"ஐயோ......யோ...ஐயோ...."என இழை கத்த
இவளின் கத்தலில் கட்டிலின் மறு புறத்தில் உறங்கிக்கொண்டிருந்த அவளின் தோழி பதட்டத்துடன் எழுந்து தடுமாறி கீழே விழுந்து வலியில் கத்தவும்..
அவளின் கத்தலில் மேலும் பயந்த இழை தன் குரலை உயர்த்தி மீண்டும் கத்த ஆரம்பிக்க அடித்துபிடித்து எழுந்தமற முயற்சி செய்தாள் இழையின் தோழி ப்ரியாஸ்ரீ....!!!!
இழையின் சத்தம் போனிலுள்ள அலாரம் போல் ஓயாமல் கத்திகொண்டே இருக்க ....
அதில் கடுப்பானவள் இடுப்பின் வலியுடனே எழுந்து அவளின் வாயை இருகைகளாலும் அடைத்து
"என்ன டி என்ன ஆச்சு...!! ஏன் இப்படி கத்தற...!!இனிமே கத்தனா சொல்லிட்டு கத்து...என இழையிடம் கூறியவள் "இவளால என் இடுப்பு போச்சே .. ஐயோ கடவுளே வலிக்குதே..!! இடுப்பை சுத்தியும் நாலு ஊசி போடணும் போல இருக்கே..!! இப்படி அர்த்த ராத்திரியில கதற வெச்சுட்டாலே படுபாவி..." என தன் பாட்டிற்கு பேசிக்கொண்டிருந்தவளை கண்களை உருட்டி உருட்டி பார்த்தாள் இழையினி...
"என்ன டி எதுக்கு இப்படி முழிக்கற...என்ன ஆச்சு" என ப்ரியா கீழே விழுந்த கேபத்துடன் கேட்க..
"அது ... அ..து... ஒரு கெட்ட கனவு டி அதான் பயத்துல கத்திட்டேன்" என இழை கூற
"இப்படி கத்திட்டே எழற அளவுக்கு அப்படி என்ன கனவு வந்துச்சு மேடம்" என கேட்டவளிடம் தன் கனவினை கூற ஆரம்பித்தாள்
"அது வந்து டி சபரி அண்ணாவைப்பத்தி சொல்லிட்டு இருந்தாயா!!!..." என இழை ஆரம்பிக்கவும் "ஐய்ய் நம்ம ஆள பத்தி புதுசா என்னமோ சொல்றா" என மனதில் நினைத்து இழை சொல்வதை கேட்டாள் பிரியா...
"நானும் கேட்டுட்டு இருந்தனா அப்போ... அப்போ.. ஒரு உருவம் யாருன்னே தெரியல!! நானும் அண்ணவா இருக்கும்ன்னு நினைச்சுட்டு எழுந்து போனான அப்போ அந்த உருவம் என் கையை பிடிச்சு இழுத்து... இழுத்து....."
