حب منبوذ

١

-مدخل اول-
ياخ اتقي الله في نفسك و في راجلك و في بيتك ،ابدا ما معقول كل يوم والتاني داقة #الطار دا في نص البيت، عايزة ربنا يراضيكي كيف ، و يجبر بخاطرك ؟
اقوليكي حاجة !!!
انا من الليلة حادعي ربنا ليل نهار انك ما تبقي امرولا تضوقي ليك يوم سمح ما لم تبطلي القرف البتسوي فيهو دا و تنتبهي لبنت الناس دي ، و اتزكري #دعوة_الام !!
الخرطوم-2001
اصوات شفع
(مريم يا بت الحرام ...(صوتين بيتهامسو
*دي مش ياها ؟
_ايوة هه هه
*يا بت الحرااااام يا بت ال...
_اششش وطي صوتك ، حتسمعنا ههه
*و يعني شنو كان سمعتنا ما صحي بت حرام هه
_جيبي اضانك اقوليك دا هه
*شنو هه
_(اليوم داك سمعت امي بتقول ل مرة عمو جابر انه مريم بت حرام ههه )
*ههه تجي نطقعا بالحجار؟
-يلا ههه .........
جزئية معلقة
مصر -
**لو سمحتي .... لو سمحتي !
_اتفضلي !
**ممكن اعرف دورنا متين ؟
_لسة حضرتك قدامك 5 هيدخلو و ان شاءالله
بعديهم علطول هدخلك !
**بس انا حاجزة و من العصر قاعدين ! و قبل شوية جيتك و قلتي لي قدامي اتنين !
_في ايه ! هو انتي هتعرفي شغلي اكتر مني ؟ اتفضلي اقعدي و اما يجي دورك هنده على اسمك .
**ارجوكي ، والله امي تعبانة و فترت من القعدة ارجوكي لو سمحتي دخلينا !
_اوووووف بقى انتي هتشحدي هنا ولا ايه ما الناس كلها عيانة و تعبانه و قاعدين ساكتين ، اشمعنى انتو يعني ، اتفضلي اقعدي لو سمحتي و كلمة تانية هشطب على الحجز خالص و اخليكو اخر الناس !
**لاحول ولا قوة الا بالله ....
رجعت بي خاطر مكسوور ، قعدت جمب امي
امي : انتي الوداك ليها شنو ، ما نقعد زينا زي الناس ديل ننتظر لمن يجي دورنا !
**يا امي لا إله الا الله ، الساعه عشرة و نص و انحنا هنا من الساعه اربعه و انا من جيت حجزتة و قالت لي قدامنا اتنين بس ، و براكي شايفة الناس اي واحد ولا وحدة تجي متجنصصة بتدخلهم طوالي واحنا قاعدين حارسنهم !
_سيدنا محمد رسول الله .. انا بتحمل ما تقلقي .
**اااااااخ يارب لُطفك ... سكتة !!!
و اتزكرت الموضوع المقلق بي و مخليني ما عارفه اتصرف .. عاينت لامي وانا عارفه ردها كويس !
قلت ليها :
**حنعمل شنو ؟
_ربك كريم
**ونعم بالله ما قلته حاجة بس انحنا كمان كم يوم و ممكن ننوم في الشارع يا امي !
_مش يمكن ربنا رجعنا مصر و حصل الحصل دا عشان يمكن كاتب لي ارجع الضيعتو من يدي (وختت توبها في وشها و بقت تبكي)
**امي انتي بتتكلمي عن سنين انا ما فاهمه حصل فيها شنو بس انتي طوالي بتردي لي الرد كل ما اجيب ليكي سيرة الورطة الواقعين فيها ، انا بالجد نفسي افهم ، مصر دي مضيعا فيها شنو !!
_خليني يا وهاد ما دايرة اتكلم نفسي بكتم علي و بتخنق و بحس بالذنب ، ذنب عمرو 27 سنة معلق في رقبتي !
**طيب ما دايرة اعرف حصل شنو ، بس ما تربطي لي ورطتنا الواقعين فيها اسي دي بي زمان ، امي عايني لي ، امي انحنا كلها يومين و حننطرد و بكرة مفرة مفروض مواعيد سفرنا و ما عندنا لا تزاكر لا جوازات و لا مصاريف ولا اي شي ، فاهمه حجم الورطه !
و لو ما السمسار معاهو نسخه من مفتاح الشقه كان بقينا في ورطه اكبر ، عليك الله يا امي رجعي عقلك و فكري معاي ، انحنا بيتنا وحياتنا في السودان هنا ما بنعرف شي ولازم نسافر بكرة !!!!!!
* قاطعني صوت بيقول : فاطمة عبدالقادر ، اتفضلي يا حجة دورك جيه  *
( في جانب تاني)
ززح .... استغفر الله يا وليد زح لي
ززح ياخ ، اففففففف يااا امييييي لو سمحتي
اتكلمي مع وليد دا ما ممكن ، ياخ زززح انا ما طايقة هظارك دا اسي ...
وليد : ياتو يوم بتهظري انتي ؟
وليد : لا ما ح ازح ما هو مامعقول ياريم طول الحياة
انتي كدا جادة و ما متحملة كلمة زول ، لا هظار لا غيرو ، الحياة دي شنو هي في نظرك انا عايز افهم ..
*وليد من فضلم ما عندي زمن للكلام دا ، افتح لي طريق من فضلك !
وليد : جدااا اتفضلي ( و زح ليها )
( جاها صوت امها )
_صباح الخير حبيبتي
*صباح النور ......(كالعادة عاقدة حواجبا و صارة)
-في شنو مالكم ؟
*مافي حاجة .... انا طالعه عايزة حاجة !!
_ياريم ما ممكن ! كل يوم طالعه من غير و لا لقمة في خشمك يا بتي ، ياخ قولي بسم الله اصبحنا و اصبح الملك لله ، ياخ انا مشتهية تقعدي معاي يوم واحد بس تتونسي معاي يا بتي !
*ربنا يخلي ليك وليد و رزان ... يلا لبعدين !
_لا دقيقه يا ريم ! قصدك شنو انتي ؟
*ماقصدي شي يا امي (باستا في راسها و طلعت)
(بعد طلعت )
-وليد .... يا وليد ..
وليد : ها يا غالية اامري !
_في شنو انت و ريم ؟
وليد : كالعادة ، حاولت اهظر معاها وما اتقبلت
و كنت بس عايز اعرف هي مالها ، يعني يا امي حاولت اخت ليها اسباب انه يمكن تكون ضغوطات شغل بس انا ريم من مدة طويلة وهي كدا يا امي !
*والله غلبني الاسويهو يا وليد يا ولدي ..
_رايكم شنو تاخدو اجازة تسافرو لاي حتة ؟
*حتتحجج بالشغل و حتقول سافرو انتو براك عارفها ، لكن متوسمة الخير في فترة العرس يمكن تنشغل و تغير جو من جو الشغل الما بيخلص دا!
-_بندبرا انا و رزان .. كفاية كدا الموضوع اخد وقت اكتر من وقتو .. يلا يا غالية انا كمان ماشي على اموري دعواتك يا ست الكل ...
*ربنا يحفظك ويغطي عليك ويكفيكم من شر الطريق يارب ...
*بعد ساعتين *
#باك_للاستككانة♡...
يتبع ..
#سحر_سمير