حب منبوذ

٢

*بعد ساعتين*
بسست .. بس يا بت . هيييي زفته !
تعالي .. 
_في شنو بسم الله موطية صوتك دا كدا !! 
*شفتيها !
_منو  قصدك ؟
*افففف ياخ فتحي مخك دا حيكون منو يعني ؟
شفتيها الليلة لابسة شنوو ووواي واااي يا ساررة واااي من الطقم الابساهو نفسيات ما ممكن ، اصلو ما ممكن بت كل يوم جاية بي لبسة شكل ياخ انا امنيتي اشوفها مكررة ليها لبسة !
شايلة ليها حلاة شنطة يا سرورة تشلع قلبك دا من محلو ياخ دخلتني في نفسيات !
_اها خلصتي !
*ايوة
_مع السلامة .
*سارة ياخ بطلي بياخة انا بتكلم معاكي بجد !
_يابت امي الزولة دي وين و انحنا وين حتقعدي تعايني ليها حتتعبي ساي و تجيبي نفسيات لي رووحك ، اسمعي .. الله يزيدها و يرزقنا احنا ! 
(جاهم صوت تالت)
اهاااا طبعا في موضوعكم عبدالواحد ، عرفتكم من مصلقات ريسانكم ديل في بعض .. لكن وحاة الله البت دي تعبتني نفسياا شفتي العربية الجات بيها ؟!
*تعالي يا وجدان اتمغسي معاي ، خليكي من سارة دي ، واااي يا وجدان شفتي الشنطة ! 
وجدان : ولا لون الشعر ياخ 
-هييي انتي وهي قومن على شغلكن احسن لي ليكم من حراق الروح البتسو فيهو دا !
*سارة زحي مننا عليك الله 
(جاهم صوت واحد )
احممممممم  ، اااا سارة اتفضلي على مكتبك لو سمحتي ، و يا وجدان !! اتفضلي لو سمحتي على شغلك !! وانتي يا فاطمة .. اتفضلي معاي الاستاذة عايزاكي في المكتب ...... 
فاطمة : دقيقه يا استاذ محمد من فضلك ! استاااذ !!! 
محمد : نعم !
فاطمة : ما عندك فكرة هي عايزاني لشنو ؟
محمد : لمن تمشي حتعرفي براك .. عن ازنك ..
فاطمة : اوفففففف ي ربي ، الله يستر 
خبطت الباب و دخلت ...
فاطمة : استاذة ريم ! طلبتيني ؟؟
خبطت الباب و دخلت ...
فاطمة : استاذة ريم ! طلبتيني ؟؟
و كانت منغمسة في نص الاوراق و الملفات .. و فجاة  رفعت راسها عاينت لي فاطمة ، و قالت ليها : 
ريم : فاطمة صح ! 
فاطمة : ايوة 
ريم : اقعدي من فضلك !! ... 
عايزاكي .... و قبل ريم تقول اي كلمة لي فاطمة ، تلفونها رن ، رفعتو ورفضت المكالمة .. و تاني رن مرة و اتنين لحد ما قررت انها ترد على المكالمة ، و كانت بالشكل دا ...
ريم : ايوة يا رزان !! 
رزان : السلام لله يا مؤمنة 
ريم : و عليكم السلام يا رزان ، ممكن لو سمحتي تكلميني بعدين او تنتظري لمن ارجع البيت لانه كطبيعة الحال عندي شغل ! 
رزان : والله انتي طبيعي عندك شغل يا ريم ، ما ح اقفل ، اسمعي كلامي ،، والله تجوطي و تسكتي ، الليله راس السنة و اظن مم حبنا كبشر نغير الروتين دا شوية ، فا اعملي حسابك الليله انحنا عندنا برنامج و حتكوني معانا .... سلام 
ريم : دقيقه دقيقه هو شنو دا ....الووو ...الو . رزان !!! افففففف 
(عاينت لي فاطمة و قالت ليها نكمل ) ....
اما في مصر ..
كان لي كل انسان همومو الكبيرة و الصغيرة و في اللي م عندو هموم و ضارب الهم بالفرح و في ناس ما ضايقين طعم الفرح .. 
**اميييي ...امييي امي ! نمتي !! 
_عايزة شنو يا وهاد !
**انا جعته ! قومي خلينا ناكل ، الزعل ما حيرجع لينا حاجة ( و بدت تبكي) يارب يا كريم ..
_(امها حضنتا) شوفي يا وهاد، الله دا كريم يا بتي ، كل حاجة بتحصل معانا لي حكمة يعلمها الله صدقيني ، يعني يمكن بعد دا حاجاتنا دي ترجع ههه!
**تضحكي ، يا امي دا زمن البروح فيهو برجع ! صدقيني انا بقيت بتخيل اننا نايمين في الشارع من اسي !
_يمكن الشنطة الاتسرقت دي كانت حاجزة عننا خير ربنا كاتبو لينا ! يعني الحرامي ، و الطريقة الخطف بيها الشنطة و الشنطة يكون فيها تزاكرنا و جوازاتنا و الروشتات حقتي حقت السودان و جزء من العلاجات ومفتاح البيت حق السودان ومفتاح الشقة و مصاريفنا و قروش البضاعه البنلمها من الصناديق ... اي نعم الحاجات دي اكتر من مهمة و م معروف بي سببها حيحصل فينا شنو ، لكن كمان نقول لخير يا بتي ...
** هههههه و الله ما عارفة اضحك ولا ابكي ههه ونعم بالله انا عارفه ان ربنا ليهو حكمة في كدا ، بس دي ممتلكاتنا كلها اللي في الدنيا دي يا امي ، عارفه مافي حل غير نتكلم مع عم ابو احمد حاساهو راجل طيب و ممكن يخلينا نقعد وقت زيادة في الشقه لمن ربنا يفرجا ، رايك شنو ؟ 
_والله يا بتي ما متوسمة فيهو الخير يا بتي دا رزقهم و بستفيدو من الشقق دي باليوم بيأجروها ، ما عندهم معاملة الا من رحم ربي ، براك شفتي قبيل البت العند الدكتور جاطت فيك كيف ، خفتك تلصقيها في الحيطة والله ههه 
**يا امي كل زول في همو الصق ليها شنو ما شغاله بيها بس اهم حاجة الواحد يتماشى عشان يقضي امورو ، ااااا ...امم اسمعيني ، رايك شنو تكلمي خالو علاء ؟
_وهاد مافي داعي نتكلم في موضوع مفروغ من امره ، انسي اهلي ديل كلهم ، انا مستحيل امد يدي لي زول فيهم لو انوم في الشوارع باقي عمري ، العملو معاي ما شوية يا بتي..
**كله بي ســ....
_اششششش وهاااد لو سمحتي  الموضوع دا قفلناهو من سنين ، ي ريت م تفتحي حاجات قديمة
و تاني ما اسمعك بتقولي كذا فاهمه ولا لا !!! 
**طيب ! 
بعد خلصنا كلام انا و امي و اكلنا ، سمعنا صوت جرس الشقة ! 
امي كانت بتصلي ، انا لبست توبي و فتحت الباب ، لقيتو عم ابو احمد .. 
**اهلين عمو يا مرحب 
_بخير يا استاذة ، هاااه جاهزين ان شاءالله ؟
**جاهزين على شنو ؟
_هتسلموني الشقة كمان يومين ، انا جيت اتاكد بس من المواعيد علشان في ناس جروها بعديكم علطول ، هينزلو عليها !! 
**ااااامم ااا عم ابو احمد، ما ينفع تدينا مهلة اسبوع الله يخليك ! لانه زي ما عارف موضوع السرقة دا خرب علينا كل حاجة !
_يا ابلة يعني اسبوع هيفرق في ايه ؟ لا انتو هتستفادو ولا انا هستفاد حاجة !
**حقك حتاخدو واصلا انحنا دافعين ليك حق الشهر القعدناهو دا ، بس استحملنا اسبوع كمان ..
_معلش يا استاذة لولا ان اجرتها لناس كنت سبتكو على مهلكم بس دا شغل بقى وانتي عارفة ..
(قاطعتنا امي)
وهاااااد ... اسكتي لو سمحتي ( وهي جايه علينا جمب باب الشقة)
قالت ليهو : انت عايز شقتك تكون فاضية متين ؟
قاليها : بعد بكرة على اخر النهار ان شاءالله..
قالت ليهو : جدااااا تعال قبل المغرب استلم مفتاحك و شقتك ، عن ازنك ... وقفلت الباب !؟
عاينت لي وقالت لي : اياااااكي يا وهاد تاني اسمعك ولا اشوفك بتترجي ليك زول ، والليله زودتيها ، قبيل البت في العيادة واسي السمسار ! 
فاهمه كلامي دا ولالا !!! الشايفاهم ديل بشر زيهم زيك عايشين بأمر الله ، مافي زول فيهم ماسك روحك في يدو ، والله ما خلقنا عشان ينسانا . حتدبر اتطمني ..
وهاد : يارب لُطفك ..
!! الشايفاهم ديل بشر زيهم زيك عايشين بأمر الله ، مافي زول فيهم ماسك روحك في يدو ، والله ما خلقنا عشان ينسانا . حتدبر اتطمني ..
وهاد : يارب لُطفك ..
يتبع ....
#استككانة❤
#سحر_سمير