حب منبوذ

٢٠

__ ﻗﺎﻝ ﻟﻲ ﺍﻗﻮﻟﻴﻚ ﺍﺳﻤﻮ ﺧﺎﻟﺪ ، ﺍﺑﻮ ﻣُﺰﻥ ﺻﺤﺒﺘﻚ !!
** ﺷﺶ ﺷﻨﻮﻭﻭﻭ !!!! ﻣﻌﻘﻮﻝ !! ‏( ﻫﻮ ﺍﺳﻤﻮ ﺧﺎﻟﺪ (! ﺍﺍﺍ ﻣﺎ ﻗﺎﻟﻴﻚ ﻋﺎﻳﺰ ﺷﻨﻮ ؟
__ ﻗﺎﻝ ﺩﺍﻳﺮ ﻳﻘﺎﺑﻠﻚ ﺑﺲ ! ﺍﺍ ﺍﺳﺘﺎﺫﺓ ﺭﻳﻢ !! ﺍﻟﺰﻭﻝ ﻣﻨﺘﻈﺮ ﺍﻗﻮﻟﻴﻬﻮ ﺷﻨﻮ !
** ﺧﻠﻰ ﻳﺪﺧﻞ ﻃﻴﺐ !! ﻭﺍﻃﻠﺒﻲ ﻟﻴﻬﻮ ﻗﻬﻮﻩ ‏( ﻛﻨﺖ ﻣﺘﻮﺗﺮﺓ ﻡ ﻋﺎﺭﻓﻪ ﻟﻴﻪ ‏)
ﺩﻗﻴﻘﺘﻴﻦ ﻭ ﺧﺒﻂ ﺍﻟﺒﺎﺏ ﻭ ﺟﺎ ﺩﺍﺧﻞ !! ﻡ ﻋﺎﺭﻓﻪ ﻟﻴﻪ ﺗﻠﻘﺎﺋﻴﺎً ﺍﻧﺎ ﻗﻤﺘﻪ ﻭﻗﻔﺘﻪ ﻣﻦ ﻣﻜﺘﺒﻲ ﻟﻤﻦ ﺟﺎ ﺩﺍﺧﻞ !
ﺑﺲ ﻣﻦ ﺍﻟﻤﻮﻗﻒ ﺍﻟﻠﻲ ﺣﺼﻞ ﺍﺧﺮ ﻣﺮﺓ ﻡ ﻛﻨﺖ ﻗﺎﺩﺭﺓ ﺍﺭﻓﻊ ﻋﻴﻨﻲ ﻓﻴﻬﻮ ! ﺗﺼﺮﻓﺎﺗﻲ ﻛﺎﻧﺖ ﻏﺮﻳﺒﻪ ﻣﻦ ﺍﺣﺴﺎﺳﻲ ﺑﺎﻟﺘﻮﺗﺮ !
ﻗﺎﻝ ﻟﻲ :
__ ﻛﻴﻔﻚ ؟
** ﺍﻟﺤﻤﺪﻟﻠﻪ ، ﺍﺗﻔﻀﻞ ﺍﻗﻌﺪ ، ﻛﻴﻒ ﻣُﺰﻥ ﻭ ﻧﻬﻠﻪ ؟
__ ﻛﻠﻬﻢ ﺑﺨﻴﺮ ﺍﻟﺤﻤﺪﻟﻠﻪ ،، ﺍﺍﺍ ﺑﻌﺘﺬﺭ ﻟﻮ ﺟﻴﺖ ﻓﻲ ﻭﻗﺖ ﻣﺎ ﻣﻨﺎﺳﺐ ﺍﻭ ﺷﻐﻠﺘﻚ ﻭﻻ ﺣﺎﺟﺔ ، ﺑﺲ ﺑﺼﺮﺍﺣﻪ ﻛﻨﺖ ﻣﺤﺘﺎﺝ ﺍﺻﻞ ﻟﻴﻜﻲ ﻭ ﻣﺎ ﻟﻘﻴﺖ ﻏﻴﺮ ﻋﻦ ﻃﺮﻳﻖ ﺍﻟﺸﺮﻛﺔ !
** ﻻ ﻭﻻﻳﻬﻤﻚ ‏( ﻧﺒﺮﺓ ﺻﻮﺗﻮ ﻛﺎﻧﺖ ﺑﺘﺠﻬﺠﻬﻨﻲ ﺷﺪﻳﺪ ﻣﻦ ﺍﻭﻝ ﻟﺤﻈﻪ ﺳﻤﻌﺘﻬﺎ ﻓﻴﻬﻮ ﺣﺘﻰ ﻗﺒﻞ ﺍﺷﻮﻑ ﻭﺷﻮ ، ﻭ ﻡ ﺑﻨﻜﺮ ﻛﻤﺎﻥ ﺭﻛﺰﺕ ﻓﻲ ﺻﻮﺗﻮ ﻭ ﻡ ﻛﻨﺖ ﻣﺮﻛﺰﺓ ﻓﻲ ﻛﻼﻣﻪ ‏) ..
__ ﻃﻴﺐ ﻋﺸﺎﻥ ﻣﺎ ﺍﻃﻮﻝ ﻋﻠﻴﻜﻲ ، ﺍﻧﺎ ﺷﻠﺖ ﻛﺮﺗﻚ ﻣﻦ ﻃﻪ ﻭ ﻛﺎﻥ ﺑﺄﻣﻜﺎﻧﻲ ﺍﺗﺼﻞ ﺑﺪﻝ ﺍﻭﺻﻠﻚ ﻟﺤﺪ ﺍﻟﺸﺮﻛﺔ ، ﻛﻞ ﺍﻟﺪﺍﻳﺮﻭ ﻣﻨﻚ ﻧﺘﻜﻠﻢ ﻓﻲ ﺍﻟﻤﻜﺎﻥ ﻭﺍﻟﺰﻣﺎﻥ ﺍﻟﻠﻲ ﺑﺘﺤﺪﺩﻳﻬﻮ !
** ﻧﺘﻜﻠﻢ !!!
__ ﻟﻮ ﻣﻤﻜﻦ ﺑﺲ ﻭﺍﺫﺍ ﻣﺎ ﺣﺄﺳﺒﺐ ﻟﻴﻜﻲ ﺍﺯﻋﺎﺝ !
** ﻡ ﻋﺎﺭﻓﺔ ﺍﻗﻮﻟﻴﻚ ﺷﻨﻮ ﺻﺮﺍﺣﻪ ، ﺑﺲ .. ﺍﺍﺍﺍ ﺍﻭﻛﻴﻪ ، ﺗﻤﺎﻡ ..
__ ﺍﺳﺘﺄﺫﻧﻚ ﺑﺲ ﺍﺳﺠﻞ ﻟﻴﻜﻲ ﺭﻗﻤﻲ ﻭ ﻭﻗﺖ ﺗﻜﻮﻧﻲ ﺟﺎﻫﺰﺓ ﺗﻜﻠﻤﻴﻨﻲ !
** ﺍﻭﻛﻴﻪ ... ﺍﺩﻳﺘﻮ ﺗﻠﻔﻮﻧﻲ ، ﺳﺠﻞ ﻟﻲ ﺭﻗﻤﻮ ! ﻭ ﺍﺳﺘﺄﺫﻥ ، ﻗﻠﺖ ﻟﻴﻬﻮ ﻡ ﺣﻴﻨﻔﻊ ﺗﻤﺸﻲ ﻛﺪﺍ ﺣﻴﺠﻴﺒﻮ ﻟﻴﻚ ﻗﻬﻮﺓ ! ﻗﺎﻟﻲ ﻻﻻ ﻋﺸﺎﻥ ﻡ ﺍﺗﺎﺧﺮ ﺍﻧﺎ ﻛﻤﺎﻥ ﻋﻠﻰ ﺷﻐﻠﻲ ﻭﺍﻥ ﺷﺎﺀﺍﻟﻠﻪ ﺣﻨﺸﺮﺑﻬﺎ ﺳﻮﺍ ... ‏( ﺍﺑﺘﺴﻤﺖ ﻭﺳﻜﺖ ﻋﻠﻰ ﻛﺪﺍ ﻟﻤﻦ ﻃﻠﻊ ‏) .. ﺑﻌﺪﻫﺎ ﺍﺧﺪﺕ ﻧﻔﺲ ﻃﻮﻳﻞ ﺷﺪﻳﺪ ، ﻭ ﻏﻠﺒﻨﻲ ﺍﺭﺟﻊ ﺍﺷﺘﻐﻞ ﺗﺎﻧﻲ .. ﻛﻞ ﺍﻟﻜﺎﻥ ﻧﻔﺴﻲ ﻓﻴﻬﻮ ﻟﺤﻈﺘﻬﺎ ، ﺍﻧﻲ ﺍﺣﺼﻠﻮ ﻭﺍﻗﻮﻟﻴﻬﻮ ، ﻣﻤﻜﻦ ﻧﺘﻜﻠﻢ ﺍﺳﻲ ؟ !
‏( ﻛﺎﻥ ﻓﻲ ﺟﺎﻧﺐ ﺍﻣﻲ ﻟﻠﻨﺎﺱ ﺍﻟﺒﺴﺄﻟﻮ ﻣﻦ ﺍﺳﻢ ﺍﻣﻲ ، ﺍﻣﻲ ﺍﺳﻤﻬﺎ ﻓﺎﻃﻤﺔ ﺑﺮﺿﻮ ، ﻭ ﺭﺯﺍﻥ ‏)
ﺍﻣﻲ : ﺍﻡ ﻋﻤﺎﺭ ﺩﻱ ﺍﺗﺼﻠﺖ ﻳﺎ ﺭﺯﺍﻥ ﻭﺑﺘﺘﺄﻛﺪ ﻣﻦ ﻣﻮﺍﻋﻴﺪ ﺍﻟﻌﺮﺱ ﻳﺎ ﺑﺘﻲ ﺍﺳﺘﻬﺪﻱ ﺑﺎﻟﻠﻪ ﻭ ﺍﺳﺘﺨﻴﺮﻱ ﻛﺪﺍ ﻭ ﻛﻤﺎﻥ ﻓﻬﻤﻴﻨﻲ ﺍﻟﺤﺎﺻﻞ ﺷﻨﻮ ؟
ﺭﺯﺍﻥ : ﺍﻣﻲ ﻡ ﺑﻨﻜﺮ ﻛﻼﻣﻲ ﻭﻗﺘﻬﺎ ﻛﺎﻥ ﺑﻲ ﻋﺼﺒﻴﺔ ﺑﺲ ﺍﺳﻲ ﺭﻭﻗﺘﺎ ﺣﻤﺪﻟﻠﻪ ﻭ ﺑﻘﺪﺭ ﺍﺧﺪ ﻗﺮﺍﺭﺍﺗﻲ ﺑﻄﺮﻳﻘﻪ ﺳﻠﻴﻤﺔ !
ﺍﻣﻲ : ﺍﻟﺤﺼﻞ ﺷﻨﻮ ؟ ﻣﺶ ﻣﻮﺿﻮﻉ ﺍﻟﺒﻴﺖ ﻭﻻ ﺣﺎﺟﺔ ﺗﺎﻧﻴﻪ ! ﻭ ﺭﻳﻢ ﻣﺶ ﻗﺎﻟﺖ ﻟﻴﻜﻲ ﺣﺘﺤﻠﻬﺎ ؟
ﺭﺯﺍﻥ : ﻻ ﻣﺎ ﻣﻮﺿﻮﻉ ﺍﻟﺒﻴﺖ ، ﺑﺲ ﻃﺮﻳﻘﻪ ﻛﻼﻣﻮ ﻋﻦ ﺭﻳﻢ ﻣﺎ ﻋﺠﺒﺘﻨﻲ ﻭ ﺍﻧﺎ ﺍﻧﻔﻌﻠﺘﺎ ﻓﻴﻬﻮ !! ‏( ﺗﻠﻔﻮﻧﻬﺎ ﺭﻥ ‏) ﺍﻫﻮ ﺑﻴﺘﺼﻞ ﻋﻠﻰ ﺍﻟﺴﻴﺮﺓ ، ﺳﺒﺤﺎﻧﻚ ﻳﺎﺭﺏ !! ﻋﻦ ﺍﺯﻧﻚ ﺡ ﺍﺭﺩ ﻋﻠﻴﻬﻮ ﻭﺍﺭﺟﻊ ﻟﻴﻜﻲ !! ﺭﺯﺍﻥ ﺑﺘﻘﻮﻝ ﺩﺧﻠﺖ ﻭ ﺭﺩﻳﺖ ﻟﻴﻬﻮ :
__ ﺭﺯﺍﻧﻲ !! ﺣﺒﻴﺒﺘﻲ !
** ﻛﻴﻔﻚ ﻋﻤﺎﺭ !
__ ﺣﻤﺪﻟﻠﻪ ﻣﺎ ﺍﺷﺘﻘﺘﻲ ﻟﻲ ؟
** ﺍﻣﻤﻢ
__ ﻣﻤﻜﻦ ﺍﺗﻜﻠﻢ ﻣﻌﺎﻛﻲ ؟
** ﺍﺗﻔﻀﻞ
__ ﺍﻭﻻً ﻛﺪﺍ ، ﻟﻤﻦ ﺗﺤﺼﻞ ﺑﻴﻨﺎ ﻧﻘﺎﺷﺎﺕ ﻳﺎﺭﻳﺖ ﻣﺎ ﺗﺮﺑﻄﻴﻬﺎ ﺑﺎﻟﻌﺮﺱ ﻣﻬﻤﺎ ﺣﺼﻞ ﻧﻘﺎﺷﺎﺗﻨﺎ ﺣﺎﺟﺔ ﻭﻋﻼﻗﺘﻨﺎ ﺣﺎﺟﺔ ﺗﺎﻧﻴﻪ ، ﻭﺍﻟﺤﺎﺟﺔ ﺍﻟﺘﺎﻧﻴﻪ ﺍﻟﻠﻲ ﻋﺎﻳﺰ ﺍﻗﻮﻟﻬﺎ ﻟﻴﻜﻲ ، ﺍﻧﺎ ﻻﻗﻴﺖ ﺭﻳﻢ ﻋﺸﺎﻥ ﺍﺗﻜﻠﻢ ﻣﻌﺎﻫﺎ ﻭ ﺍﻋﺘﺬﺭ ﻟﻴﻬﺎ ﺑﺲ ...
** ﺗﻌﺘﺬﺭ ﻟﻴﻬﺎ ﻋﻦ ﺷﻨﻮ ﺍﺫﺍ ﻛﻼﻣﻚ ﻛﺎﻥ ﻣﻌﺎﻱ ﺍﻧﺎ !
__ ﺍﻟﻤﻬﻢ ﺍﻟﺤﺼﻞ ، ﻭ ...... ﺍﺍﺍﺍ ﺍﻣﻢ ﺩﺍﻳﺮ ﺍﺳﺄﻟﻚ !
** ﻃﻴﺐ ﺍﺳﺄﻝ !
__ ﺭﻳﻢ ﺑﺘﺪﺧﻦ ! ﺑﺘﺸﺮﺏ ﺳﺠﺎﻳﺮ ؟
** ﺩﺍ ﻛﻼﻡ ﺷﻨﻮ ﺍﻧﺖ ﻣﺠﻨﻮﻥ ﻭﻻ ﺷﻨﻮ ﺍﻧﺖ ﺩﺍﻳﺮ ﺗﺼﺎﻟﺤﻨﻲ ﻭﻻ ﺗﻌﻘﺪ ﺍﻻﻣﻮﺭ ﺍﻛﺘﺮ !! ﻣﺎﻟﻚ ﺍﻧﺖ ﻓﻲ ﺷﻨﻮ ﻳﺎ ﻋﻤﺎﺭ !!
__ ﺍﺳﻤﻌﻴﻨﻲ ﻡ ﺗﺴﺘﻌﺠﻠﻲ ﺳﺎﻱ ﻓﻲ ﻛﻼﻣﻚ ! ﺍﻧﺎ ﻟﻤﻦ ﻻﻗﻴﺘﻬﺎ ﺍﻣﺒﺎﺭﺡ ﻣﺎﺳﻜﺔ ﺍﻟﻮﻻﻋﻪ ﻋﺪﻳﻞ ﻓﻲ ﻳﺪﻫﺎ ﻳﺎ ﺭﺯﺍﻥ !
** ﺍﻭﻓﻔﻔﻔﻒ ﺍﻭﻓﻔﻒ ﻳﺎﺥ ، ﺭﻳﻢ .. ﺭﻳﻢ .. ﺭﻳﻢ .. ﺭﻳﻢ ﺳﻮﺕ ﻭ ﺭﻳﻢ ﻋﻤﻠﺖ ﻳﺎﺥ ﺍﻧﺎ ﺧﻼﺹ ﺯﻫﺠﺘﻪ، ﺍﺳﻤﻊ ﺗﺴﺠﺮ ﻭﻻ ﺗﺴﻜﺮ ﻋﺪﻳﻞ ﻫﻲ ﺯﻭﻟﻪ ﻛﺒﻴﺮﺓ ﻭ ﻭﺍﻋﻴﻪ ﻭ ﻡ ﺍﻇﻦ ﺍﻟﻮﺻﻠﺖ ﻟﻴﻬﻮ ﺩﺍ ﻣﻦ ﻗﻠﺔ ﻋﻘﻠﻬﺎ !! ﺍﺫﺍ ﻋﺎﻳﺰ ﻋﻼﻗﺘﻨﺎ ﺩﻱ ﺗﺴﺘﻤﺮ ﻣﻦ ﻓﻀﻠﻚ ﺍﺣﺘﺮﻡ ﺍﻫﻠﻲ ﺑﻲ ﺳﻠﺒﻴﺎﺗﻬﻢ ﻭ ﺍﻳﺠﺎﺑﻴﺎﺗﻬﻢ ﺯﻱ ﻡ ﺍﻧﺎ ﻣﺤﺘﺮﻣﺔ ﺍﻫﻠﻚ ﺑﺎﻟﻀﺒﻂ !
__ ﺍﺳﻒ .... ‏( ﺍﺧﺪ ﻟﻴﻬﻮ ﺻﻨﺔ ‏) ﺣﻘﻚ ﻋﻠﻲ !
** ﺍﻭﻛﻲ ﺣﺼﻞ ﺧﻴﺮ !
__ ﻃﻴﺐ ﻣﺎ ﻓﻀﻞ ﻟﻴﻨﺎ ﻛﺘﻴﺮ ، ﺍﻧﺎ ﺣﺄﻛﺪ ﺍﻟﺤﺠﺰ ﻋﻠﻰ ﺍﻟﺼﺎﻟﺔ ﻻﺯﻡ ﻣﻦ ﻣﺪﺓ ، ﻭ ﺍﻧﺘﻲ ﺟﻬﺰﻱ ﺍﻣﻮﺭﻙ ﻛﻠﻬﺎ ﻟﻮ ﻓﻲ ﺣﺎﺟﺔ ﻧﺎﻗﺼﻪ ﺍﻭ ﺍﺣﺘﺠﺘﻲ ﻟﻲ ﺣﺎﺟﺔ ﺍﺭﺟﻌﻲ ﻟﻲ !
** ﺍﻳﻮﺓ ﻋﻨﺪﻱ ﺣﺎﺟﺎﺕ ﻧﺎﻗﺼﻪ ﺣﺄﺟﻬﺰﻡ ﻑ ﺍﻟﻴﻮﻣﻴﻦ ﺩﻱ ﻋﺸﺎﻥ ﺗﺎﻧﻲ ﻡ ﺣﺎﻃﻠﻊ !!
__ ﺗﻤﺎﻡ ﻭ ﺍﻣﻲ ﺣﺘﻜﻠﻢ ﺧﺎﻟﺘﻲ ﻓﺎﻃﻤﺔ ﻭ ﺗﺮﺗﺐ ﺑﺎﻗﻲ ﺍﻟﺤﺎﺟﺎﺕ ! ‏( ﺩﺍ ﺻﻮﺕ ﻣﻨﻮ ‏)
** ‏( ﺩﻗﻴﻘﻪ ﻳﺎ ﻣﺎﺭﻳﺎﻥ ﺍﺧﻠﺺ ﺑﺲ ‏) ﻣﻌﻠﻴﺶ ﻡ ﺳﻤﻌﺘﻚ ﻗﻠﺖ ﺷﻨﻮ ؟
— ﻛﻨﺖ ﺑﺴﺎﻝ ﻣﻦ ﺍﻟﺠﻤﺒﻚ ﻭ ﻣﺎﺭﻳﺎﻥ ﻣﻨﻮ ؟
** ﺩﻳﻞ ﺧﺪﺍﻣﺎﺕ ﻣﺎﺭﻳﺎﻥ ﻭ ﻧﺎﺭﺩﻳﻦ ﺟﺎﺑﺘﻬﻢ ﺭﻳﻢ ، ﻟﻲ ﻓﺘﺮﺓ ﺍﻟﻌﺮﺱ ﺩﻱ ﻳﺴﺎﻋﺪﻭﻧﺎ ..
__ ﺍﻫﺎﺍﺍ ﻻﻻ ﺗﻤﺎﻡ ..... ﻭﺍﻧﺘﻬﺖ ﻣﻜﺎﻟﻤﺘﻬﻢ ﻋﻠﻰ ﻛﺪﺍ ... ﻭ ﺑﻌﺪﻫﺎ ﺭﺯﺍﻥ ﺍﺗﺼﻠﺖ ﻋﻠﻰ ﻭﺣﺪﺓ ﻣﻦ ﺻﺪﻳﻘﺎﺕ ﺍﻟﺪﻓﻌﻪ ﻭ ﻛﺎﻧﺖ ﻣﻜﺎﻟﻤﺘﻬﻢ ﻛﺎﻟﺘﺎﻟﻲ :
** ﻫﻬﻬﻬﻬﻪ ﺍﻻ ﺍﺗﺼﻞ ﺍﻧﺎ ﻳﻌﻨﻲ !
__ ﻳﻌﻨﻲ ﺑﺘﺘﺼﻠﻲ ﺣﺒﺎً ﻓﻴﻨﻲ ﻳﺎ ﻛﻠﺒﻪ ﺍﻛﻴﺪ ﻋﺸﺎﻥ ﺍﻟﺼﻮﺭﺓ ﺍﻟﺮﺳﻠﺘﻬﺎ ﻓﻲ ﺍﻟﻘﺮﻭﺏ ﻫﻬﻬﻪ
** ﻟﻤﺎﺣﻪ ﻟﻜﻦ ﻟﻘﻴﺘﻚ ﻫﻬﻪ ﻛﻴﻔﻜﻢ ؟؟
__ ﻛﻮﻳﺴﻴﻦ ﻭﺍﻟﻠﻪ ﺣﻤﺪﻟﻠﻪ ﻛﻴﻔﻚ ﺍﻧﺘﻲ ؟
** ﺣﻤﺪﻟﻠﻪ ﻭﺍﻟﻠﻪ ﺧﻼﺹ ﺑﻌﺪ ﺩﺍ ﺍﻟﻌﺮﺱ ﻭﺍﻟﺰﻧﻘﻪ ﺑﺪﺍﺕ ﻓﺎ ﻋﺎﻳﺰﺍﻛﻲ ﺗﻌﺰﻳﻨﻲ ﺑﻲ ﺭﻗﻢ ﺍﻟﺰﻭﻟﺔ ﺩﻱ ﻋﻠﻴﻚ ﺍﻟﻠﻪ !
__ ﻳﺎ ﺣﻠﻴﻠﻚ ﻋﻘﺒﺎﻟﻲ ﻳﺎﺥ
** ﺍﻣﻴﻦ ﻳﺎﺭﺏ ﻗﻠﺖ ﻟﻴﻚ ﺗﻌﺎﻝ ﻧﻌﺮﺱ ﻟﻴﻚ ﻭﻟﻴﺪ ﺍﺧﻮﻱ ﻗﻌﺪﺗﻲ ﺗﻨﻄﻄﻲ ﻫﻬﻬﻪ
__ ﻫﻬﻬﻪ ﺍﻋﺮﺱ ﺯﻭﻝ ﻣﺎ ﺷﻔﺘﻮ ﻭ ﻣﺎ ﺍﺧﺘﺎﺭﻧﻲ ﻫﻮ ﻫﻬﻬﻬﻪ ، ﻳﻼ ﻃﻴﺐ ﺑﻠﺬ ﻟﻴﻚ ﺭﻗﻤﻬﺎ ﻭﺍﺗﺴﺎﺏ ﺗﻤﺎﻡ !
** ﻱ ﺯﻭﻟﺔ ﻋﺎﺩﻱ ﻣﺤﻞ ﻗﺴﻤﺘﻚ ﺗﺪﻳﻚ ﺑﺲ .. ﻭ ﺍﺳﻤﻌﻲ ﻣﺎ ﺑﻴﻨﻔﻊ ﺗﺠﻴﺒﻴﻬﺎ ﻭ ﺗﺠﻴﻨﻲ ﺍﻟﺒﻴﺖ ! ﻣﻦ ﺯﻣﻦ ﺍﻟﺠﺎﻣﻌﻪ ﺑﺤﻨﺴﻚ ﺗﺠﻴﻨﺎ ﻭ ﺍﻧﺘﻲ ﺭﺍﻛﺒﻪ ﺭﺍﺱ ﻭ ﺷﺎﺑﻜﺎﻧﻲ ﺍﺧﻮﻱ ﻭﺍﺧﻮﻱ !
__ ﻣﺎ ﺑﻘﺪﺭ ﻭﺍﻟﻠﻪ ﺍﻧﺘﻈﺮﻱ ﻋﻠﻰ ﺍﻟﻌﺮﺱ ﺑﺠﻲ ﻟﻜﻦ ﻛﻠﻤﻴﻬﺎ ﻭ ﻗﻮﻟﻲ ﻟﻴﻬﺎ ﺍﻧﻚ ﺗﺒﻌﻲ ! ﻻﻻ ﺗﺒﻊ ﻧﻬﺎﺩ ﺍﺧﺘﻲ ﻫﻲ ﺍﺗﻌﺎﻣﻠﺖ ﻣﻌﺎﻫﺎ ﺯﻭﻟﺔ ﻃﻴﺒﻪ ﻋﺪﻳﻞ ﻭﺍﻟﻠﻪ ﻭ ﺧﺮﺍﻓﻴﻪ ﻡ ﺣﺘﻨﺪﻣﻲ !!
** ﻳﺎ ﺯﻭﻟﺔ ﺑﻌﺪ ﺍﻟﺼﻮﺭﺓ ﺩﻱ ﺍﻟﺒﻨﺪﻣﻨﻲ ﺷﻨﻮ ، ﺧﻼﺹ ﻣﻨﺘﻈﺮﺓ ﺍﻟﺮﻗﻢ ، ﺑﺲ ﺑﻘﻔﻞ ﻣﻨﻚ ﻭ ﺑﺘﺼﻞ !
__ ﺗﻤﺎﻡ .... ﻳﻼﺍﺍﺍﺍ
*ﻭﻫﺎﺩ ﺑﺘﺤﻜﻲ -*
ﺍﻧﺎ ﻣﺎ ﺑﻨﻜﺮ ﺍﻳﺎﻣﻲ ﺍﻟﻔﺎﺗﺖ ﻗﺒﻞ ﺍﻓﺘﺢ ﻟﻴﻜﻢ ﻣﻠﻒ ﻗﺼﺘﻲ ﺩﻱ ﺍﻧﺎ ﻛﻨﺖ ﺑﺨﻴﺮ ﻧﻔﺴﻴﺎً ﻭ ﻋﺮﻓﺖ ﺣﻜﻤﺔ ﺭﺑﻨﺎ ﻓﻲ ﺍﻧﻨﺎ ﻣﺎ ﻧﻌﻠﻢ ﺑﺎﻟﻐﻴﺐ ، ﻳﻤﻜﻦ ﺗﺴﺘﻐﺮﺑﻮ ﻣﻦ ﻛﻼﻣﻲ ﺩﺍ ، ﺑﺲ ﻭﺍﻟﻠﻪ ﺍﻧﺤﻨﺎ ﺑﺨﻴﺮ ﻟﻤﻦ ﻧﻜﻮﻥ ﻣﺎ ﻋﺎﺭﻓﻴﻦ ، ﻟﻤﻦ ﻣﺎ ﻧﺴﺄﻝ ، ﻟﻤﻦ ﻣﺎ ﻧﺴﺘﻔﺴﺮ ، ﺑﺨﻴﺮ ﻟﻤﻦ ﻧﻌﻴﺶ ﻭﺍﻗﻌﻨﺎ ﻭﺑﺲ !! ﻣﻦ ﻏﻴﺮ ﻣﺎ ﻧﺴﺘﺨﺪﻡ ﺟﻤﻠﺔ " ﺣﺼﻞ ﺷﻨﻮ ؟؟ "
# ﺍﻛﻤﻞ ﻟﻴﻜﻢ :
ﺑﻌﺪ ﺭﻛﺒﺖ ﻣﻌﺎﻫﻢ ﺍﻟﻌﺮﺑﻴﺔ ! ﻛﺎﻧﻮ ﻫﺎﺩﻳﻦ ﺯﻳﺎﺩﺓ ﻋﻦ ﺍﻟﻠﺰﻭﻡ ﻛﺎﻧﻮ ﺳﺎﻛﺘﻴﻦ ، ﻟﻤﻦ ﻭﺻﻠﻨﺎ ﺑﻴﺖ ﻡ ﻛﺎﻥ ﺑﻌﻴﺪ ﻣﻦ ﺣﻠﺔ ﻧﺎﺱ ﺳﺎﻣﻴﺔ ، ‏( ﺯﻱ ﺍﻟﺜﻮﺭﺓ ﻣﺮﺑﻊ ﻭﺍﺣﺪ ﻭ ﻭﺍﻟﺜﻮﺭﺓ ﻣﺮﺑﻊ ﺗﻼﺗﺔ ، " ﻛـﻀﺮﺏ ﻣﺜﺎﻝ (" ..
ﺍﻟﺒﻴﺖ ﻣﻦ ﺟﻮﺍ ﻛﺎﻥ ﻣﻠﻴﺎﻥ ﺍﻟﻌﺎﺏ ﻭﻋﺠﻠﺔ ! ﺳﺎﻗﺘﻨﻲ ﺍﻟﻤﺮﺓ ﺩﻱ ، ﺩﺧﻠﺘﻨﻲ ﻏﺮﻓﺔ ﻛﺎﻧﺖ ﻓﻴﻬﺎ ﺍﻟﻌﺎﺏ ﻣﺠﺪﻋﻪ ﻭ ﺣﺎﺟﺎﺕ ﺟﺎﻫﺰﺓ ﻭ ﺣﺘﻰ ﺍﻟﺪﻭﻻﺏ ﻛﺎﻥ ﻣﻠﻴﺎﻥ ﻣﻼﺑﺲ ﺑﻨﺎﺕ ، ﻓﺮﺣﺘﻪ ﻟﻤﻦ ﻟﻘﻴﺘﻬﻢ ﻣﺠﻬﺰﻳﻦ ﻟﻲ ﺍﻟﺤﺎﺟﺎﺕ ﺩﻱ ﺣﺴﻴﺖ ﺍﻧﻲ ﻫﻨﺎ ﺣﺄﻟﻘﻰ ﺍﻟﺤﺐ ! ﺿﻤﺘﻨﻲ ﻭ ﻗﺎﻟﺖ ﻟﻲ ﺍﻧﺘﻲ ﺳﻤﺤﻪ ﺷﺪﻳﺪ ، ﻭ ﻣﻦ ﺍﻟﻠﺤﻈﺔ ﺩﻱ ﻋﺎﻳﺰﺍﻛﻲ ﺗﻨﺴﻲ ﺳﺎﻣﻴﺔ ﻭ ﺗﻨﺴﻲ ﻋﺒﺪﺍﻟﺮﺣﻴﻢ ﻭ ﺗﻨﺴﻲ ﻛﻞ ﺣﺎﺟﺔ ، ﺍﻧﺘﻲ ﻭﻫﺎﺩ ﺯﻱ ﻣﺎ ﺑﺎﺑﺎ ﺣﺴﻴﻦ ﻗﺎﻟﻴﻜﻲ ﺗﻤﺎﻡ ! ﻭﺍﻧﺎ ﺍﻣﻚ ﻭ ﺍﺳﻤﻲ ﺣﻨﺎﻥ ، ﻭ ﺍﻟﻮﻟﺪ ﺩﺍﻙ ﺍﺧﻮﻛﻲ ﻭ ﺍﺳﻤﻮ ﻃﺎﺭﻕ ، ﺍﺗﻔﻘﻨﺎ ! ﻭ ﺍﻟﻐﺮﻓﻪ ﺩﻱ ﻏﺮﻓﺘﻚ ‏( ﻭﺑﻘﺖ ﺗﺒﻜﻲ ﺑﻲ ﺣﺮﻗﺔ ‏)
ﺣﻀﻨﺘﻬﺎ ﺑﻲ ﺩﻭﺭﻱ ﻭﻗﻠﺖ ﻟﻴﻬﺎ ﻣﺎ ﺗﺒﻜﻲ ... ﻭﻣﻦ ﺍﻟﻠﺤﻈﺔ ﺩﻳﻚ ﺍﻧﺎ ﻟﻘﻴﺖ ﺍﻻﻡ ﺍﻟﻘﻮﻳﺔ ﺷﺪﻳﺪ ﻭ ﻟﻘﻴﺖ ﺍﻻﺏ ﺍﻟﺤﻨﻴﻦ ﺟﺪﺍً ، ﻭ ﺍﻻﺥ ﺍﻟﺤﺰﻳﻦ ﺩﺍﻳﻤﺎً ﻭ ﻣﺎﻣﻔﻬﻮﻡ ﻭ ﻣﺎ ﺑﻴﺘﻌﺎﻣﻞ ﻣﻌﺎﻱ ﺑﺲ ﻛﻨﺖ ﺑﺤﺒﻮ ..... ﻛﺒﺮﺗﺔ ﻣﻌﺎﻫﻢ ﻭ ﻃﻮﻝ ﻭﻗﺘﻲ ﻣﻌﺎﻫﻢ ﻛﺎﻧﻮ ﺑﻴﺼﻠﻮ ﺍﻟﻠﻴﻞ ﻭ ﻛﺎﻥ ﻓﻲ ﺣﺰﻥ ﻃﺎﻗﻲ ﻋﻠﻴﻬﻢ .. ﻟﻤﻦ ﺟﺎ ﻳﻮﻡ ﻭ ﺍﺑﻮﻱ ﺣﺴﻴﻦ ﻗﺮﺭ ﻳﺴﺎﻓﺮ ، ﻭﻓﻌﻼً ﺳﺎﻓﺮ ﻭ ﻏﺎﺏ ﺷﻬﺮ ﻳﻤﻜﻦ ! ﻭ ﺭﺟﻊ ﺑﻌﺪ ﺍﻟﺸﻬﺮ ﻭ ﺍﺳﺘﻤﺮ ﺳﻔﺮﻩ ﻛﻞ ﻓﺘﺮﺓ ﻭﺍﻟﺘﺎﻧﻴﻪ ﺑﻴﻘﻌﺪ ﻧﻔﺲ ﺍﻟﻤﺪﺓ ﻭ ﺑﻴﺮﺟﻊ ! ﺍﺧﺮ ﺳﻔﺮﻩ ﻟﻴﻬﻮ ﻛﺎﻥ ﻋﻤﺮﻱ ﻓﻴﻬﺎ 14 ﺳﻨﺔ ، ﻭ ﺟﺎ ﺗﻌﺒﺎﻥ ، ﻇﻬﺮﺕ ﻟﻴﻬﻮ ﻣﺸﺎﻛﻞ ﻓﻲ ﺍﻟﻘﻠﺐ ﻭ ﺍﺗﻌﻤﻠﺖ ﻟﻴﻬﻮ ﻋﻤﻠﻴﺔ ﺩﻋﺎﻣﺔ ﻓﻲ ﺍﻟﻘﻠﺐ ، ﺑﺲ ﺍﺳﺘﻤﺮ ﻣﺮﺿﻪ ، ﺭﻗﺪ ﻣﺪﺓ ﻣﺎ ﻫﻴﻨﺔ ﻟﻤﻦ ﺭﺏ ﺍﻟﻌﺎﻟﻤﻴﻦ ﺷﺎﻝ ﺍﻣﺎﻧﺘﻮ ، ﺍﻟﺒﻜﻰ ﺍﻟﺒﻜﻴﺘﻮ ﻭﻗﺘﻬﺎ ﻟﻲ ﺍﺳﻲ ﺣﺎﺭﻕ ﺭﻭﺣﻲ ﻭ ﺣﺎﺭﻕ ﻗﻠﺒﻲ .. ﺍﻫﺎ ﻟﻤﻦ ﺟﺎﺕ ﺍﻳﺎﻡ ﺍﻟﻌﺰﺍﺀ ، ﺍﻫﻞ ﺍﻣﻲ ﺣﻨﺎﻥ ﻣﺎ ﻛﺎﻥ ﺑﻴﻘﻌﺪﻭ ﻭﻛﺎﻥ ﺑﻌﺎﻣﻠﻮﻫﺎ ﻣﻌﺎﻣﻠﺔ ﻛﻌﺒﺔ ، ﻭ ﺑﺘﺬﻛﺮ ﻓﻲ ﺗﺎﻟﺘﺔ ﺍﻟﻌﺰﺍﺀ ، ﺟﺎﺗﻬﺎ ﺍﺧﺘﻬﺎ ﺍﻟﻜﺒﻴﺮﺓ ، ﻭ ﺍﻟﻨﻘﺎﺵ ﺍﻟﻠﻲ ﺣﺼﻞ :
__ ﻣﺎ ﻧﺎﻭﻳﺔ ﺗﻌﻘﻠﻲ ﻳﺎ ﺣﻨﺎﻥ !
** ﺩﺍ ﻣﺎ ﻭﻗﺖ ﻣﻨﺎﺳﺐ ﻟﻠﻜﻼﻡ ﻳﺎ ﺍﺧﺘﻲ !
__ ﻃﻴﺐ ، ﻋﻠﻰ ﺍﻟﻌﻤﻮﻡ ﺍﻧﺎ ﺷﺎﻳﻔﻪ ﺑﻌﺪ ﺩﺍ ﻣﺎ ﺣﻴﻨﻔﻊ ﺗﻘﻌﺪﻱ ﻣﻦ ﻏﻴﺮ ﺭﺍﺟﻞ ﻓﻲ ﺑﻴﺖ ﻛﺒﻴﺮ ﻋﺮﻳﺾ ﺯﻱ ﺩﺍ ، ﻭ ﺗﻌﺎﻟﻲ ﺗﻤﻲ ﻣﺪﺓ ﺍﻟﺤﺒﺲ ﻓﻲ ﺍﻟﺒﻴﺖ ﺍﻟﻜﺒﻴﺮ !
** ﻋﻨﺪﻱ ﻃﺎﺭﻕ ﺭﺍﺟﻞ ﻭﺍﻟﺤﻤﺪﻟﻠﻪ ، ﺳﻨﺪﻱ ﺑﻌﺪ ﺣﺴﻴﻦ ﺭﺑﻨﺎ ﻳﺮﺣﻤﻪ ﻭ ﻋﻨﺪﻱ ﻭﻫﺎﺩ ﺑﺘﻲ ، ﻣﺎ ﻗﺎﻋﺪﻩ ﺑﺮﺍﻱ !!
__ ﻭﻫﺎﺩ ﻣﺎ ﺑﺘﻚ ﻳﺎ ﺣﻨﺎﻥ ﻣﺎ ﺗﺠﻨﻨﻴﻨﻲ ، ﺑﺘﻚ ـ *... ﻗﺎﻃﻌﺘﻬﺎ *
** ﺑﺘﻲ ﻏﺼﺒﺎً ﻋﻨﻜﻢ !!! ﻭ ﺷﺮﻭﻃﻚ ﺩﻱ ﻣﺎ ﺗﻔﺮﺿﻴﻬﺎ ﻋﻠﻲ ﻳﺎ ﻧﺎﺩﻳﺔ ﺑﺎ ﺍﺧﺘﻲ ، ﺑﺘﻲ ﻣﺎ ﺑﺨﻠﻴﻬﺎ ﺳﻮﺍﺀ ﺭﺿﻴﺘﻮ ﻭﻻ ﻻ ﺩﻱ ﻣﺎ ﻣﺸﻜﻠﺘﻲ !!!
__ ﻛﻮﻳﺲ ﻳﺎ ﺣﻨﺎﻥ ... ﺳﻤﻌﺘﻨﺎ ﺧﺮﺑﺖ ﻣﻦ ﻭﺭﺍﻙ ﻣﺎﺳﻜﺔ ﻟﻴﻨﺎ ﺟﻨﻰ ﺣﺮﺍﻡ ﻓﻲ ﻋﻴﻠﺘﻨﺎ ﺩﺍ ﺍﻟﻔﻀﻞ ﻭﺍﻟﻠﻪ ﺳﻨﻴﻦ ﻭ ﺍﻧﺎ ﺑﻨﺒﺢ ﻭ ﺍﺧﻮﻛﻲ ﺑﻴﻨﺒﺢ ﻣﺎﻓﻲ ﻓﺎﻳﺪﻩ ﻓﻴﻜﻲ !
** ﺍﺍﺍﺍﻱ ﺑﺖ ﺣﺮﺍﻡ ! ﻫﻲ ﺍﺧﺘﺎﺭﺕ ﺗﺠﻲ ﺑﺖ ﺣﺮﺍﻡ ؟؟ ﺗﻌﺎﻗﺒﻮﻫﺎ ﻟﻴﻪ ﻭﺗﺸﻴﻠﻮﻫﺎ ﺫﻧﺐ ﻣﺎ ﺍﺭﺗﻜﺒﺘﻮ ﻟﻴﻪ ؟؟ ﻭﻋﻴﺘﻮﻫﺎ ﻋﻠﻰ ﻭﺍﻗﻊ ﻣُﺮ ﻣﺎ ﻓﻲ ﻋﻤﺮ ﺍﻧﻬﺎ ﺗﻌﻴﺸﻮ ، ﻟﻴﻴﻴﻪ ! ﻋﺸﺎﻥ ﺷﻨﻮ ؟؟ ﺍﺳﻤﻌﻲ ﻳﺎ ﻧﺎﺩﻳﻪ ﻳﺎﺍﺧﺘﻲ ﺣﻖ ﺍﻟﻠﻪ ﻭ ﺭﺣﻤﻲ ﻣﻌﺎﻙ ﺩﺍ ﻣﺎ ﺑﻘﻄﻌﻮ ، ﺳﻮﺍﺀ ﺍﻧﺘﻲ ﻭ ﻻ ﺍﺧﻮﺍﻧﻲ ، ﻋﺎﻳﺰﻳﻦ ﺗﺘﻘﺒﻠﻮﻧﻲ ﻛﺪﺍ ﺍﻫﻼً ﻭ ﺳﻬﻼً ﻣﺎ ﻋﺎﻳﺰﻳﻦ ﺩﻱ ﺣﺎﺟﺔ ﺗﺮﺟﻊ ﻟﻴﻜﻢ !! ﻭﺍﺣﺴﻦ ﺍﻟﻠﻪ ﻋﺰﺍﻧﺎ ﻭ ﻋﺰﺍﻛﻢ ﻳﺎ ﺍﺧﺘﻲ !!
__ ﻃﻮﻝ ﻣﺎ ﺍﻟﺒﺖ ﺩﻱ ﻓﻲ ﻧﺺ ﺑﻴﺘﻚ ! ﺍﻟﻠﻪ ﺑﻴﻨﻲ ﻭ ﺑﻴﻨﻚ .. ﻭﻗﺒﻞ ﺍﻣﺸﻲ ﻡ ﺗﻨﺴﻲ ﺍﻥ ﻃﺎﺭﻕ ﻣﺎ ﺑﻘﻰ ﺻﻐﻴﺮ ﻭ ﺍﻟﺒﺖ ﺩﻱ ﻗﺎﻋﺪﻩ ﻓﻲ ﻧﺺ ﺍﻟﺒﻴﺖ ﺩﺍﺍﺍ ﻭ ﺍﺫﺍ ﻓﺎﻛﺮﺓ ﺍﻧﻚ ﺑﺘﺤﻤﻴﻬﺎ ﺗﻜﻮﻧﻲ ﻏﻠﻄﺎﻧﻪ .. ﻭﺍﻟﺒﺎﻗﻲ ﺧﻠﻴﺘﻮ ﻟﻴﻚ ﺍﻧﺘﻲ ﻭ ﻓﻬﻤﻚ !!! ‏( ﻭﻗﺒﻠﺖ ﺩﺍﻳﺮﺓ ﺗﻤﺸﻲ ‏)
** ﻭﻟﺪﻱ ﺗﺮﺑﻴﺘﻲ ﻭ ﺑﺘﻲ ﺗﺮﺑﻴﺘﻲ !! ﻭ ﺑﻌﺮﻑ ﻛﻴﻒ ﺍﺣﺎﻓﻆ ﻋﻠﻴﻬﻢ ﺍﻻﺗﻨﻴﻦ ﻻﻧﻲ ﻣﺎﻓﻲ ﻭﺿﻊ ﻳﺘﺤﻤﻞ ﺧﺴﺎﺭﺓ ﺗﺎﻧﻴﻪ !!
__ ﻧﺸﻮﻑ ..... ﻭ ﻋﻈﻢ ﺍﻟﻠﻪ ﺍﺟﺮﻛﻢ ..
ﻭ ﺩﻱ ﻛﺎﻧﺖ ﺍﺧﺮ ﻣﺮﺓ ﺍﺗﻼﻗﻮ ﻓﻴﻬﺎ ﺍﻣﻲ ﺣﻨﺎﻥ ﻭﺍﺧﺘﻬﺎ ﻧﺎﺩﻳﺔ .. ﻛﻞ ﺍﻟﻨﺎﺱ ﻗﺎﻃﻌﺖ ﺍﻣﻲ ﺑﻲ ﺳﺒﺒﻲ ، ﺑﻘﺖ ﻭﺣﻴﺪﻩ ﺗﻤﺎﻣﺎً ﻭ ﻛﺎﻧﺖ ﺑﺘﻘﻮﻝ ﻣﻜﺘﻔﻴﻪ ﺑﻴﻨﺎ ﺭﻏﻢ ﺍﻥ ﺩﺍ ﻡ ﺣﻴﻜﻮﻥ ﺻﺢ ﻣﺎﻑ ﺯﻭﻝ ﺑﻘﻌﺪ ﻣﻦ ﻏﻴﺮ ﺍﻫﻞ .. ﺍﻧﺎ ﻟﻤﻦ ﻛﺒﺮﺕ ﺣﺎﻭﻟﺖ ﻛﺘﻴﺮ ﺍﻧﻲ ﺍﺗﻮﺍﺻﻞ ﻣﻊ ﺍﻫﻠﻬﺎ ﻭﺍﺣﺎﻭﻝ ﺍﺟﻤﻊ ﺑﻴﻨﻬﻢ ﻑ ﺍﻟﻨﻬﺎﻳﻪ ﺩﻱ ﺻﻠﺔ ﺭﺣﻢ ! ﻛﺎﻧﻮ ﺑﻴﻄﺮﺩﻭﻧﻲ .. ﻣﺮﺓ ﻭﺭﺍ ﻣﺮﺓ ﻭﺭﺍ ﻣﺮﺓ ﺣﺎﻭﻟﺖ ﻛﺘﻴﺮ ﻣﻦ ﻏﻴﺮ ﻋﻠﻢ ﺍﻣﻲ ﺑﺲ ﻡ ﻛﻨﺖ ﺑﻠﻘﻰ ﻣﻨﻬﻢ ﻏﻴﺮ ﺍﻟﻄﺮﺩ ...
ﻟﻤﻦ ﺟﺎ ﻋﻠﻲ ﻭﻗﺖ ﺳﺎﻟﺖ ﺍﻣﻲ ، ﻗﻠﺖ ﻟﻴﻬﺎ ، ﺍﻧﺘﻮ ﺟﻴﺘﻮﻧﻲ ﻛﻴﻒ ﻭ ﺍﺧﺪﺗﻮﻧﻲ ﻳﻌﻨﻲ ﻭ ﻗﺮﺍﺭﻛﻢ ﺩﺍ ﻛﺎﻥ ﻣﺒﻨﻲ ﻋﻠﻰ ﺷﻨﻮ ؟؟
ﻗﺎﻟﺖ ﻟﻲ ، ﺍﻧﺎ ﻛﻨﺖ ﺑﺜﻖ ﻓﻲ ﺍﺑﻮﻛﻲ ﺣﺴﻴﻦ ﺷﺪﻳﺪ ﻭ ﺑﺤﺘﺮﻡ ﻗﺮﺍﺭﺗﻪ ﻭﻛﻼﻣﻪ ، ﻟﺤﺪ ﻡ ﺟﺎﻧﻲ ﻓﻲ ﻳﻮﻡ ! ﻭﻫﻮ ﺑﻴﺤﻜﻲ ﻟﻲ ﻋﻨﻚ ، ﻛﺎﻧﺖ ﻋﻼﻗﺘﻪ ﻛﻮﻳﺴﻪ ﺑﻲ ﻋﺒﺪﺍﻟﺮﺣﻴﻢ ﻭ ﻟﻤﻦ ﻋﺒﺪﺍﻟﺮﺣﻴﻢ ﺗﻌﺐ ﺣﺴﻴﻦ ﻗﺮﺭ ﺍﻧﻪ ﺣﻴﺎﺧﺪﻙ ﻭ ﺑﺼﺮﺍﺣﻪ ﺍﺣﻼ ﻗﺮﺍﺭ ﺍﺧﺪﻩ .... ﻃﻴﺐ ﻭﺳﺎﻣﻴﺔ ﻣﺎ ﻓﻘﺪﺗﻨﻲ ﺑﻌﺪ ﺗﻌﻠﻘﻬﺎ ﺑﻲ ﻭﻛﻞ ﺍﻟﻠﻲ ﻋﻤﻠﺘﻮ ﻋﺸﺎﻧﻲ ﺩﺍ ؟؟ ﻗﺎﻟﺖ ﻟﻲ ﺳﺎﻣﻴﺔ ﺳﺎﻗﻮﻫﺎ ﺍﻫﻞ ﺍﻣﻬﺎ ﻭﺩﻭﻫﺎ ﺍﻟﺒﻠﺪ .. ﻭﺍﻟﻠﻪ ﺍﻋﻠﻢ ﺑﻌﺪ ﻛﺪﺍ ﺣﺼﻞ ﺷﻨﻮ !!... ﻭﺍﻧﺘﻬﺖ ﻗﺼﺔ ﺍﻟﻤﺎﺿﻲ ﻟﺤﺪ ﺍﻟﻨﻘﻄﻪ ﺩﻱ !!
* ﺗﻠﻔﻮﻧﻲ ﺭﻥّ *
__ ﺍﻟﻮﻭ !...
** ﺍﻟﻮ ... ‏( ﺟﺎﻧﻲ ﺻﻮﺕ ﻭﺣﺪﺓ ‏)
__ ﻭﺩﺍﺩ ﻣﻌﺎﻱ ؟
** ﻭﻫﺎﺩ ﻗﺼﺪﻙ !!
__ ﺍﻳﻮﺍ ﺍﻳﻮﺍ ﺍﺳﻔﻪ ،، ﻭﻫﺎﺩ ﻗﺼﺪﻱ ! ﺷﻜﻠﻚ ﻛﻨﺘﻲ ﻧﺎﻳﻤﺔ ﻭﺍﻧﺎ ﺻﺤﻴﺘﻚ ﻡ ﺍﻛﻮﻥ ﺍﺯﻋﺠﺘﻚ ﺑﺲ !!
** ‏( ﺍﻧﺎ ﺍﻟﻌﺒﺮﺓ ﻛﺎﻧﺖ ﺧﺎﻧﻘﺎﻧﻲ ﻭﺍﻧﺎ ﺑﺘﺬﻛﺮ ﺍﻟﺤﻜﻴﺘﻮ ﻟﻴﻜﻢ ‏)
ﻻﻻ ﻣﺎ ﻧﺎﻳﻤﺔ ﻭ ﻣﺎ ﺍﺯﻋﺠﺘﻴﻨﻲ !!
__ ﻃﻴﺐ ﻳﺎ ﻭﻫﺎﺩ ، ﺃﻧﺎ ﺭﺯﺍﻥ ، ﻭ ﻋﺮﻭﺱ ﺍﻥ ﺷﺎﺀﺍﻟﻠﻪ ، ﻭﻋﺮﺳﻲ ﻓﻀﻞ ﻟﻴﻬﻮ ﺍﻗﻞ ﻣﻦ ﺷﻬﺮﻳﻦ ! ﻭ ﺍﻧﺎ ﻟﻼﻥ ﻣﺎ ﺍﺷﺘﺮﻳﺖ ﻭﻻ ﺗﻮﺏ ﻭ ﺑﺼﺮﺍﺣﺔ ﺷﻔﺖ ﺻﻮﺭﺓ ﻟﻲ ﺷﻐﻠﻚ ﻭ ﺍﻏﺮﻣﺖ ﺑﻲ ﺷﻐﻠﻚ ﺷﺪﻳﺪ .. ﺍﺍﺍﻩ ﺍﻳﻮﺍ ﺻﺢ ، ﺍﻧﺎ ﺗﺒﻊ ﻧﻬﺎﺩ ﻟﻮ ﻣﺘﺬﻛﺮﺍﻫﺎ ! ﺍﺗﻌﺎﻣﻠﺘﻮ ﻣﻊ ﺑﻌﺾ ﺣﺴﺐ ﻛﻼﻣﻬﺎ .
** ﺭﺑﻨﺎ ﻳﺘﻤﻢ ﻟﻴﻜﻲ ﻋﻠﻰ ﺧﻴﺮ ﻳﺎﺭﺏ .. ﺍﻛﻴﺪ ﻋﺎﺭﻓﻪ ﻧﻬﺎﺩ ، ﻭ ﺷﻜﺮﺍﺍ ﻟﺬﻭﻗﻚ ..
__ ﺍﻣﻴﻦ ﻳﺎﺭﺏ .. ﺍﻫﺎﺍﺍ ﻋﻨﺪﻙ ﺷﻨﻮ ﻣﻤﻜﻦ ﺗﻘﺪﻣﻴﻬﻮ ﻟﻲ !
** ﺷﻮﻓﻲ ﻃﻠﺒﻚ ﺷﻨﻮ ﻭﺍﻧﺎ ﺟﺎﻫﺰﺓ ﺑﺲ ﻣﻦ ﻏﻴﺮ ﺗﻘﻠﻴﺪ ﺍﻟﺘﺼﺎﻣﻴﻢ ﺍﻟﻤﻌﺮﻭﻓﻪ ﻻﻧﻪ ﺩﻱ ﻣﻤﻜﻦ ﺗﺴﺒﺐ ﻟﻲ ﻣﺸﻜﻠﻪ !
__ ﻻﻻ ﻣﺎ ﺣﺘﻘﻠﺪﻱ ﻟﻲ ﺣﺎﺟﺔ ﻛﻠﻮ ﺣﺴﺐ ﺫﻭﻗﻚ ﺣﻴﻜﻮﻥ ﺍﻥ ﺷﺎﺀﺍﻟﻠﻪ .. ﻃﻴﺐ ﺗﻌﻤﻠﻲ ﻟﻲ ﺍﺭﺑﻌﻪ ﺍﻟﻮﺍﻥ ﻣﺨﺘﻠﻔﻪ ﻭﺗﺼﺎﻣﻴﻢ ﻣﺨﺘﻠﻔﺔ ﻭ ﻏﻴﺮ ﺣﻖ ﺍﻟﺠﺮﺗﻖ !!
** ‏( ﺍﺗﺼﺪﻣﺖ ﻭﻓﺮﺣﺘﻪ ﺑﺎﻟﻌﺪﺩ ، ﻭﺍﻭﻝ ﺣﺎﺟﺔ ﻓﻜﺮﺕ ﻓﻴﻬﺎ ﺍﻣﻲ ‏) .. ﺟﺪﺍً ﻡ ﻋﻨﺪﻱ ﺍﻱ ﻣﺸﻜﻠﺔ ﻭ ﺣﺎﻟﻴﺎً ﻋﻨﺪﻱ ﺗﻮﺏ ﺟﺮﺗﻖ ﺷﻐﺎﻟﻪ ﻓﻴﻬﻮ !
__ ﻃﻴﺐ ﻣﺘﻴﻦ ﺣﺘﺨﻠﺼﻴﻬﻮ ﻋﺸﺎﻥ ﺍﺷﻮﻓﻮ ؟
** ﻫﻮ ﺣﻴﺨﻠﺺ ﺍﻟﻠﻴﻠﻪ ﺍﻥ ﺷﺎﺀﺍﻟﻠﻪ !
__ ﺧﻼﺹ ﺑﻜﺮﺓ ﺗﺠﻴﻨﻲ ﻟﻮ ﻣﻤﻜﻦ ﻭ ﺑﺎﻟﻤﺮﺓ ﺍﻭﺭﻳﻜﻲ ﺍﻟﻼﻟﻮﻥ ﺍﻟﺒﺤﺒﻬﺎ ﻭ ﻣﻤﻜﻦ ﻣﻦ ﺧﻼﻟﻬﺎ ﺗﺸﺘﻐﻠﻲ !
** ﻃﻴﺐ ﺗﻤﺎﻡ .. ﻋﻠﻰ ﺗﻠﻔﻮﻥ ﺍﻥ ﺷﺎﺀﺍﻟﻠﻪ ...
ﺭﻳﻢ ﺑﺘﻘﻮﻝ :
ﺑﺎﻗﻲ ﻳﻮﻣﻲ ﻛﻠﻮ ﻛﺎﻥ ﺗﻔﻜﻴﺮ ﻓﻲ ﻛﻼﻡ ﺧﺎﻟﺪ ﻭ ﻓﻲ ﺧﺎﻟﺪ ﺑﻲ ﺻﻮﺭﺓ ﻋﺎﻣﺔ ! ﻓﻲ ﻛﻼﻣﻮ ﺍﻟﺴﻤﺢ ﻭﺍﻟﻬﺎﺩﺉ ﻭﺍﻟﻤﺮﺗﺐ ، ﻓﻲ ﺍﺳﻠﻮﺑﻮ ﺍﻟﻠﻲ ﺧﻼﻧﻲ ﻣﺎ ﺍﻗﺪﺭ ﺍﻗﻮﻟﻴﻬﻮ ﻏﻴﺮ ﺣﺎﺿﺮ !
ﻭ ﺍﻧﺎ ﻃﺎﻟﻌﻪ ﻣﻦ ﺍﻟﻤﻜﺘﺐ ﻭ ﺑﺸﻴﻞ ﻓﻲ ﺣﺎﺟﺎﺗﻲ ، ﺭﺯﺍﻥ ﺍﺗﺼﻠﺖ ﻋﻠﻲ ﻭﻗﺎﻟﺖ ﻟﻲ ﺍﻧﺎ ﻣﺎ ﺣﻘﺪﺭ ﺍﺟﻴﻜﻲ ، ﻗﻠﺖ ﻟﻴﻬﺎ ﺧﻼﺹ ﺍﻧﺎ ﻛﻤﺎﻥ ﻇﻬﺮ ﻟﻲ ﻣﺸﻮﺍﺭ .. ﻣﻊ ﻗﻔﻠﺘﻲ ﻟﻠﺨﻂ ﺑﺎﺏ ﻣﻜﺘﺒﻲ ﺧﺒﻂ ... ﻗﻠﺖ ﺍﺗﻔﻀﻞ !! ﺟﺎﻧﻲ ﻃﺎﺭﻕ ، ﻗﺎﻟﻲ ﻣﻤﻜﻦ ﺍﺩﺧﻞ !! ﻗﻠﺖ ﻟﻴﻬﻮ ﺍﺗﻔﻀﻞ ! ﻗﺎﻟﻲ ﻃﺎﻟﻌﻪ ؟ ﻗﻠﺖ ﻟﻴﻬﻮ ﻋﻨﺪﻱ ﻭﻗﺖ ﺍﺳﻤﻌﻚ ! ﻗﺎﻟﻲ :
__ ﻣﺎ ﻗﺪﺭﺕ ﺍﺗﺠﺎﻭﺯ ﺍﻟﻤﻮﻗﻒ ﻃﻮﻝ ﻓﺘﺮﺓ ﺍﻟﺪﻭﺍﻡ ﻭ ﻛﻨﺖ ﺣﺎﺳﻲ ﺍﻥ ﺍﻟﻜﻞ ﺑﻴﻨﻈﺮ ﺑﻲ ﻧﻈﺮﺓ ﺍﻟﺰﻭﻝ ﺍﻟﺼﻐﻴﺮ ﻭ ﺍﻟﻀﻌﻴﻒ ﻭ ﻣﺘﺎﻛﺪ ﻡ ﺡ ﺍﻟﻘﻰ ﺍﺣﺘﺮﺍﻡ ﻣﻦ ﺯﻭﻝ ﻓﻲ ﺍﻟﻤﻜﺎﻥ ﺩﺍ ، ﻭ ﺍﻧﺎ ﺑﺲ ﺟﺎﻱ ﻋﺸﺎﻥ ﺍﻗﻮﻟﻴﻜﻲ ﺍﻥ ﻣﻬﻤﺎ ﻛﺎﻧﺖ ﺳُﻠﻄﺘﻚ ﻭ ﻣﻜﺎﻧﺘﻚ ﻓﻲ ﺣﺘﺔ ﻣﻌﻴﻨﻪ ، ﺣﺎﻭﻟﻲ ﻣﺎ ﺗﺠﺮﺣﻲ ﻟﻴﻜﻲ ﺭﺍﺟﻞ ﺣﺘﻰ ﻟﻮ ﻛﺎﻥ ﻓﻲ ﻣﻜﺎﻧﻪ ﺍﻗﻞ ﻣﻨﻚ ﺑﻲ ﻛﺘﻴﺮ ، ﺍﻧﺎ ﻣﺎ ﻗﺼﺪﺕ ﺍﺗﺼﺮﻑ ﺑﻲ ﻭﻗﺎﺣﻪ ﻣﻌﺎﻛﻲ ﻣﻊ ﺍﻟﻌﻠﻢ ﺍﻧﺎ ﻭﻗﺘﻬﺎ ﻡ ﻛﻨﺖ ﻋﺎﺭﻑ ﺍﻧﺘﻲ ﻣﻨﻮ ﺍﺻﻼً ﻻﻧﻨﺎ ﻣﺎ ﺍﺗﻘﺎﺑﻠﻨﺎ ، ﻭ ﺩﺍ ﻣﺎ ﺑﻴﻨﻔﻲ ﻏﻠﻄﻲ ﺑﺲ ﻏﻠﻄﻚ ﺍﻧﺘﻲ ﻛﺎﻥ ﺍﻛﺒﺮ ﻣﻨﻲ ﻭ ﺍﻋﻔﻲ ﻟﻲ ﺍﻧﻲ ﻭﺍﻗﻒ ﻗﺼﺎﺩﻙ ﻭ ﻓﻲ ﻣﻜﺘﺒﻚ ﻭ ﺑﻐﻠﻄﻚ ! ﻷﻧﻚ ﺟﺮﺣﺘﻴﻨﻲ ﻭﺍﻧﺘﻲ ﻡ ﻋﺎﺭﻓﻪ ﺍﻧﺎ ﺣﺠﻢ ﺿﻴﻘﻲ ﻭﻗﺘﻬﺎ ﻛﺎﻥ ﻗﺪﺭ ﻛﻴﻒ ﺍﻭ ﻇﺮﻭﻓﻲ ﺷﻨﻮ ﺍﻟﻤﺎﺭﻱ ﺑﻴﻬﺎ ! ﺍﻧﺎ ﻣﺎ ﺑﻘﻮﻟﻴﻚ ﻛﺪﺍ ﻣﻦ ﺑﺎﺏ ﺍﻟﺸﻔﻘﻪ ﻳﺎ ﺍﺳﺘﺎﺫﺓ ﺍﻧﺎ ﺑﺲ ﻡ ﺩﺍﻳﺮﺍﻙ ﺗﺰﻋﺠﻲ ﺯﻭﻝ ﺑﻲ ﻛﻠﻤﺔ ﻭ ﺍﻧﺘﻲ ﻡ ﻋﻨﺪﻙ ﻓﻜﺮﺓ ﻫﻮ ﻋﺎﻓﺮ ﻗﺪﺭ ﺷﻨﻮ ﻋﺸﺎﻥ ﻳﻜﻮﻥ ﻳﻮﻣﻮ ﺩﺍ ﺑﺨﻴﺮ .... ﻭ ﺩﻱ ﺍﺳﺘﻘﺎﻟﺘﻲ !!
** ﺍﺳﺘﻘﺎﻟﺘﻚ !!! ؟
__ ﻭ ﺍﺗﻤﻨﻰ ﺍﺷﻮﻑ ﺗﻮﻗﻴﻌﻚ ﻋﻠﻴﻬﺎ !
** ﺣﺘﺸﻮﻓﻮ ﻓﻲ ﺣﺎﻟﺔ ﻭﺍﺣﺪﺓ !! ﻟﻤﻦ ﺗﺒﻘﻰ ﺿﻌﻴﻒ ﻭ ﻣﺎ ﺗﺜﺒﺖ ﻧﻔﺴﻚ ﻓﻲ ﺍﻟﺸﺮﻛﺔ ﺩﻱ .. ‏( ﺷﻠﺖ ﺷﻨﻄﺘﻲ ﻭ ﻃﻠﻌﺘﻪ ﻭ ﺧﻠﻴﺘﻮ ﻗﺎﻋﺪ ‏) ..
ﻡ ﺑﻨﻜﺮ ﻛﻼﻣﻮ ﺍﺛﺮ ﻓﻴﻨﻲ ﺷﺪﻳﺪ ﺷﺪﻳﺪ ﺷﺪﻳﺪ .. ﻃﻠﻌﺖ ﻭﻋﻴﻮﻧﻲ ﻣﺮﻗﺮﻗﻪ ﺑﺎﻟﺠﺪ ﺣﺴﻴﺖ ﻧﻔﺴﻲ ﻛﻌﺒﻪ ﺷﺪﻳﺪ !
ﻭ ﺍﻧﺎ ﻓﻲ ﺍﻟﻌﺮﺑﻴﺔ ، ﻓﺎﻃﻤﺔ ﺧﺒﻄﺖ ﻟﻲ ﺍﻟﺸﺒﺎﻙ ﻗﺒﻞ ﺍﺗﺤﺮﻙ ، ﻗﺎﻟﺖ ﻟﻲ " ﻫﺎﻙ ﻋﻠﺒﺔ ﺍﻟﻜﻮﻛﻴﺰ " ! ﻓﺘﺤﺖ ﻟﻴﻬﺎ ﺍﻟﺒﺎﺏ ﻗﻠﺖ ﻟﻴﻬﺎ ﺍﺭﻛﺒﻲ ﺗﻌﺎﻟﻲ ! ﻗﺎﻟﺖ ﻟﻲ ﻭﻳﻦ ﺍﺟﻲ ﺃﻧﺎ ﻣﺎﺷﺔ ﺍﻟﺒﻴﺖ !!! ﻗﻠﺖ ﻟﻴﻬﺎ ﺍﻃﻠﻌﻲ ﺍﻃﻠﻌﻲ ﺣﺄﻭﺻﻠﻚ .. ﻗﻌﺪﺕ ﺟﻤﺒﻲ ! ﻭ ﺍﺗﺤﺮﻛﻨﺎ ، ﻗﺎﻟﺖ ﻟﻲ ﻳﻨﻔﻊ ﺍﻗﻮﻝ ﺣﺎﺟﺔ !
** ﻃﻮﺍﻟﻲ ﻳﺎ ﻓﻄﻮﻡ
__ ﻣﻦ ﺍﻟﻴﻮﻡ ﺩﺍﻙ ﻭﺍﻧﺎ ﺑﺎﻟﻲ ﻣﺸﻐﻮﻝ ﺑﺼﺮﺍﺣﻪ ﻏﺼﺐ ﻋﻨﻲ ! ﻡ ﻓﻀﻮﻝ ﺑﺲ ﺣﺎﺑﻪ ﺍﻓﻬﻢ ﺑﺎﻟﺠﺪ !
** ﻫﻬﻬﻪ ﻃﻴﺐ ! ﺍﻧﺎ ﺑﻴﻈﻬﺮ ﻟﻲ ﺷﺨﺺ ﻡ ﻟﻴﻬﻮ ﻭﺟﻮﺩ ! ﺍﺣﻴﺎﻧﺎً ﺑﺸﻮﻑ ﻭﺷﻮ ﻑ ﺑﻌﺾ ﺍﻟﻨﺎﺱ ! ﺑﺎﺧﺪ ﺩﻗﺎﻳﻖ ﻭ ﺑﺮﺟﻊ ﺍﺷﻮﻑ ﺷﻜﻞ ﺍﻟﺰﻭﻝ ﺍﻟﺤﻘﻴﻘﻲ !
__ ‏( ﻣﻨﻄﻄﺔ ﻋﻴﻮﻧﻬﺎ ‏) ﺩﺍ ﻗﺮﻳﻨﻚ ؟
** ﺟﺴﻤﻲ ﻛﺶ ، ﺣﺴﺐ ﻣﻌﻠﻮﻣﺎﺗﻲ ﺍﻟﻘﺮﻳﻦ ﺩﺍ ﺷﺨﺼﻴﺔ ﻛﻮﺑﻲ ﺑﺴﺖ ‏( ﻧﺴﺨﺘﻲ ‏) ﻣﻨﻲ ﻡ ﺑﺘﻜﻮﻥ ﺷﺨﺺ ﺗﺎﻧﻲ ﻭ ﺩﺍ ﺭﺍﺟﻞ ﻛﻤﺎﻥ !
__ ﻃﻴﺐ ﻡ ﻗﻌﺪ ﻳﺘﻜﻠﻢ ﻣﻌﺎﻛﻲ ؟
** ﺍﺗﻜﻠﻢ ﻣﻌﺎﻱ ﻣﺮﺗﻴﻦ ﺗﻼﺗﻪ ! ﺍﻭﻝ ﻣﺮﺓ ﻗﺎﻟﻲ ﺻﻠﻲ ﺭﻛﻌﺘﻴﻦ ، ﻭﺩﻱ ﻛﺎﻧﺖ ﺍﻭﻝ ﻣﺮﺓ ﻳﻈﻬﺮ ﻟﻲ ﻓﻴﻬﺎ !
__ ﻫﺎﺍﺍﺍﺍﺍﺍﻩ ﺩﺍ ﺟﻦ ! ﻭﺍﻟﻠﻪ ﺟﻦ ﻣﺴﻠﻢ !! ﻫﻢ ﺑﻴﻈﻬﺮﻭ ﻭﻗﺖ ﺑﻜﻮﻥ ﺯﻭﻟﻬﻢ ﺩﺍ ﻣﺎﺭﻱ ﺑﻲ ﺍﻟﻢ ﺍﻭ ﻣﻮﻗﻒ ﺍﻭ ﺑﻴﺄﺫﻱ ﻧﻔﺴﻮ ﺍﻭ ﺍﻱ ﺿﺮﺭ ﻳﺘﻌﺮﺽ ﻟﻴﻬﻮ ! ﺍﺳﻤﻌﻲ ﻛﻼﻣﻲ ﻳﺎ ﺍﺳﺘﺎﺫﺓ ﺭﻳﻢ ! ﻣﺎ ﺑﻌﺮﻑ ﻏﺎﻳﺘﻮ ﻟﻜﻦ ﺍﻧﺘﻲ ﻻﺯﻣﻚ ﺷﻴﺦ !
** ﻛﻴﻒ ﻳﻌﻨﻲ ﺍﻣﺸﻲ ﻟﻲ ﺷﻴﺦ ؟؟ ﻳﻌﻨﻲ ﻫﻮ ﻳﺎ ﺩﻛﺘﻮﺭ ﻧﻔﺴﻲ ﻳﺎ ﺷﻴﺦ !!
ﺍﺳﻤﻌﻲ ﺩﻗﺎﻳﻖ ﺣﺄﻧﺰﻝ ﺍﻟﻤﺮﺳﻢ ﺩﺍ ﻭ ...... ﻏﺮﻳﺒﺔ ! ﻣﺎﻟﻮ ﻗﺎﻓﻞ !!! ﺍﻭﻓﻔﻒ ﻛﻨﺖ ﺩﺍﻳﺮﺓ ﺍﺗﺨﺎﺭﺝ ﻣﻦ ﻣﻮﺿﻮﻉ ﺍﻟﻠﻮﺣﺔ ﺩﻱ ﻭ ﺍﺩﻳﻬﻮ ﺍﻟﻮﻻﻋﺔ ﺣﻘﺘﻮ ﺩﻱ ! ﺍﺳﻲ ﻛﺎﻥ ﺍﺩﺍﻧﻲ ﺍﻟﻜﺒﺮﻳﺘﻪ ﻣﺎﻟﻮ ! ‏( ﻡ ﺑﺤﺐ ﺗﻜﻮﻥ ﻣﻌﺎﻱ ﺣﺎﺟﺔ ﺣﻘﺖ ﺯﻭﻝ ﺗﺎﻧﻲ ﻭﻣﻔﺮﻭﺽ ﻋﻠﻲ ﺍﺭﺟﻌﻬﺎ ﺑﺤﺴﻬﺎ ﺍﻣﺎﻧﺔ ﻓﻲ ﺭﻗﺒﺘﻲ ﻣﻬﻤﺎ ﻛﺎﻧﺖ ﺗﺎﻓﻬﻪ ‏)
ﺍﻟﻤﻬﻢ ... ﻗﻔﻠﺖ ﺍﻟﻤﻮﺿﻮﻉ ﻣﻊ ﻓﺎﻃﻤﺔ ﺑﺲ ﻓﻜﺮﺓ ﺍﻟﺸﻴﺦ ﺭﻛﺒﺖ ﻟﻲ ﻓﻲ ﺭﺍﺳﻲ ، ﻭﺻﻠﺘﻬﺎ ﻭ ﺭﺟﻌﺖ ﺍﻟﺒﻴﺖ !
ﻟﻘﻴﺖ ﺍﻟﻌﺎﻣﻠﺔ ﺍﻟﺘﺎﻧﻴﺔ ﺍﺳﻤﻬﺎ " ﻧﺎﺭﺩﻳﻦ " ﺍﻭﻝ ﻣﺮﺓ ﺍﻻﻗﻴﻬﺎ ﺑﺲ ﺣﺒﻴﺖ ﻣﺎﺭﻳﺎﻥ ﺍﻛﺘﺮ ، ﺭﻭﺣﻬﺎ ﺣﻠﻮﺓ ﻭﺯﻭﻟﺔ ﻣﺴﺎﻳﺴﺔ ﻭﺍﻗﻨﺎﻉ ﻣﻦ ﻭﻗﺖ ﺷﺮﺑﺘﻨﻲ ﺍﻟﻠﺒﻦ ﺍﻟﺼﺒﺎﺡ .. ﺑﻌﺪﻫﺎ ﻗﻌﺪﺕ ﻣﻊ ﺭﺯﺍﻥ ﻭ ﺍﺗﻜﻠﻤﺖ ﻣﻌﺎﻫﺎ ﻭ ﻋﺮﻓﺖ ﺍﻥ ﺍﻣﻮﺭﻫﻢ ﺍﺗﻌﺪﻟﺖ ﻫﻲ ﻭ ﻋﻤﺎﺭ .. ﻭ ﻗﻌﺪﻧﺎ ﻛﺘﺒﻨﺎ ﻭﺭﺗﺒﻨﺎ ﻗﺎﻳﻤﺔ ﺑﺎﻟﺤﺎﺟﺎﺕ ﺍﻟﻠﻲ ﻣﻔﺮﻭﺽ ﻧﺠﻬﺰﻫﺎ ﻣﻦ ﺑﺪﺭﻱ ، ﻭﺷﻠﺖ ﺍﻟﻮﺭﻗﻪ ﻭﺍﺗﻌﺸﻴﺖ ﻭﻧﻤﺘﻪ !!
ﻓﻲ ﺍﻟﻴﻮﻡ ﺍﻟﺘﺎﻧﻲ _
ﻭﻫﺎﺩ ﺑﺘﻘﻮﻝ : ﻛﻨﺖ ﻻﺑﺴﺔ ﻭ ﻃﺎﻟﻌﻪ ﻣﺎﺷﺔ ﻟﻠﻌﺮﻭﺳﻪ ﺍﻟﻠﻲ ﻛﻠﻤﺘﻨﻲ ﺍﻣﺒﺎﺭﺡ ، ﻻﻗﺎﻧﻲ ﻃﺎﺭﻕ ﻓﻲ ﺍﻟﺤﻮﺵ ، ﻗﺎﻟﻲ __ :ﻭﻳﻦ ؟
** ‏( ﺭﻓﻌﺖ ﻟﻴﻬﻮ ﺍﻟﻜﻴﺲ ‏) ﺍﺳﻠﻢ ﺩﺍ !!
__ ﺍﻭﺻﻠﻚ ؟
** ﺍﻣﺸﻲ ﺷﻐﻠﻚ ﺣﺄﺧﺮﻙ ﺳﺎﻱ
__ ‏( ﻗﺮﺏ ﻋﻠﻰ ﻏﻔﻠﺔ ﺑﺎﺳﻨﻲ ﻓﻲ ﺭﺍﺳﻲ ‏) ﺃﻧﺎ ﺍﺳﻒ ، ﺣﻘﻚ ﻋﻠﻲ ، ﺍﺧﺘﻲ ﺣﺒﻴﺒﺘﻲ ﻭ ﻳﻌﻠﻢ ﺍﻟﻠﻪ ﺍﻧﻜﻢ ﺍﻏﻼ ﻣﺎ ﺍﻣﻠﻚ ﻓﻲ ﺣﻴﺎﺗﻲ ﺩﻱ ! ﺍﻋﻔﻲ ﻟﻲ ..
** ﺍﻳﻮﺓ ﻛﺪﺍ ﺧﻠﻴﻨﻲ ﺍﺗﺒﺎﻫﻰ ﺑﻲ ﺧﻮﺗﻚ ﻭﺍﻟﻠﻪ ﻻ ﻳﺤﺮﻣﻨﺎ ﻣﻦ ﺑﻌﺾ ﻳﺎﺭﺏ .... ﻳﻼﺍﺍﺍ
ﻃﻠﻌﺖ ﻣﺒﺴﻮﻃﺔ ﺷﺪﻳﺪ ، ﺍﻟﺘﻮﺗﺮ ﺭﺍﺡ ﻣﻦ ﻧﺎﺣﻴﺔ ﻃﺎﺭﻕ ﺑﺎﻟﺠﺪ ﻣﺒﺴﻮﻃﺔ ، ﻟﻤﻦ ﺍﺗﺼﻠﺖ ﻋﻠﻰ ﺍﻟﻌﺮﻭﺳﻪ ، ﺑﻌﺪ ﺟﺮﺟﺮﺓ ﺍﻗﻨﻌﺘﻨﻲ ﺍﺟﻴﻬﺎ ﺍﻟﺒﻴﺖ !! ﻭ ﺭﻛﺒﺖ ﻭﻣﺸﻴﺖ ﻋﻠﻰ ﻛﺪﺍﺍﺍ ...
ﺭﻳﻢ ﺑﺘﻘﻮﻝ :
ﺍﻭﻝ ﻳﻮﻡ ﻣﻦ ﻣﺪﺓ ﻃﻮﻳﻠﺔ ﻛﺎﻥ ﺍﺻﺤﻰ ﻣﺘﺄﺧﺮﺓ ﻛﺪﺍ ، ﻟﺤﺪ ﺍﻟﺴﺎﻋﻪ 12:30 ﻟﻤﻦ ﺩﺧﻠﺖ ﺍﻟﺤﻤﺎﻡ ﻭﺍﻧﺠﺰﺕ ﺍﻣﻮﺭﻱ ﻛﺎﻧﺖ 1:10 ، ﻧﺰﻟﺖ ﺗﺤﺖ ، ﺍﻭﻝ ﺣﺎﺟﺔ ﻧﺎﺩﻳﺖ ﻋﻠﻰ ﻣﺎﺭﻳﺎﻥ ، ﺟﺎﺗﻨﻲ ﻗﺎﻟﺖ ﻟﻲ ﻣﺪﺍﻡ ﻛﻴﻔﻚ ؟ ﻗﻠﺖ ﻟﻴﻬﺎ ﺣﻤﺪﻟﻠﻪ ﻭﺍﻧﺘﻲ ؟ ﻗﺎﻟﺖ ﻟﻲ ﺗﻤﺎﻡ .. ﻗﻠﺖ ﻟﻴﻬﺎ ﻭﻳﻦ ﺣﺎﺟﺎﺗﻚ ﺍﻟﺤﻠﻮﺓ ؟ ﺿﺤﻜﺖ ﻭﻗﺎﻟﺖ ﻟﻲ ﺍﺟﻠﺴﻲ ﺩﻗﺎﻳﻖ .. ﻭ ﻛﻨﺖ ﺳﺎﻣﻌﻪ ﺻﻮﺕ ﺭﺯﺍﻥ ﺑﺘﺘﻮﻧﺲ ﻭﺑﺘﻀﺤﻚ ، ﻣﺸﻴﺖ ﻋﻠﻴﻬﺎ ، ﻟﻘﻴﺖ ﻣﻌﺎﻫﺎ ﻭﺣﺪﺓ ﻗﺎﻋﺪﻩ ﻭﻣﺎﺩﻳﺎﻧﻲ ﺿﻬﺮﻫﺎ ، ﻗﻠﺖ ﻟﻴﻬﺎ ﺩﺍﻳﻤﺎ ﻳﺎﺭﺏ ! ﺍﻣﻲ ﻭﻳﻨﺎ ؟
ﻗﺎﻟﺖ ﻟﻲ ﻣﺸﺖ ﻟﻠﺠﺒﻨﺔ ﻋﻨﺪ ﺣﺠﺔ ﻋﺸﺔ ‏( ﺟﺎﺭﺗﻨﺎ ‏) .. ﻗﻠﺖ ﻟﻴﻬﺎ ﺍﻫﺎﺍﺍ .. ﻟﻤﻦ ﻧﺰﻟﺖ ﻭ ﻭﻗﻔﺘﻪ ! ﻳﺎﺩﺍﺏ ﺷﻔﺘﻪ ﻭﺵ ﺍﻟﺒﻨﺖ ﺩﻱ ، ﻋﺎﻳﻨﺖ ﻟﻴﻬﺎ ﺷﺪﻳﻴﻴﻴﺪ ﻛﺪﺍ ! ﻛﺎﻧﺖ ‏( ﻗﻤﺤﻴﺔ ، ﻋﻴﻮﻧﻬﺎ ﺳﻮﺩ ﻭ ﻛﺒﺎﺭ ﻣﺎﺷﺎﺀﺍﻟﻠﻪ ، ﻭ ﻡ ﺍﻇﻨﻬﺎ ﻗﺼﻴﺮﺓ ، ﻛﺎﻧﺖ ﻣﺮﻳﺤﻪ ﻟﻠﻨﻈﺮ ﺳﺒﺤﺎﻥ ﺍﻟﺨﺎﻟﻖ ‏) ﻗﻠﺖ ﻟﻲ ﺭﺯﺍﻥ :
ﺭﻳﻢ : ﻣﺎﺷﺎﺀﺍﻟﻠﻪ !! ﺩﻱ ﻣﻨﻮ ؟
ﺭﺯﺍﻥ ﺍﺑﺘﺴﻤﺖ ﻭ ﻗﺎﻟﺖ ﻟﻲ ﺳﻤﻴﺤﻮﻧﺔ ﺻﺢ ؟ ﻣﺎﺷﺎﺀﺍﻟﻠﻪ ‏( ﻋﺎﻳﻨﺖ ﻟﻠﺒﻨﺖ ﻭ ﻗﺎﻟﺖ ﻟﻴﻬﺎ ‏) .. ﺍﻟﻤﻬﻢ ﻳﺎ ﻭﻫﺎﺩ ، ﺍﻋﺮﻓﻚ : ﺩﻱ ﺭﻳﻢ ﺍﺧﺘﻲ ﺍﻟﻜﺒﻴﺮﺓ !!! ﻭ ﻳﺎ ﺭﻳﻢ ، ﺩﻱ # ﻭﻫﺎﺩ !!
ﻋﺎﻳﻨﺖ ﻟﻴﻬﺎ ﺑﻲ ﺣﻨﻴﻦ ﻛﺪﺍ ﺯﻱ ﺍﻟﺒﻌﺮﻓﻬﺎ ﻗﺒﻞ ﻛﺪﺍ ! ﻗﻠﺖ ﻟﻴﻬﺎ : ﺍﻧﺘﻲ ﺍﺳﻤﻚ ﻭﻫﺎﺩ ؟؟؟
ﻭﻫﺎﺩ : ﺍﻳﻮﺓ ............

ﻳﺘﺒﻊ .....
*ﻓﻲ ﺍﻟﺤﻠﻘﺎﺕ ﺍﻟﺠﺎﻳﺔ*
ﺍﻓﺘﺤﻲ ﺍﻟﺴﻠﺴﻞ !
ﻣﺎ ﺑﻴﺘﻔﺘﺢ !!!

# ﺍﺳﺘﻜﻜﺎﻧﺔﺓ ...🌻
# ﺳﺤﺮ _ ﺳﻤﻴﺮ