حب منبوذ

٢٤

ما ﺍﻧﺘﻈﺮ ﺍﻣﻲ ﺗﺘﻢ ﺍﻷﺭﺑﻌﻴﻦ ﺑﻲ ﺭﺯﺍﻥ ﺍﺧﺘﻲ !
ﺍﻣﻲ ﺍﻟﻮﻗﺖ ﺩﺍﻙ ﺷﺨﺼﻴﺘﺎ ﻛﺎﻧﺖ ﻏﻴﺮ ﻋﻦ ﻫﺴﻲ ! ﻣﺎ ﻛﺎﻧﺖ ﻋﻨﺪﻫﺎ ﻛﻠﻤﺔ ﺗﺆﺛﺮ ﻋﻠﻰ ﺍﺑﻮﻱ !
ﺍﻟﻤﻬﻢ ﺳﺎﻓﺮﻧﺎ ﺍﻟﺴﻮﺩﺍﻥ ، ﺑﺘﺬﻛﺮ ﻛﻞ ﺷﻲ ﻛﺎﻥ ﻗﺪﻳﻢ ﻭ ﻛﺎﻥ ﺑﻴﺖ ﻟﻲ ﻭﺍﺣﺪ ﻣﻦ ﺍﺧﻮﺍﻥ ﺍﺑﻮﻱ ﺻﻼﺡ !
ﻣﺎ ﻛﺎﻥ ﺍﻓﻀﻞ ﺑﻴﺖ ﺍﺑﺪﺍً .. ﺑﻌﺪﻫﺎ ﺃﻣﻲ ﻛﺎﻧﺖ ﻣﺮﻛﺰﺓ ﻣﻌﺎﻱ ! ﻋﻦ ﺍﻧﻲ ﻫﺎﺩﺋﺔ ! ﻻ ﺑﻘﻮﻝ ﻳﺎ ﺍﻣﻲ ﻭ ﻻ ﻳﺎ ﺃﺑﻮﻱ ﻭﻻ ﺍﻱ ﺣﺎﺟﺔ ﺑﺘﺪﻝ ﻋﻠﻰ ﺗﻌﻠﻘﻲ ﺑﻲ ﺍﻫﻠﻲ ﻭﻻ ﺑﺘﻜﻠﻢ ﺍﺻﻼً !
‏( ﺧﺎﻟﺪ ﻗﺎﻃﻌﻨﻲ ﻭﻗﺎﻟﻲ ‏) : ﻛﻢ ﻛﺎﻥ ﻋﻤﺮﻙ ﻭﻗﺘﻬﺎ ؟؟
** ﻋﻤﺮﻱ ﻛﺎﻥ ﺧﻤﺴﺔ ﺳﻨﻮﺍﺕ ﺗﻘﺮﻳﺒﺎ ﻛﺎﻥ ﻓﻲ ﻋﻤﺮ ﻳﺴﻤﺢ ﻟﻲ ﺑﺎﻟﻜﻼﻡ ! ﺑﺲ ﺯﻱ ﻡ ﺗﻘﻮﻝ ﺍﺗﻜﻮﻧﺖ ﺟﻮﺍﻱ ﺍﻧﻌﺪﺍﻡ ﺍﻟﺮﻏﺒﺔ ﻟﻠﻜﻼﻡ ، ﻣﺎ ﺑﻨﻜﺮ ﺍﻣﻲ ﺣﺎﻭﻟﺖ ﻣﻌﺎﻱ ﻛﺘﻴﺮ ﻟﺪﺭﺟﺔ ﺍﺗﻜﻠﻤﺖ ﻣﻊ ﺃﺑﻮﻱ ﻛﺘﻴﺮ ﺍﻧﻪ ﻻﺯﻡ ﻳﻌﺮﺿﻨﻲ ﻟﻲ ﺩﻛﺘﻮﺭﺓ ﻣﺨﺎﻃﺒﺔ ﺍﻭ ﻣﺎﺷﺎﺑﻪ ، ﺑﺲ ﺍﺑﻮﻱ ﻛﺎﻥ ﺭﺍﺳﻮ ﺍﺗﺠﺎﻫﻮ ﺑﺮﺍﻫﻮ ﻭ ﺍﺗﻌﻠﻖ ﺑﻲ ﻛﺪﺍ ﻟﺪﺭﺟﺔ ﺑﻌﻴﺪﺓ ! ﻳﻌﻨﻲ ﻋﺎﺩﻱ ﻟﻮ ﻛﺎﻥ ﻃﺎﻟﻊ ﻣﺸﻮﺍﺭ ﻭ ﻭﻟﻴﺪ ﻋﺎﻳﺰ ﻳﻤﺸﻲ ﻣﻌﺎﻫﻮ ! ﻳﺴﻮﻗﻨﻲ ﺍﻧﺎ ﻭ ﺑﻴﺨﻠﻲ ﻭﻟﻴﺪ !!
ﻳﻤﻜﻦ ﻓﻲ ﺍﻟﻔﺘﺮﺓ ﺩﻳﻚ ﻭﻟﻴﺪ ﺍﺧﻮﻱ ﻛﺎﻥ ﺍﺟﻤﻞ ﺣﺎﺟﺔ ! ﺩﺍﻳﻤﺎً ﺑﻴﺤﺎﻭﻝ ﻳﻮﻓﺮ ﻟﻲ ﻛﻞ ﺣﺎﺟﺎﺗﻮ ﺍﻟﺒﺴﻴﻄﺔ ﻣﻦ ﺍﻟﻌﺎﺏ ﻭ ﻏﻴﺮﻩ ﻭ ﻛﺎﻥ ﻭ ﻣﺎﺯﺍﻝ ﻟﺤﺪ ﺍﻟﻠﺤﻈﺔ ﺩﻱ ﻫﺪﻓﻮ ﻳﻀﺤﻜﻨﻲ !!
ﺑﻌﺪ ﺳﻨﺔ ﻭ ﻧﺺ ﻣﻦ ﺟﻴﺘﻨﺎ ﻟﻠﺴﻮﺩﺍﻥ ﺍﺑﻮﻱ ﺭﺟﻊ ﻣﺼﺮ ﻭ ﺑﻘﻰ ﺑﻴﺴﺎﻓﺮ ﻭﺑﻴﺠﻲ ! ﻭ ﻛﻨﺖ ﻣﺎﺷﻪ ﻓﻲ ﻛُﺒﺮ ﻭﺍﻻﻳﺎﻡ ﻣﺎﺷﺔ ﻣﻌﺎﻱ !!
ﺍﻭﻝ ﻣﺮﺓ ﺍﺗﻜﻠﻤﺖ ﻓﻴﻬﺎ ﻟﻤﻦ ﻭﺻﻠﺖ ﺳﻨﺔ ﺳﺎﺩﺳﺔ ﺍﺑﺘﺪﺍﺋﻲ ! ﻭ ﻛﻨﺎ ﻓﻲ ﺣﺼﺔ ﺭﻳﺎﺿﻴﺎﺕ ! ﻑ ﺍﻻﺳﺘﺎﺫﺓ ﻛﺎﻥ ﺑﺘﺸﺮﺡ ﻣﺴﺄﻟﺔ ﻭ ﻃﻠﻌﺖ ﺍﻟﻨﺎﺗﺞ ﻏﻠﻂ ! ﺍﺗﺬﻛﺮ ﻭﻗﻔﺖ ﻋﻠﻰ ﺣﻴﻠﻲ ﻭ ﻗﻠﺖ ﻟﻴﻬﺎ : ‏( ﺣﻠﻚ ﻟﻠﻤﺴﺄﻟﺔ ﻏﻠﻂ ﻭ ﻣﺎ ﺍﻛﺘﻔﻴﺖ ﺟﺎﺩﻟﺘﻬﺎ ﻟﻤﻦ ﺣﺼﻠﺖ ﺿﺠﺔ ﻓﻲ ﺍﻟﻤﺪﺭﺳﺔ ﻭ ﺻﻤﻤﺖ ﻋﻠﻰ ﺭﺃﻱ ﻭ ﻃﻠﻌﺖ ﻓﻲ ﺍﻟﺴﺒﻮﺭﺓ ﻭ ﻛﺘﺒﺖ ﺍﻟﻤﻌﺎﺩﻟﺔ ﺍﻟﺼﺤﻴﺤﺔ ﻭ ﺷﺮﺣﺘﻬﺎ ﻟﻲ ﺯﻣﻼﺋﻲ ‏)
ﻋﻼﻗﺘﻲ ﺑﺎﻟﻘﺮﺍﻳﺔ ﻛﺎﻧﺖ ﻏﺮﻳﺒﻪ ﺷﺪﻳﺪ !
ﻟﻤﻦ ﺟﻴﺖ ﻣﺎﺷﻪ ﺳﺎﺑﻊ ﻗﻠﺖ ﻟﻴﻬﻢ ﻭﺩﻭﻧﻲ ﺗﺎﻣﻨﻪ ﻃﻮﺍﻟﻲ ﻣﻨﻬﺞ ﺳﺎﺑﻊ ﺩﺍ ﻣﺎ ﺣﻀﻴﻊ ﻓﻴﻬﻮ ﺯﻣﻨﻲ ﻭ ﺩﺍ ﻛﺎﻥ ﺍﻭﻝ ﻧﻘﺎﺵ ﻟﻲ ﻣﻊ ﺍﻣﻲ ! ﺍﺧﺮ ﺣﺎﺟﺔ ﻗﻠﺖ ﻟﻴﻬﺎ ﺧﻼﺹ ﺧﻠﻴﻨﻲ ﻗﺎﻋﺪﻩ ﻓﻲ ﺍﻟﺒﻴﺖ ! ﻣﺎﻓﻲ ﺯﻭﻝ ﻡ ﺍﺗﻜﻠﻢ ﻣﻌﺎﻱ ﻭﻗﺘﻬﺎ ! ﺍﻻ ﺍﻧﺎ ﻣﺼﻤﻤﺔ ﻋﻠﻰ ﺍﻧﻲ ﻣﺎ ﺣﺄﻗﺮﺍ ﺳﺎﺑﻊ ، ﻟﻤﻦ ﺍﻣﻲ ﺗﻌﺒﺖ ﻣﺸﺖ ﻟﻠﻤﺪﻳﺮﻩ ﻭﻃﻠﺒﺖ ﻣﻨﻬﺎ ﻳﺪﺧﻠﻮﻧﻲ ﺍﻥ ﺷﺎﺀﺍﻟﻠﻪ ﻣﺴﺘﻤﻌﺔ ! ﻭﻓﻌﻼ ﻣﺸﻴﺖ ﻭﻛﻨﺖ ﺑﻘﻌﺪ ﻣﻊ ﻧﺎﺱ ﺗﺂﻣﻦ !
ﻭ ﻛﻨﺖ ﺑﺴﻜﺖ ﻓﻲ ﺍﻱ ﺷﻲ ﺍﻻ ﺍﻟﺸﺮﺡ ﻭﺍﻟﻨﻘﺎﺵ ﻡ ﻛﻨﺖ ﺑﺴﻜﺖ .. ﻭ ﻛﻤﻠﺖ ﻗﺮﺍﻳﺘﻲ ﺑﺎﻟﻄﺮﻳﻘﺔ ﺩﻱ .... ‏( ﺳﻜﺘﻪ ‏)
__ ﻛﻤﻠﻲ !!
** ﻣﺎ ﻛﻔﺎﻳﺔ ﻟﺤﺪ ﻫﻨﺎ ؟
__ ﻻ ﺍﺑﺪﺍً ﻣﺎ ﻛﻔﺎﻳﻪ ! ﻭﺻﻠﺘﻲ ﻟﻲ ﻧﺠﺎﺣﻚ ﺩﺍ ﻛﻴﻒ ؟
** ﻳﺎ ﺧﺎﻟﺪ ﺍﻟﺸﻐﻒ ﺑـ ﻳﻮﻟﺪ ﺍﻻﺑﺪﺍﻉ !
__ ﺧﻠﻲ ﺍﻟﺸﻐﻞ ! ﺍﻟﺴﻠﺴﻞ ﺩﺍ ﻗﺼﺘﻮ ﺷﻨﻮ ؟ ﻭ ﻣﺎ ﺣﺎﻭﻟﺘﻲ ﺗﺮﺟﻌﻲ ﻣﺼﺮ ﺑﻌﺪ ﻛﺒﺮﺗﻲ ﻭ ﺗﺸﻮﻓﻲ ﺍﻫﻠﻚ ؟
** ﻫﻬﻪ ﺍﻫﻞ ﺷﻨﻮ ﺗﺎﻧﻲ ﺑﻌﺪ 23 ﺳﻨﺔ !! ﺍﻧﺖ ﺑﺘﺘﻜﻠﻢ ﻋﻦ ﺳﻤﻜﺔ ﻓﻲ ﻣﻮﻳﺔ ! ﺑﺲ ﺍﻫﻮ ﺑﺎﻻﻣﻞ ﻋﺎﻳﺸﻴﻦ !
__ ﻭﺍﻟﺴﻠﺴﻞ ؟
** ﺍﻟﺴﻠﺴﻞ ﺩﺍ ﺍﻧﺎ ﻣﻦ ﻗﻤﺘﻪ ﻻﺑﺴﺎﻫﻮ ! ﺻﺪﻗﻨﻲ ﻣﺎ ﻋﺎﺭﻓﺔ ﻗﺼﺘﻮ ﺷﻨﻮ ! ﺑﺲ ﻟﻘﻮﻧﻲ ﺑﻴﻬﻮ !!
__ ﺭﻳﻢ ‏( ﻣﺴﻚ ﺭﺍﺳﻮ ‏) ﺍﻧﺎ ﺣﺄﺟﻦ ! ﻛﻴﻒ ﻇﺮﻭﻑ ﺯﻱ ﺩﻱ ﻭﻟﺪﺕ ﻓﻴﻜﻲ ﻧﺠﺎﺡ ﺯﻱ ﺩﺍ ! ﻳﻌﻨﻲ ﻭﻻ ﺍﺗﺨﻴﻠﺘﻪ ﺑﺎﻟﻐﻠﻂ ﺳﺎﻱ ﻛﺪﺍ !
ﺇﻧﻬﺎ ﺗﻜﻮﻥ ﺩﻱ ﻗﺼﺘﻚ ! ﻭ ﻛﻠﻨﺎ ﻋﻨﺪﻧﺎ ﻣﻘﻮﻣﺎﺕ ﺍﻟﻨﺠﺎﺡ ﻣﺘﻴﺴﺮﺓ ﺑﺲ ﻡ ﻛﻠﻨﺎ ﺑﻨﻮﺻﻞ ﻟﻠﻨﺠﺎﺡ ﺑﺴﻬﻮﻟﻪ ﻭ ﺑﻌﻀﻨﺎ ﻣﺎ ﺑﻴﻮﺻﻞ ﺍﺻﻼً !! ﻓﺎ ﺣﻘﻴﻘﻲ ﻣﺎ ﻗﺎﺩﺭ ﺍﺧﻔﻲ ﺍﻧﺒﻬﺎﺭﻱ ﺑﻴﻜﻲ !!
** ﻟﻴﻪ !! ﺗﺤﺘﺎﺭ ﻣﺎ ﺍﻟﺤﻴﺎﺓ ﺩﻱ ﻋﺎﺩﻟﺔ ! ﻛﻞ ﺷﻲ ﺑﺠﻲ ﻣﻮﺯﻭﻥ ! ﺭﺑﻚ ﻣﺎ ﺑﻴﺪﻱ ﻛﻞ ﺣﺎﺟﺔ !! ﻳﻌﻨﻲ ﺍﺑﺴﻂ ﺣﺎﺟﺔ ﺍﻟﻨﺎﺱ ﻣﻨﺒﻬﺮﻳﻦ ﺑﻲ ﺭﻳﻢ ﺍﻧﻪ ﻭﺍﻭ ﻻﺑﺴﻪ ﺍﻏﻼ ﺍﻟﻤﺎﺭﻛﺎﺕ ﺭﺍﻛﺒﻪ ﻋﺮﺑﻴﻪ ﺑﺘﺴﺎﻓﺮ ﺍﻱ ﺩﻭﻟﻪ ﻓﻲ ﺍﻱ ﻭﻗﺖ ، ﺳﻴﺪﺓ ﺍﻋﻤﺎﻝ ﻧﺎﺟﺤﺔ ﻭ ... ﻭ ... ﺍﻟﺦ ! ﺑﺲ ﻛﻞ ﺩﺍ ﻣﺎ ﺑﻴﺴﻮﺍ ﻋﻨﺪﻱ ﺣﺎﺟﺔ ﻣﻘﺎﺑﻞ ﻛﻠﻤﺔ ﻳﺎ " ﻳﻤﺔ " ﻳﺎ ﺍﻣﻲ ! ﻳﺎ " ﻳﺎﺑﺎ " ﻳﺎ ﺍﺑﻮﻱ ! ﺍﻟﻠﻲ ﺍﻧﺎ ﻓﻴﻬﻮ ﺩﺍ ﻳﺎ ﺧﺎﻟﺪ ﻣﺎ ﺑﻴﺸﺘﺮﻱ ﻟﻲ ﺍﻡ ! ﻭﻻ ﺍﺏ ﻭﻻ ﺷﻌﻮﺭ ‏( ﻋﻴﻮﻧﻲ ﺭﻗﺮﻗﺖ ‏) !
— ﻳﺎ ﺍﻟﻠﻪ ﺭﻳﻢ .. ﺍﺳﻒ ﺍﺳﻒ ﺧﻠﻴﺘﻚ ﺗﺪﻣﻌﻲ ‏( ﻣﺪ ﻟﻲ ﻣﻨﺪﻳﻞ ‏) ﺍﺳﻒ ﺧﻼﺹ ﺍﻧﺴﻲ ﺍﻟﻤﻮﺿﻮﻉ ، ﺍﻧﺴﻲ ﺍﻣﺴﺤﻲ ﺩﻣﻮﻋﻚ ، ﺍﻫﻪ ﺍﻟﺠﻮ ﺣﻠﻮ ﺻﺢ !! ؟
** ﺍﻣﻤﻢ ﺣﻠﻮ
__ ﺩﻣﻮﻋﻚ ﻏﺎﻟﻴﺔ ﻣﺎﻓﻲ ﺣﺎﺟﺔ ﺗﺴﺘﺎﻫﻞ ﺩﻣﻮﻋﻚ ﺩﻱ ! ﺍﺗﻔﻘﻨﺎ ! ؟ ﺍﻧﺎ ﻣﻤﻜﻦ ﺍﺗﻨﻄﻂ ﻟﻴﻚ ﺍﺭﻗﻮﺯ ﻫﻨﺎ ﻓﻲ ﺳﺒﻴﻞ ﺍﺷﻮﻑ ﺍﺑﺘﺴﺎﻣﺘﻚ ﺩﻱ !
** ﺍﻣﻮﺕ ﻟﻴﻚ ﺟﻮﻉ ﺍﻧﺎ ﻭﻻ ﻛﻴﻒ ؟
__ ﻻﻻ ﺍﻃﻠﺒﻲ ﺍﻧﺘﻲ ﺍﻟﻠﻴﻠﺔ !
** ﺍﻟﻠﻪ ... ﺩﺍ ﻡ ﻛﺎﻥ ﻛﻼﻣﻚ ﺍﻻﻣﺲ ﻋﻠﻰ ﻓﻜﺮﺓ ! ﺍﻟﻠﻴﻠﺔ ﻏﺪﺍﻱ ﻋﻠﻰ ﺫﻭﻗﻚ ﺩﺍ ﻛﺎﻥ ﻛﻼﻣﻚ !
__ ﺍﻧﺎ ﺩﺍﻳﺮ ﺍﻏﺪﻳﻚ ﺑﻜﺮﺓ ﻋﻠﻰ ﺫﻭﻗﻲ !
** ‏( ﺿﺤﻜﺖ ﻏﺼﺐ ﻋﻨﻲ ‏) ﻛﻤﺎﻥ ﺑﻜﺮﺓ !! ﻗﺼﺘﻚ ﺷﻨﻮ ﺍﻧﺖ ! ؟
__ ﺍﻳﻮﺓ ﻟﺴﺔ ﺑﺎﻗﻲ ﻗﺼﺔ ﺍﻝ " ﻃﻴﻒ " ﻭ ﺗﻔﺎﺻﻴﻞ ﻣﻬﺘﻢ ﺟﺪﺍً ﺍﻋﺮﻓﻬﺎ ، ﻭ ﻣﺎ ﺑﻨﻜﺮ ﺍﻧﻬﺎ ﺣﺠﺔ ﻋﺸﺎﻥ ﺍﺷﻮﻓﻚ ﺑﻜﺮﺓ !
** ﺍﻣﻤﻤﻤﻢ ﻃﻴﺐ ﻡ ﻣﺸﻜﻠﺔ ﺍﻃﻠﺐ ﻟﻲ ﺍﻟﻠﻴﻠﻪ ﺍﻧﺖ ﻭ ﺑﻜﺮﺓ ﻣﺎﻟﻮ .. ﻳﻼ ﻳﻼ ﺟﻌﺎﻧﺔ ﺍﻧﺎ !
__ ﻃﻴﺐ ﻃﻴﺐ ...
*ﺍﻣﺎ ﻓﻲ ﺟﺎﻧﺐ ﻭﻫﺎﺩ -*
ﺑﺘﻘﻮﻝ ، ﻭ ﺍﻧﺎ ﻓﻲ ﺍﻟﺴﻮﻕ ﺑﻌﺪ ﺣﻮﻟﺖ ﻟﻲ ﺍﺑﻮ ﻫﻨﺎ ﻗﺮﻭﺷﻮ ﻭﺍﻟﺤﻤﺪﻟﻠﻪ ﺍﺗﺤﻠﻴﺖ ﻣﻦ ﺩﻳﻦ ! ﻭ ﺃﻧﺎ ﺑﺸﺘﺮﻱ ﻓﻲ ﺣﺎﺟﺎﺗﻲ ! ﺍﺗﺼﻞ ﺑﻲ ﻃﺎﺭﻕ ﺍﺧﻮﻱ .. ﺍﻟﻠﻲ ﻛﺎﻥ ﻣﻮﺟﻮﺩ ﻓﻲ ﺍﻟﺴﻮﻕ ﺍﺻﻼً ﻭ ﻃﻠﺐ ﻣﻨﻲ ﺍﻧﺘﻈﺮﻩ ﻭ ﻧﺮﺟﻊ ﺍﻟﺒﻴﺖ ﺳﻮﺍﺍ ... ﺟﺎ ﻋﻠﻲ ، ﻣﺎﺷﻲ ﺯﻱ ﺳﻴﺪ ﺍﻟﻠﺒﻦ ﻣﺤﻤﻞ ﺃﻛﻴﺎﺱ ﻳﻤﻴﻦ ﻭ ﺷﻤﺎﻝ !!
** ﺩﺍ ﺷﻨﻮ ﻛﻞ ﺩﺍ ؟؟
__ ﻓﺘﺮﺗﻪ ﺍﺍﺍﺍﺥ ، ﺧﻠﺼﺘﻲ ﺣﺎﺟﺎﺗﻚ !
** ﺍﻳﻮﺓ ! ﻣﻦ ﻣﺘﻴﻦ ﺍﻧﺖ ﻻﻓﻲ ﻧﻔﺴﻚ ﺩﺍ ﻗﺎﻳﻢ ﻛﺪﺍ ؟
__ ﻟﻲ ﺳﺎﻋﻪ .. ﺟﻴﺒﻲ ﺍﻛﻴﺎﺳﻚ ﺩﻱ ﺧﺘﻴﻬﻢ ﺟﻮﺍ ﻫﻨﺎ ﺍﻧﺎ ﺍﻛﻴﺎﺳﻲ ﻛﺒﻴﺮﺓ !
** ﻫﻮﻱ ﺍﻻﻛﻴﺎﺱ ﺩﻱ ﺗﻘﻴﻠﻪ ! ﺗﺸﻴﻞ ﺷﻨﻮ ﺯﺡ ﻳﺪﻙ !
__ ﺍﻧﺘﻲ ﻫﺒﻠﻪ ! ﺣﻨﺮﺟﻊ ﺑﻲ ﺍﻣﺠﺎﺩ !
** ﺷﺎﻳﻞ ﺷﻨﻮ ﺍﻧﺖ ! ﺭﺍﺣﻞ ﻋﺪﻳﻞ ﺑﻲ ﺍﻛﻴﺎﺳﻚ ﺩﻱ !
__ ﻟﻤﻦ ﻧﻤﺸﻲ ﺍﻟﺒﻴﺖ ﺗﻌﺮﻓﻲ ‏( ﺻﻔﺮ ﻟﻲ ﺑﺘﺎﻉ ﺍﻣﺠﺎﺩ ‏)
** ﻃﻴﺐ
__ ﻭﻗﻒ .. ﺗﻌﺎﻟﻲ ﺗﻌﺎﻟﻲ !
** ﻳﻼ ..
ﺭﻛﺒﻨﺎ ﺍﻷﻣﺠﺎﺩ .. ﻭ ﺑﻘﻴﻨﺎ ﻗﺎﻋﺪﻳﻦ !! ﺟﺎﻫﻮ ﺍﺗﺼﺎﻝ ﻛﺎﻥ ﻣﺨﺘﺼﺮ ﺷﺪﻳﺪ !! ﻭ ﻣﺎ ﻓﻬﻤﺖ ﻣﻨﻪ ﺣﺎﺟﺔ !!
ﻓﺠﺎﺓ ﻗﺎﻟﻲ : ﻭﻫﺎﺩ ﺍﻧﺘﻲ ﺷﻐﻞ ﺍﻟﻴﺪ ﺩﺍ ﻣﺎ ﺗﻌﺐ ﻋﻠﻴﻜﻲ ؟
ﻗﻠﺖ ﻟﻴﻬﻮ : ﻻ ﺍﺑﺪﺍً !
ﻗﺎﻝ ﻟﻲ : ﻻ ﺗﻌﺐ ! ﺍﺑﺤﺜﻲ ﻓﻲ ﺍﻟﻨﺖ ﺷﻮﻓﻲ ﻟﻮ ﻓﻲ ﺁﻟﺔ ﺯﻱ ﺍﻟﻤﻜﻨﺔ ﻣﺜﻼً ﺗﻘﺪﺭ ﺗﻌﻤﻞ ﻟﻴﻜﻲ ﺍﻟﺸﻐﻞ ﺩﺍ ﻣﺶ ﺍﻓﻀﻞ ! ؟
ﻗﻠﺖ ﻟﻴﻬﻮ : ﻣﺎ ﺍﻇﻦ ﻓﻲ ! ﻣﺎﻓﻲ ﺍﻱ ﺗﻌﺐ ﻣﺎ ﺗﺸﻴﻞ ﻫﻢ !
ﻗﺎﻟﻲ : ﻓﻲ .. ﻭ ﺍﻧﺎ ﺑﻔﺘﺶ ﺍﻥ ﺷﺎﺀ ﺍﻟﻠﻪ ﺑﻠﻘﻰ .. ﺟﻌﺎﺍﺍﺍﺍﻥ ﻳﺎﺥ ﺍﻟﻠﻴﻠﺔ ﻓﻄﻮﺭ ﺯﺍﺗﻮ ﻣﺎ ﻓﻄﺮﺗﺎ !
ﻗﻠﺖ ﻟﻴﻬﻮ : ﻟﻴﻪ ﻳﻌﻨﻲ ﻗﺎﻋﺪ ﻟﺤﺪ ﺍﺳﻲ ﺑﺎﻟﺠﻮﻉ ﺍﻟﻮﺍﻃﻪ ﻣﻐﺮﺑﺖ ﺍﺻﻼ !
ﻗﺎﻟﻲ : ﻣﺎ ﻓﻀﻴﺖ ﻭﺍﻟﻠﻪ ... ‏( ﺍﻳﻮﺓ ﺍﺧﺪ ﻳﻤﻴﻨﻚ ﺗﺎﻧﻲ ﻳﻮﺗﺮﻥ ، ﻭ ﻛﻤﻞ ﻃﻮﺍﺍﺍﺍﺍﺍﻟﻲ ‏) !! ..... ﺳﻜﺖ ﺷﻮﻳﺔ ! ﻭ ﻗﺎﻝ ﻟﻴﻬﻮ : ﺑﺲ ﻭﻗﻒ ﻗﺒﻠﻚ ﻫﻨﺎ .. ﺧﻠﻲ ﺍﻻﻛﻴﺎﺱ ﺍﻧﺎ ﺑﺪﺧﻠﻬﻢ ، ﺧﺸﻲ ﺍﻟﺒﻴﺖ ﺍﻧﺘﻲ !
ﻗﻠﺖ ﻟﻴﻬﻮ : ﺑﺸﻴﻞ ﺍﻟﺨﻔﺎﻑ .. ﻳﻼ ﻳﻼ ....
ﺩﺧﻠﻨﺎ ﺍﻟﺒﻴﺖ ، ﻋﻠﻰ ﺭﻳﺤﺔ ﺍﻟﻄﺒﻴﺦ ﺍﻟﺴﻤﺢ ،، ﻟﻘﻴﻨﺎ ﺍﻣﻲ ﻗﺎﻋﺪﻩ ﺗﺤﻀﺮ ﻭ ﻣﺨﻠﺼﺔ ﺍﻟﻐﺪﺍ ﻭ ﻣﻨﺘﻈﺮﺍﻧﺎ ...
ﻗﺎﻟﺖ : ﺩﻱ ﺷﻨﻮ ﺍﻻﻛﻴﺎﺱ ﺩﻱ ؟
ﻗﻠﺖ ﻟﻴﻬﺎ : ﺑﺮﻱ ﺩﻳﻞ ﺃﻛﻴﺎﺱ ﻃﺎﺭﻕ ! ﺍﻧﺎ ﺍﻛﻴﺎﺳﻲ ﺩﻱ ﻟﻴﻬﺎ !
‏( ﻃﺎﺭﻕ ﺟﺎ ﺩﺍﺧﻞ ‏) ﻗﺎﻟﻴﻨﺎ : ﺳﺎﻣﻊ ﺍﺳﻤﻲ !! ﺍﻣﻲ ﻭﺍﻟﻠﻪ ﺟﻌﺎﻥ ﻣﻴﻴﻴﻴﺖ ﺟﻮﻉ
ﻗﻠﺖ ﻟﻴﻬﻢ : ﺍﻧﺎ ﺣﺄﺧﺖ ﺍﻻﻛﻞ ! ﻗﺎﻟﻲ : ﻻﻻ ﺗﻌﺎﻟﻲ ﺩﻗﻴﻘﻪ ﺍﻧﺎ ﻣﺘﺸﻮﻕ ﻣﻦ ﻗﺒﻴﻞ ! ﺷﻮﻓﻲ ﺍﻻﻛﻴﺎﺱ ﺩﻱ ﻛﺪﺍ ﺣﻘﺘﻚ ﻭﺩﻳﻞ ﺣﻘﺎﺕ ﺍﻣﻲ !!!
ﻗﻠﺖ ﻟﻴﻬﻮ : ﺩﻳﻞ ﺷﻨﻮ ؟؟ ﻗﺎﻟﻲ ، ﺩﺧﻠﻴﻬﻢ ﻏﺮﻓﺘﻚ ﻭ ﺷﻮﻓﻴﻬﻢ ﻭﺍﺩﻳﻨﻲ ﺭﺍﻳﻚ ﺑﻌﺪﻳﻦ ﻳﻼﺍﺍ
ﺍﻣﻲ : ﺩﺍ ﺷﻨﻮ ﻳﺎ ﻭﻟﺪﻱ ! ﻫﻮ ﻣﺘﻴﻦ ﺍﺷﺘﻐﻠﺖ ﺍﻧﺖ ؟
ﻗﺎﻟﻴﻬﺎ : ﻳﺎ ﺍﻣﻲ ﺍﻟﻠﻪ ﺩﺍ ﻛﺮﻳﻢ ﻭ ** ﺗﻠﻔﻮﻧﻮ ﺭﻥّ ** ﺩﻗﻴﻘﺔ ﻳﺎ ﺍﻣﻲ ﻭ ﺭﺩ ﻋﻠﻰ ﺍﻟﺘﻠﻔﻮﻥ ﻭ ﺃﻧﺎ ﻭﺍﻗﻔﺔ .. ﻗﺎﻝ ﻟﻠﺒﻴﺘﻜﻠﻢ ﻣﻌﺎﻫﻮ ! ﻭﻟﻴﺪ !! ﺍﻫﺎ ..... ﺩﻗﻴﻘﺔ ﻃﻴﺐ ، ﻭﻗﺎﻡ ﻋﻠﻰ ﺣﻴﻠﻮ ﻭ ﻣﺸﻰ ﺍﻟﺼﺎﻟﻮﻥ ﺍﻟﺘﺎﻧﻲ !!!
ﻫﻨﺎ ﺍﻧﺎ ﺍﺗﻮﺗﺮﺗﻪ ﺷﺪﻳﺪ ﻭ ﺟﺮﻳﺖ ﻋﻠﻰ ﺍﻟﻤﻄﺒﺦ ﻭ ﺑﻘﻴﺖ ﻭﺍﻗﻔﺔ ﻻ ﻋﺎﺭﻓﻪ ﺍﺧﺖ ﺍﻷﻛﻞ ﻻ ﺍﻃﻠﻊ ﻻ ﺍﺩﺧﻞ ﻭﻻ ﺍﻱ ﺷﻲ !!!! ﺍﺧﺪ ﺯﻱ 7 ﺩﻗﺎﻳﻖ ﻛﺪﺍ ! ﻭ ﻣﺎ ﺳﻤﻌﺘﻮ ﺇﻻ ﻫﻮ ﺑﻘﻮﻝ ﻟﻲ !!...... :
*ﻓﺎﻃﻤﺔ ﺑﺘﻘﻮﻝ :*
ﻛﻨﺖ ﺑﺘﻮﻧﺲ ﻣﻊ ﻭﺟﺪﺍﻥ ﻓﻲ ﺍﻟﺘﻠﻔﻮﻥ ، ﻭ ﻓﺠﺄﺓ ﻗﺎﻟﺖ ﻟﻲ :
__ ﺷﺎﻳﻔﺔ ﻛﺪﺍ ﺯﻱ ﺍﻟﻔﻲ ﺣﺎﺟﺔ ﺑﻴﻨﻜﻢ ﺍﻧﺘﻲ ﻭ ﻃﺎﺭﻕ !
** ﺣﺢ !! ﺣﺤﺎﺟﺔ ﺷﻨﻮ ﻳﺎ ﻭﺟﺪﺍﻥ !
__ ﻋﺪﻳﻞ ﻛﺪﺍ ﻣﺎ ﺗﺘﺨﻠﻌﻲ ﻟﻲ ﻛﺪﺍ !
** ﻫﻮﻭﻭﻱ ! ﻡ ﺗﻘﻮﻟﻲ ﻛﻼﻡ ﻣﺎﻓﻲ ﻣﺤﻠﻮ ﻃﺎﺭﻕ ﺯﻣﻴﻞ ﻋﺎﺩﻱ ﺟﺪﺍً ﺯﻳﻮ ﺯﻱ ﺍﻟﺒﺎﻗﻴﻦ !
__ ﻳﺎ ﺳﺘﻲ ﻣﺎﻟﻚ ﺍﻧﻔﻌﻠﺘﻲ ﺍﻧﺎ ﺩﺍﻳﺮﺓ ﻟﻴﻜﻲ ﺍﻟﺨﻴﺮ ﻭﺍﻟﻠﻪ ﺑﺲ ﻣﺎ ﺍﻛﺘﺮ !
** ﻋﺎﺭﻓﻪ ﻳﺎ ﻭﺟﺪﺍﻥ ﺑﺲ ..... ﺍﺍﺍﺍﺍ ‏( ﺳﻜﺘﺖ ‏)
__ ﺑﺲ ﺷﻨﻮ ﻭ ﺍﺍﺍ ﺷﻨﻮ ؟؟
** ﻭﺍﻟﻠﻪ ﻳﺎ ﻭﺟﺪﺍﻥ ﺍﻧﺎ ﻣﺸﺎﻋﺮﻱ ﻓﻲ ﺣﺘﻪ ﺗﺎﻧﻴﺔ ﺧﺎﺍﺍﻟﺺ ! ﻭ ﺣﺘﺔ ﻋﺎﻟﻴﺔ ﺷﺪﻳﺪ !
__ ﺍﻟﻠﻪ .. ﺍﻟﻠﻪ ! ﻣﻨﻮ ﺩﺍ ؟ ﻣﻌﺎﻧﺎ ﻓﻲ ﺍﻟﺸﺮﻛﺔ ! ﻭﻋﺎﻟﻴﺔ ﻛﻴﻒ ﻳﻌﻨﻲ ؟
** ﻋﺎﻟﻴﺔ ﻛـ ﻣﻜﺎﻧﺔ ﺍﺟﺘﻤﺎﻋﻴﺔ ! ﻭ ﻷ ﻡ ﻣﻌﺎﻧﺎ ﻓﻲ ﺍﻟﺸﺮﻛﺔ !
__ ﻣﺼﺮﺣﻴﻦ ﻟﻲ ﺑﻌﺾ ﻳﻌﻨﻲ ﺍﻣﻮﺭﻛﻢ ﻭﺍﺿﺤﺔ ؟؟
** ﻻﻻ ﻭﻳﻦ ﻳﺎﺥ ﺍﺑﺪﺍﺍﺍً
__ ﻣﻨﻮ ﻋﻠﻴﻚ ﺍﻟﻠﻪ ! ؟
** ﻭﻟﻴﺪ ﺍﺧﻮ ﺍﺳﺘﺎﺫﺓ ﺭﻳﻢ !!
__ ﺍﺏ ﺍﺑﺎﺑﺎ ... ﻭﻟﻴﺪ ﻣﺎ ﻏﻴﺮﻭ !! ﻻ ﺷﻜﻠﻚ ﺟﻨﻴﺘﻲ ! ﻭ ﺩﺍ ﻋﻠﻰ ﻳﺎﺗﻮ ﺍﺳﺎﺱ ﻳﻌﻨﻲ ﺣﺒﻴﺘﻴﻬﻮ ﻭﻻ ﺍﻟﻔﻬﻢ ﺷﻨﻮ ! ﺍﺫﺍ ﻫﻮ ﺍﺻﻼ ﻣﺎ ﺑﻴﺤﻲ ﺍﻟﺸﺮﻛﺔ ﺍﻻ ﻣﺮﺓ ﻣﺮﺓ !!
** ﻭﺍﻟﻠﻪ ﻳﺎ ﻭﺟﺪﺍﻥ ﻳﺎﻫﺎ ﻣﺮﺓ ﻣﺮﺓ ! ﺑﺲ ﻣﺮﺓ ﻭﺻﻠﻨﻲ ﻟﺤﺪ ﺍﻟﺒﻴﺖ ﻳﻮﻡ ﻣﺸﻴﺖ ﻟﻲ ﺭﻳﻢ ﻓﻲ ﺍﻟﺒﻴﺖ ﻭﻛﺎﻥ ﺯﻭﻝ ﻇﺮﻳﻒ ﺷﺪﻳﺪ ﻭﺣﺴﻴﺘﻮ ﻋﺎﺩﻱ ﻣﺎ ﻣﺘﻜﺒﺮ ﺯﻱ ﻡ ﻇﺎﻫﺮ ﻋﻠﻴﻬﻮ ﻭ ﻛﺎﻥ ﺑﺴﺎﻟﻨﻲ ﻣﻦ ﻗﺮﺍﻳﺘﻲ ﻭ ﺷﻐﻠﻲ ﻭﻫﻮﺍﻳﺎﺗﻲ !
__ ﻃﻴﺐ ﻋﺎﺩﻱ ﺣﺐ ﻳﻘﺘﻞ ﺍﻟﻮﻗﺖ ﻟﻤﻦ ﻳﻮﺻﻠﻚ ! ﺩﺍ ﻣﺎ ﺩﻟﻴﻞ ﻗﺎﻃﻊ ﻳﺎ ﻓﻄﻮﻡ ﻳﺪﻝ ﻋﻠﻰ ﺍﻧﻪ ﻋﻨﺪﻩ ﻟﻴﻚ ﺣﺎﺟﺔ ! ﺍﻟﻨﺎﺱ ﺩﻳﻞ ﻋﺎﻟﻢ ﻭﺍﻧﺤﻨﺎ ﻋﺎﻟﻢ ﺗﺎﻧﻲ ﺧﺎﻟﺺ ﺍﻧﺎ ﺑﻘﻮﻟﻴﻚ ﻛﺪﺍ ﺧﻮﻑ ﻋﻠﻴﻜﻲ ﻡ ﺗﺨﻠﻲ ﺍﻟﺠﻮﺍﻙ ﺩﺍ ﻳﺴﺘﻤﺮ ﻭ ﻳﺎﺧﺪ ﻭﻗﺖ ﺍﻛﺘﺮ ﻣﻦ ﻭﻗﺘﻮ !
** ﻫﻮ ﺑﻲ ﻳﺪﻱ ﻳﻌﻨﻲ ؟؟ ﻣﺘﻴﻦ ﺍﺣﺐ ﻭﻣﺘﻴﻦ ﺍﺑﻄﻞ ! ﻛﺎﻥ ﺑﻲ ﻳﺪ ﺯﻭﻝ ﺍﻟﺤﺎﺟﺔ ﺩﻱ ﻡ ﻛﺎﻥ ﻓﻲ ﺯﻭﻝ ﺗﻌﺐ ﻣﻦ ﺍﻟﺤﺐ ! ﺍﻟﻤﻬﻢ ﻣﺎﻓﻲ ﺣﺎﺟﺔ ﺑﻌﻴﺪﺓ ﻋﻠﻰ ﺭﺑﻨﺎ ، ﺍﻟﻠﻲ ﺍﻧﺒﺖ ﺍﻟﺰﻫﻮﺭ ﻓﻮﻕ ﺍﻟﺼﺨﻮﺭ ، ﻗﺎﺩﺭ ﺍﻧﻪ ﻳﻜﺘﺐ ﻟﻲ ﻣﺤﺒﺘﻮ !
__ ﻓﻄﻮﻡ ! ﺭﻛﺰﻱ ﻣﻊ ﻃﺎﺭﻕ ﺍﻧﺎ ﺷﺎﻳﻔﻪ ﺍﻧﻪ ﻣﻌﺠﺐ ﺑﻴﻚ ﻭ ﺩﺍ ﻭﺍﺿﺢ ﺷﺪﻳﺪ ! ﻋﺎﻳﻨﻲ ﻟﻠﻘﺪﺍﻣﻚ ﺍﻓﻀﻞ ﻣﻦ ﻣﺎﺗﻌﺎﻳﻨﻲ ﻓﻮﻕ
ﻭﺗﻮﺟﻌﻲ ﺭﻗﺒﺘﻚ !!
** ﺡ ﺃﺳﻌﻰ ﻟﻠﻲ ﺍﻧﺎ ﺩﺍﻳﺮﺍﻫﻮ ! ﻣﺎ ﺡ ﺍﻗﺒﻞ ﺑﺤﺎﺟﺔ ﻗﺪﺍﻣﻲ ﻟﻤﺠﺮﺩ ﺍﻧﻬﺎ ﻣﺘﺎﺣﺔ ﻭﺍﻧﺎ ﻡ ﺩﺍﻳﺮﺍﻫﺎ !! ﻭ ﺇﻥ ﺷﺎﺀﺍﻟﻠﻪ ﻭﻟﻴﺪ ﺣﻴﻜﻮﻥ ﻟﻲ ...
__ ﻭﺍﻟﻠﻪ ﻳﺎ ﺳﺘﻲ ﺍﺗﻤﻨﻰ !! ﺍﻟﻠﻪ ﻳﺴﻌﺪﻙ . ﻭﺍﻧﺘﻬﺖ ﺍﻟﻤﻜﺎﻟﻤﺔ ﻋﻠﻰ ﻛﺪﺍ !
*ﺭﻳﻢ ﺑﺘﻘﻮﻝ -*
ﺑﻌﺪ ﺳﺎﻋﺎﺕ ﻗﻀﻴﺘﻬﺎ ﻣﻊ ﺧﺎﻟﺪ ﻛﻠﻬﺎ ﻛﻼﻡ ﻭﺭﺍ ﻛﻼﻡ !
ﻡ ﻛﻨﺖ ﺑﺤﺲ ﺑﺎﻟﺰﻣﻦ ﻭ ﻫﻮ ﺑﻴﻤﺸﻲ ! ﻻﻭﻝ ﻣﺮﺓ ﺍﺣﺲ ﺑﺎﻟﺮﺍﺣﺔ ﺩﻱ ! ﻣﺎ ﻋﺎﺭﻓﻪ ﺩﺍ ﻋﺸﺎﻥ ﺣﻜﻴﺖ ﻛﻼﻡ ﻛﺎﻥ ﻣﺘﻘﻞ ﻗﻠﺒﻲ ﻭ ﻟﻘﻴﺖ ﺭﺩﺓ ﻓﻌﻞ ﻣﻨﺼﻔﺔ ﻣﺎ ﻓﻴﻬﺎ ﺧﺴﺎﺭﺓ ﻭﻻ ﻋﺸﺎﻥ ﺍﻻﻧﺴﺎﻥ ﺍﻟﺴﻤﻌﻨﻲ ﺩﺍ ﺧﺎﻟﺪ ! ﺣﻘﻴﻘﻲ ﻡ ﻋﺎﺭﻓﻪ ! ﺍﻟﻤﻬﻢ ! ﺑﻌﺪ ﺭﻛﺒﺖ ﻋﺮﺑﻴﺘﻲ ! ﺟﺎﻧﻲ ﺍﺗﺼﺎﻝ ﻣﻦ ﻃﻪ ﺍﻟﻠﻲ ﻡ ﻛﺎﻥ ﺍﻭﻝ ﻣﺮﺓ ﻳﺘﺼﻞ ﻋﻠﻲ , ﻟﻤﻦ ﻗﺮﺭﺕ ﺍﺭﺩ ﻋﻠﻴﻬﻮ ..
** ﻣﺰﻋﺞ ﺑﺸﻜﻞ !!
__ ﻡ ﺩﺍﻳﺮ ﻣﻌﺎﻛﻲ ﻛﻼﻡ ﻳﺎ ﺭﻳﻢ ﺑﺎﻟﺠﺪ ﺯﻋﻼﻥ ﻣﻨﻚ !
** ﻋﺎﺭﻓﻪ ! ﺧﻠﻴﺘﻚ ﺗﺘﺼﻞ ﻛﺘﻴﺮ
__ ﻻ ﻣﺎ ﻋﺸﺎﻥ ﻛﺪﺍ ! ﻣﺎ ﺗﺴﺘﻌﺒﻄﻲ ﻳﺎﺥ !
** ﻭ ﺑﻌﺪﻳﻦ ؟ ﺍﻟﻤﻄﻠﻮﺏ ﻣﻨﻲ ﺷﻨﻮ ﺍﻧﺎ ﺍﺳﻲ ؟
__ ﺑﺮﻭﺩﻙ ﻳﺎ ﺭﻳﻢ ! ﻳﺎﺥ ﺍﻧﺘﻲ ﻟﻴﻪ ﻋﻤﻠﺘﻲ ﻛﺪﺍ ؟
** ﻋﻤﻠﺖ ﺷﻨﻮ ﺍﻧﺎ ؟
__ ‏( ﺑﻲ ﺻﻮﺕ ﻏﺎﺿﺐ ‏) ﺭﺭﺭﺭﺭﻳﻴﻴﻴﻴﻤﻤﻤﻢ !!!
** ﻃﻴﺐ ﻃﻴﺐ ! ﺍﻋﺼﺎﺑﻚ ! ﻛﻞ ﺍﻟﺤﻜﺎﻳﻪ ﻣﺎ ﺩﺍﻳﺮﺍﻙ ﺗﻔﻘﺪ ﺍﻏﻼ ﺣﺎﺟﺔ ﻋﻨﺪﻙ ﻓﻲ ﺣﻴﺎﺗﻚ ! ﺑﺤﺎﻭﻝ ﻗﺪﺭ ﺍﻻﻣﻜﺎﻥ ﺍﻧﻲ ﻣﺎ ﺍﺧﻠﻲ ﺍﻟﻨﺎﺱ ﺍﻟﺤﻮﻟﻴﻨﻲ ﻳﻤﺮﻭ ﺑﻲ ﻧﻔﺲ ﺍﻟﻠﻲ ﺍﻧﺎ ﻣﺮﻳﺖ ﺑﻴﻬﻮ !!!
__ ﺑﻤﻌﻨﻰ ؟
** ﺍﺍﺍﻩ ﺑﻤﻌﻨﻰ ﺍﻥ ﺍﻣﻚ ﻫﻲ ﺍﻣﻲ ! ﻭ ﺩﺍﻳﺮﺍﻫﺎ ﺗﻜﻮﻥ ﺑﻲ ﺑﺨﻴﺮ ﻭ ﺍﻟﻤﺴﺘﺸﻔﻰ ﺩﺍﻙ ﺍﺑﺪﺍً ﻡ ﻛﺎﻥ ﻣﻨﺎﺳﺐ ﻟﻴﻬﺎ ﺑﻲ ﻛﻞ ﺍﻟﻄﺮﻕ !
__ ﺗﻘﻮﻣﻲ ﺗﻌﻤﻠﻲ ﻛﺪﺍ ؟
** ﻭﺍﻛﺘﺮ ﻣﻦ ﻛﺪﺍ ﻛﻤﺎﻥ ﻳﺎ ﻃﻪ ﻭ ﻋﺎﺭﻓﻪ ﻟﻮ ﻛﻨﺖ ﻛﻠﻤﺘﻚ ﻣﺎ ﻛﻨﺖ ﺣﺘﻮﺍﻓﻖ ﻋﺸﺎﻥ ﻛﺪﺍ ﺍﺗﺼﺮﻓﺖ ﺑﻲ ﺭﺍﺳﻲ ﻭ ﺍﺳﻲ ﺍﻧﺎ ﺳﺎﻳﻘﻪ ﻡ ﺗﺸﺘﺖ ﺍﻧﺘﺒﺎﻫﻲ !!
__ ﻳﺎ ﺍﻟﻠﻪ ﻣﻨﻚ ﻳﺎﺭﻳﻢ ... ﻃﻴﺐ ﺳﻼﻡ !
‏( ﺍﺗﺼﺎﻟﻲ ﺑﻲ ﻋﻢ ﺍﺑﺮﺍﻫﻴﻢ ﻛﺎﻥ ﻋﺸﺎﻥ ﻳﺴﺎﻋﺪﻧﻲ ﻓﻲ ﺍﻧﻪ ﻳﻌﺮﻑ ﻣﺴﺘﺸﻔﻰ ﺍﻡ ﻃﻪ ﻋﺸﺎﻥ ﻟﻮ ﻣﺤﺘﺎﺟﻴﻦ ﺣﺎﺟﺔ ﺍﺳﻮﻳﻬﺎ ﻣﻦ ﻏﻴﺮ ﻋﻠﻤﻮ ﻭ ﺍﻧﺎ ﺍﻟﻠﻲ ﺣﻮﻟﺘﻬﺎ ﺑﺎﻟﻄﺮﻳﻘﺔ ﺩﻱ ﺍﻛﻴﺪ ﻓﻬﻤﺘﻮ ﻣﻦ ﺍﻻﺣﺪﺍﺙ ‏) ...
ﻭﺻﻠﺖ ﺍﻟﺒﻴﺖ ...
ﻭﺍﻧﺎ ﺩﺍﺧﻠﻪ ﻣﻦ ﺍﻟﺠﻨﻴﻨﺔ ﺣﻘﺖ ﺍﻟﺒﻴﺖ ! ﺑﻌﺪ ﺩﺍﻳﺮﺓ ﺍﻓﺘﺢ ﺑﺎﺏ ﺍﻟﺼﺎﻟﻮﻥ ﻭﺍﺩﺧﻞ ! ﻟﻤﺤﺖ ﻭﻟﻴﺪ ﻗﺎﻋﺪ ﻓﻲ ﺍﻟﻘﻌﺪﺓ ﺣﻘﺖ ﺍﻟﺠُﻨﻴﻨﺔ ، ﻭ ﺳﺎﻛﺖ ﻭ ﻣﺴﻬﻢ ! ﻣﺸﻴﺖ ﻋﻠﻴﻬﻮ ..
ﻭﻗﻔﺖ ﻗﺪﺍﻣﻮ ﻟﺪﺭﺟﺔ ﻣﺎ ﺍﻧﺘﺒﻪ ﻟﻲ ﺍﺻﻠًﺎ ،ﻗﻠﺖ ﻟﻴﻬﻮ :
** ﻣﺎ ﻋﻮﺍﻳﺪﻙ !!
__ ... ﺭﻳﻢ ! ﺑﺘﺘﻜﻠﻢ ﻣﻌﺎﻱ ﺍﻧﺎ ! ﻡ ﻣﺼﺪﻕ !
** ‏( ﺧﺒﻄﻮ ﻓﻲ ﺭﺍﺳﻮ ﺑﺎﻟﺸﻨﻄﺔ ‏) ﻣﺎﻟﻚ ﺷﺎﻳﻞ ﺍﻟﻬﻢ ﻓﻲ ﻗُﻔﺔ ﻭ ﻗﺎﻋﺪ !! ﻟﺴﻪ ﻣﻮﺿﻮﻉ ﺍﻟﻮﻛﺎﻟﻪ ﺩﺍ !
__ ﻻﻻ ﺍﻣﻮﺭ ﺍﻟﺸﻐﻞ ﺗﻤﺎﻡ .. ﻃﻴﺐ ﺍﻗﻌﺪﻱ ﻭ ﻻ ﺣﺘﻘﻴﻔﻲ ﻟﻲ ﻓﻮﻕ ﺭﺍﺳﻲ ﻛﺪﺍ ﺯﻱ ﺍﻷﺭﻳﻞ !
** ﻓﻲ ﺷﻨﻮ ؟؟ ﻛﺪﻱ ﺍﺣﻜﻲ ﺧﻠﻴﻚ ﻣﻦ ﻗﻌﺎﺩﻱ !
__ ﻡ ﻫﻮ ﻋﺸﺎﻥ ﺍﺗﻜﻠﻢ ﺣﺘﻔﻀﻠﻲ ﻭﺍﻗﻔﻪ ﻛﺪﺍ ؟
** ﻃﻴﺐ ﺍﻫﺎ ‏( ﺟﺮﻳﺖ ﺍﻟﻜﺮﺳﻲ ﻭ ﻗﻌﺪﺗﻪ ‏) .. ﻓﻲ ﺷﻨﻮ ؟
__ ﻃﻴﺐ ! ﺑﺲ ﻱ ﺭﻳﺖ ﻡ ﺗﺘﻜﻠﻤﻲ ﻣﻌﺎﻱ ﺑﻲ ﻣﻨﻄﻘﻚ ﻭ ﻋﻘﻠﻴﺘﻚ ﻭ ﻓﻠﺴﻔﺘﻚ ﺩﻳﻚ ﻭ *.. ﻗﺎﻃﻌﺘﻮ *
** ﺣﺘﺨﺶ ﻓﻲ ﺍﻟﻤﻮﺿﻮﻉ ﻣﺘﻴﻦ ؟
__ ﻃﻴﺐ ﻳﺎ ﺭﻳﻢ ! ﺍﻧﺎ ﺩﺍﻳﺮ ﺍﺗﺰﻭﺝ !
** ﺍﻭﻓﻔﻒ !! ﻛﺬﺍﺏ ﻭﺍﻟﻠﻪ ! ﺍﻧﺖ ﺩﺍﻳﺮ ﺗﺘﺰﻭﺝ ! ﻷ ﻭ ﻣﻘﺘﻨﻊ ﻛﺪﺍ ! ﻧﺼﻴﺢ ﺍﻧﺖ ؟
__ ﺭﻳﻢ ! ﺍﺫﺍ ﺣﺘﻜﻠﻤﻴﻨﻲ ﺑﺄﺳﺘﺨﻔﺎﻑ ﺍﻧﺎ ﻣﺎ ﺣﺄﺣﻜﻲ ﻭﺍﻟﻠﻪ !
** ﺍﺳﻔﻪ ﻃﻴﺐ ﻛﻤﻞ !
__ ﻓﻲ ﻭﺣﺪﺓ ﺟﺎﺕ ﻟﻲ ﺭﺯﺍﻥ ﻫﻨﺎ ﺍﻣﺒﺎﺭﺡ ! ﻭ * ﻗﺎﻃﻌﺘﻮ *
** ﻗﺼﺪﻙ ﻭﻫﺎﺩ !
__ ‏( ﺑﻲ ﺍﻧﺘﺒﺎﻩ ﺷﺪﻳﺪ ‏) ﺍﻧﺘﻲ ﺑﺘﻌﺮﻓﻴﻬﺎ ؟
** ﻻ ﺑﺲ ﻻﻗﻴﺘﺎ ﻗﺎﻋﺪﺓ ﻣﻊ ﺭﻳﻢ ! ﻭ ﺍﻧﺖ ﺑﺘﻌﺮﻓﻬﺎ ﻳﻌﻨﻲ ﻗﺒﻞ ﺍﻣﺒﺎﺭﺡ ﺩﺍ ؟
__ ﻻﻻ ﺧﻠﻴﻨﻲ ﺍﻛﻤﻞ ﻟﻴﻜﻲ ! ﺍﻧﺎ ﺷﻔﺘﻬﺎ ﺯﻱ ﺯﻳﻚ ﺍﻣﺒﺎﺭﺡ ﺍﻭﻝ ﻣﺮﺓ ! ﺑﺲ ﻣﺎ ﺟﻮﺍ ﺍﻟﺒﻴﺖ ! ﺍﻟﻤﻬﻢ ﺑﻲ ﺍﺧﺘﺼﺎﺭ ، ﺍﻧﺎ ﻣﻌﺠﺐ ﺑﺎﻟﺒﺖ ﺩﻱ ﻭﺟﺎﺩﻱ ﻭﺍﻟﻠﻪ ﺩﺍﻳﺮﻫﺎ ﻣﻦ ﻗﺒﻞ ﺍﻋﺮﻓﻬﺎ ﻭﻻ ﺍﻋﺮﻑ ﺍﻱ ﺣﺎﺟﺔ ﻋﻨﻬﺎ ﻋﺸﺎﻥ ﻡ ﺗﺴﻤﻌﻴﻨﻲ ﻧﻔﺲ ﻛﻼﻡ ﺭﺯﺍﻥ ! ﻭ ﺩﺧﻠﺖ ﻗﻠﺒﻲ ﻭ ﻋﻘﻠﻲ ﻣﻦ ﺍﻭﻝ ﻟﺤﻈﺔ ﻭﺍﺑﺪﺍً ﻣﺎ ﺍﻋﺠﺎﺏ ﻭﻗﺘﻲ ! ﻭﺍﻟﻠﻪ ﺩﺍﻳﺮﺍﻫﺎ ﻭ ﺷﻠﺖ ﺭﻗﻤﻬﺎ ﻣﻦ ﺭﺯﺍﻥ ﻭﺍﻟﺒﺖ ﻣﺎ ﺩﺍﻳﺮﺓ ﺗﺪﻳﻨﻲ ﻣﺠﺎﻝ ﺍﺑﺪﺍ ﻟﻠﻜﻼﻡ ﻭ ﺍﻟﻔﻬﻤﺘﻮ ﺍﻧﻬﺎ ﻡ ﺯﻭﻟﺔ ﻋﻼﻗﺎﺕ ﺍﺑﺪﺍً ﻭ ﻗﺎﻟﺖ ﻟﻲ ﻛﻼﻡ ﻏﺮﻳﺐ ﻣﺎ ﻭﻗﺘﻮ ﺣﺎﻟﻴﺎً ، ﺍﻟﻤﻬﻢ *.. ﻗﺎﻃﻌﺘﻮ *
** ﺩﻗﻴﻘﺔ !! ﺯﻭﻟﺔ ﺩﺍﻳﺮﻫﺎ ﻋﺪﻳﻞ ﺑﺘﺘﻜﻠﻢ ﻣﻌﺎﻫﺎ ﻟﻴﻪ ؟ ﻃﻮﺍﻟﻲ ﺗﺸﻮﻑ ﺩﺭﺏ ﺍﻫﻠﻬﺎ ﻭﻳﻦ !
__ ﻳﻌﻨﻲ ﺩﺍ ﺭﺍﻳﻚ ؟
** ﺩﺍ ﺍﻟﻤﻨﻄﻖ ﺍﻟﻠﻲ ﻗﻠﺖ ﻟﻲ ﻣﺎ ﺍﻛﻠﻤﻚ ﺑﻴﻬﻮ !
__ ﻃﻴﺐ ﺭﺍﻳﻚ ﺷﻨﻮ ﺍﻧﺎ ﺧﻠﻴﺘﺎ ﺗﺪﻳﻨﻲ ﺭﻗﻢ ﺍﺧﻮﻫﺎ ! ﻭ ﻛﻠﻤﺘﻮ ؟؟
** ﻃﻴﺐ ﻛﻼﻡ ﺣﻠﻮ ﺍﺳﻲ ﺍﻧﺖ ﻣﺸﻜﻠﺘﻚ ﻓﻲ ﺷﻨﻮ ؟
__ ﻣﺸﻜﻠﺘﻲ ﻓﻲ ﺍﻣﻲ !
** ﺧﻠﻴﻚ ﻣﻦ ﺍﻣﻲ ﻻﻥ ﺍﻣﻲ ﻣﺎﻟﻴﻬﺎ ﺣﻖ ﺗﺮﻓﺾ ! ﺍﺳﻲ ﺍﺧﻮﻫﺎ ﻗﺎﻟﻴﻚ ﺷﻨﻮ ؟
__ ﻗﺎﻟﻲ ﻗﺒﻞ ﺗﺠﻴﺐ ﺍﻫﻠﻚ ﻻﺯﻡ ﺍﻗﻌﺪ ﻣﻌﺎﻙ ﺭﺍﺟﻞ ﻟﻲ ﺭﺍﺟﻞ ! ﻋﺸﺎﻥ ﻣﺎ ﻋﻨﺪﻱ ﺍﺳﺘﻌﺪﺍﺩ ﺍﺟﺮﺡ ﻭﻫﺎﺩ !
** ﻳﺠﺮﺣﻬﺎ ﻓﻲ ﺷﻨﻮ ﻃﻴﺐ ؟
__ ﻣﺎ ﻋﺎﺭﻑ ، ﻭ ﻏﺎﻟﺒﻨﻲ ﺍﻧﺘﻈﺮ ﻟﺤﺪ ﺑﻜﺮﺓ ﻋﺸﺎﻥ ﺍﻗﺎﺑﻠﻮ ﻭﺍﻓﻬﻢ ﺍﻟﺤﺎﺻﻞ !
** ﺍﺳﻤﻊ ! ﺍﺭﺟﻊ ﻟﻴﻬﻮ ﺑﻲ ﺍﺗﺼﺎﻝ ﻗﻮﻟﻴﻬﻮ ﺍﻧﺎ ﻣﻮﺍﻓﻖ ﺑﻲ ﺍﻱ ﺣﺎﺟﺔ ﻻﻧﻮ ﺍﻧﺎ ﺷﺎﺭﻱ ﺍﺧﺘﻚ ﻣﺎﻓﻲ ﺣﺎﺟﺔ ﺗﺴﺒﺐ ﻟﻴﻬﺎ ﺟﺮﺡ ! ﻭ ﻭﺭﻳﻬﻮ ﺍﻧﻚ ﻣﺎ ﺑﺘﻌﺮﻑ ﺍﺧﺘﻮ ﻣﻦ ﺑﺮﺍ ﻋﺸﺎﻥ ﺍﺳﻲ ﻣﻤﻜﻦ ﻳﻜﻮﻥ ﺑﻴﺸﺎﻛﻞ ﻓﻴﻬﺎ ﻭ ﻳﻤﻜﻦ ﻓﻬﻢ ﺍﻥ ﻓﻲ ﻋﻼﻗﻪ ﻣﺴﺒﻘﺎً ﺑﻴﻨﻜﻢ ﻗﺒﻞ ﺗﻜﻠﻤﻪ .. ﺍﺗﺼﻞ ﺍﺳﻲ ﻭ ﺍﺷﺮﺡ ﻟﻴﻬﻮ ﺍﻟﻨﻘﻄﻪ ﺩﻱ ﻋﺸﺎﻥ ﻣﺎ ﺗﻌﻤﻞ ﻟﻠﺒﺖ ﻣﺸﺎﻛﻞ ! ﻭ ﺭﺳﻞ ﻟﻲ ﺭﻗﻤﻬﺎ ﻭﺍﺗﺴﺎﺏ !
__ ﻳﺎﺥ ﺍﻧﺘﻲ ﺍﺣﻼ ﺍﺧﺖ ﻓﻲ ﺍﻟﺪﻧﻴﺎ ﺑﺎﻟﺠﺪ ﻡ ﺧﻄﺮ ﻋﻠﻰ ﺑﺎﻟﻲ ﺍﻧﻪ ﻣﻤﻜﻦ ﻳﻔﻬﻢ ﺣﺎﺟﺔ ﺯﻱ ﺩﻱ ﺍﻭ ﻣﻤﻜﻦ ﺍﺳﺒﺐ ﻟﻴﻬﺎ ﻣﺸﻜﻠﺔ !
** ﺍﺗﺼﻞ ﺍﺳﻲ ﻃﻮﺍﻟﻲ ﻭ ﺍﻣﻲ ﺧﻠﻴﻬﺎ ﻋﻠﻲ ﻭ ﺍﺧﺪ ﻣﻨﻮ ﻣﻮﺍﻋﻴﺪ ﻋﺎﺋﻠﻴﺔ ﺟﻠﺴﺔ ﺗﻌﺎﺭﻑ ﻭ ﺍﻟﺒﺎﻗﻲ ﺧﻠﻴﻬﻮ ﻋﻠﻲ !
__ ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ ﻳﺎ ﺭﻳﻢ ﻳﺎﺭﺏ ﻳﺎﺭﺏ ..
‏( ﻛﺎﻥ ﻓﻲ ﺟﺎﻧﺐ ﺭﺯﺍﻥ ﻓﻲ ﻣﻜﺎﻟﻤﺔ ﻫﺎﺗﻔﻴﺔ ‏)
ﻧﻬﻠﺔ : ﺭﺯﺓ ﻛﻴﻔﻚ ؟
ﺭﺯﺍﻥ : ﺗﻤﺎﻡ ﻭﺍﻟﻠﻪ ﺣﻤﺪﻟﻠﻪ ، ﺍﻫﺎ ﺷﻔﺘﻲ ﺻﻮﺭﺓ ﺍﻟﺘﻮﺏ ﺍﻟﺠﺎﺑﺘﻮ ﻟﻲ ﺍﻟﺒﺖ ؟
ﻧﻬﻠﺔ : ﻳﺎ ﺯﻭﻟﺔ ﺍﻟﺒﺖ ﺩﻱ ﺷﺎﺫﺓ ﻋﺪﻳﻞ ﻣﺎﺷﺎﺀﺍﻟﻠﻪ ﻋﻠﻴﻬﺎ
ﺭﺯﺍﻥ : ﺍﺑﺪﺍﻉ ﻋﺪﻳﻞ ﻫﻲ ﺯﺍﺗﺎ ﺳﻤﺤﺔ ﺍﻟﺒﺖ ﻣﺎﺷﺎﺀﺍﻟﻠﻪ
ﻧﻬﻠﺔ : ﺍﻱ ﻣﺎﺷﺎﺀﺍﻟﻠﻪ ﻋﻠﻴﻬﺎ
ﺭﺯﺍﻥ : ﻛﺴﺮﺕ ﻭﻟﻴﺪ ﺍﺧﻮﻱ ﻣﻦ ﺷﺎﻓﻬﺎ ﺑﻘﻰ ﺯﻱ ﺍﻟﻤﺠﻨﻮﻥ ﻫﻬﻬﻬﻬﻪ
ﻧﻬﻠﺔ : ﻫﻮﻭﻭﻱ ﻻ ﻭﻟﻴﺪ ﺩﺍ ﻣﺶ ﺣﺠﺰﺗﻴﻬﻮ ﻟﻲ
ﺭﺯﺍﻥ : ﻗﺎﻳﻼﻧﻲ ﺑﻬﻈﺮ ؟ ﻭﺍﻟﻠﻪ ﻣﺘﺸﺮﺑﻚ ﻓﻴﻬﺎ ﺟﺪ ﺟﺪ
ﻧﻬﻠﺔ : ﻳﺎ ﺯﻭﻟﺔ ! ﻗﺎﻳﻼﻙ ﺑﺘﻬﻈﺮﻱ ﻭﺍﻟﻠﻪ !
ﺭﺯﺍﻥ : ﻻ ﻭﺍﻟﻠﻪ ﺣﺘﻰ ﺷﺎﻝ ﺭﻗﻤﻬﺎ ﻣﻨﻲ ﻟﻜﻦ ﻭﺍﺿﺢ ﺍﻧﻬﺎ ﺯﻭﻟﻪ ﺗﻘﻴﻠﺔ ﻣﺎ ﺍﺩﺗﻮ ﻣﺠﺎﻝ !!
ﻧﻬﻠﺔ : ﻻﺩﻗﻴﻘﺔ ! ﺭﺯﺍﻥ ﺣﺼﻠﻲ ﺍﺧﻮﻛﻲ ﻭ ﻋﻘﻠﻴﻬﻮً ! ﺍﻟﻨﺎﺱ ﺩﻳﻞ ﻣﺎ ﺑﻴﻨﺎﺳﺒﻮﻛﻢ ﻱ ﺭﺯﺍﻥ !
ﺭﺯﺍﻥ : ﻛﻴﻒ ﻳﻌﻨﻲ ﻓﻲ ﺷﻨﻮ !
ﻧﻬﻠﺔ : ﻭﺍﻟﻠﻪ ﻳﻮﻡ ﻭﺻﻠﻨﺎﻫﺎ ﺍﻟﺒﻴﺖ ﺍﻧﺎ ﻭ ﺧﺎﻟﺪ ﺍﺧﻮﻱ ! ﺣﺼﻞ ﻧﻘﺎﺵ ﻏﺮﻳﺐ ﺑﻴﻨﻬﻢ ﻭﺑﻴﻦ ﻭﺣﺪﺓ ﺟﺎﺭﺗﻬﻢ ﻭ ﺍﻻﺳﻠﻮﺏ ﻡ ﺳﻤﺢ ﻭ ﺣﺘﻰ ﺍﻟﻤﻜﺎﻥ ﺍﻟﺴﺎﻛﻨﻴﻦ ﻓﻴﻬﻮ ﻣﺎ ﻋﻠﻰ ﻗﺪﺭ ﻛﺪﺍ !
ﺭﺯﺍﻥ : ﺍﻟﺒﺪﺃ ﺍﻟﻨﻘﺎﺵ ﻣﻨﻮ ﻓﻴﻬﻢ ﻳﻌﻨﻲ ﻭﺍﺳﺒﺎﺑﻮ ﺷﻨﻮ ؟
ﻧﻬﻠﺔ : ﻭﺍﺿﺢ ﺍﻥ ﻓﻲ ﺧﻼﻑ ﻗﺪﻳﻢ ﺑﻴﻨﻬﻢ ! ﻻﻧﻪ ﻓﺠﺎﺓ ﺟﺎﺭﺗﻬﻢ ﺩﻱ ﻓﺘﺤﺖ ﺍﻟﺒﺎﺏ ﻭ ﺑﻘﺖ ﺗﻨﺒﺰﺍ ﺑﻲ ﺟﻨﻰ ﺍﻟﺤﺮﺍﻡ ! ﻭ ﺷﻜﻠﻬﺎ ﺯﻭﻟﺔ ﻋﺮﺑﺎﺕ ، ﻻﻧﻪ ﻗﺎﻟﺖ ﻟﻴﻬﺎ ﻛﺎﻥ ﻣﺎ ﻭﺻﻠﻮ ﺍﺷﻜﺎﻟﻚ ﺩﻱ ﺑﺎﻟﻌﺮﺑﺎﺕ ﺣﻴﻮﺻﻠﻮ ﻣﻨﻮ !
ﻋﺸﺎﻥ ﻛﺪﺍ ﺣﺼﻠﻲ ﺍﺧﻮﻙ ﻳﺎ ﺑﺖ ﻗﺒﻞ ﻳﺘﺪﺑﺲ ﻓﻲ ﻧﺎﺱ ﻣﺎ ﺑﻴﻌﺮﻑ ﺍﺻﻠﻬﻢ ﻣﻦ ﻓﺼﻠﻬﻢ !!

ﻳﺘﺒﻊ .....
*ﻓﻲ ﺍﻟﺤﻠﻘﺔ ﺍﻟﺠﺎﻳﺔ*
ﺣﺪ ﺍﻟﻠﻪ ﺑﻴﻨﻲ ﻭﺑﻴﻨﻚ ﻳﺎ ﻭﻟﻴﺪ ﺗﺠﻴﺐ ﻟﻲ ﺑﺖ ﺣﺮﺍﻡ ﻓﻲ ﺑﻴﺘﻲ ﺩﺍ !!
# ﺍﺳﺘﻜﻜﺎﻧﺔ .. 💛 ﻭ ﺷﻜﺮﺍً ﻋﻠﻰ 100K
# ﺳﺤﺮ _ ﺳﻤﻴﺮ