#كبريائي_يتحدى_غرورك 《مكتملة》
القصة درامية من الواقع المعاش
تجمع بين مطلقة و محابسي
معاناتهم لزوج ..عنادهم ...كبريائهم ...غرورهم ...نظرة المجتمع ليهم و بزاف أحداث راح نكتشفوهم مع بعض ...مزيج بين التشويق و الإثارة و الرومانسية . (باللهجة الجزائري...
تغزلت رؤيا من كلامو و جنت ...قربت منو و دورتلو وجهو لعندها ..حاكمة فكو ...تحكي و تلز على سنيها مكرزة منو رؤيا: ولدك ايه... أنت حبيت و أنت جيت لعندي و حنا اتفقنا و انسى تخمم أنك تتراجع هزت صبعها في وجهو ...لأنو راح نفضحك و نرجعك سيرة على كل لسان بعدلها يدو من فكو ..يخزر فيها و النار تتطاير من عيونو إدريس: الإتفاق هو إتفاق و مراحش نرجع على قراري ريحي بالك ...أصلا أنتي تعرفي أني مستحيل نتراجع ... آخر مرة تهدديني فيها و تهزي صبعك في وجهي فاهمة !! مرة ثانية نكسرو ...زفر زفرة قوية و تجاوزها خارج صرت على سنانها بزعاف و كبست على قبضة يديها ... هزت تلفونها من على الطاولة و كومبوزات نومروه ...حطاتو على وذنها و ربعت يديها لصدرها تستنى فيه يرد ثواني حتى جاها صوتو رؤيا: نحبك تتخلصلي من وحدة على قريب ...قضية حياة و موت ايه نعرف ...و حابة انو تهتم بهاذ الموضوع شخصيا انت وحدك فسرية تامة ايه الموضوع يخص إدريس منبعد اففف افهم نعرف ماشي حاب تعمر راسك بهاذ الحكايات أما على خاطري أنا اختك الوحيدة الحكاية تهمني ...اوكي فهمت راح نبعتلك كلشي يخصها و نتمنى تنهي الموضوع بسرعة لأنو رجع يوجعلي راسي ..باي خرجت من الغرفة و دخلت للصالة لقاتو متكي على الفوتاي سارح تبسمت باستهزاء و قربت منو تحكي رؤيا: هاذ الحالة لي راك فيها بسبة هذاك لي لقيتو معاها ههه واو ابهرتني ...هزت يدها تصفق ...كنت مع الاول تخليها معاك و ما طلقهاش وقف و شدها من ذراعها بقوة إدريس: هي حبت تتطلق ...اتفاقي معاك حتى نرجعها لعندي منبعد ما تنسايش لولا كسوحية راسها و كبريائها ما كنتش وصلت لهنا ولا اضطريت نتفق معاك ...خليها تتعذب شوية و تنقهر مع اللخر مرجوعها لعندي فهمتي ..طلق ذراعها و جاء خارج رؤيا: و العشاء مزال ما تعشيناش؟؟ إدريس: أتعشاي وحدك مع الجنون دياولك وكليهم يوكلوك قحرلها و غلق الباب وراه بقوة حتى قريب تزعزعوا الحيوط خبطت رجلها على الأرض مغزلة رؤيا: ### ط###
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عند حيدر وقفت التاكسي جنب فيلا ضخمة ... تلفت حيدر عند السائق يحكي حيدر: عمي متأكد هذا العنوان لي مديتهولك ؟؟ أنعم ايه هو هزلو راسي بتفهم و نزل بعدما خلصو كانت الفيلا محاوطة بأسوار عالية و باب يتوسطها باللون الأسود ...و زوج حراس واقفين جنب الباب لابسين أسود و موجهين نظرهم لنقطة وحدة بلع ريقو و قرب منهم يحكي حيدر: انا حيدر العمراني جيت لعند بدر القاسمي حط واحد من الحراس يدو على وذنو يحكي بلا ما يخزر فيه الحارس: كاين واحد هنا يحوس على مسيو بدر قال اسمو حيدر العمراني...حاضر فتحلو الحارس الباب و أشارلو بيدو حتى يدخل الحارس: تفضل موسيو بدر يستنى فيك دخل من الباب الكبير و تمشى حتى مدخل الفيلا ...دخلاتو الخدامة للداخل و أشارتلو بيدها لمكتب بدر شكرها و توجه يمشي جيهتو ...دقدق على الباب و وقف يستنى ردو بدر: تفضل فتح الباب و دخل بعدما غلقو وراه قابلو بدر عاطيه بظهرو يحكي بالتلفون بدر: اوكي فهمت خلاص ..ابعتيلي كل المعلومات عليها و أنا راح نتكفل بالموضوع باي ...رجع التلفون لجيبو و تلفت عند حيدر يتفحص فيه حيدر هو الثاني دقدق فملامحو و اول شي طاحت عينو عليه هو نظرة عيونو الباردة و لونهم الغريب ما تعرف إذا عسلي ولا أخضر ولا مزيج بين الاثنين مد حيدر يدو لجيهتو يحكي حيدر: حيدر العمراني تشرفت بيك مد بدر يدو حتى هو و صافحو بدر: بدر قاسم ..مالا أنت لي وصى عليك كمال جبد يدو و شورلو حتى يقعد و لف ورا مكتبو و قعد على الكرسي ساند ظهرو عليه بدر: تفضل اقعد تبسملو نص تبسيمة مجاملة برك و قعد على الكرسي لي مقابلو يفرك في يديه متوتر بدر: تفضل احكي و الأفضل تدخل طول للموضوع حيدر: ايه الحقيقة أنا انسجنت خمس سنين ظلم بتهمة ترويج المخدرات و الشاهد الوحيد هو نفسو لي خبر عليا يكون صاحبي قيس يعني كان ...المفيد محتاجك حتى تساعدني نلقاه لأنو مكانو مجهول و عرفت بلي راهو برا البلاد ..و أنا متأكد أنو كاين أيادي ثانية ورا الموضوع لأنو حكمو عليا بلا تحقيق و ما خلاونيش نحكي حرف واحد ولا ندافع على روحي و نحكي أني بريئ من التهمة بدر: ممم فهمت عندك شك بشي حد ثاني؟؟ حيدر: ما عندي شك بحتى واحد ما كنتش نخالط بزاف قيس صاحبي الوحيد و كاين إلياس محامي عرفني كمال بيه بدر: إلياس ههه ايه نعرفو كمل حيدر: قيس الوحيد لي يقدر يثبت برائتي بدر: حتى لو ثبتت برائتك الخمس السنين لي نحبست فيها ما راحش تتعوض هي جازت على روحها حيدر: نعرف أما لازم نثبت أني بريئ إذا ثبتت برائتي راح نرجع شخص عادي و نرجع نكمل حياتي و قرايتي من وين حبست و نبني مستقبلي من أول و جديد ...هذا لي عندي حط يدو على شفافو كأنو يخمم بدر: موافق راح نلقالك قيس و نجيبهولك لعندك الحكاية ساهلة ..أما كاين مقابل لهاذ الشي لمعو عيون حيدر بأمل حيدر: موافق ندير أي شي تبسم بدر على جنب : أي شي !!
