حب بعد ورطة

14

رواية_حب_بعد_ورطة
الحل{14}قة...
سراب:خيرك تشبحلي هكي اييه قيصر أني إنحبك
قيصر ببرود:شدي المنديل ع جبهتك
وولى ولع السيارة وسراب تشبحله مدهوشة
سراب:إنت إسمعتني قلت
قيصر سكت ماباش يكلمها
سراب:قيصر رد عليا ليش سكتت جاوبني إنت بطلت إتحبني ؟؟جاوبني كلمني ما تسكتش
ويشد فرينو ع فجأة نين تلقت بيدها وقدمت:ااااه
قيصر بصوت عالي وعصبية:شن منجااااوبك شن تبي تعرفيييي
سراب بهمس:ق ي ص ر؟؟!!!
قيصر بنبرة عالية:أني لعند ما إنموت حنقعد إنحبك حب مش متاع شفقة ومحنة...إنت ما إتحبينيش ياسراب كرهك ليا هو يلي نقص هذي كل القصة ولو قلتيلي إنحبك ياقيصر فنعتبرها شفقة منك وبس
سراب وهي تبكي :إنت شن إتقووول
قيصر:كلااامي واضح أني يلي خليتك تعرفي الخوف أني يلي ضرب خوتك وخلى أمك في المستشفى وأني يلي هددتك ودليتك وخطفتك وخليتك إتفكري إني حنغتصبك وأني يلي خليت الإنهيار يجيك وضغطت عليك وتزوجتك وهددتك بخوتك وخليت أهلك يتبروا منك وخليتك وحيدة وخليتك تتكوبسي بيا وسودت عيشتك كيف إتحبي واحد دار فيك كل هذا...
سراب:لاااا كله غلط
قيصر:لا صح والصح والواقع لو ماتعلمي بماضيّا ماكنتيش قلتيلي إنحبك ولو قلتيلي إنحبك وأنت جاهلة الماضي متاعي كنت صدقتك كانت ردة فعلي طول خديتك في حضني وبستك لكن للأسف...
سراب والدموع في عيونها:إنت ليش متعقد من ماضيك كل القصة إني فهمت ليش قيصر هكي ليش يحمق ليش يحب العناد والتملك ليش الناس إتقول عنه شرطي فاسد و...و....و....
قيصر شبحلها لقي الدموع في عيونها تنرفز:قلتلك ماعاش تبكي أمسحي دموعك
سراب:هذا كل يلي هامك ياقيصر دموعي بس
في خاطره:عشت وسمعت اسمي من فمها الله قديش حلو
سراب:حتى أني عندي ماضي وا...
قيصر:سكري عالسيرة ماعاش نبي نتكلم
سراب:لا نبي نتكلم وا...
قيصر بعصبية:قلتلك أسكتييييي
ونخص السيارة وفات يجري...
رن رن رن
قيصر:ألوو يامحسن
محسن:سراب معاك
قيصر بحدة:اسمها مرتك معاك
محسن:آسف مرتك معاك
قيصر:ايه معاي
محسن:وفادي وشادي
قيصر:مامضني ينوضوا قول عليهم تربوا
محسن:تمام
-ايه كانوا خوت عيالك هنا وواضح عليهم الخوف
قيصر:تمام
وسكر الخط وشبح في سراب لقاها عاطية وجهها وتبكي فزاد من سرعة سيارته من الحمق...
درس قدام حوش هلها...
سراب قعدت تشبح يمين يسار مستغربة
قيصر بهدوء:إنزلي شوفي أهلك خايفين عليك
سراب:كيف يعلموا من خبرهم
قيصر:بعدين مش توا
سراب:كل شي بعدين بعدين
فنص فيها على جنب:شوفي أهلك ياسراب وانراجي فيك هنا
سراب:باهي خش الداخل
قيصر:قلت منراجي هنا
نزلت سراب وقريب بتبكي من معاملته دقت ع الباب
فتح طارق وهو يبتسم حضن سراب في الأول سراب ماصدقتش وبعدين بدت تبكي وطارق يبكي
طارق:الحمد لله ع سلامتك
سراب تبكي
طارق:خوفتينا عليك
أم سراب وسوسن جن يجرن وحضنن سراب وبدن يبكن
أم سراب:الحمد لله إنك بخير خفنا عليك من هالكلاب
سراب:ماتخافوش أني كويسة
-الله كنت فاقدة الأمل إنكم تسامحوني
سفيان:ومن قال منسامحوك
وخرت سراب وبدت تشبحله بخوف
أم سراب:سفيان ساد أختك كانت مخطوفة حن شوية
قدمت سراب ويوقفها سفيان:وقفي مكانك
طارق:سفيااان خيرك ياراجل
شوية وقدملها وقف قدامها:أني يلي لازم إنجيك ونطلب منك السماح يا أختي
سراب بدموع:س ف ي ا ن
خداها في حضنه:سامحيني ياختي أني ظلمتك
سراب وهي تبكي:مسامحاتك ياسفيان وأصلا أمتى زعلت منك أني مهما إتديروا مستحيل نزعل منكم
طارق بسخرية: اااه قلبي الصغير لا يتحمل
-مالحظتوش الهنود حولوا قدانا بدرامتهم
سوسن وأم سراب:ههههههههههههه
سفيان:أهو ناض الخامر
سراب:ههههههه قاعد في ضلاله الأول
طارق:وشن بيزيد عليا من عقل ياحنة
-وعلى فكرة حضنتي سفيان أكثر مني أني...مقيولة  ((الديب مايحب كان يلي خانقه))
سراب مسحت دموعها وضحكت:تعالى ياكلب طول عمرك طماع
سفيان:تعالي خشي
سراب:لا قيصر يراجي برا
أم سراب:ليش ماخش
سراب سكتت
أم سراب:باتي عندنا
سراب:هو ااا ااااا
سفيان:تو نطلعله أني وطارق
-طارق تعالى
سوسن:شن الجو ضعفتي ياكلبة شكلهم يحرتوا عليك زي الحمارة
سراب شهقت
أم سراب: ههههه تعالي خشي
سراب:لكن
أم سراب:قيصر حتى هو بيخش مش عارفة خوتك
وتعشيشهم
سراب:أمي
أم سراب:نعم
سراب:من خبركم إني مخطوفة
أم سراب:قيصر
سراب:قيصر!!!!!
أم سراب:ايه جي هنا يدور فيك ومنه عرفنا إنك كنت مغصوبة على زواجك منه وان هددك بخوتك
سراب فتحت فمها واستغربت
سوسن:يدور فيك زي المجنون شكله يحبك وفايت فيه
سراب سرحت وابتسمت والدمعة في عينها
شوية وخشوا طارق وسفيان وشبحتلهم سراب بمعني شنو
سفيان:ماباش
طارق:للأسف
سراب كشرت وسلمت على أمها وأختها وخوتها
وطارق وسفيان يشبحوا لبعضهم بخبث ومكر
مشت لناحية الباب بتطلع ويلاقيها قيصر وتلاقت عيونهم ببعض
......
وقد تحكي العيون شيئا....في الفؤاد قد تخبأ
#منقول
......
إلتفتت سراب لخوتها لقتهم يطقوا في يدين بعض
سراب إبتسمت وشبحت لقيصر يلي ملامحه كلها برود وجمود..
أم سراب:خش ياولدي خش
قيصر قدم...
أم سراب: يلي صار بينا صار ياولدي وتم خلينا ننسوه ونبدوا عيلة وحدة وإنت نسيبنا توا راجل بنتنا ف مافيش داعي للكره والحقد
قيصر فرح بالكلام يلي سمعه لكن مابان شي ع وجهه
طارق بهمس لسفيان:خيره ما إضحكش وهو اتقزل ميت بكره
سفيان خبطه:سكر فمك بتفضحنا
أم سراب:ومنطلب منك طلب بإعتبارك توا زي ولادي
قيصر قعد يشبحلها بمعنى قولي
أم سراب:خليكم هاليومين عندنا أكيدة تاعبين هلبا يلي صار اليوم مش ساهل علينا كلنا وخاصة انت وسراب وإحني مستاحشين سراب هلبا ونبوا نتعرفوا على نسيبنا الأول زين
شبح قيصر في سراب يلي متوقعاته يرفض
سفيان:غير أقعد
طارق:ايه بالله ماتقولش لا
قيصر:تمام
الكل شبحو في بعضهم مافهمو شي
سراب فرحت وبإندفاع:شكرا قيصر
هنا قيصر عجباته وهونت عليه قعد يشبحلها وعيونه يلمعن
سراب تحشمت من رد فعلها وسوسن وطارق قعدوا يشبحولها شبحات كفر
سفيان:هي قعمز تفضل
قيصر:شوية عندي مكالمة
سفيان:خود راحتك
سوسن شحت سراب:تعالي عندي مانقولك
قيصر:محسن مانيش جاي هاليومين رد بالك
-تمام سكر
تنهد وإدكر سراب لما قالتله انحبك ابتسم وبعدها ادكر لما قالت(( ماضيه شفعله عندي)) كشر وولت ملامحه ملامح الغضب والجمود
.
.
سراب:ياحيوانه أمتى صار هذا كله
سوسن:من لما كنا في المستشفى
سراب:الله وتلاقيتي بيه الكلية حي عالصدفة حي
وبعدين ضربتها
سوسن:اااه خيرني
سراب:كيف تخليه يبوسك ياكلبة
سوسن:اااه والله غفلة استغل خوفي وعدم تركيزي وباسني الموقف يجلط من الخوف يجروا وراي أربع شباب ولولا فهد راهو أبصر شن صارلي
سراب حضنت سوسن:الحمد لله ع سلامتك
سوسن:استاحشتك سراب الحوش بلاك كساد
سراب تنهدت وابتسمت:وكل شي ولى
سوسن:ايه...ع فكرة خبريني كيف العنايدي معاك
سراب سرحت وكشرت
سوسن:واضح عليه يحبك هلبااا جي هنا وقعد يدور فيك زي المجنون وزاد إنجن لما اتصلوا بيه الخلايق هذوما يلي خطفوك حي على وجهه نين إيرعش
سراب:شن منخبرك لنخبرك وعليش منخبرك ياسوسن قيصر خش في حياتي زي الإعصار قلبها فوقيها لوطيها وفي آخر هالإعصار جت المطر يلي هدت كل شي لكن مازال في ريح قوية
سوسن:وحق الله مافهمتك تكلمي زين ماتتكلميش بالألغاز
.
.
سفيان:كان تبي الحمام
قيصر:ايه وين
سفيان:في نهاية الممر هذا
هز راسه ومشي
طارق:خيره حامق
سفيان:مش عارف
طارق:شكله امه لما حامل بيه تحضر في هلبا أفلا أكشن ورعب
سفيان:هههه اسككت ياحمار
طارق:عطانا طريحة باهية كان كل واحد بيضربنا بيريح نسيبنا نموتوا خير بيش حتى امك تحصل شبوب🤣🤣🤣
سفيان:هههههه والله لسانك هذا يبي قطع مابعد بنت الناس منك
طارق اسرح: اااها بنت الناس اتهبل ياسيفو تهبببل
عطها جدري يازين امها وخلاص
.
.
خش قيصر للحمام غسل وطلع
سراب:هو صح يحبني لكن قاعد في ماضيه ياسوسن حتى توا لما قلتله انحبك يسحابني حانه عليه وبس
حتى منفهمه ماخلانيش كان يعطيني كلمه معاه بس
انقوله فيها إنه مافي شي يجبرني بيش انقوله انحبك ولو حانه عليه زي مايقول كنت سامحته بس وماحبيتاش لكن شعور الأمان والحب حسيتهن معاه من قبل لنعرف ماضيه
سوسن:اوووو شكلك هايمة وماشية
سراب ابتسمت:مش عارفة أمتى صار أمتى حبيته
مع انه عنايدي ومغرور وقاسي لكن ياسوسن حبيته
مانتحملش دقيقة وحدة بلا ما انشوفه
سوسن بسخرية:حي علمها مسرع
سراب:مش قصة مسرع تلاقيت بيه في حوش نصيب وجاني احساس وشعور غريب لما اشبحته مش احساس خوف منه بالعكس لكن كانت مساعدة نصيب عاميتلي قلبي وعيوني ووقفت زواجها وصار يلي صار ووصلنا يلي وصلناه بس كان يعرف
لكن تعرفي ياسوسن مش حنبطل ولا إنوقف لحتى نتبتله ان حبي ليه مش حب شفقة ومحنة حبي ليه زي الميه صافيه
سوسن:حي عالشاعرة حي حي
واحزروا من كان وراء الباب يسمع في كلام سراب من بدايته🤔😁😁طبعا قيصر قيصر فرح لما اسمعها هو عارفها خلاص اتحبه بس كان يبي يتأكد أنه تحبه حب زي حبه ليها حب صافي نقي ولا حب متاع محنه ابتسم ع جنب وفي خاطره:خليتي قيصر يجري وراك ياسراب توا جي دورك
.
.
ليل الليل طبعا وجابوا العشي وقعمزوا ع الطاولة
أم سراب:قدم ياقيصر
طارق:سوسن
سوسن:نعععم
طارق:هيا فرخة
سوسن:جيت
اشبح قيصر لعيلة سراب كيف يضحكوا مع بعضهم ويبصروا ع العشي حس بحزن إنه عيلته مش كيفهم وإن مايفوت يوم إلا وفي عركة وواحد منهم بينوض من عالطاولة
سراب بدت تشبحله حست بيه لكن مابتش اتبينله بيش مايسحابهاش حانه عليه
سفيان:مد يدك مد
قعد يدور في حاجة على الطاولة مالقاهاش والحاجة هذي ماياكل قيصر إلا بيها
سراب عرفاته وركزت عليه مرة فطور وغدي وعشي ياكل فيها وقفت
سفيان:وين ماشية
سراب:تو انجي
طلعت خيار من الثلاجة قطعاته وحطاته ع الطاولة
كلهم استغربوا..
أم سراب:سراب من يبيه كلنا مانكلوش فيه ع العشي
سراب شبحت في قيصر لقاته يشبحلها:اااه أني حبيت ناكله توا
طارق:ههههههه من أمتى تاكلي فيه
سراب ارتبكت:اااه وانت شن دخلك ناكل يلي نبيه
أم سراب:مادخله حد بيك ديري يلي ريحك
قعمزت وقيصر مداير روحه متجاهلها وهو يشبحلها من تحت وفرحان انها فهماته من غير مايتكلم
ناضت سوسن بتدير روحها فالحة بتصب المشروب صبت لقيصر
قيصر:لا شكرا
سوسن:خيرك
سراب:احححم
وفنصت في سوسن معناها مايبيش
قدمت سوسن وعترت في رجل سفيان وتبزع المشروب ع وجه طارق
الكل شهقوا وقعدوا يشبحوا
طارق وقف:شن درتييي
سوسن:حي
طارق قعد واقف مش مصدق ويشبح في سرواله
سوسن ميته خوف من طارق وتحشمت
أم سراب:ماصار شي عادي
إنفجرت سراب ضحك:هههههههههههههه
كلهم شبحولها
سراب بدموعها تضحك:طارق كبرت راه ههههههه
طارق:ههههههههههه ياعن بو جدك الي مات في الجهاد ظلم ههههههههههه
كلهم قعدوا يضحكوا ويقرموا في طارق
طارق:ياعنشكلك امسقققع 
سفيان:شكلك شارب هلبا اميه
قيصر سحراته سراب بضحكتها وقعد يتأمل فيها وفرح ان الضحكة شبحها ع وجهها
سراب:هههههههه يابطني هههههه
بعدين شبحت في قيصر لقاته يشبحلها ويبتسم وقعدوا يشبحوا في بعضهم شبحات الحب والشوق
.
.
في المكان يلي انخطفت فيه سراب
ناض شادي يكح بألم ومدروخ وقف اشبح فادي طايح قدمله يجري قعمزله
شادي:فااادي فااادي
فادي لارد أصلا فادي مات هو
شادي يحرك في فادي ويصيح بالقوة:فاااااااديييي
نووووض فاااااادي
وحضنه وقعد يبكي عليه:قيصرررر
.
.
سفيان:خيرك هدرز
قيصر:اهو انهدرز
فيش تخدم انت
سفيان:نشتغل في شركة تجارية
قيصر:كويس مليح
طارق:وإنت
سفيان:شن السؤال الخارب يخدم شرطي واضح
طارق:اا ايه
قيصر:متخرج من الهندسة
طارق:حييي زيي
-نجري ع اوراق تحضير منسافر برا
قيصر:كويس مليح كمل
طارق:وإنت خيرك خشيت شرطة خيرك ماكملتش فيها
قيصر سكت واذكر قصي
سراب:اااه طارق سفيان نوضوا الوقت تأخر
سفيان وقف:حقا أني نستأدن منوض بكري
قيصر:إذنك معاك
لفت نظر قيصر صورة بو سراب ع الطاولة
قيصر:وين بوكم
سفيان وطارق شبحوا في سراب بخوف
سراب فتحت عيونها وإذكرت هذاك اليوم ووخرت خطوتين وشدت في الحيط
قيصر قدملها:شن فيك خيرك
سراب بضيق:لا مافي شي مافي شي
سفيان غير الموضوع:وين بترقدوا ياسراب
طارق:أرقدوا في داري أني وأني نرقد مع الجحش سفيان 😁😁
سفيان:برا يابغل خزي
سراب ابتسمت وحاولت اتدس ردت فعلها
وقيصر قعد واقف وساكت وماباش يزيد يسأل
سوسن:سراب تعالي أرقدي معاي
سراب:ااااه
وشبحت في قيصر
أم سراب شحت سوسن وقرصتها
سوسن:ااااي
المهم كلهم خلو سراب وقيصر بروحهم في الصالة
قعدوا واقفين يشبحوا في بعضهم سراب متحشمة ماتبيش تتكلم وقيصر يبي يكلمها لكن غروره منعه
قيصر:اححم
سراب:الدار يلي قدامك خش تريح
فتح قيصر الباب وخش وقعد يلود في الدار
قيصر:أصبر ياقيصر أصبر
-الزفت ماعاد نقدر نتحمل
خشت سراب لدارها دارها ودار سوسن خدت دبشها وخشت دوشت لبست توته لونها سودة كم قطنية وعليها مرسوم باندا جففت شعرها وخلاته مطلوق
وخشت بترقد فتحت الباب وقيصر يتكلم في التليفون ألتفت وقعد يشبحلها لهنا وقف الغرور لهنا وقف التكبر وقف كل شي حط التليفون بدون ما يسكر المكالمة
سراب حطت يدها على فمها وقعدت تتاوم بطريقة طفولية إضحك على جنب وقدملها نين لصق فيها إرتبكت وتوترت:تبي حاجة
قيصر ساكت ويمس في شعرها ذايب فيها
سراب خلاص قلبها بيطلع وفي نفس الوقت حست بشعور غريب شعور حلو
قيصر حط يديه على خصرها وقربها أكثر منه:ضحكتك حلوة ياسراب ديما خليك تضحكي
وحط يده على خدها وباسها من جبهتها ونزل باس خدها وهي مسلمة روحها وبيبوسها من فمها لكن وقف ووخر
فتحت عيونها ووجها ولى أحمر وهو عطاها بظهره
وقدم امتد ع السرير غمض عيونه
سراب استغرباته وبعدين خبطت راسها ورقدت ع السرير بعيد عنها وبعيدة عنه...
.
.
وفي نص الليل سراب بدت تحلم بالحريق يلي صار في حوشهم من ست شهور وجهها يصب عرق وتتمتم وتهاتي وتحرك في راسها بخوف
سراب بهمس:بوي أطلع بسرعة
-نار
-حريق
-حوشنا
ناض قيصر فتح الضي ولقي سراب في حالة يرثى لها خاف عليها وقعد ينوض فيها
قيصر:سراب نوضي نوضيي
سراب قفزت مقعمزة شهقت خايفة والعرق يصب من وجهها وفجأة بدت تبكي
قيصر توتر وماعاد عرف شن يدير مالقاش حل إلا ياخدها في حضنه ويطبطب عليها ويهديها
قيصر:اششش خلاص أسكتي أني هنا معاك
سراب بخوف وتبكي:خليك معاي
قيصر:امعاك وأمتى سيبتك أني ششش خلاص
سراب مازال تبكي
قيصر بحدة:قلتلك ماعاد تبكي خلاص أمسحي دموعك طول ما أني عايش مستحيل انخلي شي يصيرلك
وقعد يمسح على شعرها ووجها ويروق فيها
وهي شادة في سوريته زي البيبي يلي خايف امه تمشي منه
وشوي وبعد ماسكتت سراب وهديت خداها النوم وهي على صدر قيصر
شافلها قيصر وحول شعرها من ع وجهها وباس راسها وسحب البطانية عليهم وحط راسه ع راسها وغمض عيونه رقد
.
.
صباح اليوم التاني...
كانت أول مرة سراب بعد ست شهور ترقد رقدة متريحة دافية حنونه لدرجة انها مبتسمة وهي راقدة
ناضت لقت روحها بين يديه استغربت في الأول وبعدين اذكرت شن صار ابتسمت وفي خاطرها:يهبل وين راقد...هو راقد وحلو هكي ماباله نايض
وتجرأت قدمت وباساته من خده بوسه خفيفة وناضت تجري
ناض قيصر ولمحها خطف طلعت من الدار قعد يضحك وحط يده ع خده وناض...
.
.
طارق:أني منوصلك
سوسن:ومن أمتى ان شاء الله توصل فيا
طارق:سفيان وخيي عيي ماعاد عنده جهد أني انوصلك
سفيان:والله يلي في راسك عارفة مش محنة فيا
طارق:خزي وهم شعب ماتنفع معاهم الكويسة
سفيان:باهي وصلها انت وفكنا من الكويسة متاعك هذي
سوسن:هذا كله ع خاطر جميلة
طارق:😁😁😁
سراب:صباااح الخير
الكل :صباح النور
أم سراب:ناض راجلك
سراب:لا مازال ماينوضش توا
سوسن بهمس:كيف كانت الليلة
سراب تحشمت:ضمي فمك
طارق:هي نوضي وقت ع كليتك
سراب:هههه خيرا هذا من أمتى يوصل فيك
سوسن:اشبح العقل يلي نزل عليه
-هاني جيت باهي وهو مستعجل أكثر مني
سراب:باي ردي بالك
سفيان:أني طلعت وقت..
.
.
مؤيد وجماعته في الكلية
مؤيد:جت
رضوان:قالوا ماجتش
مؤيد:خلينا انراجوا ماعندنا ما إنديروا يارضو
ههههههههه
.🕑
.🕑
وبعد ماوصل طارق للكلية نزلت سوسن هي الأولى وخشت للكلية ودرس طارق السيارة ونزل وقف قدام سيارته
طارق:وينهااا
بعدين اسمع اخته ناداته بصوت عالي
سوسن:طاااارق ساااعدني
فتح فمه بصدمة وعيونه وخط طلع يجري اتقول برق..
.
.
      يتبع...
#بقلم_رحيق_الفجر🕊🕊