#كبريائي_يتحدى_غرورك 《مكتملة》
القصة درامية من الواقع المعاش
تجمع بين مطلقة و محابسي
معاناتهم لزوج ..عنادهم ...كبريائهم ...غرورهم ...نظرة المجتمع ليهم و بزاف أحداث راح نكتشفوهم مع بعض ...مزيج بين التشويق و الإثارة و الرومانسية . (باللهجة الجزائري...
♠️#كبريائي_يتحدى_غرورك ♠️ 🔱 من تأليفي macilia ch 🔱 الحلقة 12:
إلياس: اكيد ..زيد هي وحدة مطلقة و عاشت فالميتم أوضاعها صعبة و انا حبيت نساعدها...مع الاول كنت متردد حتى نحكي معاها ..أما كي تشجعت و اقترحت عليها الفكرة وافقت ..طبعا ما قتلهاش بلي راح نورث ملاير إذا تزوجت بيها هههه حيدر: واش قتلها مالا ؟؟ إلياس: قلتلها اني نحب وحدة و حاب نخليها تغير و بعد ست شهور نطلقو و بالمقابل نشريلها شقة مجهزة نكتبها باسمها و نحطلها كل شهر دراهم في حسابها مالا قبلت بكل رحابة صدر ههه حيدر: نتمنى يكون صح لي تقولو و هي قبلت مع انو ما نظنش كاينة وحدة حاطة فكرة الزواج لعبة .. الياس: نضمنلك انو كاين ...غمزو و ترشف من الكوكا تاعو يحكي بينو و بين روحو إلياس: اضطريت نكذب عليك سامحني يا صاحبي أما علاجال مصلحتي نعمل أي شي
عند رؤيا قاعدة فجنينة دارها ...متكية على الكرسي و كرشها دازة للقدام ..تأفأفت بضيق ...جات تنوض تدخل للداخل حتى لمحاتو جاي يتمختر قلبت عيونها منو و زفرت جبد الكرسي و قعد مقابلها يحكي فؤاد: واش حوالك ختي الزينة ؟؟ رؤيا: مليحة خير منك ...خلينا نحكو فالمفيد قبل ما يجي إدريس و يشوفك هنا فؤاد: ما نعرف راجلك هذاك علاه كارهني رؤيا: قلت خلينا ندخلو فالمفيد واش درت كي قتلك تخلص من شمس ؟؟ فؤاد: راني معيشها رعب مكاش كيفو و رحت ندير كيما قلتي حتى تعرفي ههه اما كاين واحد دايمن يسلكها أما رؤيا: أما واش ؟؟ فؤاد: قدرت نصور فيديو يخليها تتمنى الأرض تنشق و تبلعها إذا تسرب رؤيا: ايه وينو هات نشوفو ؟؟ فؤاد: اكيد ختيتو أما كيما خبرتيني راح تمديلي دراهم مقابل تعبي قحرتلو بلا ما تحكي و هو زرب مدلها تشوف الفيديو قبل ما تبدل رايها حكماتو و شغلاتو تتفرج فيه ... وساعت تبسيمتها و بعثاتو لتلفونها و محاتو من عندو فؤاد: علاه محيتيه رؤيا: ما يهمكش دراهمك غدوة صباح تلقاهم فحسابك كي العادة أما هاذ الفيديو صار ملكي ..تبسمو لزوج بخبث و طرطقو بالضحك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلع الصباح ...تسللت أشعة الشمس لغرفتها تململت فبلاصتها و حلت عيونها ...تقعدت على السرير تحك في عينيها بعدها ناضت دخلت للحمام ...فتحت الماء تغسل في يديها و تتثاوب فاتحة عيونها نص فتحة مزالها نعسانة و حابة ترجع ترقد ...طاحت عينها فالمراية و شهقت حاطة يدها على فمها مصدومة من منظر وجهها كيفاه رجع ...عينها رجع لونها زرق مع انو ما رجعتش توجع فيها كيما البارح المرهم لي دهنتهولها امها فادها أما الزروقية مزالت...و الجرح تاع شفتها لي باين وضوح الشمس و لا خدها الحمر لي مطراسية عليه يد فؤاد ...زفرت بقوة و خبطت يدها على اللافابو بقوة قريب حست يدها طارت ..لعنت فؤاد بين شفافها و لعنت حياتها و خرجت تتهز و تتحط وحدها ...وقفت فنص الغرفة شادة خصلات شعرها بيدها قريب تقلعهم من بلاصتهم شمس: حتى إذا حطيت ماكياج أثرهم يقعد زمت شفافها و خرجت ببيجامتها بلا ما تبدل قشها نزلت للتحت وين محطوطة طابلة الفطور و أمها و باباها قاعدين يفطرو جبدت الكرسي و قعدت ...تخزر فيهم واحد واحد .... نادية: صباح النور بنتي راح تتوخري شهقت كي لمحت وجهها المنفوخ و المضروب كيفاه صار ..اه يا فؤاد الكلب يعطيك كسرة ...مدت يدها ليها و سحبتها من ذراعها تمسح على شعرها و فرد وقت تندب على سعد بنتها سالم هز راسو على صوت مرتو و كلامها شاف حتى هو وجه شمس ...زم شفافو بغيض ...و كبس على قبضة يدو يزيد شوية و يطرطق من عملة فؤاد سكبت شمس قهوة ليها تشرب و دموعها على طرف شفارتيها شمس: كيفاه راح نروح درك للخدمة بهاذ الوجه سالم: مكانش روحة للخدمة اليوم بلعت شمس القهوة بسيف و هزت راسها ليه تحكي شمس: علاه؟؟ مسح على شلاغمو و ضيق عيونو فيها يحكي سالم: بوجهك هذا متقدريش تخرجي ريحي اليوم و جهزي روحك بعد يومين حيدر يجيب والديه يخطبو نطقت نادية و شمس فوقت واحد نادية: واش؟؟ شمس: بهاذ السرعة؟؟
