حب منبوذ

٤

الراجل كان شكلو محترم جداً ، كنت فاكرة ان الزول في بلده بيقدر يتصرف و يتعامل مع اي ظرف او وضع يمر بيهو ، و ان برا بلده ممكن يتبهدل و ماف زول بيساعده ، بس تفكيري و فهمي كان غلط ، ربنا بيوقف الناس لبعض و الناس الكويسين موجودين في اي مكان في العالم .. 
المهم بعد عرف اسمي ، و انا بقوليهو ( وهاد بنت حنان ) اخد ليهو وقفة كدا و استغرب ! 
قالي اسمك جميل اووي و عمره ما قابلني ف مصر حد اسمه وهاد ، بغض النظر عن بنت حنان ، زي ما انتي شايفه المحل كله رجالة ، و مفيش ست وحدة بتشتغل هنا ، يمكن اغلب محلات الكشري ف مصر بالطريقة دي ، المهم يا ستي انا هوفرلك مكان محدش هيدايقك من الناس اللي بتشتغل هنا ، و ياريت تسيبيلي رقم السمسار !! 
الانسان بعد مدة من الفعل بيقعد بينه و بين نفسه ، حتى بيدرك تصرفه والحاجة العملها ، انا لمن طلعت من البيت م كنت عارفه ح اواجهه شنو ومنو ، بس وكلتها لي رب العالمين و سهل لي .. و باشرت شغلي !! 
ركبت عربيتي و مشيت على المكتب ، و م كان في غير الامن و عم ابراهيم ! حتى عمال النضافه طلعو وعادتاً بيطلعو من الساعه 2 ، المهم دخلت قلبت المكتب فوق تحت ما لقيت السلسل !! 
و اضطريت اطلع لانه فقدت الامل ، حتى الممرات ال بين المكاتب فتشتها ، و طلعته ! 
كلمة متضايقه دي حبي علي في اللحظة ديك ! 
لدرجة بقيت لافة في الشوارع ما كان لي خلق ارجع البيت عشان بالجد م كان عندي طاقة لي نظراتهم الغريبة لي و اسألتهم .... 
دايماً كنت بحس بالغربة ، وانا في اي مكان بمشي ليهو في نص بيتنا حاسه اني غريبه ، م كنت لاقية الراحه في اي مكان ، عندي كل الامكانيات اللي تخطر على بالكم في اني امشي لاي مكان في العالم بس ما كان نفسي ، زي ما في السودان انا حاسه بالوحدة كمان في اي بلد تانيه حأكون حاسه بالوحدة ، فا ما فرقت !! 
( في جانب بيت ريم ) 
امي و رزان كانو منفردين !
امي : وريني يا رزان كيف ممكن نخلي ريم ترتاح البت دي ماشه من سيئ لي اسوأ .
رزان : يا امي ريم كويسه بس هي ما قادرة تتجاوز الحاجز الخاتاهو في نصنا دا ، احساس انها مدينة لينا دا مخليها ما موزونة .
امي : يا رزان ، انا شايفك ان فكرة انها تقابل دكتور نفسي دي انسب حل ، واذا خايفه من نظرة الناس ما اظن حتكون اسوأ من نظرت الناس ليها حالياً عن انها بت م متربية و القروش مخلياها طايرة في السماء و ما عاملة قيم لي زول ، انا راي تقنعيها يا رزان حتى لو تسافر برا ! 
رزان : امي انتي ما جادة ولا شنو !! دا كلام شنو ريم كويسه وانتي عارفه كدا ، و ابوي لو كان هنا و سمعك بتقولي الكلام دا حتحصل مشكلة كبيرة !
امي : يعني انا عاجبني الكلام دا يا رزان !! انا همي اشوف البت دي بخير ،، رززان !!!!!! دقيقه ، دقيقة !! 
ما يكون الحصل دا عشان شافت احمد !!!! 
رزان : يا امي احمد شنو عليك الله ، موضوع قديم و انتهى و الراجل عرسو كمان كم يوم ، ريم ما غبية يا امي !! اسمعي الناس ديل قاعذين تحت و غبنا عليهم كتير ، خليني انزل قدامك الطف الجو و انتي شوية و حصليني .. 
امي : طيب اتصلي عليها !! شوفيها مشت وين !
رزان : م تشيلي هم حتجي ! 
(اما انا وهاد ) 
زي ما وعدتني ابو هنا ، اشتغلت وماف زول زعجني عاملوني بي احترام ، لحد الساعه 9 جاني قالي كفاية كدا ، يلا عشان هوصلك !! 
استغربته بس قلت ليهو تمام .. و طلعنا و المسافة كانت شارع واحد ما بعيدة ! 
لمن وصلنا مدخل العمارة ، هو وقف ، و قالي اتفضلي ، قلت ليهو وانت واقف ! قالي ايوة منا مستني حد هيجيلي هنا ! قلت ليهو صراحه مستغربة انت ليه وصلتني ؟ قالي اصل مستني السمسار ! قلت ليهو عم ابو احمد !! قالي ايوة ، قبل ارد ليهو ، عم ابو احمد جا !! 
لقيتو سلم عليهو ، و قاليهو ، على رغم ان معاملتك وحشه بس انا مش هتكلم معاك كتير ، امسك دا اللي اتفقنا عليه و ياريت اخلي بالك منهم لحد ما ربنا يفرجها .. قلت ليهو في شنو ما فاهمه !
قالي  ، هو فهم و مش هيدايقكم تاني طمني والدتك ، عايزك بس تجتهدي شوية عشان تساعدي نفسك و ترجعو السودان على خير !! 
قبل ارد ، لقيت كل واحد فيهم مشى على اتجاه !!! 
بقيت ما فاهمه اي حاجة ، غير ان رب العالمين فرجها علينا و وقف لينا انسان كويس شديد ، و نسيت ان امي حتكون قلقانة علي ، و م عندها تلفون حتى تضرب لي تطمن علي !! 
و اتمنيت لو طارق كان معانا ، كان شالنا و م كنا حنشيل هم حاجة !! 
(اما في جانب ريم )
فجاة الشوارع زحمت علي ونسيت انه راس السنة و كنت بفتش للشارع اليرجعني ، و لفيت كتير لحد م رجعت البيت ، وكنت عارفه انهم متلمين اصلا عشان يروسو ، فا اكيد لسه قاعدين ، لمن وقفت العربيه كنت بفتش للعربات القبيل كانت واقفه ما لقيتها ، استغربته ! 
لمن دخلت البيت ، كان الجو هادي ، و عرفت انهم طلعو برا ، بس م عارفه ليه بعد التجهيزات الجهزوها ، م اهتميت بحاجة مشيت غرفتي و نمته طوالي .... لحد تاني يوم 
على نفس البرنامج .. جهزتة و طلعت لقيت وليد واقف زي كل يوم ، دايما بيحاول يشوف ضحكتي كان هدفو بس اطلع يوم وانا بضحك ، تلقائياً وقفته قبال يسوي او يقول حاجة ، قالي مالك وقفتي !
قلت ليهو واقف مالك طيب !! قالي بيتنا ما اقيف !! عاينت ليهو ومشيت ..
نزلت سلمته على امي و رزان .. ودايرة امشي ، رزان قالت لي سنة سعيده عليكي ، قلت ليها وسعيده عليكي ، و سعيده عليكي يا امي ، ابتسمت لي و قالت لي و ربنا يسعدك حبيبتي .. 
طلعت طوالي ..حتى وانا ماشه بتلفت لعل وعسى القى سلسلتي ... 
وصلت الشركة ، زي كل يوم ، بس لقيت البنات كانو بيفطرو من شافوني وقفو اكل  ودي ما اول مرة يعملو كدا .. رجعت ليهم قلت ليهو ، دا اكل وانتو بتاكلو ما قاعدين تعملو في حاجة غلط عشان توقفو من تشوفوني ، بالعافية عليككم ، و كمان سامحوني الدنيا راس سنة و ما اخدتو يوم تستمتعو فيهو ، بسبب الجرد و الضغوطات زي ما عارفين ، و عاينت لي وجدان ، قلت ليها بعد تخلصي فطورك تعالي لي المكتب بعد ازنك ... و مشيت ..... 
بعد ربع ساعه بالضبط ! 
جاني اتصال ان في زول عايز يقابلني ، و انتظرنه 
لمن جا .. و كانت حاجة غريبه بالنسبه لي ان الشخصيه دي بالذات تطلب تلاقيني !! قلت ليهو :
*احمد ! 
_ايوة احمد يا استاذة ولا اقوليك يا حبيبتي !
*عفواااً !!! 
_هههه ما تنفعلي كدا مجرد هظار يا ستي ، كيف اخبارك ؟
*انت جاي عشان تعرف اخباري !! لو سمحت انا ما فاضية للحركات دي شوف ، خش في الموضوع طوالي ! 
_حاضر ح اخش قي الموضوع طوالي بس واضح عمرك ما حتتغيري ! 
*ايوة و اللي بعده !
_(دخل يدو ف جيبو و طلع لي السلسل حقي ورفع لي يدو بيهو ) جيت و حسب فهمي انك مضيعة حاجة بتهمك ، بس الظاهر كنت غلطان !! 
*سلسلي ! الجابو عندك شنو ؟؟
_والله ياخ القسمة جابتو لحد عندي ، دايراهو ؟
*احمد لو سمحت اديني ليهو !
_وطي صوتك !
*مابوططي صوتي ، جيب السلسل دا لو سمحته واتفضل اطلع برا (بي حسي)
_شكلك نسيتي نفسك يا بت ال...
*حدددك ، بت ال .. دي وصلت للمكان الانت واقف فيهو اسي دا ! وريني انت وصلت وين ! لحد من شهر كنت بتشيل مصروف من امك و لا تحب ازكرك !! عشان كدا اياك ثم اياك يا احمد تحاول تتعدى حدودك معاك مرة تانية عشان ما تندم ، ...... 
و طلعت من المكتب و فتحت الباب ، ناديت للاممن 
، و اتفضل اطلع بي كرامتك لو سمحته  ! 
#استككانة💚..
يتبع ...
#سحر_سمير ..