#رواية_حب_بعد_ورطة
الحل{23}قة...
ودع محمد ولاء وخشت ولاء تجري
محمد ركب سيارته:وحدة غبية تسحابني ميت عليها ههههه راجوني شوي بس لما نوريكم يسحابوني ع عيونهم نتلصق فيهم
-سراب وتي روحك من يلي جاي..😈😈
.
.
تعالت أصوات قيصر وعصام وهم يضحكوا مع سراب أما سارة فمكشرة ومهمومة
عصام:تذكر ياقيصر لما تعاركت أني وياك ع البلايستيشن
قيصر:اييه والنصيب كل مانتعاركوا عمك رجب هذا يحصل علينا وضروري مانحصلوها منه
عصام:ندكره قعدنا اسبوع حارمنا من اللعب نين انبوسوا راس بعض والمشكلة كنا منعدين الإثنين
قيصر:ههههههههههه
سراب حاطة يدها ع ذقنها وسارحة في قيصر كيف يهدرز ومنسجم ويضحك وكان كل مايضحك تضحك معاه وعيونها يلمعن
عصام:عليك أيام
-باهي تذكر لما الفارة في نص الليل طلعت من الحوش وجت لحوشنا
سارة بمسايرة ابتسمت
قيصر:ايييه بكل قلبنا الحوش عليها قلب
عصام:سألتها شن جيبك في نص الليل قالتلي نبيك اتفهمني في مسألة
-ياعنفيتك انت وهالمسألة يلي جاية تلوي عليها في نص الليل
قيصر:ياحي قبل بتاكلها من بوي طريحة خير حزيتها انت
عصام:ههههه ياعليك أيام
قيصر اشبح في سراب لقاها🤤🤤
قيصر ابتسم ع جنب وهز راسه وبعدين سند ظهره ع الكرسي وهمس قريب من وذن سراب بخبث:ما عاش تشبحيلي هكي مش حنتحكم بردة فعلي وإنت عارفتني جريئ هلبا وزيادة
سراب شهقت بقوة وقيصر قدم قعد يكمل في عشاه
عصام:خير صحة صحة
سراب وجهها ولى أحمر:سلمك
عصام:سارة كولي خيرك ماكليتي شي
سارة بمسايرة وهمس:اهو ناكل
سراب:كلا أني الحمد لله سفرة دايمة
ورفعت صونيتها وناضت للمطبخ
عصام:تذكر آخر طريحة من عمي رجب
قيصر:اسكت قاعد ندكر فيها لتو صوت الطوبو قاعد في وذني
عصام:والله حتى أني والله حتى بوي ماضربني هكي
قيصر:تي أمتى اتروح من عندي انت ديما بايت في حوشنا ومقاسمني في كل شي
عصام:ع قلبك نين نموت
قيصر:مسكين حتى قصي مش مخليله شي وكان يشوفك ا...
قيصر اذكر ان قصي مش موجود للأسف
عصام قعد يشبحله بحزن ناض قيصر بعصبية وطلع برا
وقف عصام بيمشي وراه
والمطبخ قريب طبعا وسراب سمعاته لما قال قصي طلعت
سراب:عصااام
عصام:قيصر
سراب:تو نمشيله أني ما اتدوراش
عصام تنهد وقعمز واشبح لسارة لقاها سارحة وتشبح في الفراغ..
.
في الإستراحة متاع عصام في كراسي مصنوعات من النخل وطاولة لقت سراب قيصر حاط رجله على الكرسي ويولع في الدخان بيدخن
جاته ووقفت وراه حضناته من الخلف:ليش الجبل زعلان ومهموم
قيصر تنهد بضيق:مافيا شي
كمل الطرف الأول من الدخان ولوحه وسحب الثاني ولعه وقعد يسحب
سراب وقفت قدامه:قيصر انت شن اتدير
قيصر:سراب حلي عني توا مش رايق
سراب:والعفن هذا هو يلي بيروقك توا
فنص فيها وسكت وقعد يدخن نين كمل الثاني وطلع الثالث وولعه طبعا كل هذا تحت عيون سراب خلاص سراب ماقدرتش تتحمل منظره عيونه من الدخان نين ولن حمر وشفايفه ولن سود فكت منه الدخان ورماته تحت:بتودر روحك بالعفن هذا
قيصر كمش يده بعصبية وبحدة:إتقي شري وإمشي من هنا
قدمت سراب وحطت شدت يديه:قيصر اني مانبيش نفرض عليك حاجة ولا قصدي نتأمر عليك كل يلي نبيه في مصلحتك نبيك اتبطل هالعادة يلي بتضرك وبدال ما اتفرغ عصبيتك في التدخين فضفضلي أني مرتك ومن واجبي إنشاركك المرة قبل الحلوة
في الأول تأثر شوي وبعدين فك يده منها وعطاها بجنبه :مانبيش نجرحك بكلامي ولا بتصرفاتي وقبل لنفقد أعصابي عليك امشي وخليني بروحي
وقفت سراب قدامه وبعصبية:عادي أجرحني وأفقد أعصابك عليا وأضربني حتى الضرب
وحطت يديها ع خدوده ونزلت دمعتها: بتفش غلك فيا فش المهم بطل هالعادة
وحضناته بقوة وحطت راسها ع صدره:عادي راضية بكل شي منك حتى الموت
فتح عيونه ع حدهن ووخرها عنه وبحدة:مازال اتقولي هكي انوريك يدي تنكسر قبل لنمدها عليك ولاعاد اتجيبي الموت على لسانك فاهمة
سراب:باهي كيف تبيني اندير ماخليتليش خيار ولا طريقة انفهمك بيها
قيصر:مايهمنيش المهم تجيبي الموت ماعاد اتحز بيننا فهمتي
وحضنها بقوة وحضناته..
وخر عنها وطلع الدخان من جيبه والولعة ورماهن :وها يلي زعل حبيبتي مني رميته
ابتسمت سراب وباساته ع خده بوسة طويلة خفيفة ووخرت وهي تبتسم
قيصر:الله🤤🤤 لو نزلتي ع الجنب شوي😁😈
خبطاته ع كتفه:ماتكونش طماع
ع فكرة ليش نضت حامق من ع الطاولة
تنهد قيصر وقعمز وقعمزت سراب قدامه وشدت يده
سراب:فضفض أني نسمع فيك
.
.
عصام:سارة
سارة سارحة
حط يده ع كتفها ولا شعوريا سارة قفزت خايفه
عصام:شن فيك خيرك خفتي
سارة بإرتباك:ااه لللا مافيا شي
-اني شبعت..
وناضت خشت لدارها
عصام:سا...تس الخوت نفس بعضهم
ووقف تبعها خش للدار وراها
سارة:خيرك اتبع فيا أطلع
عصام:سارة خيرك
سارة:ماخيرني شي
عصام:متأكدة
سارة:معليشي اتخليني في حالي لو سمحت
عصام مستغرب كيف اسلوبها تغير معاه
سارة تنهدت بضيق وقعمزت ع السرير وحطت يديها ع جبهتها
قعمز عصام جنبها شبحتله وبحدة:أني شن قلت شكلك ماتفهمش
عصام:فهميني توا كنا كويسين شن يلي انصب عليك
فجأة
سارة وقفت بعصبية :مافي شي حل عني خيرك انت ماعندك شي كان أني
عصام وقف وقعد يشبحلها
سارة انفرطت وهي اتعيط بصوت عالي:حل عنييي خليك بعيد عني اني نبي انوسع عنك عطيني مجال انوسع عنك نبي ننساك ليش طلعتلي ومن وين ماصدقت انسيتك
عصام حط يد ع يد وقعد يشبحلها ومنسجم فيها كيف اتحرك في يديها وتتكلم بعصبية
سارة:ما تشفقش عليا أني نقدر نوقف ابروحي نقدر انوقف ع رجليا ما تسحابنيش زي غيري فاهم
وحطت يدها ع جبهتها
عصام:كملتي
سارة:😠😠
عصام:هههههههههههههههههههههههه
سارة تشبحله مستغربة خيره يضحك
عصام شد بطنه وقعد يضحك:وووك بطنييي
سارة:شن في تضحك خيرك
عصام:هه هه ووه
وقعد يقلد فيها:ماتحسابنيش زي غيري فاهم
أني منبيس سفقة منك حل عني
وبدي يقلد فيها وفي حركاتها وصوتها
سارة بدت تشبحله كيف جاب حركاتها بالزبط ويقلد فيها ع طريقته بدت تضحك عليه
عصام بسخرية:ووك عليااا ياناااس اني مانبيش حد يحن عليا
سارة ميته ضحك ع ملامح وجهه
عصام وقف عن تقليدها وقعد يشبحلها كيف تضحك
سارة طاحن تحت وقعدت تضحك:عطك السلامة وووك عليا
عصام:ووك عليااا؟؟
وبعد ضحك طويل من سارة ونظرات متواصلة من عصام وقفت سارة ضحك ولقت عصام يشبحلها تحشمت وقفت وتحمحمت
عصام قدم وشد وذن سارة طبعا سارة استغربت من قربه واستغربت من حركته وكأنه قاعد يعامل فيها زي زمان لما صغيرة
عصام:اول حاجة مش اني يلي تحمقي عليه فهمتي ثانيا ترفعي صوتك مرة ثانية انهارك أسود
وذنك هذي نقطعها ونرميها للكلاب ومن امتى إكبرتي يافارة وقعدتي اتهزبي.. عليا انييي؟؟
سارة تشبحله مستغربة تصرفه حست روحها بنت صف اول ولا ثاني
عصام شح وذنها:فهمتييي
تلقائيا سارة هزت راسها وعيونها يلمعن بدموع🥺
عصام وخر عنها وحط يديه ع بعضهن:وبعدين خيرك تبي اتوسعي عني حد قالك ننتش أني شن تقصدي
بكلامك يافارة
سارة إرتبكت وخدودها ولن حمر:اااه لا ماقصدي شي قلت هالكلام لأني كنت حامقة
عصام غمض عيونه نص تغميض:متأكدة؟؟
سارة:ااا ايه متأكدة
عصام:تعالي
سارة:وين
عصام:منغسل الماعين بروحي مش كليتي ولا
سارة:😱😱
عصام:شني😱😱؟؟
-تعالي كان بتغسلي معاي فيسع
.
.
قيصر:موت قصي كسرلي ظهري كان كل شي بالنسبة ليا سندي وقوتي وكل شي ياسراب ماتوقعتش في يوم يموت لو يطلع قدامي توا انوريه الإنتحار ع أصوله القصة ليها ست شهور لكن وين يخطر عليا قصي إتجي صورته وهو طايح والدم معبي المكان اتقول أمس ولا اليوم ولما إتصلوا بيا وخبروني ع بوي والحاذث يلي داره خلاص كل شي نشبح فيه امضبب اسود لاعاد عرفت نسعف قصي لا عرفت نمشي لبوي لا عرفت انسكت امي وخواتي ماعرفت شن اندير
قعمزت سراب في حضنه وحطت راسها كتفه وطبطبت ع صدره
قيصر:من هذاك الحادث قررت ما انساعد حد بالعكس كل ما انشوف حد محتاج انزيد ننزل عليه والبنات ههه انخلي فيهن يجري وراي وبعدها انفضح بيهن ليش لأن البنات طاحن من عيني من لما خطيبة قصي ضربت قصي كف وقالت علينا فاسدين بعد كل شي داره قصي ليها نساته في لحظة من هذاك اليوم البنات في نظري حقيرات وتافهات وقعدت ناخد في الرشاوي ونبتز في الناس لكن ثلاثة بالله ماناخد فيه لروحي طول نرفع فيه للأعمال الخيرية وماعمري دخلت للحوش قرش حرايمي
سراب شبحتله وحطت يديها ع اكتافه:إنت ماذنبك في شي نقدر انقول إنك تبي اتنفس عن روحك واتفش غلك واتخفف من دنب قصي يلي رافعه في رقبتك كيف قيصر فاهم التنفيس؟؟فاهمه غلط!!
فاهمه ان ابتزاز الناس واللعب ببنات الناس هو الحل الوحيد بيش روح قصي تتريح او بالأحرى تبي اتخفف من الغم يلي شاده في قلبه
قيصر:لكن ماعمري مسيت بنت ولا قربتها
سراب:عارفاتك وواثقة فيك أكثر من روحي أني نبي انوصلك حاجة مهمة...اطلع من الحالة يلي فيها تقبل الواقع قصي مش موجود خلاص وانسى يلي صار معقابة ناس تانية مش الحل بيش اتخفف عن روحك
إنت المفروض تتبث للناس عكس يلي يقولوا فيه شن يقولوا عن عمي وقصي ؟؟
قيصر تنهد بضيق
سراب:جاوبني قيصر
قيصر:فاسدين ومرتشيين
سراب:وإنت شن إتدير توا
قيصر سكت
سراب:أني انجاوبك
إنت اتزيد في الطين بلة أنت اتزيد اتشوه في صورة عيلتك غير من روحك ابدأ منها العصبية والتعصب وفش الغل في حاجات يضرن فوتهن هكي تتريح صدقني وحتنسى هذيك الفترة من حياتك
قعد يشبحلها والباين إنّ أقنعاته
وحطت يديا ع خدوده:أني إنحبك ولمصلحتك هكي نتكلم وأني معاك للموت صدقني
إبتسملها وبحب:تعرفي باهي يلي تورطتي في مساعدة نصيب بيش خشيتي في حياتي وحليتها بطيبتك ونصايحك وعفويتك وعيونك العسلية يلي إنموت فيهن
ابتسمت ورقدت ع صدره وغمضت عيونها:حب بعد ورطة❤
قيصر: ايه حب بعد ورطة ❤
.
.
صباح اليوم التاني...
سفيان:العرس منأجله
أم سراب:ايه ياولدي خير مادرت مسكينة هالأمل ماتخلي فيك عرق
سفيان تنهد بضيق وطلع
سوسن:وجعتني مسكينة كيف ماتت
أم سراب:لا بيها لا عليها طاحت عليهم فجأة
سوسن:ماقالوش سبب الوفاة
أم سراب:ماخلوهمش يشرحوا الجثة يابنتي
سوسن:لا حول ولا قوة إلا بالله ربي يصبرهم
طارق يتاوم وفاتح فمه طريق:اااااااه يايايي
سوسن:حط يدك ع فمك وانت زي التمساح
طارق:تمساح أمك
أم سراب فنصتله
طارق بضحكة صفرة:أمك السمحة الغالية
سوسن:رزرز ياكلب تو
طارق:كلب يريشك ترييش زودي ديري الفطور
سوسن:انديرلك سم
طارق:شفتيها يا أمي حتى أمس دارت العشي زي وجهها شي معجن امعفج ع بعضه لا عرفته رز لا كسكسي لا مكرونه لا بركوكش مافهمت شي سألتها شنو هذا قالتلي كول واسكت يرضيك ياغالية ولدك يرقد ع لحم بطنه رقدت وأني إنغني في
أمييي أمييي أمييي نبض قلبك نبع الحناااااان
أم سراب:ياناري ع وليدي حق يافرخة
سوسن:ياحي ع الكدب حي أقسم بالله كداب أصلا سألته شن يبي العشي قالي نبي خفيف درتله بطاطا مقلية خزي عليك وين بيلقاك ربي ومعاها غنيت أغنية ريمي.. شنهي؟؟
طارق:أنت الأمان أنت الحنان بدايتها😑😜
أم سراب فاتت من جنبهم:يااارب الصبر من عندك
طارق بصوت عالي:أمييي ثم أمييي😂😂
.😂
.😂
قيصر:يلا بالسلامة عصام شكرا ع الضيافة وع كل شي
عصام:غير خليكم يومين ثلاثة
قيصر:لالا عندي منرفع سارة للحوش وعندي حوش هكي يبي شوية صيانة
عصام:باهي أقعد عندي وصينه وين بتمشي إنت وسراب تو
قيصر:ومن خبرك أني ماجبتس سيرة قدامك
عصام:ولأنك ماجبتش سيرة تو إنوريك للدرجة هذي غريب عنك أني نين ماتحكيليش شن صاير معاك بالزبط
قيصر:مش قصة غريب إنت عارفني ما انحبش نتكلم هلبا
عصام:غير هيا أقعد
قيصر:والله ماني قاعدها وسع عني
عصام:باهي خلاص.. وين الحوش باه
قيصر:حوش جدي القديم زبطته
عصام:ايه ايه عرفته تمام
تيت تيت
طلعت سراب تليفونها وقرت الرسالة ويلي مكتوب فيها:ردي بالك من يلي جاي كان انت انسيتي أني ما انسيتش
استغربت سراب من الرسالة يلي جايتها وعاودت قرتها من جديد حست بخوف لكن بعدين ماعدلتش عليها ومسحتها ودست التليفون في جيبها..
قيصر:ساااارة يلا
سارة جت وهي منزلة عيونه سرحانة وعصام يشبح فيها
عصام:مافيش مع السلامة يافارة
شبحتله خلاص بتبكي ماتبيش تمشي من جنبه لأن الوحيد يلي تحس معاه بالآمان وفي نفس الوقت ماتبيش اتطيح من كرامتها لأن في بالها عصام متزوج خلاص وعنده حياته فمشت بدون ما اتودعه وركبت في السيارة
عصام مستغرب من تصرفاتها مرة تضحك معاه ومرة قايمة الحد عليه لأمس بس تغسل معاه في المطبخ وأمورهم تمام يجبدوا في المواقف يلي زمان ويضحكوا
سراب:شكرا ع كل شي
عصام:عفوا
قيصر:يلا سلام توا
عصام:سلملي ع خالتي وعمي
ركبوا السيارة وانطلق قيصر..
سراب:سارة تحسي في روحك شنو توا
سارة سارحة في الروشن وتفكر بعصام
شبحت في قيصر بمعني خيرها
قيصر بهمس:فوتيها سارة لما تضايق ماتحبش تتكلم
سراب:شن التفكير يلي عند اولاد عيلة رجب..
واحد عصبي والثانية ماتحبش تتكلم وين تضايق
قيصر اشبحلها ع جنب:ع اساس اولاد محمود مية مية واحد يفتفت هلبا والثاني يتفلسف والنوع الثالث جنبي امقعمز وعنايدي
شهقت سراب:اني باهيييي صار خوتي يتفلفسوا كان ماخبرتهمش
قيصر:خبري يلي نبيها منهم وانحبها عندي ويلي بيديروه خلهم يديروا
ابتسمت سراب:حلوة هذي يلي نبيها منهم
-تو وين منشموا
تنهد قيصر بعصبية وضيق:منمشوا للحوش منحطوا سارة ووجهنا للحوش عندنا ما انديروا
حطت يدها ع كتفه:تو تفرج لامتى بتقعد هكي
.
.
عصام:يلا جايكم
زياد:مش وعدتنا اتجي ع أساس أمس وينك
رفيف:ماعاش اتكلمنا
عصام:صارت معاي حاجة خلتني ما انجيكم حبايبي يلا ربع ساعة وانكون عندكم
زياد:نستنوا فيك راه
عصام:حاضر سيدي
جي بيطلع لقي سلسال متاع سارة طايح نزل لتحت وخداه ورفعه لمستوى نظره وقعد يتأمل فيه وإذكر إنه هاديه لسارة في يوم
عصام:هذا متاع الفارة
ابتسم:ديما حاجاتها طايحات
وبعدين اسرح في تفكيره:غريب قاعد عندها لتوا محتفظة بيه
وبعدين قعد يراجع في كلامها يلي أمس
(اني ماصدقت انسيتك من وين طلعتلي )
وقعد سارح في السلسلة ويفكر...
.
.
وصل قيصر للحوش
قيصر:سارة
سارة:🙄🙄🙄
قيصر بصوت عالي شوي:ساااارة
سارة قفزت:نعم
سراب:وصلنا
سارة:انزل قيصر يلا سراب
سراب شبحت في قيصر تبي تنزل
قيصر:وقت وقت
سارة:بالله بالله سراب كلميه ينزل
وبدت تبكي
سراب:تمام تمام خلاص هدي روحك
شبحت سراب لقيصر تبي تنزل
هز راسه بمعنى انزلي
قيصر:انراجي هنا ماتتعطليش
سراب:تمام
وشدت يد سارة وخشت هي وياها وقيصر قعد برا الكنشيلوا يراجي ويشبح في حوشهم من برا
خشت سراب وسارة وكانت أم قيصر فايتة للمطبخ وع اول ماشافت سارة فرحت وجت تجري حضنتها
ام قيصر بصوت عالي ومبحوح ودموع:يابنتي الحمد لله الحمد لله أني شفتك اااااه ياربي الحمد ليك
وبدت اتبوس فيها وتضبط وسارة تبكي وسراب تبكي
وخرت أم قيصر وشدت يدين سارة:انت بخير مافيك شي صح
سراب حطت يدها ع كتف أم قيصر:روقي ياعمتي بخير اهيا قدامك مافيها شي
-سارة إمشي لعمي أكيدة حتى هو خايف عليك
مشت سارة وأمها تشبح فيها من فوق لتحت
أم قيصر شدت يدين سراب:قوليلي يابنتي شن صار خيرها سارة وين كانت وخيرها لابسة توتة رجالة
سراب:أهدي مافيها شي كل اللي صار ركبت مع صاحبتها روحت داروا حادث في الطريق
خبطت خدودها:حاااادث
سراب:غير هدي بس مافيها شي روقي قعمزي
قعمزت ع الكرسي وحطت يديها ع وجهها
سعاد بفرح:سرااااب
وجتها تجري:كيف حالك
سراب:كويسة كيفك انت
سعاد:نورتي
سراب:تسلمي سعاد ممكن اتجيبي اميه لعمتي
سعاد:من عيوني
ومشت جابت اميه ووقفت فوق راس سراب
أم قيصر شربت اميه وتنهدت بعدين حطت يدها ع خد سراب:وكيف حالكم انتم شن أخباركم قيصر كيف حاله
سراب:احني كويسين ماتخافيش علينا
وبدت تبكي:ظلمناك يابنتي كنتي عايشة في حوش أهلك متريحة وا..
سراب:لا ماتقوليش هكي إنتم عيلتي توا وعادي أحمد زي خوي والخوت ديما يتعاركوا تو يعرف غلطه وتولي الأمور زي قبل وأحسن المهم انت ماتاكليش هم قيصر قيصر في عيوني وزي ماوعدتك حنخليه يتغير
أم قيصر:وينه هو
سراب:برا يستنى
أم قيصر:منمشيله
ووقفت ومشت بسرعة..
سراب شبحت الفوق وكانت مترددة تمشي لعمها ولا لا بعدين تشجعت وركبت
طق طق طق
وخشت:السلام عليكم
رجب ماباش يكلمها وإلتفت
سارة:تعالي خشي
قدمت سراب:كيف حالك عمي
رجب ماباش يرد عليها
شبحت في سارة بمعنى خيره
سارة:اتكلم فيك سراب خيرك
رجب:قوليلها مانبيش انكلمك
ابتسمت سراب :زعلك مايهون عليا ياعمي إنت زي بوي الله يرحمه
سكت وماباش يرد عليها
سارة تنهدت بضيق:أني منمشي
سراب هزت راسها بمعنى باهي
رجب:ماتسيبينيش بروحي
سراب شهقت:عمي شن مناكلك
سارة:يلا بالإذن
وطلعت...
سراب:عمي عميييي
رجب:خيرك شن تبي إنت ما إسمعتينيش هذاك النهار
شن تبيني نسمعك توا
سراب:عندك الحق ياعمي سامحني لكن في الأول مافهمتكش وانت صحتك مش باهية هذاك الوقت
ومابيتش انقول لقيصر لأني مانبيش انزيده ويولي متوحش أكثر من الأول ويزيد يكره خوه ويزيد يكره روحه ويولي لنقطة الصفر بعد مادرت جهدي كله وغيرت شوي فيه
رجب ابتسم:قصدك تغير
سراب:قول أن شاء الله وبإذن الله ماني امبطلة نين يولي زي قبل وأحسن
.
.
قيصر:تي خيرها تعطلت
أم قيصر:ماتبيش اتشوف امك ياقيصر
إلتفت قيصر
ام قيصر:سراب اتشوف في بوك وانت ماتبيش اتشوفنا
قيصر:أمي
قدمتله وحضناته:الله قديش استاحشتك واستاحشت اخشوشك وطلوعك وصوتك وعصبيتك وكل شي ولي ياقيصر وليلي الحوش بلاك امظلم
قيصر خلاص بيبكي وجعاته كيف تبكي وتترجى فيه
سكت مافيش كلمة سعفاته بيش يتكلم بيها
أم قيصر:خش تعالى
قيصر:لا يا أمي سامحيني
أم قيصر:ليش قيصر هذا خوك احمد عارفه من قبل اناني
قيصر:أمي طمنيني عليك إنت كويسة
ام قيصر:غير هيا خش وفوت يلي صار
قيصر بحدة:كلمة وحدة يا امي حوش من يلي اتقوليلي خش فيه لو كام لبوي ولا ليك كنت خشيت لكن توا ولى حوش واحد إمسخ تافه ومستحيل نعتبره خوي بعد كل يلي داره المهم اطمنت عليك وسارة رديتها كيف ماوعدتكم وإن شاء الله ديما بخير
أم قيصر:وراس ولدي سادكم ع خاطري ولي
قيصر:انت وخاطرك فوق راسي سلميلي ع بوي
طلعت سراب وتلاقت بي ولاء
ولاء بتنرفز:ناس ماعندها كرامة ماتتحشمش ع وجهها
شبحت فيها ع جنب وفاتتها طلعت..
فيصر بحدة:خيرك تعطلتي
سراب:شن في
ام قيصر:كلميه ياسراب بالله
سراب:عمتي عمتي إنت عارفاته ولا خليه يهدى ويروق ووعد حنحاول معاه
ام قيصر:وعد
سراب:ورحمة بوي وعد
ام قيصر حضنتها :شكرا يابنتي
احمد خش وقعد يفنص فيهم
وبصوت عالي:اميييي
أنخلعت سراب ووخرت وطلع قيصر من السيارة
أحمد بعصبية:شن قلت أني مش قلت مافيش حد يطلع برا ومافيش حد يقابل هذوما الإثنين إنت ماتفهميش شكلك
ومايحس إلا بالبوكس ع وجهه نين إلتفت ووخر
سراب وام قيصر شهقن
قيصر بعصبية:أنت كيف إتكلم أمك هكي يا إمسخ
أحمد بصوت عالي:ياعن******ياولد******
وقدم بيضربه لكن قيصر شد يده وضربه كف
قدم أحمد وإنطح قيصر ع خشمه قيصر وخر خطوة
وحط يده ع خشمه يلي طبعا نزف دم
ويقدمله قيصر جري ويخنقه من رقبته اتقول فهد
سراب قدمت بتحزهم ويخبطها أحمد نين طاحت تحت:ااااه
طلقه قيصر احمد ودفه وجي يجري لسراب :صارلك شي إنت كويسة
سراب:كويسة
وفنص في أحمد تفنيصة وناض بكل غل وعصبية بيضربه لا بيقتله غير سراب شداته وبدت تبكي:ع شاني بدون قصده ياقيصر بالله
قيصر:أطلقييييي هالحمار ضربك
سراب:من غير قصده والله هذا خوك ياقيصر
قيصر:سرااااب اطلقيني
طبعا أحمد شاد رقبته ويكح
سراب:شوف أمك كيف خايفة
شبح لي امه لقاها ترعش تنهد وغمض عيونه بغضب
سراب:الأحسن نمشوو خلينا نمشوا
أحمد:إقلبوا وجوهكم من هنا كان فيكم شرف ماعاد اتولوا
إشبح قيصر في أمه لقاها تبكي وجعه حالها ويبرم بكف قوي لأحمد نين طيحه
سراب:قيصر لااا خلااص سيبه
مش عارفة كيف شحاته هي رقيقة وهو طول وعرض لمن من قوة الموقف ماتعلمش بروحها وسحباته للسيارة..
.
.
في السيارة ...
قيصر يسوق بعصبية ويعيط بصوت عالي ويخبط في الدومان متاع السيارة:كييييف يتكلم مع أمه هكي ريتيه كيف يكلم فيهاا ليش وقفتيني خليتيني انكمل عليه هالحيوان البلا رباية
ويسوق يمين يسار ويجتاااز في السيارات
نين قطعت قدامه سيارة ويشد فرينو نين خبطت سراب راسها:اااااه
نزل إشبح لسراب يمين يسار وقدامه وبعدين إنزل للي قطع قدامه قبل بيعجنه في بعضه لكن هرب
طبعا الناس ألتموا عليه وقعدوا يسألوا شن في شن في
قيصر بصوت عالي:كل وااااحد يقلب وجهه
وركب في السيارة وقربع الباب بقوة :ااااه كان شديته اقسم بالله كملت باقي الغل
وإشبح لسراب لقاها شاده راسها وتتألم
بإندفاع وخوف:سراااب حبيبتي وريني
سراب:لا لا خفيفة ما اتدور شي
ورفعت راسها كان في شوي دم ع جبهتها بسبب الخبطة
قيصر:جببهتك دم
سراب:عادية بسيطة
قيصر:كيييف بسيطة حولي يدك
وفتح الدرج طلع صندوق صغير فيه قطن ومعقم
سراب:عادية خيرك
قيصر:سكري فمك واشبحيلي هنا ولا كلمة
بدت تشبحله كيف خايف عليها ويصب في المعقم ع القطن إبتسمت وسرحت فيه
وقعد يعقملها في الجرح وينفخ وهي تشبحله
قيصر:يحرق شوي لكن تحملي
سراب:كل شي من يديك حلو
قيصر :اسكتي مش وقت كلامك شفتي الدم كيف
سراب:الله هو دم عادي مش نزيف
قيصر فنص فيها وهو حاط يده ع جبهتها
سراب:العفو مايحقلي نتغزلوا بيك شوي
سكت قيصر وشوي قعد يضحك
سراب:هههههههه
قيصر:ياعليك حصلة ما إتحسيش شكلك
سراب:واني معاك لا
قيصر:آسف سامحيني أنسوق زي المجنون وما قدرت خوفك
سراب:لا عادي المهم بخير ومافينا شي
قيصر تنهد:تعرفي قبل منقتله هالحيوان كيف امي عايشة معاه
سراب:ماعاش اتجيب القتل ع لسانك هذا خوك الصغير وبما إنك الأكبر لازم تضبط أعصابك لان العيب ع زايد العقل
قيصر:ريتي أسلوبه الوقح
سراب:تو يرده الحيط إنت بس ماعاد تفقد أعصابك
قصير تنهد بإلحاح:غير إنظم أموري بوي وامي وسارة منجيبهم يعيشوا معانا
سراب بفرح:ايه جيبهم
إبتسم قيصر:تعرفي حاجة
سراب:ايه
قيصر قدم وباسها من خدها:انحبك وخلاص
شهقت سراب بخجل:عطك السلامة في الطريق
قيصر:شن خانبك أني مرتي راه
-ههههه يلا عندنا حوش يبي جهد هلبا
سراب:ايه ووين الحوش هذا
قيصر:مفاجأة..
سراب:قيصر قولي
قيصر:نووو مفاجأة
تيت تيت
فتحت سراب تليفونها وهي تبتبسم وفجأة كشرت وبانت عليها علامات الخوف والتوتر والمكتوب كان:
الحمد لله ع سلامتك ياقلبي خفت عليك ياروحي
سراب بدت تشبح يمين يسار
تيت تيت
المكتوب:إنت إنسيتيني لكن أني لا ما إنسيتك ويلي مقعمز جنبك هذا قوليله يرد باله من روحه هاذي البداية بس ووتي اللبس الأسود لأنك حتترملي وتكوني ليا أني وبس فهمتي أني وبس
خلاص سراب أنخنقت وماعاد عرفت شن اتدير فتحت الروشن وبدت تتنفس
قيصر:خيرك
سراب بمسايرة ضحكت:اااه لا شي ما خبرتني وين المكان
قيصر:مفاجأة قلت
ع مرتين جت بتخبره لكن ماقدرتش مابتش اتزيده لأنه كيف طالع من مشاكل وماحبتش اتخليه يخمم
فبلعتها وسكتت ومسحت الرسائل...
.
.
جميلة:قلت حل عني خيرك
طارق:والله مانضحك عليك نبي نتزوجك
جميلة:بالأدب إنقول وسع عني مش فاضية بالكلام هذا أني
ومشت من جنبه بسرعة
طارق:حي عالعناد حي كان منكسراااش
جميلة خشت للقاعة وهي تتكلم مع روحها:استغفر الله
سوسن:خيرك
جميلة:هذا خوك ماباش يحل عني
سوسن:ههههه
جميلة:بالله قوليله يفوتني
سوسن:والله مادخلني
جميلة:مش معقولة امكرش فيا اتصالات رسائل طلبات صداقة مراسلة من قالك عطيه رقمي وإيميلي
سوسن:حيونه كيف ماعطيتي رقمي لفهد
جميلة:اااووووف
خش فهد:السلام عليكم
الكل:وعليكم السلام
جت عينه في عين سوسن عجبت عليه وفتحت مذكرتها
فهد:سوسن
-نوضي وقفي
سوسن وقفت:شن درت باهي ما إتقولش بتطلعني قدامكم درت حاجة ياناس مقعمزة في كرسية حرااام عليك يامفتري
شد ضحكته بالسيف
كل الطلاب:ايه دكتور هي مادارت شي
فهد:ومن قاللكم منطلعها اني
الكل🤐🤐😁😁
سوسن:😠😠
فهد:تعالي قدامي
كلهم قعدوا يشبحوا فيها ويشبحوا في فهد ويسالوا شن القصة
سوسن خلاص تحشمت
فهد:الكل يسكت
-سوسن تعالي قدامي قلت
طلعت من الكرسي ورجل اتقدم ورجل اتوخر
فهد:خيرك تعالي
سوسن بهمس:شن إتدير إنت اني عارفاتك عندك شخصيتين في جسم واحد
فهد:بطلي ووقفي قدامي قلت
الكل🤔🤔🤔🤨🤨
بدات البناات🤬🤬🤯🤯
فهد:ماعاش نبي إندس أكثر من هكي اني أنحب زميلتكم سوسن وانموت فيها
الكل😱😱😱😱
وسوسن خلاص ميته من الحشم
وبإرتباك:لااا كداب ما انصدقوشي
فهد:خيرك خايفة مش غلط الحب مش الغلط صح شباب
الشباب بصوت عالي قعدوا يصفروا ويصفقوا وفي بنات فرحن وفي من بنات شيطااات نااار لأن فهد جميل وشخصية
خلاص سوسن كان اتحصل الكلية تنشق وتبلعها
فهد:أمس حبيبتي سوسن زعلت مني وماعش ردت ع إتصالاتي ولليوم الصبح لأني زعلت منها وسكرت الخط في وجهها اول أمس
الشباب:لييش
سوسن شبحتلهم مصدومة متحشمة
ناض فهد وقف قدامها وشد يديها فكتهن منه وولى شدهن بقوة
سوسن بهمس وتنرفز:إطلق يدي إحني في كلية يامهبوول
فهد:مااانيش إحمدي ربك ما لزيتك وحرمتك من المحاضرة
سوسن:أستر من العار يلي اتدير فيه توا
فهد بصوت عالي:لان كل مانبي انجي منتقدم اتقولي مش وقتها يصير هكي ياشباب
الشباب بصوت واحد:لاااا
فهد ابتسم بخبث وشبحلها
سوسن:😑😑
جميلة تبتسم وتأشر لسوسن بحواجبها
الطالبة1:في حد يرفض هالطرف
الطالبة2:كان أني في مكانها راهو اني يلي تقدمتله
الشباب ميتين ضحك ع كلام البنات
فهد :شبحتي مش تعرفي بس أني شخصية
سوسن:يلااا غيروا السيرة
وبإرتباك:وانت دكتور نفسي ولا بطل مسلسل
الشباب:ووووووووو
فهد؛انت قلتيها وقت نبي دكتور صرت دكتور وتوا نبي انصير بطل مسلسل
وركع قدامها وشد يدها
الكل ناضوا شباب وبنات(طبعا يلي غايرات مقعمزات):هييييييييي ووووووو
وبدوا يصفروا
سوسن:شن اتدير نووض حشمتنا يحشم حالك😱😫
فهد:شن حشمتك ريتيهم كلهم فرحانين
شبحلتهم سوسن ولقت يلي يصفق ويلي يصفر ويلي يبوس في الثاني ويلي يحضن في صاحبه
سوسن:نهار أحرف شن صاير باهي يلي مش فيلم..
طلع فهد صندوق صغير لونه احمر وفتحه وكان فيه دبلة
سوسن:😮😮🤪
الكل بصوت واحد:قولها قولها قولها
فهد وهو يضحك:تتزوجيني
الكل بصوت واحد :وافقي وافقي وافقي
جميلة:يلااا سوسن
طبعا يلي سمعوا الدوشة فتحوا الباب وخشوا طلاب وأساتذة
سوسن شبحت وراها وشهقت:ياحليلي كملت معاي
فهد:سوسن ركزي معاي أني إنحبك ونبي نتزوجك نبيك اتكوني معاي وجنبي بأسرع وقت
قعدت سارحة فيه
الطالبة:العفو شكلها ما اتحبه
سوسن بإندفاع:هيي انت اسكتي مازال تعاوديه كلامك انوريك
فهد:😍😍😂😂
الطالبة2:انجي في مكانك
سوسن:اتجي عينك تبي نقتلك مانا
فهد:يانجيها يلي تغار هيا عيت وافقي
الكل سكتوا وقعدوا يشبحوا في سوسن وفي قرارها يستنوا
يتبع...
#روايات_رحيق🕊🕊
