صار قلبي ينحب...
ألما كداءٍ في الجسد ينتشر...
يظل يرهق حامله ويسحب...
هناك روحا في جسدها تتألم...
والكبد بين أحشاءها تتعذب...
هناك مشاعر في فؤادها تصرخ...
وهناك عينان غدت بحرا تسكب...
أحيانا يبقى الصوت أسيرا أبكم...
وأحيانا نبوح والدموع تصحب...
#بقلمي✍✍
#مدونات_رحيق_الفجر🕊🕊
..............
حس بندم وتأنيب ضمير وتنهد بضيق ووخر ماباش يزيد يكلمها ولا يضغط عليها وقعد مقعمز على سيارته يشوف فيها كيف تمسح في دموعها وتحرك في رجليها..
وقعد يدكر فيها من أول لقاء من لما شبحت فيه شبحة تجاهل واستحقار من هذيك الشبحة هي خشت قلبه وعقله لكن خشت في عقله بطريقة غلط
بطريقة إن يبي يوريها وبدال مايوريها حبها💘
وبعد ساعة ناضت سراب مسحت دموعها ولقت قيصر يشبحلها وبهمس:هذا خيرا هنا استغفر الله
ومشت من جنبه وهو لحق وراها هي تمشي وهو يمشي نين وصلت للدار ألتفتتله
سراب يعصبية:خيرك تبي حاجة
قيصر:أنت كويسة
سراب:وإنت شن هامك أنت تبيني هكي صح المفروض تفرح وتحتفل مش جايني وتسأل فيا
دفها وخش للدار سكرها وبإندفاع:ماكنتش نبي نبي هكي
سراب:قلتلك ديما خلي أربع خطوات بيننا
غمض عيونه وتنهد بعصبية وهو ضاغط على سنونه:ماتستفزيش أمي بكلامك سألتك سؤال ردي
سراب أنفجرت فيه:شن تبيييي تعرف تبي تعرف أني انكسرت وحياتي ادمرت ولا تبي تعرف إني قعدت بروحي
وبدموع:ولا تبي تعرف احساسي لما امي وخوتي لزوني... أني إنخبرك...أني مجروحة مقهورة كان عندي كل شي وفي يوم خسرت كل شي الحب الحنان الضحكة كل شي كل شي خسرته
قدم قيصر لكن وخرت سراب وبنبرة مبحوحة:لااا تقدم...ليش تلاقيت بيك ياريتني ماريتك ياريتني مامشيت هذاك اليوم كلهم نبهوني وقالولي ماعاش تساعدي حد لكن ماخديتش الكلام ومشيت للنار الحمرة برجليا
-أول مرة أهلي يحمقوا مني هكي لدرجة لزوني
وبهستيريا طاحت في الوطا وقعد تبكي:قالولي مش اختنا سفيااان لزني اااااااه وامي قاتلي مش بنتي أني مش بنتها أني مش بنتها
قدم قيصر وقعمز قدامها وحط يديه ع كتفها ودفاته:ماتمسنيش كل منك إنت السبب بيش ترضي غرورك وتصلح يلي انكسر منه أني يلي إنكسرت
وقف ع ركبيه وخداها في حضنه بسرعة وبقوة وهي قعدت تخبط فيه ع صدره الصلب وهو ماباش يطلقها ولأول مرة الصخر يبكي لأول مرة قيصر تنزله دمعة على بنت اول مرة بنت تهزه وتكسر حصونه...
ثواني وسراب هدت في حضنه وكأنها جمرة إنطفت في إميه كان ضروري لقيصر يخليها اطلع وتفش غلها لأنها صدمة..
.
.
نولوا بالزمن شوية...
لما قيصر خش بالتليفون لسراب وفتح المكبر وكان في إثنين يعيطوا بصوت عالي وألم وتسحابهم سراب خوتها وإنتم تسحابوه خوتها لكن الموضوع امفبرك من محسن وقيصر بيش سراب اتوافق ع قيصر..
قيصر:كويس شربهم إميه يلي كانوا يعيطوا وعطيهم فلوس
محسن:أني مافهمتش ليش درت هكي
قيصر:إنت تبي خوتها ماعاد يجوك للمركز وأني نبيها تقعد معاي وهكي الموضوع تم
سكر الخط قيصر وابتسم بخبث ونصر وفخر..
.
.نولوا لوقتنا الحاضر وتحديدا في دار قيصر
قيصر يمسح ع شعر سراب ويبوس في راسها ووخر اسند ع السرير وهي واخدها النوم على صدره شافلها وماباش ينوض بيش هاللوحة الفنية ماتنوضش..
قيصر في خاطره:جمال وأدب في بنت وحدة وين كنتي ياسراب... نصيب جاباتك ليا
وبحزن:يلي درته فيك هلبا عليك ياسراب إنت ضحية غروري وعنادي...وعد مني حنعوضك ع كل شي
وقعدت طول الليل راقدة ع صدره وهو شاد يدها ويتأمل فيها...
.
.
صباح اليوم التاني يبدأ في حوش عيلة سراب
الكل طبعا مارقدوش الليلة يلي فاتت وهم مش مصدقين شن دارت سراب
سوسن بعفوية:سرااااب نوضي وق
الكل قعد يشبحلها
أم سراب اللقمة حصلت في رقبتها وطارق وسفيان يفنصوا
سوسن بإرتباك:اس ف ة
سفيان:تعودي على قلتها ورد بالك تعاوديها
-نوضي كان بتمشي لكليتك
-طارق عطي لأمك الدواء بعد نص ساعة
.
.
ومن حوش عيلة سراب لحوش قيصر
زرقت الشمس وجت على عيون سراب فتحت عيونها بكسل وإذكرت انفجارها ع قيصر وبعدين كيف رقدت في حضنه قفزت مخلوعة قعدت إتدور عليه لأنها خايفة يكون فات حده لكن لقاته مهناش وحولت الغطاء لقت دبشها عليها تنهدت بإرتياح
وإنفتح الباب وكانت سارة
سارة:صباح الخير ياعروس
سراب بمسايرة:صباح النور
سارة:هاك دبش دوشي وأنزلي أمي وبوي يراجوا فيك تعرفي بوي أول مرة بعد ست شهور يقعمز معانا ع الفطور هذا كله فرحان بيك
سراب بهدوء:تو انجي
سارة:خيره عيونك منفخات شكلك باكية نين عيانة
سراب إذكرت شن صار أمس مع عيلتها
سارة:هوووي وين سرحتي
سراب:لا قاعدة
سارة:على فكرة أني سارة أخت قيصر آخر العنقود عمري واحد وعشرين سنة
سراب:بالجودة
سارة:اسمك سراب صح
هزت سراب راسها بمعنى ايه
سارة:اسمك حلو مش كيفي أني سموني على جداي الحولة😤😤
سراب:ههههههه🤣🤣جداك عيب
سارة:يسمعني بوي يعلقني مع وداني اصلا جداي هذي مايحبها حد ياما جرت في جرتنا بالزقية في عز القايلة هذا المعنى الحقيقي لكلمة عزوز القايلة🤣
سراب:هههه عطك السلامة عيب والله
سارة:تمام انخليك اتدوشي
نزلت سارة وخشت سراب للحمام دوشت وطلعت وقعدت اتجفف في شعرها على خشت قيصر في يده التليفون:يامحسن يامحسن مش سكرناها القضية المعفنة هذي
سراب جمدت في مكانها تشبحله
وقيصر وماأدراك ماقيصر قيصر نسي إنه محسن ع الخط من اللوحة الفنية يلي قدامه
سراب لابسة سروال أسوظ وبلوزة كم توصل لفوق ركبتها بيضه فيها كلمة انجليزية بالأبيض
أما عن قيصر لابس بدلته الشرطة طالع شخصية (ياعن فيته😱🔥)
قيصر يشبح في سراب نين عقدها
محسن بصوت عالي:قيصر
انخلع قيصر:خير فيتك
سراب لمت شعرها وطلعت تجري
محسن:تي وينك
قيصر:إندور فيه الملف سكر ساعة وانكون في المركز
حط التليفون في جيبه بعد ماسكر الخط:اووف معقولة هذي مرتي
وإبتسم ع جنب وقعد يدور في الملف
نزلت سراب وناضتلها أم قيصر سلمت عليها وعرفتها على رجب وسلمت عليه سراب وقعمزتها جنبها
سارة:شن تاكلي
سراب:عادي سو سواء
رجب:شن حالك يابنتي
سراب:بخير عمي
رجب:سامحينا يابنتي الظروف وقيصر وا
سراب من داخل مخنوقة مش متعودة متعودة ع طارق هو سفيان كيف يتعاركوا وأمها وسوسن كيف يتناقرن لكن غطت هالحزن بإبتسامة:عادي عمي إنتم ماجيتوا في شي
ام قيصر:ماتخافيش يابنتي نعلموا برد فعل أهلك إعتبرينا عيلتك
فتحت فمها سراب:ككيف
أم قيصر:صوتك أمس طالع شوي وا..
-تمام أنسي وكملي فطورك
نزل أحمد وولاء
أحمد:صباااح ال
وقعد يشبح لسراب
ولاء بسخرية:اووه نو
أم قيصر:قعمز خيرك هذي مش برانية
أحمد:أهلين
سراب:أهلين
سارة:الناس تقول صباح الخير
أحمد فنص فيها
ولاء:هااي أني ولاء أخت قيصر للأسف
رجب وأم قيصر وسارة فنصوا فيها
ولاء:اووبس
قعمزوا يفطروا وولاء طول الوقت تشبح في سراب وتعجب عليها
ولاء بخبث:سراب وين أهلك
حست بموس خش في نص قلبها
أم قيصر:احححم
ولاء:ماقلت شي نبي نتعرف عليها
سراب بحزن:أهلي أهلي اااا
ولاء:باهي تمام قوليلي كم فرد في عيلتكم
سراب:عندي أخت وإثنين خوت وأمي
ولاء:وبوك
طيحت الكاشيك من يدها وإذكرت الحريق
الكل قعدوا يشبحوا خيرها طيحت الكاشيك
سراب:آسفة
نزل قيصر ووقف قعد يشوف في مقاضي ربي
ولاء بسخرية:خيرك ما سألتكش على جن أني
أحمد:ايه حق إحني مانعرفوا عنك شي
سارة:خلاااص انت وياها ليش اتقصقصوا
أحمد:مادخلكش سألناها هي
سارة: وإنت شن دخلك سألتها ولاء
ولاء:وانت خيرك اتدافعي عليها خوتك احني راهو
أم قيصر:خلااص تحشموا
رجب:نوض امشي لعملك يافرخ
أحمد:شن قلنالها الزفت مسرع جت وبدي العراك
سراب وقفت والدموع في عيونها
قيصر بصوت عالي:شن هالمهزلة هذي
وقدم يشبح في سراب يلي وجهها مولي أحمر وبتبكي
قيصر فنص في أحمد وولاء وشد يد سراب:تعالي قعمزي
فكت يدها منه وبهمس:مانبيش منمشي للدار
قيصر:ماتعانديش تعالي على الأقل قدام العيلة
شبحتلهم سراب ولقتهم متكهربين فولت مع قيصر وقعمزها جنبه
قيصر بحدة يفنص فيهم
وطلع تليفونه وكتب رسالة..
تيت تيت تيت
طلعت ولاء تليفونها وطلع أحمد تليفونه
وكان مكتوب في الرسالة:ضم فمك إنت وياها وإقلبوا وجوهكم من حداي خير مالمسدس يتكلم ويشوف عمله
مع إن ولاء وأحمد مايحبوش قيصر إلا أنهم يخافوا منه لأنهم عارفين جنونه ووين ينوض عليه الكريط
وناضوا يجروا
سارة إبتسمت وشبحت في قيصر عرفاته..
رجب:كملوا
لكن ولاء وأحمد مافيش كان غبرتهم
أم قيصر:ماتواخدينا ياسراب أحمد وولاء ديما هكي مع سارة
سراب:لا عادي حتى خوتي هكي ديما
شبحلها قيصر وعرف انها قاعدة متأثرة هلبا
رجب:ايه قوليلي كيف قيصر معاك
قيصر فنص في بوه
رجب:خيرك اتفنص تعال كولني
قيصر:شكلك شبعت
رجب:نوض لمركزك عندي هلبا كلام مع كنتي
سراب شرقت وبدت اتكح قفز قيصر وجابلها اميه
قيصر بحنيه:هاك اشربي
شبحتله سراب وفكتها فك منه وهي تفنص
كمش يديه بغضب من حركتها وشبح لامه وبوه واخته لقوه يشبحوله ب😳😳😳
قيصر:إحم
كملت فطورك
رجب:ايه
وقف قيصر ومشي لبوه رفعه ونقله لداره وطبعا سراب متفاجئة ماتحساباش مشلول
سارة:هياا نوضي
سراب:وين
سارة:قيصر خلالك فلوس بيش تشري دبش
سراب:لا شكرا
سارة:كيف لا ماعندكش ماتلبسي ولا حبيتي دبشي
سراب :ااا
أم قيصر:لا يسراب مايصيرش هكي بري ماعندك شي تلبسيه بري وبعدين قيصر راجلك توا بغض النظر ع مشاعرك تجاهه لكن من واجبه كزوجك يعطيك يلي تطلبيه
سراب في خاطرها:طلبت حريتي وماعطاهاش ليا
شدت سارة يدها ورفعتها:هيييااا فكينا من الجو
قيصر نزل وقعد يدور في مفاتيحه ولقي سارة محتكة هلبا بسراب ابتسم وبعدها ناداها
سارة جاته:هااا
سراب شبحتله ونفخت بكره
قيصر رفع صبعه السبابة بتهديد:ردي بالك اتخبريها عني شي بدات ع زمان ويلي صار فيه فهمتي
هزت سارة راسها
سراب من بعيد:خزي حتى أخته يهدد فيها حياته كلها تهديد ومشاكل
سارة:هيا سراب أركبي في السيارة
سراب:أركبي من قدام انت راه
سارة:لا والله ماني
سراب:ليش
سارة:حلوة هذي ليش انت يلي مرته أني ماشية مرافق بس
سراب:وراس سارة أركبي من قدام فكيني منه
سارة:والله انخليك تمشي بروحك معاه وانخليه ياخدلك هو
سراب ركبت وبالسيف ماتبيش غير أصرت عليها أمه
طلع قيصر من الحوش ولبس النظارة السوة يلي برزت وسامته وشخصيته القوية قعدت سراب تشبحله لفت نظرها كيف طالع يجنن
سارة:احم احم
سراب صحصحت وبدت تشبح للجهة الثانية
سارة:ياعيني عالحب
ركب السيارة واستغرب سراب من قدام :ابصر شن بيصير
سارة:مابتش اتخليني نركب من قدام
سراب شهقت:ياكدابة
ابتسم قيصر وولع السيارة:المهم من قدام
وفي نص الطريق
سارة:وووم مللل حطولنا أغاني
فتح قيصر أغنية عصام الطويل:
-حبك تاعبني تاعبني شيبلي راسي مرمطني
سراب ركبت فيها نار وبدت تتقلب في الكرسي وتفنص
ابتسم قيصر بخبث وغير الأغنية وحط واحد يقول:
في قلبي غلاك أنحطه... في قلبي غلاك أنحطه
في قلبي غلاك أنحطة...يابطبوطة يا أحلى بطة
وشبح قيصر فيها وقعد يرفع في حواجبه
مدت سراب يدها وغيرت وجت أغنية كاظم الساهر
أحبيني بلا عقدي وضيعي في خطو....
طفت سراب الأغنية وشبحت لقيصر لقاته مشمت ويبتسم
سراب:حقير
.
.
ومن سراب لسوسن في الكلية
سوسن:شن تقولي إنت غيروا الدكتور
جميلة:ايه ونقلوا المحاضرة من الأولى للثانية
سوسن:استغفر الله
جميلة:تعالي مش تبي محاضرة أمس
سوسن:اييه حقا تعالي
وخشن للقاعة وبدت تكتب
سوسن إذكرت أختها ووقفت وسرحت
جميلة:خيرك.وقفتي
سوسن:ااه لا شي
وفجأة خشن البنات يجارن في القاعة
سوسن:شن فيي
البنت:يهبببل يهببببل
جميلة:منووو
البنت:قعمزي قعمزي الدكتور الجديد
سوسن:تي فوتيهن هذين تاعبات تعالي هذي شني الكلمة
خش الدكتور ويلي هو فهد😍😍 عرفتوه صح🤣
جميلة:ياناري مايهبل
سوسن تكتب ومابتش ترفع راسها:غير راك تهبلي بس
فهد:شن الجو صبايا
والصبايا🤤🤤🤤🤤😍😍😍
فهد اضحك على ملامحهن:اها تمام كويس
وشبح طالبة مش معدلة عليه تكتب وغاطسة
جميلة تنخص فيها:يشبح فيييك قيمي راسك
سوسن:تي حلي عني وكان يشبح مانيش نين انكمل والله
القاعة سكتت كلها وقعد التركيز ع سوسن
سوسن في خاطرها:خيرهم سكتوا...والله ماني رافعة راسي نين انكمل
قعدت تنخص في جميلة:خيركم سكتوا جميلة
جميلة:🥶🥶🥶
وعفست على رجل لكن مش رجل جميلة
سوسن بهمس:فرخة جميلة وينك
نزل فهد راسه وقعد يشبح مع سوسن في المذكرة
استغربت سوسن خيرا جميلة شعرها زي الولد
رفعت نص عين بتشوف وتلقاه فهد يشوف معاها
سوسن انخلعت ووقفزت بصوت عالي:اااااااا
وحطت يدها على قلبها
فهد إفرح لما اشبحها:أنت
سوسن وهي تتنفس بسرعة:إنت ماختشتش بيا المرة يلي فاتت بتجلطني توا
كل البناويت يشبحن في بعضهن ويتغامزن في بعضهن
فهد بجدية:المفروض لما يخش دكتور المادة تردي السلام والتحية ولا ماعلموكش أهلك هكي
سوسن زرطتها لأنه دكتور المادة
قعد يضحك عليها عرفها حامقة بتطربق
فهد:يلا طالبات خلونا نبدوا من وين ماوقف الدكتور الأول
طبعا أني دكتوركم الجديد فهد منمشي معاكم السنة هذي كلها لأن الدكتور الأول خدي إجازة علمية
سوسن بهمس:ننننن
فهد:ياطالبة من غادي اسمعتك....انكملوا
سوسن انصدمت كيف سمعها
وقعد يشرح وكل ماتجي عينه في عين سوسن يبتسم وسوسن تعجب عليه والطالبات التانيات مش الدرس نهائيا 🤤🤤😍😍
فهد:إنت ياطالبة
جميلة:أني
فهد:لالا يلي جنبك
جميلة نخصت سوسن:عليك اشبحي
سوسن:شن في
فهد:شن أعراض المرض النفسي
سوسن يخبث وثقة:أستاذ إنت بروحك كتلة أمراض نفسية
الكل:هاهاهاهاهاهااهاها
فهد:اسكتووو
الكل🤐🤐
فهد:وقفي
سوسن وقفت
فهد:أطلعي من المحاضرة
خدت شنتطها وطلعت
سوسن شبحتله على جنب نين قعد سارح فيها
ونين قربعت الباب
سوسن:واحد كلب خزي لزني قدام الطالبات
-ماهو حتى إنت تستاهلي ياسوسن كان ضروري تتكلمي
اااااااه لحقني حتى هنا المسخ
.
.
ومن سوسن انولوا لسراب يلي في السوق مع سارة ومافيش حاجة يلي ماشرنها
سارة:عيييت
سراب سرحانة في تفكيرها
سارة:سرااااب
سراب:هااا
سارة:تعالي نشربوا حاجة عطشت
سراب:كان بتمشي بري تلقيني مقعمزة في المنتزه
سارة:ع راحتك
قعمزت سراب وبدت تتفرج ع الصغار كيف يلعبوا
وسرحت وفي خاطرها:شن حياتك ياسراب توا حياتك بلا معنى اتقول كلمة في الهامش يارب صبرني ماعاد نتحمل أني شن مدايرة في حياتي نين تعاقب فيا هكي
وقطع حبل أفكارها يد إنحطت على كتفها قفزت سراب متفاجئة مصدومة:إنت..
.
.
ومن سراب لحوش قيصر
رجب:تريحتلها البنت
أم قيصر:حتى أني
رجب:زعما تقدر اتغير قيصر
أم قيصر:ليش السؤال
رجب:لأني لاحظت عليها امبكري تفنص فيه وزي يلي مش طايقاته
أم قيصر:ههههه هذا الكره يلي يسبق الحب يارجب
إنت ماشفتهاش كيف تتكلم معاه وتتعارك معاه حتى أحمد يخاف من قيصر أما سراب ماخافت منه بكل
رجب:زعما ربي استجاب لما دعينا لقيصر يرزقه ببنت حلال
أم قيصر:أني متأكدة إنه استجاب والوقت هو يلي يثبث حتشوف سراب كيف بتخلي قيصر وترده زي قبل وأحسن
رجب:آمييين والله خايف من قيصر يديرلها حاجة
أم قيصر:قلتلك ماتخافش هو يحبها كان هذا ليش تزوجها وليش أمس قعد واقف وراها برا واليوم عطاها اميه مستحيل قيصر يصب اهتمامه بحد إلا لما في حاجة كبيرة من وراء هالإهتمام..
رجب:أن شاء الله قيصر انظلم هلبا هلبااااا ويلي صار من ست شهور خلاه بالقسوة هذي لدرجة خوته كرهوه...
.
.
ومن حوش قيصر لقيصر في العمل..
قيصر بعصبية لوح الملف:تي كيف يطلعووو
محسن:طلعوا بكفالة
قيصر:وكيف الوزير يوافق
محسن:لعند توا ماجبتش دليل يدينهم فالحبس يخشوله ويطلعوا عادي جدا
قيصر:باهي شن صار فلوس البضاعة متاع صاحبنا
محسن:كان تبطل عملك شريف ليش توسخ فيه
قيصر بحدة:مادخلكش فاهم
الشرطي:واحد بعتلك الشنطة هذي
ابتسم قيصر وشبح في محسن:جماعتي ماينسوش حصتي بكل
-حطها هنا
محسن تنهد بأسف:ربي يهديك
قيصر:اسمع اتصل بالكلب كريم قوله يبعث يلي اتفقنا عليه كان هذا ياكل مايجي على راسه
الشرطي:حاضر
رفع الشنطة وطلع...
.
.
في مكان ما...
شادي:طلعنا يافادي وغصبا ع الشرطي الكلب
فادي:بتفوتها ياشادي
شادي:مش شادي يلي يفوت وتفوته حاجة دباره عندي
فادي:مش حتقدره هو خبيث
شادي:ومن قالك منجيه هو
وشبحوا في بعضهم وقعدوا يتضاحكوا بصوت عالي والدخان إمعبي المكان ومعاه السكير..
.
. يتبع...
#بقلمي_رحيق_الفجر🕊🕊
