حب منبوذ

٢٣

*ﻭﻟﻴﺪ ﺑﻴﺤﻜﻲ :*
ﺷﻠﺖ ﺗﻠﻔﻮﻧﻲ ﻭ ﺩﺧﻠﺖ ﻏﺮﻓﺘﻲ ، ﺑﻘﻴﺖ ﺭﺍﻗﺪ ﻭ ﻓﺎﺗﺢ ﺗﻠﻔﻮﻧﻲ ﻋﻠﻰ ﺍﻟﺮﻗﻢ ! ﻭ ﺑﻌﺎﻳﻦ ﻓﻴﻬﻮ ﻟﺪﺭﺟﺔ ﺣﻔﻈﺘﻮ !
ﻭ ﺑﻌﺎﻳﻦ ﻟﻼﺳﻢ ! ﺣﺴﻴﺖ ﻛﺄﻧﻲ ﻟﻘﻴﺖ ﻟﻲ ﺣﺎﺟﺔ ﻓﻴﻬﺎ ﺭﻳﺤﺘﻬﺎ ! ﻭ ﺑﻘﻴﺖ ﺑﻜﻠﻢ ﺍﻟﺮﻗﻢ ﻛﺄﻧﻲ ﺑﻜﻠﻤﻬﺎ ! ﻗﻠﺖ ﻟﻴﻬﺎ ﻣﻦ ﻟﻤﺤﺘﻚ ! ﻗﺪﺭ ﻣﺎ ﺣﺎﻭﻟﺖ ﺍﺧﺖ ﻟﻴﻜﻲ ﺍﺳﻢ ﻣﺎ ﻗﺪﺭﺕ ! ﻛﻞ ﻣﺎ ﺍﻏﻤﺾ ﻋﻴﻮﻧﻲ ﻛﻨﺖ ﺑﺸﻮﻓﻬﺎ ﻭ ﻫﻲ ﻋﺎﺑﺮﺓ ﻣﻦ ﺟﻤﺒﻲ ﻭ ﻫﻲ ﺑﺘﻤﺴﺢ ﻓﻲ ﺩﻣﻮﻋﻬﺎ .. ﺑﻌﺪ ﺗﻔﻜﻴﺮ ﺩﺍﻡ ﻟﻲ ﺳﺎﻋﺎﺕ ﻃﻮﻳﻠﻪ ﺑﻴﻦ ﺍﻧﻲ ﺍﺗﺼﻞ ﺍﻭ ﻻ .. ﺑﺲ ﺍﻟﺴﻮﺍﻝ ﺍﻟﻠﻲ ﻛﺎﻥ ﻓﺎﺭﺽ ﻧﻔﺴﻪ ﻋﻠﻲ ! ﺣﺄﺗﺼﻞ ﻋﺸﺎﻥ ﺷﻨﻮ ؟ ﺍﻗﻮﻟﻴﻬﺎ ﺷﻨﻮ ! ؟ ﻣﻊ ﺗﻔﻜﻴﺮﻱ ﺍﻻﺳﺘﻤﺮ ﻣﺪﺓ ﻣﺎ ﺣﺴﻴﺖ ﺍﻻ ﺑﻲ ﺻﻮﺗﻬﺎ ﻃﺎﻟﻊ ﻣﻦ ﺳﻤﺎﻋﺔ ﺍﻟﺘﻠﻔﻮﻥ ﻭ ﻫﻲ ﺑﺘﻘﻮﻝ :
** ﺍﻟﺴﻼﻡ ﻋﻠﻴﻜﻢ ...
__ ‏( ﺑﻴﻦ ﺻﻮﺗﻬﺎ ﻭ ﺳﻼﻣﻬﺎ ﺍﺧﺪﺕ ﺳﻜﻴﻨﺔ ﻭ ﺣﺴﻲ ﺷﺮﺩ ﻭ ﻗﺪﺭ ﻣﺎ ﺣﺎﻭﻟﺖ ﺍﺗﻜﻠﻢ ﻏﻠﺒﻨﻲ ، ﻟﻤﻦ ﺭﺟﻌﺖ ﻭ ﻗﺎﻟﺖ ﻟﻲ ﺑﻲ ﺣﻴﺮﺓ !! .. ‏)
** ﺍﻟﻮﻭﻭﻭ ....
__ ‏( ﺑﻲ ﺭﺑﻄﺔ ﻟﺴﺎﻥ ‏) ﻭﻋﻠﻴﻜﻢ ﺍﻟﺴﻼﻡ ..
** ﻏﺮﻳﺒﺔ !! ﻣﻨﻮ ﻣﻌﺎﻱ !
__ ﺍﻟﻐﺮﻳﺐ ﺷﻨﻮ !
** ﺍﻧﺖ ﻣﻨﻮ ؟ ﻭﻻ ﺩﺍﻳﺮ ﺷﻨﻮ ؟
__ ﻭﻫﺎﺩ ﻣﻌﺎﻱ ﺻﺢ ؟
** ﺍﻳﻮﺓ ﺍﻧﺎ ... ﻟﻮ ﺳﻤﺤﺖ ﺍﻧﺎ ﻣﺎ ﺑﻌﻤﻞ ﺷﻐﻞ ﺭﺟﺎﻟﻲ ﻭﻟﻮ . ﻣﺘﺼﻞ ﻋﺸﺎﻥ ﺯﻭﺟﺘﻚ ، ﺧﻠﻴﻬﺎ ﺗﻜﻠﻤﻨﻲ ﻫﻲ ﻟﻮ ﺳﻤﺤﺘﻪ !
__ ‏( ﻱ ﺭﺑﻲ ﻗﺪﺭ ﺷﻦ ﻫﻲ ﺑﺮﻳﺌﺔ ‏) ! ﻻﻻ ﻡ ﻣﺘﺼﻞ ﻋﺸﺎﻥ ﺷﻐﻞ !
** ﻃﻴﺐ ﻳﺎ ﺍﺧﻮﻱ ! ﺍﺗﻔﻀﻞ !
__ ﺩﺍﻳﺮ ﺍﻋﺮﻓﻚ !
** ﻧﻌﻢ !!!!
__ ﻻﻻ ﺍﺳﻒ ﻣﺎ ﻗﺼﺪﻱ ﻭﺍﻟﻠﻪ ، ﺍﺍﻩ ﺑﺲ ﺍﻧﺎ ﻣﺘﻮﺗﺮ ﺷﻮﻳﻪ ﻭ ﺧﺎﻳﻒ ﻣﻦ ﺍﻧﻲ ﻡ ﺍﻗﺪﺭ ﺍﺳﺘﻐﻞ ﺍﻟﻜﻢ ﺩﻗﻴﻘﻪ ﺩﻳﻞ
ﻓﻲ ﺍﻟﻜﻼﻡ ﻣﻌﺎﻛﻲ ﻭ ﺗﻔﻬﻤﻴﻨﻲ ﻏﻠﻂ ﻭ *... ﻗﻔﻠﺖ ﺍﻟﺨﻂ * ﻳﺎ ﺭﺑﻲ ﺍﻧﺎ ﻫﺒﺒﺖ ﺷﻨﻮ ﻭ ﻃﺮﺑﻘﺘﺎ ﺷﻨﻮ ﻳﺎﺥ ﺍﺻﻠﻮ ﻣﺎ ﻣﻌﻘﻮﻝ ﻳﺎ ﺍﻟﻠﻪ ... ﺍﻟﻠﻪ ﻳﺴﺘﺮ ﻣﺎ ﺗﻜﻮﻥ ﺣﻈﺮﺗﻨﻲ !!
ﺷﻠﺖ ﺗﻠﻔﻮﻧﻲ ﻭ ﻣﺸﻴﺖ ﻟﻲ ﺭﺯﺍﻥ ﻓﻲ ﻏﺮﻓﺘﻬﺎ !! ﻓﻀﻠﺘﻨﻲ ﻭ ﺩﺧﻠﺖ ﻭ ﺑﻘﻴﺖ ﻭﺍﻗﻒ ﻟﻴﻬﺎ ﻣﺮﺑﻊ ﻳﺪﻳﻨﻲ !!
ﻗﺎﻟﺖ ﻟﻲ __ : ﻭﺍﻟﻠﻪ ﻳﺎﺥ ﺍﻧﺖ ﺍﻟﻠﻴﻠﻪ ﺍﻣﺮﻙ ﻋﺠﻴﺐ ﻭ ﻏﺮﻳﺐ ﻳﺎ ﻭﻟﻴﺪ ! ﺍﻧﺖ ﻋﺎﺭﻑ ﺍﺧﺮ ﻣﺮﺓ ﺟﻴﺖ ﻏﺮﻓﺘﻲ ﺩﻱ ﻣﺘﻴﻦ ! ؟
** ﺭﺯﺍﻥ ! ﺍﻧﺎ ﺣﺎﻟﻴﺎً ﻓﻲ ﺍﺳﻮﺃ ﺣﺎﻻﺗﻲ ﺍﻟﻤﺰﺍﺟﻴﺔ ! ﻭ ﺟﺪ ﻟﺪﺭﺟﺔ ﺍﻧﺘﻲ ﺯﺍﺗﻚ ﻣﺎ ﺣﺘﺘﺨﻴﻠﻴﻬﺎ !
__ ﻃﻴﺐ !!
** ﺍﻧﺎ ﺩﺍﻳﺮﻙ ﺗﺘﺼﻠﻲ ﺍﻧﺘﻲ ﻭ ﺗﺘﻜﻠﻤﻲ ﻣﻌﺎﻫﺎ !
__ ﻣﻊ ﻣﻨﻮ ﻳﺎ ﻭﻟﻴﺪ ؟؟
** ﻣﻊ ﻭﻫﺎﺩ ﻳﺎ ﺭﺯﺍﻥ !!
__ ﻭﻟﻴﺪ !! ﺍﻧﺖ ﻋﻘﻠﻚ ﺩﺍ ﻓﻴﻬﻮ ﺣﺎﺟﺔ ﻻ ﺳﻤﺢ ﺍﻟﻠﻪ !
** ﺍﻧﺘﻲ ﺑﻨﺖ ﻭ ﺣﺘﺴﻤﻌﻚ ﻣﺎ ﺣﺘﻘﻔﻠﻚ ﻓﻲ ﺍﻟﻜﻼﻡ ﺯﻱ !
__ ﻭﻟﻴﺪ ! ﺩﻱ ﺑﺖ ! ﺍﻟﻠﻪ ﺍﻋﻠﻢ ﺣﻴﺎﺗﻬﺎ ﻛﻴﻒ ! ﺑﺲ ﻛﻞ ﺍﻟﺒﻌﺮﻓﻮ ﺍﻥ ﺍﻟﺰﻭﻝ ﻟﻮ ﻡ ﻣﺤﺘﺎﺝ ﻣﺎ ﺣﻴﺸﺘﻐﻞ ! ﻭﺍﻟﺰﻭﻟﻪ ﺩﻱ ﻭﺍﺿﺢ ﺍﻧﻬﺎ ﺑﺖ ﻧﺎﺱ ﻭ ﺩﺍ ﺭﻗﻤﻬﺎ ﻳﻌﻨﻲ ﻣﺼﺪﺭ ﺭﺯﻗﻬﺎ ! ﻣﻦ ﻓﻀﻠﻚ ﻣﺎ ﺗﻜﺮﻫﺎ ﻓﻲ ﺍﻟﺤﺎﺟﺔ ﺍﻟﻠﻲ ﻫﻲ ﺑﺘﺤﺒﻬﺎ !! ﻭ ﺍﻣﺸﻲ ﻓﻮﻕ ﻟﻨﻔﺴﻚ ! ﻡ ﻣﻌﻘﻮﻝ ﺍﺑﺪﺍ ﺍﻟﻘﺎﻋﺪ ﺗﺴﻮﻱ ﻓﻴﻬﻮ ﺩﺍ !
** ﻻ ﻳﻌﻨﻲ ﺍﻧﺎ ﻣﺎ ﻋﺎﺭﻑ ﻛﻞ ﺍﻟﻜﻼﻡ ﺩﺍ ؟؟ ﻭ ﺑﻌﺪﻳﻦ ﻓﻲ ﺷﻨﻮ ﻣﺤﺴﺴﺎﻧﻲ ﺍﻧﻲ ﻗﺎﻃﻊ ﻣﻮﺿﻮﻉ !
__ ﻡ ﻫﻮ ﻡ ﻣﻨﻄﻖ ﺷﻔﺘﻬﺎ ﺩﻗﻴﻘﺘﻴﻦ ﻭﺍﺗﺸﺮﻳﻜﺖ ﻑ ﺑﺖ ﺍﻟﻨﺎﺱ ، ﺷﻠﺖ ﺍﻟﺮﻗﻢ ﻗﻠﺘﺎ ﺧﻴﺮ ﻛﻤﺎﻥ ﺗﺘﻤﺎﺩﻯ !
** ﺍﺗﻤﺎﺩﻯ !! ﺍﺳﻤﻌﻲ ﻛﺎﻥ ﺑﺘﻌﺮﻓﻲ ﺳﻨﺔ ﺍﻟﻠﻪ ، ﺍﻧﺎ ﺩﺍﻳﺮﻫﺎ ﺑﻲ ﺳﻨﺔ ﺍﻟﻠﻪ ﻭﺭﺳﻮﻟﻪ !
__ ﻻﻻﻻ ﺍﺑﺪﺍً ﻣﺎ ﻃﺒﻴﻌﻲ ! ﺯﻭﻟﺔ ﻟﻤﺤﺘﻬﺎ ﻟُﺤﻴﻈﺎﺕ ! ﻏﻴﺮ ﺍﺳﻤﻬﺎ ﻣﺎ ﺑﺘﻌﺮﻑ ! ﻻ ﺑﺘﻌﺮﻑ ﺃﻫﻠﻬﺎ ﻭﻻ ﺍﺻﻠﻬﺎ ﻭﻻ ﻓﺼﻠﻬﺎ ﻭﻻ ﺗﻌﻠﻴﻤﻬﺎ ﻭﻻ ﺍﺧﻼﻗﻬﺎ ! ﻫﻮ ﺍﻟﺰﻭﺍﺝ ﺩﺍ ﺑﻘﻰ ﺳﺎﻱ ﻛﺪﺍ !!!!
** ﺍﺳﻤﻌﻲ ! ﻏﻠﻄﺎﻥ ﺍﻧﺎ ﻭﺍﻟﻠﻪ ﺍﻟﻠﻲ ﺑﺘﻜﻠﻢ ﻣﻌﺎﻛﻲ ، ﻣﻮﺿﻮﻋﻲ ﻭ ﺑﻌﺮﻑ ﺍﺩﻳﺮﻭ ﻛﻴﻒ !! ‏( ﺑﻌﺪ ﻣﺸﻰ ، ﺟﺎﻫﺎ ﺭﺍﺟﻊ ‏) ﻳﺎﺭﻳﺖ ﺍﻣﻚ ﻣﺎ ﺗﻌﺮﻑ ﺍﻱ ﺣﺎﺟﺔ ﻋﻦ ﺍﻟﻤﻮﺿﻮﻉ ﺩﺍ !!!!
ﺭﺟﻌﺖ ﻏﺮﻓﺘﻲ ﻭﻗﺮﺭﺕ ﺍﻛﺘﺐ ﻟﻴﻬﺎ ﺭﺳﺎﻟﺔ !!
ﺃﻣﺎ ﻓﻲ ﺟﺎﻧﺐ ﺭﻳﻢ _
ﻟﻤﻦ ﺑﻘﻴﺖ ﻣﺼﻤﻤﺔ ﻋﻠﻰ ﺭﺍﻱ ﺍﻧﻲ ﻣﺎ ﻣﺸﺒﻬﻪ ﻋﻠﻰ ﺍﻟﺮﺳﻤﺔ ! ﻭ ﻃﻪ ﻛﺎﻥ ﻣﺼﻤﻢ ﺍﻧﻲ ﻣﺎ ﺑﻌﺮﻓﻬﺎ !! ﻗﺎﻟﻲ :
__ ﺍﺳﻤﻌﻲ ! ﺷﺎﻳﻔﺔ ﻭﻗﺖ ﻃﻔﻮﻟﺔ ﺍﻟﺒﺖ ﺩﻱ ! ﺍﻧﺘﻲ ﻛﻨﺘﻲ ﻓﻲ ﻋﻤﺮﻫﺎ ! ﻳﺒﻘﻰ ﺑﺘﻌﺮﻓﻴﻬﺎ ﻛﻴﻒ !
** ﻃﻴﺐ ﻭﺭﻳﻨﻲ ﺍﺳﻤﻬﺎ ﻣﻨﻮ ؟
— ﺍﺳﻤﻬﺎ ﺣﺒﻴﺒﺘﻲ !!!
** ﺍﺳﻤﻬﺎ ﻳﺎ ﻃﻪ !!!
__ ﻃﻴﺐ ! ﺧﻠﻲ ﺍﻻﺳﻢ ﻋﻠﻰ ﺟﻤﺐ ، ﺍﻧﺎ ﺣﺎ ﺃﺣﻜﻲ ﻟﻴﻜﻲ ﻗﺼﺘﻬﺎ ﺍﻟﻠﻲ ﻭﻋﺪﺗﻚ ﺑﻴﻬﺎ !! ﻭ ﺍﺫﺍ ﺷﻔﺘﻴﻨﻲ ﺩﻣﻌﺘﻪ ﺍﺗﻘﺎﺿﻲ !
** ﻫﻲ ﻣﺎﺗﺖ !!! ؟
__ ﻻﻻ ﺑﻌﺪ ﺍﻟﺸﺮ ﻋﻠﻴﻬﺎ ... ﺍﻫﻪ ، ﻳﻤﻜﻦ ﻣﺎ ﻣﻌﺮﻭﻑ ! ﻓﻜﺮﺓ ﺍﻟﻤﻮﺕ ﻭﺗﺮﺗﻨﻲ ﺷﻮﻳﺔ ! ﻃﻴﺐ ! ﺑﺘﻌﺮﻓﻲ ﺷﻨﻮ ﻋﻦ ﻭﻟﺪ ﺍﻭ ﺑﻨﺖ
ﺍﻟﺤﺮﺍﻡ ؟؟
** ﻳﻌﻨﻲ ! ﺍﻧﻪ ﺍﺗﻮﻟﺪ ﺑﻄﺮﻳﻘﺔ ﻏﻴﺮ ﺷﺮﻋﻴﺔ ﻭﻋﻼﻗﺔ ﻣﺤﺮﻣﺔ !!
__ ﻃﻴﺐ ! ﺣﺎ ﺃﺣﻜﻲ !! ﻛﻨﺎ ﺳﺎﻛﻨﻴﻦ ﻓﻲ ﺣﻠﺔ ﻓﻴﻬﺎ ﺃُﺳﺮﻧﺎ ﻣﺘﺮﺍﺑﻄﺔ ! ﻭﺍﻟﺒﻴﻮﺕ ﺷﺒﻪ ﺍﻧﻬﺎ ﻓﺎﺗﺤﻪ ﻋﻠﻰ ﺑﻌﺾ ! ﻭ ﺃُﺳﺮﺗﻨﺎ ﻛﺎﻧﺖ ﻣﻌﺮﻭﻓﺔ ﻷﻧﻪ ﺩﻛﺎﻥ ﺍﻟﺤﻠﺔ ﺍﻟﻮﺣﻴﺪ ﺍﻟﻠﻲ ﻛﺎﻥ ﻣﻮﺟﻮﺩ ﻫﻮ ﺣﻖ ﺍﺑﻮﻱ ‏( ﻋﻢ ﺟﺎﺑﺮ ‏) ... ﻓﺠﺄﺓ ﺣﺼﻠﺖ ﺿﺠﺔ ﻓﻲ ﺣﻠﺘﻨﺎ ! ﺑﻲ ﻭﻻﺩﺓ ﺑﻨﺖ ﺳﻤﻮﻫﺎ " ﺑﺖ ﺣﺮﺍﻡ " ﺑﺤﻜﻢ ﺻﻐﺮ ﺳﻨﻲ ﻡ ﻛﻨﺖ ﻓﺎﻫﻢ ﻳﻌﻨﻲ ﺷﻨﻮ ﺑﻨﺖ ﺣﺮﺍﻡ ، ﻟﻤﻦ ﻭﺻﻠﺖ ﺛﺎﻧﻴﺔ ﺛﺎﻧﻮﻱ ﺍﻧﺎ ﺍﺳﺘﻮﻋﺒﺖ !! ﻋﺮﻓﺖ ﻗﺪﺭ ﺷﻨﻮ ﺍﻟﺒﻨﻲ ﺁﺩﻡ ﺩﺍ ﺑﻈﻠﻢ ، ﺍﻟﻤﻬﻢ ﺍﺗﻮﻟﺪﺕ ﻓﻲ ﻭﺍﺣﺪ ﻣﻦ ﺍﻟﺒﻴﻮﺕ ﺍﻟﻠﻲ ﻣﻌﺮﻭﻓﻪ ﺑﺎﻟﻈﺎﺭ ﻭ ﺍﻟﻨﻮﻉ ﺩﺍ ﻣﻦ ﺍﻟﻠﻤﺎﺕ ﺣﻘﺖ ﺍﻟﺤﺮﻳﻢ !! ﺍﻟﺒﺖ ﺩﻱ ، ﻭﻟﺪﺗﻬﺎ ﻭﺍﺣﺪﺓ ﻣﻦ ﺍﻟﺒﻨﺎﺕ ﺍﻟﻠﻲ ﺟﻮ ﻳﻘﺮﻭ ، ﻭ ﻟﻤﻦ ﺣﻤﻠﺖ ﻣﺴﻜﺘﻬﺎ ﺳﺖ ﺍﻟﺒﻴﺖ ﺍﻟﻠﻲ ﺑﻴﺘﻌﻤﻞ ﻓﻴﻬﻮ ﺍﻟﻈﺎﺭ ﻭ ﺍﻗﻨﻌﺘﻬﺎ ﺑﻲ ﺍﻧﻪ ﻋﺎﻳﺰﺓ ﺍﻟﺠﻨﻰ ﺩﺍ ﻷﻧﻬﺎ ﻋﺎﻗﺮ ﻭ ﺣﺴﺐ ﺍﻗﻮﺍﻝ ﺍﺧﺮﻯ ﺍﻧﻬﺎ ﻛﺎﻧﺖ ﺍﻟﺴﺒﺐ ﻓﻲ ﺣﻤﻞ ﺍﻟﺒﻨﺖ ﺩﻱ ﻭ ﺍﻟﻠﻪ ﺍﻋﻠﻢ !!
ﺍﻟﻤﻬﻢ ‏( ﺣﻜﻰ ﻟﻴﻬﺎ ﺍﻟﻘﺼﺔ ﺑﺎﻟﺘﻔﺎﺻﻴﻞ ‏) ﻛﻨﺖ ﺷﺎﻫﺪ ﺗﻨﻤﺮ ﻭﺍﻫﺎﻧﺔ ﻭﺳﺐ ﻭﺿﺮﺏ ﻟﻠﺒﻨﺖ ﺩﻱ ﻣﻦ ﺍﻷﻃﻔﺎﻝ ! ﻟﺤﺪ ﻣﺎ ﺍﻧﺘﻬﻰ ﺑﻴﻬﺎ ﺍﻟﻤﻄﺎﻑ ﻓﻲ ﺑﻴﺘﻨﺎ ﻟﻤﺪﺓ ﻟﻴﻠﺔ ﻭﺍﺣﺪﺓ ! ﻓﺮﺣﺖ ﺑﻴﻬﺎ ﻭ ﺣﺘﻰ ﺍﻣﻲ ﻭﺍﺑﻮﻱ ﻛﺎﻧﻮ ﺣﺎﺑﻴﻨﻬﺎ ﻻﻧﻬﻢ ﻋﺎﺭﻓﻴﻦ ﻗﺼﺘﻬﺎ ﻭ ﺍﺑﻮﻱ ﻛﺎﻥ ﻧﻔﺴﻮ ﻳﺮﺑﻴﻬﺎ ﻣﻌﺎﻧﺎ ﺑﺲ ﺍﻧﺤﻨﺎ ﺧﻤﺴﺔ ﺍﺧﻮﺍﻥ ﻳﺎﺩﺍﺏ ﻳﻘﺪﺭ ﻳﻄﻠﻊ ﺣﻖ ﻣﺼﺎﺭﻳﻔﻨﺎ ﻣﻦ ﺍﻟﺪﻛﺎﻥ ﻡ ﻛﺎﻥ ﻗﺪﺭ ﺣﻤﻞ ﺇﺿﺎﻓﻲ ! ﻟﻤﻦ ﺟﺎ ﻭﺍﺣﺪ ﺷﺎﻟﻬﺎ ... ﻭ ﺩﻳﻚ ﻛﺎﻧﺖ ﺍﺧﺮ ﻣﺮﺓ ﺷﻔﺘﻬﺎ ﻓﻴﻬﺎ ! ﻭ ﺑﻌﺪﻫﺎ ﺭﺣﻠﻨﺎ ﻣﻦ ﺍﻟﺤﻠﺔ ﻭﺍﻟﺤﻴﺎﺓ ﻳﺎﻫﺎ ﻣﺎﺷﺔ !!
ﻛﻞ ﻳﻮﻡ ﺑﻔﻜﺮ ﻫﻲ ﻛﻴﻒ ! ﻋﺎﻳﺸﻪ ﻛﻴﻒ ﻭ ﻭﻳﻦ ؟ ﻣﺮﺗﺎﺣﺔ ﻭﺿﺎﻳﻘﻪ ﺑﻴﻬﺎ ﺍﺍﺍﺍﺍﺍﺍﺍﻩ ﻳﺎ ﻣﺮﻳﻢ ﺍﺍﺍﺍﺍﺥ !!
ﺍﺗﻈﻠﻤﺖ ﻛﺘﻴﺮﺭﺭﺭﺭ ﻭ ﺍﺗﺤﻤﻠﺖ ﺫﻧﺐ ﻣﺎ ﺫﻧﺒﻬﺎ !! ﻋﺎﺭﻓﻪ ﻳﺎ ﺭﻳﻢ ﻛﻞ ﺍﻟﺼﻮﺭ ﺍﻟﻠﻲ ﺭﺳﻤﺘﻬﺎ ﻟﻴﻬﺎ ﻛﻨﺖ ﺑﺮﺳﻤﻬﺎ ﻭﻫﻲ ﻣﺒﺘﺴﻤﺔ ﺭﻏﻢ ﺍﻧﻲ ﻭﻻ ﻣﺮﺓ ﺷﻔﺘﻬﺎ ﻣﺒﺘﺴﻤﺔ ﺑﺲ ﻛﻨﺖ ﺑﻌﻤﻞ ﻛﺪﺍ ﻟﻲ ﺣﺎﺟﺔ ﺟﻮﺍ ﻧﻔﺴﻲ ﺍﺗﻤﻨﻴﺘﻬﺎ !!
** ﻳﻌﻨﻲ ﺩﻱ ﺍﺳﻤﻬﺎ ﻣﺮﻳﻢ !!!! ﻃﻴﺐ ﻳﺎ ﻃﻪ ﻳﻌﻨﻲ ﻣﺎ ﻋﺎﺭﻓﻪ ﺍﻗﻮﻟﻴﻚ ﺷﻨﻮ ﺑﺠﺪ ﺑﺲ ﻡ ﺑﻘﺪﺭ ﺍﻗﻮﻟﻴﻚ ﺍﻥ ﺍﻟﺤﻴﺎﺓ ﺩﻱ ﻗﺎﺳﻴﻪ ﻻﻧﻪ ﺍﻟﺤﻴﺎﺓ ﻣﺎ ﻗﺎﺳﻴﺔ ﻗﺎﺳﻴﻦ ﺍﻟﻨﺎﺱ ﺍﻟﺒﺘﻈﻠﻢ !! ﻛﻨﺖ ﻓﺎﻛﺮﺓ ﺍﻧﻲ ﺍﻛﺘﺮ ﻭﺍﺣﺪﺓ ﺯﻋﻼﻧﻪ ﻋﻠﻰ ﻧﻔﺴﻲ ﻭﻋﻠﻰ ﺣﻈﻲ ﻓﻲ ﺍﻟﺪﻧﻴﺎ !! ﺍﺍﺍﻩ ﺑﺲ ، ﺗﺼﺪﻕ !
ﺍﻧﺎ ﺍﺗﻤﻨﻴﺖ ﺍﻻﻗﻴﻬﺎ ﺍﻛﺘﺮ ﻣﻨﻚ ، ﻭ ﻣﺘﻤﻨﻴﺔ ﻟﻮ ﺍﺷﻔﻬﺎ ! ﺣﺎﺳﺎﻫﺎ ﺑﺘﺸﺒﻬﻨﻲ ﺣﺎﺳﺎﻫﺎ ﺣﺘﻔﻬﻤﻨﻲ ﻭ *.. ﻗﺎﻃﻌﻬﺎ *
__ ﻛﻴﻒ ﻳﻌﻨﻲ ﺑﺘﺸﺒﻬﻚ ! ؟ ! ﻭ ﺣﺘﻔﻬﻤﻚ !! ﺭﻳﻢ ﺩﻱ ﻓﻲ ﻋﺎﻟﻢ ﻭ ﺍﻧﺘﻲ ﻓﻲ ﻋﺎﻟﻢ ﺗﺎﻧﻲ ﺧﺎﻟﺺ ! ﻣﺎﺷﺎﺀﺍﻟﻠﻪ ﺍﻧﺘﻲ ﺍﻧﺴﺎﻧﺔ ﻧﺠﺤﺘﻲ ﻓﻲ ﺣﻴﺎﺗﻚ ﻭ ﻋﻨﺪﻙ ﺍﺳﺮﺓ ﻭ ﻣﺒﺴﻮﻃﻪ !
** ﻫﻬﻬﻬﻬﻬﻬﻪ ﻃﻪ ! ﻣﺎ ﻋﻬﺪﺗﻚ ﺍﻧﺴﺎﻥ ﺳﻄﺤﻰ ﺑﺎﻟﻄﺮﻳﻘﺔ ﺩﻱ ! ﺍﻟﻤﻬﻢ ﻳﺎ ﺻﺪﻳﻘﻲ ! ﺍﺗﻤﻨﻰ ﺗﻼﻗﻲ ﻣﺮﻳﻤﻚ ﻓﻲ ﻳﻮﻡ ﻣﻦ ﺍﻻﻳﺎﻡ !
ﺍﻧﺎ ﺍﺗﺄﺧﺮﺗﺎ ﻋﻠﻰ ﺍﻟﺒﻴﺖ ﺑﻌﺪ ﺩﺍ ﻻﺯﻡ ﺍﻣﺸﻲ ‏( ﻭ ﺍﻧﺎ ﺑﻘﻮﻡ ﻣﻦ ﺍﻟﻜﺮﺳﻲ ‏) ﻭ ﻡ ﺗﻨﺴﻰ ﺗﻄﻤﻨﻲ ﻋﻠﻰ ﻭﺍﻟﺪﺗﻚ .... ﻭ ﻃﻠﻌﺘﻪ
ﻓﺠﺄﺓ ﻭﻗﻒ ﻣﺴﺘﻐﺮﺏ ﻭ ﻗﺎﻟﻲ ! ﻭﺍﻟﺪﺗﻚ !!! ﺭﺭﺭﺭﻳﻢ ﺩﻗﻴﻘﻪ !! ﻳﺎﺭﻳﻢ ! ﺍﻗﻴﻔﻲ ! . ﻛﻨﺖ ﺳﺎﻣﻌﺎﻫﻮ ﻭﺍﺗﻌﻤﺪﺕ ﺍﻃﻨﺸﻮ ﻭ ﺭﻛﺒﺖ ﻋﺮﺑﻴﺘﻲ ﻭ ﻫﻮ ﻣﺤﺼﻠﻨﻲ !! ﺣﺎﻭﻝ ﻳﺨﺒﻂ ﻟﻲ ﺷﺒﺎﻙ ﺍﻟﻌﺮﺑﻴﺔ ﺑﺲ ﺍﻧﺎ ﺍﺗﺤﺮﻛﺘﻪ ﻭ ﻣﺸﻴﺖ !!
ﻻﻧﻲ ﻛﻨﺖ ﻋﺎﺭﻓﺎﻫﻮ ﻋﺎﻳﺰ ﻳﻘﻮﻝ ﺷﻨﻮ ﻓﺎ ﻡ ﺣﺒﻴﺖ ﺍﺩﻳﻬﻮ ﻣﺠﺎﻝ ﺣﺎﻟﻴﺎً .... ﻭ ﺭﺟﻌﺖ ﺍﻟﺒﻴﺖ !
ﻛﺎﻧﺖ ﻓﻲ ﻣﻜﺎﻟﻤﺔ ﻫﺎﺗﻔﻴﺔ ﺑﻴﻦ ﺻﻼﺡ ﺍﻟﺪﻳﻦ ﻭ ﻓﺎﻃﻤﺔ -
ﺻﻼﺡ : ﺍﻧﺘﻲ ﻣﻌﺼﺒﺔ ﻣﺎﻟﻚ ﺍﺳﻲ ؟
ﻓﺎﻃﻤﺔ : ﻋﺸﺎﻥ ﺑﺎﻟﺠﺪ ﺯﻫﺠﺘﻪ ﻳﺎ ﺻﻼﺡ ! ﺍﺳﻲ ﻭﺭﻳﻨﻲ
ﺣﺘﺮﺟﻊ ﺍﻟﺴﻮﺩﺍﻥ ﻣﺘﻴﻦ ؟
__ ﺍﻧﺘﻲ ﻋﺎﻳﺰﺍﻧﻲ ﺍﺭﺟﻊ ﻣﺘﻴﻦ ؟
** ﺍﻧﺖ ﻣﺎﻟﻚ ﺑﺎﺭﺩ ﻛﺪﺍ ﻳﺎ ﺻﻼﺡ ! ﺍﻧﺎ ﻭﺍﻟﻠﻪ ﻓﺎﺽ ﺑﻲ ﺷﺪﻳﺪ ﻭ ﻻﺯﻡ ﺗﺸﻮﻑ ﺣﻞ ﻟﻠﻤﻮﺿﻮﻉ ﺩﺍ ! ﻣﺎ ﻣﻤﻜﻦ ﺍﻟﻤﻮﺿﻮﻉ ﺩﺍ ﻭﺍﻗﻒ ﻟﻴﻨﺎ ﻋﻘﺒﺔ ﻓﻲ ﺣﻴﺎﺗﻨﺎ !
__ ﻃﻴﺐ ﺍﻧﺎ ﻟﻤﻦ ﺍﺟﻲ ﺣﺄ ﺣﻞ ﻛﻞ ﺣﺎﺟﺔ ﻣﻤﻜﻦ ﺗﺮﻭﻗﻲ !
** ﻳﻌﻨﻲ ﻫﻮ ﺍﻧﺖ ﻓﺎﺿﻲ ﻟﻴﻨﺎ ﻣﻦ ﺳﻔﺮ ﻛﻞ ﺷﻮﻳﺔ ﻭ ﺍﻟﺘﺎﻧﻴﺔ ﻭ ﻛﺎﻥ ﺟﻴﺖ ﺑﺘﺠﻲ ﺗﻘﻌﺪ ﻣﻌﺎﻧﺎ ﻳﻮﻣﻴﻦ ﻭ ﺍﺗﻔﺎﺟﺄ ﺑﻴﻚ ﻗﻄﻌﺖ ﺗﺬﻛﺮتك ﻭ ﻣﺴﺎﻓﺮ !
__ ﻳﺎ ﺍﻟﻠﻪ ﻳﺎ ﻓﺎﻃﻤﺔ ﻋﻠﻴﻚ ﺍﻟﻠﻪ ﻣﺎ ﺗﻨﻘﻲ ! ﺍﻧﺎ ﺑﻠﻌﺐ ﻓﻲ ﻣﺼﺮ ﺩﻱ ﻳﻌﻨﻲ ! ؟ ﻣﺎ ﻛﻤﺎﻥ ﺩﺍ ﺷﻐﻠﻲ !
** ﺷﻐﻠﻚ ! ﻳﻌﻨﻲ ﺷﻐﻠﻚ ﺍﻧﺖ ﺧﻼﺹ ﻣﺤﺘﺎﺝ ﻟﻴﻬﻮ ﻓﻲ ﻭﺟﻮﺩ ﺭﻳﻢ !!
__ ﻓﺎﻃﻤﺔ ... ﻣﻊ ﺍﻟﺴﻼﻣﺔ *.. ﻗﻔﻞ ﺍﻟﺨﻂ *
*ﺍﻣﺎ ﻓﻲ ﺟﺎﻧﺐ ﻭﻫﺎﺩ -*
ﺑﻌﺪ ﺍﻟﻤﻜﺎﻟﻤﺔ ﺍﻟﻐﺮﺑﻴﻪ ﺍﻟﻠﻲ ﺟﺎﺗﻨﻲ ﺩﻱ ، ﺻﺮﺍﺣﻪ ﻣﺎ ﺍﺩﻳﺘﺎ ﺍﻫﺘﻤﺎﻡ ﺷﺪﻳﺪ ﺑﺲ ﻛﻞ ﺍﻟﺨﻄﺮ ﻓﻲ ﺑﺎﻟﻲ ﺍﻧﻪ ﺣﻴﻜﻮﻥ ﺭﺍﺟﻞ ﻣﺎ ﻋﻨﺪﻩ ﺍﺧﻼﻕ ﺑﻬﺒﺶ ﻓﻲ ﺗﻠﻔﻮﻥ ﻣﺮﺗﻮ ﻭﻻ ﺍﺧﺘﻮ ﻭ ﺷﺎﻝ ﺭﻗﻤﻲ ، ﺍﻭ ﻳﻜﻮﻥ ﻟﻘﻰ ﺭﻗﻤﻲ ﻓﻲ ﻗﺮﻭﺏ ﻭﻻ ﺣﺎﺟﺔ ﺍﻟﻠﻪ ﺍﻋﻠﻢ .. ﺩﺧﻠﺖ ﻛﻴﻜﺘﻲ ﺍﻟﻔﺮﻥ ﻭ ﻏﺴﻠﺖ ﺣﺎﺟﺎﺗﻲ ﻭ ﺷﻠﺖ ﺗﻠﻔﻮﻧﻲ ﻭ ﻃﻠﻌﺖ ﻣﻦ ﺍﻟﻤﻄﺒﺦ !
ﻣﺸﻴﺖ ﺍﻟﺼﺎﻟﻮﻥ ﻟﻘﻴﺖ ﺍﻣﻲ ﻭ ﻃﺎﺭﻕ ﺑﺘﻔﺮﺟﻮ ﻋﻠﻰ ﺍﻟﺘﻠﻔﺰﻳﻮﻥ ، ﺟﻴﺖ ﻗﻌﺪﺕ ﺟﻤﺒﻬﻢ ﻭ ﻛﺎﻟﻌﺎﺩﺓ ﺷﺎﺭﺩﺓ ، ﻓﺠﺎﺓ ﻃﺎﺭﻕ ﻗﺎﻝ ﻟﻲ : ﺍﻫﺎ ﻭﻳﻨﺎ ؟
ﻗﻠﺖ ﻟﻴﻬﻮ ﺍﻟﺸﻨﻮ ﺩﻱ !! ؟ ﻗﺎﻟﻲ ﻛﻴﻜﺘﻲ ﻳﺎﺥ !!
ﻗﻠﺖ ﻟﻴﻬﻮ ﺍﺟﻴﺒﺎ ﻟﻴﻚ ﻧﻴﺔ ﻛﻴﻜﺘﻚ ﺩﻱ ، ﻣﺶ ﻻﺯﻡ ﺗﺪﺧﻞ ﻓﺮﻥ ﻭﺗﺎﺧﺪ ﻭﻗﺘﻬﺎ .. ﻋﺎﻳﻦ ﻟﻲ ﻭ ﺿﺤﻚ !! ﻓﺠﺎﺓ ﺗﻠﻔﻮﻧﻲ ﻧﻮﺭ ﺑﻲ * ﺗﻢ ﺍﺳﺘﻼﻡ ﺭﺳﺎﻟﺔ *
! ﻓﺘﺤﺘﻬﺎ !! ﻭ ﻛﺎﻥ ﻣﺤﺘﻮﺍﻫﺎ } : ﺍﻧﺘﻲ ﻣﺎ ﺣﺘﻌﺮﻓﻲ ﺍﻧﺎ ﻛﺘﺒﺖ ﻗﺪﺭ ﺷﻨﻮ ﻭ ﺣﺬﻓﺖ ﻗﺪﺭ ﺷﻨﻮ ﻭ ﺍﻧﺮﺩﺩﺕ ﻗﺪﺭ ﺷﻨﻮ ﻋﺸﺎﻥ ﺍﺻﻴﻎ ﻛﻼﻣﻲ ﺩﺍ ﺑﻄﺮﻳﻘﺔ ﺗﻨﺎﺳﺒﻚ ! ﻛﻞ ﺣﺎﺟﺔ ﻣﻤﻜﻦ ﺗﺼﻠﻚ ﻣﻨﻲ ﻛﻨﺖ ﺑﻌﺘﺒﺮﻫﺎ ﻓﺮﺻﺔ ﺍﺧﻴﺮﺓ ﻟﻲ ! ﺣﺎﻭﻟﺖ ﻭ ﺑﺤﺎﻭﻝ ﻗﺪﺭﺗﻲ ﺍﻧﻮ ﻣﺎ ﻳﻮﺻﻠﻚ ﺍﺣﺴﺎﺱ ﻋﻨﻲ ﺍﻧﻲ ﺍﻧﺴﺎﻥ ﻓﺎﺭﻍ ﺍﻭ ﺑﺸﺎﻏﻞ ! ﻛﻞ ﺍﻟﺪﺍﻳﺮﻭ ﻣﻨﻚ ﻓﺮﺻﺔ ﻭﺣﺪﺓ ﺑﺲ !! ﺗﺴﻤﻌﻴﻨﻲ ﻓﻴﻬﺎ !! ﻣﻤﻜﻦ ! ﺍﻧﺎ ﻭﻟﻴﺪ {
ﺷﻠﺖ ﺗﻠﻔﻮﻧﻲ ﻭ ﺩﺧﻠﺖ ﻏﺮﻓﺘﻲ ! ﻻﻥ ﺍﻟﻀﻴﻖ ﺍﻟﻠﻲ ﺳﺒﺒﺘﻮ ﻟﻲ ﺍﻟﺮﺳﺎﻟﺔ ﺩﻱ ﻣﺎ ﺣﺘﺘﺨﻴﻠﻮﻫﻮ ﻗﺪﺭ ﻛﻴﻒ ! ﺑﺲ ﺑﻘﻴﺖ ﻗﺎﻋﺪﺓ ﻓﻲ ﻏﺮﻓﺘﻲ ، ﻃﻠﻌﺖ ﺷﻔﺘﺎ ﺍﻟﻜﻴﻜﺔ ﻭ ﺟﻴﺖ ﺭﻗﺪﺗﺎ ! ﺍﻭﻝ ﻣﺮﺓ ﻛﻨﺖ ﺍﻧﻮﻡ ﻛﺪﺍ ﻣﻦ ﻏﻴﺮ ﺍﻱ ﻣﻘﺪﻣﺎﺕ !
ﻣﺎ ﺻﺤﻴﺖ ﺍﻻ ﺍﻟﺼﺒﺎﺡ ﺑﻲ ﺻﻮﺕ ﻓﺘﺤﺖ ﺍﻣﻲ ﻟﻲ ﺑﺎﺏ ﻏﺮﻓﺘﻲ .... ﺭﻓﻌﺖ ﺭﺍﺳﻲ ﻋﺎﻳﻨﺖ ﻟﻴﻬﺎ .. ﻗﺎﻟﺖ ﻟﻲ :
__ ﺍﻧﺘﻲ ﻛﻮﻳﺴﻪ !! ‏( ﺟﺎﺕ ﺑﻘﺖ ﺗﺘﺤﺴﺲ ﺣﺮﺍﺭﺗﻲ ‏)
** ‏( ﻗﻤﺖ ﻗﻌﺪﺗﻪ ‏) ﻛﻮﻳﺴﻪ ﺣﻤﺪﻟﻠﻪ ! ﺍﻧﺎ ﺷﻜﻠﻲ ﻧﺴﻴﺖ ﺍﻟﻜﻴﻜﺔ ﻓﻲ ﺍﻟﻔﺮﻥ ﻣﺎ ﺑﻌﺮﻑ ﻧﻤﺘﻪ ﻛﺪﺍ ﻛﻴﻒ ! ﻭ ﻡ ﺻﻠﻴﺖ ﺍﻟﻌﺸﺎﺀ ﻛﻤﺎﻥ !
__ ﻱ ﺑﺘﻲ ! ﻛﻴﻜﺔ ﺷﻨﻮ ﻭﻋﺸﺎ ﺷﻨﻮ ! ﺍﻟﺴﺎﻋﻪ 11 ﻭﺣﺎﺟﺔ ﻗﺒﻞ ﺍﻟﻈﻬﺮ ! ﻭﻛﻴﻜﺘﻚ ﺩﻱ ﻃﻔﻴﺘﻴﻬﺎ ﻣﻦ ﺑﻠﻴﻞ ﻭ ﻃﺎﺭﻕ ﻣﺎ ﺧﻼ ﻓﻴﻬﺎ ﺷﻲ ..
** ﻣﻌﻘﻮﻝ ! ﺍﻧﺎ ﻧﻤﺖ ﻛﻞ ﺩﺍ ﻛﻴﻒ !! ﻳﺎ ﺍﻟﻠﻪ ! ﻛﻤﺎﻥ ﻋﻨﺪﻱ ﻣﺸﻮﺍﺭ ﻟﺤﺪ ﺍﻟﺴﻮﻕ ﻧﺎﻗﺼﺎﻧﻲ ﺧﺎﻣﺎﺕ !
__ ﻗﻮﻣﻲ ﻃﻴﺐ ﺍﺷﺮﺑﻲ ﺍﻟﺸﺎﻱ ﻭ ﺍﻓﻄﺮﻱ ﻭ ﺑﻌﺪﻳﻦ ﺍﻧﺰﻟﻲ ! ﻭ ﺍﺑﻮ ﻫﻨﺎﺀ ﻣﺎ ﻭﺭﻳﺘﻴﻨﻲ ﺣﻮﻟﺘﻲ ﻟﻴﻬﻮ ﻗﺮﻭﺷﻮ ﺩﻱ ﻭﻻ ﻛﻴﻒ ؟
** ﻟﺴﻪ ﻭﺍﻟﻠﻪ ﻣﺎ ﻋﺎﺭﻓﻪ ﺍﺗﻤﺎﻃﻠﺖ ﻛﺪﺍ ﻛﻴﻒ ! ﺣﺎﺣﻮﻟﻬﺎ ﺍﺳﻲ ﻣﻌﺎﻱ .... ﻗﻤﺘﻪ ﺑﻌﺪﻫﺎ ﻓﻄﺮﺕ ﻭ ﻃﻠﻌﺘﻪ !! ﻣﺸﻴﺖ ﻋﻠﻰ ﺍﻟﺴﻮﻕ ! ﻭﺍﻧﺎ ﻓﻲ ﺍﻟﺒﺺ !! ﺍﺗﺼﻞ ﻋﻠﻲ ﻧﻔﺲ ﺍﻟﺮﻗﻢ ! ﺧﻼﻧﻲ ﻓﻲ ﺣﻴﺮﺓ ﻏﺮﻳﺒﻪ ! ﺍﺗﺼﻞ ﻣﺮﺓ ﻭﺍﺗﻨﻴﻦ ﻭﺗﻼﺗﻪ ﻟﻤﻦ ﺭﺩﻳﺖ ﻟﻴﻬﻮ :
** ﺍﻟﺴﻼﻡ ﻋﻠﻴﻜﻢ .. ﻳﺎ ﺍﺧﻮﻱ ﻓﻀﻼ ﻓﻀﻼً ﻣﺎ ﺗﺘﺼﻞ ﻋﻠﻲ ﻣﺎ ﺗﻀﺎﻳﻘﺎﻧﻲ ﻻﻧﻲ ﻣﺎ ﻧﺎﻗﺼﺎﻙ !
__ ﻭ ﻋﻠﻴﻜﻢ ﺍﻟﺴﻼﻡ ، ﺍﻧﺎ ﺯﻱ ﻣﺎ ﻓﺮﺣﺘﻚ ﻣﺴﺘﺤﻴﻞ ﺍﺿﺎﻳﻘﻚ ! ﻣﻦ ﻏﻴﺮ ﻡ ﻧﺘﻜﻠﻢ ﻛﺘﻴﺮ ! ﺍﺳﻤﻌﻴﻨﻲ ﻣﻤﻜﻦ !
** ﺍﺳﻤﻌﻚ ﻓﻲ ﺷﻨﻮ ؟ ﻳﺎ ﺍﺳﺘﺎﺫ ﺩﺍ ﺭﻗﻢ ﺷﻐﻞ ﻣﻦ ﻓﻀﻠﻚ !
__ ﻭﻫﺎﺩ ﻭﺍﻟﻠﻪ ﺍﻧﺎ ﺩﺍﻳﺮﺍﻙ ﺍﻗﺴﻤﻠﻚ ﺑﺎﻟﻠﻪ ﻣﺎ ﺍﺗﻤﻨﻴﺖ ﺷﻲ ﻓﻲ ﺣﻴﺎﺗﻲ ﻗﺪﺭ ﻣﺎ ﺍﺗﻤﻨﻴﺘﻚ ! ﻭﺣﺎﺓ ﺍﻟﻤﻮﻟﻰ ! ﻭ ﺣﺄﺻﻠﻲ ﻋﺸﺎﻥ ﺭﺑﻨﺎ ﻳﺤﻘﻖ ﻟﻲ ﺍﻣﻨﻴﺘﻲ ﻭ ﺣﺄﺩﻋﻲ ﺍﻧﻲ ﺍﻟﻘﻰ ﻓﺮﺻﻪ ﺍﺛﺒﺖ ﻟﻴﻜﻲ ﻧﻔﺴﻲ ! ﺍﺭﺟﻮﻛﻲ ﻣﺎ ﺗﻘﻔﻠﻴﻬﺎ ﻓﻲ ﻭﺷﻲ ﻋﺸﺎﻥ ﺧﺎﻃﺮ ﺍﻏﻼ ﺣﺎﺟﺔ ﻋﻨﺪﻙ ﻓﻲ ﺍﻟﺪﻧﻴﺎ ﺩﻱ ! ﻓﺮﺻﻪ ﻭﺣﺪﺓ ﻣﻦ ﻓﻀﻠﻚ !
** ﺍﺳﻤﻌﻨﻲ ﺍﻧﺖ ! ﺑﻐﺾ ﺍﻟﻨﻈﺮ ﻋﻦ ﻛﻼﻣﻚ ﺩﺍ ﻛﻠﻮ ! ﻧﺼﻴﺤﻪ ﺍﺳﻤﻌﺎ ﻣﻨﻲ ! ﺍﻟﺪﻧﻴﺎ ﺩﻱ ﻣﺎﻓﻴﻬﺎ ﻣﺤﻨﺔ ! ﻭ ﻣﺎ ﺗﻌﻠﻖ ﺭﻭﺣﻚ
ﻭﻧﻔﺴﻚ ﻓﻲ ﺑﻨﻲ ﺍﺩﻡ ﺯﻳﻚ ﻋﺸﺎﻥ ﺣﺘﺘﻌﺐ ، ﻟﻮ ﺑﺘﻔﺘﺶ ﻟﻠﺤﺐ ﻓﺎ ﻣﺎ ﺣﺘﻠﻘﺎﻫﻮ ﺍﻻ ﻣﻦ ﺍﻣﻚ ﻭ ﺍﺑﻮﻙ ! ﻭ ﺍﺫﺍ ﻫﻢ ﺑﺨﻴﺮ ! ﺍﻧﺖ ﻓﻲ ﻧﻌﻤﺔ ﻣﺎ ﺑﺘﻘﺪﺭ ﺑﻲ ﻣﻘﺘﻨﻴﺎﺕ ﺍﻟﺪﻧﻴﺎ ﺩﻱ ﻛﻠﻬﺎ ، ﺍﺗﺼﺎﻟﻚ ﺑﻲ ﺩﺍ ﻏﻠﻂ ﻭ ﻏﻠﻂ ﻛﺒﻴﺮ ﻭ ﺍﻟﺪﺍﻳﺮﻭ ﺩﺍ ﺍﻧﺖ ﻗﺎﻋﺪ ﺗﻔﺘﺶ ﻟﻴﻬﻮ ﻋﻨﺪ ﺍﻻﻧﺴﺎﻧﺔ ﺍﻟﻐﻠﻂ ! ﻭ ﻓﻲ ﺍﻟﻤﻜﺎﻥ ﺍﻟﻐﻠﻂ ‏( ﻛﻼﻣﻲ ﺩﺍ ﻡ ﻋﺎﺭﻓﻪ ﻗﻠﺘﻮ ﻟﻴﻬﻮ ﺑﺲ ﻻﻥ ﻛﻼﻣﻮ ﺩﺍ ﻧﻔﻰ ﻓﻜﺮﺗﻲ ﺍﻻﻭﻟﻰ ﻋﻦ ﺍﻧﻪ ﺑﻴﺸﺎﻏﻞ ﺍﻭ ﺷﺎﻳﻞ ﺭﻗﻤﻲ ﻣﻦ ﺣﺘﺔ ، ﺣﺴﻴﺖ ﺑﻲ ﺍﻟﺮﻏﺒﺔ ﻭﺍﻟﻤﺼﺪﺍﻗﻴﺔ ﻓﻲ ﻛﻼﻣﻮ ﻭ ﺣﻠﻔﺎﻧﻮ ﺑﺲ ﺩﺍ ﻣﺎ ﺑﻴﻨﻔﻲ ﺍﻥ ﻣﺎ ﻋﻨﺪﻱ ﺛﻘﺔ ﻓﻲ ﺯﻭﻝ ‏) ﺣﺄﻗﻔﻞ ﺑﻌﺪ ﺍﺫﻧﻚ ﻭ ﺍﺗﻤﻨﻰ ﻡ ﺍﺭﺟﻊ ﻭ ﺍﺷﻮﻑ ﺭﻗﻤﻚ ﻋﻨﺪﻱ ﺗﺎﻧﻲ !!
__ ﻻ ﺩﻗﻴﻘﺔ .. ﺩﻗﻴﻘﺔ ﻣﻦ ﻓﻀﻠﻚ ! ﻣﺎ ﺗﻘﻔﻠﻲ ! ﺯﻱ ﻣﺎ ﺳﻤﻌﺘﻚ ﺍﺳﻤﻌﻴﻨﻲ ! ﺍﻧﺎ ﻓﻲ ﺍﻟﻤﻜﺎﻥ ﺍﻟﺼﺢ ﻭﺍﻧﺘﻲ ﺍﻻﻧﺴﺎﻧﻪ ﺍﻟﺼﺢ ! ﻭ ﻣﺎ ﺣﺄﺗﺮﺍﺟﻊ ! ﻭ ﻋﺸﺎﻥ ﻋﻤﺮﻱ ﻣﺎ ﺍﺗﻤﻨﻴﺖ ﺣﺎﺟﺔ ﻣﻦ ﺍﻟﻠﻪ ﻗﺪﺭ ﻣﺎ ﺍﺗﻤﻨﻴﺘﻚ ﺩﺍ ﺍﻛﺒﺮ ﺩﻟﻴﻞ ﻋﻠﻰ ﺍﻧﻲ ﺻﺢ ، ﻭ ﻣﺎ ﺩﺍﻳﺮ ﻏﻴﺮﻙ !
** ﻭﺍﺿﺢ ﺍﻧﻚ ﻋﻨﻴﺪ ﺑﺲ ﻋﻨﻴﺪ ﻓﻲ ﺍﻟﺤﺎﺟﺔ ﺍﻟﻐﻠﻂ ﻭ ﺭﻛﻮﺏ ﺍﻟﺮﺍﺱ ﺩﺍ ﻭﻓﺮﻭ ﻟﻲ ﺍﻧﻚ ﺗﺘﻤﻴﺰ ﻓﻲ ﻣﺴﺘﻘﺒﻠﻚ ﻭ ﺗﻌﻤﻞ ﺣﺎﺟﺔ ﺗﻔﻨﻌﻚ ﻟﻲ ﻗﺪﺍﻡ ! ﻻﻧﻪ ﻣﺎ ﺣﻴﻔﻴﺪﻙ ﻣﻌﺎﻱ ﻫﻨﺎ !!
__ ﺍﺳﻤﻌﻲ ﺍﻧﺎ ﺑﻄﻠﺖ ﻣﺎ ﺩﺍﻳﺮ ﺍﺗﻜﻠﻢ ﻣﻌﺎﻛﻲ ﺯﺍﺗﻮ ! ﺍﺩﻳﻨﻲ ﺭﻗﻢ ﺍﺑﻮﻛﻲ ﻭﻻ ﺍﺧﻮﻛﻲ !
** ﻫﻬﻬﻪ ﺍﻟﻠﻬﻢ ﻻ ﺍﻋﺘﺮﺍﺽ ﻓﻲ ﺣﻜﻤﻚ !! ﺣﺎﺿﺮﺭﺭﺭ ﺣﺄﺩﻳﻚ ﺭﻗﻢ ﺍﺧﻮﻱ ! ﻭ ﺍﺗﺬﻛﺮ ﺍﻧﻲ ﺣﺬﺭﺗﻚ ! ﻭ ﺣﺎﺟﺔ ﺍﺧﻴﺮﺓ ﻣﺎ ﺗﻔﺘﻜﺮ ﺍﻧﻲ ﺣﺄﺣﻈﺮﻙ ﺑﻌﺪ ﺍﻟﻤﻜﺎﻟﻤﺔ ﺩﻱ ! ﻻﻧﻪ ﺑﺮﺍﻙ ﺣﺘﺤﻈﺮﻧﻲ ﻭ ﺍﺗﺬﻛﺮ ﻛﻼﻣﻲ ﺩﺍ ﻛﻮﻳﺲ !! * ﻗﻔﻠﺘﺎ *
ﺑﻘﻴﺖ ﺑﺘﻜﻠﻢ ﺑﺮﺍﻱ ! ﻫﻬﻪ ﻗﺎﻝ ﺩﺍﻳﺮ ﺭﻗﻢ ﺍﺑﻮﻱ ﻫﻬﻪ ﺍﻧﺎ ﻛﺎﻥ ﻋﺎﺭﻓﻪ ﻟﻲ ﺍﺏ ﻣﺎ ﻛﺎﻥ ﺩﺍ ﺣﺎﻟﻲ !!! ﺩﻗﻴﻘﺔ ﻣﺎﻓﻲ ! ﺭﺳﻞ ﻟﻲ ﺭﺳﺎﻟﻪ ﻣﻜﺘﻮﺏ ﻓﻴﻬﺎ : } ﻣﻨﺘﻈﺮ ﺭﻗﻢ ﺍﺧﻮﻛﻲ {
ﺍﺗﺎﻛﺪﺕ ﺍﻧﻪ ﻋﻨﻴﺪ ﺷﺪﻳﺪ ﻭ ﺍﺧﺪﺕ ﺍﻟﻤﻮﺿﻮﻉ ﺗﺤﺪﻱ ﻻﻧﻲ ﻋﺎﺭﻓﻪ ﺍﻟﺤﻴﺤﺼﻞ ﺷﻨﻮ ﻛﻮﻳﺲ ! ﻭ ﺭﺳﻠﺖ ﻟﻴﻬﻮ ﺭﻗﻢ ﻃﺎﺭﻕ ﺍﺧﻮﻱ .....
ﺍﻣﺎ ﺟﺎﻧﺐ ﺭﻳﻢ -
ﻻﻭﻝ ﻣﺮﺓ ﻣﻦ ﻣﺪﺓ ﻃﻮﻳﻠﻪ ﺍﺣﺲ ﺍﻥ ﻳﻮﻣﻲ ﺩﺍ ﺍﻃﻮﻝ ﻳﻮﻡ ﺷﻐﻞ ﻓﻲ ﺍﻟﺸﺮﻛﺔ ! ﻛﻨﺖ ﻣﺮﺍﻓﻘﻪ ﺍﻟﺴﺎﻋﻪ ﺑﺎﻟﺪﻗﺎﻳﻖ ﻭ ﺍﻟﺜﻮﺍﻧﻲ ﻭﺣﺎﺳﻪ ﺍﻟﻮﻗﺖ ﻣﺎ ﺩﺍﻳﺮ ﻳﻤﺸﻲ ، ﻭﺍﻟﺸﻐﻞ ﻡ ﺑﻴﻨﺘﻬﻲ !! ﻟﻤﻦ ﺟﺎﻧﻲ ﺍﺗﺼﺎﻝ ﻣﻨﻪ ، ﻗﺎﻝ ﻟﻲ :
__ ﺣﺎﺳﺔ ﺯﻱ ﻣﺎ ﺍﻧﺎ ﺣﺎﺳﻲ !!
** ﺍﻣﻤﻢ ﺑﺎﻟﻨﺴﺒﻪ ؟
__ ﻣﺎ ﻗﺎﺩﺭ ﺍﻧﺘﻈﺮ ﺍﻟﺪﻭﺍﻡ ﻳﻨﺘﻬﻲ !
** ﻻ ﺍﺑﺪﺍً ﺑﺎﻟﻌﻜﺲ ﻣﻀﻐﻮﻃﺔ ﺍﻟﻠﻴﻠﻪ ﺍﺍﺍﻩ ﻫﻲ ﺍﻟﺴﺎﻋﻪ ﺟﺎﺕ ﻛﻢ ﺯﺍﺗﻮ ؟ ﻡ ﺗﻜﻮﻥ ﻣﻮﺍﻋﻴﺪ ﺍﻟﻐﺪﺍ ﻓﺎﺗﺖ ! ‏( ﻛﺎﻥ ﻻﺯﻡ ﺍﻋﻤﻞ ﻛﺪﺍ ‏)
__ ﺍﻣﻤﻤﻢ ﻻ ﻟﺴﻪ ﻓﺎﺿﻞ ﺳﺎﻋﻪ ﻟﻜﻦ ﺍﻧﺎ ﻃﺎﻟﻊ ﻣﺎﺷﻲ ﻋﻠﻰ ﻧﻔﺲ ﺍﻟﻤﻜﺎﻥ ! ﺑﻌﺪ ﺗﺨﻠﺼﻲ ﺍﻧﺎ ﻓﻲ ﺍﻧﺘﻈﺎﺭﻙ !!
** ﺍﻭﻛﻲ ﺍﻧﺎ ﻗﺮﺑﺘﻪ ﻛﻤﺎﻥ ﻣﺴﺎﻓﺔ ﺍﻟﺴﻜﺔ !!
__ ﺣﺘﻠﻘﻴﻨﻲ ﻗﺪﺍﻣﻚً ....
ﻓﻌﻼً ﻃﻮﺍﻟﻲ ﻗﻔﻠﺘﺎ ﺣﺎﺟﺎﺗﻲ ، ﻭ ﻃﻠﻌﺘﻪ !! ﻭ ﺭﻛﺒﺖ ﻋﺮﺑﻴﺘﻲ ! ﺍﻟﻐﺮﻳﺐ ﺟﺪﺍً ! ﻛﺎﻥ ﻃﻴﻒ ﻣﺮﻳﻢ ﻭ ﺻﻮﺕ ﻃﻪ ﻛﻨﺖ ﺷﺎﻳﻔﻪ ﺻﻮﺭﺓ ﺭﺳﻤﺘﺎ ﻭ ﺻﻮﺕ ﻃﻪ ﻭﻫﻮ ﺑﻴﻘﻮﻝ ‏( ﺍﺍﺍﺥ ﻣﻦ ﻧﺎﺭ ﻣﺮﻳﻢ ‏) ﻣﻊ ﺍﻟﺘﻔﻜﻴﺮ ﺍﻟﻠﻲ ﻡ ﻛﻨﺖ ﻋﺎﺭﻓﻪ ﺍﺳﺒﺎﺑﻮ ﻟﻘﻴﺖ ﻧﻔﺴﻲ ﻭﺻﻠﺘﻪ ... ﻭ ﻓﻌﻼ ﺩﺧﻠﺘﻪ ﻭ ﻟﻘﻴﺘﻮ ﻗﺎﻋﺪ ﻣﻨﺘﻈﺮ ! ﻣﻦ ﺷﺎﻓﻨﻲ ﻭﻗﻒ ! ﺳﻠﻢ ﻋﻠﻲ ﻭ ﻃﻠﻊ ﺍﻟﻨﻈﺎﺭﺓ ﺍﻟﺸﻤﺴﻴﻪ ﻭ ﻗﻌﺪ ! ﻗﺎﻟﻲ :
__ ﻛﻴﻒ ﻛﺎﻥ ﻳﻮﻣﻚ ؟
** ﺍﻫﻮ ﺯﻱ ﻛﻞ ﻳﻮﻡ ﺿﻐﻄﻂ
__ ﻣُﺰﻥ ﺑﺘﺴﺎﻝ ﻣﻨﻚ !
** ﻫﻲ ﻛﻮﻳﺴﻪ ! ؟
__ ﺍﻫﻮ ﺣﻤﺪﻟﻠﻪ ﻣﻊ ﺍﻣﻲ ﻭﺍﺧﻮﺍﺗﻲ !
** ﺭﺑﻨﺎ ﻳﺤﻔﻈﻬﺎ ﻟﻴﻚ ﻳﺎﺭﺏ !
__ ﺍﻣﻴﻦ ﻳﺎﺭﺏ .. ﺍﻣﻤﻤﻢ ﺍﻣﺒﺎﺭﺡ ﻏﻠﺒﻨﻲ ﺍﻟﻨﻮﻡ !
** ﻭﺍﻟﺴﺒﺐ ؟
__ ﻓﻀﻮﻝ ﻏﺮﻳﺐ ﺗﺠﺎﻩ ﻗﺼﺘﻚ !
** ﺍﻣﻤﻢ
__ ﺣﺘﺤﻜﻲ ﻣﺘﻴﻦ ؟
** ﺍﺳﻲ ﻃﻮﺍﻟﻲ !! ﺑﺲ ... ﺍﺍﺍ
__ ﺑﺲ ﺷﻨﻮ ! ؟
** ﻳﻌﻨﻲ ﻣﺎ ﻣﻌﻘﻮﻝ ﺧﺎﺗﻲ ﻳﺪﻙ ﻓﻲ ﺣﻨﻜﻚ ﻭ ﺑﺘﻌﺎﻳﻦ ﻟﻲ ﻛﺪﺍ ﻭﻋﺎﻳﺰﻧﻲ ﺍﺣﻜﻲ !
__ ﻫﻪ ﺣﺎﺿﺮ ‏( ﻟﺒﺲ ﻧﻈﺎﺭﺗﻮ ﺍﻟﺸﻤﺴﻴﻪ ‏) ﻛﺪﺍ ﺍﻓﻀﻞ ؟
** ﺍﻭﻛﻲ ... ﺣﺎﺣﺎﻭﻝ ﺍﺳﺘﺤﻀﺮ ﺍﻟﺘﻔﺎﺻﻴﻞ !
*ﻓﻼﺵ ﺑﺎﻙ*
*ﻓﺒﺮﺍﻳﺮ 1997-*
*ﻣﺼﺮ - ﺑﻤﺴﺘﺸﻔﻰ the health*
ﺑﺪﺃﺕ ﻗﺼﺘﻲ ﻣﻦ ﻣﺴﻜﺔ ﻳﺪ ! ﻗﺒﻞ ﻣﺴﻜﺔ ﺍﻟﻴﺪ ﺩﻱ ﻣﺎ ﻋﻨﺪﻱ ﻓﻜﺮﺓ ﺍﺑﺪﺍً ﺣﺼﻞ ﺷﻨﻮ .. ﻛﺎﻥ ﺳﺎﻳﻘﻨﻲ ﻭ ﻣﺎﺷﻲ ﺑﻲ ﻓﻲ ﻣﻤﺮ ﻣﺴﺘﺸﻔﻰ ﻃﻮﻳﻞ ﻃﻮﻳﻞ ﺣﺴﺐ ﺍﻟﻤﺒﺎﻧﻲ ﺍﻟﺰﻣﺎﻥ ﺩﻳﻚ .. ﺍﻧﺘﻬﻰ ﺑﻲ ﺍﻟﻤﻤﺮ ﺩﺍ ، ﻗﺪﺍﻡ ﺍﻣﻲ !!
ﻭﻗﻔﺖ ﻋﻠﻰ ﺣﻴﻠﻬﺎ ﺑﻲ ﺑﻄﻨﻬﺎ ﺍﻟﻜﺒﻴﺮ ﺷﺪﻳﺪﺩ ﻭ ﺧﺘﺖ ﻳﺪﻫﺎ ﻓﻲ ﺟﻤﺒﻬﺎ ﺍﻟﺸﻤﺎﻝ ، ﻭ ﻫﻲ ﺑﺘﻌﺎﻳﻦ ﻟﻲ ﺑﺨﻠﻌﻪ ﻭ ﺑﺘﻘﻮﻟﻴﻬﻮ :
__ ﺩﻱ ﺑﺖ ﻣﻨﻮ ﻳﺎ ﺻﻼﺡ !
** ﻣﺎ ﻋﺎﺭﻑ ﻳﺎ ﻓﺎﻃﻤﺔ !!
__ ﺳﺠﻤﻲ ‏( ﺧﺘﺖ ﻳﺪﻫﺎ ﻓﻲ ﺧﺸﻤﻬﺎ ‏) ﻛﻴﻒ ﻣﺎ ﻋﺎﺭﻑ ! ﻟﻤﻴﺖ ﻓﻴﻬﺎ ﻭﻳﻦ ؟
** ﺿﺎﻳﻌﻪ !
__ ﻛﻴﻒ ﻳﻌﻨﻲ ﺿﺎﻳﻌﻪ ! ﺍﻧﺖ ﻟﻘﻴﺘﺎ ﻓﻲ ﺍﻟﻤﺴﺘﺸﻔﻰ ﻫﻨﺎ ؟ ﻳﻼ ﻳﻼ ﻧﺸﻮﻑ ﺍﻫﻠﻬﺎ ﻭﻳﻦ
** ﺩﻗﻴﻘﺔ ﻳﺎ ﻓﺎﻃﻤﺔ ! ﺍﻧﺎ ﻓﺘﺸﺖ ﻭ ﻣﺎ ﻟﻘﻴﺖ !
— ‏( ﺧﺘﺖ ﻳﺪﻫﺎ ﻓﻲ ﺣﻨﻜﻲ ﻭ ﻫﻲ ﺑﺘﻘﻮﻟﻲ ‏) ﺍﺳﻤﻚ ﻣﻨﻮ ﺍﻧﺘﻲ ؟؟ ﻃﺒﻌﺎ ﻡ ﺭﺩﻳﺖ ﻭ ﻛﻨﺖ ﺳﺎﻛﺘﻪ ﺑﻄﺮﻳﻘﺔ ﻣﺮﻳﺒﺔ ﻻﻥ ﺑﺎﻟﺠﺪ ﺍﻧﺎ ﻡ ﻛﻨﺖ ﻋﺎﺭﻓﻪ ﺣﺎﺟﺔ !! ﻗﺎﻟﺖ ﻟﻴﻬﻮ : ﻗﻠﺐ ﺍﻣﻬﺎ ﺣﻴﻜﻮﻥ ﻣﻘﻄﻮﻉ ﻋﻠﻴﻬﺎ ﻳﺎ ﺻﻼﺡ ، ﻳﻌﻨﻲ ﺣﻼﺓ ﺍﻟﺪﻧﻴﺎ ﻓﻮﻗﺎ ﺷﻮﻑ ﺍﻟﻔﺴﺘﺎﻥ ﻭ ﺍﻟﺸﻌﺮ ﻭ ﺍﻟﺠﺰﻣﺔ ﻛﻠﻮ ﻣﻦ ﺍﻏﻼ ﺍﻟﺤﺎﺟﺎﺕ ﻣﺎﺷﺎﺀﺍﻟﻠﻪ !
** ﺍﺳﻤﻌﻲ ﺍﻧﺘﻲ ﻣﺶ ﺧﻠﺼﺘﻲ ﺍﺳﺘﺸﺎﺭﺗﻚ ، ﻳﻼ ﺍﻟﺒﻴﺖ !
__ ﺑﻴﺖ ﺷﻨﻮ ﻳﺎﺭﺍﺟﻞ ﺍﻧﺎ ﻭﻻﺩﺗﻲ ﺑﻜﺮﺓ ﻭ ﻣﻤﻜﻦ ﺍﻟﺪ ﻓﻲ اي ﻟﺤﻈﺔ ! ﻭ ﻛﻴﻒ ﻧﻤﺸﻲ ﻭ ﺑﺖ ﺍﻟﻨﺎﺱ ﺩﻱ ﻣﻌﺎﻧﺎ ﺍﻧﺤﻨﺎ ﻻﺯﻡ ﻧﻤﺸﻲ ﻧﻌﻤﻞ ﺑﻼﻍ ﻓﻲ ﺍﻗﺮﺏ ﻗﺴﻢ ﻭﻻ ﻧﻤﺶ ﺍﻟﺴﻔﺎﺭﺓ ﺍﻟﺴﻮﺩﺍﻧﻴﻪ !
** ﺍﻧﺘﻲ ﺑﺎﻗﻲ ﻟﻲ ﺟﻨﻴﺘﻲ ﻳﺎ ﻓﺎﻃﻤﺔ ﺍﻣﺸﻲ ﺍﻣﺸﻲ .. ‏( ﺟﺮﺍﻧﻲ ﻭﻣﺸﻴﺖ ‏) ﻭﻫﻲ ﺑﺘﺘﻜﻠﻢ ﻣﻌﺎﻫﻮ ﻭ ﻫﻮ ﻣﺎﺷﻲ ، ﻟﻤﻦ ﻗﺎﻟﺖ ﻟﻴﻬﻮ :
__ ﺍﻧﺖ ﻋﺎﺭﻑ ﺍﻫﻞ ﺍﻟﺒﺖ ﺩﻱ ﻳﺎ ﺻﻼﺡ !
** ﺍﻧﺘﻲ ﻣﺠﻨﻮﻧﻪ !! ﺍﺳﻤﻌﻲ ﻧﺮﺑﻴﻬﺎ
__ ﺳﺠﻤﻲ ﺳﺠﻤﻲ ! ﻛﻴﻒ ﻧﺮﺑﻲ ﺑﺖ ﺍﻟﻨﺎﺱ ﺍﺳﻲ ﺍﻣﻬﺎ ﺑﻜﻮﻥ ﻗﻠﺒﻬﺎ ﻣﻘﻄﻮﻉ ﻋﻠﻰ ﺑﺘﻬﺎ ﻳﺎ ﺻﻼﺡ ﻗﻮﻝ ﺣﺎﺟﺔ ﺑﺎﻟﻤﻨﻄﻖ !!
** ﺍﻧﺎ ﻓﺘﺸﺖ ﻭﻡ ﻟﻘﻴﺖ ﺧﻼﺹ ﺑﺲ ﻧﺮﺑﻴﻬﺎ ﻣﻊ ﻭﻟﻴﺪ ﻭ ﺍﻟﻔﻲ ﺑﻄﻨﻚ ﺩﺍ !! ﺑﻌﺪ ﻧﻘﺎﺵ ﺍﺧﺪ ﻭﻗﺖ ﻃﻮﻳﻞ ﺷﺪﻳﺪ ﺑﻴﻦ ﺍﺑﻮﻱ ﺻﻼﺡ ﻭﺍﻣﻲ ﻓﺎﻃﻤﺔ ، ﻡ ﺍﺗﻮﺻﻠﻮ ﻟﻲ ﺣﺎﺟﺔ ﺍﻣﻲ ﻛﺎﻧﺖ ﻓﻲ ﺍﺗﺠﺎﻩ ﻭ ﺍﺑﻮﻱ ﻛﺎﻥ ﺭﺍﺳﻮ ﻓﻲ ﺍﺗﺠﺎﻩ ، ﺗﺎﻧﻲ ﻳﻮﻡ ﻃﻮﺍﻟﻲ ﺍﻣﻲ ﻭﻟﺪﺕ ﺭﺯﺍﻥ ﺍﺧﺘﻲ !
ﻭﺑﻌﺪ ﻭﻻﺩﺓ ﺍﻣﻲ ﻃﻮﺍﻟﻲ ﺍﺑﻮﻱ ﻗﺮﺭ ﻳﺮﺟﻌﻮ ﺍﻟﺴﻮﺩﺍﻥ ﻳﺴﺘﻘﺮﻭﺍ ﻫﻨﺎﻙ ﺭﻏﻢ ﺍﻥ ﺷﻐﻠﻮ ﻭﻛﻞ ﺣﺎﺟﺔ ﻛﺎﻧﺖ ﻓﻲ ﻣﺼﺮ .. ﺣﺘﻰ ﻣﺎ ﺍﻧﺘﻈﺮ ﺍﻣﻲ ﺗﺘﻢ ﺍﻷﺭﺑﻌﻴﻦ ﺑﻲ ﺭﺯﺍﻥ ﺍﺧﺘﻲ !!!!

ﻳﺘﺒﻊ ...
*ﻓﻲ ﺍﻟﺤﻠﻘﺎﺕ ﺍﻟﺠﺎﻳﺔ*
ﺍﻧﺘﻲ ﺍﺧﺘﻲ ﺻﺢ ؟
ﺍﺳﻤﻌﻲ ! ﺍﻧﺎ ﻣﺎ ﺣﺄﻗﺒﻞ ﺍﻧﻚ ﺗﻘﻌﻲ ﻓﻲ ﻧﻔﺲ ﺍﻟﺤﻔﺮﺓ ﺍﻟﻠﻲ ﻭﻗﻌﺖ ﻓﻴﻬﺎ ﺍﻧﺎ ! ﺷﺮﺑﻨﺎ ﻣﻦ ﻧﻔﺲ ﺍﻟﻜﺎﺱ ﻟﻤﺪﺓ ﻃﻮﻳﻠﻪ ﺷﺪﻳﺪ ﻭ ﻟﺴﻪ ﺑﻨﺸﺮﺏ ﻭﻟﺴﻪ ﺣﻨﺸﺮﺏ ! ﻟﻤﺠﺮﺩ ﺍﻧﻨﺎ ﺍﺻﺤﺎﺏ ﻫﻮﻳﺔ ﻣﺠﻬﻮﻟﺔ ! ﻭ ﺍﻟﻠﻲ ﺣﻴﺄﺫﻳﻜﻲ ﻭﻟﻮ ﺑﻲ ﺣﺮﻑ ﻭﺍﺣﺪ ﺑﺲ ، ﻣﺎ ﻳﻠﻮﻡ ﺍﻻ ﻧﻔﺴﻪ ! ﻓﺎﻫﻤﺔ ﻭﻻ ﻻ ؟
# ﺍﺳﺘﻜﻜﺎﻧﺔ .....📄
ﻭ ﺗﻌﻠﻴﻘﺎﺗﻜﻢ ﺍﻟﺴﻤﺤﺔ ....
# ﺳﺤﺮ _ ﺳﻤﻴﺮ ....