#كبريائي_يتحدى_غرورك 《مكتملة》
القصة درامية من الواقع المعاش
تجمع بين مطلقة و محابسي
معاناتهم لزوج ..عنادهم ...كبريائهم ...غرورهم ...نظرة المجتمع ليهم و بزاف أحداث راح نكتشفوهم مع بعض ...مزيج بين التشويق و الإثارة و الرومانسية . (باللهجة الجزائري...
صحت فيه ..وجهي حمر من الزعاف نحكي و نلز على سنيا على شوية راح نطرطق من برودو شمس: انت لي نسيت حبنا و عشرتنا ماشي أنا ما تغلطش و تخلط فالهدرة ضحك باستهزاء يحكي إدريس: لو عرفت أنك عاقر و ما جيبيش ولاد ما كنتش تزوجت بيك من أصلو للحظة حسيت بالدنيا ظلامت في وجهي و كل لي بنيتو طاح فالماء ...طرافي جمدو و عيوني توسعو من كلامو ...خنجر حافي تغرس وسط قلبي ...ما حكيت حتى كلمة ...حسيت انو الكلام معاه ما منو فايدة...تبسمت بوجيعة و تلفت عاطيتو بظهري ... حكمت الفاليزة و عمرت فيها حوايجي و غلقتها لملمت روحي و كرامتي و واش تبقى مني و خرجت من هذيك الدار لي عشت فيها احلى لحظات حياتي مكسورة و مهدودة #باك مسحت دموعي لي نزلو و تقعدت على السرير ...متكمشة على روحي ...ضميت رجليا لصدري و حطيت راسي عليهم ...مهما حاولت ننسى و نبان قوية أما كي يطيح الليل و نحط راسي على المخدة كل دفاعاتي تنهار ..نرجع نتفكر وجيعتي و دموعي ينزلو وحدهم خصوصي كي رجعت مطلقة ...لي يجي يرميلي الكلام ولا فؤاد لي ديما عقابي و يقلق فيا و لا النساء لي يطلقو سمهم كل ما شافوني تنهدت بوجيعة و جيت نتسطح على السرير نرقد أما سمعت الباب يدق ...زربت مسحت دموعي بكف يدي دخلت أمي و شعلت الضوء تحكي نادية: أرواحي تتعشاي ...استناي وشبيها حالتك ؟؟ ما تقوليليش رجعتي تبكي عليه قربت مني و قعدت على الطرف السرير ...هزت يدها و حطتها على شعري تلعب بخصلات شعري بين صوابعها و تحكي نادية: شمس نرجع و نقولك ...دموعك غاليين و هو ما يستاهلش أنو تبكي عليه ...يكون درك عايش حياتو و عاود زواج من زمان ...صار الوقت انو تطوي صفحتو و تكملي حياتك ...و تركزي على مشروعك لي بدا يكبر هزيتلها براسي نحكي ايه نعرف عندك الحق أمي راني فرحانة اليوم تعرفي انو بابا رجع حكى معايا ؟؟ ضحكت ضحكة عريضة و عيوني الحمر من البكاء لمعو بفرحة حطت يدها على خدي تتبسم نادية: نعرف حكالي من شوية أنو خرج يجري من الدار خايف عليك كي بطيتي و كي سمع الولاد الصغار يحكو أنو شافوك تجري هاربة و فؤاد وراه جن جنونو ...قتلك اصبري و باباك اكيد راح يرجع يحكي معاك ما انتي بنتو الوحيدة ...كلها مسألة وقت نزلت عيوني نحكي نعرف صح حكى معايا أما مزالو متغشش مني علاقتنا مستحيل ترجع كي بكري و مستحيل نرجعو قراب من بعض نادية: راح يجي نهار وين ترجعو كي بكري طلعت راسي بيها نحكي بنبرة مكسورة لوقتاه راح نستنى ...راح نصبر عام و نص زيادة ولا كثر ؟؟ صح فرحانة انو بعد عام و نص من طلاقي و رجعتي للدار حكى معايا أما ماشي قادرة نزيد نصبر أكثر و انا نستنى وقتاه تتحسن علاقتنا و ترجع كي بكري نادية: متأكدة باباك كي رجع حكى معاك أكيد عندو فكرة فراسو ولا موضوع حاب يحكي فيه و كلام واحل فحلقو ... عقدت حواجبي مستغربة نحكي كيما واش ؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
