#حب_بعد_ورطة
#الجزء{2}من الحل{37}قة..
#والآخيرة...❤
نزل قيصر يجري وقاعد في دبشه النوم
أم قيصر:وييين قيصر
لكن قيصر طلع بدون مايتكلم كلهم استغربوه خيره هكي طلع يجري مستعجل
رجب:خيره قيصر ياسراب
سراب:والله مانعلم بيه ياعمي؟؟
وفي خاطرها:إن شاء الله خير
وهو يسوق في السيارة:ألو عبدو
.
.
محمد:هاهاهاهاهاهاها أحمد طحت في يديا من بيخلصك مني توا تعرف شن مندير فيكم شردتوني ياكلاب
أحمد:تفي ع وجهك يلي ماتتحشم فك يديا كانك راجل تو اتشوف التشريد ع أصوله
ويعطيه كف ع وجهه
احمد.بصوت عالي:اااااااا فك يديااااا يامحمد ياجبان
محمد:هههههههه شن تبي انفك يديك
ويعطيه بوكس ع خده وركله برجله طيح الكرسي بيه
احمد:اااه
محمد:صدقني مازال ماشبعتش فيك غير يجي خوك غير يجيبلي وراق التنازل بس تو تشوفوا كيف اللعب ع أصوله
محمد بصوت عالي:شباب
خشوا في المستودع اربع شباب طول وعرض
محمد:حكوله جلده شوي
هههههههههه
أحمد زمجر بغضب وقعد يتحرك يبي يفك روحه
.
.
سارة:أمي منمشي مع عصام
أم قيصر:وين
سارة:لحوشه بيعرفني ع عيلته
أم قيصر:بروحك؟؟
رجب:خيرك يامرا هذا عصام ولدنا ومنا وفينا خايفة عليها منه
أم قيصر:مش هكي قصدي
رجب:بري بري يابنتي وسلميلي ع عصام وقوليله داسلك طريحة زي هذيك الطريحة
سلمت سارة ع بوها:شكرا بابا
وطلت فرحانة...
سراب:دانا
دانا:نعم
سراب:شن صار في قيصر في غيابي
دانا:تغير هلبا من الشركة للحوش ومن الحوش للشركة مداير روحه قوي قدامنا لكن في الليل ولما بروحه في الدار يعلم بيه ربي هو قبل يجي هنا ويولي يبي يتبث إن قيصر مايكسره حد لكن الحق هو مكسور من داخل تقدري اتقولي إن قيصر تعلم هلبا حاجات من بعدك واولهم الصبر
تنهدت سراب بضيق:هو يلي جبرني اندير هكي ماخلالي خيار
دانا:سراب إنت ماكرهتيشي صح
سراب سكتت وأبتسمت بحزن...
سارة:باي يابنات
سراب:سلمينا ع عصام
دانا:راك تنفلتي يابنت
سارة:حسد هذا
سراب:غير عليش
سارة إلتفتت:إنت بتكملي الإعتصام ع قيصر ودانا مش قادرة تتقرب من احمد
سراب:عدي ياخامرة إمشي
دانا:مانواخدكش إنواخد يلي واخد عقلك 😎
سارة:هههه باي😌
سراب:ع فكرة شن يلي بينك وبين أحمد ها الأيام علاقتكم متطورة نظرات وجو
دانا:بصراحة ياسراب
سراب:ايه تكلمي
دانا عدلت تقعميزتها:مش عارفة لما انشوفه هكي قلبي يقعد يدق في مكانه ويجيني شعور غريب كل مايقرب مني أول مرة يصير معاي هكي
سراب:باهي هو ماقالك شي
دانا:أعترفلي أول آمس إنه يحبني لكن
سراب بإندفاع:لكن شنو
دانا:لكن وهو سكران مايعلمش بروحه
سراب:هههههه
دانا:ليش الضحك
سراب:شكلك ماتتفرجي ع افلام ومسلسلات
في حكمة استنتجها من الافلام والمسلسلات إن لما يكون الشخص سكران ويبدأ يعترف ويتكلم تأكدي إن هالكلام طالع من القلب وأنه حقيقي لأن لما العقل في غيبوبة القلب بيستغل الفرصة وبي بوح بيلي يشعر ويحس فيه
دانا:واو المفروض يحطوك كاتبة ترا نوضي انقولك سكران والسكران مايعلمش ع روحه شن يخرف
سراب:باهي حاضر ديري كلامي هذا خراف لكن صدقيني إعتراف أحمد مزبوط والأيام هي يلي تثبت
دانا😑😑
سراب:باهي خلينا من هالكلام إنت شن شعورك تجاه أحمد
دانا إبتسمت:ولا مرة في حياتي جربت انحب حد كان كل إهتمامي دراستي وهدفي نتخرج من كلية القانون بإمتياز كل البنات يلي في عمري مدايرات حبيب أما بالنسبة ليا كان شي تافه الحب بالنسبة ليا تافه لعند ماتلاقيت بأحمد مع إن الظروف يلي تلاقينا فيها إتخليني نكرهه ونجتنبه لكن فيه حاجة خلتني نتقرب بدال مانتباعد وهالحاجة جمعت بيني وبينه اكثر من مرة وخلتنا أصدقاء وقربتنا من بعض وا..
سراب:و شنو كملي ليش سكتي
دانا تنهدت بحب:أو بالأحرى خلتني انحبه مش عارفة لو كان يبادلني نفس الشعور ولا لا لكن حبيته وخلاص مع إنه صعب الطبع لكن الطفل يلي داخله ويلي اول مرة نشبحه فيه أول أمس أكدلي إن أحمد إنسان كويس وقلبه طيب وهذا يلي خلاني إنحبه
ايه إنحبه ياسراب
سراب:عطك السلامة يادانا
دانا:شن في خيرك ؟؟
سراب:وشاعرة صرتي حبك لأحمد خلاك شاعرة
صدقيني إنت بنت طيبة وتحبي تساعدي غيرك وأكيدة حيعطيك ربي ع قيس نيتك ومتأكدة إن أحمد يحبك هو صح طبعه صعب لكن من يقدر يقاوم هالعيون السود ههههه
دانا:هههه
.
.
عصام:عمتي حادة الطبع وصعبة شوي ردي بالك
وإنت تتكلمي
سارة بتوتر:لالا روح بيا
عصام:ههه خيرك خايفة
سارة:خايفة عمتك مانعجبها وتبعدني عنك
شد يدها وباسها:مافيش حد يفرقنا أني انحبك ومستحيل نسيبك وبعدين هي عمتي مش شريرة وساحرة لحتى اتدير هكي
سارة ضحكت:آسفة مش قصدي
عصام:هي إنزلي أكيدة اتراجي فينا
سارة:خايفة
عصام:عليش الخوف أني معاك ولا مش واثقة فيا
سارة:لا واثقة فيك
عصام:عطيني يدك باه
حطت يدها في يد عصام ونزلت
فتح عصام الباب وخش
عصام:تعالي خشي
-عمتي ياعمتي
قدمت عمة عصام :اهلين عصام
عصام:عمتي سارة
عمة عصام بدت اتشوف في سارة من فوق لتحت بحدة
سارة متوترة:السلام عليكم كيف حالك
عمة عصام شبحت في يديهم كيف شادين في بعضهم سارة نفضت يدها من عصام متحشمة مرتبكة
عصام قعد يضحك عليها
عمة عصام:أهليين خشي تعالي
سارة تشبح في عصام
عصام:إمشي معاها ههههه
نزلت رفيف وزياد:بابا بابا
عصام:خيركم
رفيف:كلمه خدي لعبتي
زياد:كسرتلي سيارتي
رفيف:كداب
عصام:عيب إنت وياه
-تعالوا معاي
زياد:مانيش ماشي
عمة عصام:أهلك يندروا بيك جاية هنا
سارة بإرتباك:اايه
عمة عصام:وليش متوترة
سارة:لللا شي
عمة عصام:اممم
سارة العرق يصب من وجهها من التوتر
عصام:حاضر ياسي زياد حاضر غير تعالى هاذي سارة
سارة شبحت في رفيف وزياد إبتسمت وحطت فنجان القهوة ع الطاولة
سارة:تعالوا
عصام:قدموا لخالتكم سارة
قدم زياد ورفيف وباستهم سارة وسلمت عليهم
وعمة عصام اتشوف فيها واتراقب
زياد:بابا هذي ماما
عمة عصام:لا ياولد تحشم
عصام تنهد بضيق وحزن
سارة إبتسمت وقدمت لزياد:حبيبي أني مش ماما لكن عادي ناديني بي يلي تبيه
زياد:إنت البنت يلي تليفون بابا صح
سارة شبحت في عصام مستغربة
إلتفت زياد:هي يابابا صح
عصام ابتسم:ايه هي وإنت ماتنسى شي بكل
زياد:خلاص من اليوم حناديك ماما
باساته سارة وحضناته:ياعمري إنت
رفيف:وأني
سارة:ياروحي تعالي
عمة عصام بدت تشبح في عصام وفي سارة
عصام:تمام ياولاد إمشوا كان بتلعبوا نبي نتكلم مع عمتكم شوي
رفيف زياد:حاضر
ومشوا وهم يشبحوا وتشبحلهم سارة
عمة عصام:إنت اتحبي في الصغار
سارة بإندفاع:إيه وهلبا انموت فيهم
عمة عصام بحدة:جاوبي بي إيه ولا لا مش تحكيلي قصة حياتك
عصام قعد يضحك وسارة استهزبت وفنصت في عصام
.
.
وصل قيصر للمكان يلي فيه أحمد ونزل ومعاه ورقة التنازل
محمد:وآخيرا وصلت
قيصر إلتفت وراه:عرفتك إنت لأن الحقارة ماتجيش إلا منك
محمد:شكرا ماقلتلكش أوصفني
-شبااااب دخلوه الداخل وقيموا بالواجب نتمنى ماخبربت حد ولا إلعبت بديلك
قيصر بحدة:نمشي بروحي نحي يدك
وإلتفت قيصر وقعد يمشي من بينهم بثقة وعدم وخوف
خش الداخل ولقي أحمد طايح تحت بالكرسي المربوط فيه ووجهه كله دم
قيصر قدم يجري بخوف:أحمد أحمد نوض تسمع فيا
أحمد فتح عيونه وقعد يكح
قيصر فكه وسنده قعمزه زين:أحمد
أحمد إبتسم وبألم:إنت جيت ياقيصر
قيصر:ايه جيت كيف ما إنجيش
محمد:شفت خوك ولا جيب الورق
احمد:ماتعطيه شي يا قيصر
وقف قيصر الفوق وكمش يديه بي غل والنار راكبه فيه
محمد من بعيد خايف من قيصر:شباب
قدموا الشباب ومش شباب هم تيران😁💪
قيصر واقف بحدة وزي الجبل ومارفله جفن منهم
قدموا الشباب وفجأة ومن مكان مجهول وشخص مجهول قعد يطلق في رصاص ع رجل الثيران الاربعة
محمد لبد وراء الطاولة:شن في شن صااااير
الشباب كل واحد طاح وقعد يتألم:ااااااه اااااااه
تخطاهم قيصر بثقة وإبتسامة النصر ع وجهه أحمد وقف مستغرب من قيصر ومن يلي صار
وقف قيصر فوق محمد محمد رفع راسه بخوف
قيصر:تبي الورقة اااه نوض خودها
وبصوت عالي :نوووض خودهاااا
محمد من الخلعة والخوف وقف😨😨
قيصر مد الورقة لمحمد بمعنى خودها
مد يده محمد بياخد الورقة لكن قيصر مزقها بين أربع أجزاء ورماهن وإلتفت قعمز ع الكرسي وحط رجل ع رجل
محمد زي المهبول نزل وشد الورق وقعد يشوف فيهن :ليش هكي ليييش
أحمد وقف وجي جنب قيصر وهو شاد بطنه يتألم
قيصر:مع إنك محامي لكن أحمر منك وأغبى منك مافيش تلعب عليا أني تلعب ع قيصر تحسابني نرضع في صبعي ولا إنسيت أني كنت شرطي ودماغ الشرطي قاعد يخدم وعارف لما بتاخد الورقة متاع التنازل شن بتدير وخديت احتياطي وتوا من بيحزك مني
احمد يشبح في قيصر بإبتسامة فخر وحب
محمد شبح في الباب يلي مفتوح وناض يجري بيهرب لكن يلي وقفه الرصاص خبط جنبه في الباب
وخر محمد بعد ماطلقها عيطة وطاح تحت جي مقعمز🥶😨
احمد قعد يشوف يمين يسار فوق تحت يدور في الرصاص من وين يجي
قيصر:جرب أطلع من هنا وشوف جسمك كيف بي يولي زي الكسكاس
محمد بصوت عالي وخوف:شن تبي مني
خلاص خوك هوا حداك مافيه شي خليني نمشي
وقف قيصر وقدم لمحمد شده من شعره
محمد بألم:ااااااه
قيصر وهو ضاغط ع سنونه:قلتلي مافيه شي شوف وجهه كيف مولي شوووف
محمد يبكي:آسف سامحني
قيصر:وين منصرف أمها آسف أني
-قلتلي آسف ااه تو انوريك
وبدي فيه ضرب بونيات ع ركل بالرجلين
قيصر وخر وهو داهش ومحمد مش قادر ينوض وكيف بينوض وغل قيصر العنيف تفرغ فيه
وبصوت عالي قيصر حاد:احمد تعالى خود حقك
وخر قيصر وقدم احمد ومحمد قعد يزحف ويترجى:سامحوني احمد سامحني
أحمد:السماح هلباااا وتمرغد فيه
وبدي فيه طريحة:تلعب مع ولاد رجب ياتافه شوف روحك وين وصلت ومع من علقت
خود هاك ياكلب ياحيوان
قدم قيصر وشد أحمد من يده بمعنى وقف ساد
وخر أحمد وهو يتمايل..
حط قيصر رجله ع صدر محمد:هاذي نهاية كل كلب زيك ويلي درته في ولاء حتاخده في الحبس صدقني ع علقتك معانا حتتمنى الموت وماتلاقيه وكل ماتفكر عذابك كمل كل ماحيبدأ من جديد أيامك سود يامحمد
إلتفت قيصر ويخش احمد في حضنه يحضنه بقوة ويقعد يبكي
قيصر انصدم وقعد رافع يديه الفوق ماعاد عرف يبادله الحضن ولا لا مش مصدق شي
أحمد:سامحني ياقيصر آسف سامحني ماعرفتش قيمتك ما إحترمتك ماقدرتك وكنت ديما نجرح فيك بكلامي واليوم إقتنعت إنك تخاف علينا والفلوس ماتهمكش وإنك اتضحي بروحك ع خاطرنا أني واحد كلب وحمار خديت وقت طويل بيش نفهمك
ووخر احمد بدموع:وتوا يلي بتديره فيا اني قابل بيه حتى كان بتقتلني أقتل حسدي وحقدي عليك عموني وصحبتي مع الكلب محمد زادت الطين بله
قيصر:أنت نادم
احمد بإندفاع:منموت من الندم
قيصر:عقابي ليك يا أحمد حتنظف الحوش وتمسح وأي حاجة انقولها ليك اتديرها وانت ساكت
احمد شد يد قيصر:اي حاجة منك قابل بيها
أبتسم قيصر وحضن احمد بقوة:مستحيل اندير فيك هكي انت مش عبد عندي انت خوي من لحمي ودمي ويلي درته فيا انسيته من زمان تعرف ليش لأنك خوي الصغير وعارف طبعك ولأن الصغار يغلطوا فالكبار ديما يسامحوا
احمد اضحك وحضن قيصر بقوة:انحبك ياقيصر
وفجأة انطلق رصاص تحت رجلين أحمد وقيصر احمد خاف ولبد وراء قيصر
قيصر:ههههههههه ساد ياعبدو مش بوبجي إحني
طلع عبدو وقعد يضحك🤣🤣
أحمد:إنت يلي ؟؟
عبدو:ايه اني يلي؟؟
-بالله ياقيصر لما ينخطف حد من عيلتك ديما خبرني
استمعت هلبا💪😀
احمد:ايه قاعدين ع مدمتك إحني
قيصر:ارفع هالكلب إرميه في الحبس خله يتعفن
عبدو:تبو شي تاني
قيصر:لا شكرا عبدو تعبتك معاي
عبدو:ولو إحني في الخدمة ياقيصر
-هي سلامات
أحمد:وهذوما يلي مطرحين هنا
قيصر:تو نتصللهم بإسعاف
-خلينا نمشوا من هنا
احمد:يلا...
.
.
عصام:وهاذي داري اني
خشت سارة وهي فاتحة فمها:تهبل ياصوما أنت يلي مصمم الديكور
عصام قدم:ايه
سارة سرحت في الدكتور وماتحس إلا بيدين عصام ع خصرها
شهقت سارة:عصام تو حد يشوفنا نحي
عصام:خيرك خايفة مش حيجي حد
وحط ذقنه ع كتفها ويديه ع بطنها:ويلي عجباتك هذي حتصير دارنا الخاصة
تشمت سارة وخدودها ولن حمر
حول يديه عصام ووخر وبرمها لعنده ومسح ع شعرها بحب وحنيه
عصام إبتسم:قاعدة خايفة من عمتي
سارة:والله قاعدة نرعش
عصام:اول مرة نعرفك خوافة
سارة:مش كيف هي عمتك ولاني انحبك وخايفة نخسرك خايفة من رايها فيا
عصام بحب وهمس في وذنها:اتحبي فيا للدرجة هذي يافارة
سارة بهمس:واكثر ماتتصور
وقعدوا يشبحوا في بعضهم وقرب منها أكثر وغمضت عيونها ووباسها بوسة خفيفة ع شفايفها
عمة عصام:عصاااام وينكم
شهقت سارة ووخرت خايفة وتعرش
عصام:هههههه حي ع الخوف حي
سارة:نحي من قدامي
وطلعت تجري نزلت وهي تمسح في فمها
عصام تنهد بحب وقعمز...😍😍
عمة عصام:تعرفتي علينا وتعرفتي ع الحوش وصار وقت نسألك أسئلة تتعلق بشخصيتك
سارة في خاطرها:مشيتي فيها ياسارة
عمة عصام:إنت معاي
سارة:ايه ايه معاك🥶🥶
عمة عصام:السؤال الأول
سارة في خاطرها:اتقول في من سيربح المليون
عمة عصام:لو الحوش كله راكبه فيه النار وفي عندك عصام في دار والصغار في دار وثروة عصام كلها في دار في الحالة هذي من أول من إتطلعيه
عصام:شن اتقولي ياعمتي شن هالسؤال
عمة عصام:انت أسكت وماتدخلش
سارة:أكيدة أول من حنطلعه بيكون رفيف وزياد
عصام إنصدم وقعد يشبحلها وعمة عصام أبتسمت بخبث:وليش إخترتي الاولاد وسيبتي عصام والثروة
سارة:لأن عصام كبير وواعي يقدر يطلع ويدبر روحه ورفيف وزياد غاليين ع عصام لا سامح صارتلهم حاجة عصام مش حيتحمل واني مش حنتحمل انشوف عصام زعلان والفلوس ههه الفلوس وسخ ويتعوضن
عصام قعد سارح فيها بحب ويبتسم
عمة عصام:عصام توّ مانخافش عليكم لأنك اخترت البنت يلي تكون ام لصغار أختك وزوجة صالحة ليك إمشي ربي يسعدك معاها ويهنيك
إبتسمت سارة وشافت لعصام وغمزتله..
.
.
سلب احمد سوريته وقعد يشوف في وجهه ع المراية ويحاول يعقم الكدمات يلي ع وجهه لكن مش قادر حتى يوقف لأن يده توجع فيه ومش قادر يتنفس قعمز ع السرير
خشت دانا بعد مافتحت الباب بقوة وعصبية
احمد شهق وتحشم:انت كيف اتخشي عليا هكي
دانا:ع اساس فارقة معاك إنت
احمد حط.يديه ع صدره:إمشي اطلعي كيف تخشي عليا هكي ياهمي
دانا قدمت وفكت منه المعقم والقطن الطبي
أحمد:شن اديري
دانا:مش شايف وجهك كيف مولي خريطة
أحمد:هاتي تو انعقم بروحي
دانا بحدة وخوف:لا شن تسحاب روحك حتى عليش أنخطفت ومن يلي خطفك ماخبرتنا وتوا مش قادر حتى ترفع يدك
أحمد سرح فيها وبدت دانا اتعقم في وجهه وتنفخ فيه بيش مايحرقاش وهو ذايب فيها
دانا:ضربوك هلبا صح
احمد هز راسه بمعنى ايه
دانا بإندفاع:وإنت خيرك مادافعتش ع روحك
احمد بصوت عالي:تي ماهو رابطين يديا
دانا:ااسفة نسيت
وقعدت اتعقمله وكملت ووقفت بتطلع شدها من يدها احمد ووقف
أحمد:دانا
دانا إلتفتت وشافت لي أحمد إذكرت لما باسها تحشمت ونزلت عيونها وبإرتباك:شن تبي
أحمد:نبي انقولك حاجة قديش ليا نبي انقولك ماجت الفرصة
طق طق طق
شهقت دانا وشبحت في الباب
سارة وسراب وام قيصر جايات بيطمنن ع احمد
دانا:حي ياحي وين منمشي تو يشوفني يبدن يلقحن
احمد.يضحك عليها كيف اتلود ومتوترة
دانا:شن تشبحلي
سارة:احمد حي ولا ميت
احمد:شوية بس
-خشي تحت السرير
دانا:ايه فكرة
وخشت تحت السرير وفتح احمد الباب وخشن
ام قيصر:كيف حالك توا
أحمد:كويس
سارة:ليش طولت ومافتحت الباب
احمد:اااه كنت في الحمام
سارة:صدقتك
-اندور في دانا ما إلقيتهاش وين مشت
دانا بهمس تحت السرير:حيوانة الفرخة هذي
احمد:إحم سراب
سراب:نعم
أحمد:مش عارف كيف منبدا ولا من وين نبدا لكن يلي منقوله أني أني ااااه
سراب:ولا يهمك أن مسامحاتك اصلا إنت زي خوتي وخوتي مانزلعش منهم المهم ندمت وعرفت غلطك
أحمد:شكرا سراب
اااااااتشييي(دانا عطست🤣)
احمد:اح اح اح.اح
سارة:هذي عطسة ولا كحة مافهمتش
أحمد:إمشي من هنا إنت خيرلك
سارة😌😌😅😈
ام قيصر:وتو نقدر انموت وقلبي مرتاح العيلة إلتمت وولى كل شي زي قبل وأحسن
سراب:بعد عمر طويل
أحمد:بعد عمر طويل
سارة:لكن والله حاسة في حد غيرنا في الدار
وقدمت:ومش عارفة وراء الستار في الحمام ولا لا راجي تحت السرير
احمد غمض عيونه
ورفعت الغطاء:دااانا
ام قيصر وسراب يشبحن وتحشمن :ددانا
دانا كان حصلت الأرض إنشقت وبلعتها
دانا بإرتباك:أهلين كنت إندور ع حاجة طايحة وااا وااا
سارة:ااا شني ؟؟
طلعت دانا من تحت السرير وهي متحشمة
احمد:هو بصراحة دانا جت اتشوف فيا وتطمن
واااا
سراب:وااا شني
سارة:ههههههههه
دانا خبطت سارة ع ظهرها:حيوانة تو إتشوفي
وطلعت تجري متحشمة وكلهم قعدوا يضحكوا وأحمد يبتسم متحشم☺️☺️
.
.
قيصر:إيه عبدو ديرله اللازم نبي نسمع تولويله لهنا
نبي إنربي فيه كل واحد يتجرأ ينعت عيلة رجب بصبعه
رجب:قيصر
إلتفت قيصر وشبح بوه جاي بالكرسي :بوي إنت ليش جيت هنا بروحك وكان طحت
رجب:قلقت من الدار وقلت نطلع شوية
قيصر قدمله:شبحت أحمد يابوي
رجب إبتسم:ايه جاني قبل شوي واستسمحني الباين وآخيرا منشوف عيلتي متجمعة
قيصر:ايه يابوي وآخيرا
وبهمس:لكن في حد قاعد زعلان
رجب:ااه
قيصر:لا شي هي تنزل تحت وقت الغدي تو
رجب:يلا
طق طق طق
سارة:أني منفتح
فتحت الباب :سعاااد؟؟
أحمد:خشي ياسعاد
سعاد خشت
أحمد:ياجماعة أني اتصلت بسعاد ومن اليوم حتولي تخدم وبكرامتها وبمرتب أعلى من يلي كانت تاخد فيه
أم قيصر:زين مادرت ياولدي
سعاد:شكرا سيد أحمد
أحمد:لا عاد إتناديني سيد أحمد قوليلي أحمد بس
سعاد:حاضر
نزل قيصر بوه :اها سعاد هما
سعاد بفرح:سيد قيصر؟؟
-كيف حالك
قيصر:كويس مليح
أحمد:هكي مش عدل راه الواضح إنك اتحبي في قيصر أكثر مني
الكل:هههه
سعاد:لا والله ماصارت وصراحة كنت نتمنى يجي اليوم يلي مشكلتك مع قيصر تمتحي وتولوا خوت
أحمد:وآهو جي اليوم ياسعاد ونبو منك عشي مرتب
سعاد:من عيوني
سراب في خاطرها:وآخيرا هالحوش ولت فيه الضحكة والسعادة بعد ماكان شبه دمار ويلي كنت متأمله فيه يتغير الحمد لله تغير وهو يلي جمع العيلة
أم قيصر:ليش تبتسمي
سراب حضنت أم قيصر:لأني وفيت بوعدي ليك عيلتك ولتلك ياعمتي
أم قيصر:ايه شكرا ياسراب ع كل شي مافيش كنة إتدير هكي لعربها واليوم إنت أتبثي إنك مش كنة إنت بنتي شكرا وربي يهني أمك بيك
سراب:العفو هذا واجبي وطول ما أني عايشة مستحيل إنخلي هالعيلة تتفرق
.
.
بعد مرور أسبوعين جي اليوم يلي تستنى فيه سارة وعصام ليلة عرسهم الأجواء في حوش عيلة رجب كويسة أمور منظمة والكل فرحان
خلال الأسبوعين يلي مشن سراب قاعدة معندة وماتبيش اتقول لقيصر مسامحتك مع إنها مقتنعة إنه تغير وإنها قدرت تقتل قيصر القديم بعاداته وطبايعه القدم وخلقت قيصر جديد قيصر زي ماتتمنى يكون.
أما قيصر تعود إنه يحرق دم سراب بحركات رومانسية قليلة أدب زي ما إتقول سراب.
هو مافقدش الأمل منها ومقتنع إن حي يجي يوم وتسامحه تقدروا اتقولوا إنها تعودت إن يحرقلها دمها ومتعايشة وفعلا هي ماتقدرش تزعل منه لكن كل هالإعتصام ع خاطر كرامتها لكن أمتى بتكسر هالكبرياء وبتفك الإعتصام ع قيصر تعالوا خلونا انشوفوا لكن قبل كل شي خلونا نمشوا لعرس عصام وسارة ع فكرة معزومين راه 🤣🤣
.
.
خشت سارة من الباب وعيون كل الضيوف عليها بضحكتها وجمالها يلي ياخد العقل طالعة ملاك تمشي ع الأرض.
طلعت سراب ودانا يلي كل وحدة طالعة أحلى من التانية وتلقن سارة وقعمزنها ع المنصة وإطمنن عليها شن تبي
وفتحوا أغاني وباركوا لي سارة وسلموا عليها
وأم قيصر واقفة جنب رجب يلي الفرح باين عليهم
خش عصام ومعاه خشوا قيصر وأحمد وطارق وسفيان وشوية شباب من الشركة ماتخلى الحفلة من نور حتى هي لأن عصام عازم موظفي الشركة كلهم...
قيصر شبح في سراب وفتح فمه فيها وعيونه قلوب دايب فيها
سراب شبحتلها ورفعت حاجبها عجبت عليه ومشت إتكلم في أم قيصر..
قيصر رفع حواجبه الإثنين ومش حيفوتلها حركتها
قدم عصام وحول الطرحة من ع سارة وقعد سارح فيها قريب ساعة
سارة:شن في
عصام:تهبلي يافارة معقولة الجمال هذا كله ليا
سارة:إحم إحم.
عصام ابتسم وباسها من جبهتها وهمس في وذنها:غير نقعدوا بروحنا بس تو اتشوفي الإحم إحم هذي شن طبعها
سارة تحشمت ونزلت عيونها وبدت تضحك
وقعمزوا ع الكراسي الخاصة بيهم
وعلوا الأغاني مخلطة ع أجنبية ع شعبية مصرية
دانا اتشوف في الضيوف وكاينة لابسة قفطان طويل كلوش لونه فوشي غامق أكمامه طايحات ع أكتافه ومدايرة تسريحة خفيفة وميك خفيف لكن طالعة اتهبل أحمد يتبع فيها بعيونه وقريب بينقز عليها
سراب لابسة قفطان ستريت سمكة فيه ديل طويل مفتوح ظهره ومسكر من قدام بأكمام لونه أحمر وقايمة شعرها الفوق ومنزلة خصلتين عسليات لتبرز عيونها العسليات هذا عليش قيصر فاتح فمه فيها مش قادر يحول عيونه من عليها..
رفيف وزياد يرقصوا وسارة وعصام يشبحولهم ويضحكوا فرحانين
عمة عصام اتهدرز مع أم قيصر والجو فري
ايه طبعا ما إنسيتش طارق ونور يلي عراكهم ولى حب
طارق قرب من نور:شن الجو
نور:انت تستغبى ولا شنو ماهو كنا في الشركة اليوم
طارق:تعرفي فاضي يلي جيت جنبك
نور:خلاص تعالى اسفة عارف لساني إنت
طارق:اه منك ومن لسانك يلي خلاني أنحبك يابنت
نور:تحبني للدرجة هذي
طارق:شن رايك
نور ضحكت
طارق:شينة
نور بحدة:شنهي
طارق بإرتباك:شي شي البنت يلي وراك شينة
نور :وانت خيرك تشبحلها
طارق:من غير قصدي والله وبعدين هي شينة انت أحلى
نور:لا قول حتى أني شينة
طارق:ماقلتش اني
نور:لا قلت
طارق:حرام عليك أمتى قلت
نور:انت ديما هكي نرفزني باهي أقعد فيها
طارق:تي تعالي يانور
سراب:ههههههه هذوما طارق ونور ديما يتعاركوا
دانا:جوهم يضحك ههههه كيف بيتزوجوا هذوما
سراب:خوي طارق مستفز صراحة
أم قيصر:يابنات
سراب دانا:نعم
أم قيصر:سراب إنت أركبي الفوق جيبيلي دواء رجب
سراب:حاضر
أم قيصر:دانا وأنتي شوفيلي سعاد برا بعتتها ع حاجة وماجتش
دانا:حاضر
ألتفتت أم قيصر لأحمد وقيصر وغمزت عينها👍
أحمد:شفت أمك والله خطيرة طلعت
قيصر:هههه حطن الشيطان في شيشة ياوخيي
-برا دير عؤفك وخليني اندير عرفي
احمد:بالتوفيق
قيصر:وليك
.
.
خدت سراب الدواء وطلعت وهي ماشية في المرر
تلاقت بقيصر يلي سحبها من يدها ودخلها للدار
سراب:شن هالحركات يلي اتدير فيهن حول أمك تبي الدواء
قيصر سكر الباب بالمفتاح
سراب:أفتح الباب بسرعة
قيصر:مش فاتح
فتح قيصر الضي
سراب:قيصر مش وقت حركاتك ال..
وشافت الدار لقتها مزينة بالورد ومكتوب ع الباب وع الحيط سوري
سراب وقفت مصدومة وتشبح
قيصر قدم لسراب:سراب سادك زعل لأمتى بتقعدي مقاطعتني شوفي درت هذا كله ع شان كلمة منك بس نبي نسمع منك كلمة مسامحتيني أني تغيرت ياسراب وكله ع خاطرك
سراب تشبح في قيصر وحطت يدها ع بعضهن
طلع قيصر من جيبة خاتم حلو وبسيط وركع قدام سراب
سراب وخرت خطوة متفاجئة
قيصر:سراب تقبلي اتسامحيني وتنسي كل يلي صار ونبدوا صفحة جديدة بدون مشاكل بدون شك بدون زعل
سراب أني إنحبك ووعد مش حنزعلك في حياتي كلها سادك بعد عني إنت أكثر تعرفي بعدك عني شن يديرلي سراب أني آسف لو سمحتي خلاص خديت كل العقاب يلي نستاهله وأكثر مش سادك بعيدة عني شهر كامل
وقعد يشبح في عيونها مباشرة ويتأمل فيها
سراب إلتفتت وبدت تبكي
قيصر:والله عييت ياسراب تعبت تعبتيني معاك ويلي أتديري فيه يقتل فيا في اليوم ألف مرة والله الموت أهون عليا من تجاهلك ليا
إلتفتت سراب وقدمت لقيصر تجري ونزلتله حضناته بقوة وهي تبكي:ما إتقولش هكي بعيد السوء عليك والله مسامحاتك مسامحاتك وانحبك وكبرت في عيني ياقيصر
حضنها بقوة وقعد يبكي:كسرتيني ياسراب والله كسرتيني ماعاد تجافيني هكي وبالطريقة هذي
سراب:كنت نبي انرد كرامتي آسفة ماتوقعت نكسرك هكي
دفن وجهه في رقبتها وقعدوا يبكوا وهم حاضنين بعضهم بإشتياق وحب وآخيرا حاجز الغرور وحرب الكرامة كملت وتواضعوا العشاق ورجعوا لبعضهم
سراب وخرت عن قيصر وشدت وجهها:ماعاش يلي يكسر حبيبي ونور عيوني قيصر
قصير:ربي مايحرمني منك إنحبك ياعمري إنت حيات كلها ماعاد تتباعدي هكي فاهمة
سراب هزت راسها:حاضر
وشد يدها لبسلها الخاتم
ومسح دموعه
سراب ضحكت ومسحت دموعها
قيصر:ليش تضحكي
سراب:اول مرة نشوف حد يتقدم لمرته بخاتم ويتأسف معاه
قيصر:إعتبريني أول واحد
وقف قيصر ووقفت سراب وقربوا من بعضهم بنظرات كلها رومانسية وشوق كبير لبعضهم
قيصر:ع فكرة طالعة تجنني اليوم وربي يستر في يلي بيصير من وراء هالجمال كله
لفت يديها ع رقبته:وشن يلي بيصير
قيصر بخبث :تبي تعرفي
وقرب منها باسها من شفايفها ووخر:هاذي أول حاجة وثاني حاجة بعدين
سراب ضحكت وغرست راسها في حضنه
قيصر:تسلملي المتحشمة
.
.
دانا:سعاااد وينك سعااااد
-وين مشت هذي
لقت أحمد واقف
دانا:احمد؟؟
شن يدير هنا
وقدمت:أحمد
إلتفت أحمد وقعد يشبحلها
دانا:أحمد فيك شي ليش إنت هنا تو
أحمد:مضايق يادانا
دانا قريت:ليش شن فيك قولي
وحطت يدها ع جبهته:انت مريض
أحمد:لا مش مريض
دانا:خوفتني خيرك شن في
أحمد:نبي نعترفلك بحاجة
دانا:قول نسمع فيك
أحمد تنهد:دانا أني إنحب وحدة وإنحبها هلبا
هنا دانا قلبها وقف وحست في قلبها خشله موس
شن صار وليش هكي صار ما أني إنحبك يا أحمد وشن انفسر البوسة هذاك اليوم حركاتك ملامحك وين انكون قريبة منك شن صار من يلي خدت مكاني كل هالأفكار تتجول في ذهن دانا
أحمد:انحبها قديش ليا ونبي انقوللها لكن ماجتش فرصة مناسبة هي بنت طيبة وحنونة وفزاعة وقت الشدة زيك يعني
دانا مش عارفة شن اتدير وقفت متجمدة وخلاص
أحمد:حلوة زيك عيونها سود زيك وشعرها أسود زيك
أحمد إبتسم وعرف دانا مصدومة واتحبه ومش قادرة اتقول ولا اتعبر
أحمد:وتشتغل محامية زيك
هنا دانا شكت في الموضوع وإرتخت وبدت تشبح في أحمد
أحمد:واسمها دانا زيك ولابسة زيك قفطان حلو طالع عليها يجنن وشخصيتها قوية زيك وهي واقفة قدامي زيك
خبطاته دانا بدموع:حيوااان
أحمد:خيرك
دانا دفاته:حقير تافه
أحمد بإستغباء :شن في شن صارلك واقف انفضفضلك
دانا بدت تخبط فيه ع صدره خبطات متكررة:طول عمرك غبي
وبدت تبكي
شدلها أحمد يديها وضمها لصدره وقعد يضحك
دانا:وقفتلي قلبي كان فيك إتقول مباشرة إنحبك يادانا ضروري اترعشني
أحمد:ههههه وإنت شن يهمك او حبيت غير
دانا بصوت عالي:يهمنييي
أحمد:باه ياه وطي صوتك
دانا:يهمنييي فاهم لأني أنحبك حتى أني
أحمد:جديات تتكلمي
دانا وخرت ومسحت دموعها:هو مش واضح عليا
أحمد:امممم
دانا خبطاته ع صدره
أحمد:هههههه
إنحبك يامحاميتي الحلوة إنحبببك
حضناته دانا وحضنها بقوة وحب
وإلتموا وودعوا سارة وعصام يلي مشوا في فندق يقضوا ليلتهم الحلوة..
عصام:وآخيرا بروحنا
نورتي حياتي يافارة
سارة:بوجودك
عصام قدم ورفع سارة بين يديه والباقي🚫😁...
وهكي عشاق حب بعد ورطة إجتمعوا ليكملوا الحب جميع وعيشوا حياتهم بعد كل هالعداب وهالإنتظار
وبعد مرور سنة...
سراب:
أني جبت ولد حليو يجنن في الشكل يشبهلي وفي الطبايع زي بوه قيصر بالزبط اااااه ياربي شكلي منتعب من جديد عنايدي راسه مسكر حتى الرضاعة مش راضي ياخدها
قصي:وااااااع ووووواااا
سراب:أسكت ياهمي
قيصر:حبيبتيييي وين ساعتي وقت ع الشركة
سراب:شوفوا حتى هو واخد تركينة فيا
-قيصر حبيبي الساعة قدام عيونك ع الطاولة
قيصر:ااه لقيتها
سراب:مش قلتلكم حياتي أنقلبت
قصي يبكي:خلااااص ياحياتي خلاااص
قدم قيصر وباس سراب من خدها:باي
سراب:باي حبيبي مفاتيحك
ولى قيصر وخدي المفاتيح وسلم ع قصي وباس سراب من خدها:شكرا حبي
قيصر لقصي:هذا ولدي عنايدي زيي
سراب:باهي يلي مقتنع انك عنايدي
قيصر:باااااي
سراب:لكن تعودت حياتي بلاهم ماليهاش معنى..
إحم طبعا منحكيلكم شن صار خلال هالسنة
دانا وسلفي أحمد خطبوا
وخوي سفيان جاته بنوته حلوة تشبه أمها وأختي سوسن جاها ولد عيونه خضر وأشقر ههه وفهد مش مقتنع إن ولده ولليوم يسأل فيها من وين جاه ولد أشقر هكي هههه مسكينة سوسن ابتلت بمجنون لكن المهم يحبها..
أما طارق ونور تجوزوا الشهر يلي فات وأمي المسكينة اتحز في مشاكلهم يوميا تخيلوا نور قبل بترمي الموس ع طارق وهو بيرمي عليها المزهرية لطف ربي إن سفيان وأمي حزوا المشكلة كان هذا راهو الإثنين في غرفة الإنعاش🤣🤣
حالة والله لكن حتى هم يحبوا بعضهم حب بنكهة الآكشن😅😁
وأما عن عصام وحماتي سارة عايشين حياتهم طول وعرض ومتفاهمين ورفيف وزياد فرحانين إن حيجيهم بيبي عن قريب ايه سارة حامل بالخامس
خلوني انحط قصي رقد وأني نحكيلكم شن صار
ايوا خلوني انغطيه وننزل تحت..
سراب:ايه وشرير القصة محمد كل واحد ظالم حيتلقى عقاب يامن ربي يامن العبد لكن محمد ههه تلقى العقابين في مرة وحدة محمد خسر عمله وخسر كل فلوسه وفوق كل هذا ختش ونقلوه لمستشفى المجانين
-لا تظلموا لا تلعبوا بقلوب وحياة الناس خليكم ديما نيتكم بيضة وصافية ويلي جرحكم غلط فيكم حسبوا عليه الخالق وبس وحتشوفوا كيف ربي ياخد الحق
أم قيصر:ياسعاد
سراب:هاذي عمتي اتوتي مع سعاد في طاولة الفطور
ولاء:لالا مانبيش نتزوج مانبيش
سراب:ايه نسيت هاذي حماتي ولاء تعافت من المرض وتعالجت ورجعتلنا الأسبوع يلي فات الكلبة مغيرة شكلها مولية اتهبل
ولاء:شكرا حبيبتي
سراب:تسلميلي يتقلبي
-ع فكرة كرهت الرجالة وشعفت من محمد يلي لعب بيها وبي مشاعرها وتتعارك هي وعمتي ع خاطر جايها عريس
أحمد:صباح الخير سراب
سراب:صباح النور
كلمت دانا
أحمد:ايه في الطريق
سراب:اها أكيدة مستاحشها
أحمد اضحك تحشم
سراب:تحشم دانا مسافرة ليها ثلاث أيام جلسة محكمة عندها أكيدة استاحشها غايبة عنه ثلاث أيام
ع فكرة ماتوقعتش أحمد يتغير هكي
رجب:شن اتديري عندك ياسراب
سراب: اوبس عمي هذا عمي يراجي فيا يبيني نلعب معاه شطرنج
-شوية ياعمي تو إنجي
قيصر:خليها يابوي بتحكي قصتها
سراب:انت ماشيتش للشركة
قيصر:ماصارليش حبيبتي بتحكي قصتها وأني مش موجود
سراب:هههه تعالى
قيصر:جيت
وباسها ع خدها
سراب:تحشم قدام العيلة
قيصر:احم نسيت روحي
-ماهو شن منديرلك انت اتخلي فيا اندير هكي
سراب:باهي باه الكاميرا والعة
قيصر:جديات
سراب:والله
قيصر:احم
سراب:ههه نتمنى قصتي اتكون عجبتكم ايه ع فكرة بديت مانخافش من النار وقعدت انطيب بدون ما انخاف
قيصر:فالحة هي تكلمي
سراب:ايه هاذي قصة سراب وقيصر يلي مليانة أكشن رعب دراما تشويق إثارة
قيصر:وحب ورومانسية
سراب:ايه وحب ورمانسية
قيصر:أني قيصر العنيف القاسي الوحش كيف ماتسمي فيا الهانم سراب طبعا ماكانش في بالي أن إنحب بكل وحطيتها في راسي نبي ننتقم منها لأنها وقفت في طريقي
سراب:وأني ماكنتش متوقعة انحب جحش اوبس آسفة وحش
قيصر:جحش قلتي باهي باه غير كملي
سراب:ههههه والله آسفة مش قصدي
قيصر:بعدين بعدين
سراب:ههه ع العموم ايه تورطت مع الفرخة نصيب ونقدتها من الوحش القاسي قيصر وبدال ماننقدها تورطت فيه وتربعت في دماغه ومن هذا سميت قصتنا حب بعد ورطة صارن هلبا عقبات وهلبا مشاكل لكن الحمد لله تخطيناهم واليوم مع بعض وعايشين مرتاحين وهذا بفضل حبنا القوي وصبرنا صبري أني تحديدا
-خيرك تشبحلي هكي والله إنت ماعندك صبر
قيصر:تمام كملي كملي تو انوريك
سراب:شن منكمل خلاص المهم شكرا لكل من قري قصتي وتفاعل معاها انحبكم هلبا هلبات.
طبعا استنوا #رحيق_الفجر 🕊🕊
في رواية جديدة شخصيات جديدة قصة جديدة
ربي يحفظكم وهي سلامات هاذي...
#النهاية..
قيصر:كملتي
سراب:ايه
قيصر:تمام
سراب:وين ماشي
قيصر:ههههه منوضلك قصي خلى يقلبها عليك
سراب:لاااااااا وقف بالله لا
قيصر:مش أني جحش وبلا صبر
سراب:قيصر اتنوضه نهارك
-هي طيروا انتم منمشي انشوف هالمجنون هو وولده بهبلوني إنخليكم مع#رحيق_الفجر
.
.
سراب وقفي تليفونك عطك السلامة
المهم هاذي رواية حب بعد ورطة وصلت لنهايتها السعيدة كيف ماطلبتوا..
من أول حلقة نقرا في تعليقاتكم كلها ما اتقولوش ماتقراش فيهم وشكرا لكل من كتب أو بالأحرى كتبت تعليق حلو ربي يحفظكن من تعليقاتكن أني نبدع في كتاباتي ورواياتي الخيالية يلي من خيالي شكرا جزيلا ليكن ولكل من شجعني ع الخاص صراحة في شخص من رواية لعبة منتقم يشجع فيا ويوجه فيا تسلمي حبيبتي ربي يحفظك...
وهذي أكثر رواية تعبت فيها أقسم بالله لدرجة إن قلت منوقفها ماعاد كتبتها لدرجة فعلا وقفتها عليكم وشحورتكم وخليتكم اتدورا فيها فأني نتأسف آسفة جدا وأكيد هالغلط مش حيتكرر في روايات قادمة
بإذن الله..ع فكرة أني مش شرقاوية ولا عندي حد من الشرق أني خمسية الأصل نستعمل في نون النسوة للنسوة وميم الذكور للذكور لأن تخصصي لغة عربية فغصبا عني منراعي الكلام لمن أني انوجه فيه هذا هو بس لكن أني مش شرقاوية للناس يلي تحسابني من الشرق...
هي تحياتي سلامتي وكيف ماقالت سراب
إنتظروني في رواية جدية قصة جديدة شخصيات جديدة مع الكاتبة..
#رحيق_الفجر 🕊🕊
Ťhë Ęnď...
النهاية....
