حب بعد ورطة

15

#رواية_حب_بعد_ورطة
الحل{15}قة...
وتبدأ الحلقة بسوسن تعيط وتنادي في طارق يلي مشالها يجري..
مؤيد شاد يد سوسن ويكر فيها وهي تعيط
مؤيد:بلا لعب فروخ هيا
رضوان:سقدنا هيا شهدرت بينا
مؤيد:تعالى انت
سوسن جت بتضربه كف مؤيد شد يدها
مؤيد:مش ديما ياروحي مش ديما
على فكرة دورت عليك هلبا امس هكي تروحي بلا ماتشوفينا
سوسن:يامريض اتفووو
مسح وجهه وشدها من شعرها بقوة:ااااااااي
مؤيد:تو انوري فيتك
ومايحس إلا بالبوكس على خده من طارق
سوسن فرحت
طارق:عيطي عياط باهي وهي اتقول عنز بيدبحوها
سوسن:😡😡😡وقتك هو
مؤيد وقف زين ومس فمه لقاه دم :دم دم شوف يارضو دارلي الدم
طارق:خير فيته هذا اتقول ماعمره شابح دم
وبسخرية:بنيتي درتلك الببا ياناري عليها
جاه رضوان يجري ضربه ع وجهه
طارق وخر الوراء وقدم وعطاه بوكس ع بطنه
طارق:تضربني ع وجهي ع وجهي ياخامر
وألتفت لي سوسن:تي وين جميلة هذي منشوفها قبل ليضيع جمالي
سوسن بصوت عالي:ورااااك
إلتفت ويشدوه الشباب الإثنين كتفوه وجاه مؤيد ورضوان
مؤيد:شدوه زين شدوا
رضوان:تتفلح اتدير في روحك فالح
طبعا كل يلي في الكلية يتفرجوا ومش قادرين يدافعوا لأنهم خايفين من مؤيد وجماعته
وقعدوا يضربوا في طارق ع وجهه ع بطنه وسوسن اتعيط اتدور في من يحز ع خوها
فهد خش من البوابة ولقي سوسن اتعيط والناس ملتمة قدملها يجري
فهد:خيرك شن في
سوسن:مؤيد يضرب في طارق
فهد:ان شاء الله يقتله انت شن دخلك بيه😤
سوسن بصوت عالي وعصبية:طااارق خووي بعيد السو عليه😱😭
فهد😱:خوووك
ويحذف شنطته ويخش في مؤيد شده من خصره وحذفه الوراء وضرب رضوان كف
سوسن خذت تليفونها واتصلت بسفيان ردت سراب
سوسن:الووو
سراب:سوسن خيرك
سوسن:سراب وين سفيان
سراب:شن في خيرك صوتك هكي
سوسن:طارق يضربوا فيه في الكلية
سراب:شنهووو
سوسن:سراااب كلمي سفيان ديري حل قبل ليقتلوه
وسكرت الخط
سراب:الووو الووووو
قيصر اسمعها خايفة جاها:شنو صاير
سراب بخوف:طططارق متعارك مع شباب في الكلية
أني خايفة وسفيان ناسي تليفونه ياربي كيف الحل
قيصر:خلاص ماتتوتريش توا انحلها
.
.
طارق:يكح ويتنفس بقوة
-من انت
فهد:أني فهد
طارق:مافيش حد معاك أسد
فهد:هاهاهاااا بايخة
وقعدوا يضربوا في مؤيد والشباب يلي معاه
طارق:ووووووك يدي وجه فيته زي نهار المغبر اتقول ضربت زينقو
فهد مقعمز فوق رضوان 🤣وداكله وجهه في التراب وبصوت عالي:عرفت البنات ليش امسمياتنا زينقوات
😅😅
وقف مؤيد وطلع موس
طارق:حي علمك شن بتدبح حولي انت😱😱
مؤيد:لمنوريك
وينوض طارق يجري وفي جرته يجري مؤيد بالموس
طارق بصوت عالي وهو يجري:وااااااااااااك ياسفيان وينك 😨😨
فهد ناض من ع رضوان يلي ماعاد عنده جهد ينوض
هو ناض ولقي قدامه الشباب الإثنين
فهد:وييين مشيت خليلتي زوز تيران
طارق يجري خطم من ع فهد وبصوت عالي:والموووس يلي يجري وراااااي
فهد قدملهم وعطي واحد ركله ع بطنه والثاني ع وجهه
سوسن تبكي وجت جميلة تجري انصدمت من المنظر يلي قدامها وجت تجري لسوسن
سوسن:جميلة
جميلة:شن في شن هالقصف
سوسن:طارق وفهد يتعاركوا مع مؤيد
جميلة بدت تشبح في فهد كيف يضرب ولفت نظرها طارق يجري في جري
طارق اشبحها وفتح عيونه وإلتفت وقف لمؤيد
طارق يتنفس بقوة:هيا طارق وريها حركاتك متاع بروسلي وجاكي شان
مؤيد:وقفت وقفت
طارق:قدم هي
مؤيد:شكلك مش خايف منه الموس
طارق بيموت من الخوف وبهمس:والله خايف منه لكن قدام الأجانب الله غالب
وبصوت عالي:قدم
فهد خبطوه وجي طايح تحت رجلين سوسن وجميلة
سوسن شهت وحطت يديها ع فمها
وفهد حط رجل ع رجل ويديه تحت راسه وابتسم دار روحه مافي شي:الجو مليح ولا إنت عيطي هنا وإحني يلي ناكلوا الفشخ
سوسن بخوف:نووووض جوووك
فهد:لا غير خليني هنا فوقي منظر سمح
جميلة بدت تضحك
وينوض ينفض دبشه
سوسن:امشيلهم اضربهم
فهد:وراس امك
ويهرب ولحقوا وراه واحد منهم ولى وشد سوسن
؟؟؟:شن تسحابي روحك بتنفدي منها
جميلة خدت شنطتها وبدت تضرب فيه
طبعا شنطة جميلة سوبر ماركت وثقيلة
وتخبطه سوسن بركبتها ع😁😁🙊🙊
طاح الولد هذا ماعاد نايضها شكله
جميلة:شن درتي تو ماعاد يجيب
سوسن:وتخممي فيه انت خله بيش صغاره يطلعوا زيه
😂😂😂😂
قعد يحرك مؤيد في الموس بين يديه
طارق يتبع فيه بعيونه وخايف ينخصه بيه
مؤيد قدم بالموس وبينخص بيه طارق لكن طارق وخر وخواها
طارق:اااه جت في الريش ياطويرق
مؤيد:وهذي بتجي في اللحم
وجرحه في بطنه جرح سطحي
جميلة عفويا:لااااا
طارق شبحلها وهو يتألم كتم الألم طبعا وابتسم:زيد زيد بالله اجرح مسامحك تعالى طلع حتى كبدي😍🤣🤣
خبط مؤيد طارق وطيحه التحت وقدمله 
فهد إلتفت:وخيرني نجري أني
وشد الولد من رقبته:تعالى الجاي تعبتني معاك
وبدي فيه ضرب وطاح هو وياه تحت في التراب
وقعدوا يتكركبوا في بعضهم خذي فهد تراب ورماه ع عيون الولد وقعمز فوقه قعد يخبط فيه نين اغمى عليه...
وناض يجري لي طارق يلي مؤيد مش ناوي ع الخير
طارق قعد يخبط في مؤيد برجليه يبي يطيحه
وفعلا طيحه وقعدوا يتعاركوا ع الموس مؤيد يبي يشقه في طارق وطارق شاده
جي يجري فهد وخبط مؤيد برجله ع كتفه طيحه من ع طارق ونوض طارق
طارق:شكرا يالحب
فهد:العفو
وشدوه عطوه طريحة مليحة شوية وخش قيصر طبعا الناس يلي تعرف قيصر خافوا منه
جميلة:ووواااووو
سراب:قيصر
جميلة:تعرفيه
سراب:هذا راجل سراب
جميلة:يجنن طرف
سوسن مشت تجريلهم:طارق
طارق:اااه عطك البصل كسروني تكسير هذا كله ع خاطرك
مؤيد وقف:والله تو تشوفوا
قدمله قيصر وعطاه كف نين جي طايح ع بطنه
فهد وطارق:😱😱😱
طارق:كف واحد وطيحه
فهد:ياريته جي من بكري احني من بكري انخبطوا فيهم ومافيش فايدة زي الحمير ينوضوا وهو كف واحد رقده
خشوا شرطيين ووقفوا
قيصر:ارفعوا هالحمار للحبس
سوسن:حتى هذاك
وأشرت ع رضوان
رضوان ناض يجري🏃‍♂️🏃‍♂️
قيصر:جيبه بسرعة
الشرطي لحق وراع
جميلة مدت رجلها قدام رضوان عكفاته جي طايح
شده الشرطي وكتفه ورفعوههم
قيصر:ديرولهم اللازم مش مرة ثانية يضايقوا حد
ولا يتعدوا ع البنات
فهد نزل خدي شنطته نفضها ومشي قعد يتعكز
قيصر:وجهك دم وبطنك
طارق:ايه بكل
-ياخوونا وقف
فهد التفت وشبح في سوسن يلي تشبحله وتبتسم
قدمله طارق:شكرا لولاك كانوا قتلوني
فهد:عفوا الناس لبعضها
طارق:ماتعرفنا
فهد:فهد دكتور أعصاب ونفسية
طارق:بالجودة
فهد:بيك أكثر
طارق:أني طارق
-خو يلي صارت عليها العركة
شبح في سوسن لقاها تشبحله ابتسملها وابتسمتله وبهمس:شكرا
هز فهد راسه بمعنى:عفوا
جميلة:سوسن روحي أحسن تريحي
سوسن:هذا يلي بيصير
جميلة:هذاك خوك
سوسن:ايه طارق اسمه
جميلة بدت تشبحله:حصلها هلبا مسكين هههه
-لكن شخصية ربي يحفظه
سوسن:اييه بكل😅😅
وروح بيهم قيصر للحوش
أم سراب شهقت:شن صاير فيكم
طارق:حولي يافرخة... منحكيلك يا أمي شن صار ولدك إلعب فيهم تسعة تلاقوا عليا الأربعة وولدك المسكين بروحه
قيصر يشبحله:😦😦
أم سراب:ياناري ع وليدي 😱وأنت شن جيبك ليهم
اشبح في سوسن😑:ماهو كله من الكلبة هذي عفجوني طريحة ع سباها خزي وهي واقفة وتعيط زي المعيز وين يشحوا وحدة  منهم من الزريبه اااا اااا
سراب:هههههههههههههههههههههههه
قيصر زراته الضحكة لكن كتمها وسكت ومشي عنهم خش للدار...
سوسن:والله كذاب هو يلي يجري في الكلية خايف من موس هكي كبره👌
خبطها ع راسها:ياحمارة بيرشقه في بطني منوقفله
-وبخبث:ياااا أمي ولدك عشوي مامات ريتي سوريتي كيف انشركت لولا مهاراتي العجيبة في الضرب راهو بطني انشركت
أم سراب:وليدي تعالى تريح تعالى ياربي عشوي مامتت
طارق😁😎😈😈
سراب:ماتصدقيشي كذاب يتوحم عليك راه
سوسن:ايه والله كذاب مش بروحه ضربهم وين فهد مسكين حصلها ع رجله
سراب شبحتله ع جنب بخبث
طارق:ريتي يا أمي شوفيها اتدافع ع ولد الناس وخوها قالوا
أم سراب:فرخة وخيك راه ريتيه كيف حالته
طارق قعد يشبحلها ويرفعلها في حواجبه..
سراب بهمس:قلتي فهد اااه
ضحكت سوسن:اه هههه
.
.
قيصر اعطش وخش للمطبخ بيشرب لقي ام سراب اتوتي في الغدي
قيصر:احم
أم سراب:خش تبي حاجة
قيصر:ايه اميه
أم سراب:خش عالرخامة هيا
قيصر استغرب منها إنها بروحها في المطبخ مش معاها لا سراب لا سوسن وقعد يشبح وواقف
أم سراب:تبي شي تاني
قيصر:لا مانبي شي
-انت ليش بروحك في المطبخ
أم سراب:ااه ههه عادي سوسن تعاون فيا ديما غير اليوم ويلي صار قلتلها تريحي
قيصر:اه وسراب ليش؟؟
أم سراب بحزن:سراب ااااه هالمسكينة باهي يلي ماجتها حالة نفسية يلي صار معاها مايقدر حد يتحمله
قيصر يخوف:منسألك حتى ع حاجة
-سراب تتكوبس مافهمتش بالزبط لكن امس وهي راقدة تقول نار مانار وأطلعوا مافهمت شي خالتي قوليلي شن صاير معاها ولما سألتها ع بوها خافت وولت صفرة
أم سراب بحزن:سراب بنت طيبة قوية من برا لكن من داخل ضعيفة ياقيصر اتحب اتساعد الناس ماعندهاش فرق بين عدوها ولا حبيبها تعرف ليش لأنها قاعدة اتحس بالذنب ماضيها قاعد يلاحق فيها حتى في حلمها وتخاف من النار حتى سيرتها تخاف
قيصر مصدوم:باهي ليش شن صاير معاها
أم سراب:ا....
سراب:أميييي
أم سراب:اسسس سراب جت
خشت سراب للمطبخ وقعد قيصر يشبحلها
سراب ماركزتش ع قصير:الفرخة سوسن قاتلي نصيب جت هنا ولزيتوها خيركم
أم سراب:ماهو يابنتي ااا
سراب:شن دارت هي توا هي ضروري اتلزوها
وشبحت الغاز والع ارتبكت وخافت وبدن عيونها يتحركن يمين يسار :اااا اااا
وخرت ع وراها
أم سراب استاقضت ان النار والعة فطفتها بسرعة
وهذا كله تحت أنظار قيصر يلي خايف ع سراب
أم سراب:خلاص أطلعي باهي باهي
شدها قيصر من يدها وطلعها برا
سراب بإرتباك:ااه ششن في خيرك منكلم أمي
قيصر:خلااص قوليلي شن في ليش ماتبيش اتقوليلي
سراب:شن منقولك؟؟
وفكت يدها من يده ومشت خطوتين ويشدها يسحبها نين خبطت في صدره
سراب:ااه قيصر
قيصر بحدة:انت شن تبي بالزبط مافهمتكش ليش لما انقول بنفهمك اتسكري في امها
سراب:مانبيكش تفهمني نبيك تتقبل حبي ليك بس ياقيصر
قيصر سكت قعد يشبح لعيونها يلي بيبكن
سراب بصوت مجروح:مانبيكش تفهمني نبيك تعرف إني انحبك كيف ماتحبني بس هذا يلي نبيه
وفكت يديها منه ومشت تبكي...
قيصر تنهد بغضب وطلع برا يدخن
.
.
طارق:سوسن
سوسن:شن تبي
طارق:تعالي
جت سوسن:خيرك
طارق:شن قالت جميلة عني
سوسن:شن بتقول يعني
طارق:أكيدة شافتني حلو وشخصية ونضرب في المفرخ أكيدة قالت حاجة
سوسن:ايه قالت
طارق عيونه😍😍:شني
سوسن مدت يدها:شخلل
طارق:والله فلست بأمي من قبل لتجي بنت الكلب
هاااك
سوسن:😈😈😈
طارق:هيا قووولييي يافرخة
سوسن:قالت عليك ازهاق وماتعرفش تضرب
طارق😱😱😱
سوسن:ايه مش هكي وبس قالت عليك اتدير في روحك فالح هلبا زيادة قدام البنات وأنك صايع ضايع ومتاع مخدرات ومضروب ع راسك وتنقز زي القرد
وا...
طارق وقف ودف سوسن:سكررري خلااص
-فرخات آخر وقت ع قد مايدروللكن خزي كليت طريحة وفي الأخير طلعت ننقز زي القرد
سوسن :هههههههههههههه
.
.
رن رن رن
قيصر:الو يامحسن شن في
محسن:تعالى بسرعة المركز متشوشة فيه النااار
قيصر:شنهوووو ناار في المركز
محسن:تعالى فيسع
سكر قيصر الخط وبيطلع شداته سراب:لااا ماتمشيش
قيصر:تي حوليييي
سراب تبكي:بالله ماتمشيش
قيصر:المركز راكبه في النار والمساجين بيموتوا
سراب شداته بقوة والخوف والتوتر باين عليها:ماتمشيش نخسرك زيه ماتمشيش
فك يده منها:ماتدخليش فيا فاااهمة
خشت أم سراب وسوسن وطارق:شن في
سراب بهستيريا:نننننار
وحطت يدها ع كتفها:نننننار
قيصر عطاها بظهره ومشي خطوتين واتطيح يغمى عليها
سوسن وأمها:سرااااب
إلتفت قيصر وولى يجري قعد ينوض فيها :سرااب نوضي سراب شن فيك
طارق:حطها ع السرير
رفعها قيصر وحطها ع السرير وقعمز جنبها:سراب حبيبتي نوضي قيصر مامشاش قاعد أني قاعد
طارق تنهد بضيق وسوسن وامها يرعشن خايفات
قيصر بعصبية:مابتش اتنوووض
ووقف رفعها بين يديه ومشي
طارق:لوين
قيصر:للمستشفى
وطار يجري بيها ركب في السيارة
قيصر:اقعدوا انتم هنا تو نرفعها أني
وولع ومشي بسرعة...
وصل للمستشفى يلي كانت تخدم فيها سراب لأنها أقرب مستشفى
قيصر بصوت عالي:يادكتوووورة
جت الممرضة :سرااااب
قيصر:بسرعة نادي دكتورة
الممرضة:حطها هنا وخليك برا
قيصر:وين برا والله ماني طالع
الدكتورة:يا أفندي أطلع خليني نشوفها
قيصر:قلت مانيش طالع ديري يلي بتديريه بسرعة
الدكتورة:آسفة مانقدرش نشتغل وحد معاي
وطلع المسدس من خصره ووجهه ليها
الدكتورة والممرضة عشوي ماتن رعب
قيصر بملامحه المعتادة ملامح الحجر:أني ماني طالع وحتكشفي عليها زيك زي البنت الطيبة وإلا الرصاصة حتودرك وتودر شغلك هذا
المديرة سمعت الصوت وخشت:شن في
وشبحت سراب شهقت:سرااااب
وشبحت قيصر بالمسدس:انت من وخيرها سراب هكي ووين كانت
قيصر:أني راجلها قولي للدكتورة اتشوفها وإلا
المديرة:شوفيها انت
الدكتورة تشبح لقيصر والمسدس في يده
المديرة:انت شوفيها بس
-هدي هدي احني في مستشفى وهكي مايصيرش
تعالى معاي لمكتبي مابين ماتمت
قيصر يشبح في سراب:مانبيش انسيبها
المديرة:تعالى هي مش هاربة وماتخافش عليها سراب ديما يغمى عليها
اشبحلها قيصر مصدوم
المديرة:تعالى معاي وحول المسدس لو سمحت
غمض عيونه وتنهد بضيق وشبح في الدكتورة:اتصيرللها حاجة نوريك فهمتي
وطلع دس المسدس
المديرة:أكيدة انت الشرطي المتملك العصبي
قيصر رفع حاجبه واشبحلها ع جنب
المديرة:سراب ما إتدس عني في شي هي تحكيلي أكثر من أي حد ونعرفها أكثر من أي حد
قيصر:انت شن تعرفي عن سراب خبريني
المديرة:كل يلي نعرفه إنها بنت طيبة اتحب اتساعد غيرها وقبل لتساعد صاحبتها نبهتها وقلتلها ماتتورطيش لكن ماخدتش الكلام ومشت ساعدتها سراب طبيعتها أو يلي صار معاها خلاها حتى الحيوان يلي في الشارع اتساعده وتقول يلي يساعد حد يحس بالأمان والهدوء
سراب زي السراب موجود ومش موجود موجودة لغيرها ومش موجودة لروحها
قيصر:!!!؟؟؟
المديرة:مش عارفة كيف تزوجاتك مع انها تكرهك للموت مستغربتها
قيصر بحدة:تعرفي ماضي سراب انت
المديرة:وشن تبي في ماضيها عندك حاضرها
قيصر:سألتك سؤال جاوبي وسراب ليا أني وماضيها وحاضرها ومستقبلها يهموني
المديرة:وايش ماتسألها انت
قيصر:لو خبرتني ماكنت سألتك
المديرة:قبل لنخبرك إنت اتحب سراب ولا تزوجتها ع خاطر تنتقم منها
قيصر:ومن قالك أصلا نبي ننتقم منها في الأساس
سراب ليا وبس ومافيش حاجة اسمها حب عندي
عندي في حاجة فاتت الحب والعشق 
المديرة دهشت من كلام وجدية وحدية قيصر وحست ان يحبها حب مش عادي
تنهدت بفرح :حنخبرك شن صار مع سراب
.
.
   يتبع...
#رحيق_الفجر🕊🕊