Mesmerize

Part 24(final)

(Zawgyi)

အခန်းတံခါးကို ဖွင့်လိုက်ရုံနဲ့ ပုံမှန်မဟုတ်တဲ့ အငွေ့အသက်တချို့က တိုးဝှေ့လာသည်။ လူမနေတာ ရက်ပိုင်းလောက်ကြာသည်မို့ အခန်းတွင်း လေထုက စိမ်းသက်ပြောင်းလဲသွားတာများလား။ ညနေစောင်းမို့ အလင်းရောင်မလုံလောက်ထဲ အခန်းငယ်ထဲမှာ အလင်းထဲမှာ ကျင့်သားရခဲ့သည့် မျက်လုံးတွေက ခဏတဖြုတ်လောက်တော့ အသုံးမဝင်ဖြစ်နေတတ်တာ သဘာဝမို့...မီးရောင်ကိုပဲ အားကိုးလိုက်ဖို့ နံရံက ခလုတ်ကို လက်နဲ့ စမ်းလိုက်ရင်း....

*ချောက်*

"ဟင် ဒါက...."

စိမ်းစိမ်းစိုစို ဖြစ်နေတဲ့ မြင်ကွင်းကြောင့် အခန်းမှားဝင်လိုက်တာလားလို့ ခဏတော့ ကြောင်တောင်တောင်တွေးလိုက်မိသည်။ အသေအချာကိုပဲ သူနေတဲ့အခန်း....ဒါပေမယ့် လေးဖက်လေးတန် နံရံတွေမှာ မြက်ခင်းတုလို စိမ်းစိမ်းစိုစို အပင်လေးတွေအပြည့် နေရာယူထားပြီး နွယ်ပင်ရှည်ရှည်တွေက တွားတက်နေတာလဲ ရှိသလို တွဲလျားကျနေတဲ့ တချို့ကလဲ ကျိုးတို့ကျဲတဲ။

မျက်နှာကျက်က ဖန်မီးဆိုင်းသေးသေး ရဲ့ အရောင်က ပယင်းရောင် လိုလို ဝါကျင်ကျင်လိုလို....

"သဘောကျရဲ့လား"

"ကိုကိုး"

ပြန်မပိတ်ရသေးတဲ့ တံခါးရွက်ကို ပုခုံးစောင်းနဲ့ကပ်မှီလိုက်ရင်းက မျက်ခုံးတန်းထူထူနက်နက်တွေက ဆတ်ခနဲပင့်လာသည်။ ဖြေအုံးဆိုတဲ့ သဘော။

"ကျွန်တော် ဆေးရုံမှာ ရှိနေတုန်း ဒါတွေလုပ်ထားတာလား"

အခုအချိန်ထိ မရင်းနှီးသေးတဲ့ ပတ်ဝန်းကျင်ဆီ မျက်လုံးတွေ ပြန်ရောက်သွားတော့ အစောပိုင်းတုန်းက သတိမထားလိုက်မိတဲ့ သစ်သီးနံ့လေး တစ်မျိုးက နှာဖျားဆီ တိုးဝေ့လာသည်။ အသေအချာ ချိန်ညှိထားပုံရတဲ့ အခန်းတွင်းအပူချိန်က မအေးလွန်းသည့် သက်တောင့်သက်သာ အနေအထား.....

"ကြိုက်တတ်မလား မသိပေမယ့်... စိတ်တွေအရမ်းဖိစီးနေတဲ့အခါ ဒီလိုနေရာလေးက နည်းနည်းအထောက်အကူဖြစ်မလားလို့လေ"

ပြတင်းပေါက်က လိုက်ကာ တွေကိုဆွဲဖွင့်လိုက်တော့ အရင်တုန်းက မီးခိုးရောင်မှန်တွေအစား မှန်ကြည်ကြည်တွေ အစားထိုးထားပြီး လှမ်းမြင်နေရတဲ့ ခြံစည်းရိုးနားမှာ ပန်းဖူးအနည်းငယ်ပါတဲ့ ပန်းအိုးအသစ် စက်စက် တချို့ က စီတန်းလျက်....