If I were a BOY . . . [Completed]

Part 9

(Unicode)

အခု သုတကမြန်မာပြည်ပြန်ဖို့ ​လေယာဥ်​ပေါ်မှာဖြစ်သည်။၂၀၁၅ နှစ်ဦးပိုင်းကပဲ​ရောက်​နေခဲ့တဲ့ USကကိုယ့်အတွက်အမှတ်တရ​တွေများသလို၊အခက်အခဲ​တွေလည်းရှိသည့်​နေရာတစ်ခုဖြစ်သည်။​ပျော်ရွှင်ရတဲ့အချိန်​တွေရှိသလို ဝမ်းနည်းစွာငိုခဲ့ရတဲ့​နေ့​တွေရှိသည်။ဥပမာဆိုရင် ဟို​နေ့က ဘဘကြီးဆုံး​တော့သွား​တွေ့ခွင့်မရတဲ့အ​ခြေအ​နေမျိုးဖြစ်သည်။​ခေတ်မှီတိုးတတ်​နေတဲ့ ဒီနိုင်ငံကြီးက အလည်အပတ်သို့မဟုတ်မိသားစုနဲ့အတူရှိ​နေတယ်ဆိုရင်၊ပိုက်ဆံရှိ​နေတယ်ဆိုရင် ​တကယ်ကို​ပျော်ဖို့​ကောင်းပြီး​နေသင့်တဲ့​နေရာဖြစ်သည်။ဒါမဲ့ သုတတို့လို ပညာလာရှာတဲ့သူ​တွေအတွက်က တကယ်ကိုရုန်းကန်ခဲ့ရသည်။ကိုယ်​လျှောက်ချင်တဲ့လမ်းကို​ရောက်​အောင်သွားဖို့ လိုအပ်တဲ့နည်းစနစ်က ဒီမှာရှိလို့သာ။သုတကအခုUS ကUniversity တစ်ခုမှာ Education:Teaching and Learning Techniques Course ကိုတတ်​ရောက်​နေတာဖြစ်သည်။ဆယ်တန်း​အောင်စာရင်းထွက်​တော့ ​ဆေးမှတ်​တောင်မှီလုနီးပါးရှိတဲ့အမှတ်ရတဲ့ သုတက အ​ဝေးသင်ကိုသာ​​လျှောက်ခဲ့ပြီး scholar​ တွေလိုက်​လျှောက်ခဲ့သည်။အဲ့ဒီကိစ္စကြောင့်ပဲ​ဖေ​ဖေနဲ့တစ်နှစ်​လောက်စကားမ​ပြောနိုင်ဖြစ်ခဲ့ကြသည်။​နောက်ပိုင်းသုတUS ​ရောက်ပြီးမှမေ​မေကြားဝင်​​ဖျောင်းဖျခဲ့လို့ပြန်​ခေါ်ခဲ့ကြခြင်းဖြစ်သည်။

သုတရဲ့အိမ်မက်က private school တစ်ခုဖွင့်ဖို့ဖြစ်သည်။တကယ်လုပ်ချင်တာက ​ဝေးလံ​​ခေါင်ဖျားတဲ့​ဒေသ​တွေမှာ ပညာဒါနသွားသင်​ပေးချင်တာဖြစ်​ပေမယ့် မိမိ​နောက်ခံမိသားစု အ​​ခြေအ​နေအရပ်ရပ်​ကြောင့် ​ကျောင်းဖွင့်ဖို့​ရွေးချယ်လိုက်ရခြင်းပင်။

"Execue me,that's my place right?"

သုတ ကိုယ့်အ​တွေးနဲ့ကိုယ်ငြိမ်သက်​နေတုန်း မိမိကိုစကားဆိုလာသူကို ​မော့ကြည့်ကာ ​တောင်းပန်စကားဆိုလိုက်ရ၏။

"Oh sorry"

​​လေးခုံတွဲပါထိုင်ခုံမှာ သုတက ပြတင်း​ပေါက်နားကထိုင်​နေခဲ့ခြင်းဖြစ်သည်။​လေယာဥ်မထွက်ခင် ခုံပိုင်ရှင်လည်း မ​ရောက်​သေးတာမို့ ခဏထိုင်​နေမိတာပင်။ခရီးသွားရင် သုတကပြတင်း​ပေါက်နားကခုံကိုသာ​ရွေးဝယ်တတ်သည်။​လေယာဥ်လိုမျိုးဆိုပိုဆိုး။Window seat မှာပဲထိုင်ချင်သည်။ပြီး​တော့ အဲ့ဒီ​နေရာကနေ တိမ်​တွေကို​ငေးကြည့်ရတာကိုသုတ သ​ဘောအကျဆုံးဖြစ်သည်။ခုအ​ခေါက်ကကိုယ်က​​နေရာ​ပြောဝယ်​ပေမယ့် မရ​တော့လို့သာ။ဒါမဲ့အဲ့​နေရာမှာပဲသုတထိုင်ချင်တာမို့ နေရာလဲဖို့ပြောကြည့်မိသည်။