#حب_بعد_ورطة
الحل{30}قة...
كملت الحلقة يلي فاتت على عصام وسارة وتبدأ الحلقة هذي بعصام وسارة....
إذكرت سارة الصورة والمكالمة غمضت عيونها وتنهدت بعصبية وعصام طبعا قاعد يتكلم ويعبر عن مشاعره
سارة دفاته عنها:مستحيييل فاهم مستحييل
عصام بإستغراب:شني يلي مستحيل سارة
وقدملها حط يديه ع خدودها:سارة إنت شن اتقولي أني عصام صوما
وخرت عنه بدموع:عارفة ومانسيت لكن شكلك إنت يلي إنسيت
عصام قدم:شنو يلي نسيته شن اتقولي إنت
وخرت خطوة:خليك بعيد ماتقربش مني
إنقولك شن إنسيت إنت إنسيتني وتوا إنسيت روحك إنك متزوج وعندك صغار وجاي بكل عين وقحة تبي تتزوجني ليش
عصام مش فاهم شي نهائيا وبصوت عالي شوي:من يلي متزوج شن إتخرفي انت
سارة بصوت أعلى:ماتكدبش إنت متزوج وعندك أولاد..
عصام سكت وقعد يراجع في روحه
سارة ضحكت بسخرية ودموع:فهمت توا عليش تبي تتزوجني شكرا مانبيش منك صدقة ولاشفقة أني بخير إمشي لمراتك وولادك كان إنت تبي تجرح مرتك فأني بنت عيلة وناس مستحيل إنجي ع ضرة ونكسرللها خاطرها وقلبها
عصام قدم:سارة روقي وافهمي الموضوع مش زي ما إنت فاهمة
سارة بإندفاع:لا فاهمة إنت يلي مش فاهم وشكلها السفرة غيراتك عنا إمشي بالله من هنا إمشي شوف حياتك وأنساني شكرا ع خدماتك وجميلك هذا مش حننساه طول عمري
عصام:سارة على الأقل أسمعيني شن بنقول أني إنحبك من لما كنا إصغار وا...
حطت يديها ع ودانها وبصوت عالي:مانبيييش نسمعك أطلع من هنااااا
أني في حياتي ماحبيتك ومستحيل أنحبك فاهم
عصام إنصمت من كلامها وقعد يشبحلها بصدمة مش مصدق يلي يسمع فيه..
سارة بحدة:فهمت أني عمري ماحبيتك ونعتبر فيك زي قيصر بالزبط ويلي توا صار حيقعد سر لكن ماتتوقعش مني إنولي حتى صديقة زي قبل
تنهدت وغمضت عيونها:توا تقدر تمشي
عصام ماعاش عرف شن يقول سكرت كل شي قدامه وكان الأحسن ليه يطلع من جنبها لأنها ماخلاته يتكلم وبيش يحافظ ع كرامته قدامها..
ألتفت عصام وطلع سكر الباب بقوة بعصبية ومشي
سارة لصقت الباب وقعمزت وبدت تشهق وتبكي بألم وقهر:آسفة ياصوما آسفة سامحني عارفة قسيت عليك هلبا بكلامي لو تعلم قديش إنحبك حتى أني لكن زواجك من وحدة ثانية...هكي أنت بتقعد واحد خاين وأني حقيرة
وحطت يديها ع وجهها وبدت تبكي:فات الوقت فات
وصعب نجتمعوا 😢😢😢
.
.
#في_المكتب...
حاطة القلم في فمها وتفكر وفجأة حطت القلم ووقفت وكأنه خطر عليها شي ...طلعت من مكتبها ومشت بسرعة طلعت برا ولفت وقفت تحت روشن مكتب محمد...
محمد:ياحبيبتي ياولاء ماتخافيش أني إنحبك ومنتزوجك وكل شي بتديريه لينا إحني الإثنين
ولاء:أني خايفة يامحمد أحمد يكشفنا يورينا
وقصة التوقيع صعب كيف منجيبه كيف
دانا:😱😱😱😱
-من ولاء هذي أكيدة بتطلع تقرب لأحمد..
ورفعت راسها الفوق للروشن وشافت وحدة عاطية بظهرها وشافت محمد شاد يديها
محمد:إنت مش واثقة فيا ...خلاص إمالا خلي قيصر وأحمد ينفعوك تي والله ماهم أمعدلين عليك خوتك بالاسم
حطت يدها ع فمها دانا...😦
ولاء:لا لا محمد حبي خلاص آسفة والله نوثقة فيك سامحني خلاص يلي تبيه يصير وتو إنخلي أحمد يوقعهن بأي طريقة
محمد قرب من ولاء وهو يبتسم:عارفك طيبة وإتحبيني شن رايك اليوم نتلاقوا
ولاء:وين
محمد:وين يعني في حوشكم تحت الشجرة مكاننا المعتاد
ولاء:حاضر
إلتفتت دانا وبدت تمشي وتتكلم مع روحها
دانا:أحمد ضروري يعلم شن مخططة أخته ومحمد
هذا محمد يضحك ع الكل في الأول حرض أحمد ع قيصر والرسائل يلي يبعث فيهن لسراب وتوا يبي ثروة أحمد بالنصابة....لكن تو يشوف لما نكشفه...
.
.
#في_الشركة
أحمد وقف بعصبية:كيف يرفعوا قضية علينا
وإحني دفعنا المبلغ كامل وشرينا الأسهم بالمبلغ المتفقين عليه الطرفيين
نائب المدير:لا توا يبوا يردوا نص الأسهم ويبقوا شركاء للشركة هذي
أحمد:مستحيل انخلي حد شريك معاي فاهم أبعتلهم رسالة فيها رفضي
نائب المدير:تمام
أحمد:كلاب 😤😤
بعد نص ساعة ولى نائب المدير لأحمد متوتر خايف:مشكلة يا أحمد.
أحمد:شن في
نائب المدير:بعتلهم زي ماقلت إنت شوف الرسالة أقراها..
أحمد فتح اللاب توب:نص الأسهم تولي لشركتنا وإلا قصة أختك وإغتصابها حتنفضح فاهم
نائب المدير:ومش هكي وبس يبوا نص المصنع ونص الشركة الثانية وكان ما وافقناش عندهم واسطات في الرقابة وتوقع أي شي يصير للشركة
وإحتمال أنها تتسكر
أحمد:شن خطر عليهم مش باعوا أسهمهم وهم يضحكوا
نائب المدير:واضحة بعد ما انشهرت الشركة يبوا
يردوها بالشوي لأنهم نادمين
أحمد:وين محامي الشركة
نائب المدير:شن تبيه
أحمد:منستشيره بلكي يلقى حل
نائب المدير:حاضر تو نتصل بيه
تنهد أحمد بضيق وحط يده ع جبهته...
.
.
قيصر:ألو عصام
عصام بضيق:ايه قيصر
قيصر:خير صوتك هكي
عصام:لا مافي شي
قيصر:متأكد...
عصام:من مقايل لسارة إن أني متزوج
قيصر:منو وأمتى تزوجت إنت أصلا
عصام:مش عارف اليوم مشيت منتكلم معاها بدت تبكي واتقولي انت متزوج وحتى كلمة ماحصلتها معاها
قيصر:وكيف اديرك متزوج هي
عصام:وين نعلم بيها
قيصر:مافي حد قاللها
-ااااااا بلكي شبحت زياد ورفيف تسحابهم اصغارك
عصام:لالا من وين شبحتهم وهي ما...
إذكر عصام لما سألاته سارة ع زياد ورفيف في تليفونه ولما قاللها إنهم إصغاره ولما هدرز مع رفيف في السيارة...
قيصر:الووو
عصام:ايه ايه
-قيصر
عصام:خلي الموضوع سر بيني وبينك قصدي ماتخبرش حتى سارة
قيصر:باهي كيف تبيها توافق عليك وهي تحسابك متزوج
عصام:غير دير يلي قلتلك عليه
إذكر عصام لما قالتله سارة ما أنحبكش ومستحيل أنحبك
قيصر:به كيف ماتبي
عصام:عليش متصل انت
قيصر:ايه أني فكرت في الخدمة معاك
عصام🙂:باه وشن قررت
قيصر:تمام حنخدم معاك لكن كان تريحت حنكمل وكان هذا فكني
عصام:كويس إنت غير ابدأ وبعدين ساهل صدقتي مرات اتحبها الشركة
قيصر:أوكي تمام
عصام:تعالى غدوة بكري تمام
قيصر:تمام...
.
.
#في_الشركة..
المحامي:صعب يا أحمد صعب
أحمد:غير ما إتقولهاش
المحامي:المشكلة أصحاب الشركة هذي يديهم طويلة هلبا وأي حركة غلط تمسحك إنت وشركاتك
ويلي زادك إنك ما ضفت شرط في العقد يقول إن لما تشري الأسهم من حد ماعاد اترجعهن
هز المحامي راسه بأسف:مانقدرش إنساعدك
وقف محمد وخبط يده ع الطاولة بقوة وبعصبية:تي كيف معقولة إنخليهم يدحنسوا في الشركة معاي إهني
طق طق طق
احمد:أدخل
خش موظف ومعاه ظرف:إستاذ رسالة جاتك
أحمد:جيبها ترا
خداها أحمد وفتحها وطلعت فيها رسالة من الشركة المنافسة..
أحمد يقرأ فيها وملامحه تغيرن
المحامي:شن في
أحمد من العصبية مزق الورقة:هذي رسالة منهم يبوني إنردلهم الأسهم في يومين
المحامي:أني من رأيي تخسر نص شركة ولا تخسر شركاتك كلهم
أحمد بعصبية:مستحييل فهمت م س ت ح ي ل
وكان ماعندك حل لا تقترح عليا افكار غبية
المحامي تنهد وحط يده على جبهته وفجأة بإندفاع:أحمد
أحمد:خيرك
المحامي:نقدر إندلك على حد ممكن يحل مشكلتك
أحمد:من
المحامي:في محامية مش عادية ممكن اتحلها
أحمد:من هي تكلم
المحامي:المحامية دانا
أحمد إستغرب:دانا؟؟
المحامي:خدمت فترة معاها عندها ذكاء وفطنة ومش عادية من غير القضايا يلي ربحتهن ع إغتصاب ع قتل ع نصب وآخر قضية ربحتها
احمد:قضية قتل وتشويه سمعة وحكموا ع المتهم بالإعدام
محامي:شكلك تعرفها
أحمد:معرفة سطحية
وسرح قعد يذكر في تفاصيلها...
المحامي:خلاص مرات اتساعدك
أحمد:تس مانبيش
المحامي:لييش
أحمد:لا قلت وإنهي السيرة
وقف المحامي:خليك امالا أني ماعندي حل ليك وأقعد هكي مسكر راسك نين اتجي على دماغك
وطلع سيبه...
أحمد رفع راسه وغمض عيونه وقعد يفكر...
.
.
طلعت دانا من المحكمة وعلى أساس بتكعب على رجليها نين تلقى تاكسي ولا باص يوصلها...
وهي تمشي وقفت سيارة سودة قدامها دارت روحها ماشبحتش وكملت طريقها...
السيارة:بييييب
دانا كملت طريقها ومابتش اتوقف ولا تلتفت...
طلع أحمد راسه من السيارة:دانااا
دانا:من هذا يلي ينادي فيا
أحمد قدم بالسيارة:ياحلوة إنت
دانا إلتفتت بتضربه كف لكن شدت يدها :إنت
احمد:هههههههه
دانا:عطك السلامة والله قلبي وقف
أحمد:إنت محامية قوية المفروض ماتخافيش
دانا:والمحامية مش بنت ومن حقها تخاف
أحمد:خيرك ماشية كعابي
دانا:إنسيت سيارتي
أحمد:ههههههههههه
دانا:ليش تضحك
أحمد:ههه أسف لكن مش تليفون ولا فلوس تنسيهم يعني سيارة كيف ااا
دانا:ههههه إنسيتها وخلاص غريب ولا هههههه
احمد:تعالى إنوصلك
دانا:لا شكرا تو انكمل
أحمد:تي تعالي راه والله ماني واكلك
دانا:أصلا لحمي مر أني
أحمد بهمس:لكن حلوة
دانا:عفوا
أحمد:واصلا مانكالش في البني آدمين وخاصة المحاميين ههههه اركبي وشكلها بتصب مطر
دانا فكرت وحستها ثقيلة تركب في سيارة حد ماتعرفاش هلبا
أحمد:دانا ماتخافيش مني منوصلك بس
حست دانا بصدق وبراءة في كلامه:تمام
أحمد:😍😍اركبي
ركبت دانا وحطت هلبا ملفات بجنبها
أحمد:تس تس تس تي قريب بتطيحي بيهن انت
دانا:ضروري إنكملهن اليوم ياحنة
حرك أحمد السيارة وإنطلق...
احمد:الأخبار كلهن بإسمك ماشاء الله
دانا:حاسدني
أحمد:اللهم لا حسد ياشيخة
دانا:إنبصر
وفي خاطرها:زعما يصدقني كان خبرته ع محمد
أحمد:ويين سرحتي
دانا:ااه لا قاعدة منسألك إنت ليش بعد ماعرفت الحق ماتكلمت مع خوك
أحمد سكت وزي يلي إضايق وغير الموضوع:غير فكينا من سيرة قيصر توا أني نبيك في طلب ومتردد نطلبه
دانا:تفضل إنت طلبته هو..
أحمد:هههه
دانا:تفضل شن تبي
أحمد:باهي قبل لنتكلم نبي حوشك وين
دانا:خليك ماشي طول وبعدها يمين
احمد:اه تعرفي حوش جدي من هنا طريقه
دانا:كويس مرات يطلع حوش جدك جارنا
أحمد:مرات
دانا:هي قول شن تبي
أحمد:نبيك في موضوع هكي يخص شركتي
دانا:اها
أحمد:سألت محامي الشركة وقالي نمشيلك إنت في الأول رفضت
دانا:ليش عادي إنت نقدتني من شادي ولازم إنردلك جميلك قول شن تبي
أحمد قعد يشبحلها وسارح فيها
دانا:الووو احمد احمد
احمد في خاطره:الله ماحلى اسمي منها
دانا بصوت عالي:احمممد
أحمد:ااه آسف
-خلاص إنت غدوة في المكتب صح
دانا:إيه عندي سفرة ليومين برا المنطقة
أحمد بإندفاع:ليييش
دانا😑😑
أحمد:إحم
دانا:ايه عندي قضية أني سفرتي ع الساعة عشرة تعالى التمانية للمكتب
أحمد تمام
دانا:تمام نزلني هنا
أحمد:وين حوشك
دانا:شن تبي فيه
أحمد:اه لا شي
دانا:نزلني إنكمل بروحي
أحمد:أوكي
دانا:شكرا ع التوصيلة
أحمد:ولو العفو
نزلت وسكرت الباب ومشي احمد
دانا:احمد
لكن أحمد مشي بالسيارة
دانا:مش عارفة خيرني اليوم ننسى قبل منخبره ع محمد يلا انخبره غدوة...
وصلت دانا للحوش ودقت الباب فتحتلها سارة
دانا:سارة خيرك
سارة حضنت دانا وبدت تبكي
دانا:شن في خير تبكي
سارة:جي عصام هنا
دانا:عصام؟؟
سارة:ايه
وخرتها دانا عنها:تعالي قعمزي وأهدي وفهميني ليش تبكي عادي وكان جي
سارة وهي تبكي:هزبته وسمعته كلام يكسر الحجر
دانا:باهي عليش
سارة:تعرفي يبي يتزوجني
دانا فرحت:حق كويس طلع يحبك
سارة بصوت عالي:ومرته
دانا:اا اااه ايه
-اسمعيني متأكدة منه متزوج إنحس فيه لا
سارة:مانا منكدب عليه ليش
دانا:لا حاشاك مش هكي
سارة تبكي:والله عييت
دانا:خلاص أسكتي الله غالب هذا نصيبك
سارة إبتسمت :تعرفي أعترفلي بحبه
دانا:كيف قلتي
سارة:إيه طلع يحبني
دانا:يابنت زيدي تأكدي مرات مش متزوج ماتظلميش الراجل وتظلمي روحك
سارة بدت تشبح في دانا وتذكر في ملامح عصام
دانا:سألتي قيصر
سارة:لا
دانا:ماتحكميش نين تسألي قيصر قبل
سارة:تعرفي ماخطرتلي نسأل قيصر
دانا:ماك غبية الناس تسأل قبل مش طول هكي طب غم..
سارة مسحت دموعها :تو يجي قيصر ونسأله
دانا:إحساسي مش متزوج
.
.
نمشوا لعند سراب يلي طايحة فيها جري وخدمة إستعداد للحفلة في الليل...
سفيان:اوو سراب عندنا
خش طارق وراء سفيان:اوو المعضمة عندنا
سراب إبتسمت:قاعد في ضلالك الأول إنت
سفيان:وشن يلي بيغيره
طارق:شن جبتيلي معاك ولا جاية فاضية
سراب:جبتلك عصا ع وذانك
طارق:ياقفاصة
سفيان:كيف حالك وحال راجلك
سراب:الحمد لله ريت ياطارق يلي يسأل مش كيفك شن جبتيلي
طارق:😑😑😑
سفيان:شفت الأخبار الف مبروك
طارق:ايه والله كلهم بدوا يتلصقوا فيا وين عرفوا إن قيصر راجلك وإن هذوما إنسابتنا
سراب:الله يبارك فيك
أم سراب:وقت راه وإنتم واقفين المفروض إنكونوا في الصالة توا
طارق:باهي يا أمي تو توصلي
سفيان:إنتم إمشوا الكلب هوا يرفعكم أني إندوش ونلبس وإنجي
طارق:عو عو إنعوعو فيكم في السيارة
سراب:خزي هههههه لاتكبر لا تصغر
ام سراب:راك تنسي حاجة يلا...
سفيان:إتصلت بقيصر وماباش يجي خيره
سراب:مايحبش الجو هذا ياحنة
سفيان:ااه ع راحته
.
.
#في_الصالة...
وصلوا المعازيم كلهم وطلعت سراب طبعا لابسة قفطان ذهبي مخصر من على خصرها وكلوش من تحت مسكر من قدام فيه رقبة ومفتوح من وراء وطالقة شعرها مدايرتله في نهايته فلو ومدايرة ميك خفيف...
طارق:اووف هذي سراب اختي
سراب:لالا سالم صاحبك
طارق:واني إنقول لمن تشبهي
سراب:خزي معفن
سفيان:ايوا سراب
سراب:شكرا خلاااص باه عدوا من حداي
البنات يتغامزن ع طارق ويشبحن فيه ❤❤
وطارق انتفخ بكل ماعاد يشبح فيها سفيان وطارق لابسين زي بعضهم بدالي رسمية سودة طالعين شخصية جدابة هم الإثنين..
أم سراب:سراب شوفي اختك أمتى توصل فهد وعيلته هنا وهي طولت
سراب:إتصلت بيها وكملت وهاني منمشي انكلم سفيان
ام سراب:ايه سلم بنتي بسرعة...
طارق:شن الجو ياعريس
فهد:مية مية الفال عندك
طارق:ااااه
فهد لابس بدلة رسمية ازرق ملكي لون عيونه وتحتها سورية بيضة وكندرة سودة وساعة راقية طالع طرف يهبل😍👊
أم سراب مقعمزة مع الضيوف وعلية فهد يلي متكونة من أمه وخوه فقط..
أم فهد:ألف مبروك يا أم سراب
ام سراب:الله يبارك فيك الصراحة فهد ماشاء الله
ام فهد:تسلمي مع إن كل شي جي فيسع وماتعرفنا زين لكن واضح إنكم عيلة ماشاء الله
أم سراب:تسلمي حبيبتي
أم فهد:يلي لابسة أبيض بنتك
أم سراب:إيه اسمها سراب
أم فهد:ماشاء الله
أم سراب:سراااب
سراب:جاية
-نعم
أم سراب:هذي أم فهد وهذا خوه
سراب:أهلين مساء الخير
أم فهد:مساء النور
خو فهد إنضرب في سراب😍😍
سراب:نستأذن منمشي إنشوف منظمة الصالة
أم فهد:إذنك معاك
-تبارك الرحمن مربية بناتك نعمة الترباية
أم سراب:تسلميلي
أم فهد:بنتك هذي عاجبتني هلبا
أم سراب عرفتها تبيها لولدها لكن مابتش تتسرع
-عيونك السمحة
وفي خاطرها:عين الحسود فيها عود الرسول منها بتاكلها أيكال...
سراب:أهلين بالعريس
فهد مقعمز ع الصالون:أهلين
سراب:خيرك مستغرب أني أخت سوسن الكبيرة سراب معقولة إنسيت هذاك اليوم يلي ضربت فيه اليبرة لسوسن وقتها أني خشيت عليك وهزبتك
فهد:اااه ايه إذكرتك كيف حالك
سراب:كويسة..
-حب من ضربة يبرة ههههه
فهد قعد يضحك:والله أختك تصرفاتها مجنونة
سراب:منخبرها فيك
فهد:لااا بالله
سراب:ههههه انبصر يلا أنشوفك وقت التلبيس
فهد:تمام...
طارق يمشي في الصالة ونافخ روحه قدام البنات يلي يتغامزن عليه...
سراب:بطل نفخ
طارق:شوفيهن كيف يتغامزن عليا مش تعرفيني شخصية بس
سراب:وووه عليا منك حول من قدامي
وخر طارق ويعثر في رجل وحدة مقعمزة ع الكرسي
ويجي طايح ع ظهره
البنات:ههههههههههههههه😂😂😂
البنت يلي عتراته دارت روحها حولة ماشافت شي وولت أتهدرز
وقف طارق وشاف البنات كيف يضحكن عليه ووقف وبصوت عالي شوي:ماقوى عيونك الزفت ياحولة إنت وياها تريحتن هكي مابطلتنش نين طيحتني
البنات:😐😐
طارق:إقلبي وجهك إنت وياها سحيقة الملح
وشاف للبنت يلي عتراته:لا ومدايرة روحها خالية قضية
-إنت يا آنسة يا أبلة
إلتفتتله البنت بإستغباء:نعم تتكلم معاي
طارق عيونه قلوب فيها...😍😍❤
(البنت هذي بنت خالة فهد اسمها نور وهي بنت حادة الطبع وجدية ومتقلبة المزاج قصيرة ورشيقة بيضه عيونها خضر وشعرها أصفر يعني جميلة )
نور:نعم
طارق :إحم نبي نفهم خيرها رجلك تدهور برا
نور:نعم🤨
طارق:يا آنسة إنت توا طيحتيني ع الأقل تأسفي
نور:مستحيل نتأسف من حد فاهم وأصلا تستاهل طيحتك بلعاني
طارق اضحك بسخرية:غير شوف الوقحة شوف
نور:من بكري اتصور فس منظرك وشايف روحك على مهناك شي ونافخ روحك على شي تسحاب روحك سمح القرد أحلى منك
طارق:ماتغلطيش في القرد قصدي.ماتغلطيش فيا أحسنلك وبعدين من إنت وشن دخلك
نور بحدة:هكي أني نكره يلي زيك فاهم عندي فوبيا منهم
وخبطاته بكتفها ومشت من جنبه..
طارق ماعاد فهم شي لا عرف شي لكن جمالها لفتله نظره ❤❤😍
سفيان رن ع سراب...
سراب:ألو..
سفيان:هي وصلنا راه
سراب:يلا هي
سكرت تليفونها وإلتفتت لقت خو فهد أنخلعت
خو فهد:اوو آسف
سراب بإرتباك:خير تبي شي
خو فهد:لا مانبي شي لكن نبي نتعرف عليك وبس ويمكن انريحوا أصحاب
سراب ضحكت بمساير:آسفة لكن سوسن وصلت نستأذن
خو فهد:ولو تفضلي
مشت سراب بسرعة:لو قيصر هنا كان وراك شن معنى أصحاب لكن الحمد لله مش هنا...
طلعت سراب برا وجي سفيان بالسيارة ونزلت سوسن يلي طالعة زي الحورية تجنن بالقفطان الذهبي يلي قريب من الفيلو ع قد ماهو كبير وشعرها الاسود يلي مدايرتله تسريحة بسيطة والمكياج يلي مخليها اوفر وجسمها يلي طالع عليه القفطان يهبل...
سراب:سوسن يافرخة طالعة تهبلي فهد بيهبل
سوسن:تسلمي لكن خايفة
سراب:عليش خايفة
سوسن:هلبا ناس صح الداخل
سراب:ايه هيا خشي فهد ع نار مقعمز...
وخشوا وولعوا الأغاني طول ع أغنية أجنبة رومانسية...
وخشت سوسن تمشي شوي شوي
والكل عيونهم عليها عشرة ع عشرة...
أما فهد وقف وهو فاتح فمه ونزل من المنصة وهو مايعلمش بروحه..
طبعا طارق هنا مقعمز ع المطب ويشد في اللواسط عالدعسة يعني...
طارق:إحم قعمز قعمز حفلة خطوبة راه مش عرس
سفيان:فرخ ضم فمك
فهد المسكين مش واخد ع جو طارق فإنصمط ووخر ولى ع المنصة
طارق:هههههههههههه صدقها
سفيان:خزي ياكلب
طارق شبح في سوسن وقعد يصفر بقوة
نور شبحت في طارق:طايش تافه خزي
وصلت للمنصة سوسن وبدوا يسلموا عليها ويباركولها وسلمت ع أمها وحضنت سراب...
وركبت ع المنصة وعيون فهد فيها😍😍😍
سوسن بهمس:عطك السلامة فضحت روحك نزل عيونك
فهد:شن بيصبرني اسبوعين
ضحكت سوسن:حلوة طالعة
فهد:تي حلوة وسكتت طالعة ملاك حورية تهبلي لو مش وحرام كنت خليني ساكت أحسن
سوسن:هههههه
فهد:ماعادش تضحكي تزيدي اتهبلي فيا
طارق :سرااب
سراب:خيرك
طارق:تعالي
-قوليلي من الفرخة هذيك يلي لابسة قفطان أصفر
سراب:مسكينة مابعدها بديت
طارق:مش ميت عليها بس قوليلي تعرفيها
سراب:بنت خالة فهد اسمها نور
طارق:باه إقلبي وجهك انت
سفيان:خيرا هذا
سراب:مش عارفه وعارف ثقل دمه
مشت سراب اتشوف في الضيوف شن يبوا ودارت طلة ع الضيافة
وبرمت لقت خو فهد قدامها...
سراب:ووه خلعتني
خو فهد:آسف لكن أنت أحلى وجدة في الصالة هذي كلها
سراب بإرتباك:شكرا
وحاولت تمشي من جنبه لكن وقف قدامها بسرعة
سراب بتنرفز:تبي حاجة كان هذا خليني نمشي
خو فهد:باهي خيرك خايفة مني هكي خلينا نتكالموا
ام فهد:شفتي ولدي الكبير وبنتك سراب كيف طالعين ع بعضهم
أم سراب شبحتلهم وشهقت في سرها...
سراب:لو سمحت مانبيش نتكلم معاك حل عني مش فاضية
خو فهد:الحفلة حلوة والضيافة حتى هي إنت المسؤولة
سراب تنهدت بغضب:ايه أني وتوا خليني نمشي
مشت من جنبه شدها من يدها فتحت عيونها بصدمو وشبحت ليده ويدها وشبحت فيها
؟؟؟:مش قالتلك مانبيش نتكلم معاك
سراب عرفت الصوت لمن إبتسمت وبعدين خافت
وألتفتت لقاته قيصر...
قيصر بحدة:إطلق يدها بسرعة
خو فهد طلق يد سراب تلقائيا قيصر سحب سراب لعنده وحط يده ع كتفها سراب تشبحله وخايفة من ردة فعله لأن قيصر يكره حد يمسها ولا يكلمها..
خو فهد:ومن إنت...
قيصر ضغط ع سنونه وقدم خطوة بيضربه بوكس لكن سراب نقدت الموقف بسرعة وشدت يد قيصر وإبتسمت بمسايرة:حبيبي قيصر امتى جيت إنت
قيصر إشبح في سراب...
خو فهد🤨😮مستغرب...
سراب:قيصر منعرفك هذا خو فهد خطيب سوسن وهذا راجلي قيصر..
خو فهد:راجلك
قيصر تنهد بضيق وتنرفز:ايه راجلها عندك مانع
خو فهد:آسف آسف
ووخر مشي خط...
سراب خايفة من قيصر وتبي إتنسيه يلي صار:حبيبي فرحتني أمتى جيت ليش ماقلتلي
قيصر لف يديه ع خصر سراب وقربها منه
سراب:قيصر عطك السلامة قدام الناس
قيصر:مرتي عيب ولا حرام...
وع فكرة طالعة اليوم تاخدي العقل والقلب والأنفاس
ولأنك سحرتيني اليوم بجمالك حندير روحي أحول وماشفت شي فاهمة
سراب:اووه توقعتك تضربه
قيصر:كنت حنضربه لكن إفهمت خوفك وتصرفك المتسرع فعلى خاطرك فت الموضوع
وقرب منها شم عطرها
سراب تحشمت:قيصر مش هنا عطك السلامة عيب قدام الناس واهلي
وخر قيصر عنها:غيرت رايي أني مافيش إمبات عند أهلك اليوم فاهمة
فات واحد من جنبهم وقعد يشبح في سراب...
قيصر فنص فيه تفصنيه بنت كلب خلاته يخاف ويتوتر...
تنهد قيصر بغضب :يارب صبرني
سراب:بالله قيصر تمالك أعصابك هالساعتين...
قيصر:هذا عليش مانبيكش تطلعي
سراب:والله ننحبس
قيصر:لا ياكلوك بنظراتهم خير
أم فهد شهقت:شوفي بنتك مع من واقفة وريتي كيف شادها عشوي ماقلت عنها مربية
ضحكت أم سراب بسخرية:😂😂😂
أم فهد:شن يلي يضحك فيك هذا مابال تمشي تضربيها
أم سراب:لأن يلي واقفة معاه راجلها
أم فهد:راجلها
أم سراب:ايه هههههه عطك السلامة وخلاص بنتي سراب متزوجة
أم فهد😅😅🤯😬
سفيان:اهلا قيصر جيت
قيصر وخر عن سراب:ايه
سفيان:نورت
قيصر:تسلم
سوسن وفهد طايحين فيها هدرزة 😘😍😘
وطارق كل ماتجي عينه في عين نور تتعجب عليه وهو يرفع يبتسم من ملامح وجهها أول مرة يقابل بنت هكي..
شوية وفتحوا أغنية....
بهوايا...إنت قاعد معايا...
جت بتوقف سوسن وبترقص شد يدها فهد:قعمزي ماتحشمنيش قدام أمي
سوسن:ماعنديش معاها روح
فهد:وكان هذا ترقصي قدام الخلق قعمزي
سوسن قعمزت بضيق...
عينيكي ليا مرايا...ياجمال مراية العين
الكل يصفق والجو والع
وسراب اتصفق واتحرك في خصرها..
قيصر يشبحلها من بعيد وعيونه وقلبه قريب بيطلعن
وبهمس:أكيدة بتختش بيا اليوم البنت هذي🥰🥰
طارق:اها قيصر هنا نورت
قيصر:تسلم
بصيلي هزي وسطك ميلي...سيبي عينيك تحكيلي إلي إنت مخبياه...
سوسن:عطك السلامة يا فهد
فهد إبتسم:يامجنونة خليك خجولة قدام الناس بيش يقولوا عليك رزينة مش طايشة إنت المفروض تفهميه الكلام هذا مش أني إنفهمهلك
سوسن:حول شن تسحابني خليفة
فهد:هههه خفة دمك هذي بتجلطني
وبهمس في وذنها:لما نتزوجوا ونقعدوا بروحنا أرقصي حتى هندي لكن قدامي بس
ضحكت ودكت راسها تحت..
وبعد ماتعشوا الضيوف جي وقت التلبيس اتجمعوا كلهم قدام المنصة يلي عليها سوسن وفهد..
عطت ام فهد الدبلة لفهد ولبسها لي سوسن
وصفوا تصفيقة حارة...
وعطت أم سراب الدبلة لسوسن ولبستها لفهد وهم يشبحوا لبعضهم بحب...
وصفقوا تصفيقة وطارق عطاها تصفيرة عالية
نور نقزاته ع بطنه بمرفقها:يافرخ وذني أنطرشت
سفيان وسراب واقفين جنب بعضهم وطاحوا ضحك ع طارق😂😂😂
طارق شد بطنه:اااه ياقزمة شن درتلك ليش هكي
نور:ما أثقل دمك يافرخ
طارق:فرخ في عينك يادرية
نور:سكر فمك مش قزمة أني
طارق وهو يرفع في حواجبه:ياشبر ياميترو😂😂
نور:خزي ع المنظر
ومشت من جنبه..
سفيان:اااه لقينا من يفطس خشمك
سراب:هههههه
طارق:وانتم مشمتين فيا
سراب:ايه
قيصر عيونه ع سراب وبس ومراقبها خطوة خطوة حركة حركة🤩😍...
المهم باركوا الضيوف لأم فهد وأم سراب وبدوا يروحوا لين فضت الصالة وقعدوا فيها عيلة سوسن وعيلة فهد...
ناض فهد وسوسن
فهد بهمس:بالسلامة ياعمري
سوسن:بالسلامة إنحبك
فهد:اااخ قلبي
أم سراب:يلا الوقت تأخر..
أم فهد:هي بالسلامة
سامحينا بالله
أم سراب:لا عادي
وسلموا ع بعضهم وطلعوا من الصالة وعيون فهد وسوسن معلقات ببعض...
طارق بخبث:باي ياشبر
نور فنصت فيه بحدة وطلعت..
طارق:اووف حادة الطبع
ركبت سراب سيارة سفيان لكن سحبها قيصر
سفيان:تمام يا سفيان سراب ماعاد إتدورها
أم سراب وسوسن ضحكن بهمس وخشن للسيارة
سراب وجهها تلون جميع الألوان من الحشم
سفيان:تمام نسيب تصبح ع خير
ركبت سراب السيارة هي وقيصر...
سراب:شن يلي درته قدام أهلي
قيصر بإستغباء:شن درت منروح بيك منروح بمرتي فيها عييب
سراب نفخت بتنرفز:لا مش عيب لكن تصرفك واضح قدام خوتي وأمي تحشمت أني وا...
قطع قيصر كلامها:في حاجة جنب فمك
سراب:وينها شن هي
قيصر:من هنا
سراب:تي وينها
قرب قيصر منها وباسها بسرعة من شفايفها
شهقت سراب😱😱
قيصر:خلاص حولتها...
سراب خبطاته ع كتفه:مش قلت جنب فمي
قيصر إضحك بخبث...وحرك السيارة بسرعة..⚡⚡
.
.
وبعد ماوصلوا سفيان وطارق وسوسن وأم سراب للحوش خش دردشوا شوية ع الحفلة وخش كل واحد للدار متاعه
ام سراب رقدت طول من التعب...
وسفيان قعد يهدرز مع أمل خطيبته ويلي بتصير مرته بعد أسبوعين...
أما طارق كل ماتخطر عليه نور يبتسم ويهز في راسه..
أما عن سوسن أحلام وردية والإبتسامة ما فارقت فمها...وحتى فهد صورة سوسن ماحولتش من باله
ومن سوسن وفهد لأحمد يلي يفكر كيف بيطلع من المشكلة يلي طاح فيها...أما عن محمد يراجي في توقيع الأوراق بالساعة والدقيقة بعكس ولاء يلي خايفة من هالموضوع وزي يلي ماتبيش..
أما عن عصام يفكر في سارة ومش قادر ينساها ولا قادر يحولها من باله ويفكر كيف يخليها تعرف إن يحبها وإنه مش متزوج...بعكس سارة يلي ميته قهر وتبكي تحت البطانية وتدكر كيف تكلمت مع عصام بقسوة أما عن دانا إتدور في طريقة تكشف بيها محمد وتمنعه...
ونولوا لأبطال حب بعد ورطة قيصر وسراب..
خش قيصر وسراب للدار
سراب:نبي نعرف مش قلتلي باتي عند أهلك ليش خطرلك اتروح بيا لا وزيادة حشمتني
لصق فيها قيصر من وراء وقعد يشم في شعرها سراب جسمها إقشعر من لمسة قيصر
لف قيصر يديه ع خصرها:ما إقدرتش إنقاوم سحرك ياسراب
وبرمها لعنده وسراب ترعش من الخجل
دخل يديه في شعرها وباسها بوسة طويلة إستسلمت سراب لقيصر وغمضت عيونها وبادلاته بوسته بحنية وحب وشغف😁🙈🙊🙉
ثواني ووخر عنها قيصر وهو يشبحلها بشهوة...
ورفعها بين يديه وحطها ع السرير وقرب منها باسها من خدها وع خدها الثاني وع جبهتها ونزل لقربتها لكن هنا سراب غلبها الخوف وشهقت ناضت مقعمزة بسرعة
قيصر:سراب خيرك فيك شي؟؟
أني إغلطت في حاجة؟؟
سراب بإرتباك:لا
تنهد قيصر ووقف:آسف حبيبتي عارفك خايفة مني وخديتي موقف مني من هذيك الليلة مش عارف كيف إنسيت روحي مع إني وعدتك ما نغصبك ع شي آسف
وجي بيمشي شداته سراب من يده ووقفت هو إلتفت وهي خشت في حضنه بقوة:ماتمشيش ياقيصر مش عارف شن صارلي هكي فجأة لكن والله عفوية حركتي ماتمشيش خليك
وخرها عنها قيصر وإبتسم:حاضر
وفجأة سراب حطت رجليها ع رجليه بما إنه هو أطول منها ولفت يديها حول رقبته وباساته بوسة عطاته منها الإشارة الخضرة...🚦🚥
والباقي🚫🙉🚫🙊❤❤❤
.
.
وهكي مشت هالليلة الرومانسية ع خير...لكن الوضع هذا دوم ولا لازم من وجود مطبات بعد كل فرحة
الحلقات الجاية يحددن هالشي وتوا حتى أني منرقد بما إن أبطال روايتي ❤🚫حب بعد ورطة🚫❤ رقدوا تصبحن ع خير قراءة ممتعة و أحلام سعيدة ...😘🥰
يتبع....
#رحيق_الفجر🕊🕊
