حب منبوذ

١٨

ﻛﻤﻠﻲ ﻟﻲ ﻳﺎ ﺍﻣﻲ ! ﻭ ﺳﺎﻣﻴﺔ ﻋﻤﻠﺖ ﺷﻨﻮ ﺑﻌﺪ ﻛﻼﻡ ﺍﻣﻬﺎ ؟
ﻗﺎﻟﺖ ﻟﻲ : ﺍﻧﺎ ﺣﻜﻴﺖ ﻟﻴﻜﻲ ﺭﻏﻢ ﺍﻧﻚ ﻗﻠﺘﻲ ﻣﺎ ﺣﻴﺠﻲ ﻳﻮﻡ ﻭ ﺗﺴﺄﻟﻲ ﻭ ﻗﻄﻌﺘﻲ ﻭﻋﺪ ﻋﻠﻰ ﺍﺑﻮﻛﻲ ﺭﺑﻨﺎ ﻳﺮﺣﻤﻪ ، ﺍﺳﻲ ﻟﻴﻪ ﻣﺼﻤﻤﺔ ﺗﻌﺮﻓﻲ ؟
ﻗﻠﺖ ﻟﻴﻬﺎ : ﻭﺭﻳﺘﻚ ﻗﺒﻞ ﻛﺪﺍ ﻳﺎ ﺍﻣﻲ ، ﻣﺤﺘﺎﺟﺔ ﺣﺎﺟﺔ ﺍﻳﺠﺎﺑﻴﺔ ﺗﺸﻴﻞ ﻣﻦ ﻛﺘﻔﻲ ﺣﻤﻞ ، ﺑﺖ ﺍﻟﺤﺮﺍﻡ ﺩﻱ .. ﺍﺣﻜﻲ ﻟﻲ ﻣﻦ ﻓﻀﻠﻚ ﻳﺎ ﺍﻣﻲ !! ﻳﻌﻨﻲ ﻣﻤﻜﻦ ﺗﻘﻴﻔﻲ ﻟﺤﺪﻱ ﻣﺤﻞ ﻣﺎ ﺍﻧﺎ ﻋﺎﺭﻓﺔ ﺍﻟﺒﺎﻗﻲ !! ﻗﺎﻟﺖ ﻟﻲ ﺗﻤﺎﻡ ﻭ ﻭﻋﺪ ﺩﻱ ﺍﺧﺮ ﻣﺮﺓ ﺗﺘﺠﺎﺏ ﻓﻴﻬﻮ ﺳﻴﺮﺓ ﺍﻟﻤﻮﺿﻮﻉ ﺩﺍ ! ﻗﻠﺖ ﻟﻴﻬﺎ ﻭﻋﺪ .... ﺳﺎﻣﻌﺎﻙ ﺑﺲ ﺗﻤﻲ ﺯﻱ ﻣﺎ ﻗﻠﺖ ﻟﻴﻚ !
*ﻓﻲ ﻧﻔﺲ * ﺍﺣﺪﺍﺙ 1994-*
ﺑﻌﺪ ﺍﻟﻨﻘﺎﺵ ﺍﺷﺘﺪﺕ ﺑﻴﻦ ﺳﺎﻣﻴﺔ ﻭ ﺍﻣﻬﺎ ﺳﺎﻣﻴﺔ ﺣﺴﻤﺖ ﺍﻟﻤﻮﺿﻮﻉ ﻟﻤﻦ ﺍﻣﻬﺎ ﺍﺻﺮﺕ ﻋﻠﻴﻬﺎ ﻭ ﻗﺎﻟﺖ ﻟﻴﻬﺎ ﺭﺩﺩﻱ ﻟﻲ ﺍﻧﺘﻲ !
__ ﻳﻤﺔ ، ﺃﻣﻴﺮﺓ ﺩﻱ ﻟﻤﻦ ﺟﺎﺕ ﻋﻠﻴﻨﺎ ، ﻛﻨﺖ ﻣﻌﺘﺒﺮﺍﻫﺎ ﺍﺧﺘﻲ ﺍﻟﺼﻐﻴﺮﺓ ﺷﺪﻳﺪ ﺩﺍ ﺍﺫﺍ ﻡ ﻛﻨﺖ ﺯﻱ ﺍﻣﻬﺎ ، ﺍﻧﺎ ﻛﻨﺖ ﺣﺎﺑﺔ ﺍﻗﻔﻞ ﻋﻠﻴﻬﺎ ﺯﻱ ﻣﺎ ﻛﺎﻥ ﺣﺎﺻﻞ ﻓﻲ ﺍﻟﺒﻠﺪ ، ﺯﻳﻬﺎ ﺯﻱ اي ﻭﺣﺪﺓ ﺟﺎﺕ ﺗﻘﺮﺍ ﻓﻲ ﺍﻟﺨﺮﻃﻮﻡ ﺧﻠﻴﺘﺎ ﺗﺴﺘﻤﺘﻊ ﺑﺎﻟﻔﺘﺮﺓ ﺩﻱ ﻻﻧﻪ ﻓﻲ ﺍﻟﻨﻬﺎﻳﺔ ﺣﺘﺨﻠﻲ ﺩﺍ ﻛﻠﻮ ﻭ ﺗﺮﺟﻊ .. ﻟﻤﻦ ﺟﺎﺕ ﻣﺮﺣﻠﺔ ﺣﺴﻴﺖ ﻓﻴﻬﺎ ﺍﻥ ﺍﻟﻮﺿﻊ ﻣﺎ ﻃﺒﻴﻌﻲ ﻣﻊ ﺃﻣﻴﺮﺓ ﻣﺎ ﻗﺪﺭﺕ ﺍﻣﻨﻌﻬﺎ ، ﻭﻻ ﻗﺪﺭﺕ ﺍﻭﻗﻔﻬﺎ ، ﻛﻨﺖ ﻋﺎﺭﻓﺔ ﺍﻧﻬﺎ ﻣﺎﺷﻪ ﻏﻠﻂ ﻭ ﺑﺘﻌﻤﻞ ﻏﻠﻂ ﺑﺲ ﻣﺎ ﻗﺪﺭﺕ ﻧﻔﺴﻲ ﻛﺎﻧﺖ ﺩﻧﻴﺌﻪ ، ﻭ ﻛﻨﺖ ﻣﻨﺘﻈﺮﺓ ﺍﻟﻴﻮﻡ ﺩا ﺑﻲ ﻓﺎﺭﻍ ﺍﻟﺼﺒﺮ ، ﻟﺤﻈﺔ ﺍﻧﻲ ﺍﻋﺮﻑ ﺍﻧﻬﺎ ﺣﺎﻣﻞ ‏( ﻓﻲ ﺍﻟﻠﺤﻈﺔ ﺩﻱ ﺍﻣﻬﺎ ﺍﺩﺗﺎ ﻛﻒ ‏) .....
** ﺍﻋﻮﺫ ﺑﺎﻟﻠﻪ ﻣﻨﻚ ﻳﺎ ﺳﺎﻣﻴﺔ ﺍﻋﻮﺫ ﺑﺎﻟﻠﻪ ﻣﻨﻚ ﺑﺘﻨﻮﻣﻲ ﻛﻴﻒ ﺍﻧﺘﻲ ﺑﻠﻴﻞ ﻳﺎ ﺑﺘﻲ ؟ ﺑﺘﻨﻮﻣﻲ ﻛﻴﻒ ﻭﺭﻳﻨﻲ !!
__ ﻳﻤﺔ ﺧﻠﻴﻨﻲ ﺍﻛﻤﻞ ، ﻭ ﻟﻤﻦ ﺑﺪﻳﺖ ﺍﺣﺲ ﺍﻥ ﻓﻲ ﺷﻲ ﻏﻠﻂ ﺣﺎﺻﻞ ﻣﻊ ﺃﻣﻴﺮﺓ ﺑﻘﻴﺖ ﻣﺘﺎﺑﻌﺎﻫﺎ ﻟﻤﻦ ﺟﺒﺘﻬﺎ ﻭﻗﻌﺪتها ﻭ ﻃﻤﻨﺘﻬﺎ ﺍﻧﻲ ﺣﺄﺣﻞ ﺍﻟﻤﻮﺿﻮﻉ ﻭ ﺍﻥ ﺍﻟﻠﻲ ﻓﻲ ﺑﻄﻨﻬﺎ ﺩﺍ ﻳﻠﺰﻣﻨﻲ ، ﻭ ﺭﻏﻢ ﻛﻞ ﺣﺎﺟﺔ ﺳﻮﻳﺘﻬﺎ ﻳﺎ ﺍﻣﻲ ﺍﻧﺎ ﻣﺎ ﻟﺬﻳﺖ ﺍﻣﻴﺮﺓ ﻋﺸﺎﻥ ﺗﻤﺎﺭﺱ ﺍﻟﻐﻠﻂ ﻭ ﻻ ﻣﺴﻜﺘﻬﺎ ﺍﻟﺪﺭﺏ ﻭ ﻓﻜﻴﺘﻬﺎ !
** ﺳﺎﻣﻴﺔ ﺍﻧﺎ ﺍﺗﻜﻠﻤﺖ ﻭ ﻧﺒﺤﺖ ﻗﺪﺭ ﺷﻨﻮ ﻣﻌﺎﻙ ﺍﻧﺎ ﻓﻲ ﺍﻟﺒﺖ ﺩﻱ ! ﻭ ﺍﺗﺎﺭﻳﻚ ﻛﻨﺘﻲ ﺑﺘﺨﻄﻄﻲ ﻣﻦ ﻭﺭﺍﻱ ! ﺷﻮﻓﻲ ﺍﻧﺎ ﺍﺗﻜﻠﻤﺖ ﻣﻌﺎﻙ ﺑﺎﻟﻠﻴﻦ ﻭ ﺑﺎﻟﺸﻴﻦ ﻭ ﺃﻧﺘﻲ ﻣﺨﻴﺮﺓ ﺑﻌﺪ ﺩﺍ ، ﻭ ﺃﻧﺎ ﻣﻦ ﺩﺭﺑﻲ ﺩﺍ ﺭﺍﺟﻌﻪ ﻋﻠﻰ ﺍﻟﺒﻠﺪ ، ﻋﻴﺸﺘﻚ ﻛﻠﻬﺎ ﺑﻘﺖ ﻟﻠﺤﺮﺍﻡ ﻭ ﺍﻧﺎ ﻣﺎ ﺑﻘﺪﺭ ﺍﻗﻌﺪ ﻓﻲ ﺑﻴﺖ ﺯﻱ ﺩﺍ !!
ﻭ ﺣﺎﺟﺔ ﺍﺧﻴﺮﺓ ﻭ ﺩﻱ ﻣﺴﺘﺤﻴﻞ ﺍﺳﻜﺖ ﻋﻨﻬﺎ ، ﻟﻮ ﻋﺮﻓﺖ ﺍﻧﻚ ﻛﺬﺑﺘﻲ ﻋﻠﻰ ﻋﺒﺪﺍﻟﺮﺣﻴﻢ ! ﻋﺎﺩ ﺍﻟﺪﻧﻴﺎ ﺩﻱ ﺣﺘﻀﻴﻖ ﻋﻠﻴﻜﻲ ، ﺍﻟﻠﻬﻢ ﺍﻧﻲ ﻗﺪ ﺑﻠﻐﺖ .....
ﺍﻡ ﺳﺎﻣﻴﺔ ﻣﻜﻤﻠﺔ ﻛﻼﻣﻬﺎ ﻭﻫﻲ ﺑﺘﻘﻮﻝ :
ﻣﻦ ﺍﻟﻴﻮﻡ ﺩﺍﻙ ﻃﻠﻌﺖ ﻣﻦ ﺍﻟﺨﺮﻃﻮﻡ ، ﻏﺒﺖ ﻋﻦ ﺳﺎﻣﻴﺔ ﺷﻬﻮﺭﺭ ﻟﻤﻦ ﺟﺎﺕ ﻣﻮﺍﻋﻴﺪ ﻭﻻﺩﺓ ﺃﻣﻴﺮﻩ ﺣﺴﺐ ﺣﺴﺒﺘﻲ ﻓﻲ ﺍﻟﻮﻗﺖ ﺩﺍﻙ ، ﻣﺎ ﻗﺪﺭﺕ ﺍﺗﺤﻤﻞ ﺣﻤﻞ ﺗﺄﻧﻴﺐ ﺍﻟﻀﻤﻴﺮ ، ﻭ ﻟﻮﻣﺖ ﻧﻔﺴﻲ ﺍﻧﻲ ﻗﻌﺪﺕ ﻛﻞ ﺍﻟﺸﻬﻮﺭ ﺩﻱ ﻣﻦ ﻏﻴﺮ ﻣﺎ ﺍﺭﺟﻊ ﻟﻴﻬﺎ ﻭ ﺍﺣﺎﻭﻝ ﺍﻏﻴﺮ ﻟﻴﻬﺎ ﺗﻔﻜﻴﺮﻫﺎ ﻭ ﺍﺣﺎﻭﻝ ﺗﺎﻧﻲ ﻭﺗﺎﻟﺖ ﻭ ﺍﻟﻒ ، ﻭ ﺭﺟﻌﺖ ﺍﻟﺨﺮﻃﻮﻡ .. ﻟﻘﻴﺖ ﺳﺎﻣﻴﺔ ﻳﺎﻫﺎ ﺳﺎﻣﻴﺔ ﺑﺎﻟﻌﻜﺲ ﻛﻤﺎﻥ ، ﻟﺪﺭﺟﺔ ﺑﺘﺠﻬﺰ ﻟﻲ ﻭﻻﺩﺓ ﺃﻣﻴﺮﺓ ، ﻭ ﻟﻤﻦ ﺑﻄﻦ ﺍﻣﻴﺮﺓ ﺑﺪﺕ ﺗﻜﺒﺮ ، ﺳﺎﻗﺘﻬﺎ ﻭﺩﺗﻬﺎ ﻗﻌﺪﺗﻬﺎ ﻣﻊ ﺍﻟﺴُﺮﺓ ، ﻭﻓﻬﻤﺖ ﻋﺒﺪ ﺍﻟﺮﺣﻴﻢ ﺍﻥ ﺍﻣﻴﺮﺓ ﺭﺟﻌﺖ ﺍﻟﺒﻠﺪ ، ﺑﺲ ﺍﻟﻜﻨﺖ ﻛﺎﻳﺴﺔ ﻟﻴﻬﻮ ، ﻫﻮ ﻋﺒﺪ ﺍﻟﺮﺣﻴﻢ ، ﻭﻳﻨﻮ ﻋﺒﺪﺍﻟﺮﺣﻴﻢ ﻣﻦ ﻛﻞ ﺩﺍ !! ﻟﻤﻦ ﻋﺮﻓﺖ ﺍﻥ ﺳﺎﻣﻴﺔ ﻣﺎ ﺻﺎﺭﺣﺘﻮ ﺑﻲ ﺣﺎﺟﺔ ، ﺭﻏﻢ ﺍﻧﻲ ﻣﺎ ﻛﻨﺖ ﺑﺘﺴﺎﺋﻞ ﻋﻨﻪ ﻓﻲ ﺣﻤﻞ ﺍﻣﻴﺮﺓ ﺑﺲ ، ﺍﻧﺎ ﻛﻨﺖ ﻗﺎﺻﺪﺓ ﻣﻦ ﻭﻗﺖ ﺍﻟﻈﺎﺭ ﻭ ﺣﺘﻰ ﻟﻮ ﺑﺤﻀﺮ ، ﻣﺎﻓﻲ ﺷﻲ ﺑﺘﺪﺳﺎ ﻓﻲ ﺍﻟﺤﻠﺔ ....
ﻟﻤﻦ ﺃﻣﻴﺮﻩ ﻭﻟﺪﺕ ﻓﻲ ﺑﻴﺖ ﺍﻟﺴُﺮﺓ ﺍﻟﻠﻲ ﻛﺎﻥ ﺗﺎﻧﻲ ﺷﺎﺭﻉ ﻣﻦ ﺑﻴﺖ ﺳﺎﻣﻴﺔ ، ﻛﺎﻥ ﻛﻞ ﻣﺎ ﺍﺟﻲ ﺍﻛﻮﺭﻙ ﻭﺍﺗﻜﻠﻢ ﺑﺸﻮﻑ ﺍﻟﺸﺎﻓﻊ ﺑﻐﻠﺒﻨﻲ ﺍﻟﻜﻼﻡ ، ﻭ ﺑﺮﺟﻊ ﺑﻴﺖ ﺳﺎﻣﻴﺔ ﻭ ﺍﺳﺄﻝ ﺭﺑﻨﺎ ﺍﻟﻐﻔﺮﺍﻥ ﻭ ﺍﻟﺘﻴﺴﻴﺮ !
ﺍﻟﻤﻬﻢ ﻟﺤﺪ ﺍﻟﻠﺤﻈﺔ ﺩﻱ ﻣﺎ ﻋﺎﺭﻓﻴﻦ ﺧﺒﺮ ﻭﻻﺩﺓ ﺃﻣﻴﺮﺓ ﻭﺻﻞ ﻛﻴﻒ ﻟﻲ ﺍﻫﻠﻬﺎ ﻓﻲ ﺍﻟﺒﻠﺪ ، ﺍﻟﻤﻬﻢ ﻭﺻﻞ ﻭ ﻣﺎﻓﻲ ﻭﻟﻲ ﻟﻲ ﺍﻣﻴﺮ ﻣﺎ ﺟﺎ ، ﻣﺴﻜﻮﻫﺎ ﺧﺒﻄﺖ ﻭ ﺩﻕ ﻭﺣﺎﻟﺔ ﻣﺎ ﻳﻌﻠﻢ ﺑﻴﻬﺎ ﺍﻻ ﺍﻟﻠﻪ ، ﻭ ﻣﺎ ﺍﻛﺘﻔﻮ ﺑﻲ ﻛﺪﺍ ! ﻋﻠﻘﻮﻫﺎ ﻓﻲ ﻋﻤﻮﺩ ﺍﻟﺤﻠﺔ ﻛﻌﺒﺮﺓ ﻭ ﻋﻈﺔ ﻛﻞ ﺍﻟﺤﻠﺔ ﻛﺎﻧﺖ ﺑﺘﺘﻔﺮﺝ ﻋﻠﻴﻬﺎ ﻭﻋﺮﻓﻮ ﻗﺼﺔ ﺃﻣﻴﺮﺓ !! ، ﻣﺎﻛﺎﻥ ﻓﻲ ﺯﻭﻝ ﻗﺎﺩﺭ ﻳﺘﺪﺧﻞ ﻭﻗﺘﻬﺎ ، ﺭﻏﻢ ﺍﻟﻜﻨﺖ ﺷﺎﻳﻼﻫﻮ ﺗﺠﺎﻩ ﺍﻣﻴﺮﺓ ﺍﻻ ﺍﻧﻬﺎ ﺻﻌﺒﺖ ﻋﻠﻲ ، ﻭﺑﺼﺮﺍﺣﻪ ﻣﺎ ﻛﻨﺖ ﻣﺘﻮﻗﻌﺔ ﺍﻧﻬﻢ ﻳﻘﺒﻠﻮﻫﺎ ﺑﻌﺪ ﺍﻟﻌﺎﺭ ﺩﺍ ، ﺑﺲ ﺳﺎﻗﻮﻫﺎ ﻣﻌﺎﻫﻢ ﻟﻠﺒﻠﺪ ﻭ ﺑﻌﺪ ﻓﺘﺮﺓ عقدو ليها لي ﻭﺍﺣﺪ ﻣﻦ ﺍﻫﻠﻬﺎ ﻭ ﺍﻟﻠﻪ ﺍﻋﻠﻢ ﻣﻦ ﺻﺤﺔ ﺍﻟﻤﻮﺿﻮﻉ ﺩﺍ ...
ﺑﻌﺪ ﺍﻟﺤﺼﻞ ، ﻛﺎﻥ ﺻﺪﺍﻩ ﺑﻴﺮﻥ ﻓﻲ ﻛﻞ ﺭُﻛﻦ ﻓﻲ ﺍﻟﺤﻠﻪ !
ﻟﺤﺪ ﻣﺎ ﺣﺼﻞ ﻧﻘﺎﺵ ﺣﺎﺭ ﺷﺪﻳﺪ ﺑﻴﻦ ﺳﺎﻣﻴﺔ ﻭﻋﺒﺪﺍﻟﺮﺣﻴﻢ ﻭ ﻛﺎﻥ :
__ ﻟﻴﻪ ﻳﺎ ﺳﺎﻣﻴﺔ ! ﻟﻴﻴﻴﻴﻴﻪ ﻳﺎ ﺳﺎﻣﻴﺔ ! ﺗﺎﺑﻌﺘﻲ ﻧﻔﺴﻚ ﻟﻤﻦ ﻭﺻﻠﺘﻲ ﻟﻠﻤﺮﺣﻠﺔ ﺩﻱ ! ﻗﺼﺮﺕ ﻋﻠﻴﻚ ﻓﻲ ﺷﻨﻮ ! ﺣﺒﻴﺘﻚ ﻭ ﺭﺿﻴﺖ ﺑﻴﻚ ﻭ ﺑﻲ ﻗﺴﻤﺘﻨﺎ ، ﻻ ﺟﺒﺖ ﻓﻴﻚ ﺿُﺮﺓ ﻭﻻ ﻇﻠﻤﺘﻚ ﻭﻻ .. ﻭﻻ ... !!!
** ﻋﺒﺪﺍﻟﺮﺣﻴﻢ ﺍﻱ ﺍﻧﺴﺎﻥ ﻗﺎﺑﻞ ﻟﻠﻐﻠﻂ ! ﻭ ﺍﻧﺎ ﺭﻭﺣﻲ ﻓﻲ ﺍﻟﺠﻨﻰ ﺩﺍ !
__ ﻻ ﻭﺍﻟﻠﻪ ﺑﺘﺤﻠﻤﻲ ﻛﺎﻥ ﺍﺭﺑﻲ ﻟﻲ ﺟﻨﻰ ﺣﺮﺍﻡ ﻓﻲ ﻧﺺ ﺑﻴﺘﻲ ، ﻛﻔﺎﻳﺎﻙ ﻛﻔﺎﻳﺎﻙ ﻳﺎ ﺳﺎﻣﻴﺔ ! ﺍﺭﺟﻌﻲ ﻟﻲ ﺭﺑﻚ
** ﺍﺭﺟﻊ ﻟﻲ ﺭﺑﻲ ﻭ ﺍﺟﺪﻉ ﻟﻲ ﺟﻨﻰ ﻣﺎﻟﻴﻬﻮ ﺫﻧﺐ ﻓﻲ ﺣﺎﺟﺔ ؟؟؟ ﺩﺍ ﺍﻟﺤﻴﺮﺿﻲ ﺿﻤﻴﺮﻛﻢ ﺍﻧﺖ ﻭﺍﻣﻲ ؟؟
__ ﺍﻧﺎ ﻣﺎ ﻗﻠﺖ ﺍﺭﻣﻴﻬﻮ ، ﺍﻧﺎ ﻗﻠﺖ ﻣﺎ ﺣﺄﺭﺑﻲ ﻟﻲ ﺟﻨﻰ ﺣﺮﺍﻡ ﻓﻲ ﺑﻴﺘﻲ ﺩﺍ !!!!!
ﻭﻫﺎﺩ ﺑﺘﻘﻮﻝ :
ﺳﻤﻌﺖ ﻟﺤﺪ ﻫﻨﺎ ﻭ ﻣﺎ ﺍﺗﺤﻤﻠﺖ ﺍﺳﻤﻊ ﺑﺎﻗﻲ ﺍﻟﻘﺼﻪ ﻻﻧﻲ ﻋﺎﺭﻓﺎﻫﺎ ... ﻛﺎﻟﻌﺎﺩﻩ ﺷﻠﺖ ﺿﻴﻘﻲ ﻭ ﻛﺒﻴﺘﻮ ﻓﻲ ﺷﻐﻠﻲ !!
ﺍﻣﺎ ﻓﻲ ﺟﺎﻧﺐ ﺭﻳﻢ -
ﻗﺒﻞ ﺍﻃﻠﻊ ﻣﻦ ﻋﻨﺪ ﻃﻪ ، ﻗﻠﺖ ﻟﻴﻬﻮ ﺍﺳﻤﻊ :
** ﺑﺘﺪﺧﻦ ﺳﺠﺎﻳﺮ ؟
__ ‏( ﻣﺨﻠﻮﻉ ‏) ﺃﻳﻮﺓ ﻋﺮﻓﺘﻲ ﻛﻴﻒ ؟
** ﻣﺠﺮﺩ ﺍﺣﺘﻤﺎﻝ ﺳﺎﻱ ، ﺍﻟﻤﻬﻢ ‏( ﻣﺎﺩﺓ ﻟﻴﻬﻮ ﻳﺪﻱ ‏)
ﺟﻴﺐ ﺍﻟﻮﻻﻋﺔ !
__ ﺍﺳﺘﺎﺫﺓ ﺭﻳﻢ ﺍﻧﺘﻲ ﺑﺘﺴﺠﺮﻱ !!!
** ﺑﺎﻟﻐﺘﺎ ﻣﻌﺎﻱ ، ﺍﺳﻤﻊ ﻋﻨﺪﻙ ﻭﺍﺍ ﺍﻣﺸﻲ ﺍﺷﺘﺮﻱ ﻟﻲ ﻭﺣﺪﺓ !!
__ ﻻﻻ ﺩﻗﻴﻘﻪ ، ﺑﺪﻳﻚ .. ‏( ﻭﻫﻮ ﺑﻔﺘﺢ ﺍﻟﺪﺭﺝ ﻋﺸﺎﻥ ﻳﺪﻳﻨﻲ ﺍﻟﻮﻻﻋﺔ ‏)
** ﺩﻱ ﻛﺒﺮﻳﺘﻪ ﺻﺢ ؟
__ ﺍﻳﻮﺓ !!
** ﺑﺲ ﺍﺩﻳﻨﻲ ﻟﻴﻬﺎ ﻭ ﺧﻠﻲ ﻭﻻﻋﺘﻚ ﻣﻌﺎﻙ !!
__ ﺭﻳﻢ !!! ﻣﻬﻤﺎ ﻛﺎﻥ ﺍﻟﻀﻐﻂ ﺍﻟﻠﻲ ﻣﺎﺭا ﺑﻴﻬﻮ ﻣﺎ ﺣﻴﻨﻔﻊ ﺗﺸﺮﺑﻲ ﺳﺠﺎﻳﺮ !!
** ﺣﺎﺿﺮ ‏( ﺿﺤﻜﺘﻪ ‏)
ﻭ ﻃﻠﻌﺘﻪ ﺳﺮﻋﺔ ﺳﺮﻋﻪ ﺣﺘﻰ ﻡ ﻓﻬﻢ ﻣﻨﻲ ﺣﺎﺟﺔ ، ﺷﻠﺖ ﺍﻟﻠﻮﺣﺔ ﻭ ﺭﻛﺒﺖ ﻋﺮﺑﻴﺘﻲ ﻭ ﻣﺸﻴﺖ !
ﻗﺎﻃﻌﻨﻲ ﺍﺗﺼﺎﻝ ﻛﺎﻥ ﺑﺎﻟﻨﺴﺒﺔ ﻟﻲ ﻏﺮﻳﺐ ﻻﻧﻪ ﻣﻦ ﻋﻤﺎﺭ ﺧﻄﻴﺐ ﺭﺯﺍﻥ ! ﻭ ﻛﺎﻥ ﻣﺼﻤﻢ ﺍﻧﻪ ﻧﺘﻼﻗﻰ ﻓﻲ ﻧﻔﺲ ﺍﻟﻠﺤﻈﺔ .. ﻭ ﻓﻌﻼ ﺍﺗﻮﺟﻬﺘﺎ ﻋﻠﻰ ﻣﺤﻞ ﻗﺎﻝ ﻳﻼﻗﻴﻨﻲ ﻓﻴﻬﻮ .. ﻭ ﻣﺸﻴﺖ ﻟﻘﻴﺘﻮ ﻗﺎﻋﺪ ! ‏( ﻓﻲ ﺍﻟﻠﺤﻈﺔ ﺩﻱ ﺍﻧﺎ ﻛﻨﺖ ﻣﺎﺳﻜﺔ ﺍﻟﻮﻻﻋﺔ ﺣﻘﺖ ﻃﻪ ﻓﻲ ﻳﺪﻱ ﻃﻮﻝ ﺍلمده ﺩﻱ ﻭ ﻣﺎ ﻛﻨﺖ ﻣﻨﺘﺒﻬﻪ ، ﻟﻤﻦ ﻭﺻﻠﺖ ﺍﻟﻜﻔﺘﻴﺮﻳﺎ ﻭ ﻗﻌﺪﺕ ‏)
** ﻫﻼ ﻋﻤﺎﺭ ، ﻛﻴﻔﻚ ؟
__ ﺍﻟﺤﻤﺪﻟﻠﻪ ﺑﺨﻴﺮ ‏( ﻋﻴﻨﻮ ﻭﻗﻌﺖ ﻋﻠﻰ ﺍﻟﻮﻻﻋﺔ ‏)
** ﺧﻴﺮ !!
— ﺍﺍﻣﻢ ﺍﻟﻤﻮﺿﻮﻉ ﺑﺨﺼﻮﺹ ﺭﺯﺍﻥ !
** ﺍﻭﻛﻲ ﺍﺗﻜﻠﻢ
__ ‏( ﻭ ﻟﺴﻪ ﻋﻴﻨﻮ ﻋﻠﻴﻬﺎ ‏) ﺍﻧﺤﻨﺎ ﺍﺧﺘﻠﻔﻨﺎ ﺑﻲ ﺳﺒﺒﻚ ‏( ﻗﺎﻟﻬﺎ ﺑﻲ ﻏﻀﺐ ﻭﺍﻟﻠﻲ ﺳﺎﻋﺪﻩ ﻧﻈﺮﺗﻮ ﻟﻲ ﺑﻌﺪ ﻡ ﺷﺎﻑ ﺍﻟﻮﻻﻋﻪ ‏)
** ﺑﻲ ﺳﺒﺒﻲ ﺍﻧﺎ ﻟﻴﻪ ! ؟؟؟؟
__ ﺍﺗﻨﺎﻗﺸﻨﺎ ﺑﻲ ﺳﺒﺐ ﺳﻴﺮﺗﻚ ﻭ ﻧﻈﺮﺓ ﺍﻟﻨﺎﺱ ﻟﻴﻜﻲ ﻭ ﻫﻲ ﺩﺍﻓﻌﺖ ﻋﻨﻚ ﻭ ﺍﻓﺘﻜﺮﺗﻨﻲ ﺿﺪﻙ !
** ﻭﻳﻦ ﺍﻟﺠﺪﻳﺪ ﻃﻴﺐ ! ﻣﺎ ﺍﻟﻨﺎﺱ ﻣﺎ ﻋﻨﺪﻫﻢ ﺷﻐﻠﻪ ﻏﻴﺮ ﺍﻟﻘﻴﻞ ﻭﺍﻟﻘﺎﻝ ، ﻫﻲ ﺯﺍﺗﺎ ﻣﻔﺮﻭﺽ ﺗﻜﻮﻥ ﺍﺗﻌﻮﺩﺕ !
__ ﺍﻧﺘﻲ ﻓﻬﻤﺘﻴﻨﻲ ﻏﻠﻂ ﺍﻧﺎ ﻣﺎ ﻏﻠﻄﺖ ﻋﻠﻴﻜﻲ ﻭﻻ ﺍﺗﻜﻠﻢ *.. ﻗﺎﻃﻌﺘﻮ *
** ﺑﺘﺒﺮﺭ ﻟﻲ ﺍﻧﺎ ﻟﻴﻪ ؟؟؟ ‏( ﻭﺍﻧﺎ ﺑﻘﻮﻡ ‏) .... ﻣﺎ ﺗﺒﺮﺭ ﻟﻲ ! ﺍﺗﻌﻠﻢ ﺗﺤﻞ ﻣﺸﺎﻛﻠﻚ ﺑﺮﺍﻙ ... ﻭﻣﺸﻴﺖ ﺧﻠﻴﺘﻮ !!
ﺑﻌﺪ ﻣﺸﻴﺖ ﻣﻦ ﻋﻤﺎﺭ ، ﻛﺎﻥ ﻓﻲ ﺗﻔﻜﻴﺮﻱ ﺣﻞ ﻭﺍﺣﺪ ﺑﺲ ، ﻭﻫﻮ ﺯﺍﺗﻮ ﺍﺧﺘﺎﺭ ﺗﻮﻗﻴﺖ ﻏﻠﻂ ﻓﻲ ﺍﻟﻜﻼﻡ ﻣﻌﺎﻱ ﻭ ﻡ ﻛﻨﺖ ﺷﺎﻳﻔﻪ ﻏﻴﺮ ﺍﻟﻠﻲ ﻛﻨﺖ ﻣﺎﺷﻪ ﺍﺳﻮﻳﻬﻮ ﺩﺍ ! ﺍﻟﻤﻬﻢ ﻛﻨﺖ ﻣﺘﻮﺳﻤﺔ ﺍﻟﺨﻴﺮ ﻓﻲ ﺣﻠّﻲ ﺩﺍ ﺷﺪﻳﺪ .... ﻭﺻﻠﺖ ﺍﻟﻨﻴﻞ ، ﻭ ﻧﻔﺲ ﺍﻟﻠﻲ ﺣﺼﻞ ﻣﻌﺎﻱ ﺍﻟﻴﻮﻡ ﺩﺍﻙ ، ﺑﻘﻴﺖ ﻻﻓﺔ ﺻﻴﻨﻴﺔ ﺣﻮﻟﻴﻦ ﻧﻔﺴﻲ ﻋﺸﺎﻥ ﺍﻗﺪﺭ ﺍﺳﺘﺤﻀﺮ ﺍﻟﺘﻠﻪ ﺩﻳﻚ ، ﻭ ﺯﻱ ﻣﺎ ﻗﻠﺖ ﻟﻴﻜﻢ ﻛﺎﻥ ﻓﻲ ﺷﺠﺮﺓ ﻋﺠﻮﺯﺓ ﻫﻨﺎ ﺑﺲ ﻡ ﻣﺴﺘﺤﻀﺮﺍﻫﺎ ﺑﺎﻟﺠﺪ ﻣﺮﺍﺕ ﺑﺤﺴﻬﺎ ﻣﺒﻨﻴﺔ ﻋﻠﻰ ﺍﻟﺨﻴﺎﻝ ! ﺍﻟﻤﻬﻢ ﺑﻘﻴﺖ ﻻﻓﺔ ﻭ ﻻﻓﻪ ﻭ ﺍﻟﺤﺘﺔ ﻛﺎﻥ ﻓﻴﻬﺎ ﻧﺎﺱ ﻋﻜﺲ ﺍﻟﻤﺮﺓ ﺩﻳﻚ ﺑﺲ ﺑﺎﻟﻌﺪﺩ ، ﻟﻜﻦ ﻣﻘﺎﺭﺏ ﺍﻟﻨﻴﻞ ﻧﻔﺴﻪ ، ﻡ ﻛﺎﻥ ﻓﻲ ﺯﻭﻝ ﻗﺎﻋﺪ ..
ﻭﻗﻔﺖ ﺍﻟﻌﺮﺑﻴﻪ ﻓﻲ ﺣﺘﺔ ﺍﻧﺎ ﻣﺘﺄﻛﺪﺓ ﺍﻧﻬﺎ ﻫﻲ ﺑﻨﺴﺒﺔ %80 ، ﻋﻜﺲ ﺍﻟﻤﺮﺓ ﺍﻟﻠﻲ ﻓﺎﺍﺍﺗﺖ .... ﺍﺳﺘﺠﻤﻌﺖ ﺷﺠﺎﻋﺘﻲ ، ﻭ ﻣﺸﻴﺖ ﻋﻨﺪ ﺍﻟﺘﻠﻪ ﻭ ﺃﻧﺎ ﻣﺎﺳﻜﺔ ﺍﻟﺮﺳﻤﺔ ﺑﻲ ﻳﺪﻱ ، ﻭ ﻗﻌﺪﺕ ﻓﻲ ﻧﻔﺲ ﺍﻟﺤﺘﺔ ﻭ ﺑﻘﻴﺖ ﻣﻘﺎﺑﻠﻪ ﺍﻟﻨﻴﻞ .. ﻓﺘﺤﺖ ﺍﻟﺮﺳﻤﺔ ﻭ ﺑﻘﻴﺖ ﺑﻌﺎﻳﻦ ﻟﻴﻬﺎ ﺷﺪﻳﺪ ﺍﺑﺪﺍً ﻡ ﻓﻜﺮﺕ ﺍﺗﻜﻠﻢ ﻣﻌﺎﻫﻮ ﻛﺄﺳﺘﺤﻀﺎﺭ ﻟﻴﻬﻮ ﺍﺑﺪﺍً ﻋﻘﻠﻲ ﻡ ﻭﺻﻞ ﺍﻟﻤﺮﺣﻠﺔ ﺩﻱ ﻣﻦ ﺍﻟﺠﻨﻮﻥ ... ﻭﻗﻔﺖ ﻋﻠﻰ ﺣﻴﻠﻲ ﻣﻘﺎﺭﺑﺔ ﻟﻠﻨﻴﻞ ﻭ ﻣﺴﻜﺖ ﺍﻟﺮﺳﻤﺔ ﺑﻲ ﺍﻟﻄﺮﻑ ، ﻭ ﻃﻠﻌﺖ ﺍﻟﻮﻻﻋﺔ ﺣﻘﺖ ﻃﻪ !! ﻭ ﻟﻌﺘﻬﺎ ﻭﺧﻠﻴﺖ ﺍﻟﻨﺎﺭ ﺗﻤﺴﻚ ﻓﻴﻬﺎ ، ﻛﻞ ﺍﻟﻘﻠﺘﻮ ﻭﻗﺘﻬﺎ : ‏( ﻣﻊ ﺍﻟﺴﻼﻣﺔ ، ﻣﺎ ﺍﻇﻦ ﻧﺘﻼﻗﻰ ﺗﺎﻧﻲ ‏) ﻭ ﻓﻜﻴﺘﻬﺎ ﻣﻦ ﻳﺪﻱ ، ﻣﻊ ﺍﻟﻬﻮﺍﺀ ﺍﻟﻨﺎﺭ ﺣﻮﻟﺘﻬﺎ ﻟﻲ ﺭﻣﺎﺩ ﻟﻤﻦ ﻃﺎﺭﺕ ﻭ ﻭﻗﻌﺖ ﺟﻮﺍ ﺍﻟﻤﻮﻳﺔ !! ﻭ ﻃﻔﺖ ﺍﻟﺠﺰﺀ ﺍﻟﺒﺎﻗﻲ ﻣﻨﻬﺎ ، ﺍﺧﺪﺕ ﻧﻔﺴﻲ ﻭ ﺍﺩﻳﺖ ﺿﻬﺮﻱ ﻟﻠﻨﻴﻞ !
ﺭﻛﺒﺖ ﻋﺮﺑﻴﺘﻲ ﻭ ﻣﺸﻴﺖ ﺑﺎﻟﺠﻬﺔ ﺍﻟﺘﺎﻧﻴﻪ ﻟﻠﻨﻴﻞ ﻣﺤﻞ ﺍﻟﻘﻌﺪﺍﺕ ﺍﻟﻠﻲ ﻓﻴﻬﺎ ﺍﻟﻨﺎﺱ ، ﻭﻗﻔﺖ ﻋﺮﺑﻴﺘﻲ ﻭ ﻧﺰﻟﺘﻪ !
ﻗﻌﺪﺕ ﻓﻲ ﻭﺣﺪﺓ ﻣﻦ ﺍﻟﻘﻌﺪﺍﺕ ﺩﻱ ﻭ ﻋﻴﻨﻲ ﻟﻠﻨﻴﻞ ، ﻟﻤﻦ ﺟﺎﻧﻲ ﺍﻟﻮﻟﺪ ﺍﻟﻠﻲ ﺑﻴﺸﺘﻐﻞ ﻓﻲ ﻛﺎﻓﺘﻴﺮﻳﺎ ﺍﻟﻘﻌﺪﺍﺕ ﺩﻱ ، ﻗﺎﻟﻲ ﻳﺎ ﻫﻼﺍﺍﺍ .. ﺍﺗﻔﻀﻠﻲ ﺗﻄﻠﺒﻲ ﺷﻨﻮ ؟
ﻗﻠﺖ ﻟﻴﻬﻮ : ﻋﺼﻴﺮ ﻣﻨﻘﺔ ﻟﻮ ﻣﻤﻜﻦ ! ﻗﺎﻟﻲ ﺍﻛﻴﺪ ﻣﻤﻜﻦ ! ﻏﺎﺏ ﺷﻮﻳﺔ ﻭ ﺟﺎ ، ﻗﺎﻟﻲ :
__ ﺍﺗﻔﻀﻠﻲ !
** ﻣﻤﻜﻦ ﺍﺳﺄﻟﻚ ﺳﺆﺍﻝ ؟
__ ﺍﻳﻮﺓ ﻣﻤﻜﻦ !
** ﺑﺘﺆﻣﻦ ﺑﺎﻟﺤﺘﺎﺕ ﺍﻟﻤﺴﻜﻮﻧﺔ ؟
__ ﺩﻱ ﻡ ﻟﻴﻬﺎ ﻋﻼﻗﻪ ﺑﺎﻻﻳﻤﺎﻥ ، ﻣﻤﻜﻦ ﺗﺨﻠﻲ ﺳﺆﺍﻟﻚ ﻣﻦ ﺑﺎﺏ ﺍﻻﻗﺘﻨﺎﻉ ، ﺍﺫﺍ ﺑﻘﺘﻨﻊ ﻭﻻﻻ ، ﺑﺲ ﻓﻲ ﺍﻟﻨﻬﺎﻳﺔ ﺑﻘﺘﻨﻊ ﻻﻧﻬﺎ ﻣﻮﺟﻮﺩﺓ ﻭ ﺍﻏﻠﺒﻬﺎ ﺍﻣﺎﻛﻦ ﻣﻬﺠﻮﺭﺓ ﺑﺎﻟﺴﻨﻴﻦ !
** ﺍﻧﺎ ﺧﺎﻧﻲ ﺍﻟﺘﻌﺒﻴﺮ ﺑﺲ ﻻﻧﻲ ﻣﺎ ﻣُﻠﻤﺔ ﺑﺎﻟﺤﺎﺟﺎﺕ ﺩﻱ !
__ ﻃﻴﺐ ﺍﺩﻳﻚ ﻣﺜﺎﻝ
** ﺍﻫﺎ !
__ ﻣﺜﻼً ﻋﻨﺪﻙ ﺍﻟﺤﺘﺔ ﺩﻳﻚ ! ﻣﺴﻜﻮﻧﺔ !
** ‏( ﻗﻤﺖ ﻧﺎﻃﺔ ﻭ ﺭﻛﺰﺕ ﻣﻌﺎﻫﻮ ﺷﺪﻳﺪ ‏) ﻭﻳﻦ ﻭﻳﻦ ؟
__ ﺍﻟﺠﻬﺔ ﺍﻟﺘﺎﻧﻴﺔ ﻣﻦ ﺍﻟﻨﻴﻞ ﺍﺻﻼ ﻣﺎﻓﻲ ﺯﻭﻝ ﺑﻴﻤﺸﻲ ﻫﻨﺎﻙ !!
** ﻗﺼﺪﻙ ﻫﻨﺎﻙ ‏( ﺑﺄﺷﺮ ﻟﻴﻬﻮ ﺑﻲ ﺻﺒﺎﻋﻲ ‏)
__ ﻻ ﺍﻟﻮﺍﺟﻬﻪ ﺩﻱ !
** ﻻ ﻣﺎ ﺍﻟﻮﺍﺟﻬﻪ ﺩﻱ ، ﺑﻘﺼﺪ ﺟﻬﺔ ﺍﻟﻨﻴﻞ ﻓﻮﻕ ﺍﻟﺘﻠﻪ ﺩﻳﻚ .. ﻣﺴﻜﻮﻭﻭﻭﻥ ؟؟
__ ﺑﻴﻘﻮﻟﻮ ﻭﺍﻟﻠﻪ ﺍﻋﻠﻢ ..... ‏( ﻧﺎﺩﻭﻫﻮ ‏) ﻋﻦ ﺍﺯﻧﻚ ﻓﻲ ﻃﻠﺒﺎﺕ ﺟﻮﺍ !!! ﻭ ﻣﺸﻰ !
ﻣﺎ ﻗﺪﺭﺗﻪ ﺍﻗﻌﺪ ﻏﻠﺒﻨﻲ ﺍﻟﻘﻌﺎﺩ ، ﺧﺘﻴﺖ ﺍﻟﺤﺴﺎﺏ ﻭ ﺟﺮﻳﺖ ﻋﻠﻰ ﻋﺮﺑﻴﺘﻲ ، ﻛﺎﻥ ﺑﺲ ﻧﻔﺴﻲ ﺍﺯﺡ ﻣﻦ ﺍﻟﻤﻜﺎﻥ ﺩﺍ ﺑﻲ ﺍﻱ ﻃﺮﻳﻘﺔ ، ﻭ ﻛﻞ ﺭﻏﺒﺘﻲ ﻛﺎﻥ ﺍﺻﻞ ﺍﻟﺒﻴﺖ ﺑﺴﺮﻋﻪ ﻭ ﺍﺧﺪﺕ ﻗﺮﺍﺭ ﻭﻗﺘﻬﺎ ... ﻭ ﻓﻌﻼً ﻭﺻﻠﺖ ﺍﻟﺒﻴﺖ ﺑﻲ ﻗﺪﺭﺓ ﺍﻟﻠﻪ ....
ﻟﻤﻦ ﺑﺨﺶ ﺑﻴﺘﻨﺎ ﺑﺤﺲ ﺑﺎﻟﺒﻬﺠﺔ ﺭﻏﻢ ﻛﻞ ﺣﺎﺟﺔ ﺍﻧﺎ ﻣﺎﺭﺓ ﺑﻴﻬﺎ ، ﺑﺲ ﻛﺎﻥ ﺍﻟﺒﻴﺖ ﻧﻀﻴﻒ ﺷﺪﻳﺪ ﻭ ﺭﻳﺤﺘﻮ ﺣﻠﻮﺓ ﻭ ﻣﻨﻌﺸﻪ ﺑﺠﺪ ، ﺩﺧﻠﺖ ﻟﻲ ﺟﻮﺍ ﺑﻌﺪ ﺍﻟﺼﺎﻟﻮﻥ ﻟﻘﻴﺖ ﻭﺣﺪﺓ ﻭﺍﻗﻔﻪ !! ﻋﺎﻳﻨﺖ ﻟﻴﻬﺎ ﻛﺪﺍ ! ﻭ ﻣﻦ ﻛﺘﺮﺓ ﺍﻟﻤﻮﺍﻗﻒ ﺍﻟﻴﺘﺤﺼﻞ ﻣﻌﺎﻱ ﺑﻘﻴﺖ ﺑﺴﺘﻐﺮﺏ ﻭﺟﻮﺩ ﺍﻱ ﺯﻭﻝ ، ﻋﺎﻳﻨﺖ ﻟﻴﻬﺎ ﺷﺪﻳﺪ ، ﻗﻠﺖ ﻟﻴﻬﺎ ﺍﻧﺘﻲ ﻣﻨﻮ ؟؟؟ ﻗﺎﻟﺖ ﻟﻲ ﺍﻧﺎ ﻣﺎﺭﻳﺎﻥ ﺍﻟﻌﺎﻣﻠﺔ ﺍﻟﺠﺪﻳﺪ ،، ﻣﺴﻜﺖ ﺭﺍﺳﻲ ﻭ ﺍﺳﺘﺤﻀﺮﺗﻪ ﺍﻟﻤﻮﺿﻮﻉ ! ﻗﻠﺖ ﻟﻴﻬﺎ ﺳﻮﺭﺭﻱ ﻭﺍﻟﻠﻪ ﻧﺴﻴﺖ ! ﻣﻨﻮﺭﺓ ! ﻭﻳﻦ ﺍﻟﻌﺎﻣﻠﺔ ﺍﻟﺜﺎﻧﻴﻪ ؟ ﻗﺎﻟﺖ ﻟﻲ ﺑﺎﻟﻄﺎﺑﻖ ﺍﻟﺜﺎﻧﻲ .. ﻗﻠﺖ ﻟﻴﻬﺎ ﻃﺒﺐ ﺣﺒﻴﺒﺘﻲ ﺷﻜﺮﺍً ﻟﻮﺟﻮﺩﻛﻢ ﺍﻧﺎ ﺭﻳﻢ ﺍﻭﻛﻴﻪ ! ﻗﺎﻟﺖ ﻟﻲ ﺍﻭﻛﻴﻪ .. ﻭ ﻃﻠﻌﺖ ﻏﺮﻓﺘﻲ ﺍﻟﻠﻲ ﻛﺎﻧﺖ ﻛﻤﺎﻥ ﻧﻀﻴﻔﻪ ﻭ ﻣﻨﻌﺸﻪ ! ﺍﻧﺒﺴﻄﺘﺎ ﺑﻴﻬﺎ ﺑﺎﻟﺠﺪ ﺑﺲ ﻛﻤﺎﻥ ﺯﻋﻠﺘﻪ ، ﻭ ﻧﺰﻟﺘﻪ ﻓﺘﺸﺖ ﺍﻣﻲ ، ﻭﻟﻘﻴﺘﺎ ﻓﻲ ﺍﻟﻤﻄﺒﺦ !! ﻗﻠﺖ ﻟﻴﻬﺎ :
** ﻭﻟﻴﺪ ﺟﺎﺑﻬﻢ ﻣﺘﻴﻦ ؟
__ ﺍﻳﻴﻴﻴﻴﻚ ﻣﻦ ﺍﻟﻀﻬﺮ !
** ﻃﻴﺐ ﻟﻴﻪ ﺧﻠﻴﺘﻮﻫﻢ ﻃﻮﺍﻟﻲ ﻛﺪﺍ ﻳﺸﺘﻐﻠﻮ ؟
__ ﻛﻴﻒ ﻳﻌﻨﻲ ! ﻫﻢ ﺟﺎﻳﻦ ﻋﺸﺎﻥ ﺷﻨﻮ ؟
** ﺍﻣﻲ ﺍﻳﻮﺍ ﻫﻤﺎ ﺟﺎﻳﻦ ﻋﺸﺎﻥ ﻳﺸﺘﻐﻠﻮ ﻟﻜﻦ ﻣﺎ ﻃﻮﺍﻟﻲ ﻛﺪﺍ ﻋﻠﻰ ﺍﻻﻗﻞ ﻳﺮﺗﺎﺣﻮ ﺑﺎﻗﻲ ﺍﻟﻴﻮﻡ ﺩﺍ ﻭ ﺑﺘﻌﺮﻓﻮ ﻋﻠﻰ ﺍﻟﺒﻴﺖ ﻭ ﻣﻦ ﺑﻜﺮﺓ ﻳﺸﺘﻐﻠﻮ ﺯﻱ ﻣﺎ ﻋﺎﻳﺰﻳﻦ !
__ ﺍﻧﺘﻲ ﻏﺮﻳﺒﻪ ﻳﺎ ﺑﺘﻲ ﻭﺍﻟﻠﻪ !
** ﻃﻴﺐ ﻳﺎ ﺍﻣﻲ .... ﻡ ﺗﺨﻠﻲ ﻭﺣﺪﺓ ﻓﻴﻬﻢ ﺗﺸﺘﻐﻞ ﺣﺎﺟﺔ ﺗﺎﻧﻴﻪ ﻣﻦ ﻓﻀﻠﻚ ﻛﻔﺎﻳﻪ ﻧﻀﻔﻮ ﺍﻟﺒﻴﺖ ﻛﻠﻮ ﺧﻠﻴﻬﻢ ﻳﺎﺧﺪﻭ ﺭﺍﺣﺘﻬﻢ ﻟﻲ ﺑﻜﺮﺓ ... ﻭﻣﺸﻴﺖ ﻣﻨﻬﺎ !! ﻭﺗﺎﻧﻲ ﺭﺟﻌﺘﻪ ﻟﻴﻬﺎ ... ﺍﺑﻮﻱ ﻭﻳﻨﻮ ؟
__ ‏( ﺑﻲ ﺻﻮﺕ ﻭﺍﻃﻲ ﻗﺎﻟﺖ ‏) ﺍﻟﺒﺖ ﺩﻱ ﻛﻤﻠﺖ ﺍﻟﺠﻨﻮﻥ ﺭﺳﻤﻲ !! ‏( ﺭﻓﻌﺖ ﺻﻮتها ‏) ﺍﺑﻮﻙ ﺳﺎﻓﺮ !
** ﺍﻭﻓﻔﻔﻒ ‏( ﻗﻠﺖ ﻑ ﺳﺮﻱ ، ﺍﺑﻮﻱ ﺩﺍ ﺳﻔﺮﻭ ﻓﺎﺕ ﺍﻟﺤﺪ ‏) ...
ﻃﻠﻌﺖ ﻏﺮﻓﺘﻲ ، ﺩﺧﻠﺖ ﺍﺧﺪﺕ ﻟﻲ ﺩﺵ ، ﻭ ﺍﻧﺎ ﻃﺎﻟﻌﻪ ﻣﻦ ﺍﻟﺤﻤﺎﻡ ﺳﺎﻣﻌﻪ ﺻﻮﺕ ﺍﻟﻬﺰﺍﺯ ﺣﻖ ﺍﻟﺘﻠﻔﻮﻥ ، ﻓﺼﻞ ﻭ ﺭﺟﻊ ﻳﻬﺰ ﺗﺎﻧﻲ .. ﺷﻠﺖ ﺍﻟﺸﻨﻄﻪ ﻣﻦ ﺍﻟﺴﺮﻳﺮ ، ﻃﻠﻌﺖ ﺍﻟﺘﻠﻔﻮﻥ ﻋﺎﻳﻨﺖ ﻟﻘﻴﺘﻮ ﻃﻪ !!! ﺭﺩﻳﺖ ﻟﻴﻬﻮ :
__ ﻣﻦ ﻗﺒﻴﻞ ﺑﺘﺼﻞ ﺍﻧﺘﻲ ﻭﻳﻨﻚ ؟
** ﻛﻨﺖ ﺑﻌﻴﺪﻩ ﻣﻦ ﺍﻟﺘﻠﻔﻮﻥ ! ﺣﺎﺻﻞ ﺷﻨﻮ ؟
__ ﺍﺳﻤﻌﻲ ﺍﻟﻠﻮﺣﺔ ﺍﻻﻭﻟﻰ ! ﻣﻤﻜﻦ ﺗﻮﺭﻳﻨﻲ ﺍﻟﻤﻌﺎﻛﻲ ﺩﻱ ﻋﺎﻣﻠﻪ ﻛﻴﻒ ؟؟؟
** ﺣﺎﺻﻞ ﺷﻨﻮ ؟؟
__ ﺭﻳﻢ ﺟﺎﻭﺑﻲ ﻟﻲ ﺍﻧﺎ ﻣﻦ ﻣﺎﺷﻴﺘﻲ ﻣﺨﻲ ﺩﺍ ﻣﺎ ﺑﻄﻞ ﺗﻔﻜﻴﺮ ، ﺑﺲ ﻭﺭﻳﻨﻲ !!
** ﻟﻮﺣﺔ ﻓﺎﺿﻴﻪ ﻳﺎ ﻃﻪ ﺑﻴﻀﺎ ﻣﺎ ﻓﻴﻬﺎ ﺍﻱ ﺣﺎﺟﺔ ؟؟
__ ﻋﺎﻳﻨﻲ ! ﻫﻲ ﻭﻳﻦ ﻫﺴﻲ ؟
** ﻣﺎ ﺑﻌﺮﻑ ! ﻛﺎﻧﺖ ﻓﻲ ﺷﻨﻄﺔ ﺍﻟﻌﺮﺑﻴﻪ ﺑﺲ ﺍﻧﺎ ﺭﻣﻴﺘﻬﺎ ﻭ ﻡ ﺍﻇﻦ ﻣﻮﺟﻮﺩﺓ ﺍﺳﻲ !!
__ ﺷﻮﻓﻴﻬﺎ ﻟﻲ ﻟﻮ ﺳﻤﺤﺘﻲ ! ﻭ ﺍﺫﺍ ﻟﻘﻴﺘﻴﻬﺎ ﺍﺭﻓﻌﻴﻬﺎ ﻗﺼﺎﺩ ﻟﻤﺒﻪ !!! ﻭﺍﺭﺟﻌﻲ ﻟﻲ ﺿﺮﻭﻭﻭﻭﺭﻱ !!!!
*ﻭﻫﺎﺩ ﺑﺘﻘﻮﻝ :*
ﻟﻤﻦ ﻛﻨﺖ ﺑﻄﻠﺐ ﻣﻦ ﺍﻣﻲ ﺍﻧﻬﺎ ﺗﺤﻜﻲ ﻟﻲ ﻗﺼﺔ ﺳﺎﻣﻴﺔ ، ﻡ ﻋﺸﺎﻥ ﺍﻧﺎ ﺑﺴﺘﻤﺘﻊ ﺑﺎﻟﺤﻜﺎﻳﺎﺕ ﺯﻱ ﺍﻻﻃﻔﺎﺍﻝ ! ﻻﻻ ﺍﺑﺪﺍً ﺍﻧﺎ ﺑﻜﺮﻩ ﺍﻟﺤﻜﺎﻳﺎﺕ ﻭ ﺑﻜﺮﻩ ﺍﻟﺬﻛﺮﻳﺎﺕ ، ﻭﺑﻜﺮﻫﺎ ﺣﺎﺟﺎﺕ ﻛﺘﻴﺮﺓ ! ﺷﺪﻳﺪ ،، ﺭﻏﺒﺎﺕ ﺍﻻﻧﺴﺎﻥ ﻣﺘﻨﺎﻗﻀﻪ ، ﻟﻤﻦ ﺑﺘﻤﻨﻰ ﻭﺍﻗﻮﻝ ﻳﺎﺭﻳﺖ ﻟﻮ ﺍﻻﻧﺴﺎﻥ ﻭﻟﺪ ﻣﻦ ﻏﻴﺮ ﺫﺍﻛﺮﺓ ﻋﺸﺎﻥ ﺍﻧﺴﻰ ﺣﺎﺟﺎﺕ ﻋﺎﻟﻘﺔ ﻓﻴﻨﻲ ﺑﺎﻟﺴﻨﻴﻦ ، ﻭﺍﺭﺟﻊ ﺍﻗﻮﻝ ﻻ ﻣﺎ ﺩﺍﻳﺮﺓ ﺍﻧﺴﻰ ﻋﺸﺎﻥ ﻣﺎ ﺩﺍﻳﺮﺓ ﺍﻧﺴﻰ ﺍﻣﻲ ﺣﻨﺎﻥ ﻋﻤﻠﺖ ﺷﻨﻮ ﻋﺸﺎﻧﻲ ، ﺍﻧﺎ ﻣﻊ ﺫﻛﺮﻳﺎﺗﻲ ﻟﻴﻬﺎ ﻛﻞ ﻟﺤﻈﻪ ﻣﻦ ﺣﻴﺎﺗﻲ ﺑﺤﺒﻬﺎ ﺯﻳﺎﺩﺓ ﺑﺤﺒﻬﺎ ﺷﺪﻳﺪ ﺷﺪﻳﺪ !!
ﻟﻤﻦ ﻭﻗﻔﺖ ﺍﻣﻲ ﻣﻦ ﺗﻤﺎﻣﺔ ﺍﻟﻘﺼﺔ ﺍﻧﺎ ﻛﺎﻥ ﻟﻲ ﻓﻴﻬﺎ ﺫﻛﺮﻯ ﺑﺪﺃﺕ ﻣﻦ 2001 ﻭ ﺍﻧﺎ ﻋﻤﺮﻱ 8 ﺳﻨﻮﺍﺕ ! ! !
*ﺍﻟﺨﺮﻃﻮﻡ 2001-*
*ﺍﺻﻮﺍﺕ ﺷﻔﻊ*
ﻳﺎﺍﺍﺍﺑﺖ ﺍﻟﺤﺮﺍﻡ ،، ﻳﺎ ﺑﺖ ﺍﻟﺤﺮﺍﺍﺍﺍﻡ ‏( ﻫﻪ ﻫﻪ ﻫﻪ ‏)
ﻣﺮﻳﻢ ﻳﺎ ﺑﺖ ﺍﻟﺤﺮﺍﻡ ... ‏( ﺻﻮﺗﻴﻦ ﺑﻴﺘﻬﺎﻣﺴﻮ ‏)
* ﺩﻱ ﻣﺶ ﻳﺎﻫﺎ ؟
_ ﺍﻳﻮﺓ ﻫﻪ ﻫﻪ
* ﻳﺎ ﺑﺖ ﺍﻟﺤﺮﺍﺍﺍﺍﺍﻡ ﻳﺎ ﺑﺖ ﺍﻝ ...
_ ﺍﺷﺸﺶ ﻭﻃﻲ ﺻﻮﺗﻚ ، ﺣﺘﺴﻤﻌﻨﺎ ﻫﻬﻪ
* ﻭ ﻳﻌﻨﻲ ﺷﻨﻮ ﻛﺎﻥ ﺳﻤﻌﺘﻨﺎ ﻣﺎ ﺻﺤﻲ ﺑﺖ ﺣﺮﺍﻡ ﻫﻪ _ _ ﺟﻴﺒﻲ ﺍﺿﺎﻧﻚ ﺍﻗﻮﻟﻴﻚ ﺩﺍ ﻫﻪ
* ﺷﻨﻮ ﻫﻪ
_ ‏( ﺍﻟﻴﻮﻡ ﺩﺍﻙ ﺳﻤﻌﺖ ﺍﻣﻲ ﺑﺘﻘﻮﻝ ﻝ ﻣﺮﺓ ﻋﻤﻮ ﺟﺎﺑﺮ ﺍﻧﻪ ﻣﺮﻳﻢ ﺑﺖ ﺣﺮﺍﻡ ﻫﻬﻪ ‏)
* ﻫﻬﻪ ﺗﺠﻲ ﻧﻄﻘﻌﺎ ﺑﺎﻟﺤﺠﺎﺭ؟
- ﻳﻼ ﻫﻬﻪ .........

ﻳﺘﺒﻊ .......

# ﺍﺳﺘﻜﻜﺎﻧﺔ ....🔗
ﺗﻮﻗﻌﺎﺗﻜﻢ ﻳﺎ ﺣﺒﺎﻳﺐ ﻗﻠﺒﻲ
❤️
# ﺳﺤﺮ _ ﺳﻤﻴﺮ ....