حب بعد ورطة

9

#رواية_حب_بعد_ورطة
الحل{9}قة...
وصلنا في سراب لما خش قيصر عليها وهي قفزت خايفة منه...إنكملوا القصة😘😘
قيصر قدم بهدوء:ماتخافيش مني مش ماسك
سراب:لااااااااا وخررر قلت
قيصر يشبحلها ونادم ع حالتها:غير اسمعي بس
سراب حطت يديها ع ودانها :مانبيييش نسمعك أطلع براااااااا
قيصر خلاص حمق وقدملها شد يدها ونزلها من السرير وشد يدها الثانية بيده:أسكتييي خلااااص
خشت سارة:شن في
شبحتلها سراب شبحة إرتياح
قيصر:سارة خلينا أطلعي
سراب :لا ماتطلعيش
قيصر وهو ضاغط ع سنونه:سااارررة أطلعي
طلعت سارة وسكرت الباب
سراب:أسمعييي وقفي ولييي
قيصر:مشت مش حتولي
لهنا وخلاص ماعاد سراب ماعاد تحملت وطاحت مقعمزة وبدت تبكي بصوت مجروح وفيه بحة:إنت شن تبي مني شن تبي تتبث ولوين تبي توصل أني إنسانة عندي مشاعر عندي قلب عندي عيلتي يلي تخاف عليا إنت يلي فزت وأني خسرت و يلي تبي توصله وصلتله إنت دمرتني خليت حياتي كوابيس
وشدت راسها وبدموع:أعصااابي تلفن وأنهارن هذا يلي تبي تسمعه وهذا يلي تبي تشوفه وتوا خليني نولي لعيلتي بالله خلاص خليني نولي
وبدت تبكي وتشهق وهي حاطة يديها ع وجهها...
بس ردة فعل قيصر مش متوقعة قيصر نزل لعندها وخداها في حضنه بقوة ودفء وحنية وبصوت هادي:اسسسسس
طبعا سراب مش بوعيها:أني عييت مش ناقصة أني يلي فيا سادني ليش إنت مصر تهيني وأتدلني
كل كلمة أتقول فيها بألم وقهر كانت بالنسبة لقيصر سيوف في قلبه لأنه هو يلي وصلها للحالة هذي وبسببه إنهارت أعصابها...قعد حاضنها نين كملت كلامها قعد حاضنها بحب وكان يحصلها تقعد هكي طول العمر...أما غرور وأما جبروت وأما انتقام وأما تهديد في اللحظة هذي كله تبخر بمجرد ما إنهارت سراب قيصر يلي كاين يراجي في لحظة سقوط سراب بيش بيشمت فيها ويشوف روحه عليها كله نساه ورماه لأن حس هو يلي خسر مش سراب
وفي الآخير هذي بنت لأمتى بتقعد تتحمل...
هذا كله يفكر فيه قيصر وسراب بين يديه وفجأة تنتفض من مكانها وتحول من بين يديه وتوقف
وقف قيصر:سراب اا
سراب:إنت كيف تقدر تمسني واحد حقير زيك كيف إنهدت عليه الحنية إنت تطلع من قدام وجهي مانبيش منك شفقة ولا رحمة لأني نكرررهكك للموت وفي حياتي مانقمت ع حد ولا كرهت حد غيرك وحنبقى ديما انقولها نكرهك نكرههههاااااااااك
خشت سارة تجري على عياط سراب وسحب خوها قيصر برا
سارة:تمام خلاص بيطلع غير إنت هدي
قعمزت.سراب وتكمشت في بعضها وبدت تبكي بشيق..
قيصر يشبح في الباب:هي إنهارت ياسارة تبكي هلبا حولي منمشيلها
سارة إتدف في قيصر:مش توا ياقيصر
قيصر بحدة:كيف مش توا تبكي بكل هي
سارة بصوت عالي:قيصر خلاااص
سكت قيصر وقعد يشبح في سارة بمعنى كيف ترفعي صوتك
سارة:آسفة مش قصدي نرفع صوتي لكن شن منديرلك إن شادها في جرة البنت
تنهد قيصر ومسح جبهته بعصبية ومشي خطوات نين قعمز ع الدروج قعمزت جنبه ساره
قيصر بحزن مغطيه الحدة:معقولة وجعتها وجرحتها للدرجة هذي لدرجة إنها قاتلي نكرهك للموت
سارة حطت يدها على كتف خوها تواسي فيه
قيصر:كل القصة نبي انربيها شوي لكن بدل من بنربيها خلتني ا...
سارة إبتسمت:اييه كمل شن خلاتك
سكت قيصر وبعصبية:شي
سارة:خلاتك إتحبها وتتعلق بيها
شبحلها قيصر لكن المرة هذي شبحة متاع واحد كشفوه
سارة:مش حنقولك كيف ولا نسألك ليش ونفخلك راسك لكن إنت تحبها واضح مش قيصر يلي تخليه بنت يفكر فيها ومهتم بيها لدرجة أن موضوع الكره مش متقبلها منها من أمتى قيصر يعدل على حب حد ولا كره حد عندك الإثنين سواء لكن من البنت هذي كرهها كأن موت بالنسبة ليك وحبها ....
قيصر:كملي ليش سكتتي
سارة:حبها ليك حيكون جنة بالنسبة ليك
قيصر:لكن هي قالتلي نكرهك وماتوثقش فيا حتى شوي وكل مانبي انفهمها إني مش حنمسها اتهستر
سارة:كيف تبيها توثق فيك وشن متوقع منها يلي عيشتها فيه هاليومين يخليها تكرهك طول عمرها ياقيصر لو كنت في مكانها كنت إنتحرت لأن أي بنت مش حتتحمل يلي داره قيصر فيها بغض النظر ع أخلاق البنت
قيصر سكت وسرح في تفكيره
سارة:تقرب منها مش تتقرب منها جسديا لا تقرب منها بقلبك ومشاعرك حسسها بالآمان وفهمها أنك مش حتمسها بشر وخليها تمشي من هنا
بإندفاع وتنرفز قيصر:شن تخرفييي
سارة:خيرك إنفعلت
وقف قيصر بعصبية:سراب مش حتطلع من هنا أنسوها فكرة انردها لحوشها
سارة:ليش
قيصر بعفوية عصبية:لأني خايف تمشي ماعاد توليلي
قيصر إستهزب وسارة إبتسمت
سارة بخبث:ومن تكون لحتى مهتم بيها توليلك ولا لا
قيصر بحدية وشوية إرتباك: إنحبها وفكرة تتباعد عني مش متقبلها
سارة:هههههه ياروحي على وخيي وآخيرا تذكر هذيك المرة لما قلتلك حتجي بنت وتخليك تجري وراها ومن هالكلام
هز قيصر راسه بهدوء:هي اقوى من الرصاصة ماقدرتش انقاوم جمالها حدتها كلامها الحاد كل شي فيها ما إقدرش قيصر يقاوم
سارة:مش مصدقة شن مدايرة سراب فيك نين خلاتك شاعر
-لكن ياقيصر الحب حرية مش تقييد ولو تحبها فعلا عطيها حريتها وصدقني لو هي نصيبك حتوليلك ماتكرهاش فيك أكثر ماهي كارهاتك
-عارفة الموضوع مش خاش لراسك نهائيا لكن كان تبيها ليك عطيها حريتها عمره ماجي حب بالغصب
إنت اختار يابتخليها هنا وتكرهك يابتعطيها حريتها واحتمال اتحبك
أحمد بصوت عالي:سااااارة
سارة:فكر زين توا منمشي للجحش هذا منشوفه شن يبي..
سراب في هذيك الليلة مارقدت ولا غمضة اتحاول تهرب لكن قيصر مش مخليلها مجال وكل ماغمضت عين تتكوبس بقيصر
سراب بدموع وألم:شن درت في عمري أني ساعدت نصيب وحصلت بدالها...المسكينة نصيب لو كانت في مكاني مش حتتحمل
-حسبي الله ونعم الوكيل شن بيكون صاير في خوتي وأمي
.
.
صباح اليوم التاني
سوسن:شن هالصوت ياطارق
محمد بصوت عالي:سراااااب أطلعي ياخاينة منكشفك ع حقيقتك قدام أهلك
طارق:هذا محمد
سفيان:خير فيته هذا
وطلع سفيان وطارق
سفيان:خيرك
محمد:خيرني من وين الخير وين أختك
سفيان:تكلم زين ومتنساش راك في حوشنا
محمد:مانسيتش لكن أختك نست بسرعة وينها ناديها
قدمله سفيان:وطي صوتك أمي راقدة
محمد:مانيش موطيه وقول لأختك تطلع ولا مايصير خير
طارق:في من تهدد انت
محمد:ما انهددش انحدر ناديها
سفيان:سراب ماتبيش تشوفك امشي من هنا خير
محمد بعصبية:كيف ماتبيش اتشوفني
جي محسن :شن في
طارق وسفيان شبحوه سيبوا محمد ومشوله
سفيان:عرفت شي
محمد سكت واستغرب من الشرطي
محسن:أني عطيت المعلومات والشرطة يدوروا فيها ماتخافش
محمد:قصدكم سراب مهناش
طارق:مادخلكش
سفيان:تمام شكرا
محسن يشبح في محمد:كان صار شي تو انبلغكم
مشي محسن ومحمد بدي يفصل:وينها
سفيان:ياراجل برا على حالك مش فسخت أختي شن دخلك عدي
محمد بعصبية:فسخت من هنا وإختفت من هنا
طارق:ضم فمك خلاص
محمد:أكيدة مع الشرطي لأن تحبه هذا عليش هربت معاه كنت عارفها وحدة خاينة بلا شرف
ويعطيه طارق كف:سكر فمك
محمد بعصبية:كيف تمد يدك
وتكامشوا في بعضهم وسفيان يحز من بينهم وسوسن خايفة تشوف من الروشن وتشبح في امها خايفتها اتنوض
جو الجيران بعد ماسمعوهم وحزوا العركة
محمد داهش وطارق
سفيان:إنت وخر
-محمد آخر مرة بالأدب انكلمك امشي على حالك
مشي محمد وهو يفنص في طارق وسفيان ويشبح في الجيران
.
.
تنهد قيصر وفتح الباب وخش وعلى أول مايخش تجيه الفازة ويتلاقها بمرفقه تتكسر عليه
قيصر شد يده بألم:أنت شن درتي
سراب بحدة:هكي وشوية فيك
أنعجب بحركتها وكيف تقاوم فيه مع إنها منهارة من داخل
سراب في خاطرها:هذا ليش يتبسم
قدم قيصر ووخرت سراب بخوف وشدت فازة تانية:ماتقدمش خيرلك
قيصر:نبي نتكلم معاك ومش حنمسك
سراب :مستحيل نوثق فيك واحد حقير
قيصر ركبت فيه النار🔥🔥لكن ضغط ع روحه وسكت وتنهد:لو نبي إندير فيك حاجة كنت درتها وإنت مغمي عليك..
سراب بحزن:ويلي درته وأني مصحصة شوية
قيصر:غير هدي نبي كلمتين معاك وشدي المسدس كان درت فيك حاجة أقتليني طول
سكتت سراب ووطت الفازة((أقنعها ولد الكلب😂))
قعد يشبح فيها ويقرب منها بنظرات حب
سراب لاحظت في عيونه حاجة غريبة وإرتبكت لما قعد يقدم وخدودها ولن حمر
قيصر يقرب ويبتسم ولما إبتسم حست بأمان لكن يبقى يلي داره فيها في نظرها قيصر الحقير
سراب:وين مقدم هذا مايعنيش إني وثقت فيك هات المسدس
طلع قيصر المسدس من خصره وعطاهلها ولما حطه في يدها شد يدها فسراب تلقائيا حولت يدها منه
ابتسم هو بخبث وهي قعدت حاصلة في المسدس رزين
قدم قيصر يبي يعلمها كيف اتشده لكن وخرت عنه وهذي الحركة استفزت قيصر
سراب:وخر وراء نعرف انشده
-تكلم بسرعة وقول شن تبي..
قيصر:عارف شن درت فيك ويلي درته خلاك تخافي مني عندك الحق مش عارف ليش انقولك فيه هالكلام يلي ماعمري قلته لحد ولا فكرت انقوله لبنت خاصة إنت وقفتي قدامي وعاندتيني فقررت إنعاقبك
سراب بدموع:ويلي بيعاقب هكي يلعب بشرف بنت ويخطفها
قيصر:مافيش طريقة تانية عند قيصر يلي غلط معاي هكي يتعاقب
سراب:إتصدق إنك واحد تافه ومريض
قيصر:ألزمي حدودك مش كان تكلمت معاك بهدوء تاخدي وجه جيت نبي انفهمك حاجة وحدة صح أني حقير لكن مش ندل صح شركتلك دبشك لكن مامسيتكش ولا قربت منك كنت نبي نزرع الخوف في قلبك وزرعته
سراب:انت جاي اتقولي مشمت فيا يعني
قيصر:احسبيها كيف ماتبي عندك واحد من الخيارين
سراب:ويلي هم
حط يديه على بعضهن وبثقة وحدة:ياتتزوجيني وتشوفي أهلك
سراب بحدة:مستحيييل نتزوجك
قيصر:أسمعي الخيار الثاني
سراب:مانبيش نسمع والأحسن تخليني نطلع خير مانطلق عليك
قيصر ببرود:أوكي
ويقدملها بسرعة وقف قدامها مباشرة ويفك منها المسدس 
سراب:ااااه
قيصر شد يدها لواها وراء ظهرها ولصق فيها نين برمت وجهها لليمين وغمضت عيونها
رفع يده وقعد يتحسس في وجهها بصوابعه
سراب بتقزز:اااااا
قيصر همس في ودنها:في الخيارين حتتزوجيني ماعندكش مهرب..الخيارالثاني في حالة ماوافقتيش على الأول خوتك الإثنين حنتهمهم بجريمة طول عمرهم مش حيطلعوا من الحبس ومع هذا حتقعدي هنا محبوسة يعني في الحالتين انت مرتي لكن القرار يرجعلك ياتمشي وتجي ع أهلك وانت مرتي ياخوتك في الحبس وانت رهينتي
وطلقها ومشي...
قعمزت سراب مصدومه:هذا من شنو مصنوع أكيده في دماغه حاجة مضروبة
وبدت تبكي وتدعي....
.
.
سفيان وطارق في الصالة يتناقشوا ومعاهم سوسن
وهم يتكلموا ع سراب كانت أمهم تسمع في كل شي
إلتفتت سوسن وأنصدمت وخافت:ااامي
ام سراب:شنهوووو
-ككيف سراب مخطوفة
وأتطيح عليهم
قدم طارق وسفيان يجروا شدوها
وسوسن:أمييييييي
طارق:منمشي انجيب الدكتور
سفيان:فيييسع
.
.
سراب جت بتفتح الباب لكن لقاته امسكر ومشت للروشن لقاته مفتوح فرحت
سراب:شكله انساه مفتوح
فتحاته وع أول ماتفتحه إتجيها نسمة باردة هادية خلتها تتريح وتغمض عيونها تعيش الدور😅😅
فتحت عيونها ولقت المنظر تحت يجنن كل أنواع الورد مغرس في هذاك الجنان...لفت نظر سراب بعدين اذكرت على شن ناوية...شبحت تحت ولقاته عالي المكان هلبا
سراب:ووووه عليا عالي
تشعجت وطلعت رجليها من الروشن وهي تشبح تحت بنص عين وخايفة:ياربي ساعدني
شبحت الفوق في الدار وتلقى قيصر واقف يشبحلها
قيصر:والله عرفتك
سراب:سحيقة والله ماتنسى حاجة لا تفوتك فايتة ولا أكلة بايتة
قيصر مرق راسه وشبح تحت:تحسي في المكان عالي شوي صح
سراب شبحت تحت وشلحتله بخوف
قيصر:يا بتنقزي وعظامك بيتكسرن يا هاتي يدك
سراب تنرفزت:إنطيح ولا نخليك اتمسني
وتطلق يديها لكن يشدها بقوة
سراب تتنفس بخوف:اطلقني
ويسحبها قيصر ويحضنها بقوة وهو مغمض عيونه
سراب جمدت في مكانها وقلبها قعد يدق بسرعة
قيصر بنبرة خوف:مجنووونة كان طحتي وصارلك شي
وخرها عنه وقعد يشوف فيها:انت كويسة
وحضنها من جديد:ماعاد.اتديري هكي وتخوفيني عليك لو صارتلك حاجة أني انختش
سراب تسمع في الكلام هذا ومش مصدقة وذانها ومش مصدقة انها في حضنه نهائيا
شوية وصحصح قيصر ووخر عنها قعدت سراب تتأمل بتفكيرها مش مصدقة شي ومش مستوعبة
طلع من الدار بسرعة
سراب:شن انسميه هذا وشن يلي سمعته أني منختش من جهة قاسي معاي ومن جهة خايف عليا
قطع تفكيرها قيصر وفي يده لوح صغير ومسامير
وسكر بيهن الروشن
سراب فاتحة فمها:شششن اتدير
قيصر ماباش يعدل عليها وقعد يدق في اللوح
سارة خشت وأمها:شن في
قيصر مش معدل ع حد سراب شبحت في سارة وأم قيصر
أم قيصر:كيف حالك يابنتي
سراب بخوف:كويسة
قيصر استغربها يسحابها بتنفجر في امه لكن صار العكس
أم قيصر:بنتي إنت ضعيفة هلبا شكلك ماتاكليش
سكتت سراب
سارة:تعالي إنزلي معانا تغدي
قيصر:لااا جيبيلها هنا
سراب شبحتله بعصبية وشبحت في سارة وابتسمت بمسايرة:لا مانبي شي
أم قيصر:قيصر البنت
قيصر بحدة:لااااا يعني لا وكان ماتبيش تاكل حرة المهم برا من الدار هذي لا
سراب:إنتم كيف متحملينه واحد طاغي
إلتفت قيصر وبحدة:مادخلكش
سراب:حتى إنت مادخلكش بيا وكان فيك ذرة ناموس خليني نطلع من هنا
أم قيصر وسارة:😱😱😧😧
لوح القادومة وبهدوء:أسكتي أحسنلك وفكري بي يلي قلتلك عليه خير مانبدأ مني ليا
سراب رفعت صعبها السبابة:نموت ولا نتزوج واحد زيك همجي مغرور قاسي
سارة وأم قيصر يشبحن في بعضهن بخوف وصدمة يراجن في قيصر أمتى يعفجها طريحة
قيصر قدم خطوة رفع يده قبل بيخنقها شبحها كيف خافت وعيونها دمعن تنهد وطلع
سارة:أمي شبحتي يلي شبحته
أم قيصر:إيه
قعمزت سراب وقعدت تبكي وجتها أم قيصر تهدي فيها:أني آسفة يابنتي
سراب:وإنت شن دخلك
أم قيصر:بنتي أني مش سائلاتك شن قصتك معاه ومن إنت ولا من وين لكن نبي نطلب منك طلب واعتبري امك هي يلي طلبت
سراب:تفضلي
أم قيصر:بنتي قيصر ماكانش هكي هو عنده ماضي خلاه يصير كيف ما إنت تشبحي فيه توا مش حنخبرك ع ماضيه لأن مايهمكش وعارفاتك تكرهيه لكت ماتكرهيش حد نين تعرفي ليش هو هكي
سارة بحزن:قيصر ماعمراش تعامل مع البنات وماعمراش تعلق بوحدة إلا إنت
سراب بإستغراب:أني
سارة:ايه انت نقدرش انقول شي توا كل يلي نبوه منك تتزوجي قيصر
قفزت سراب :مستحيييل عارفات شن دار هو كان حيدمر حياة صاحبتي وضرب خوتي وبسببه أمي جتها جلطة في قلبها وبسببه اليوم محبوسة هنا وتبوني نتزوج واحد زيه لا هو وحش اشبحتن حالتي كيف
قعدت أم قيصر تبكي وتترجى في سراب إنها تتزوج قيصر حتى إنها جت بتركعلها لكن سراب شدتها
سراب:شن إتديري شدي أمك
أم قيصر:باهي شن مندير مافيش بنت جريئة زيك تقدر اتكلم قيصر هكي وأصلا من تقدر
سراب سكتت وتنهد حطت يديها على راسها وقعمزت
سارة بهمس:خلينا نطلعوا يا أمي
.
.
الدكتور:مافيش حاجة تخوف لكن ماتخلوهاش تتفاعل هلبا بس وغيرتلها الدواء هاكم جيبوه
سفيان:شكرا دكتورنا تعبناك
الدكتور:ولو هذا واجبي بالشفي ان شاء الله
سوسن طلعت من الدار
طارق:شن حالها
سوسن:ماخدت الدواء إلا بالسيف وهي تبكي وتسأل على سراب
سفيان:لا حول ولا قوة إلا بالله
رن رن رن
سوسن:الو
لالا فوتيني أمي مريضة..تمام
سفيان:منو
سوسن:صاحبتي تتصل من الكلية
سفيان:بري لكليتك خيرك
سوسن:وأمي
سفيان:بري إمشي إحني هنا ومش طالعين
سوسن:لالا أصلا مانوصل غادي نين المحاضرة تكمل
سفيان:ماعاش تغيبي غدوة بري
سوسن:حاضر
تبوا قهو
طارق:إيه ديري🙂
سوسن:ديما وأنت تبلع لاطالق أخضر لا يابس😑
سفيان:يافي المطبخ يافي الحمام😶😶
سوسن:ايه والله حق😂
طارق:سفيان شن حال عز الدين😎😈
سفيان:حي ياحي أقسم باالله عز الدين حامق مني
ومشي يجري..😱😱
طارق:إقلبي ديري قهوة قرسووون😤
سوسن:قرصة في اشدوقك😝
......
ونولوا بقصتنا لقيصر وسراب
سراب إتفكر في عيلتها وتفكر في كلام أم قيصر
سراب:زعما حق يلي قالاته امه هو ماكان هكي
-وأنت شن تخرفي وكان هكي شن يهمك
.....
أحمد:خيرك ماترديش عليا
؟؟؟:آسفة أهلي خدوا مني التليفون لأنهم عرفوني انكلم فيك
أحمد:ماتخافيش غدوة نجي نخطبك
؟؟؟؟:بالله
أحمد:ايه وعد مني ماعاد تبكي
؟؟؟:انحبك.
أحمد ابتسم:أنحبك ياعمري
.
.
خش قيصر شبحه أحمد تنرفز منه وناض قيصر قعد يلود في الصالة ويلود يخطط لحاجة شبح الفوق وركب لي سراب
ولاء:والله ختش أكثر ماهو امختش حالته حاله شوفي يده كيف مخبشة ومجروحة
أم قيصر قعدت اتشوف في قيصر من بعيد...
قيصر:محسن سمعني الصوت
وفتح المكبر لي سراب وكان صوت واحدين يعيطوا بصوت عالي بألم
سراب فتحت عيونها وحطت يديها على فمها
االصوت يعيط بألم:اااااا لاااااااا
قيصر:تعرفي هذوما من يلي يعيطوا
سراب بخوف:مممممممن
قيصر ابتسم بخبث:ولو معقولة ماتعرفيهمش
وخرت سراب خطوتين :لااا سفيان..ططارق
قيصر:هاك عرفتيهم
سراب:لاااااااا ليش هكي إنت خيرك هم شن دخلهم
وبدت تبكي
قيصر:أنت عارفة شن نبي
سراب سكتت وسرحت بتفكيرها
قيصر:محسن
الصوت تقوى هلبا:اااااااه ااااااااااااااه
سراب:لااااا ماتضربوش خوتي لاااااا وقف
قيصر:محسن وقف
وشبح في سراب:هاااا شن قلتي
سراب بعياط:مواااافقة موااااافقة
وحطت يديها ع وجهها وبدت تبكيي:سيب خوتي موافقة نتزوجك بس سيبهم شن دخلهم
سكر قيصر الخط وركع لعندها وحط يده على راسها لكن دفت يده وبغضب:ماتمسنيش وخررر عني نكرهك نتمناك تموووت
وقف قيصر حامق ومتنرفز شي طبيعي بيحمق هو يحبها وهي تكرهه وقيصر مايتحملش هكي
قيصر بجمود:وتي روحك اليوم حتكوني مرتي وماتجربيش تهربي لأن خوتك قاعدين في الحبس وتحت يديا
وإبتسم ع جنب بنصر وفخر وطلع
مسحت دموعها ووقفت:عندي شرط
إلتفت ورفع حاجبه:اسمه طلب
سراب:مش مهم
قيصر:شن طلبك
سراب:شرطي قبل لنتزوجك إتطلع خوتي من الحبس وتخليني نمشيلهم
قيصر:امممممم
سراب تشبحله وعيونها يلمعن بحزن
قيصر:بعد مانتزوجوا اندير يلي طلبتيه
وطلع سكر عليها الباب...
وسراب المسكينة نفسيتها تعبت من البكي حتى ماعندها حيل مازال تبكي
.
.وبعد مرور ساعات...
الشيخ:بارك الله لكما وبارك عليكما
وناض روح...
أم قيصر بفرح:لولولوليييييي
وسارة حضنت سراب:ألف مبروك ياعروس تتهنوا
ولاء بهمس:ان شاء الله هذي سراب
وبدت تشبح فيها من فوق لتحت هي غارت من جمال سراب وجسمها وشعرها :مش حلوة
أحمد:كلا أني منطلع
ولاء:أرفعني معاك كبدي لعبت
سراب سرحانة ومهمومة والزعل واضح مرسوم عليها وكل ماتجي عينها في عين قيصر تفنص فيه وتتقزز منه بعكس قيصر يلي فرحان من داخل بيطير لكن قيصر مايظهرش عليه إلا الحمق بس
أم قيصر:شكرا يابنتي فرحتيني
سراب ابتسمت بمسايرة
وبعدين سارة وام قيصر سيبوهم..
قيصر لصق في سراب:مبروك ياعروستي
سراب وخرت:الله لا يبارك فيك
قيصر:واو ع الرومانسية
-مش قادر إنقاومك أني...
وحط يده ع كتفها بخبث😈
فتحت عيونها وخدودها ولن حمر عرفت المقصود وخرت عنه وبحدة:ألزم حدودك قليل أدب😳😳😳😳
قيصر قعمز وحط رجل على رجل:راجلك أني توا يعني أي حاجة إنديرها حلاال عليا
سراب كمشت يديها وتنهدت بغضب😤🤯
قيصر بخبث:ما إتديريش حركات بيش أني ما إندير شي😈
سراب بصوت عالي شوي:أنت اااااه 🤬
استغفر الله 😤
قيصر ببرود:تعالي جنبي قعمزي
سراب:في أحلامك ولا تنسى تزوجتك ع خاطر عيلتي يعني مش ميته عليك ولا تتوقع مني شي
قيصر وقف وقدملها وقرب منها غمضت سراب عيونها:قلت خلي بينا أربع خطوات ديما
قيصر همس في وذنها:ومع الأيام قيصر حيلغيهن الأربع خطوات هذين وعن طريقك يعني إنت بروحك حتنسي الخطوات يلي حطيتهن
ووخر أربع خطوات وهي فتحت عيونها ع حدهن
قيصر:بتمشي لأهلك يلا نستنى في السيارة
سراب:وآخيرا منمشي لأهلي
وعدت تجري👏👏👏
.
.
طارق:غير وين ماشية صحتك
أم سراب:أما صحة حول منمشي إندور عليها بروحي
سفيان:الشرطي ااا
أم سراب:حل عني انت والشرطي
سوسن:أمي وقفي بالله اتوقفي
وفتحت الباب🎴
أم سراب :سرااااب
سراب خشت في حضن أمها:أمي كيف حالك استاحشتك
سفيان وطارق وسوسن قدموا يجروا لسراب
أم سراب:وين كنتي ياعيوني ويينك هكي تخوفينا عليك
سراب:سامحيني يا أمي
وخرت عنها وشدت يدها:خشي خشي صقع
سفيان:سراب وين كنتي
طارق:خوفتينا  وين كنتي
قيصر قدم:كانت معاي
سوسن شهقت وخافت وأم سراب مصدومة
طارق وسفيان:إنت
قيصر:😎😎
سراب متوترة خايفة وفي نفس الوقت نار قلبها ع قيصر
سفيان:سراب فهمينا ليش هذا معاك
طارق بعصبية:خشي أختي وإنت إقلب وجهك
وشد أخته من يدها وشد قيصر يد سراب
سفيان:فك يدها
سراب من بينهم مجروحة وإتدمع
قيصر:مانيش طالقها وشن بتدير إنت وياه شكلكم انسيتوا الطريحة
طارق:واحد *****
أم قيصر:خشي يابنتي خشي
قيصر:سراب مش حتخش جايتكم شوي وبتولي معاي
سفيان:وليييش تولي معاك من تسحاب روحك
قيصر بثقة:لأنها مرتي ولأني راجلها
الكل إتقول نزلت صاقعة ع روسهم🤯🤯
وسراب😥😥😢😢
سفيان:سراب شن يخرف هذا
طارق:سراب ماتسكتيش قولي شن يقول
أم قيصر بألم:ااااه
سراب:أمييي
وقيصر حاط يديه في جيوبه ويبتسم
أم قيصر:كويسة كويسة بس فهميني شن يقول هذا
سفيان بعصبية:ردييي
سراب قفزت مخلوعة:إيييه صح كلامه تزوجنا اليوم
وخرت أمها نين شدتها سوسن يلي سوسن بروحها مصدومة أما عن طارق وسفيان القاز بدي يرقى
سراب :سسسفيان أمممي
سفيان بصوت عالي وعصبية:وإحني يلي قالبييين عليك الدنيا فوقي لوطي حتى نومنا مش زي الناس وإنت طلعتي هاربة مع التافه
طارق:إنسيتي شن دار فينا
وأشر لأمه:أمي كانت حتموت بسببه هو وإنت بدال ماتوقفي مع أمك مشيتي تتزوجي فيه إنت شنووو
أم سراب:ماتوقعتك إتديرها ياسراب
سفيان:صدق طارق لما قالك أنانية شن استفدتي لما هربتي وتزوجتيه طلع كلام محمد عليك صح أنت خاينة خنتي عيلتك
سراب ساكتة تتلقى في الصدمات وتبكي وقيصر النار بدت تولع
سوسن:أختي دافعي ع روحك ماتسكتيش
طارق بصوت عالي:شن بتقووول ماعندها شي ماعندهاش كان العاااار إنت وحدة بلا شرف ولا عندك كرامة ماتقولش أختنا وأصلا بعد يلي درتيه نتحشم اناديك أختي
سراب وخرت خطوة نين لصقت في قيصر قيصر حط يده ع كتفها والنار في عيونه..🔥🔥
                   يتبع....
#بقلمي_رحيق_الفجر🕊🕊