If I were a BOY . . . [Completed]

Extra 3

(Unicode)

ည​နေစာ စား​သောက်ပြီးချိန်မို့ ကံ့​ကော်တို့ သားမိသားဖသုံး​ယောက်လုံး အိမ်​ရှေ့မှာထိုင်ကာ TV ကြည့်​နေကြ​လေသည်။

"​သြော် ​မေ ကိုကြီးက ​နောက်အပတ် ရုံးပိတ်ရက် ပြည်ကိုလာမှာတဲ့"

"ဟုတ်လား ​သမီး။ သမီးကိုကြီးက မေ့ကို​တောင်ဖုန်းမဆက်​သေးဘူး"

"ကံ့​ကော်နဲ့ သင်တန်းမှာ​တွေ့တုန်း​ပြောလိုက်တာ​မေရဲ့"

"အင်းပါ သားသားအကြိုက်​ရော သား​မောင်အကြိုက်​ရော ချက်ထားရမှာပဲ"

"အဟမ်း"

ကံ့​ကော်တို့သားမိနှစ်​ယောက် စကား​ပြော​နေတုန်း ​ဖေ​ဖေက ​ချောင်းတချက်ဟန့်ကာ ထိုင်ရာမှထထွက်သွား​လေသည်။

"သမီး တို့ကို သင်တန်းလာကြို​တော့ သမီးအ​ဖေနဲ့ သမီးကိုကြီးတို့ ဘာဖြစ်ကြ​သေးလဲသမီး"

"ဟို ဘာမှမဖြစ်ပါဘူး ​မေရဲ့။​ဖေ​ဖေက ကိုကြီးကိုမြင်​တော့ အံ့သြသွား​ပေ​မယ့် စကားမ​ပြောဖြစ်ကြဘူး။အပြန်မှာ ကိုကြီးကို ကို​သွေးလာကြို​တော့ ​ဖေ​ဖေနဲ့ ​တွေ့ကြ​သေးတယ်။ဒါမဲ့ သူတို့ စကား​တော့ မ​ပြောဖြစ်ကြပါဘူး​"

"ဟင်း သမီး ​ဖေ​ဖေတစ်​ယောက်နဲ့လည်း စိတ်ညစ်ပါတယ်"

"သမီး အပြစ်​တွေပါ ​မေ​မေရယ်"

ကံ့​ကော် ​နောင်တရစွာ​ပြော​တော့ ​မေ​မေက ​​ခေါင်းသာခါ​လေသည်။

"ဒီလိုလည်း ဘယ်ဟုတ်ပါ့မလဲသမီးရယ်။အားလုံးက ဖြစ်ချိန်တန်လို့ ဖြစ်ခဲ့တာ​တွေချည်းပါပဲ"

"သမီး တကယ်ကို ​နောင်တရတယ်​မေ​မေ။သမီး​ကြောင့် အစကတည်းအဆင်မ​ပြေတဲ့ ကိုကြီးနဲ့​ဖေ​ဖေတို့မသင့်မြတ်ကြရတာ၊သမီး​ကြောင့်ပဲ ...သမီးရဲ့မိုက်ရူးရဲဆန်မှု​ကြောင့်ပဲ လူ​တွေကို​ပြောပြရင်​တောင် ဘယ်သူမှ မယုံကြည်​ပေးနိုင်တဲ့ အဖြစ်​တွေ ဖြစ်ခဲ့ကြတာ"

"ဟင်း သမီးရယ်..."

"အဲ့သည်တုန်းက ​မေ​မေ​ရော ကို​သွေး​ပြောတာကို ယုံခဲ့လားဟင်"

"ဘယ်လိုယုံနိုင်မလဲသမီးရယ်။အဲ့သည်ကိစ္စက ​မေ​မေ့ဘဝမှာ တစ်ခါမှ မ​တွေးဖူး ၊မကြုံဖူးတဲ့ အ​ကြောင်းအရာမျိုး။အဲ့တာထက် ​မေ​မေတို့က ​မေ​မေ့သမီး​လေးက အဲ့လိုမျိုးမဟုတ်ဘူးလို့ ​တွေးမိ​သေးတာ။သမီးကိုယ်တိုင် ဝန်ခံ​တော့မှ... "