Zawgyi
~~ကြာဖြူ~~
အပိုင်း(၇)
ရွှေရောင်လက်နေသည့် နေရောင်အောက်တွင် အပြာရောင်ပိုးစခင်းထားသကဲ့သို့ ပင်လယ်သည် ရူမောဖွယ်အတိနှင့် လှပလွန်းနေသည်။
သို့သော်... ပင်လယ်ပြင်ကိုငေးကြည့်ရင်း သူမရင်ထဲတွင်တော့ မနှစ်မြိုခြင်းတွေ ခံစားနေမိသည်။ တစ်ချက်တစ်ချက် ဖြတ်ပြေးသွားသည့် လေပြေသည်ပင် လူကိုမွန်းကျပ်စေခဲ့၏။
"ဟင်း....."
"သက်ပြင်းတွေချလှချည်လား စိမ်း"
ဘယ်နှစ်ကြိမ်မြောက် သက်ပြင်းချမိသည်မသိ။ အနားရောက်ပြီးဆိုလိုက်သော ကမ္ဘာအသံကြားမှ စိမ်းအသိဝင်လာပြီး ခပ်ယဲ့ယဲ့လေးပြုံးမိသည်။
ဘာမှတော့မတုန့်ပြန်မိ။ ကမ္ဘာက စိမ်းမျက်နှာလှလှလေးကို တစ်ချက်စိုက်ကြည့်လိုက်ပြီး
"နင်အဆင်ပြေရဲ့လား..."
"ဘာကိုလဲ...."
"ခရီးစထွက်ကတည်းက နင့်မျက်နှာမသာမယာ ဖြစ်နေတာကို ငါသတိထားမိတယ် နင်တစ်ခုခုဖြစ်နေလား စိမ်း"
ကမ္ဘာစကားကြောင့် စိမ်းဘာပြန်ပြောရမှန်း မသိပါ။ တကယ်လည်း ပင်လယ်ပြင်အပေါ် မနှစ်မြိုမိခြင်းအတွက် စိမ်းကိုစိမ်း အဖြေရှာမရပါ။ ဘာမှန်းမသိသော ခံစားချက်တွေကြောင့် စိတ်မသာယာနိုင်သော သူမကို ကမ္ဘာသတိထားမိသွားပြီထင်ပါရဲ့.။
စိမ်းဟန်ဆောင်အပြုံးဖြင့်...
"ဘာမှမဖြစ်ပါဘူးဟာ ငါလှိုင်းမှုးနေလို့ပါ နင်လည်းသိပါတယ် ဒါငါပထမဆုံး သဘောင်္စီးဖူးတယ်ဆိုတာ ရေလမ်းကို တစ်ခါမှမသွားဖူးတော့ ဒီလိုပဲ စိတ်လှုပ်ရှားတာနဲ့ လိူင်းမူးတာနဲ့ရောသွားလို့ပါ"
"ငါ့စိတ်ထဲမှာ ဒီထက်ပိုတယ်လို့ထင်တယ် နင်တစ်ခုခုကိုစိုးရိမ်ပြီး ကြောက်နေသလိုပဲ"
"ငါကဘာကိုတွေးပူပြီး ကြောက်ရမလဲ ကမ္ဘာရယ် နင်အတွေးလွန်နေပြီ ဟုတ်ပြီလား"
စိမ်းစကားကို ကမ္ဘာလက်ခံချင်ဟန်မတူ။ သူမကိုစေ့စေ့ကြည့်ပြီး...
"စိမ်း... တကယ်လို့နင့်စိတ်ထဲမှာ ဒီခရီးကို အလိုမကျဘူးထင်ရင် ပြန်လှည့်ပြန်လို့ရတယ်နော် ငါပြန်လိုက်ပို့ပေးမယ် အားမနာနဲ့ "
ကမ္ဘာစကားကြောင့် စိမ်းတွေခနဲ့ဖြစ်သွားမိသည်။ သူမတကယ်ပဲ ဒီခရီးအပေါ် အလိုမကျစိတ်တွေဖြစ်မိတာ သိသာလွန်းနေပြီလား...။
စိမ်းခပ်လှမ်းလှမ်းဆီက ကောင်းကင်နှင့် ခရီးစဉ်တိုင်ပင်ဆွေးနွေးနေသည့်စေတန်ကို လှမ်းကြည့်မိသည်။ စေတန်မျက်နှာက ပျော်ရွှင်တက်ကြွခြင်းတွေ အပြည့်နှင့်..
စိမ်းလှစ်ခနဲ့ပြုံးလိုက်မိသည်။ ဘာအတွက်နှင့် သူမနောက်ပြန်လှည့်ရမည်နည်း..။
စေတန်ကိုပျော်စေသော ဒီခရီးကသူမအတွက် ငရဲဖြစ်ပါစေဦး အနည်းဆုံးတော့ သူ့အနားတွင် အနီးဆုံးရှိနေသေးသည့်အတွက် စိမ်းပျော်ပါသည်။
"ငါတကယ်ဘာမှမဖြစ်ဘူး ကမ္ဘာရယ် ဒီခရီးကို စေတန်နဲ့အတူ ငါလိုက်လာခဲ့တာလေ စေတန်နဲ့အတူပဲငါပြန်မှာ နင်စိုးရိမ်ပေးတာ ငါကျေးဇူးတင်ပါတယ်ဟာ ငါအဆင်ပြေတယ် အလကားစိတ်ပူမနေနဲ့တော့.."
"နင့်အတွေးထဲမှာစေတန်ပဲရှိသလား စိမ်းရယ်"
ထိုစကားကို ကမ္ဘာရင်ထဲတွင်သာ ဆိုလိုက်မိသည်။ သူကိုယ်တိုင်သာသိသော နာကျင်မှုက ရင်ထဲတဆစ်ဆစ်နှင့်။
နေရောင်ဖျော့ဖျော့အောက်မှ ဝင်းမွတ်လှပလွန်းသော စိမ်းမျက်နှာလေးကို မရည်ရွယ်ဘဲ သူငေးခနဲ့ကြည့်မိပြန်၏။
နက်မှောင်ထူထဲသော မျက်ခုံးတွေအောက်မှ မျက်ဝန်းတို့က ညှို့ဓာတ်ပြင်းလွန်းလှသည်။ နှာတံချွန်ချွန်လေးနှင့် ဆေးမကူးဘဲနီထွေးနေသည့် နူတ်ခမ်းတို့ကလည်း လှပလွန်းနေပြန်သည်။
ရွှေအိုရောင်ကျောလည်သာသာ ဆံနွယ်တို့ကြားက စိမ်းမျက်နှာလေးက လှသည်ဆိုသည်ထက်ပိုကာ စွဲမက်ဖွယ်အတိနှင့် မိန်းကလေးချင်းပင် လည်ပြန်ငေးကြည့်ရသည်။
ဖြူဝင်းနေသောအသားအရည်၏ ကောင်းခြင်းကလည်း စိမ်းကိုပို၍ အလှတိုးစေခဲ့သည်။ ထို့ကြောင့်လည်း အရပ်မြင့်မြင့်နှင့် ဖက်ရှင်ကျကျအမြဲဝတ်တတ်သော စိမ်းသည် ယောကျာင်္းများစွာ၏ အိမ်မက်နတ်သမီးဖြစ်ခဲ့သည်။
ထူးခြားသောအလှအပနှင့်ပြင်းရှသော ညှို့ဓာတ်ကြောင့် တက္ကသိုလ်တစ်ခုလုံး၏ ပြိုင်ဘက်ကင်းအောင် အလှဘုရင်မဖြစ်ခဲ့သော စိမ်းသည် အံ့သြစရာကောင်းလောက်အောင် ယခုချိန်ထိ ဘယ်သူနှင့်မှမတွဲခဲ့ချေ။
စိမ်း၏တွယ်ငြိရာသည်.....
ပြီးတော့သူ၏. ..
သူဆက်မတွေးချင်တော့ပါ။ ဟန်ဆောင် အပြုံးအချို့နှင့်..
"အေးပါ နင်အဆင်ပြေတယ်ဆိုလည်းပြီးတာပဲ အခုလှိုင်းမူးနေတယ်ဆို သွားနားလိုက်ပါလား မဟုတ်ရင် ပိုဆိုးနေလိမ့်မယ်"
"အင်း... ငါလည်းခုပဲသွားနားမလို့ပဲ မို့ရှာနေရင်ပြောလိုက်ဦး ငါအခန်းထဲမှာ ရှိတယ်လို့"
သူခေါင်းအသာညိမ့်ပြလိုက်သည်။ ထွက်ခွာသွားသည့်သူမက သူ့သက်ပြင်းချသံကို ကြားမိမည်မထင်ပါ။
ပြီးတော့ သူ့ရင်ထဲကအသံကိုလည်း စိမ်းဘယ်သောမှ ကြားမည်မဟုတ်ဘူးထင်ပါရဲ့..
အတွေးတွေနှင့် သူမွန်းကျပ်စွာကျန်ခဲ့ရင်း ပင်လယ်ပြင်ကြီးကိုသာ အဓိပ္ပယ်မဲ့ ငေးကြည့်နေမိတော့၏။
အခန်းထဲဝင်လာပြီး အိပ်ယာပေါ် စိမ်း အသာလှဲချလိုက်သည်။ တကယ်လည်း လှိုင်းမူးနေလို့ထင်သည်။ စိတ်တွေလျှော့ချလိုက်သည့်တိုင် ခေါင်းကမကြည်။ ဆေးထသောက်လိုက်မှ သက်သာတော့သည်။
ခဏနားဦးမှဆိုသည့်အသိဖြင့် မျက်လုံးတွေမှိတ်လိုက်သည်။ မကြာလိုက်ပါ။ စိတ်ပင်ပန်းနေလို့လားမသိ... သူမမှေးခနဲ့ အိပ်ပျော်သွားသည်။
ထို့နောက်တွင်တော့.....
ရုတ်တရက် သူမသည်ကြီးမားသည့် ရေကန်ကြီးနံဘေးတွင် ရောက်နေခဲ့သည်။
ပတ်ဝန်းကျင်တစ်ခုလုံးသည်လည်း မြူခိုးတွေအပြည့်နှင့်...
သူမနှင့်မလှမ်းမကမ်းတွင်တော့ အဖြူရောင်ဝတ်စုံနှင့် မိန်းကလေးတစ်ယောက် ကျောပေးပြီး ကန်ရေပြင်ကြီးကို ငေးကြည့်နေသည်။ ကျောပေးနေသည့် အနေအထားမှာပင် သူမခန္ဓာကိုယ်ကောက်ကြောင်းက လှပလွန်းနေသည်ကို စိမ်းသတိထားလိုက်မိသည်။
စိမ်းအံ့သြမှင်သက်စွာဖြင့်....
"ရှင်ဘယ်သူလဲ... ပြီးတော့ဒီနေရာက ဘယ်နေရာလဲဟင် "
သူမမကြားသလား... မဖြေချင်သလား မသိ။ တိတ်ဆိတ်စွာကျောပေးရင်း ရပ်နေဆဲ....
ပတ်ဝန်းကျင်သည် တိတ်ဆိတ်လွန်းနေသဖြင့် စိမ်းစိတ်တွေချောက်ချားလာသည်။ တဟူးဟူးတိုက်နေသည့် လေစိမ်းတို့ကလည်း စိမ်းတစ်ကိုယ်လုံးကို စိမ့်တက်သွားစေခဲ့သည်။
နေရာအနှံ့မြူခိုးများကာ ချောက်ချားဖွယ်အတိ။ စိမ်းလဲ့လဲ့ ကန်ရေပြင်ကြီးကလည်း သူမစိတ်ကို စိုးရွံ့သွားစေသည်။
စိမ်းမနေသာတော့ဘဲ ဒုတိယအကြိမ် သူမနှင့်စကားပြောဖို့ ကြိုးစားလိုက်သည်။
"ကျွန်မဘယ်ရောက်နေလဲဟင် ကျွန်မပြောတာကြားတယ်ဆိုရင် ကျေးဇူးပြုပြီး ဖြေပေးပါရှင်"
ကြောက်ရွံမှုကြောင့် စိမ်းအသံက သိသိသာသာ တုန်ယင်နေသည်။ သူမကာ ငြိမ်သက်စွာရပ်နေဆဲ
စိမ်းနောက်ထပ်ကြိုးစားပြီး ပြောဖို့ပြင်လိုက်ဟန်ပြုပြီးမှ ငြိမ်သက်နေသည့် ကန်ရေပြင်သည် ရုတ်တရက် လှုပ်ခတ်လာသဖြင့် ဆွံ့အသွားတော့သည်။ ထို့နောက်ရေပြင်သည် သွေးရောင်အတိလွမ်းသွားရင်း အလယ်ဗဟိုတွင် ပွက်ပွက်ဆူလာရာ...
"ဟင်..."
စိမ်းအံ့သြထိတ်လန့်စွာဖြင့် ကြောင်ကြည့်နေမိခိုက်...
"ဝုန်း..."
"အမလေး"
အနီရောင်သွေးတို့ဖြင့် ပွက်ပွက်ဆူနေသည့် ရေပြင်အလယ်မှ ရုတ်တရက်ထွက်လာသည်က ကြီးမားသော နှစ်ချို့မြွေကြီးတစ်ကောင်...
"မြွေ... အိုးဘုရားရေး အကြီးကြီးပဲ"
စိမ်းသွေးပျက်တုန်လှုပ်ရင်း ခြေလှမ်းကို နောက်ဆုတ်လိုက်မိသည်။ အကြောက်တရားတို့ဖြင့် ဘယ်ပြေးရမှန်းမသိ မှင်သက်နေစဉ်
ကျောပေးရပ်နေသည့်မိန်းကလေးက ဖျတ်ခနဲ့ လှည့်လာခဲ့ရာ
မြူနှင်းကြားတွင် ဘာမှမသဲကွဲ...
သို့သော်ဝေဝါးနေသည့်ကြားမှ သူမမြင်လိုက်သည်က လှပသောမျက်နှာတစ်ခု မဟုတ်။ သွေးအလိမ်းလိမ်းနှင့် ရုပ်ပျက်ဆင်းပျက် ကြောက်မက်ဖွယ်အတိနှင့်မျက်နှာ..
ထို့နောက် စိမ်းတောက်နေသောမျက်ဝန်းများ
"အား....."
စိမ်းသွေးပျက်စွာအော်မိရင်း အိပ်ယာမှ အလန့်တကြား နိုးထလာသည်။ ကြောက်ရွံမှုကြောင့် သူမတစ်ကိုယ်လုံး ချွေးတို့ဖြင့် စွဲနစ်နေတော့၏။
ကပျာကယာရေပြေးသောက်လိုက်သည့်တိုင် ကတုန်ကယင်ဖြစ်နေသည့် စိတ်တို့ကမပြယ်သေး။ အတော်လေးကြာမှ အသက်ရူသံတို့က ပုံမှန်ဖြစ်လာကာ နေသာတော့သည်။
သို့သော်ကြောက်ရွံ့မှုကြောင့် သူမလက်တို့က အေးစက်နေဆဲပင်။ သွေးပျက်ဖွယ် ထူးဆန်းသောအိပ်မက်ဆိုးတို့ကို ပြန်မြင်ယောင်လာတော့ ကြက်သီးတွေပင် ထလာတော့သည်။
ကြောက်စရာကောင်းလွန်းသော သွေးအလိမ်းလိမ်းနှင့်မျက်နှာ...
ထို့ပြင်ပို၍သွေးပျက်စရာကောင်းသည်က မျက်ဝန်းစိမ်းစိမ်းတွေ.....
ထိုမျက်ဝန်းထဲတွင်တော့ နက်ရိူင်းသော အမုန်းတရားတွေ
စိမ်းယောင်ယမ်းပြီး ခေါင်းခါမိသည်။ သွေးပျက်ဖွယ်မျက်နှာထက် ထိုအမုန်းတွေ ပြည့်လျှံနေသည့်မျက်ဝန်းက သူမကိုပို၍ သွေးပျက်တုန်လှုပ်စေခဲ့သည်။
စိမ်းထိုအကြည့်တွေကို ကြောက်ရွံ့တုန်လှုပ်နေမိသည်မှာ အိပ်မက်ဟုပင် မထင်မိသည်အထိပင်။
ဘဝမှာ ဒီလိုစိုးရွံ့သည့်ခံစားချက်မျိုးလည်း စိမ်းတစ်ခါမှမရှိခဲ့ပါ။ အကြောက်တရားတွေနှင့် စိမ်းတစ်ယောက်ယောက်ယက်ခတ်နေစဉ်...
ဖျတ်ခနဲ့မျက်ဝန်းတောင့်တွင်မြင်လိုက်ရသည်က အရိပ်ဖြူဖြူလေးတစ်ခု....
"ဟင်..."
အလန့်တကြားဝေ့ကြည့်လိုက်တော့ ဘာမှမရှိ။ အလင်းရောင် ဖျော့တော့နေသည့်အခန်းသည် အရာအားလုံးပုံမှန်ထက် မထူးခြား။
စိမ်းမျက်မှောင်ကျုံ့မိသည်။ စိတ်လှုပ်ရှားနေသည့်စိတ်ကြောင့် သူမမြင်မိမြင်ရာ မြင်နေခြင်းလား...
ဒါမှမဟုတ် မှိန်ပျပျမီးရောင်နှင့် အခန်းတောင့်က အဖြူရောင်လိုက်ကာစကို ပုံမှားဖမ်းမိခြင်းလား...
တွေးရခက်နေမိစဉ်...
ရုတ်တရက် ပြင်းရှသောရနံ့သင်းသင်းတစ်ခုက သူမနှာခေါင်းဆီတိုးဝှေ့လာရာ...
"ဘုရားရေ...ဒါ"
သူမ မမှားဘူးဆိုရင် ဒါကြာပန်းရနံ့..။ စိမ်း အလန့်တကြား ထရပ်လိုက်မိသည်။ သေချာသည် ဒီအခန်းထဲမှာ ဘာပန်းမှရှိမနေပါ...။
စိမ်းအခန်းထဲဆက်မနေရဲတော့သဖြင့် ကြောက်ရွံ့စွာနှင့် အပြင်သို့ ကမန်းကတမ်း ထွက်လာလိုက်သည်။ ထွက်ထွက်ချင်းမှာပင် မို့နှင့်တိုးတော့ စိမ်းရုတ်တရက် လန့်ဖြတ်သွားရပြန်သည်။
"အမလေး..."
"ဟဲ့.. ငါပါ စိမ်းရယ် ဘယ်လိုဖြစ်လို့ ဒီလောက်တောင်လန့်နေရသလဲ.."
"ဟို ရုတ်တရက်ဆိုတော့ လန့်သွားတာပါဟာ"
"ဒါနဲ့နင့်မျက်နှာက ဖြူဖတ်ဖြူလျော်နဲ့ ဘယ်လိုဖြစ်ရသလဲ စိမ်း "
မို့အမေးကြောင့် စိမ်းဘာဖြေရမှန်းပင် မသိတော့ပါ။ စိမ်းအဖြစ်ကလည်း သူများအမြင်မှာ ရယ်ချင်စရာကြီးဖြစ်နေမည်။ အူကြောင်ကြောင် အိပ်မက်တစ်ခုကြောင့်လည်း သူငယ်ချင်းတွေကို စိတ်မရူပ်စေချင်သဖြင့်..
"ဘာမှမဟုတ်ပါဘူး အခန်းထဲမှာ ပိုးဟပ်တွေ့လိုက်လို့ပါ"
"နင်ကတော့လေ ဖြစ်ရမယ် ခုချိန်ထိ အဲ့ဒီ့ပိုးဟပ်ကို သေအောင်ကြောက်နေတုန်းပဲ."
မို့ကသဘောကျစွာရယ်လိုက်မှ စိမ်းသက်ပြင်း ချနိုင်တော့သည်။ မို့ရယ်နေရင်းမှ...
"အတော်ပဲ.. ငါလည်းနင့်ကိုလာနိုးမလို့ပဲ ကမ်းကပ်တော့မယ်ဟ"
"ဟုတ်လား..."
"ဟုတ်တယ် တို့သွားနေတဲ့ရွာရောက်တော့မယ် ဒီမှာလာကြည့်ပါဦး ကျွန်းကြီးကလှလိုက်တာ ရွာကလည်း အတော်သာယာမယ့်ပုံ"
မို့ညွှန်ပြရာဆီလှမ်းကြည့်တော့ မို့ပြောတာ အလွန်မဟုတ်ဟု စိမ်းလက်ခံလိုက်သည်။ စိမ်းစိုစိုနှင့်ကျွန်းကြီးက အတော်လေး လှပလွန်းသည်။
ကမ်းနဲ့နီးလာလေ ပိုလှလာသည်ဟု ထင်ရသည်။ တစ်ဖက်က တောအုပ်တွေအုပ်မိုးထားပြီး တစ်ဖက်က ကျောက်ဆောင်လှလှလေးတွေ ခြံရံထားသည့် ကျွန်း၏အလှက ရူပ်ထွေးနေသည့်သူမ၏စိတ်တို့ကို အတော်လေး ကြည်လင်သွားစေသည်။
ကမ်းကပ်တော့ သူမတို့ သူငယ်ချင်းတွေအားလုံး လွပ်လပ်ပေါ့ပါးစွာပင် အောက်သို့ပြေးဆင်းလာသည်။
နေဝင်ချိန်မို့ ကမ်းတစ်လျှောက် အိမ်တန်းပြန်သည့်တံငါသည်တို့နှင့် စည်နေတော့သည်။ လှေအချို့အပြင် သဘောင်္တွေပါတွေ့ရသဖြင့် ဒီကျွန်းသည် မြို့ပြနှင့်ဝေးလွန်းသည့်တိုင် ဧည့်သည်အလာစိပ်ပုံရသည်။
ထို့ကြောင့်လည်းသူမတို့ကို ဘယ်သူမှ အထူးအဆန်းလိုက်ကြည့်မနေပါ။ အောက်ရောက်တော့ စေတန်က
"လောလောဆယ်အနားယူရမယ့် နေရာတစ်ခု အရင်ရှာရမယ် မင်းတို့ဒီမှာခဏနေကြဦး ငါနဲ့ကောင်းကင် ရွာထဲသွားစုံစမ်းလိုက်မယ် "
"အင်း မြန်မြန်သွား မြန်မြန်လာနော် အဆင်ပြေအောင်လုပ်ခဲ့ဦး"
မို့ကစိတ်ပူဟန်ဖြင့်ဆိုတော့ ကောင်းကင်က ရယ်ကျဲကျဲနှင့်
"အဆင်မပြေရင် လှေပေါ်ပဲအိပ်ကြတာပေါ့ ပျော်ပွဲစားထွက်တာမှမဟုတ်တာ စွန့်စားသွားလာနေတာ"
ကောင်းကင်စကားကြောင့် သူတို့အားလုံး ပြုံးမိသွားသည်။ မည်သို့ပင်ဖြစ်စေ သဘောင်္ပေါ်တော့ ဘယ်သူမှမအိပ်ချင်ကြသဖြင့် စိမ်းဝင်ပြောလိုက်သည်။
"ကဲ... သွားမယ်ဆိုသွားတော့ နေဝင်သွားလိမ့်မယ် "
စေတန်နှင့် ကောင်းကင်ထွက်သွားတော့ စိမ်းနဲ့မို့လည်း ကမ်းခြေတစ်လျှောက် လမ်းတလားတော့သည်။ ကမ္ဘာကတော့ သူမတို့နှစ်ယောက်နောက်တွင် မျက်နှာရူံးမဲ့လျက် တကောက်ကောက်လိုက်ရတော့သည်။
လျှောက်ကြည့်ပြီး သဘောင်္ဆီပြန်ရောက်သည့်ထိ စေတန်တို့ပြန်မလာသေး။ အတော်လေးကြာမှ ရွာခံနှစ်ယောက်နှင့်အတူ ပြန်လာတာမြင်တော့မှ သူတို့တွေ သက်ပြင်းချနိုင်တော့သည်။
စေတန်က....
"ရွာထဲမှာအိမ်ဌားလို့ရတယ် လိုအပ်မယ်ထင်တဲ့ပစ္စည်းတွေ
တစ်ခါတည်းယူခဲ့ကြ ဒီဦးလေးနှစ်ယောက် ကူသယ်ပေးလိမ့်မယ် အိပ်ယာလိပ်တွေယူစရာမလိုဘူး အဲ့မှာအဆင်သင့် ရှိပြီးသား မင်းတို့ကိုယ်ပိုင် အသုံးအဆောင်ပစ္စည်းတွေလောက် ယူရင်ရပြီ"
စေတန်စကားကြောင့် သူတို့ကမန်းကတမ်း ထုတ်ပိုးပြင်ဆင်ရတော့သည်။ ပြီးနောက် သဘောင်္ပေါ်တွင် စက်လှေမောင်းသည့် ဦးလေးကိုသာချန်ပြီး သူတို့အားလုံး ရွာဆီသို့ ဦးတည်ခဲ့သည်။
ရွာထဲရောက်အောင် အတော်လေး လမ်းလျှောက်ရသေးသည်။ သူတို့နားရမည့်အိမ်က ရွာစပ်လေးမှာရှိလို့သာ တော်တော့သည်။
နားရမည့်အိမ်လေးက အုန်းပင်တွေကြားမှာ ဆောက်ထားသည့်သစ်သားအိမ်လေး။ အတော်လေးချစ်ဖို့ကောင်းသည်။ အခန်း၂ခန်းပါသဖြင့် သူတို့အားလုံးအတွက် အဆင်ပြေသွားသည်။
Solarနှင့်လျှပ်စစ်မီးပါရသဖြင့် အတော်အဆင်ပြေသည် ပြောရမည်။ ကိုယ်စီပစ္စည်းတွေ နေရာချပြီးသည်နှင့် ရွာခံနှစ်ယောက်က ထွက်သွားတော့သည်။
သူတို့လည်းညစာကို အဆင်ပြေသလို စားပြီးသည်နှင့် ဧည့်ခန်းတွင်စုထိုင်ပြီး လေပေါတော့သည်။ မို့က....
"ဒီနေရာမျိုးမှာ ဒီလိုမျိုးတည်းခိုအိမ်ရတာ အတော်လေးကံကောင်းတယ် ပြောရမယ်နော် ထင်မထားဘူး"
"ဟုတ်တယ် အရင်ကမရှိဘူးပြောတယ် ဒါပေမယ့်ဒီကျွန်းက ဌက်သိုက်တွေပေါတော့ မြို့ပေါ်ကသူဌေးတွေ ကိုယ်စားလှယ်တွေ ခဏခဏလာတတ်တယ် ပြီးတော့ ပုလဲကောင်းတွေလည်းရတတ်တော့ မြို့ထိတက်သွားစရာမလိုဘူး ဆင်းကောက်တဲ့ ပွဲစားတွေအလာများတယ် တည်းခိုအိမ်မရှိတုန်းကဆို အဆင်ပြေသလိုအိပ်ရတော့ ဒါကအခက်အခဲတစ်ခုလို ဖြစ်နေတယ်ပေါ့ ဒါနဲ့အမြော်အမြင်ရှိတဲ့ ရွာလူကြီးက ဒီလိုသစ်သားအိမ်တွေ သုံးလေးအိမ်လောက် ဆောက်ပြီး စီးပွားတစ်ခုအနေနဲ့လုပ်လိုက်တာ အဆင်ပြေသွားတာပဲ "
ကောင်းကင်စကားအဆုံး ကမ္ဘာကခေါင်းညိတ်ရင်းနှင့်
"ဒါနဲ့ မင်းတို့ရှာနေတဲ့လူကိစ္စကရော.."
"ဦးလုံထန်းလား... တို့နောက်ကျသွားတယ် ပြောရမယ် ဦးလုံထန်းကဒီရွာရဲ့ဈေးနေ့မျိုးပဲ ရောက်လာတတ်တယ် သူလာရင်လည်း ရှေးဟောင်းပစ္စည်းတွေရောင်းတဲ့ ဘာဆိုလား နာမည်တောင်မေ့သွားပြီ အဲ့ဒီဆိုင်ကိုပဲလာတယ် အဲ့ဒီ့ဆိုင်ကလည်း ဈေးနေ့မှာပဲဖွင့်တယ်"
"ရူပ်နေတာပဲကောင်းကင်ရယ် ငါ့ဖြင့် နားရောမျက်စိရော လည်ကုန်ပြီ"
မို့အမှန်ပင် နားရူပ်သွားဟန်တူသည်။ မို့ကိုကြည့်ပြီး သူတို့တွေရယ်မိပြန်သည်။ စိမ်းက
"ဈေးနေ့က ဘယ်နေ့မျိုးမှာရှိသလဲ"
"ဆယ့်ငါးရက်တစ်ခါတဲ့ အခုဈေးနေ့ပြီးသွားတာ ၄ရက်ပဲရှိသေးတယ် တို့တွေဒီမှာခဏသောင်တင်ရမယ်"
"ကောင်းသားပဲ နားနားနေနေ နေရတာပေါ့"
ကမ္ဘာစကားကြောင့် ငြိမ်သက်နေသည့် စေတန်က
"ထူးဆန်းတာတစ်ခုရှိတယ် ဒီရက်ပိုင်း တို့ရှေ့မှာ ဦးလုံထန်းကိုလာမေးတဲ့ လူနှစ်ယောက်တောင်ရှိတယ်တဲ့"
"ဘယ်လို..."
"ဟုတ်တယ်ကမ္ဘာ ငါတို့လည်းအချိန်မရတာနဲ့ သေချာမမေးလိုက်ရဘူး မနက်ကျမှ ထပ်စုံစမ်းရမှာပဲ"
"ဦးလုံထန်းကို ရှေးဟောင်းပစ္စည်းဆိုင်မှာပဲ တွေ့နိုင်တယ်ဆိုတော့ အဲ့ဒီ့ဆိုင်ရှင်နဲ့သူအတော်ရင်းနှီးမှာပဲ ဆိုင်ရှင်နဲ့တွေ့ရင်ရော သူ့နေရာမသိနိုင်ဘူးလာ"
"အဲ့ဆိုင်ရှင်က ဒီရွာမှာမနေဘူးစိမ်း သူကဈေးနေ့ပဲသူ့ဆိုင်လာဖွင့်တာ ကျန်တဲ့နေ့တွေ ပင်လယ်အနှံ့ကုန်ကြမ်းလိုက်ရှာနေတယ်တဲ့"
စိမ်းစကားကိုဝင်ဖြေလိုက်သူက ကောင်းကင်။ စေတန်ကတစ်စုံတရာကို တွေးတောဟန်ဖြင့်
"ငါတို့လိုပဲ ဦးလုံထန်းကိုရှာနေတဲ့သူက ဘယ်သူဖြစ်မလဲ သာမာန်တော့မဟုတ်လောက်ဘူး ဘာပဲဖြစ်ဖြစ် ဦးလုံထန်းကိုတွေ့မှဖြစ်ကိုဖြစ်မယ် မဟုတ်ဘူးဆိုရင် ငါတို့ဆက်စရာခရီးမရှိတော့ဘူး"
"ဆက်စရာခရီးမရှိဘူး ဟုတ်လား"
"အင်း မြေပုံအရဆို ဒီရွာနဲ့အတော်လှမ်းတဲ့ ပုလဲနတ်ကျွန်းမှာဂိတ်ဆုံးပြီပြောရမယ် စိမ်း ကျန်တဲ့လမ်းကြောင်းတွေကို စက်လေဦးလေးကြီးပြောအရတော့ အာ့ဒီ့လမ်းကြောင်းတွေက အပြင်မှာ တကယ်မရှိဘူးတဲ့"
"ဘယ်လိုကြီးလဲ စေတန် ဒါဆိုဒီမြေပုံက တကယ်မဟုတ်ဘူးပေါ့"
မို့ကအံ့သြစွာဝင်ပြောတော့ စေတန်မျက်မှောင်ကုပ်နေရင်း
"ပုလဲကျွန်းထိသွားကြည့်မှသိမယ်တဲ့ အဲ့ဒီ့နားတစ်ဝိုက်က နည်းနည်းထူးဆန်းတော့ လူအရောက်အပေါက်နည်းတယ် သူလည်း တစ်ခါပဲရောက်ဖူးတာတဲ့ ဒါပေမယ့် တကယ့်ပြင်ပမှာလည်း ဒီမြေပုံထဲကလမ်းကြောင်းတစ်ချို့က မရှိဘူးတဲ့"
"ဒါဆိုရင် မြေပုံရဲ့တစ်ချို့တစ်ဝက်က အမှားတွေလား "
စိမ်းစကားကို စေတန်ဘာမှမတုန့်ပြန်မိ။ ပြောစရာစကားမရှိတာလည်းဖြစ်မည်။ ကောင်းကင်က သက်ပြင်းချလိုက်ရင်း
"မြေပုံနှင့်ပတ်သတ်ပြီး ငါလည်းအမှန်တရား သေချာမသိရဘူး ခရီးစဉ်တစ်ဝက်ထိတော့ သူလမ်းကြောင်းကမှန်နေတယ် ကျန်တာဘာလို့ လက်တွေ့ကမ္ဘာနဲ့သွေဖယ်သွားလဲ ငါလည်း မသိတော့ဘူး "
"ကဲ.. ဒါကိုနောက်မှ ဆက်ဆွေးနွေးကြမယ် လောလောဆယ်ခရီးပန်းလာလို့ ငါအိပ်ချင်ပြီ"
"စေတန်စကားကို ငါလည်းထောက်ခံတယ် ငါလည်းနားချင်ပြီ"
မို့ကပါဝင်ပြောတော့ သူတို့စကားဝိုင်းလေး ရုတ်သိမ်းပြီး အသီးသီးအိပ်ယာဝင်ဖို့ လုပ်တော့သည်။
ခရီးပန်းနေလို့လားမသိ..။ ခေါင်းချလိုက်သည်နှင့် သူချက်ချင်း အိပ်ပျော်သွားတော့သည်။
ညည့်နက်ချိန်ရောက်တော့...
"စေတန်....."
တစ်စုံတစ်ယောက်၏ ဆွဲဆွဲငင်ငင်ခေါ်သံ..။ သူဖျတ်ခနဲ့နိူးလာသည်။ ဇဝေဇဝါဖြင့် သေချာနားစွင့်မိပြန်သည်။
"စေတန်....."
ကြားရပြန်ပြီ။ ဟိုးအဝေးမှ မိန်းကလေးတစ်ယောက်၏ခေါ်သံ။ သူစိတ်ရူပ်စွာဖြင့် ဘေးဘီဝဲကိုကြည့်လိုက်တော့ ကောင်းကင်နှင့်ကမ္ဘာက နှစ်ခြိုက်စွာ အိပ်မောကျနေသည်။
"စေတန်..."
နားကြားမလွဲတာ သေချာသည် ။ သူထရပ်လိုက်ပြီး တံခါးကို တိုးတိုးတိတ်တိတ်ဖွင့်ကာ အပြင်ထွက်လာလိုက်မိသည်။
အပြင်တွင် မြို့ပြလိုမီးရောင်မရှိသဖြင့် ဝန်းကျင်တစ်ခုလုံး မှောင်မည်းနေတော့သည်။ လရောင်ဖျော့ဖျော့လေးက အမှောင်ထုက မထိုးဖောက်နိုင်...
သို့သော် ထိုလရောင်ဖျော့ဖျော့လေးအောက်မှ သူရိပ်ခနဲ့မြင်လိုက်ရသည်က အရိပ်ဖြူလေးတစ်ခု
အံ့သြစွာဖြင့် သူအိမ်ရောက်ဆင်းလာပြီး...
"ဘယ်သူလဲ...."
ဘာတုန့်ပြန်သံမှ မကြားရ။ အုန်းပင်တွေကြားထဲ ပျောက်သွားပြန်သည်။ သူအမြင်မှားနေမိခြင်းလား..
အတွေးဖြင့်ပြန်လှည့်ဟန်ပြုပြီးမှ ပင်လယ်ဘက်ပြေးဆင်းသွားသည့် အရိပ်တစ်ခုကို ဖျတ်ခနဲ့ မြင်လိုက်ရပြန်သည်။ ဘာကြောင့်မှန်းမသိ.. သူ့စိတ်ထဲတွင် သူအရိပ်ဖြူကို စိတ်ဝင်စားနေမိသည်။
ထိုအရာက သူ့ကိုဆွဲငင်နေသလိုပင်။ သူ့ခြေလှမ်းတွေက ပင်လယ်ဘက်သို့ အလိုလို ရွေ့သွားပြန်သည်...
တဝုန်းဝုန်းနှင့် ပင်လယ်၏ရိုက်ခတ်သံက ကြောက်မက်ဖွယ်အတိ။
ဟိုးပင်လယ်ကမ်းစပ်တွင်တော့ ကျောပေးရပ်နေသည့် အမျိုးသမီးတစ်ဦး...
ရှည်လျားသည့်ဆံနွယ်တို့က လေတွင်ဝေ့ဝဲလို့
သူမဘယ်သူလဲ ဘာလို့ဒီအချိန်ကြီး ဒီမှာရှိနေရသလဲ..
အတွေးဖြင့်သူ သူမရှိနေသည့်နေရာသို့ ခြေလှမ်းတို့ကာ လှမ်းသွားမိပြန်သည်။ ဖျော့တော့တော့ လရောင်အောက်မှာပင် သူမ၏ခန္ဓာကိုယ်ကောက်ကြောင်းတို့က လှပလွန်းနေသည်ကို သူသတိထားမိလိုက်သည်။ ပြီးတော့ ..
"ဟင့်....ဟင့်..."
ငိုသံသဲ့သဲ့လေး...။ သူမဆီက ထွက်လာပုံရသည်။ ရိူက်သံသဲ့သဲ့လေးက လေနှင့်အတူ သူ့ဆီဝှေ့လာသည်။
ထိုခဏ၌ ရုတ်တရက်လေကြမ်းဝှေ့လာသဖြင့် သူလက်ကာရင်း မျက်လုံးမှိတ်လိုက်မိသည်မှာ စက္ကန့်ပိုင်းလေး။ ပြန်ကြည့်တော့ သူမမရှိတော့ပါ။
စက္ကန့်ပိုင်းအတွင်း သူမဖျတ်ခနဲ့ပျောက်သွားသည်။
ရုတ်တရက်ထူးဆန်းစွာပျောက်သွားတော့ သူကြောင်သွားမိပြန်သည်။ ရူပ်ထွေးသွားသည့် စိတ်အစဉ်ကလွဲပြီး သူ့ရင်ထဲတွင် ကြောက်စိတ်ဖြစ်မနေပါ။
ရှာလို့မတွေ့အောင်ပျောက်သွားသဖြင့် သူရူပ်ထွေးစွာ လှည့်လာလိုက်သည်။ တစ်နေရာရောက်တော့ သူ့ခြေလှမ်းတွေ တုန့်ခနဲ့ရပ်သွားသည်....
လရောင်ဖျော့ဖျော့အောက်တွင် သူမြင်လိုက်ရသည်က..
သဲပြင်ပေါ်တွင် ထင်ရှားစွာရေထားသည့် စာတစ်ကြောင်း..
"စေတန်... ကျရှုံးခြင်းနဲ့နာကျင်ခြင်းတွေ စတင်ကျိန်စာသင့်စေမည်.."
ဘာတွေလဲ.... ဒါတွေက...
ရူပ်ထွေးလွန်းမက ရူပ်ထွေးသောမယုံနိုင်စရာ အကြောင်းအရာတွေကြောင့် သူမှင်သက်နေမိသည်။
တစ်စုံတစ်ယောက်က သူ့ကိုနောက်နေသလား..
သို့သော်... ဒါတွေကိုဘယ်သူကလုပ်မှာတဲ့လဲ။ ဝန်းကျင်တွင်လည်း ကျောက်ဆောင်တွေသာ ရှိသည်။ သဲသောင်ပြင်တွင် သူငူငူကြီးရပ်နေမိသည်။
ထို့နောက် သူအလိုမကျစွာ စာကိုဖျက်ဟန်ပြုစဉ်.. သေချာကြည့်တော့ ထိုနေရာတွင် ဘာစာမှရှိမနေ။
ဘုရားရေ သူ...အမြင်မှားပြန်သလား
စိတ်တွေပိုရူပ်သွားပြန်သလို ဒေါသလည်း ထွက်မိသည်။ သဲပြင်ကိုခြေဖြင့် ဆောင့်ကန်လိုက်ရင်း..
"ပင်လယ်တစ္ဆေလား ငါ့ကိုခြောက်နေတာ ကောင်းပြီ မင်းသိရမှာက စေတန်ကမကြောက်တတ်ဘူး"
ဒေါသဖြင့်ဖြင့်ဆိုလိုက်ရင်း သူတည်းခိုအိမ်သို့ ပြန်လာလိုက်သည်။ အဝေးဆီမှ လှိုင်းတို့ကာ တဝုန်းဝုန်းတိုက်ခတ်နေဆဲ...
ဖြတ်ပြေးသွားသည့်လေတို့က နားထဲတွင် ရယ်သံသဲ့သဲ့လို...
ထို့နောက် တိတ်ဆိတ်သွားပြန်သည်...
အိပ်မက်လား.. တကယ်လား ဝေခွဲမရစွာဖြင့် သူကတော့ အိပ်ယာထက်ပြန်ရောက်သွားသည်။
ထို့နောက်...........
ရိူက်သံသဲ့သဲ့တို့ကို စိတ်ရူပ်စွာကြားနေဆဲ...
ညသည်စေတန်အတွက် ရူပ်ထွေးခြင်းများစွာဖြင့်...
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
