#حب_بعد_ورطة...
الحل{31}قة...
ويبدأ نهار جديد يوم جديد أحداث جديدة مع أبطال رواية 🚫❤"حب بعد ورطة"🚫❤....
طلع قيصر من الحمام بعد مادوش إلبس جاكيت جلد جيشي وتحته تيشرت أسود وسروال أسود وبوت جيشي ومشط شعره وبخ عطر رجالي وإلتفت لفي سراب في سابع نوم إبتسم بحب وقعمز جنبها قعد يتأمل فيها بحب يتأمل في شعرها كيف متناثر ع المخدة وملامح وجهها البريئة الملاكية وجسمها الناعم...
خذي خصلة من شعرها وقعد يمرر فيها ع وجهها...
عقدت حواجبها وهي قاعدة راقدة...
قيصر إبتسم لحركتها الطفولية وولى مرر خصلتها ع وجهها
حطت سراب يدها ع وجهها وبعدين رقدت
همس قيصر في وذنها:صباح الحب
سراب إبتسمت وفتحت عيونها:صباح النور
قيصر:ماتبيش إتنوضي
سراب بدلع :الله خليني راقدة
قيصر:قبل أتنوضي قبلي شن صار
فتحت سراب عيونها زين وإستغرباته...
سراب:قيصر ليش لابس من الصبح
وقف قيصر وتنهد:منمشي منعاكس
سراب عدلت تقعميزتها:شنهووو
وطاح الغطاء يلي كاين ساتر جسمها
قيصر:😍😍
تحشمت سراب وسحبت الغطاء من جديد بسرعة
اضحك قيصر عليها..
وشبحلها ع جنب بخبث ومكر وإضحك من جديد
سراب ضحكت:عطك السلامة
قيصر:منمشي للخدمة
سراب من الفرحة وقفت ع السرير وطاح الغطاء:بالله تتكلم جد إلقيت خدمة..
قيصر إضحك وهز راسه 😆😆
سراب حست بروحها ع الهواء جمدت في مكانها من الحشم 🥶😬
قدم قيصر وركب ع السرير وشد الغطاء وسراب متحشمة..
حط قيصر الغطاء ع جسم سراب وهو يشبحلها بحب ورومانسية وقرب همس في وذنها:ليش تتحشمي أني راجلك...
وباسها من خدها ونزل وبخبث:ع فكرة ليلة أمس 😍😍😈🤤
سراب إبتسمت وغمت روحها من الحشم
قيصر:هههههه يلا باي توا إدعيلي...
طلعت سراب راسها:بالتوفيق
-الله طالع يهبل في اللبسة ماكنتش ملاحظة إني متزوجة هالشخصية الجدابة🤪😘
وضحكت بصوت عالي وولت غمت روحها..😍🥰
طلع قيصر من الدار مستعجل
سارة:قيصر قيصر
لكن قيصر ما إسمعهاش وطلع يجري...
سارة:إمشي قبل منسألة
.
.
وصل قيصر للشركة وخش وشبح الموظفين طايحين فيها هدرزة وضحك
جاه واحد بيتفلح عليه ووقف قدام قيصر:وين ماشي ومن إنت
قيصر تجاهله ومشي وقف قدامه من جديد وحط يده ع صدر قيصر وقفه:إنكلم فيك منو إنت
قيصر شبح في يد الراجل ورفع حاجبه بنظرات تقتل وإتذوب:قصدك بتوقفني أني
الراجل:إنت وأمثالك
قيصر بحركة سريعة شد يد الراجل لواها وخنقه بيده الثانية بقوة
كل الموظفين كانوا يهدرزوا وقفوا وسكتوا
الراجل بيموت بين يدين قيصر:إطلقني خلاص
عصام طالع بالصدفة من مكتبه لقي الموقف قدامه قدم يجري لي قيصر وفك الموظف من يد قيصر
الموظف شد رقبته ويكح...
عصام:قيصر خيرك بتهبل
قيصر بحدة وتهديد:المرة هذي خنقتك بس مرةةثانية إتجي قدامي رقبتك نكسرها فاهم
عصام للموظف:إمشي إنت من هنا بسرعة
وبصوت عالي:كل واحد يشوف شغله
الموظفين كلهم بدوا يتهامسوا ع قيصر..
عصام سحب قيصر من يده ودخله للمكتب..
خش قيصر وساوى جاكيته وتحمحم
عصام:شنو هذا ياقيصر من أولها من أول يوم
قيصر:موظفين شركتك يستفزوا شكلي يامنرتكب جريمة يا منبطل خدمة
عصام:تعالى شن بتبطل ما بتبطل ماصدقت وافقت
قيصر سحب الكرسي وقعمز وحط رجل ع رجل
عصام:ماصح وجهك
قيصر:هي قول شن وظيفتي وكم مرتبي
عصام: إنت مدير الشركة ومرتبك حاليا ألفين
قيصر ساكت ويشبح في عصام..
عصام:يعني بتكون المسؤول ع جميع الشركة وبتنوب عني في الإجتماعات
قيصر:وإنت شن بتدير إمالا
عصام:أني صاحب الشركة انوقع صفقات نعقد إجتماعات اندير مشاريع
-والله شكلك ماك متاع خدمة وبتحرقلي دمي
قيصر:تي باهي منمشي معاك هالشهر وكان عجبني الموضوع منكمل فيه وكان هذا منستقيل
عصام:تمام مع إنك تتوحم هلبا لكن الله غالب منتحملك وخلاص اني المستحق
-شد وقع العقد
وقع قيصر العقد
عصام:ألف مبروك
قيصر:وين مكتبي
عصام:الله ما مستعجل
-منعرفك قبل ع الشركة وكيف قوانينها
قيصر:مش أني المدير
عصام:ايه
قيصر:قوانين شنو أمالا أني يلي منحط القوانين وهذوما يلي يشتغلوا عندك يبوا رباية
طق طق طق
عصام :ااااااه 😱😱شكله مافي موظف قاعدلي
-أدخل
خش طارق:عصام ا...
وبدهشة:قيصر ؟؟
قيصر:أهلين طارق
خش طارق سلم ع قيصر:أهلين شن أتدير هنا
عصام:تعرفوا بعضكم
قيصر:طارق خو سراب
عصام:الله ع الصدفة
-تمام ياطارق قيصر مدير الشركة
طارق:الف مبروك كويس ونعم الاختيار
عصام:خيرك ياطارق
طارق:نبيك إتدير طلة ع الملف هذا وتعطيني رايك
عصام:تمام
فتح عصام الملف..
قيصر:هذا شنو
طارق:نهاية الشهر في مسابقة لشركات الهندسة والإعمار والفايز فيها بتاخد شركته جائزة أحسن شركة ع المستوى المحلي للسنة هذي
عصام:وتينا مشروع وصممناه وهذا ملف مناقشة المشروع
-شوي نقرا الملف ونوريلك المشروع
كمل عصام الملف:كويس لكن يبي شوية تعديلات
طارق:اوكي
عصام:إنت راجع الملف مع قيصر
قيصر:معاي أني
عصام:من إمالا إنت فالح في المناقشة وتقدر تختار الألفاظ أحسن حتى مني
طارق:تمام حنراجع مع قيصر
-نستأذن توا
وطلع...
عصام:خو مرتك مش عادي عنده أفكار مجنونة خرافية إخترته من ضمن المصممين
قيصر:وكم عندك مصمم
عصام:أني وطارق والموظف يلي خنقته وإحتمال إتكون حتى إنت
قيصر:لالا إنسيت حتى كيف يشدوا في القلم أني
عصام:تنسيت عينك غير تعالى دير طلة ع المشروع بلكي تعطينا رايك في شوية حاجات..
.
.
#في_مكتب_المحماة...
اتجهز دانا للمرافعة يلي بتسافر ع خاطرها...
طق طق طق
دانا بدون ماترفع راسها:أدخل
فتح أحمد الباب وقعد واقف يشبحلها كيف تخدم وتطبع في الأوراق وكأنها مستعجلة
دانا:حبيبتي شكرا مانبيش قهوة مستعجلة وأنراجي في حد
أحمد:إحم إحم
رفعت دانا راسها:اوو أنت جيت نسحابك موظفة الكافتيريا
احمد:لو مش فاضية
دانا:لالا تفضل غير هكي طبعي ديما مستعجلة
خش أحمد وقعمز ع الكرسي
دانا:ايه شن الموضوع يلي تبيني فيه
أحمد:من فترة شركائي في الشركة شريت منهم الأسهم متاعهم ودفعتلهم كل الفلوس يلي اتفقنا عليهن وباعوا أسهم الشركة وهم يضحكوا فرحانين
دانا:باه تو إنت هكي المالك الوحيد للشركة
أحمد:عليك نور
دانا:باه ووين المشكلة
أحمد:المشكلة يبوا يردوا حصتهم ويشاركوني من جديد أني طبعا رفضت لكن بعتولي رسالة تهديد
دانا:مش من ضمن شروط العقد يلي وقعتوه إن لما تنباع الأسهم ماعاش ترتد
أحمد:الشرط هذا ماضفتاش في العقد لأني ماتوقعتش يطالبوني بيها
دانا:هذا عليش مستقويين
أحمد:والمشكلة هذوما الناس عندهم يدين طويلة في كل مكان ولو رفضت حينشروا قصة إغتصاب سارة
دانا بإندفاع:وكيف علموا
أحمد:مش المهم كيف المهم توا كيف مندير
دانا:ترا شن اسم الشركة ومن صاحبها
أحمد:اسم الشركة (M.S.N) للإستيراد والتصدير
دانا:تقصد مالك سلطان نوري
أحمد:من وين تعرفيه
دانا إبتسمت:ياااا هذا حبيبي
أحمد يحسابها حبيبها اتحبه وقعد يفنص فيها⚡⚡
دانا:ههههه ماتخافش قصتك محلولة
أحمد:كيف ومن وين تعرفيه
دانا:كان ماعرفتاش أني من بيعرفه حط يديك ورجليك في إميه باردة وأصلا المكان يلي ماشيتله مكان سكن مالك تو أنشوفه ونتكلم معاه
أحمد في حاجة تحرق فيه من داخل يبي يعرف شن طبيعة العلاقة بينها وبين مالك
وقفت دانا وخدت ملفاتها ووقفت:احمد أني تعطلت وضروري نطلع توا وتو نتواصل معاك بعد مانوصل
وقف أحمد :شكرا تعبتك معاي
دانا:ولو العفو
أحمد:توصلي بالسلامة
دانا:تسلم باي
طلعت دانا وطلع وراها أحمد وهم يهدرزوا ويضحكوا
محمد بأستغراب:شن القصة دانا وأحمد مع بعضهم
ربك يستر كان الفرخة ولاء اتسقد روحها بس
.
.
ولاء مقعمزة تشبح في الأوراق محتارة تخلي أحمد يوقعهن ولا لا
ولاء:والله هو صدق مش معدل عليا حد بكل ع الأقل محمد مهتم بيا ويحبني مش قاعدة عايشة ولا كاني موجودة حتى من امي وبوي بعد قيصر وسراب ماعاد طلعوا برا من الدار...
.
.
عصام:ها شن قلت
قيصر:في حاجة غلط مافهمتهاش فيه
عصام:تي غير فكنا ليا شهر كامل وأني إنصمم وإنوتي
قيصر:كلمة الحق تنقال المشروع فيه حاجة غلط
عصام:ويلي هي
قيصر:مافهمتش شن هي
عصام:مش تعرف روحك بس
قيصر:يمكن لو إتنحي المكتبة خير
عصام:ليش المكتبة كويسة بما إنها جامعة
قيصر:هي فكرة وتصميم الجامعة كويسة كتفصيلة وديكور لكن المكتبة داخل الجامعة ماحبيتهاش وفكرة قديمة واصلا واخدة مكان ع الفاضي
عصام:باهي قول شن رايك
قيصر سكت وقعد يفكر ويشبح للمجسم...
رن رن رن
عصام:إنت فكر منرد ع المكالمة وإنجيك
قيصر:🤨🤔🤔🤔
عصام:اه تمام
-باهي باه
-يلا باي
سكر عصام التليفون وقدم لقيصر وحط يده ع كتفه
-شن صار
قيصر:من منو المكالمة
عصام:قيصر أمضني منسيبلك الشركة اسبوع
قيصر عدل وقفته:وليش
عصام:إتصلوا بيا منظمين المسابقة مدايرين إجتماع طارئ ومهم
قيصر:اها باه إمشي
عصام:تقدر اتلايم الشركة
قيصر:كون هاني
عصام:شكرا ياصاحبي
-ضروري انلحق طيارة الواحد
قيصر:توصل ع خير
عصام:باي
.
.
ضمت سراب ومسحت الحوش ونظفاته وعطراته
وقعمزت فتحت التليفزون تتفرج..
سارة:سراب
سراب مابتش اتكلمها
سارة:سراب إنت حامقة
سراب:شن رايك
سارة:سامحيني سروبة والله فشت غل آسفة
سراب:اني مرت خوك هكي إتكلميني
سارة:سامحيني عندك حق لو تعرفي يلي إنمر بيه حاليا تعذريني
سراب :ليش شن فيك سارة
سارة تنهدت بحزن وحكتلها كل يلي صاير ويصير بينها وبين عصام..
سراب:باهي سألتي قيصر قبل ماتحكميش عصام ماقال ولا جاب بإنه متزوج بكل كيف يطلع متزوج إنحس فيك غالطة
سارة:وهذا يلي بيصير
سراب:باهي كان طلع مش متزوج شن بتديري
سارة إبتسمت وسرحت🥰🥰🥰
سراب:تمام خلاص مانبيش جاوابك عرفتك...
ضحكت سارة ومشت..
سراب:الحوش بلا قيصر كساد خليني نتصل بيه
وناضت خشت للدار وفتحت تليفونها لقت رسالة من المجهول يلي هو محمد
سراب حذفت التليفون وقعمزت ع السرير وقعدت ترعش
شوية والتليفون قعد يرن
سراب شهقت مخلوعة وماقدرت إتقرب من التليفون
وبعدين إشجعت وقربت للتليفون وهي تزرط في ريقها خايفة شافت الرقم لقاته قيصر
تنهدت بإرتياح وردت بصوت يرهش:ااالو
قيصر:وينك ماترديش
سراب بإرتباك:كككنت مش جنبه
قيصر:سراب فيك حاجة
سراب:ااه لا مافيا شي قبل منتصل بيك
قيصر:اه متأكدة لأن صوتك مش عاجبني
سراب قبل بتخبر قيصر ع الرقم يلي مدايرلها الرعب
قيصر:سراااب الووو
سراب:معاك معاك
قيصر:سراب خوفتيني عليك خيرك
سراب:لا مافي شي المهم أنت كيف يومك في الشركة
قيصر:باهي ماشي الحال
-اسمعي
سراب:نعم
قيصر:وتي روحك بعد شوي منرفعك
سراب:وين
قيصر:إنت وتي روحك وتو تعرفي بعدين
سراب:أوكي
قيصر:ماتبي شي
سراب:لا مانبي شي كان سلامتك
قيصر:إنحبك باي
سراب:إنحبك ياعمري
وسكر قيصر وسراب سرحت في الرسالة:ياربي كان خبرته شن كان صار مع إنه تغير أحسن من قبل لكن قاعدة إنخاف من ردات فعله لما يحمق احسن حل إنراجي دانا وخلاص...
.
.
خش أحمد للحوش ورمي اللاب توب ع الطاولة وقعمز ع الكنبة
ولاء:أنت جيت
أحمد:لا إنسيت روحي شن هالسؤال البايخ
ولاء خايفة ومرتبكة
أحمد:خيرك واقفة فوق راسي شن تبي وشن هالملف يلي في يدك
ولاء:اااه هذا ااام هذا وصلك من الشركة ويبوك إتوقعه
أحمد: حطيه هنا تو انشوفه
ولاء:شوفه توا تفتك منه
أحمد بعصبية:قلتلك حطيه فكيني إنشوفه بعدين توا مش رايق
حطت ولاء الملف وهي خايفة متوترة وتشبح في الملف
سعاد كاينة واقفة قدام المطبخ ولاحظت ولاء وتصرفاتها وشكت في إن في الموضوع
سعاد بهمس:مافيش حد جي من الشركة وجاب ملف معاه لازم إنشوف الملف هذا شن في وشن داسه ولاء علينا
ناض أحمد وخدي الملف معاه وخش لداره قلع جاكيته ورمي الملف بإهمال وإمتد ع سريره
.
.
سراب:قيصر وين منمشوا
قيصر:منشوف أمي وبوي
سراب:بالله
قيصر:ايه
سراب:الله قديش ليا عليهم استاحشتهم
قيصر إبتسم وزاد سرعة سيارته...
.
.
خشت سعاد لدار أحمد وهو راقد في سابع حلم
وبدت تمشي ع أطراف صوابعها خايفة من أحمد ينوض فجأة أحمد قعد يتقلب ع سريره ووقفت سعاد مكانها جمدت خايفة وشوي بدت تمشي بعد إطمنت إن أحمد ميت نوم وآخيرا وصلت للطاولة يلي عليها الملف وفتحت الملف لقت أوراق تخص الشركة نين وصلت في نص الورق كان في ورقة مختلفة عنهن ويلي لفتت نظر سعاد طبعا سعاد ماتعرفش تقرا فطلعت تليفون نوكيا قديم وصورتها
أحمد إنقلب ع الجهة الثانية وهذا يلي خلى سعاد إتسكر الملف وتطلع تجري من الدار لكن لاقتها ولاء يلي حتى هي خايفة...
ولاء:شن إتديري في دار أحمد
سعاد بإرتباك:اااه السيد أحمد ناداني
ولاء:اه راقد هو ولا نايض
سعاد:نايض
ولاء سرحت خايفة وسعاد تشبحلها بعدم راحة...
ولاء:تمام إمشي من هنا
مشت سعاد وهي متوترة....
وصل قيصر ودرس السيارة قدام البوابة...
سراب:ليش وقفت هنا خش
قيصر:لا مانسيتش آخر إهانة ليا هنا
سراب:قيصر هذا خوك والمسامح كريم ولأمتى بتقعدوا هكي
قيصر بحدة:سراب سكري ع السيرة
سراب:تمام
قيصر:وين ماشية
سراب:إنت يلي حالف لكن أني لا وهالحوش نعتبر فيه حوشي مادام عمي وعمتي عايشيين
فتحت الباب وقبل لتسكره:راجي هنا تو إنخبرهم إنك برا ترتجي فيهم..
وسكرت الباب ومشت...
قيصر تنهد وحط يده ع جبهته...
لقت سراب الباب مفتوح خشت :في حد هنا ياناس
سعاد طلعت ولما شافت سراب فرحت وجتها
تجري:سراب
وحضنتها..
سراب:كيف حالك
سعاد:الحمد لله
سراب:ليش هكي الحوش إمسكت وفاضي
سعاد بحزن:ااااه ياسراب من لما طلعتوا من الحوش إنت والقيصر الحياة من هالحوش إنعدمت وحتى المدام والسيد رجب ماعاد طلعوا برا من الدار حتى من الفطور والغدي والعشي بدوا ياكلوا في دارهم
سراب تنهدت بحزن:ووينهم توا
سعاد:الفوق وين يعني
سراب:تمام منرقالهم
سعاد:سراب
سراب إلتفتت:نعم
قدمت سعاد وبخوف:ااا اااا
سراب:سعاد قولي خيرك
سعاد:بعد ماتنزلي من فوق نبيك في موضوع مهم
سراب:إن شاء الله خير قولي توا
سعاد:لالا بعد ماتنزلي
سراب:حاضر شوية ونازلة...
.
.
أم قيصر إتلبس في رجب في سوريته:الله إستاحشت قيصر وسراب وسارة أشبح توا كيف مدايرين وكيف عايشيين
رجب:أني وين ندكر قيصر نسأل روحي زعما حامق مني ولا لا
أم قيصر:ااااهةيارجب شن مدايرين في عمرنا نين هكي يصير معانا
طق طق طق
وفتحت سراب الباب:وأني إستاحشتكم هلباااا
أم قيصر فرحت:سرااااب
رجب إبتسم:مش مصدق
خشت سراب حضنت أم قيصر..
أم قيصر:بنت حلال توا كنت في سيرتك كيف حالك يابنتي كيف حالكم
سراب:في خير الحمد لله
ووخرت عليها وقربت من رجب باست راسه:كيف الصحة عمي
رجب:شفتك وليت إكويس
سراب:اوكي يلا تعالوا في حد تحت يستنى فيكم
رجب:قيصر؟؟؟
سراب:أيه يلا
أم قيصر تحمست وضحكت
رجب بحزن:بنتي سراب
سراب:نعم
رجب:قيصر حامق مني
سراب:لا عليش
رجب سكت..
سراب:هو يلي قال منشوفكم لأنه إستاحشكم وهو مش حامق منك
رجب:تتكلمي جد
سراب:إنزل وشوف بعينك
رجب إبتسم:يلا
أم قيصر:راجي أنادي ع الحارس
نزلت تحت وطلعت نادت ع الحارس بعتاته الفوق ومشت لقيصر يلي يراجي في البوابة الخلفية..
أم قيصر:قيصر
نزل قيصر من السيارة ومشي حضن أمه حضن الشوق ليها..
أم قيصر بدت تبكي:وينك ياعمري هكي تنسانا
قيصر بصوت حزين:مستحيل ننساكم مستحيل
-كيف حالك
أم قيصر:شفتك قلبي إطمن...ياولدي
ووخروا عن بعض ..
قيصر:وين بوي
أم قيصر:شوية تو يجي
-تغيرت هلبا عن قبل حتى شعرك قصيته
قيصر إبتسم: شن رايك
أم قيصر:من يوم يومك حلو وحنين وطيب ياولدي غير الظروف غيرنك
-لكن صح ليها سراب قدرت إتردك
إبتسم قيصر وشد يدها:خيرك إضعفتي
أم قيصر تنهدت بحزن:يلي مداير باله منا سيب الحوش وطلع
قيصر بحزن:وسيبته برضاي يا أمي
شوية وجي الحارس برجب يلي ع الكرسي
قيصر إجمد في مكانه وقعد يشبح في بوه كيف الشيب معبي شعره وكيف إمولي ضعيف من التعب والكبر نين عينه دمعت قيصر مايعلمش بروحه كيف وليش رجليه خاناته وقدم لعند رجب وركع قدامه وشد يديه
رجب يبكي😢😢ويتلمس في وجه قيصر ويبتسم بدموع أما أم قيصر واقفة وتبكي حتى هي
قيصر والدمعة في عينه:خليتك فترة مسرع شبت وكبرت ماصارش من المرا الثانية
إضحك رجب والعيون فايضة دمعها حزن
أما عن قيصر ماتحمل وطول حضن رجب وبدي يبكي
رجب: إستاحشتك ياقيصر إستاحشت عصبيتك كلامك صوتك العالي إستاحشتك ياضابط
قيصر:سامحني يابوي إمقصر معاك سامحني
رجب:إنت يلي سامحني كان ماوقعتش الورق
قيصر:أسكت ماعادش تجبد يلي فات المهم شفتكم بخير إنت وأمي
سراب تبتسم من بعيد ومتأثرة وإذكرت لما...
#إنولوا_بالوقت_شوي_ لي_ليلة_أمس
سراب وهي في حضن قيصر راقدة خطر عليها ماخطر...
سراب:قيصر
قيصر:نعم
سراب:منسألك سؤال لكن ماتحقمش ولاتتنرفز
باس جبهتها بحب:قولي...
سراب:حبيبي ليش ما تشوف بوك وأمك
قيصر سكت وحست سراب إنه ضايقه الموضوع
سراب رفعت راسها وشبحت في قيصر:حبيبي والله عيب وحرام يلي إتدير فيه أمك وبوك مربيينك وتاعبين عليك حرام عليك أكيدة توا قلبهم محروق عليك يبوا يشوفوك بغض النظر على يلي داره أحمد أمك وبوك مايصيرش تقطعهم هكي
قيصر:وإنت شن خطر عليك
سراب:هكي خطروا عليا والصراحة حتى أني نبي إنشوفهم
قيصر تنهد:يصير خير
#إنولوا_للوقت_الحاضر...
سراب:الحمد لله هذا وين تأكدت إنه تغير
-إنحبك ياعمري كل يوم تكبر في عيني أكتر وأكتر
سعاد:سراب
سراب:يلا جاية...
قيصر مسح دموعها وإبتسم:هيا تعالوا معاي ماعاش في قعاد هنا شوفوا كيف وليتوا
أم قيصر:لا ياقيصر
قيصر بإندفاع:ليش لا الحوش صينته وكل شي يلزمكم موجود وسراب وسارة غادي وحنيعشوا عيلة زي قبل وأحسن
-هيا تعالوا معاي
رجب:لا ياولدي هذا الحوش عندنا فيه ذكريات ومانقدروش نطلعوا منه شكرا ياقيصر و سامحنا
لأن صعب
أم قيصر:إنت عيش حياتك مع مرتك وكمل يلي نقصك كل هالمدة وإحني هنا بخير طالما إنت فرحان
قيصر:نفرح لما إتكونوا معاي
أم قيصر:وتأكد إن أني وبوك راضيين عليك وإنحبوك لكن صعب نطلعوا من الحوش يلي تربينا فيه وعندنا فيه ذكريات
..
..
سراب حطت يدها قلبها:سعاد وين لقيتيها الصورة كيف صورتيها
سعاد:هذي في الملف يلي عطاته ولاء لأحمد ع أساس وراق للشركة حسيتها ورقة غريبة شن فيها ياسراب
سراب:كيف شن فيها هذي ورقة نقل أملاك
سعاد:شنهووو
سراب:ياربي وبإسم محمد وشن علاقته بي بولاء
سعاد:للأسف ولاء مدايرة علاقة مع محمد ياسراب
سراب:كييف بمحمد
سعاد:ايه ياسراب
سراب:من أمتى
سعاد:من لما سيبتوا الحوش بدي محمد يجي لأحمد ويهدرزوا ويسهروا احمد وولاء يتلاقوا ديما في الجنان تحت الشجرة
سراب:في حد يعلم بيها
سعاد:لا حتى ولاء نفسها ماتعلم إن أني نعلم بيها
سراب تنهدت :ولاء ماتعلمش إن محمد يستغل فيها وهذا عمره ماحب أصلا
-المهم إنت خلي الكلام بيني وبينك وحاولي تمنعي أحمد من توقيع الورقة ولو إطريتي تخنبيها فاهمة وفي نفس الوقت ماتخليش احمد يعرف إن في ورقة والكلام هذا باهي سعاد
سعاد:ليش لازم يعرف وبعدين كما تدين تدان حتى احمد دايرها مع قيصر ومع سيد رجب
سراب:لالا أني غير أسمعي هو صح معاك حق إن كما تدين تدان لكن مش هكي أني نبي إنجمع العيلة من جديد مانبيش إنزيد إنفرقهم إنت ماتخبري حد وعطيني رقمك نتواصل معاك وإنقولك شن إتديري تمام
سعاد:حاضر والله لو ما إنعزك إنت وقيصر كنت فضحتها
سراب:شكرا حبيبتي تسلميلي
خدت سراب رقم سعاد وطلعت من المطبخ وهي طالعة تلاقت بولاء
ولاء:مش إمصدقة إنت هنا
سراب:لا صدقي
ولاء:شن إتديري مش لزيناك من هنا مرتين شن هالواقحة
إبتسمت سراب بثقة ولاء إستغربتها خيرها تضحك
سراب:وعندك عين تتكلمي وبعدين تعالوا شوفوا من يتكلم ع الوقاحة
ولاء:أطلعي من حوشنا
سراب:هههههه حوشك قولي حوش أحمد حوش يلي يهين فيكم تعرفي حاجة على الأقل لما كاين قيصر كاين عاطيك حريتك تطلعي أمتى ماتبي ولوين ماتبي وكل يلي ناقصك يأمن فيه قيصر ومش ليك بس للكل لكن حالتك تو مقارنة بلما قاعد قيصر مختلفة هلبا محبوسة إتقول مرتكبة جريمة
أني نتحشم وين إنقول قيصر عنده أختين وأخ
ولاء:إحني يلي نتحشموا من أنه خونا للاسف واحد فاسد
سراب قدمت بثقة:شكلك ماتتفرجي ع أخبار
نعذرك ما إنلومك لأن أحمد شكله قاطع عليك النت والتليفزون ومسكر عليك في شيشة
وفكت تليفونها منها..
ولاء:شن إتديري إنت هاتي
سراب طلعت تليفونها وفتحت البلتوت وبعتتلها مقطع من الأخبار...
وعطتها التليفون وبثقة:لما تفضي تفرجي ع المقطع هذا تمام وبعدين قولي قيصر فاسد ولا لا
وخلي في بالك حاجة وحدة قيصر طول عمره كان ناقل في رقبته مسؤولية حمايتكم تتدكري مرة جاك يجري في الكلية وهو مندفع ومتفاعل...وقتها إنت أحمقتي وقلتي ماعاد يجيني ويحشمني إنحب إنقولك هو جاك يجري سيب عمله ودنيته بيش ينقدك من الخطف شادي في هذاك اليوم كان يبي يخطفك ولأن قيصر وصل ليك بسرعة شادي خطف سارة
ولاء مصدومة من الكلام يلي تسمع فيه مش مصدقة
سراب:فكري في الكلام يلي قلتهلك وأرجعي للفيديو وكلامك الحار ع قيصر فوتيه وراجعي روحك قيصر في النهاية خوك من لحمك ودمك
-يلا سلام وشكرا ع الترحيب...
ولاء بدت تشبح في التليفون وتشبح في سراب يلي طالعة من الباب..
سعاد تشبح في ولاء وتضحك:تستاهل سكتتها
..
..
قيصر:براحتكم لكن بتجوا اتهدرزوا عندي راه
ام قيصر ورجب ضحكوا..
سراب:الله ع اللمة الحلوة
حضنت أم قيصر سراب:شكرا يابنتي هذا وين تأكدت إني مدايرة خير في حياتي لين ربي بعتلي كنة زيك
قيصر:أمي ماتنفخيهاش تو أتشوف روحها
أم قيصر:من حقها حصلتها بنت عالم وناس
رجب:إيه ياضابط خبرنا كيف مداير
قيصر شبح في سراب وإبتسم وقدم لرجب:المهندس قيصر يابوي
رجب:كيف
سراب:قيصر ماعاد في الشرطة سيبها وولى للهندسة
رجب:لييش ؟؟
تنهد قيصر وشبح في سراب وهزتله راسها بمعنى خبرهم..
وطبعا قيصر حكالهم قصة شادي والمحكمة لكن ماخبرهم ع قصة سارة واغتصابها...
رجب بفرح:يعني إحترام العيلة ولى
قيصر:ايه يابوي أفرح
رجب:إسمعتي هههههه وآخيرا الله قديش فرحتني أمنيتي قبل لنموت تحققت
أم قيصر تضحك بدموع:ايه
سراب:ومش هكي وبس والمحكمة بتدير حفل تكريم ليك ولقصي
رجب:الحمد لله ربي يوفقكم ياقيصر وسراب ويبعد عليكم ولاد الحرام
الفرحة باينة ع وجه ام قيصر و رجب وهذا يلي ريح قيصر وخلى إبتسامة غريبة تطلع ع فم قيصر أول مرة تلاحظها سراب ويلي ريحت سراب
وفجأة طلع أحمد ولقي قيصر يضحك ويهدرز مع رجب وأم قيصر وسراب وجوهم فري
قدم أحمد وزي يلي غار...
رفع قيصر عيونه وقعد يشبح في قيصر لاحظاته سراب يشبح في حاجة ورفعت عيونها لقت أحمد وشافت لقيصر وشدت في يده بقوة بمعنى ما تنفعلش
قيصر تنهد:هي بالسلامة إنشوفكم ع خير
أحمد قدم ويبي يستفز قيصر:شنو الأب وولده شكو لبعضهم..
احمد حط يده ع كتف رجب:شنو يارجب قلت لقيصر وشكيتني فيه ع يلي درته فيك
قيصر عقد حواجبه من طريقة أحمد في الكلام ومستغربه ع شني يتكلم
سراب عرفت أحمد عليش يلقح:قيصر فوته وخلينا نمشوا من هنا
قيصر:لا نبي نعرف ع شني يتكلم
سراب:إنت عارفه يستفز فيك ولا فوته
أحمد:هههههههه تو إنخبرك أني ماقالكش بوك قصدي بوي إن أني خليته يوقع الأوراق بالسيف ههههههه
قيصر فتح عيونه بصدمة
سراب تسحب في قيصر:هذا يخرف فوته
أحمد:ومش هكي وبس إستغليت مرضه وعجزه وخليته يوقع غصب عنه
رجب يشبح في أحمد ويهز في راسه بأسف وحزن
أم قيصر :احمد إنت تماديت راه
أحمد:ههههههههه خليته يوقع وهو يتنفس بالسيف
قيصر هنا يشعل نار
سراب بخوف:قيصر موضوع قديم ماتعطيش أهمية ليه
قيصر إشبحلها ورفع حواجبه وعيونه:شن قصدك بموضوع قديم
سراب سكتت..😓😓
قيصر:قصدك تعلمي وماخبرتينيش
ام قيصر:وراس ولدي فكك
قيصر فنص في سراب وقدم لي أحمد
شداته سراب من يده لكن فك يده بقوة وعصبية وقدم لأحمد...
يتبع...
#رحيق_الفجر🕊🕊
