حب منبوذ

٢٥

ﻧﻬﻠﺔ : ﻭﺍﺿﺢ ﺍﻥ ﻓﻲ ﺧﻼﻑ ﻗﺪﻳﻢ ﺑﻴﻨﻬﻢ ! ﻷﻧﻪ ﻓﺠﺄﺓ ﺟﺎﺭﺗﻬﻢ ﺩﻱ ﻓﺘﺤﺖ ﺍﻟﺒﺎﺏ ﻭ ﺑﻘﺖ ﺗﻨﺒﺰﺍ ﺑﻲ ﺟﻨﻰ ﺍﻟﺤﺮﺍﻡ ! ﻭ ﺷﻜﻠﻬﺎ ﺯﻭﻟﺔ ﻋﺮﺑﺎﺕ ، ﻻﻧﻪ ﻗﺎﻟﺖ ﻟﻴﻬﺎ ﻛﺎﻥ ﻣﺎ ﻭﺻﻠﻮ ﺍﺷﻜﺎﻟﻚ ﺩﻱ ﺑﺎﻟﻌﺮﺑﺎﺕ ﺣﻴﻮﺻﻠﻮﺍ ﻣﻨﻮ !
ﻋﺸﺎﻥ ﻛﺪﺍ ﺣﺼﻠﻲ ﺍﺧﻮﻙ ﻳﺎ ﺑﺖ ﻗﺒﻞ ﻳﺘﺪﺑﺲ ﻓﻲ ﻧﺎﺱ ﻣﺎ ﺑﻴﻌﺮﻑ ﺍﺻﻠﻬﻢ ﻣﻦ ﻓﺼﻠﻬﻢ !!
ﺭﺯﺍﻥ : ﺩﺍ ﻛﻼﻡ ﺷﻨﻮ ﻳﺎ ﺯﻭﻟﺔ !! ﺍﻟﺒﺖ ﺍﻟﻠﻲ ﺍﻧﺎ ﺷﻔﺘﻬﺎ ﺩﻱ ﻋﻴﻨﻬﺎ ﻣﺎ ﺑﺘﺮﻓﻌﺎ ﻭﻫﻲ ﺑﺘﺘﻜﻠﻢ ﻣﻊ ﺍﻟﻠﻲ ﻗﺪﺍﻣﻬﺎ ! ﻣﺴﺘﺤﻴﻞ ﺗﻜﻮﻥ ﺑﺎﻟﺸﻜﻞ ﺩﺍ ﻳﺎ ﻧﻬﻠﺔ !
__ ﻭﺍﺿﺢ ﺍﻧﺘﻲ ﺯﺍﺗﻚ ﺩﺍﻳﺮﺍﻫﺎ ﻟﻲ ﺍﺧﻮﻛﻲ ، ﺑﺲ ﺻﺪﻗﺘﻴﻨﻲ ﻭﻻ ﻻ ، ﺩﻱ ﺍﻟﺤﻘﻴﻘﻪ ﻭﺍﻟﻠﻪ !
** ﺍﻧﺎ ﺍﺩﻭﺭﻫﺎ ﻟﻴﻪ ! ﺍﺧﻮﻱ ﺩﻱ ﺣﻴﺎﺗﻮ ﻭﻫﻮ ﺣﺮ ﻳﺨﺘﺎﺭ ﺍﻟﺪﺍﻳﺮﻫﺎ ، ﺑﺲ ﺍﻟﻐﺮﻳﺐ ﺍﻧﻚ ﻣﺎ ﻗﻠﺘﻲ ﻟﻲ ﻛﻼﻣﻚ ﺩﺍ ﻋﻦ ﻭﻫﺎﺩ ﻳﻮﻡ ﺍﺩﻳﺘﻨﻲ ﺍﻟﺮﻗﻢ ﺷﻜﺮﺗﻴﻬﺎ ﻟﻲ ﺷﺪﻳﺪ !
__ ﻋﺸﺎﻥ ﺩﺍ ﺗﻌﺎﻣﻞ ﺑﺘﺎﻉ ﺷﻐﻞ ﻣﺎﻓﻴﻬﺎ ﺣﺎﺟﺔ ﻣﺼﻴﺮﻳﺔ ﻋﺸﺎﻥ ﺍﻗﻮﻝ ﻛﻼﻡ ﺯﻱ ﺩﺍ !
** ﺍﻣﻤﻤﻤﻢ ! ﻃﻴﺐ ﻳﺎ ﻧﻬﻠﻪ ﺍﻧﺎ ﺑﻘﻔﻞ ﺍﻣﻲ ﺩﻱ ﻋﺎﻳﺰﺍﻧﻲ !
__ ﻃﻴﺐ ﻳﻼ ﺑﺎﻱ !
** ﺑﺎﻱ !
ﺭﺯﺍﻥ ﺑﺘﻘﻮﻝ : ﻛﻼﻡ ﻧﻬﻠﻪ ﻛﺎﻥ ﻣﺘﻀﺎﺭﺏ ﺑﻴﻦ ﺍﻟﻤﻨﻄﻖ ﻭ ﺑﻴﻦ ﺍﻧﻲ ﻣﺎ ﺑﻌﺮﻓﺎ ﻭ ﺩﺍ ﺑﻴﻨﻔﻲ ﺍﻟﻤﻨﻄﻖ ، ﻋﻦ ﺍﻧﻬﺎ ﺯﻭﻟﺔ ﻣﺤﺘﺮﻣﺔ ﺷﺪﻳﺪ !! ﻭ ﻃﻴﺐ ﻧﻬﻠﻪ ﺣﺘﻜﺬﺏ ﻟﻴﻪ ؟؟ ﻭ ﺍﺧﺮ ﺣﺎﺟﺔ ﺍﺗﻮﺻﻠﺖ ﻟﻴﻬﺎ ، ﻛﺎﻟﻌﺎﺩﺓ ﺍﻧﻲ ﻣﺎ ﺍﺗﺪﺧﻞ ﻻ ﺑﺎﻟﺨﻴﺮ ﻻ ﺑﺎﻟﺸﺮ !!
*ﻭﻫﺎﺩ ﺑﺘﻘﻮﻝ :*
ﻟﻤﻦ ﺳﻤﻌﺖ ﺻﻮﺕ ﻃﺎﺭﻕ ﻭﻫﻮ ﺑﻴﻨﺎﺩﻳﻨﻲ ! ﺍﻧﺎ ﺩﻣﻲ ﻧﺸﻒ ﻭ ﺍﺑﺪﺍً ﻣﺎ ﺍﻓﺘﻜﺮﺕ ﻭﻟﻴﺪ ﺩﺍ ﺟﺎﺩﻱ ﺍﻭ ﻣﻤﻜﻦ ﻓﻌﻼً ﻳﺘﺼﻞ ﺑﻲ ﻭﻟﻴﺪ ﻛﻨﺖ ﺣﺎﺑﻪ ﺍﻛﺴﺮ ﻣﺠﺎﺩﻳﻔﻮ !
ﻭ ﻣﻦ ﻭﻗﺖ ﺳﻤﻌﺖ ﻃﺎﺭﻕ ﻭﻫﻮ ﺑﻴﺮﺩ ﻋﻠﻰ ﺍﻟﺘﻠﻔﻮﻥ ﻭ ﺑﻴﻘﻮﻝ ﻭﻟﻴﺪ ! ﺍﺗﻜﻮﻧﺖ ﺟﻮﺍﻱ ﺍﺳﺌﻠﺔ ﻛﻤﻴﺔ ﺗﺠﺎﻩ ﺍﻟﺸﺨﺺ ﺩﺍ !
ﻟﻤﻦ ﻭﺻﻞ ﺍﻟﻤﻄﺒﺦ ، ﻟﻘﺎﻧﻲ ﻭﺍﻗﻔﺔ ﻓﻲ ﻣﺤﻠﻲ ﻗﺎﻟﻲ !
__ ﺩﺍ ﺷﻨﻮﻭﻭ ﺩﺍ !!
** ‏( ﺍﻧﺎ ﻫﻨﺎ ﻳﺎ ﺍﻟﻠﻪ ﺑﻠﻌﺖ ﺭﻳﻘﻲ ‏) ﺷﻨﻮ ؟
__ ﻭﻫﺎﺩ ﺍﻧﺎ ﺟﻌﺎﻥ ﺟﻌﺎﻥ ﺟﻌﺎﻥ ﻳﺎﺥ ﺍﻧﺘﻲ ﻭﺍﻗﻔﺔ ﻛﺪﺍ ﻟﻴﻪ ؟
** ﺑﺐ ﺑﺲ ﻳﻌﻨﻲ ﺟﻌﺎﻥ ‏( ﻭﺍﻧﺎ ﺍﻓﺘﻜﺮﺕ ﺣﺎﺟﺔ ﺗﺎﻧﻴﻪ ‏)
__ ﺍﻧﺘﻲ ﻣﺎﻟﻚ ﻓﻲ ﺷﻨﻮ ؟
** ﻻﻻ ﻣﺎﻓﻲ ﺣﺎﺟﺔ ، ﺍﻣﺸﻲ ﺍﻗﻌﺪ ﺟﻤﺐ ﺍﻣﻲ ﺣﺄﻣﻠﺢ ﺍﻟﻐﺪﺍ ﺍﺳﻲ ، ﻳﻼ
__ ﻣﺸﻰ ﻭﻫﻮ ﺑﻌﺎﻳﻦ ﻓﻴﻨﻲ !
ﻣﺎ ﻛﻨﺖ ﻗﺎﺩﺭﺓ ﺍﺧﻔﻲ ﺍﻟﺘﻮﺗﺮ ﻭ ﻛﻨﺖ ﺑﺲ ﻣﻨﺘﻈﺮﺍﻫﻮ ﻳﺘﻜﻠﻢ ﻭ ﻻ ﻳﺴﺄﻝ ! ﺣﺘﻰ ﺑﻌﺪ ﺍﺗﻐﺪﻳﻨﺎ ، ﻛﻞ ﺍﻟﻘﺎﻟﻮ ﻟﻲ ﻟﺴﻪ ﻣﺎ ﺷﻔﺘﻲ ﺍﻛﻴﺎﺳﻚ ﻳﺎ ﻭﻫﺎﺩ ﺻﺢ !!
ﻃﻮﺍﻟﻲ ﻗﻤﺘﻪ ﺩﺧﻠﺘﻪ ﻏﺮﻓﺘﻲ ﻭ ﻓﺘﺤﺘﻬﻢ ! ﻟﻘﻴﺘﻬﻢ ﻓﺴﺎﺗﻴﻦ ﺣﻘﺖ ﻃﻠﻌﻪ ﺑﻲ ﻃﺮﺣﻬﻢ ﻭ ﺟﺰﻣﻬﻢ ‏( ﺍﻟﻠﻪ ﻳﻜﺮﻣﻜﻢ ‏) ﻃﻘﻤﺎﺕ ﻛﺎﻣﻠﻪ ﻣﺎ ﺍﺗﻮﻗﻌﺘﻬﺎ ﺍﺑﺪﺍً ، ﻣﺎ ﻋﺎﺭﻓﻪ ﻟﻴﻪ ﻋﻴﻮﻧﻲ ﺭﻗﺮﻗﻮ ، ﺷﻠﺘﻬﻢ ﻓﻲ ﻳﺪﻱ ﻭ ﻓﺘﺤﺖ ﺍﻟﺒﺎﺏ ، ﻏﻠﺒﻨﻲ ﺍﻣﺸﻲ ! ﻓﺠﺄﺓ ﺑﺲ ﺑﻘﻴﺖ ﺑﺒﻜﻲ ﻭ ﺍﻧﺎ ﺟﻤﺐ ﺍﻟﺒﺎﺏ ! ﺍﻻﺗﻨﻴﻦ ﺍﺗﺨﻠﻌﻮ ! ﺑﺲ ﻃﺎﺭﻕ ﻛﺎﻥ ﺍﺳﺮﻉ ﻣﻦ ﺍﻣﻲ ! ﻭ ﺟﺎ ﻣﺴﻜﻨﻲ ! ﻗﺎﻟﻲ ﻣﺎﻟﻚ ؟؟
ﻭ ﺍﻧﺎ ﺑﺸﻬﻖ ﻭ ﺑﻘﻮﻟﻴﻬﻮ ﺷﻜﺮﺍً ! ﻗﺎﻟﻲ ﺑﺘﺒﻜﻲ ﻋﺸﺎﻥ ﻛﺪﺍ ﺍﻧﺘﻲ ﻣﺘﺨﻠﻔﺔ ! ﺍﻣﻲ ﻗﺎﻟﺖ ﻟﻲ : ﻋﻠﻴﻚ ﺍﻟﻠﻪ ﻳﺎ ﻭﻫﺎﺩ ﻛﺎﻥ ﺗﺒﻄﻠﻲ ﺑﻜﺎﻙ ﺩﺍ ﺑﺤﺮﻕ ﺭﻭﺣﻲ ﻓﻲ ﺷﻨﻮ ﺍﺳﻲ ﻟﻠﺒﻜﺎ !
ﻗﻠﺖ ﻟﻴﻬﺎ : ﻋﺎﻳﻨﻲ ﻃﺎﺭﻕ ﺟﺎﺏ ﻟﻲ ﺷﻨﻮ ؟ ﻭ ﻟﺴﻪ ﺑﺎﻗﻲ ﺣﺎﺟﺎﺗﻬﻢ ﺟﻮﺍ ؟ ﻗﺎﻟﺖ ﻟﻲ ﺭﺑﻨﺎ ﻳﺤﻔﻈﻜﻢ ﻟﻲ ﺑﻌﺾ ﻭ ﻳﺠﻌﻞ ﺧﻮﺗﻜﻢ ﻋﺎﻣﺮﺓ ﻭ ﻣﺎ ﺗﻨﻘﻄﻊ ﺍﺑﺪﺍً ..
ﻗﻠﺖ ﻟﻴﻬﺎ ﺍﻣﻴﻦ ! ﻗﺎﻟﻲ ﻋﻮﻳﺮﺓ ﺑﺲ ‏( ﺿﺮﺑﻨﻲ ﻓﻲ ﺭﺍﺳﻲ ، ﻭ ﻣﺸﻰ ﻗﻌﺪ ‏) !
ﺭﺟﻌﺖ ﻏﺮﻓﺘﻲ ﻭ ﺷﻠﺖ ﺣﺎﺟﺎﺗﻲ ﻃﺒﻘﺘﻬﻢ ﻭ ﺭﺻﻴﺘﻬﻢ ﻓﻲ ﺍﻟﺪﻭﻻﺏ ! ﺍﻧﺎ ﻣﺎ ﻓﺮﺣﺘﻪ ﺑﻴﻬﻢ ﻋﺸﺎﻥ ﻣﺤﺮﻭﻣﺔ ! ﻻ ﺍﺑﺪﺍً ﺍﻧﺎ ﻓﻲ ﺣﻴﺎﺓ ﺍﺑﻮﻱ ﻟﺒﺴﺖ ﺍﺣﺴﻦ ﻟﺒﺲ ﻭ ﺍﺣﺴﻦ ﺍﻛﻞ ﻭ ﺣﺘﻰ ﺑﻌﺪ ﻭﻓﺎﺗﻮ ﺍﻣﻲ ﻣﺎ ﻗﺼﺮﺕ ﻣﻌﺎﻱ ، ﻭ ﻋﺸﺎﻥ ﻛﺪﺍ ﺍﻧﺎ ﻣﺠﺘﻬﺪﺓ ﺍﻧﻲ ﺍﺭﻳﺢ ﺍﻣﻲ ﻭﺍﻟﻌﻤﺮ ﻣﺎﺷﻲ !
ﺑﺲ ﻓﺮﺣﺘﻪ ﻻﻥ ﺍﻟﺤﺎﺟﺎﺕ ﺩﻱ ﻣﻦ ﻃﺎﺭﻕ ﻭ ﻓﻲ ﻛﻞ ﺗﺼﺮﻑ ﺍﻧﺎ ﺑﺘﻄﻤﻦ ﺍﻧﻪ ﺑﺎﻟﺠﺪ ﺍﺧﻮﻱ ﻭ ﺳﻨﺪﻱ !!
ﻟﻤﻦ ﻗﺮﺭﺕ ﺍﺑﺪﺃ ﺍﺷﺘﻐﻞ ﻭ ﺍﺣﺪﺩ ﺍﻟﺮﺳﻤﺔ ﻋﻠﻰ ﺍﻟﺘﻮﺏ ! ﻣﺎ ﻗﺪﺭﺗﻪ ! ﺩﺍﻳﻤﺎً ﻛﻨﺖ ﺑﻬﺮﺏ ﻣﻦ ﺍﻟﻮﺍﻗﻊ ﺑﺎﻟﺸﻐﻞ ﻋﺸﺎﻥ ﻣﺎ ﺍﻓﻜﺮ ! ﺑﺲ ﺑﺎﻟﺠﺪ ﻣﺎ ﻗﺪﺭﺗﺎ ! ﻟﻤﻦ ﺟﺎﺗﻨﻲ ﺭﺳﺎﻟﺔ ﻣﻨﻪ ﻣﻜﺘﻮﺏ ﻓﻴﻬﺎ } : ﺍﻟﻠﻪ ﻳﻜﺘﺒﻚ ﺣﻼﻟﻲ ﻳﺎ ﺑﺖ ﺍﻟﻨﺎﺱ { .. ﻟﻘﻴﺖ ﻧﻔﺴﻲ ﺑﻜﺘﺐ ﻟﻴﻬﻮ ﺭﺩ } : ﺍﻧﺎ ﻣﺎ ﺑﺖ ﻧﺎﺱ { ﻭ ﺑﻌﺪ ﺩﺍﻳﺮﺓ ﺍﺿﻐﻂ ﺍﺭﺳﺎﻝ ، ﺍﺗﺮﺍﺟﻌﺘﻪ !!! ﻭ ﻣﺴﺤﺘﻬﺎ !! ﻡ ﻛﻨﺖ ﻣﺘﺨﻴﻠﺔ ﻣﻤﻜﻦ ﺗﺠﻲ ﻟﺤﻈﺔ ﻭ ﺍﻧﺎ ﺍﺗﺼﻞ ﻋﻠﻴﻬﻮ ! ﻛﻨﺴﻞ ﻋﻠﻲ ﻭ ﺭﺟﻊ ﺍﺗﺼﻞ ﻫﻮ ! ﻗﺎﻝ ﻟﻲ : __ ﺑﺎﻟﻐﻠﻂ ؟؟
** ﺷﻨﻮ ﻫﻮ ؟؟
__ ﺍﺗﺼﺎﻟﻚ ﺩﺍ ؟
** ﻻ ﻗﺎﺻﺪﺍﻙ !
__ ﺗﺘﻜﻠﻤﻲ ﺍﻧﺘﻲ ﻭ ﻻ ﺍﺗﻜﻠﻢ ﺍﻧﺎ ! ؟
** ﻻ ﺣﺘﻜﻠﻢ ﺍﻧﺎ !
__ ﻱ ﺭﻳﺖ .. ﺍﺗﻔﻀﻠﻲ
** ﺍﺗﺼﻞ ﻋﻠﻰ ﻃﺎﺭﻕ ﺍﺧﻮﻱ ﻣﻦ ﻓﻀﻠﻚ ﻭ ﻗﻮﻟﻴﻬﻮ ﺍﻧﻚ ﺍﺗﺮﺍﺟﻌﺘﻪ ﻋﻦ ﺍﻟﻤﻮﺿﻮﻉ ! ﺍﻻ ﺍﺫﺍ ﺍﻧﺖ ﻋﺎﻳﺰﻧﻲ ﺍﻛﻮﻥ ﺗﻌﻴﺴﺔ !
__ ﺗﻌﻴﺴﺔ !! ﻫﻮ ﻓﺎﺗﺤﻚ ﻓﻲ ﺍﻟﻤﻮﺿﻮﻉ ﻳﻌﻨﻲ ؟
** ﻻ ! ﺑﺲ ﻋﺎﺭﻓﺔ ﺍﻧﻚ ﺍﺗﺼﻠﺖ ﻋﻠﻴﻬﻮ !
__ ﻃﻴﺐ ﻣﻤﻜﻦ ﻣﻦ ﻓﻀﻠﻚ ﺍﻓﻬﻢ ﺗﻌﻴﺴﺔ ﻟﻴﻪ ؟
** ﻋﻠﺸﺎﻥ ﻫﻮ ﺣﻴﺠﺒﺮﻧﻲ ﻋﻠﻴﻚ ‏( ﺍﻧﺎ ﻛﺬﺑﺘﻪ ﺑﺲ ﻛﻨﺖ ﻋﺎﻳﺰﺍﻫﻮ ﻳﺘﺮﺍﺟﻊ ﻗﺒﻞ ﻣﺎ ﻳﺘﺮﺍﺟﻊ ﻭﻫﻮ ﻣﺮﻏﻢ ﺑﺴﺒﺐ ﺳﻤﻌﺘﻲ ، ﻭ ﻗﺒﻞ ﺍﻟﻤﻮﺿﻮﻉ ﻳﺎﺧﺪ ﻭﻗﺖ ‏)
__ ﻳﻌﻨﻲ .... ﺍﺍﺍﺍ ﻳﻌﻨﻲ ! ﻡ ﻋﺎﺭﻑ ﺍﻗﻮﻝ ﺷﻨﻮ ! ﺑﺲ ﺍﻧﺘﻲ ﺍﺻﻼً ﻣﺎ ﻋﺮﻓﺘﻴﻨﻲ ﻭ ﻻ ﻋﺎﻳﺰﺓ ﺗﺪﻳﻨﻲ ﻓﺮﺻﺔ ﺍﻋﺮﻓﻚ ﺑﻲ ﻧﻔﺴﻲ ﻭ ﻻ ﺍﻱ ﺣﺎﺟﺔ ! ﻭ ﺑﺮﺍﻛﻲ ﻗﺮﺭﺗﻲ ﺍﻧﻚ ﺣﺘﻜﻮﻧﻲ ﺗﻌﻴﺴﺔ !! ﻳﺎ ﺳﺘﻲ ﺍﺩﻳﻨﻲ ﻓﺮﺻﻪ ﺷﻬﺮ ﻭﺍﺣﺪ ﺑﺲ ﺑﻌﺪ ﺍﺻﻞ ﺑﻴﺘﻜﻢ ﻭ ﻧﺘﻮﺻﻞ ﻟﻲ ﺍﺗﻔﺎﻕ ﻭ ﺑﻌﺪ ﺍﻟﺸﻬﺮ ﺩﺍ ﺍﺫﺍ ﻟﻘﻴﺘﻴﻨﻲ ﻣﺎ ﺑﻨﺎﺳﺒﻚ ﺻﺪﻗﻴﻨﻲ ﻭﻗﺘﻬﺎ ﻣﺎ ﺣﺘﺴﻤﻌﻲ ﺻﻮﺗﻲ ﺩﺍ ﺗﺎﻧﻲ ﻭ ﻻ ﺣﺘﺸﻮﻓﻲ ﺭﻗﻤﻲ ﺩﺍ ﻋﻨﺪﻙ ﺑﻌﺪﻳﻬﺎ !
** ...... ‏( ﺍﻟﻌﺒﺮﺓ ﺧﻨﻘﺘﻨﻲ ﻓﻲ ﺍﻧﻲ ﻣﺎ ﻗﺎﺩﺭﺓ ﺣﺘﻰ ﺍﻋﻴﺶ ﺣﻴﺎﺓ ﻃﺒﻴﻌﻴﻪ ﻭ ﻛﻞ ﻋﻼﻗﻪ ﺑﺸﻮﻓﻬﺎ ﻡ ﻣﻦ ﺣﻘﻲ ﻭ ﺑﺴﺘﻜﺘﺮ ﻋﻠﻲ ﺍﻱ ﺯﻭﻝ ، ﺍﻟﺤﺎﺟﺔ ﺩﻱ ﺑﺎﻟﺠﺪ ﻣﺆﻟﻤﺔ ﻭ ﺍﻧﺎ ﻛﻨﺖ ﻣﺘﺄﻛﺪﻩ ﺍﻥ ﺭﻏﺒﺘﻮ ﺍﻟﻘﻮﻳﺔ ﺩﻱ ﻓﻴﻨﻲ ! ﺑﻜﺮﺓ ﺣﺘﻨﻄﻔﻲ ‏) ...
__ ﺳﻜﺘﻲ ﻟﻴﻪ !!
** ﺣﺎﻭﻟﺖ ﺍﻣﻨﻌﻚ ﺑﺲ ﻟﺴﻪ ﻣﻨﺸﻒ ﺭﺍﺳﻚ ! ﺭﻏﻢ ﺍﻥ ﺳﺒﺐ ﺍﺗﺼﺎﻟﻲ ﺩﺍ ﻛﺎﻥ ﻭﺭﺍﻫﻮ ﻛﻢ ﺳﺆﺍﻝ ﺑﺲ ﻣﺎ ﻋﻨﺪﻱ ﺭﻏﺒﻪ ﺣﺎﻟﻴﺎً ﺍﻃﺮﺣﻬﻢ ﻋﻠﻴﻚ ، ﻭ ﻣﺎ ﺗﺨﺎﻑ !! ﻗﺒﻞ ﺍﻟﺸﻬﺮ ﺩﺍ ﺑﻲ ﻛﺘﻴﺮ ﺷﺪﻳﺪ ! ﺍﻟﻤﻮﺿﻮﻉ ﺣﻴﻨﺘﻬﻲ ﻗﺒﻞ ﻳﺒﺪﺃ ﺍﺳﺎﺳﺎً ﺑﺲ ﻛﻨﺖ ﺣﺎﺑﺔ ﺍﺧﺘﺼﺮ !! ﺗﺼﺒﺢ ﻋﻠﻰ ﺧﻴﺮ !
__ ﻣﺎ ﺗﻘﻔﻠﻲ ! ... ﺍﻟﻮﻭﻭ .. ﺍﻟﻮﻭﻭ !!!
ﺑﻌﺪ ﻗﻔﻠﺖ ﻣﻨﻮ ! ﻃﺎﺭﻕ ﺍﺧﻮﻱ ﺧﺒﻂ ﻟﻲ ﺍﻟﺒﺎﺏ ! ﺩﺧﻞ ‏( ﻭ ﻫﻨﺎ ﻳﺎﺩﻭﺏ ﻋﺮﻓﺘﻪ ﻣﻮﺿﻮﻋﻮ ‏)
ﻗﺎﻟﻲ : ﻛﺎﻟﻌﺎﺩﻩ ﺻﺎﺣﻴﻪ !
** ﺍﻣﻤﻢ ﺑﺤﺎﻭﻝ ﺍﺷﺘﻐﻞ ، ﺍﻗﻌﺪ !! ﺍﻣﻲ ﻧﺎﻣﺖ ﻭﻻ ﺷﻨﻮ ؟
__ ﺍﺍﻱ ﻧﺎﻣﺖ ﻭ ﻫﻲ ﺑﺘﺤﻀﺮ !
** ﻃﻴﺐ ﺍﺻﺤﻴﻬﺎ ﺗﺨﺶ ﺗﺮﻗﺪ ﺟﻮﺍ
__ ﻻﻻ ﺩﻗﻴﻘﻪ ﻋﺎﻳﺰ ﺍﺗﻜﻠﻢ ﻣﻌﺎﻛﻲ ﻗﺒﻞ ﺗﺼﺤﻴﻬﺎ ﻻﻧﻲ ﻛﻨﺖ ﻣﻨﺘﻈﺮﻫﺎ ﺗﻨﻮﻡ ﻋﺸﺎﻥ ﺍﻗﺪﺭ ﺍﺗﻜﻠﻢ ﻣﻌﺎﻛﻲ !
** ﺳﺎﻣﻌﺎﻙ !
__ ﺍﺗﺼﻞ ﺑﻲ ﻭﺍﺣﺪ ! ﺍﺳﻤﻮ ﻭﻟﻴﺪ .. ﻋﺎﺭﻓﺎﻫﻮ ﻣﺶ ؟
** .... ‏( ﺳﻜﺘﻪ ‏)
__ ﻋﻠﻰ ﺍﻟﻌﻤﻮﻡ ﻫﻮ ﻗﺎﻝ ﺍﻥ ﻣﺎﻓﻲ ﻣﻌﺮﻓﻪ ﺳﺎﺑﻘﺔ ﺑﻴﻨﺎﺗﻜﻢ ﻭ ﺍﺻﻼ ﻟﻮ ﻗﺎﻟﻲ ﻓﻲ ﻣﻌﺮﻓﻪ ﻡ ﻛﻨﺖ ﺣﺄﺻﺪﻕ ﻻﻧﻲ ﻋﺎﺭﻑ ﺍﺧﻼﻗﻚ ﻳﺎ ﻭﻫﺎﺩ ﻭ ﻓﻲ ﺍﻟﻨﻬﺎﻳﺔ ﺍﻟﺮﺍﺟﻞ ﻣﺎ ﻏﻠﻂ !
ﻭ ﺍﻛﻴﺪ ﺍﻧﺘﻲ ﻋﺎﺭﻓﻪ ﻫﻮ ﺍﺗﺼﻞ ﻟﻴﻪ ﺻﺢ ﻭﻻ ﻻ ؟؟
** ﻋﺎﺭﻓﻪ ! ﻣﻨﻌﺘﻮ ﺑﺲ ﻫﻮ ﻣﺎ ﺳﻤﻊ ﻛﻼﻣﻲ ﺭﻏﻢ ﺍﻧﻲ ﻭﺍﻟﻠﻪ ﻣﺎ ﻋﺎﺭﻓﻪ ﺷﻜﻠﻮ ﺷﻨﻮ ﻳﺎ ﻃﺎﺭﻕ ﻭﻻ ﺣﺘﻰ ﺟﺎﺏ ﺭﻗﻤﻲ ﻣﻦ ﻭﻳﻦ ﻣﺎ ﻋﻨﺪﻱ ﺍﻱ ﻓﻜﺮﺓ !
__ ﻣﺼﺪﻗﻚ .. ﻣﺼﺪﻗﻚ !! ﻭ ﺑﻌﺪﻳﻦ ! ﺗﻤﻨﻌﻴﻬﻮ ﻟﻴﻪ ﺍﺫﺍ ﻫﻮ ﺟﺎ ﺑﺎﻟﺒﺎﺏ ﻋﺪﻳﻞ !
** ﻛﻴﻒ ﻳﻌﻨﻲ ﺍﻣﻨﻌﻮ ﻟﻴﻪ ! ﺍﺗﻜﻠﻢ ﺑﻲ ﻣﻨﻄﻖ ﻣﻦ ﻓﻀﻠﻚ !
__ ﻓﻜﺮﺗﻲ ﺍﻻﻭﻟﻰ ﺩﻳﻚ ﺍﺗﻐﻴﺮﺕ ﻳﺎ ﻭﻫﺎﺩ ﻭ ﺍﻧﺎ ﻣﺎ ﺷﺎﻳﻒ ﻏﻴﺮ ﺍﻧﻚ ﺍﺧﺘﻲ ﺍﻟﻠﻲ ﺣﺄﻋﻤﻞ ﻟﻴﻬﺎ ﺍﺣﻼ ﻋﺮﺱ ﻭ ﺣﺄﺗﺒﺎﻫﻰ ﺑﻴﻬﺎ ﻭ ﺍﻟﻠﻲ ﻳﻘﻮﻝ ﻋﻨﻬﺎ ﺣﺮﻑ ﻭﺍﺣﺪ ﺑﺪﺧﻞ ﻳﺪﻱ ﺟﻮﺍ ﺣﻠﻘﻮ ! ﻭ ﻣﺎ ﺗﺘﻌﺎﻣﻠﻲ ﻉ ﺍﺳﺎﺱ ﺍﻧﺘﻲ ﻧﺎﻗﺼﻚ ﺷﻲ ﻓﺎﻫﻤﻪ ﻭ ﻻﻻ !!
ﻭ ﻃﺎﻟﻤﺎ ﺍﻧﺤﻨﺎ ﻭﺍﺿﺤﻴﻦ ﻭ ﻣﺤﺘﺮﻣﻴﻦ ﻏﻴﺮﻧﺎ ﻣﺎ ﻓﻲ ﺍﻱ ﻣﺸﻜﻠﻪ ﺍﻟﺪﺍﻳﺮ ﻳﻘﺒﻞ ﺑﻴﻚ ﻛﺪﺍ ﻭ ﺩﺍ ﻭﺍﻗﻌﻚ ﺍﻫﻼ ﻭ ﺳﻬﻼ ﻭ ﺍﻟﻤﺎ ﺩﺍﻳﺮ ﻣﻊ ﺍﻟﻒ ﺳﻼﻣﺔ !
** ﻳﺎ ﻃﺎﺭﻕ ! ﺍﻧﺎ ﻋﺎﺭﻓﻪ ﻛﻼﻣﻚ ﺩﺍ ﻛﻠﻮ ﺑﺲ ﺍﺍﻛﺪ ﻟﻴﻚ ﺍﻥ ﺍﻟﺰﻭﻝ ﺩﺍ ﺑﻌﻴﺪ ﻋﻦ ﻣﻨﻄﻘﺘﻨﺎ ﺩﻱ ﻛﻠﻬﺎ ﻛﻞ ﺍﻟﺒﻌﺪ ﻭ ﻣﺎ ﺟﺎ ﺣﺘﺘﻨﺎ ﺩﻱ ﻻ ﻣﻦ ﻗﺮﻳﺐ ﻭﻻ ﻣﻦ ﺑﻌﻴﺪ ! ﻻﻧﻮ ﻟﻮ ﻋﺎﺭﻑ ﻣﺴﺘﺤﻴﻞ ﻳﺘﺠﺮﺃ ﻭ ﻳﺨﻄﻮ ﺧﻄﻮﺓ ﺯﻱ ﺩﻱ ﺗﺎﺟﻬﻲ ﺍﻧﺎ ﺗﺤﺪﻳﺪﺍً ﻻﻥ ﺍﻟﺤﻘﻴﻘﻪ ﺣﺎﺟﺔ ﻭ ﻛﻼﻡ ﺍﻟﻨﺎﺱ ﺣﺎﺟﺔ ! ﻭ ﺍﻟﻨﺎﺱ ﺩﺍﻳﻤﺎً ﺑﺘﺤﺎﻭﻝ ﺗﺴﻌﻰ ﺍﻧﻬﺎ ﺗﻮﺻﻞ ﺍﻟﺤﺎﺟﺔ ﺍﻟﺸﻴﻨﺔ ﺑﻲ ﺍﺑﺸﻊ ﻃﺮﻳﻘﻪ ﻣﻤﻜﻨﻪ ﻭ ﻳﺸﻴﻠﻮ ﻛﻼﻡ ﻣﻦ ﻫﻨﺎ ﻭ ﻳﺨﺘﻮ ﻫﻨﺎ ! ﻓﺎﻫﻢ ﻋﻠﻲ !!! ؟؟؟ ﺍﻟﻤﺸﻜﻠﻪ ﻓﻲ ﺍﻟﻨﺎﺱ ﺍﻟﻠﻲ ﺣﻮﻟﻴﻨﺎ ﻓﻲ ﺍﻧﻬﺎ ﺑﺘﻈﻬﺮ ﻟﻴﻚ ﺍﻟﺰﻭﻝ ﺩﺍ ﻛﻴﻒ ﻭ ﻳﺎ ﻭﻳﻠﻮ ﻟﻮ ﻋﺎﺭﻓﻴﻦ ﻋﻨﻮ ﻗﺼﺔ ﺯﻱ ﻗﺼﺘﻲ ﺩﻱ . ﻫﻬﻪ ﺍﺟﺎﺭﻙ ﺍﻟﻠﻪ !!
__ ﻣﺎ ﺣﻨﻘﺪﺭ ﻧﻤﺴﻚ ﻟﺴﺎﻥ ﺯﻭﻝ ﻭ ﺍﻗﺮﺏ ﻣﺜﺎﻝ ﻋﻨﺪﻙ ﺟﺎﺭﺗﻨﺎ ﺩﻱ ! ﻟﻴﻨﺎ ﻛﻢ ﻓﻲ ﻣﻨﺎﻗﺮﺍﺕ ﻣﻌﺎﻫﺎ ﻭ ﺑﺮﺿﻮ ﻣﺎﻓﻲ ﻓﺎﻳﺪﺓ ﻓﻴﻬﺎ ! ﺷﻮﻓﻲ ﻳﺎ ﺍﺧﺘﻲ ﻟﻮ ﻓﻲ ﺍﻟﻒ ﻧﻔﺮ ﻣﺎﺳﻜﻴﻦ ﻟﻴﻜﻲ ﺳﻴﻒ ﻓﻲ ﺭﻗﺒﺘﻚ ﺩﻱ ﻣﻘﺎﺑﻞ ﺍﻧﻚ ﻣﺎ ﺗﻘﻮﻟﻲ ﺍﻟﺤﻘﻴﻘﻪ ! ﻻ ﺗﻘﻮﻟﻴﻬﺎ ﻭﻟﻮ ﺍﻟﺘﻤﻦ ﺭﻗﺒﺘﻚ ! ﻋﺎﺭﻓﻪ ﻟﻴﻪ ؟
ﻻﻧﻚ ﺣﺘﻜﻮﻧﻲ ﻋﻤﻠﺘﻲ ﺣﻖ ﺭﺑﻨﺎ ﻭ ﺍﻟﻠﻲ ﻳﺮﺿﻲ ﺿﻤﻴﺮﻙ ﻭ ﺍﻟﻠﻲ ﻳﺮﺿﻲ ﺭﺑﻪ ، ﺭﺑﻨﺎ ﺑﻴﺮﺍﺿﻴﻬﻮ ! ﻓﻬﻤﺘﻲ !!
** ﻭ ﻧﻌﻢ ﺑﺎﻟﻠﻪ ﻭ ﺍﻟﺤﻤﺪﻟﻠﻪ ..
__ ﻭ ﺍﻟﺤﻤﺪﻟﻠﻪ ﺍﻧﺘﻲ ﺍﺣﺴﻦ ﻣﻦ ﻣﻠﻴﻮﻥ ﻏﻴﺮﻙ ﺍﻟﻠﻪ ﺍﻋﻠﻢ ﺣﻴﺎﺗﻬﻢ ﻓﻴﻬﺎ ﺷﻨﻮ ، ﻭ ﻋﺸﺎﻥ ﺍﻛﻮﻥ ﻭﺍﺿﺢ ﻣﻌﺎﻛﻲ ﺍﻧﺎ ﻋﺪﻳﻞ ﺭﻓﻀﺖ ﺍﺩﻱ ﺍﻟﺰﻭﻝ ﺩﺍ ﻛﻠﻤﺔ ﻣﺎﻟﻢ ﺍﻗﻌﺪ ﻣﻌﺎﻫﻮ ﺭﺍﺟﻞ ﻟﺮﺍﺟﻞ ﻭ ﻳﻌﺮﻑ ﺍﻟﺤﻘﻴﻘﺔ ﻣﻦ ﻃﻘﻄﻖ ﻟﻠﺴﻼﻡ ﻋﻠﻴﻜﻢ ! ﻗﺒﻞ ﺃﻫﻼ ﻭﺳﻬﻼً ﻣﺎ ﻗﺒﻞ ﻭﺍﻟﻠﻪ ﺭﺑﻨﺎ ﻳﺠﻌﻞ ﻗﺴﻤﺘﻮ ﻓﻲ ﺣﺘﻪ ﺗﺎﻧﻴﻪ ! ﻭ ﻡ ﻛﻨﺖ ﺣﺎﺑﻲ ﺍﻟﻤﻮﺿﻮﻉ ﺩﺍ ﻳﺼﻞ ﺍﻟﺒﻴﺖ ﻭ ﻳﺴﻤﻊ ﻛﻼﻡ ﺷﻴﻦ ﻣﻦ ﺍﻟﻨﺎﺱ ﻗﺪﺍﻡ ﺍﻫﻠﻮ !!
** ﻃﻴﺐ ﻭﺍﻟﺤﺼﻞ ﺷﻨﻮ ؟
__ ﺍﻟﺤﺼﻞ ﺍﻧﻪ ﻗﺎﻝ ﺩﺍﻳﺮ ﻳﺠﻴﺐ ﺍﻫﻠﻮ ﻭﻳﺠﻲ ﻃﻮﺍﻟﻲ ﺭﻏﻢ ﺍﻧﻲ ﻭﺭﻳﺘﻮ ﺍﻥ ﻓﻲ ﻣﻮﺿﻮﻉ ﻻﺯﻡ ﻧﺘﻜﻠﻢ ﻓﻴﻬﻮ ﺍﻭﻝ ﺑﺲ ﻫﻮ ﻗﺎﻝ ﻗﺒﻼﻥ ﺑﻲ ﺍﻱ ﺣﺎﺟﺔ ﻗﺒﻞ ﻳﻌﺮﻑ ﺍﻱ ﺷﻲ !
** ﻛﻴﻒ ﻳﻌﻨﻲ ! ﻳﻌﻨﻲ ﻣﺎ ﺣﺘﻘﻮﻝ ﻟﻴﻬﻮ !! ﺍﻟﺰﻭﻝ ﺩﺍ ﻏﺮﻳﺐ ﺷﺪﻳﺪ !!
__ ﻣﺎ ﻏﺮﻳﺐ ﻫﻮ ﺷﺎﺭﻳﻜﻲ ﺑﻲ ﻣﻮﻳﺔ ﻋﻴﻮﻧﻮ ﻭ ﺩﺍ ﺍﻟﻮﺍﺿﺢ ﻣﻦ ﺗﺴﺮﻋﻪ ﻭ ﺗﺼﺮﻓﺎﺗﻪ ! ﻭ ﻛﻴﻒ ﻣﺎ ﺍﻗﻮﻟﻴﻬﻮ ﻭﺍﻧﺎ ﻗﺒﻞ ﺷﻮﻳﺔ ﺑﻘﻮﻟﻴﻜﻲ ﺍﻟﺤﻖ ﻻﺯﻡ ﻳﺘﻘﺎﻝ ﻣﻬﻤﺎ ﻛﻠﻒ ﺍﻟﺘﻤﻦ !
** ..... ﺣﺪﺩﺕ ﻟﻴﻬﻮ ﻣﺘﻴﻦ ؟
__ ﺑﻜﺮﺓ ﺍﻟﻤﺴﺎﺀ !
** ﺑﻜﺮﺓ !!!! ﻫﻮ ﺍﻟﺰﻭﻝ ﺩﺍ ﻣﺎﻟﻮ ﺍﻟﺪﻧﻴﺎ ﺩﻱ ﻃﺎﻳﺮﺓ ! ؟
__ ﺍﻧﺎ ﺍﻟﻠﻲ ﺣﺪﺩﺕ ﻟﻴﻬﻮ ﻣﺎ ﻫﻮ ﺍﻟﻠﻲ ﺣﺪﺩ ﻟﻲ !
** ﻛﺎﻥ ﺗﻨﺘﻈﺮ ﺗﺸﻮﻑ ﺭﺍﻱ ﺍﻣﻲ ﻭ ﻧﺠﻬﺰ ﺑﻴﺘﻨﺎ ﻉ ﺍﻻﻗﻞ ﺑﻐﺾ ﺍﻟﻨﻈﺮ ﻋﻦ ﺍﻟﺤﻴﺤﺼﻞ ﻳﺎ ﻃﺎﺭﻕ !
__ ﺍﻣﻲ ﺭﺃﻳﻬﺎ ﻋﺎﺭﻓﻮ ﻛﻮﻳﺲ ! ﻭﺍﻟﺤﺎﺟﺔ ﺍﻟﺘﺎﻧﻴﻪ ﺑﻴﺘﻨﺎ ﻡ ﺗﺸﻴﻠﻲ ﻫﻢ ﻳﺪﻱ ﻋﻠﻰ ﻳﺪﻙ ! ﻭﺃﻫﻼً ﻭﺳﻬﻼ ﺑﻴﻬﻢ !
** ﻣﺎﺧﺪ ﺍﻟﻤﻮﺿﻮﻉ ﺑﺴﻬﻮﻟﻪ !
— ﻻﻧﻮ ﺩﻱ ﺣﻴﺎﺗﻨﺎ ﻭ ﺩﻱ ﻋﻴﺸﺘﻨﺎ ﻭ ﺩﻱ ﺣﻘﻴﻘﺘﻨﺎ ﻣﺎﻓﻲ ﺯﻭﻝ ﻋﻨﺪﻭ ﻣﻌﺎﻧﺎ ﺣﺎﺟﺔ ﻛﻔﺎﻳﺔ ﺍﻟﻠﻲ ﻓﺎﺕ ﻣﻦ ﺣﻴﺎﺗﻨﺎ ﻳﺎ ﻭﻫﺎﺩ !
*ﺍﻣﺎ ﺍﻧﺎ .. ﺭﻳﻢ -*
ﺑﻌﺪ ﺧﻠﺼﺘﻪ ﻛﻼﻣﻲ ﻣﻊ ﻭﻟﻴﺪ ! ﻭ ﺩﺧﻠﺘﻪ ﻏﺮﻓﺘﻲ !!
ﻟﻘﻴﺖ ﻭﻟﻴﺪ ﺭﺳﻞ ﻟﻲ ﺭﺳﺎﻟﻪ ﻉ ﺍﻟﻮﺍﺗﺴﺎﺏ ﺑﻴﻘﻮﻝ ﻟﻲ } ﻣﻮﺍﻋﻴﺪﻧﺎ ﻣﻌﺎﻫﻢ ﺑﻜﺮﺓ ﺍﻟﻤﺴﺎﺀ { ﺭﺳﻠﺖ ﻟﻴﻬﻮ ﺍﻣﻮﺷﻦ } : 💪{🏼 ..
ﻳﺎﺩﻭﺏ ﻏﻴﺮﺗﺎ ﻭ ﺩﺍﻳﺮﺓ ﺍﻧﺰﻝ ، ﺳﺒﻘﺘﻨﻲ ﺭﺯﺍﻥ ﻭ ﺟﺎﺕ ﻏُﺮﻓﺘﻲ ! ﻭ ﻭﺷﻬﺎ ﻛﺎﻥ ﻏﺮﻳﺐ ! ﻗﻠﺖ ﻟﻴﻬﺎ :
** ﻳﺎ ﺳﺎﺗﺮ ! ﻣﺎﻟﻚ ؟
__ ﻣﺎﻓﻲ ﺷﻲ !
** ﻳﻌﻨﻲ ﺟﺎﻳﺔ ﻏﺮﻓﺘﻲ ﺳﺎﻱ ﻛﺪﺍ ! ﺍﻫﺎ ﻃﻴﺐ ﺍﺗﺸﺎﻛﻠﺘﻲ ﻣﻊ ﻋﻤﺎﺭ ﺗﺎﻧﻲ ؟
__ ﻻ .. ﺍﺍﺍﻩ ﻃﻴﺐ ﺭﻳﻢ ﺍﺳﻤﻌﻴﻨﻲ ! ﻣﻤﻜﻦ .. ؟
** ﻃﻴﺐ !
__ ﺍﻧﺎ ﻣﺎ ﺑﺤﺐ ﺍﻟﻤﺸﺎﻛﻞ ﻭ ﻻ ﺍﻟﻜﻼﻣﺎﺕ ! ﺑﺲ ﺑﺼﺮﺍﺣﻪ ﻓﻲ ﻣﻮﺿﻮﻉ ﻣﺎ ﻗﺪﺭﺗﺎ ﺍﺗﺠﺎﻭﺯﻭ !
** ﻣﺎ ﺑﺤﺐ ﺍﻟﻤﻘﺪﻣﺎﺕ ﻳﺎ ﺭﺯﺍﻥ ﺍﺣﻜﻲ ﻃﻮﺍﻟﻲ !
__ ﺍﻟﻤﻮﺿﻮﻉ ﺑﺨﺼﻮﺹ ﻭﻟﻴﺪ ! ﺷﻔﺘﻲ ﻭﻫﺎﺩ ﺑﺘﺎﻋﺖ ﺍﻟﺘﻴﺎﺏ ! ﻛﺎﻧﺖ ﻋﻨﺪﻱ ﺍﻣﺒﺎﺭﺡ !
** ﻭﻟﻴﺪ ﺣﻜﻰ ﻟﻲ ﻛﻞ ﺣﺎﺟﺔ ﻳﺎ ﺭﺯﺍﻥ ﻋﺎﺭﻓﻪ ﺍﻧﺎ ﺍﻟﻤﻮﺿﻮﻉ ﺩﺍ ﻛﻠﻮ ! ﺍﺳﻲ ﺍﻟﻤﺸﻜﻠﺔ ﻭﻳﻦ ﻣﺎ ﻓﺎﻫﻤﻪ !
__ ﺍﻟﻤﺸﻜﻠﺔ ﺍﻥ ﺻﺤﺒﺘﻲ ﺍﻟﻠﻲ ﺍﺩﺗﻨﻲ ﺭﻗﻢ ﻭﻫﺎﺩ ﺩﻱ ﻗﺎﻟﺖ ﻟﻲ ﺍﻥ ﺳﻤﻌﺖ ﺍﻟﺒﺖ ﺩﻱ ﻛﻌﺒﻪ ﻭ ﺑﺘﺎﻋﺖ ﻋﺮﺑﺎﺕ ﻭ ﺍﻣﻮﺭ ﺯﻱ ﺩﻱ !
** ﻻ ﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ! ﻭ ﻫﻲ ﻋﺮﻓﺖ ﻣﻦ ﻭﻳﻦ ﺍﻥ ﺷﺎﺀﺍﻟﻠﻪ ؟
__ ﺑﺘﻘﻮﻝ ﻳﻮﻡ ﻭﺻﻠﻮﻫﺎ ﺍﻟﺒﻴﺖ ﺳﻤﻌﻮ ﺟﺎﺭﺗﻬﻢ ﺑﺘﻘﻮﻝ ﻛﻼﻡ ﺷﻴﻦ ﻋﻠﻴﻬﺎ !
** ﻃﻴﺐ ﺻﺤﺒﺘﻚ ﺩﻱ ﺑﺘﻠﻔﺢ ﺳﺎﻱ ﻛﺪﺍ !! ﻛﻴﻒ ﺗﺤﻜﻢ ﻋﻠﻰ ﺑﻨﻲ ﺁﺩﻣﺔ ﻣﺎ ﺷﺎﻓﺖ ﻣﻨﻬﺎ ﺣﺎﺟﺔ ﺷﻴﻨﻪ ﻭ ﺣﻜﻤﺖ ﻋﻠﻴﻬﺎ ﻟﻤﺠﺮﺩ ﺍﻧﻬﺎ ﺳﻤﻌﺖ ﻛﻼﻡ ﻣﺎ ﻣﻌﺮﻭﻑ ﺻﺢ ﻭﻻ ﻏﻠﻂ ! ﺷﻮﻓﻲ ﻳﺎ ﺭﺯﺍﻥ ﻟﻴﻜﻲ ﻭ ﻟﻲ ﺯﻣﺎﻧﻚ ! ﺍﻳﺎﻛﻲ ﺗﺤﻜﻤﻲ ﻋﻠﻰ ﺯﻭﻝ ﻟﻤﺠﺮﺩ ﻛﻼﻡ ﺍﻧﺘﻲ ﺳﻤﻌﺘﻴﻬﻮ
ﻭﻣﺎ ﺷﻔﺘﻴﻬﻮ ﺑﻲ ﻋﻴﻨﻚ ! ﻭﺣﺘﻰ ﻭﻟﻮ ﺍﻻﻧﺴﺎﻥ ﺩﺍ ﺍﺳﻮﺃ ﺯﻭﻝ ﻃﺎﻟﻤﺎ ﻣﺤﺘﺮﻣﻚ ﺍﻧﺘﻲ ﻭ ﻣﺎ ﺍﺳﺎﺀ ﻟﻴﻜﻲ ﺑﻲ ﺣﺎﺟﺔ ﻳﺒﻘﻰ ﺍﻧﺘﻲ ﻛﻤﺎﻥ ﺗﺒﺎﺩﻟﻴﻬﻮ ﺍﻟﺤﺎﺟﺔ ﺩﻱ ﻭﺍﺗﻌﻠﻤﻲ ﺍﻧﻚ " ﻣﺎ ﺗﺤﻜﻤﻲ ﺍﻻ ﻋﻠﻰ ﻧﻔﺴﻚ " ﻭ ﺍﻟﻤﻔﺮﻭﺽ ﺗﻜﻮﻧﻲ ﻣﻦ ﺗﻠﻘﺎﺀ ﻧﻔﺴﻚ ﺍﺗﻌﻠﻤﺘﻲ ﺍﻟﺤﺎﺟﺔ ﺩﻱ ﻣﻦ ﺍﻟﻜﺎﻥ ﺑﺤﺼﻞ ﻭﺍﻟﺤﺎﺻﻞ ﻣﻌﺎﻱ ﺣﺎﻟﻴﺎً ﻣﻦ ﺍﻟﻨﺎﺱ ! ﺑﺮﺍﻛﻲ ﻛﻨﺘﻲ ﺑﺘﻘﻮﻟﻲ ﻟﻲ ﻳﺎ ﺭﻳﻢ ! ﺍﻟﻨﺎﺱ ﺑﺘﻘﻮﻝ ﻋﻨﻚ ﻛﺬﺍ ﻭﺇﻧﻚ ﺑﺘﺴﻮﻱ ﻛﺬﺍ ﻭﺇﻧﻚ ﺑﺘﻌﻤﻠﻲ ﻛﺬﺍ ﻭ ﺑﺘﺠﻲ ﺗﻘﻮﻟﻲ ﻟﻲ ﻳﺎﺭﻳﻢ ﺍﺗﻐﻴﺮﻱ ﻳﺎ ﺭﻳﻢ ﻭ ﻳﺎﺭﻳﻢ ﻭ ﻳﺎﺭﻳﻢ ! ﻫﻞ ﻛﻞ ﺍﻟﻠﻲ ﻛﻨﺘﻲ ﺑﺘﺴﻤﻌﻴﻬﻮ ﻋﻨﻲ ﻣﻦ ﺍﻟﻨﺎﺱ ﻛﺎﻥ ﺻﺢ؟
__ ﻻ ..
** ﻳﺒﻘﻰ ﻧﻔﺲ ﺍﻟﺸﻲ ﺑﻴﻨﻄﺒﻖ ﻋﻠﻴﻜﻲ ﻭﻋﻠﻲ ﻭ ﻋﻠﻰ ﻭﻫﺎﺩ ﺍﻟﻨﺎﺱ ﻣﺎ ﻋﻠﻴﻬﺎ ﺍﻻ ﺍﻧﻬﺎ ﺗﺤﻜﻢ ﻋﻠﻴﻜﻲ ﻣﻦ ﺍﻟﺨﺎﺭﺝ ﺑﺼﻮﺭﺓ ﻋﺎﻣﺔ ! ﻣﺎﻓﻲ ﺯﻭﻝ ﺑﻴﻜﻠﻒ ﻧﻔﺴﻪ ﺍﻧﻮ ﻳﻌﺮﻑ ﻓﻼﻥ ﺩﺍ ﻗﺒﻞ ﻳﻘﻮﻝ ﻋﻠﻴﻬﻮ ﺣﺮﻑ ﻭﺍﺣﺪ ، ﻭﺍﻷﻛﻌﺐ ﻣﻦ ﻛﺪﺍ ﺍﻧﻪ ﺑﻴﻨﻘﻞ ﺍﻟﺤﺮﻑ ﺩﺍ ﻭ ﺑﻴﺼﺒﺢ ﻛﻠﻤﺔ ﻭ ﺑﺘﺤﻮﻝ ﻟﻲ ﺟﻤﻠﺔ ﻭ ﺑﻌﺪﺍﻙ ﺑﺘﺤﻮﻝ ﻟﻲ ﻛﻼﻡ ! ﻓﻬﻤﺘﻲ ؟؟؟
__ ﺭﻳﻢ ﺍﻧﺎ ﻭﺍﻟﻠﻪ ﻣﺎ ﻓﻜﺮﺕ ﻛﺪﺍ ﻭ ﺣﺘﻰ ﻫﻲ ﻟﻤﻦ ﻗﺎﻟﺖ ﻟﻲ ﻛﺪﺍ ﺍﻧﺎ ﻣﺎ ﺻﺪﻗﺘﺎ ﻻﻧﻲ ﻗﻌﺪﺕ ﻣﻊ ﺍﻟﺒﺖ ﺩﻱ ﺳﺎﻋﺘﻴﻦ ، ﺍﺍﺍﻱ ﻣﺎ ﻋﺎﺷﺮﺗﻬﺎ ﻭ ﻻ ﺑﻌﺮﻑ ﻋﻨﻬﺎ ﺣﺎﺟﺔ ﺑﺲ ﺍﻟﻠﺤﻈﺔ ﺍﻻﻭﻟﻰ ﻫﻲ ﺍﻟﻠﻲ ﺑﺘﺨﻠﻲ ﻋﻨﺪﻧﺎ ﺍﻻﻧﻄﺒﺎﻉ ﺍﻻﻭﻝ ! ﺍﻧﺎ ﺑﺲ ﺍﺣﺘﺮﺗﻪ ﻭ ﻣﺎ ﻋﺮﻓﺘﻪ ﺍﺗﺼﺮﻑ ﻛﻴﻒ ﻟﻤﻦ ﻗﺎﻟﺖ ﻟﻲ ﺣﺼﻠﻲ ﺍﺧﻮﻛﻲ ﻗﺒﻞ ﻳﺘﺒﺪﺱ ﻋﺸﺎﻥ ﻛﺪﺍ ﺟﻴﺘﻚ !!
** ﻭ ﺑﻌﺪ ﺟﻴﺘﻴﻨﻲ ﻋﺮﻓﺘﻲ ﺣﺘﻌﻤﻠﻲ ﺷﻨﻮ ؟
__ ﺍﻳﻮﺓ
** ﻳﺒﻘﻰ ﺑﻜﺮﺓ ﺍﻟﻤﺴﺎﺀ ﺍﻥ ﺷﺎﺀﺍﻟﻠﻪ ﺟﻬﺰﻱ ﻧﻔﺴﻚ ﻋﺸﺎﻥ ﺗﻤﺸﻲ ﻣﻌﺎﻧﺎ ﻧﻘﻌﺪ ﻣﻌﺎﻫﻢ ﻭ ﻧﺘﻌﺮﻑ ﻋﻠﻴﻬﻢ ، ﻭ ﺭﺑﻨﺎ ﻳﻜﺘﺐ ﻟﻴﻬﻮ ﺍﻟﻨﺼﻴﺐ ! ﺍﺗﻔﻘﻨﺎ ؟
__ ﺑﻜﺮﺓ ﺍﻟﻘﺮﻳﺒﺔ ﺩﻱ ؟؟
** ﺍﺍﺍﻱ ﺑﻜﺮﺓ ﺍﻟﻘﺮﻳﺒﺔ ﺩﻱ .. ﺍﺍﺍﻩ ﺑﺎﻟﻤﻨﺎﺳﺒﺔ ! ﺍﻣﻲ ﻭﻳﻦ ؟
__ ﺍﻣﻲ ﺩﻱ ﻣﺎ ﻋﺎﺭﻓﻪ ﺣﺎﺻﻞ ﻋﻠﻴﻬﺎ ﺷﻨﻮ ﻭﺍﻟﻠﻪ ﻳﺎ ﺭﻳﻢ ﻳﺎﻫﺎ ﺍﻏﻠﺐ ﺍﻟﻮﻗﺖ ﻓﻲ ﻏﺮﻓﺘﺎ ﻳﺎ ﻣﻊ ﺣﺠﺔ ﻋﺸﻪ ﺑﺘﺸﺮﺏ ﺍﻟﺠﺒﻨﺔ !
** ﻃﻴﺐ ، ﺍﻧﺎ ﻣﺎﺷﻪ ﺍﺷﻮﻓﻬﺎﺍ ...
__ ﻃﻴﺐ !!
ﻓﻌﻼ ﻣﺸﻴﺖ ﻟﻲ ﺍﻣﻲ ﻓﻲ ﻏﺮﻓﺘﻬﺎ .. ﻟﻘﻴﺘﻬﺎ ﻓﺎﺗﺤﻪ ﺍﻟﺸﺎﺷﻪ ﺍﻟﺠﻮﺍ ﻭ ﺑﺘﺤﻀﺮ !! ﺳﻠﻤﺖ ﻋﻠﻴﻬﺎ ﻓﻲ ﺭﺍﺳﻬﺎ ، ﻭ ﻗﻠﺖ ﻟﻴﻬﺎ :
** ﻣﺘﺎﺑﻌﻪ ﺣﺎﺟﺔ ؟
__ ﻻﻻ ﺑﺸﺎﻫﺪ ﺳﺎﻱ ! ﻛﻴﻔﻚ ﺍﻧﺘﻲ ﻭ ﻛﻴﻒ ﻣﻊ ﺍﻟﺸﻐﻞ ؟
** ﺍﻟﺤﻤﺪﻟﻠﻪ ﻛﻞ ﺍﻻﻣﻮﺭ ﺗﻤﺎﻡ !
__ ﻏﺮﻳﺒﻪ ! ﻛﺄﻧﻪ ﻧﻔﺴﻴﺎﺗﻚ ﺍﺣﺴﻦ ؟
** ﺍﻫﻮ ﺍﻟﺤﻤﺪﻟﻠﻪ ﻛﻔﺎﻳﻪ ﻭﺟﻮﺩﻙ ﺩﺍ ﺑﺮﺍﻫﻮ ﺑﺎﻟﺪﻧﻴﺎ ﻭ ﺍﺑﻮﻱ ﻭ ﺍﺧﻮﺍﻧﻲ ..
__ ‏( ﺍﺑﺘﺴﻤﺖ ‏) ﺍﻫﺎﺍﺍ ﻣﻮﺿﻮﻋﻚ ﺷﻨﻮ ؟
** ﻛﻮﻳﺲ ﻋﺮﻓﺘﻲ ﺍﻧﻲ ﺟﻴﺘﻚ ﻓﻲ ﻣﻮﺿﻮﻉ ﻫﻬﻪ ، ﺍﻟﻤﻬﻢ ﻳﺎ ﺍﻣﻲ ! ﻣﻮﺿﻮﻭﻋﻲ ﺑﺨﺼﻮﺹ ﻭﻟﻴﺪ !
__ ﻭﻟﻴﺪ ! ‏( ﺍﺳﺘﻌﺪﻟﺖ ﻭ ﺭﻛﺰﺕ ﻣﻌﺎﻱ ‏) ! ﻣﺎﻟﻮ ؟
** ﺩﺍﻳﺮ ﻳﺘﺰﻭﺝ !
__ ﺑﺘﻬﻈﺮﻱ ﺍﻛﻴﺪ ! ﻭﻟﻴﺪ ﻳﺘﺰﻭﺝ !!! ﻛﻢ ﻣﺮﺓ ﻗﻠﺖ ﻟﻴﻬﻮ ﺍﺭﺡ ﻧﺨﻄﺐ ﻟﻴﻚ ﻛﺎﻥ ﺑﺮﻓﺾ ﻓﻲ ﺧﻄﻮﺑﺔ ﺭﺯﺍﻥ ﺩﻱ ﻛﺎﻧﺖ ﻣﻠﻴﺎﻧﻪ ﺑﻨﺎﺕ ﻗﺪﺭ ﻣﺎ ﺣﻨﺴﺘﻮ ﻳﺨﺘﺎﺭ ﻟﻴﻬﻮ ﻭﺣﺪﺓ ﻛﺎﻥ ﺭﺍﺍﻓﺺ !
** ﻳﺎ ﺍﻣﻲ ﻭﻟﻴﺪ ﺭﺍﺟﻞ ، ﻳﻌﻨﻲ ﺍﻛﻴﺪ ﻭﻗﺘﻬﺎ ﻣﺎ ﻛﺎﻥ ﻋﻨﺪﻭ ﺭﻏﺒﺔ ﻭ ﺍﺳﻲ ﻟﻘﻰ ﺍﻟﺪﺍﻓﻊ ﻟﻠﺰﻭﺍﺝ ! ﺍﻧﺤﻨﺎ ﻛﻞ ﺍﻟﻠﻲ ﻋﻠﻴﻨﺎ ﺍﻧﻪ ﻧﺪﻋﻢ ﻗﺮﺍﺭﻩ ﻭ ﻧﻘﻴﻒ ﻣﻌﺎﻫﻮ ! ﻭﻻ ﻛﻴﻒ ؟
__ ﻳﺎ ﺑﺘﻲ ﻭ ﺍﻧﺎ ﺣﺄﺭﻓﺾ ﻟﻴﻬﻮ ﻳﺘﺰﻭﺝ ﻣﺜﻼً ؟؟ ﺩﻱ ﻟﺤﻈﺔ ﺍﺗﻤﻨﻴﺘﻬﺎ ﻣﻦ ﻳﻮﻡ ﻛﺎﻥ ﻋﻤﺮﻩ ﺳﻨﻪ !
** ﻃﻴﺐ ﻳﺎ ﻏﺎﻟﻴﺔ ﻳﺒﻘﻰ ﻟﺤﺪ ﻫﻨﺎ ﻣﺘﻔﻘﻴﻦ !
__ ﺍﻛﻴﺪ ﻣﺘﻔﻘﻴﻦ ! ﻭ ﻛﺎﻥ ﺩﺍﻳﺮ ﺍﺧﺘﻴﺎﺭﻱ ﺍﻧﺎ ﺍﺳﻲ ﺩﺍ ﺑﻲ ﺗﻠﻔﻮﻥ ﻭﺍﺣﺪ ﺑﺎﺧﺪ ﻟﻴﻬﻮ ﻣﻮﺍﻋﻴﺪ ﻣﻊ ﺍﻫﻞ ﺍﻱ ﺑﺖ ﻳﺨﺘﺎﺭﻫﺎ !
** ﺍﻣﻲ .. ﺍﺳﻤﻌﻴﻨﻲ ﻟﻼﺧﺮ ! ﻭ ﻟﻴﺪ ﻣﺤﺪﺩ ﺧﻴﺎﺭﻩ !
__ ﻃﻴﺐ ﺑﺖ ﻣﻨﻮ ؟
** ﺑﺖ ﻣﻨﻮ ﺩﻱ ﺣﺘﻌﺮﻓﻲ ﺑﻜﺮﺓ ﺍﻥ ﺷﺎﺀﺍﻟﻠﻪ .. ﻟﻜﻦ ﺍﺳﻲ ﺍﻧﺎ ﺣﺒﻴﺖ ﺍﻧﻮﺭﻙ ﻭ ﺍﻭﺭﻳﻜﻲ ﺍﻧﻮ ﻭﻟﻴﺪ ﺣﺪﺩ ﻣﻊ ﺍﺧﻮﻫﺎ ﺑﻜﺮﺓ ﺍﻟﻤﺴﺎﺀ ﺍﻥ ﺷﺎﺀﺍﻟﻠﻪ ﺟﻠﺴﺔ ﺗﻌﺎﺭﻑ !
__ ﻛﻠﻢ ﺍﺑﻮﻩ ﻳﻌﻨﻲ ؟
** ﻻﻻﻻ ﻟﺴﻪ ﺑﻌﺪ ﻧﺘﻌﺮﻑ ﻋﻠﻴﻬﻢ ﺍﻭﻝ ﺑﻌﺪﺍﻙ ﻫﻮ ﺑﻴﻜﻠﻢ ﺍﺑﻮﻱ ، ﻭ ﻋﺸﺎﻥ ﻣﺎ ﺗﻘﻮﻟﻲ ﻛﻠﻤﻚ ﺑﻌﺪ ﺍﺧﺪ ﺧﻄﻮﺓ ﻓﻲ ﺍﻟﻤﻮﺿﻮﻉ ، ﺍﻟﻤﻮﺿﻮﻉ ﺟﺎ ﻣﺴﺘﻌﺠﻞ ! ﻭ ﻟﺴﻪ ﺍﻟﺠﺎﻱ ﻛﻠﻮ ﺣﻴﻜﻮﻥ ﺑﻲ ﻋﻠﻤﻚ ﻭ ﻗﺪﺍﻡ ﻋﻴﻨﻚ ﺍﻥ ﺷﺎﺀﺍﻟﻠﻪ ..
__ ﺍﻥ ﺷﺎﺀﺍﻟﻠﻪ ﻳﺎ ﺑﺘﻲ ﺭﺑﻨﺎ ﻳﺴﻌﺪﻛﻢ ﻛﻠﻜﻢ ﺍﻥ ﺷﺎﺀﺍﻟﻠﻪ ﻭ ﺍﺷﻮﻓﻜﻢ ﻓﻲ ﺑﻴﻮﺗﻜﻢ !
** ﺍﻣﻴﻦ ‏( ﻭ ﺍﻧﺎ ﺑﻘﻮﻡ ﺗﺎﻧﻲ ﻗﻌﺪﺗﻪ ‏) ﺍﺍﺍﺍ ﺍﻣﻲ !
ﻣﺘﺬﻛﺮﺓ ﺯﻣﺎﻥ ﺍﻧﺤﻨﺎ ﻭﺿﻌﻨﺎ ﻛﺎﻥ ﻛﻴﻒ ﺻﺢ ؟؟
__ ﺍﻳﻮﺓ !
** ﺑﺲ ﺗﻤﺎﻡ .. ﻳﻼ ﺍﻧﺎ ﺑﻤﺸﻲ ﻋﺎﻳﺰﺓ ﺍﻛﻞ ﻟﻲ ﺣﺎﺟﺔ ﻭﺍﻧﻮﻡ ﻋﺸﺎﻥ ﻧﺸﻮﻑ ﺑﻜﺮﺓ ﺣﻴﺤﺼﻞ ﺷﻨﻮ ﺍﻥ ﺷﺎﺀﺍﻟﻠﻪ !!
__ ﺩﻗﻴﻘﻪ ! ﺳﺎﻟﺘﻴﻨﻲ ﻟﻴﻪ ﺳﺆﺍﻟﻚ ﺩﺍ ؟
** ﻋﺸﺎﻥ ﺍﻧﺤﻨﺎ ﻣﺎ ﻋﺎﺭﻓﻴﻦ ﻇﺮﻭﻑ ﺍﻫﻞ ﺍﻟﺒﺖ ﺩﻱ ! ﻭ ﻓﻲ ﻛﻞ ﺍﻻﺣﻮﺍﻝ ﻡ ﻋﺎﻳﺰﺓ ﺍﻟﺤﺎﺟﺔ ﺩﻱ ﺗﻔﺮﻕ ﻣﻌﺎﻛﻲ ، ﻭ ﺍﺫﺍ ﻡ ﻛﻨﺎ ﺯﻣﺎﻥ ﻋﻠﻰ ﻗﺪﺭ ﺣﺎﻟﻨﺎ ، ﻡ ﺗﻀﻤﻨﻲ ﺍﻟﻤﺴﺘﻘﺒﻞ ﻳﻜﻮﻥ ﻛﻴﻒ !! .... ﺗﺼﺒﺤﻲ ﻋﻠﻰ ﺧﻴﺮ ‏( ﺑﻮﺳﺘﻬﺎ ﻭ ﻃﻠﻌﺘﻪ ‏) .....
ﻣﺸﻴﺖ ﺍﻟﻤﻄﺒﺦ ﻭ ﺍﻧﺎ ﺑﺎﻛﻞ ، ﻗﻌﺪﺕ ﻣﻊ ﻧﺎﺭﺩﻳﻦ ﻭ ﻣﺎﺭﻳﺎﻥ ﺍﺗﻮﻧﺴﺖ ﻣﻌﺎﻫﻢ ﻭ ﺍﻟﻠﻲ ﺣﻜﺖ ﻟﻲ ﻋﻦ ﻭﻟﺪﻫﺎ ﻭﺍﻟﻠﻲ ﺣﻜﺖ ﻟﻲ ﻋﻦ ﺑﻴﺘﻬﺎ .. ﻭ ﺑﻌﺪﻫﺎ ﻃﻠﻌﺖ ﻋﻠﻰ ﻏﺮﻓﺘﻲ .. ﻟﻤﺤﺖ ﺗﻠﻔﻮﻧﻲ ﻣﻨﻮﺭ !!
ﺭﻓﻌﺘﻮ ، ﻟﻘﻴﺖ } ﺗﻼﺗﻪ ﻣﻜﺎﻟﻤﺎﺕ ﻓﺎﺋﺘﺔ { ﻣﻦ ﺧﺎﻟﺪ !
ﺭﻗﺪﺕ ﻭﺍﺗﺼﻠﺖ ﻋﻠﻴﻬﻮ ... ﻣﺎ ﺭﺩ ﻋﻠﻲ ! ﺷﻮﻳﺔ ﻭ ﺭﺟﻊ ﻟﻲ ﻫﻮ :
__ ﺍﻧﺘﻲ ﻛﻮﻳﺴﻪ ؟
** ﺣﻤﺪﻟﻠﻪ ... ﻛﻴﻔﻚ ؟
__ ﻣﺎ ﻛﻮﻳﺲ !
** ﻟﻴﻪ ؟
__ ﻟﻘﻴﺘﻲ ﻛﻢ ﻣﻜﺎﻟﻤﺔ ؟
** ﺗﻼﺗﻪ !
__ ﻭ ﻣﺎ ﺭﺩﻳﺘﻲ !
** ﻛﻨﺖ ﺑﻌﻴﺪﻩ ﻣﻦ ﺍﻟﺘﻠﻔﻮﻥ !
__ ﺍﻣﻤﻢ
** ﺍﺷﺘﻘﺖ ﻟﻲ ﻣُﺰﻥ ﺗﺼﺪﻕ !
__ ﻭﻫﻲ ﻛﻤﺎﻥ ﺑﺘﺴﺄﻝ ﻣﻨﻚ ! ﺑﺲ ... ﻳﻌﻨﻲ ﻟﻮ ﺟﺒﺘﻬﺎ ﻣﻌﺎﻱ ﺑﻜﺮﺓ ﻣﺎ ﺣﻨﻘﺪﺭ ﻧﺘﻢ ﻛﻼﻣﻨﺎ ﻓﻲ ﻭﺟﻮﺩﻫﺎ !
** ﺑﻜﺮﺓ ﻣﺎ ﺣﻘﺪﺭ ﺍﺗﻐﺪﺍ ﻣﻌﺎﻙ ؟
__ ﺷﺸﺸﻨﻮﻭﻭ ﻻﻻﻻ
** ﺧﺎﻟﺪ ﻣﺎﻟﻚ ! ﺧﻠﻌﺘﻨﻲ !
__ ﻟﻴﻪ ﻣﺎ ﺣﺘﻘﺪﺭﻱ ! ؟
** ﻓﻲ ﻣﻮﺿﻮﻉ ﺍﺳﺮﻱ ﻇﻬﺮ ﻟﻲ ﺑﻌﺪ ﺭﺟﻌﺖ ﻣﻨﻚ ﻭ ﻣﺎ ﻋﺎﺭﻓﻪ ﻳﻮﻣﻲ ﺑﻜﺮﺓ ﺣﻴﻜﻮﻥ ﻛﻴﻒ !
__ ﻃﻴﺐ ...
** ﻣﺎﻟﻚ ﺑﺠﺪ ؟
__ ﻣﺎ ﻋﺎﺭﻑ ﻟﻜﻦ ﺍﺭﺗﺒﻄﺘﻲ ﺑﻲ ﺗﻔﻜﻴﺮﻱ ﺷﺪﻳﺪ ! ﻭ ﻛﻨﺖ ﺑﺤﺴﺐ ﻟﻲ ﻣﻮﺍﻋﻴﺪﻧﺎ ﺑﻜﺮﺓ ! ﻭ ﻧﻔﺴﻲ ﺍﺷﻮﻓﻚ ﺍﺳﻲ ﻗﺒﻞ ﺑﻜﺮﺓ !
** ‏( ﻡ ﺍﺗﻮﻗﻌﺖ ﻣﻨﻪ ﺭﺩ ﺻﺮﻳﺢ ﻛﺪﺍ ‏) ﺍﻣﻤﻢ
__ ﺍﺳﻒ ﻟﻮ ﺍﺗﻌﺪﻳﺖ ﺣﺪﻭﺩﻱ !
** ﻻ ﺍﺑﺪﺍً ! ﺍﺍﺍﺍﺍﻩ ﺍﻧﺎ ﻧﻔﺲ ﺍﻟﺸﻲ ﻳﺎ ﺧﺎﻟﺪ ! ﻭ ﺳﺒﺤﺎﻥ ﺍﻟﻠﻪ ﻛﻨﺖ ﻓﻲ ﺑﺎﻟﻲ ﻭ ﺟﻴﺖ ﻟﻘﻴﺘﻚ ﻣﺘﺼﻞ ﻋﻠﻲ !
__ ﻭﻟﻮ ﻡ ﻛﻨﺖ ﻣﺘﺼﻞ ؟
** ﻣﺎ ﻛﻨﺖ ﺣﺄﺗﺼﻞ ﺍﻧﺎ ﻫﻬﻬﻪ
__ ﻭﺍﺿﺤﺔ ﻭ ﺻﺮﻳﺤﻪ ﻫﻬﻪ ﻭ ﺍﻧﺎ ﻣﺎ ﺣﺄﺩﻳﻜﻲ ﻣﺠﺎﻝ ﺗﻔﻜﺮﻱ ﺍﺻﻼً ﺗﺘﺼﻠﻲ ﻭﻻ ﻻ ! ﺍﻱ ﻭﻗﺖ ﺍﺟﻲ ﻋﻠﻰ ﺑﺎﻟﻚ ﻓﻴﻬﻮ ﺣﺘﻠﻘﻲ ﻣﻨﻲ ﺍﺗﺼﺎﻝ !
** ﻳﺎﺧﻲ ﺛﻘﺘﻚ ﺩﻱ ﺣﺘﺠﻨﻨﻲ ﺑﺠﺪ !
__ ﺟﺮﺑﻲ ﻃﻴﺐ ﻭ ﺣﺘﺸﻮﻓﻲ !
.. ﻭ ﻓﻀﻠﻨﺎ ﻧﺘﻜﻠﻢ ﺍﻟﻰ ﻣﺎﻻﻧﻬﺎﺍﺍﺍﺍﺍﺍﻳﺔ ! ﻣﺎ ﻭﻋﻴﺖ ﺍﻻ ﺑﻲ ﻣﺎﺭﻳﺎﻥ ﻭ ﻫﻲ ﺑﺘﺨﺒﻂ ﻟﻲ ﺑﺎﺏ ﻏﺮﻓﺘﻲ ﻋﺸﺎﻥ ﺗﺠﻴﺐ ﻟﻲ ﺍﻟﺤﻠﻴﺐ ﻭ ﺍﻟﻜﻮﻛﻴﺰ !!! ﺍﻭﻝ ﺣﺎﺟﺔ ﻋﺎﻳﻨﺖ ﻟﻴﻬﺎ ﺗﻠﻔﻮﻧﻲ ﺍﻟﻠﻲ ﻛﺎﻥ ﻭﺍﻗﻊ ﻓﻲ ﺍﻻﺭﺽ !! ﺍﺗﻨﺎﻭﻟﺘﻮ ﻟﻘﻴﺘﻮ ﻃﺎﻓﻲ ﺷﺤﻦ ..
ﻗﻠﺖ ﻟﻲ ﻣﺎﺭﻳﺎﻥ :
** ﺻﺒﺎﺡ ﺍﻟﺨﻴﺮ !!
__ ﺻﺒﺎﺡ ﺍﻟﻨﻮﺭ .. ﻟﻴﺶ ﺗﺄﺧﻴﺮ ﺍﻟﻴﻮﻡ !
** ﻣﺎ ﻋﺎﺭﻓﻪ ﻟﻴﻪ ﺍﻟﺴﺎﻋﻪ ﻛﻢ ؟
__ 12:14 ﻣﺪﺍﻡ !
** ﺍﻭﻓﻔﻒ ﻟﻴﻪ ﻣﺎ ﺟﻴﺘﻲ ﺻﺤﻴﺘﻴﻨﻲ ﻣﻦ ﺑﺪﺭﻱ ﻳﺎ ﻣﺎﺭﻳﺎﻥ ؟
__ ﻣﺎ ﺣﺒﻴﺖ ﺍﺯﻋﺠﻚ !!
** ﻃﻴﺐ ﻃﻴﺐ ، ﻡ ﻣﺸﻜﻠﻪ ‏( ﻭ ﺍﻧﺎ ﺑﻮﺻﻞ ﺗﻠﻔﻮﻧﻲ ﻓﻲ ﺍﻟﺸﺎﺣﻦ ‏) .. ﻣﺎﺭﻳﺎﻥ ﻃﻠﻌﺖ ﻭ ﺍﻧﺎ ﺩﺧﻠﺖ ﺍﻟﺤﻤﺎﻡ !! ‏( ﺍﻛﺮﻣﻜﻢ ﺍﻟﻠﻪ ‏)
ﻃﻠﻌﺘﻪ ﻭ ﺍﻧﺎ ﺳﺎﻣﻌﻪ ﺻﻮﺕ ﺍﻟﺮﺳﺎﻳﻞ ﻧﺎﺯﻟﻪ ﻋﻠﻰ ﺗﻠﻔﻮﻧﻲ ﺯﻱ ﺍﻟﻤﻄﺮ !! ﻣﺴﻜﺖ ﺍﻟﺘﻠﻔﻮﻥ ! ﻟﻘﻴﺖ ﻓﺎﻃﻤﺔ ﻣﺘﺼﻠﻪ ﻋﻠﻰ ﻛﺘﻴﺮ ﻭﺍﺩﺍﻫﺎ ﻣﻘﻔﻮﻝ ﻭ ﺧﺎﻟﺪ ﻭ ﻭﺟﺪﺍﻥ ﻭ ﺭﻗﻢ ﻏﺮﻳﺐ ! ﺭﺟﻌﺖ ﻟﻲ ﻓﺎﻃﻤﺔ ﺍﻭﻝ ﺣﺎﺟﺔ :
** ﻫﻼ ﻓﻄﻮﻡ ﺻﺒﺎﺡ ﺍﻟﺨﻴﺮ !
__ ﺻﺒﺎﺡ ﺍﻟﻨﻮﺭ ﺍﺳﺘﺎﺫﺓ ﺭﻳﻢ ! ﻋﺎﻓﻴﺔ ؟
** ﻻﻻ ﻋﺎﻓﻴﺔ ! ﺍﻫﺎ ﺍﻟﺤﺎﺻﻞ ﺷﻨﻮ ؟
__ ﻣﺎ ﺣﺘﺠﻲ ﺍﻟﻤﻜﺘﺐ ؟
** ﻋﻨﺪﻱ ﻣﻮﺿﻮﻉ ﻓﻲ ﺍﻟﺒﻴﺖ ﻣﺎ ﺣﻘﺪﺭ ﺍﺟﻲ ﺍﻟﻠﻴﻠﻪ !
__ ﻃﻴﺐ ﻓﻲ ﺍﻟﻌﻘﻮﺩﺍﺕ ﺣﻘﺖ ﺷﺮﻛﺔ " ﺍﻧﻮﺍﺭ ﺍﻟﺘﻘﻨﻴﺔ " ﺍﻧﺘﻲ ﺍﺩﻳﺘﻴﻬﻢ ﻣﻮﺍﻋﻴﺪ ﻣﺮﺍﺟﻌﻪ ﺍﻟﻠﻴﻠﻪ ﻋﺸﺎﻥ ﻳﺠﻮ ﻳﺎﺧﺪﻭ ﺍﻻﻭﺭﺍﻕ ﻭ ﻧﺎﻗﺼﻪ ﻣﺮﺍﺟﻌﺘﻚ ﻭ ﺗﻮﻗﻴﻌﻚ ﻋﻠﻴﻬﺎ ! ﻛﻴﻒ ؟
** ﺍﺍﻭﻭﻭ ، ﻃﻴﺐ ﻳﺎ ﻓﺎﻃﻤﺔ ! ﺗﻘﺪﺭﻱ ﺗﺠﻴﻨﻲ ﺍﻟﺒﻴﺖ ؟ ﺍﻧﺎ ﺑﻜﻠﻢ ﻋﻢ ﺍﺑﺮﺍﻫﻴﻢ ﻳﻮﺻﻠﻚ ﻭ ﻳﺮﺟﻌﻚ !
__ ﻃﻴﺐ ﻣﺴﺎﻓﺔ ﺍﻟﺴﻜﺔ !! ﺍﺍﺍﻩ ﺍﻳﻮﺓ ﺻﺢ ﻧﺴﻴﺖ !!
** ﻫﺎﻩ !! ؟
__ ﻃﺎﺭﻕ ﺟﺎ ﻣﻦ ﺑﺪﺭﻱ ﻭﻛﺎﻥ ﻣﻨﺘﻈﺮﻙ !
** ﻃﺎﺭﻕ ! ﻃﺎﺭﻕ ! ﺍﺍﺍﻫﺎﺍﺍﺍ ﺍﻟﻘﺴﻢ ﺍﻟﺠﺪﻳﺪ ! ﻣﺎﻟﻮ ؟
__ ﻛﺎﻥ ﺩﺍﻳﺮ ﻳﻘﺎﺑﻠﻚ ﻭ ﻗﺎﻝ ﻋﻨﺪﻩ ﻇﺮﻑ ﻭ ﻣﺤﺘﺎﺝ ﻳﺎﺧﺪ ﺍﻟﻴﻮﻡ ﺩﺍ ﺍﺟﺎﺯﺓ ﺍﺫﺍ ﻡ ﻋﻨﺪﻙ ﻣﺎﻧﻊ ؟
** ﻋﻨﺪﻭ ﻇﺮﻑ ﻛﺎﻥ ﻃﻮﺍﻟﻲ ﻳﻤﺸﻲ ! ﻭ ﻫﺴﻲ ﻣﺸﻰ ﻭﻻ ﻟﺴﻪ ﻗﺎﻋﺪ ؟
__ ﻗﺎﻋﺪ ﻟﺴﻪ ؟
** ﻃﻴﺐ ﻛﻠﻤﻴﻬﻮ ﻳﻤﺸﻲ ﺍﻧﺎ ﻣﺎ ﻋﻨﺪﻱ ﻣﺸﻜﻠﻪ !
__ ﺗﻤﺎﻡ .. ﻳﻼ ﺩﻗﺎﻳﻖ ﻭ ﺍﻛﻮﻥ ﻋﻨﺪﻙ !
** ﺗﻤﺎﻡ ﻓﻄﻮﻡ !
ﺷﻠﺖ ﺻﻴﻨﻴﺘﻲ ﻭ ﻧﺰﻟﺖ ﺗﺤﺖ ! ﻟﻘﻴﺖ ﺍﻣﻲ ﻗﺎﻋﺪﺓ ﺗﻔﻄﺮ .. ﺻﺒﺤﺖ ﻋﻠﻴﻬﺎ ﻭ ﻗﻌﺪﺗﻪ ﻣﻌﺎﻫﺎ ! .. ﺷﻮﻳﺘﻴﻦ ﻭ ﻓﺎﻃﻤﺔ ﺟﺎﺕ ....
ﺍﺛﻨﺎﺀ ﻣﺎ ﻓﺎﻃﻤﺔ ﺟﺎﺕ ، ﺭﺯﺍﻥ ﺟﺎﺕ ﻗﻌﺪﺕ ﻟﻠﻔﻄﻮﺭ ! ﺍﻣﻲ ﻣﻦ ﻗﺎﻟﺖ ﻟﻲ ﺭﺯﺍﻥ ﻭﻟﻴﺪ ﻟﺴﻪ ﻧﺎﻳﻢ ؟ ‏( ﻓﺎﻃﻤﺔ ﺍﺗﻮﺗﺮﺕ ‏) .. ﺭﺯﺍﻥ ﻗﺎﻟﺖ ﻟﻴﻬﺎ ، ﻻﻻ ﻫﻮ ﺍﻟﻠﻴﻠﻪ ﻋﺎﺩ ﺑﻨﻮﻡ ﻫﻪ؟
ﻭﺍﻧﺎ ﻛﻨﺖ ﻣﺼﻤﻤﺔ ﻟﻲ ﻓﺎﻃﻤﺔ ﺍﻧﻬﺎ ﺗﻘﻮﻡ ﺗﻔﻄﺮ ﻭ ﻫﻲ ﺭﺍﻓﻀﻪ ! ﻧﺎﺩﻳﺖ ﻣﺎﺭﻳﺎﻥ ﻋﻤﻠﺖ ﻟﻴﻬﺎ ﻧﺴﻜﺎﻓﻴﻪ ، ﻭ ﺑﻘﻴﻨﺎ ﻗﺎﻋﺪﻳﻦ ﺍﻧﺎ ﻭ ﻫﻲ ﻓﻲ ﺍﻟﺼﺎﻟﻮﻥ ﺍﻟﻤﻘﺎﺑﻞ ﻟﻠﺴﻔﺮﺓ ﻭ ﻗﺎﻋﺪﻩ ﺍﺭﺍﺟﻊ ...
ﻓﺎﻃﻤﺔ ﺑﺘﻘﻮﻝ : ﻛﺎﻥ ﻧﻔﺴﻲ ﺍﻓﻬﻢ ﻣﻌﻨﻰ ﻛﻼﻡ ﺭﺯﺍﻥ ﺑﺲ ﺍﻟﻤﻬﻢ ﺍﻧﻲ ﻣﻤﻜﻦ ﺍﺷﻮﻓﻮ ﺑﻤﺎ ﺍﻧﻪ ﻣﻮﺟﻮﺩ ﻓﻲ ﺍﻟﺒﻴﺖ ﻭ ﺑﻘﻴﺖ ﻣﻨﺘﻈﺮﺓ ﻟﺤﻈﺔ ﻳﺠﻲ ﻭ ﻛﺎﻥ ﻧﻔﺴﻲ ﺍﺳﺘﺎﺫﺓ ﺭﻳﻢ ﻣﺎ ﺗﺨﻠﺺ ﺳﺮﻋﻪ ... ﻭ ﻓﻌﻼً ﺟﺎ ﻧﺎﺯﻝ ! ﻡ ﻗﺪﺭﺕ ﺍﺷﻴﻞ ﻋﻴﻨﻲ ﻣﻦ ﻋﻠﻴﻬﻮ ! ﻟﻤﻦ ﺭﺯﺍﻥ ﻗﺎﻟﺖ ﻟﻲ ﺍﻣﻬﺎ : ﻳﺎ ﺍﻣﻲ ﺭﻳﻢ ﻗﺎﻟﺖ ﻟﻲ ﺍﻣﺸﻲ ﻣﻌﺎﻛﻢ ﻟﻠﺘﻌﺎﺭﻑ ﻛﻴﻒ ﺍﻣﺸﻲ ﻭ ﺍﻧﺎ ﺑﺪﻳﺖ ﺍﻟﺤﺒﺲ ؟؟
ﻭﻟﻴﺪ ﻗﺎﻟﻴﻬﺎ ‏( ﻭﻫﻮ ﺑﻴﻀﺮﺑﺎ ﻓﻲ ﺭﺍﺳﻬﺎ ‏) ﻛﻤﺎﻥ ﻣﺎ ﻋﺎﻳﺰﺓ ﺗﻤﺸﻲ ﻣﻌﺎﻱ ﻓﻲ ﻳﻮﻡ ﺯﻱ ﺩﺍ ! ﻛﺪﻱ ﻡ ﺗﻤﺸﻲ ﻋﺸﺎﻥ ﺍﺧﻨﻘﻚ !!
ﺍﻣﻬﺎ ﺭﺩﺕ ﻟﻴﻬﺎ : ﻛﻠﻬﺎ ﺳﺎﻋﺔ ﺯﻣﻦ ﻳﺎ ﺭﻳﻢ !!
ﻭﻟﻴﺪ : ﺭﻳﻢ ﻭﻳﻨﻬﺎ ﺍﻧﺘﻮ ؟
ﺭﺯﺍﻥ : ﺩﻳﻚ ﻟﻴﻬﺎ ....
ﻭﻟﻴﺪ : ‏( ﺍﺗﻠﻔﺖ ﻭ ﺷﺎﻑ ﺭﻳﻢ ﻭ ﻓﺎﻃﻤﺔ ‏) ﺳﻠﻢ ﻋﻠﻲ ﻣﻦ ﺑﻌﻴﺪ ﺭﻓﻊ ﻟﻲ ﻳﺪﻭ ، ﻭ ﻗﺎﻟﻲ : ﺍﺍﺳﻒ ﻣﺎ ﺍﻧﺘﺒﻬﺘﻪ ، ﻛﻴﻔﻚ ﺍﺳﺘﺎﺫﻩ ؟
ﺭﺩﻳﺖ ﻟﻴﻬﻮ : ﺍﻟﺤﻤﺪﻟﻠﻪ ‏( ﺑﻲ ﺻﻮﺕ ﺿﻌﻴﻒ ﺷﺪﻳﺪ ‏) ، ﻡ ﻛﻨﺖ ﻗﺎﺩﺭﺓ ﺍﺗﺠﺎﻭﺯ ﻛﻼﻣﻬﻢ ! ﻭ ﻓﻲ ﻧﻔﺲ ﺍﻟﻮﻗﺖ ﻓﺎﻫﻤﻪ ﻭ ﻣﺎ ﻓﺎﻫﻤﻪ ! ﻭ ﻣﺎ ﻗﺪﺭﺕ ﺍﻣﻨﻊ ﻧﻔﺴﻲ ﻣﻦ ﺍﻧﻲ ﺍﺳﺄﻝ ﺍﺳﺘﺎﺫﺓ ﺭﻳﻢ ! ﻭ ﻗﻠﺖ ﻟﻴﻬﺎ :
__ ﻟﻮ ﻡ ﻋﻨﺪﻙ ﺣﺎﺟﺔ ﻳﺎ ﺍﺳﺘﺎﺫﺓ ﺭﻳﻢ ﺍﺭﺟﻌﻲ ﻣﻌﺎﻱ ﺍﻟﺸﺮﻛﺔ ! ﻭﺍﻟﻠﻪ ﺍﻟﻴﻮﻡ ﺑﻜﻮﻥ ﻣﺴﻴﺦ ﻣﻦ ﻏﻴﺮﻙ !
** ﻭﻳﻦ ﻳﺎ ﻓﻄﻮﻡ ! ﻳﺎﺭﻳﺖ ﻭﺍﻟﻠﻪ ، ﻟﻜﻦ ﺑﻌﺪ ﺍﺧﻠﺺ ﻣﻦ ﺍﻻﻭﺭﺍﻕ ﺩﻱ ﻋﺎﻳﺰﺓ ﺍﻧﺰﻝ ﺍﻟﺴﻮﻕ ، ﻭ ﺑﺮﻧﺎﻣﺠﻨﺎ ﻃﻮﻳﻞ ﺍﻟﻠﻴﻠﻪ ! ﺍﺩﻋﻲ ﺑﺲ ﺭﺑﻨﺎ ﻳﺴﻬﻞ ﺍﻻﻣﻮﺭ !
__ ﺯﻭﺍﺝ ﺍﺳﺘﺎﺫﺓ ﺭﺯﺍﻥ ﺻﺢ ؟
** ﺯﻭﺍﺝ ﺭﺯﺍﻥ ﺑﺮﺍﻫﻮ ، ﻟﻜﻦ ﺩﺍ ﺑﺮﻧﺎﻣﺞ ﻛﺪﺍ ﺧﺎﺹ ﺑﻲ ﻭﻟﻴﺪ ، ﺍﺩﻋﻲ ﺭﺑﻨﺎ ﻳﻨﻮﻟﻮ ﻣﺮﺍﺩﻭ ﻳﺎ ﻓﺎﻃﻤﺔ ﻭ ﻳﺘﻢ ﻟﻴﻬﻮ ﻋﻠﻰ ﺧﻴﺮ !! !!!.....
ﻳﺘﺒﻊ ....
ﺗﻮﻗﻌﺎﺗﻜﻢ ﻟﻼﺣﺪﺍﺙ ﺣﻘﺖ ﺍﻟﺤﻠﻘﺔ ﺍﻟﺠﺎﻳﺔ ...
# ﺍﺳﺘﻜﻜانه