حب منبوذ

٥

ملمومين البنات (سارة و وجدان و فاطمة)
فاطمة : بالجد كان نفسي امسكو اخنقو و اجدعو برا الشركة دي ، بالجد اتمنيت لو انا كنت في الامن ااااخ بس ..
وجدان : وانتي مالك معصبه !! 
فاطمة : ما شفتي الحيوان دا بعاين ليها كيف و بسببو انفعلت و كوركت والله هوي اسمعو مهما كانت صارمة معانا لكن ما بقبل فيها حاجة ! عليكم الله ما حسيتو بيها حنينه وهي بتقولينا اكلو ! و بتعتذر لينا من اجازتنا حقت الترويسة !
سارة : للامانة صدمتني ! م اتوقعت ردة الفعل دي !
وجدان : حتى انا صراحة ، بس لو لاحظتي الليله قلعت السلسل !
سارة : ياخ بس لو تبطلو تدخلكم في الحاجات الما بتعنيكم دي ، عليكم الله م تركزو في حاجات صغيرة زي دي !! و بعدين يا وجدان ريم دي مش قالت ليكي تمشي ليها المكتب بعد تفطري !!
وجدان : م اظن تكون رايقه اسي ! رايكم شنو ؟ 
فاطمة : لالا امشي ، شيلي ليها معاك قهوة ولا ليمون ولا اي حاجة ! 
سارة : ااي ممكن انا راي كدا برضو ، تعالي يا فاطمة ترجمي لي اول تلاته صفحات بالاحمر من الملف دا عشان محتاج يتطبع !! 
فاطمة : طيب ... امشي يا وجدان ! 
وجدان : طيب ..
وهاد-
طيب يا وهاد الراجل دا حيكون عندو دين في رقبتنا يا بتي و لا الفهم شنو ، نوريني !!! 
ما تنسي مصيرنا نرجع و انا ما بطلع من مصر دي و اخلي لي دين في رقبتي !! 
**ما تشيلي هم هسي لمن بمشي حفهم منو ، هو قال داير رقم عم ابو احمد و اديتو الرقم لكن ما اتوقعته بتصرف كدا بصراحه !
_طيب شوفيهو ، حتتاخري زي امبارح ؟
**ايوة لازم انضغط شوية يا امي عشان على الاقل اجمع حق التزاكر حتى لو نرجع بالبر !  وانا عندي فهم في راسي ، من شغلنا
حق السودان بقدر اسدد ليهو وارسل ليهو كل فترة مبلغ م تشيلي هم .
_طيب يا وهاد الله كريم ..
بعد خلصته كلام مع امي ، طلعته كانت الساعه 11 ، و انا ماشة ، لقيت واحد وقفني ! في البداية شكيت انه يمكن ما بيناديني انا ..
 المهم لمن قال لي ، ايوة انتي يا آنسة ، قلت ليهو :
*اتفضل !
_مش انتي امبارح كنتي بتشتغلي عند عبادي بتاع الكشري !؟
*ايوة انا 
_طب بصي انا بشتغل في المحل المقابلك لو خدتي بالك المحل اسمو اردورو ، المهم دلوقتي حاطين اعلان محتاجين وحدة تستقبل
الاوردرات بالتلفون ، اللي بتطلب دليفري ، انا قلت اشوفك لو هينفع معاكي تعالي ع الساعه 2 كدا !! 
*يعني انت بس شفتني امبارح عرفتني محتاجة شغل ؟
_لا مهو كمان الواد حوتة اللي بيوقف على الطاجن برا كلمني ..
*ايواااا.. شكراً ....و مشيت و بقلب كلامو في راسي ، قلت بس اوصل اشوف ابو هنا و ممكن اوفق بين الاتنين .... 
فعلاً ، وريتو بالشغل ، و قالي انا شايف انه احسن ليكي من هنا ، و دا م بيمنع تشتغلي معانا برضو ، و اتفقنا اني اخلص البصل في
البيت (بيتعمل بصل كمية و بيتكرمل في النار و بيتقدم على وش الكشري مع الدقة والصلصة ) و ف نفس الوقت اشتغل في اردورو ، المهم كان يوم جميل و اتوفقتا مبدئياً بفضل الله ...
اما ريم بتحكي ...
انه ماف اي عداوة بيني و بين احمد و لا كنت قادرة افسر تصرفه دا ، كل البينا كانت علاقه عابرة ، لمن اتقدم لي فترة من الفترات
 ما كنت عارفه انا عايزة شنو اصلا ، بس قلت يمكن لو اسست لي اسرة حاقدر اكون طبيعيه ، اخدت فترة حتى اتقبلتو في حياتي ،
 بس هو امه كانت خاته ليهو فهم اني مريضه نفسيه ، رغم انه كان بيعاملني معامله عكس امه ، افتكرته بيحبني ، وانه ممكن يتحملني .. 
المهم لحد ما في يوم ، سمعت نقاش انه م عندو لي اي حاجة واني فعلا مريضه نفسياً ، و انو داير يتسيطر علي علشان قروشي ،
و وقتها الشركة حقتي كانت عبارة عن مشروع صغير و كانت بداياتي .. 
المهم علاقتي بيهو نهيتها من غير توضيحات او اي اسباب حتى ما واجهتو بي حاجة ، لمدة خمس سنوات كل شي اتغير في حياتي ... 
بعد احمد طلع ، ما بنكر انه سبب لي توتر ، رغم اني ما بتأثر بي حاجة بس كل الكان متسيطر علي ، انه ليه قالي يا بنت ال(....) !!! و كيف سلسلتي وصلت لي عنده .... 
قاطعت تفكيري وجدان وحدة من البنات البتشتغل عندي !! 
*تعالي يا وجدان اتفضلي ! 
_اتفضلي قهوة ظابطة كدا تروق عليكي 
*يييه ما قعد اشرب قهوة م ملاحظة لي ما حصل طلبتها 
_هه خلاص يا استاذة ريم حطلب ليك عصير
*لالا خليها طالما جبتيها بشربا عشان خاطرك 
_يا سلام ياخ شكرا لذوقك استاذة ريم .
*يلا طيب عشان ما اطول عليكي ، انا طلبتك بس عشان تاخدي الحاجات دي تاخدي حقك و تديهم البنات ، و دا حق القسم التاني ، سلميهو لـ محمد او اشرف  اتفقنا ؟
_تمام يا استاذه شكراً .... عن ازنك 
*...
بعد وجدان طلعت ، انا شلت حاجاتي و طلعت وراها ، ودي اول مرة اطلع قبل الساعة اربعه .. وصلت البيت و لقيت الجوطة قدامي في البيت ، دخلت و لقيت احمد قاعد !! و امي و وليد و رزان معاهو ! 
مع دخلتي كدا ، قام احمد وقف على حيلو ،. و قاليهم ، اهدي ليها جات حتى اسألوهاااا !!!! و فجاة امي وقفت ليهو وقالت ليهو شوف جبتها من وين السلسل دي !! لكن دي ما امور ريم بتي ! 
احمد : بعاين فيني و قالي شفتي الغلطة و صلتنا لحد وين و انتي ما سمعتي كلامي في موضوع العقد و لو خليتيني كان اكلم و ليد
 و عمي صلاح لمن يجي كان امورنا بقت تمام !! 
وليد :  دقيقه يا احمد ، ريم ، تعالي فهمينا ! 
قلت لي احمد ، انت الجابك هنا شنو ؟ و قاعد تقول في شنو انت ؟؟ 
احمد : ما حبنفع ندس علاقتنا والحصل بينا بعد كدا ، مافي حاجة تخوفك حبيبتي طالما دايرنو بي شرع الله !! 
ريم : علاقة شنو ياحمد ( وانا ماسكة اعصابي عشان افهم ). ..
رزان جات قريب مني ، قالت لي روقي و احكي انحنا كلنا حنصدقك حبيبتي !! 
امي : رزان انتي جنيتي ! انا ما مصدقة ولا حرف من كلام المجنون دا و اطلع برا البيت دا يا احمد ! 
احمد : ريم احكي عليكي الله ما تسكتي ! وريهم انو رجعنا لبعض و انك كنتي معاي امبارح ، و دا سلسلك معاي   !!!
وليد جرا مسك في رقبتو ، قاليهو ياخ اختشي عشان انا ساكت من قبيل و مراعي الخوة ، جاي تقلل ادبك !! 
امي : فكوووو يا وليد ما ناقصين مشاكل ، خلي يطلع برا البيت !
احمد : فكني بدل تمسك فيني انا امسك في اختك الغلطت معاي ، وبعدين مالكم مستغربين ، حق الشارع بفضل في الشارع !!!
وليد لحقو بُنية لمن جابو الواطه ، و فضل يضرب فيهووو ... قلت لي وليد خليهو !! 
عاينن لامي و قلت ليها : احمد ما قال حاجة غلط ، اي نعم هو كذب في علاقه و في اني كمت معاهو رغم اني ما مفروض ابرر ليكم ، بس هو صح ، لان حق الشارع مكانو في الشارع ، اهااا يا امي ممكن توريني عرف حق الشارع دا من وين !! 
ما هو لو انا فعلا زي ما بتقولي ما كان جات سيرة الشارع ، و الحاجز الخاتاهو بينا دا ما من فرااااااغ يا امي يا غالية .... 
مشيت نتشت سلسلتي من يدو ، و طلعت غرفتي !! 
( في جانب حنان ام وهاد) 
الكانت قاعده و محصورة بين زكاريات ، قديمة !! 
*فلاش باك*
*دا البيت !! على الشمال !!
__ياساتر يا ساتر ! المرة دي ما تابت حتى بعد وفاة راجلها !!! ياخ معقولة !!
*انا بس ما دايراك تدخلي يا حنان ، انحنا جينا هنا هدفنا واحد ، ظار و ما ظار ما شغلتنا ! 
__طيب ناس الحلة ساكتين ليها ليه !
*دا ظار يا حنان ما دعارة ، المهم حتى مع ناس عبدالقادر ديل ما دايرك تتكلمي ابدا ولا كانك عارفة حاجة ، و للمرة التالتة با حنان انحنا دايرين الاجر ، و ما بينفع ولا حينفع انه زول يتحمل غلط زول ، و ما صح نأنب زول بي حاجة هو ما سواها ولا عندو يد بيها ، فاهماني يا حنان ! دايرين اجر ما دايرين ذنب يا غالية !
يتبع ...
#استككانة
💜
 ...
#سحر_سمير