Zawgyi
~~ကြာဖြူ~~
အပိုင်း(၂၂)
"နောင်....နောင်....နောင်"
ကြေးစည်သံနှင့်အတူ သူတို့အားလုံးတွေ့လိုက်ရသူက ယောဂီဝတ်စုံနှင့် သူတော်စင်တစ်ဦး...
မျက်နှာသည်မြင်ရုံနှင့် သမာသမတ်ဓိနှင့်ပြည့်စုံသူမှန်း သိသာလောက်အောင် အေးချမ်းစင်ကြယ်ကာ တည်ငြိမ်လွန်းလှသည်။ နူတ်မှရွတ်ဖတ်ပူဇော်ဟန်ရှိသော မေတ္တာသုတ်ရွတ်ဖတ်သံက ပတ်ဝန်းကျင်ကို အေးချမ်းစွာပင် စိမ့်ဝင်လာ၏။
ကြည်ညိုဖွယ်ရုပ်သွင်နှင့်သူတော်စင်သည် ကြေးစည်ကိုလက်တစ်ဖက်ကိုင်လျက် သူတို့ရှိရာ ညှင်တာစွာလျှောက်လှမ်းလာလေတော့သည်။
ဤနေရာမျိုးမှာ မထင်မှတ်ဖွယ်ကောင်းသော ပုဂ္ဂိုလ်ထူးတစ်ယောက်ကို မြင်တွေ့လိုက်ရသည့်အတွက် သူတို့အားလုံး အံ့သြမှင်သက်နေစဉ်....
ဦးစွာသတိဝင်လာသူက ဈာန်...
"သူတော်စင်ပါလား..."
သူသည်ဤသူတော်စင်ကို ချက်ချင်းမှတ်မိသွားလေသည်။ သူနှင့်ခရာ တစ်ခါကြုံခဲ့ဖူးသည်မဟုတ်လား
သူ့စကားကြောင့် နက်ရိူင်းက အံ့သြသင့်သွားဟန်ဖြင့်
"ခင်ဗျားနဲ့သိသလား..."
"တစ်ခါဆုံဖူးတယ်.."
ဈာန်ကပြောပြီး သူတော်စင်နားလျှောက်သွားကာ လက်အုပ်လေးချီလိုက်ရင်း
"အဘ.... ကျွန်တော့်ကိုမှတ်မိသေးလား ကျွန်တော်တို့တစ်ခါ အဘဆီလာကန်တော့ဖူးတယ်.."
သူတော်စင်သည် ဈာန်ကိုတစ်ချက်ကြည့်လိုက်သော်လည်း မျက်နှာထားကာပကတိတိုင်း တည်ငြိမ်လျက်။ ဘာမှပြောင်းလဲမသွားဘဲ အေးချမ်းစွာပင်...
"သတ္တဝါတွေ အေးချမ်းကြပါစေ ရန်လိုခြင်း ကင်းဝေးကြပါစေ သံသရာဝဋ်ဆင်းရဲမှ လွတ်မြောက်ကြပါစေ"
မေတ္တာပို့မပျက်ပင်။ သူ့ကိုသေချာမှတ်မိပုံရသော်လည်း အံ့သြဟန်မရှိပါ။ အင်းလေး သူတော်စင်ပေကို...
ဈာန်ထပ်မံပြီး...
"ဒီလိုနေရာမျိုးမှာအဘနဲ့ထပ်ပြီး တွေ့ဆုံရမယ်လို့မထင်ထားဘူးဗျာ "
သူ့စကားကြောင့် သူတော်စင်သည် ခေါင်းတညိတ်ညိတ်နှင့်
"အဘ..လူလေးကိုပြောခဲ့ပါတယ် ပဌာန်းဆက်တွေရှိရင် မကြုံချင်လည်းဆုံရမှာပဲ ဘယ်လိုမှကွေ့ရှောင်သွားလို့မရဘူးကွဲ့..."
"ကျွန်တော်နားလည်ပါပြီ အဘသာခုလိုရောက်မလာရင် ကျွန်တော်တို့အားလုံး ဘာဆက်ဖြစ်မလဲဆိုတာကို မတွေးရဲတော့ဘူးဗျာ"
"အိမ်း...သတ္တဝါတွေကိုမေတ္တာပို့ရမှာ အဘပြုရမယ့်အလုပ်ပါ ကုသိုလ်ပြုပြီး သံသရာကအကြွေးတွေဆပ်နေရတာပဲလူလေး.. ဘဝတစ်ပါးမှာအတူပြုခဲ့ဖူးတဲ့ ဝဋ်ကြွေးတွေကြောင့် ဒီနေရာမှာလူလေးတို့နဲ့ ပဌာန်းဆက်ပြန်ကြုံရတာပါကွယ် "
သူတော်စင်စကားကို သေချာနားမလည်သဖြင့် ဈာန်ထပ်မေးရန်ပြင်လိုက်စဉ် သူတော်စင်က လက်ကာပြပြီး
"အဘအဓိဌာန်ဝင်ရမယ့်အချိန်ရောက်ပြီ လူလေးတို့မေးစရာရှိတာ မနက်မှမေးပါ လောလောဆယ်ဟိုကလေးမလေးသတိရလာရင် ဒီဘုရားရေစင်တိုက်ထားလိုက်ပါ သူအရမ်းအားနည်းနေပြီ "
"ဟုတ်ကဲ့ပါ...အဘ..."
ဈာန်က သူတော်စင်ကမ်းပေးသည့် ရေဘူးသေးသေးလေးကို ကျိုးနွံစွာလှမ်းယူလိုက်၏။ ထို့နောက် သူတော်စင်ကထပ်မံ၍ အဖြူရောင်ချည်လုံးတစ်ခုကို ထုတ်ပေးပြီး
"ဒီနေရာကအမြန်ထွက်ခွာပါ ညအိပ်တည်းတဲ့အခါ ဒီချည်လုံးလေးကို စည်းတစ်ခုလိုတားထားပါ ဘယ်သူမှစည်းအပြင်မထွက်ပါနဲ့ လူလေးတို့အားလုံး အန္တရယ်ကင်းပါလိမ့်မယ် "
ပြောပြီးသူတော်စင်က ထွက်ခွာသွားဟန်ပြုတော့ ဈာန်ကပျာကယာနှင့်
"အဘ.. မနက်ကျရင် ကျွန်တော်တို့အဘကို ဘယ်နားလာရှာရမလဲခင်ဗျာ..."
"ပဌာန်းဆက်ရှိနေတဲ့လူတွေပါလူလေး ရှာစရာမလိုပါဘူး အချိန်ကျရင်ဆုံရမှာပါ.."
ထိုမျှသာပြောပြီး သူတော်စင်သည်ကြေးစည်ကို အသာအယာထုလိုက်ပြီး...
"သတ္တဝါတွေအေးချမ်းကြပါစေ ရန်လိုခြင်းကင်းဝေးကြပါစေ သံသရာဝဋ်ဆင်းရဲမှ လွတ်မြောက်ကြပါစေ"
"နောင်.....နောင်....နောင်"
အမှောင်ထုထဲသို့ တိုးဝင်ပျောက်ကွယ်သွားတော့၏။ ကောင်းကင်က သူတော်စင်ကျောပြင်ကိုတစ်ချက်ငေးရင်း
"သူတော်စင်ပြောသွားတာတွေ ကျွန်တော် နားမလည်ဘူး ဈာန်.."
"ကျွန်တော်လည်း အဘနဲ့တစ်ခါပဲဆုံဖူးတယ် အဘစကားတွေက ပဟေဋိဆန်သလိုလေးနက်တယ် နောက်တစ်ခါထပ်ဆုံရင်တော့ အဖြေတစ်ခုရမယ်လို့ မျှော်လင့်တယိ"
"ဘာဘဲဖြစ်ဖြစ် သူတော်စင်နဲ့ခုလိုတွေ့ဆုံရတာ စိမ်းတို့ကံကောင်းတယ်ပြောရမယ် မဟုတ်ရင် ဘာတွေဆက်ဖြစ်မှာလဲဆိုတာ မတွေးရဲစရာပဲနော်"
" ကဲ...အားလုံးပဲ သူတော်စင်ပြောသွားသလို ကျုပ်တို့ဒီနေရာကအမြန်ဆုံးခွာရအောင် "
ဦးလုံထန်းသတိတရဆိုလိုက်မှ သူတို့အားလုံးသတိဝင်လာပြီး ဒီဖုန်းဆိုမြေမှ အမြန်ထွက်ခွာလာလိုက်၏။ စေတန်ကခရာ့ကို ပွေ့ချီထားလျက်နှင့်။
ထို့နောက်အတော်လေးလှမ်းသည့်နေရာ ရောက်သည်အထိ ခရီးအမြန်ဆက်လိုက်ပြီး တည်းဖို့သင့်တော်မည့်နေရာရောက်တော့
"မိုးလည်းချုပ်ပြီဆိုတော့ ကျုပ်တို့ဒီနေရာမှာပဲတည်းရအောင် စိတ်ချရပါပြီ..."
နေရာထိုင်ခင်းတွေချ ပြင်ဆင်တဲ့သူပြင်ဆင် စည်းတားတဲ့သူကတားနှင့် လိုအပ်သည်များ ပြုလုပ်နေစဉ်
"အင်း...ဟင်း....ဟင်း..."
ညည်းသံသဲ့သဲ့လေးနှင့် ခရာသတိရလာရာ သူမနားအရိပ်တစ်ခုလိုရှိနေသည့်စေတန်က အပြေးလေးပွေ့ထူပြီး
"ခရာ...သတိရလာပြီလား"
"အင်း...ဟင်း"
ခရာညည်းနေဆဲ။ သူမပုံစံက သတိကောင်းကောင်းရှိဟန်မတူ။ ပြီးတော့ အလွန်တရာအားနည်းနေသည့်ပုံပင်။ မျက်နှာလေးကသွေးရောင်ကင်းမဲ့လျက် ဖွေးဆုတ်ကာ နွမ်းနယ်နေတော့၏။
ဈာန် သူတော်စင်မှာထားသည်ကိုသတိရပြီး ဘုရားရေစင်ကို သူမကိုတိုက်လိုက်တော့ မကြာလိုက်ပါ။ချက်ချင်းလိုပင် နှစ်ခြိုက်စွာ ပြန်အိပ်ပျော်သွား၏။
"ခရာအန္တရယ်ကင်းလောက်ပါပြီ"
ဈာန်က တိုးတိတ်စွာဆိုလိုက်သည့်တိုင် ကြားဖြစ်အောင်ကြားလိုက်သည့်မို့က နာနာကျင်ကျင်မဲ့လိုက်မိသည်လား မသဲကွဲ။
စိမ်းကတော့ ခရာ့နားကမခွာနိုင်သည့်စေတန်ကို မကြာခဏလှမ်းကြည့်ပြီး မျက်နှာလေးမကောင်းရှာ။ စိမ်းမျက်နှာမကောင်းတာမြင်တော့ သက်ပြင်းတွေခိုးချနေသူက ကမ္ဘာ။
ကောင်းကင်ကတော့ အားလုံးကိုအကဲခတ်ကြည့်ရင်း ဒီခရီးစဉ်ထွက်ခွာလာခြင်းသည် မှားယွင်းနေပြီးလားဟု စိတ်မချမ်းမြေ့စွာ တွေးနေမိ၏။
ဘာမှမဖြစ်သကဲ့သို့ ရှိနေသူကနက်ရှိုင်း။ ခရာသည် သူနှင့်မည်သို့မျှမသက်ဆိုင်သည့်အလား စိတ်ပူခြင်း စိုးရိမ်ခြင်း စိုးစိမျှပင်မရှိ။
ထိုညကာ.... ခံစားချက်ကိုယ်စီနှင့် အားလုံးတိတ်ဆိတ်နေမိသည်။ခြောက်ခြားဖွယ် အဖြစ်ကြောင့်လည်းပါမည်။
သူတို့ထွေထွေထူးထူး စကားမပြောဖြစ်ကြပါ။ သူတော်စင်၏အပ်ချည်ဖြူစည်းကြောင့် ထိုညက အရိပ်မည်းတွေ ပြေးလွှာနေသည်ကိုမြင်ရသည့်တိုင် ထူးထူးခြားခြားဘာအနှောင့်အယှက်မှ မကြုံရပါ။
တစ်ချက်တစ်ချက် တောခွေးအူသံတို့ကတော့ ချောက်ချားဖွယ်ကောင်းအောင် ကြားနေရသည်မှအပ ညသည်ခါတိုင်းနှင့်မတူ အေးစက်နေခဲ့၏။
..................... ...........................
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
