Zawgyi
~~ကြာဖြူ~~
အပိုင်း(၃၆)
"စိမ်း..."
နွေးထွေးသောခေါ်သံနှင့်အတူ ရောက်လာသူက သူမမျှော်လင့်နေသော စေတန်တော့မဟုတ်ပါ။ တစ်ချက်မျှသာ ပြုံးမိလိုက်ရင်း..
"ကမ္ဘာ..."
"ဘာတွေငေးနေသလဲ ငါနင့်ကိုကြည့်နေတာကြာပြီ"
"ကျိန်စာတွေသာမဖြစ်တည်ခဲ့ရင် ပဒုမ္မာရီမြို့တော်ကြီးကသိပ်လှမှာပဲလို့ ငါတွေးမိလို့ပါ.. ဒီလိုညနေခင်းမျိုးဆို ကြည့်လို့တောင်မဝနိုင်ဘူး"
စိမ်းစကားကြောင့် ကမ္ဘာကခေါင်းခါယမ်းလိုက်ပြီး
"နင့်မျက်နှာကို ငါအရိပ်တစ်ခုလိုကြည့်ခဲ့တာပါ စိမ်း နင့်မျက်ဝန်းထဲမှာနင်ပြောနေတဲ့ အလှအပတွေရှိမနေပါဘူး နင့်မျက်နှာမကောင်းတာ အသိသာကြီးပါစိမ်းရယ် နင်ဘာတွေဖြစ်နေသလဲ.. "
"ဘာရယ်မဟုတ်ပါဘူး ငါမို့ကိုသတိရလို့ပါ.."
"စိမ်းရယ်.."
"ပြီးတော့ ငါ့စိတ်ထဲထင့်နေတယ် နေလို့မကောင်းဘူး.. တစ်ခုခုကို စိုးရိမ်နေမိလို့ပဲနေမှာပါ"
စိမ်းသူမလက်ကဝတ်ဆင်ထားသည့် ရွှေလက်ကောက်ကိုဖွဖွလေးကိုင်ရင်း ဆိုလိုက်၏။ ထိုအခါမှ ကမ္ဘာက စိမ်းလက်ကောက်ကိုသတိထားမိပြီး တအံ့တသြဖြင့်
"အဲ့ဒီလက်ကောက်က နှစ်ပိုင်းပြတ်နေတာမဟုတ်လား ဘယ်လိုလုပ်အကောင်းတိုင်းပြန်ဖြစ်နေသလဲ.."
"ငါလည်းမသိဘူး မို့ဆုံးတဲ့နေ့မနက်က ဒီအတိုင်းအကောင်းတိုင်းဖြစ်သွားတယ် "
"ထူးဆန်းတယ်..."
"ဟုတ်တယ်...ထူးဆန်းတယ် ပြီးတော့မကောင်းတဲ့ခံစားချက်မျိုးတွေ ခဏခဏဖြစ်နေတယ် ငါ့ကိုငါကျိန်စာတစ်ခုထဲ ပိတ်မိသွားသလိုခံစားရတယ်.."
"နင့်စိတ်ထင်လို့ပါ ဘာဖြစ်ဖြစ်ဒါကနင်ပိုင်ခဲ့တဲ့ လက်ကောက်ပဲလေ စိမ်း "
"အင်း...ဒါပေမယ့်."
"ကဲပါ...စိမ်းရယ် နင်စိတ်ထဲတမျိုးဖြစ်ရင် ပြန်ချွတ်ထားလို့ရတာပဲ ဘာမှခေါင်းရူပ်ခံပြီးစဉ်းစားမနေနဲ့.."
ကမ္ဘာစကားကလည်းမှန်နေသည်မို့ စိမ်းဘာမှဆက်မပြောတော့ပေ။ သူမကိုယ်တိုင်က ဒါကိုပြန်မချွတ်ချင်သလား ဒါမှမဟုတ်ဝတ်ထားဖို့ကို တစ်ယောက်ယောက်က စီပိုင်းအမိန့်ပေးထားသလား မသဲကွဲပါ။
သေချာသည်က ဒီလက်ကောက်ကိုဝတ်မိသည့်အချိန်ကစပြီး စိုးရိမ်ကြောင့်ကျမူတွေ ပူပင်ထိတ်လန့်မူတွေကို တနုံ့နုံ့ခံစားခဲ့ရသည်မှာတော့ အမှန်ပင်။
အခုလည်းဘာကြောင့်မှန်းမသိ စိတ်တွေလေးလံကာ တစ်စုံတစ်ရာကိုစိုးထင့်နေမိ၏။ တစ်ခုခုဖြစ်လာမည်ကို ကြိုခံစားနေရဖြစ်ရသည့်အဖြစ်ကား ဆိုးဝါးလွန်းလှသည်။ ဘာကိုမှန်းမသိသည့်တိုင် စိမ်းရင်တွေကတကယ်ကို စိုးရိမ်ကာပူပန်နေသည်။
ဒါမှမဟုတ် သူတော်စင်ပြောသွားသောတစ်ချို့တွေ ရေစက်မရှိတော့ဘူးဆိုသောစကားကြောင့်လား
သူမပဲအတွေးလွန်နေသည်ထင်ပါရဲ့..။ စိမ်းသက်ပြင်းကိုသာ ခိုးရိူက်လိုက်မိပြီး..
"ဒါနဲ့သိင်္ခါစဝ်နဲ့ပတ်သတ်ပြီး နင့်စိတ်ထဲတစ်ခုခု မထူးခြားလာဘူးလား ကမ္ဘာ"
"နိုး.. ငါကသိင်္ခါစဝ်မဟုတ်နိုင်တာ ကျိန်းသေသလောက်ဖြစ်နေပြီ "
"ပြောလို့မရသေးပါဘူးဟာ.. သိင်္ခါစဝ်ကိုအမြန်ရှာတွေ့ရင်ကောင်းမှာပဲ ငါဒါတွေကိုအဆုံးသတ်ပစ်ချင်လှပြီ ငါအရမ်းပင်ပန်းနေပြီ အားလုံးလည်းလက်ပန်းကျနေပြီ "
စိမ်းညည်းညည်းညူညူဆိုတော့ ကမ္ဘာက စိမ်းမျက်နှာလေးကိုသာငေးကြည့်ရင်း သက်ပြင်းချလိုက်သည်။ အတန်ကြာတိတ်ဆိတ်သွားပြီးနောက်တွင်တော့.
"စိမ်း..."
"ဟင်.."
"ငါနင့်ကို သိပ်ချစ်တယ်"
ရုတ်တရက်ကောက်ခါငင်ခါဆိုလိုက်သော ကမ္ဘာကြောင့် စိမ်းအံ့သြကာကြောင်သွား၏။ ကမ္ဘာကဆွေးဆွေးမြေ့မြေ့လေး ပြုံးလိုက်ရင်းနှင့်..
"ငါ့စိတ်ထဲမှာဒီစကားပြောချင်လာလို့ပါ နင်စိတ်အနှောင့်အယှက်ဖြစ်သွားရင် တကယ်ဆောရီးပါ.."
"ရပါတယ်ဘာမှမဖြစ်ပါဘူး ရုတ်တရက်ဆိုတော့ ငါကြောင်သွားတာပါ.."
"ငါဒီစကားကိုနင့်ကိုထပ်မပြောရသေးခင်မှာ နင်နဲ့ဝေးသွားမှာကိုသိပ်စိုးရိမ်မိတယ် စိမ်း.."
"နင့်စကားကလဲဟာ . ဘာအဓိပ္ပာယ်ရောက်နေပြီလဲ"
စိမ်းကအလိုမကျဟန်ဆိုလိုက်သည့်တိုင် ကမ္ဘာကအပြုံးမပျက်ပင်..
"ငါတကယ်ပြောနေတာစိမ်း အကြောင့်ကြောင်းငါတို့ဝေးရမယ်ဆိုရင်တောင် ငါနင့်ကိုဘယ်လောက်ချစ်တဲ့ အကြောင်းကိုတော့ပြောပြသွားချင်တယ်.."
"တော်ပြီကမ္ဘာ နမိတ်မရှိတဲ့စကားတွေမပြောနဲ့ ငါမကြိုက်ဘူး "
စိမ်းကထပ်မံဟန့်တားလိုက်တော့ ကမ္ဘာသက်ပြင်းချလိုက်ပြီး..
"အချစ်ဆိုတာ ဘယ်လိုမှလိုက်မမှီအောင်ထူးဆန်းတယ် မချစ်နဲ့လို့တားလိုက်တိုင်း ပိုပြီးချစ်လာတယ် နာကျင်နေရတယ် ရင်ထဲနင့်နင့်သည်းသည်းကို ဒါပေမယ့်ရပ်တန့်ပစ်ဖို့ကို မစဉ်းစားဘူး ဆုပ်ကိုင်လေပိုခံစားရလေဖြစ်ပေမယ့် စွန့်ပစ်ဖို့ကိုမတွေးမိဘူး နောက်ဆုံးအဲ့ဒီလိုခံစားနာကျင်နေရတာကိုပဲ အမြတ်တနိုးသိမ်းထားမိပြန်တယ် တစ်ချိန်လုံးနာကျင်နေရတာကိုပဲ နှစ်သက်မိပြန်တယ်စိမ်း.. တစ်စုံတစ်ယောက်က ဒါကိုရူးသွပ်တယ်လို့ပြောလိမ့်မယ် ဒါပေမယ့် ငါကသူ့ကိုပြန်ပြောပစ်မှာ မင်းမှတကယ်မချစ်တတ်တာလို့ တကယ်ချစ်ခဲ့ရင် သူနဲ့ပတ်သတ်တဲ့အရာအားလုံးက ရူးပစ်ချင်စရာကောင်းအောင် မြတ်နိုးချင်စရာပဲလေ"
"ကမ္ဘာရယ်... ငါတောင်းပန်ပါတယ်...ငါ.."
"မလိုပါဘူး ငါနင့်ကိုနားလည်ပါတယ်စိမ်း ငါနင့်ကိုချစ်သလိုနင်လည်း လူတစ်ယောက်ကိုချစ်နေတဲ့အတွက် ငါပိုပြီးနားလည်ပေးနိုင်ပါတယ် နင်လည်းငါ့လိုပဲသူ့ကိုစွန့်လွတ်ဖို့ သိပ်ခက်ခဲမှာပဲလေ ငါတို့အချစ်တွေကဆုံမှတ်မတူပေမယ့် ဦးတည်ချက်တွေကတူနေပါတယ် "
ထို့နောက် ကမ္ဘာကစိမ်းမျက်နှာကို မြတ်နိုးစွာပင် အတန်ကြာအောင်စိုက်ကြည့်နေတော့သည်။ စိမ်းနေရခက်စွာမျက်နှာလွဲလိုက်တော့ သူတစ်ချက်ပြုံးလိုက်ပြန်ရင်း..
"နင်ငါ့ကိုပြန်မချစ်နိုင်တာ နင်မှန်ပါတယ်စိမ်း ပြီးတော့နင့်ကိုမချစ်တဲ့လူတစ်ယောက်ကို နင်ချစ်နေတာလည်းနင်မမှားဘူး စိမ်း မပိုင်ဆိုင်ရမှန်းသိပေမယ့်မစွန့်လွတ်ဘဲ လူတစ်ယောက်ကိုပေးဆပ်ချစ်နေတဲ့အချစ်က အဖြူစင်ဆုံးပါ "
"နင်ဒီနေ့ထူးဆန်းနေတယ် ကမ္ဘာ "
"ဟုတ်မှာပါ ငါလည်းဒီနေ့မှနင့်ကိုဒီစကားတွေ အရမ်းပြောချင်နေတဲ့စိတ်ဖြစ်မိတယ် ငါမပြောလိုက်ရရင် စိတ်ဖြောင့်နိုင်မှာမဟုတ်ဘူး အခုတော့ငါစိတ်ပေါ့သွားပြီ"
"လုပ်ပြီ... နင့်စကားကလည်း.."
စိမ်းကအလိုမကျဟန်ဖြင့် မျက်စောင်းထိုးလိုက်တော့ ကမ္ဘာပေါ့ပေါ့ပါးပါးပင်ရယ်လိုက်ရင်း..
"ဘာဘဲဖြစ်ဖြစ် နင့်အချစ်ဆုံးသူငယ်ချင်းတစ်ယောက် ဖြစ်နေရတာလည်းမဆိုးပါဘူး ကျေနပ်ပါတယ် နင့်ကိုမရလည်းနင့်သမီးလေးကျမှ ချိန်ပစ်မယ်.."
"ကောင်စုတ်.. သေတော့မယ်နင်တော့.."
စိမ်းကစိတ်တိုတိုနှင့် ကမ္ဘာကိုထုရိုက်ပစ်လိုက်တော့ ကမ္ဘာကတဟားဟားအော်ရယ်ပြီး ပြေးထွက်သွားသည်။ အခိုက်အတန့်လေးတစ်ခုတော့... ရယ်သံတွေပျံ့လွင့်ခဲ့ပါရဲ့...
တစ်ခါတစ်လေကိုယ်စီချစ်ခြင်းတွေကလည်း အပြစ်ကင်းစင်တတ်သည်မဟုတ်လား...........
........................ ................................
"အချိန်က.. ၃ပတ်ပဲကျန်တယ် အခုထိဘာမှမထူးခြားသေးဘူး ဘယ်လိုလုပ်ကြမလဲ.."
ကောင်းကင်ကစိတ်ပျက်လက်ပျက် ညည်းလိုက်၏။ ဈာန်ကပါ စိတ်ဓာတ်ကျလာပုံရသည်။ လေပူကို မူတ်ထုတ်လိုက်ရင်း..
"ဘာတွေမှားယွင်းနေလဲမသိဘူး သိင်္ခါစဝ်ကိုရှာမတွေ့ဘူး.."
"သူတော်စင်ပြောတဲ့အတိုင်း သူနဲ့သက်ဆိုင်တဲ့နေရာတွေမှာလည်းသွားခဲ့တယ် ဘာမှဖြစ်မလာဘူး တကယ်ဒီအတိုင်း နောက်ထပ်လပြည့်ရောက်ဖို့ကို စောင့်နေရမလားမသိတော့ဘူး.."
ပြောရင်းကောင်းကင်စိတ်တိုလာပုံရသည်။ အသံပင်မာလာတော့သည်။ နက်ရှိုင်းနှင့်ကမ္ဘာက ဘာမှဝင်မပြော။ စေတန်လည်း ငြိမ်သက်နေသည်။ သူကိုယ်တိုင်ကလည်း ပြောစရာစကား မရှိတာလည်းဖြစ်မည်။ ဒါမှမဟုတ တစ်ခုခုတွေးနေသည်လည်း ဖြစ်နိုင်သည်။
ရာဇက သက်ပြင်းရှည်ကြီးချလိုက်ကာ...
"ကျုပ်အထင် မောင်ရင်တို့ရှာမတွေ့နိုင်တာ မောင်ရင်တို့နှလုံးသားကမငြိမ်းချမ်းဘူးဖြစ်နေလို့ပါ ရှာဖွေလိုစိတ်နဲ့ပူလောင်နေတယ် အလိုရမ္မက်စိတ်တွေ ပြင်းထန်နေတော့ ငြိမ်းချမ်းတဲ့သိင်္ခါစဝ်နှလုံးသားက နိုးမထလာနိုင်ဘူးထင်တယ် "
"ဟုတ်မှာပါ သိင်္ခါစဝ်ကိုရှာဖွေတဲ့အခါ စိတ်တွေမငြိမ်တော့မအေးချမ်းတာအမှန်ပါပဲဗျာ ဒီအတိုင်းသာဆက်သွားနေရင် ကြာဖြူကျိန်စာအောက်မှာ လည်စင်းပေးရုံပဲကျန်မယ်ထင်တယ်.."
ဈာန်ကညည်းညူလိုက်သည်။ နက်ရှိုင်းကသူနှင့်မသက်ဆိုင်သည့်အလား ငြိမ်သက်နေပြီးမှ တစ်စုံတစ်ရာကိုသတိရလိုက်ဟန်ဖြင့်..
"ဒါနဲ့ ကျွန်တော်တို့မြို့တော်ထဲစရောက်ခါစက ဦးရာဇဘုရင့်ဗိမ္မာန်တော်ကိုခေါ်သွားဖူးတယ်လေ ကျွန်တော်မှတ်မိသမျှပြောရရင် အဲ့ဒီတုန်းကဦးရာဇပြောသွားသေးတယ် ဘုရင့်ရုပ်ကလပ်တော်ထဲမှာ ကျိန်စာပျက်ပျယ်စေမယ့် ပစ္စည်းတစ်ခုခုသိမ်းထားတယ်ဆိုလားပဲ.."
နက်ရှိုင်းစကားကြားမှ သူတို့အားလုံး ဘုရင့်ဗိမ္မာန်တော်ထဲဝင်ခဲ့သည့်အဖြစ်ကို သတိရလိုက်သည်။ ကြည့်စမ်း.. သူတို့အမူမဲ့အမှတ်မဲ့နှင့်မေ့နေခဲ့သည်ပဲ..
ဒါကလည်း သိင်္ခါစဝ်ကိစ္စနှင့်အခြားကိစ္စတွေ ရူပ်ထွေးနေ၍ပင်။ ဦးရာဇကထိုအခါမှ ခေါင်းတညိတ်ညိတ်နှင့်..
"ဒဏ္ဍာရီအရတော့ဟုတ်တယ် ဒါပေမယ့်ဒါက အမှန်လို့လည်းပြောလို့မရဘူး ဘယ်သူ့မှဘုရင့်ရုပ်ကလပ်နားကပ်လို့မရခဲ့ဘူး အထဲမှာဘာရှိတယ်ဆိုတာ သေချာတဲ့ဒဏ္ဍာရီတော့မရှိဘူး ဒါကြောင့်စွန့်စားပြီးယူဖို့က အသက်တစ်ခုရင်းရမှာ သိပ်တန်ကြေးများလွန်းတယ်"
"စေတန် မင်းရောမှတ်မိလား.."
ကောင်းကင်ကစေတန်ကိုဦးတည်ပြီး ရုတ်တရက်မေးလိုက်သည်။ စေတန်က စိတ်ရူပ်ထွေးနေပုံရ၏။ တွေဝေနေရင်းမှ..
"ဘုရင့်ဗိမ္မာန်တော် ဟုတ်လား.."
"ဟုတ်တယ် အဲ့ဒီအကြောင်းအရာနဲ့ပတ်သတ်ပြီး မင်းမမှတ်မိဘူးလား.."
"ငါသေချာမပြောတတ်ဘူး.."
စေတန်တကယ်ကိုပင် ရူပ်ထွေးစွာဆိုလိုက်၏။ ဘုရင့်ဗိမ္မာန်သို့ဝင်ရောက်ခဲ့သည့်နေ့က စေတန်မရှိခဲ့ဘူးမဟုတ်လား...
ထို့ပြင်ပဒုမ္မာရီမြို့တော်နှင့်ပတ်သတ်၍ သူမှတ်ဉာဏ်အချို့တွေရခဲ့ပေမယ့် အချို့တွေကဝေဝါးနေဆဲ။ အထူးသဖြင့် သူသေဆုံးစေခဲ့သည့်နေရာတစ်ခုကို မေ့လျော့နေခဲ့မိသည်။
ယခုတော့သူ့ဦးနှောက်ထဲတွင့် ဘုရင့်ဗိမ္မာန်တော်ဆိုသည့်စကားက ထိုးဖောက်ဝင်လာပြီး နှလုံးသားကို လူပ်ခတ်သွားတော့၏။ သူ့မျက်ဝန်းထဲတွင်လည်းပုံရိပ်အချို့က ပေါ်လိုက်ပျောက်လိုက်နှင့်....
သူသေချာတော့မဖမ်းဆုပ်မိသေးပါ။ သို့သော်ဘုရင့်ဗိမ္မာန်တော်ဆိုသည်ကိုတော့ သူအလွန်စိတ်ရောက်သွားမိသည်။ ဈာန်က စေတန်မျက်နှာကို အကဲခတ်လိုက်ရင်းနှင့်...
"ဘုရင့်ဗိမ္မာန်တော်က အရှင်သိဒ္ဓိနက္ခတ်မင်းရဲ့အဆုံးသတ်နေရာတစ်ခုပဲ ခင်ဗျားတစ်ခုခုတွေးမိတာမျိုး မရှိဘူးလားစေတန် ဘုရင်ဘဝရဲ့နောက်ဆုံးထွက်သက်မှာ ခင်ဗျားသေချာပေါက်တစ်ခုခုတော့ ချန်ထားခဲ့မှာပါ.."
"ဟုတ်တယ် ဒဏ္ဍာရီစကားတွေကမှန်မယ်ထင်တယ် ရုပ်ကလပ်တော်မှာပစ္စည်းတစ်ခုကို ငါချန်ထားခဲ့တယ် ဒါပေမယ့်ဘာမှန်းသေချာဖမ်းမရဘူး ဘုရင့်ဗိမ္မာန်တော်ထဲဝင်ပြီး ငါ့ကိုငါပြန်ရှာဖွေရင်တော့ အဖြေတစ်ခုရမယ်ထင်တယ်.."
"အဲ့ဒီ့ရုပ်ကလပ်တော်မှာရှိတဲ့ပစ္စည်းဟာ တကယ်ပဲကျိန်စာကိုပျက်ပျယ်နိုင်မှာလား ဒါဆိုငါတို့ ကျောက်စာဖတ်ဖို့ သိင်္ခါစဝ်ကိုရောလိုအပ်သေးရဲ့လား.."
နက်ရှိုင်းကဝင်မေးလိုက်၏။ စေတန်က နက်နက်နဲနဲစဉ်းစားနေရင်းမှ ခေါင်းကိုခါယမ်းလိုက်ပြီး..
"မဟုတ်ဘူး နက်ရှိုင်း ကျိန်စာပျက်ပျယ်မယ့်နည်းလမ်းက ကျောက်စာမှာပဲရေးထွင်းထားတယ် အဲ့ဒီ့ကျောက်စာဖတ်ဖို့ သိင်္ခါစဝ်ကလိုကိုလိုအပ်တယ် ဘုရင့်ရုပ်ကလပ်တော်ထဲကပစ္စည်းဆိုတာ ကျိန်စာကိုပျက်ပျယ်အောင်လုပ်ပစ်နိုင်တယ် ဒါပေမယ့်နည်းလမ်းမသိရင် ငါတို့ဘယ်လိုကျိန်စာပျယ်အောင် လုပ်မလဲဆိုတာမသိနိုင်ဘူး "
"ဘယ်လိုပဲဖြစ်ဖြစ် နောက်ဆုံးတော့သိင်္ခါစဝ်က သေချာပြန်ရှင်သန်မှဖြစ်မှာပါ ဖျက်ဆီးပစ်နိုင်တဲ့ လက်နက်ရှိပြီး နည်းလမ်းမသိရင်လည်း ဘာမှလုပ်လို့ရမှာမဟုတ်ဘူး.."
စိမ်းစိတ်မသက်သာဟန်ဖြင့်ဆိုလိုက်သည်။ ကမ္ဘာက
"သိင်္ခါစဝ်ကိုရှာလို့မရသေးမယ့်အတူ ငါတို့ဘုရင့်ဗိမ္မာန်တော်ထဲဝင်ပြီး ဘုရင့်ရုပ်ကလပ်တော်ကပစ္စည်းကို အရင်ယူသင့်တယ်ထင်တယ် ပစ္စည်းအသင့်ရှိထားတော့ နည်းလမ်းကိုသိတဲ့အချိန်ကျ ပိုလွယ်ကူသွားမယ်"
"ကျွန်တော်လည်းထောက်ခံပါတယ် မတော်တဆ အဲ့ဒီ့ပစ္စည်းလက်ထဲရောက်လာခဲ့ရင် ကျွန်တော်တို့သိင်္ခါစဝ်ကို ရရင်လည်းရသွားနိုင်တယ် ပြီးတော့ကျိန်စာပျက်ပျက်ဖို့ ဆက်စပ်တဲ့အရာတွေဟာ တစ်ခုရရင်တစ်ခုလည်း အလိုလိုရောက်လာတတ်တယ်ဆိုတဲ့ သီအိုရီတွေဖတ်ဖူးတယ်.. ဒါဖြစ်နိုင်ချေရှိပါတယ်.."
ဈာန်ဝင်ထောက်ခံလိုက်တော့ စေတန်ခေါင်းတစ်ချက်ညိတ်လိုက်ပြီးနောက်..
"ငါလည်းဗိမ္မာန်တော်ထဲဝင်ဖို့ ဆုံးဖြတ်ထားတယ် အခုစိတ်တွေရူပ်ထွေးလို့ သေချာဘာမှတွေးမရပေမယ့် ဗိမ္မာန်တော်ထဲရောက်ရင် ငါနဲ့ပတ်သတ်ခဲ့တဲ့အတိတ်ကို မှတ်မိမယ်လို့ယုံကြည်တယ် ငါတို့ဗိမ္မာန်တော်ထဲ အမြန်ဆုံးဝင်ဖို့လိုအပ်တယ် "
"ဒါဆိုရင်မနက်ဖြန်ဝင်ကြတာပေါ့ အခုတော့အချိန်မရှိတော့ဘူး မောင်ရင်တို့လိုအပ်တာပြင်ဆင်ကြပါ ဘုရင့်ဗိမ္မာန်တော်ဟာ ပထမတစ်ခေါက်ဝင်တုန်းကလို အန္တာရယ်ကင်းချင်မှကင်းပါလိမ့်မယ် ဒီဗိမ္မာန်တော်ကို တည်ဆောက်ခဲ့တဲ့ဘုရင်ပါခဲ့ရင်တောင်မှပေါ့.. နှစ်ရာချီကြာနေတဲ့ တချို့ယန္တားရားအတတ်ပညာတွေက ကျုပ်တို့ကိုပြန်ချိန်းခြောက်နိုင်တယ်.."
ဦးရာဇစကားကထူးဆန်းသလို ရူပ်ထွေးလှသည်။ သို့သော် တကယ်လည်းအထဲဝင်ဖို့က ဦးရာဇပြောသကဲ့သို့အန္တာရယ်ရှိနိုင်သည်။
အချိန်ကလည်းနေစောင်းပြီမို့ မနက်ကျမှဂူဗိမ္မာန်ထဲဝင်ရန် သူတို့သဘောတူလိုက်၏။ ထို့နောက် တစ်ညတာကို ကိုယ်စီစိတ်လူပ်ရှားစွာ ဖြတ်သန်းခဲ့သည်။
အထူးသဖြင့်...... စေတန်..
လွန်ခဲ့သည့်နှစ်သုံးရာက သူသေဆုံးခဲ့သည့်နေရာသို့ပြန်သွားပြီး သူ့ရုပ်ကလပ်တော်နှင့်ပြန်ဆုံဆည်းရမယ့်အဖြစ်က နည်းနည်းတော့ရင်ခုန်စိတ်လူပ်ရှားဖို့ ကောင်းပါသည်။
သို့သော် ကြေကွဲစရာဖြစ်ရပ်လေးတစ်ခုသည်လည်း ဖြစ်လာမည်ကိုကြိုမသိနိုင်လေတော့............။
ဘုရင်မင်းမြတ် ဂူဗိမ္မာန်တော်...
သူတို့ဒုတိယအကြိမ် ပြန်ရောက်ခဲ့ချေပြီ....
စေတန် ဈာန် နက်ရှိုင်း ကောင်းကင် ကမ္ဘာ
ပြီးတော့.... စိမ်းနှင့်ဦးရာဇ...
ခရာကနေခဲ့သလို ထုံးစံအတိုင်း ဦးလုံထန်းလည်းအစောင့်ကျန်ခဲ့သည်။ ပထမတစ်ခါရောက်ဖူးပြီးသားဖြစ်သည့်တိုင် ဂူဗိမ္မာန်တော်အတွင်းကာ သူတို့အတွက် မြင်မြင်သမျှခမ်းနားထည်ဝါနေဆဲပင်...
သူတို့အားလုံး ဘုရင့်ရုပ်ကလပ်တော်ရှိသည့်အခန်းသို့ ရောက်သွားချိန်တွင်လည်း အခန်းတွင်းရှိအရာအားလုံးကာ အံ့သြမှင်သက်နေရဆဲ..
"မောင်ရင် ဘုရင့်ရုပ်ကလပ်တော်နဲ့ပတ်သတ်ပြီး တစ်ခုခုမှတ်မိတာမျိုးရှိလား.."
ဦးရာဇကစေတန်ကိုကြည့်ပြီး မေးလိုက်၏။ စေတန်ကချက်ချင်းမဖြေပါ။ နံရံတောင့်က ရေကန်ကြီးအလယ်ရှိ ရုပ်ကလပ်တော်ကိုသာ အတန်ကြာအောင် စူးစိုက်ကြည့်နေရင်းမှ...
"ကျွန်တော် တချို့ဟာတွေမှတ်မိပါတယ် ဒါပေမယ့်အကုန်လုံးတော့ ဖမ်းဆုပ်လို့မရသေးဘူး"
"ဒီရုပ်ကလပ်တော်ဆီ ဘယ်လိုသွားရမှာလဲဆိုတာရော သိလား"
ကောင်းကင်ကဝင်မေးလိုက်ပြန်၏။ စေတန်က သက်ပြင်းချလိုက်ရင်းနှင့်
"ကြိုးစားကြည့်ရမှာပဲ.."
စေတန်အဖြေကမတင်မကျမို့ ဈာန်အလိုမကျစွာပင်..
"စေတန် ခင်ဗျားသေချာမှလုပ်စေချင်တယ် မဟုတ်ရင် ခင်ဗျားလုပ်ထားတဲ့ထောင်ချောက်က ခင်ဗျားကိုပြန်သတ်လိမ့်မယ်.."
စေတန်ဘာမှမတုန့်ပြန်ပါ။ ရုပ်ကလပ်တော်ကိုသာ ငေးစိုက်ကြည့်ရင်း ရင်ဘတ်တွေကစူးခနဲ့နာကျင်နေသည်။ ဒါနှစ်သုံးရာက သူ့သေခြင်းတရားအမှတ်အသားတစ်ခုတဲ့လား..
နာကျင်စရာပုံရိပ်အချို့က ဖျတ်ခနဲ့ ဖျတ်ခနဲ့ မျက်ဝန်းတွေပေါ်လာပြီးနောက် သူ့စိတ်ကို နာကျင်ရူပ်ထွေးစေသည်။ သူဘာမှအာရုံမရသဖြင့်..
"ငါ့စိတ်တွေပူလောင်ရူပ်ထွေးနေတယ် နာကျင်မူတွေပဲခံစားနေရတယ် ငါဘာမှတွေးမရဘူးဖြစ်နေတယ် စိတ်ငြိမ်အောင်ငါတရားထိုင်ဖို့လိုတယ် ဒါကြောင့် ခဏလောက်ဖြစ်ဖြစ် တိတ်ဆိတ်ပေးပါ.."
ထိုမျှသာပြောပြီး စေတန်က သူတို့အိပ်ခဲ့သည့်ကျောက်ဖျားဆီသို့သွားကာ တရားထိုင်ပြီး စိတ်ငြိမ်သက်ဖို့ကြိုးစားတော့သည်။ သူတို့အားလုံးလည်း စကားတစ်ခွန်းမှမဆိုတော့ဘဲ တိတ်ဆိတ်နေပေးလိုက်၏။
ဈာန်ကအခန်းပတ်လည်ရှိ စက်ယန္တားရားနှင့်သက်ဆိုင်သည့်စာအုပ်များကို မက်မက်မောမောပင်လိုက်ကြည့်နေမိသည်။ စေတန်ခွင့်ပြုလျှင် သူဒီစာအုပ်အချို့တွေယူသွားပြီးလေ့လာချင်ပါရဲ့.။
အကယ်၍ ဘုရင်မင်းမြတ်၏လျှို့ဝှက်ထောင်ချောက်တွေကို စေတန်ပြန်မှတ်မိခဲ့ရင်ဆိုပါတော့..
စေတန်တရားထိုင်နေသည်မှာ အတော်လေးကြာသွားပါသည်။ နှစ်နာရီကျော်လာတော့ တိတ်ဆိတ်စွာစောင့်နေသည့် သူတို့ငိုက်ပင်ငိုက်ချင်လာ၏။
ဆိတ်ငြိမ်သည့်အသိတရားထဲ နစ်မြှပ်သွားသည့်စေတန်မှာတော့ လွန်လေပြီးသော နှစ်သုံးရာ၏ပုံရိပ်နောက် ပြေးလွှားဖမ်းဆုပ်နေတော့သည်။
ဘုရင့်ဗိမ္မာန်တော်အတွင်းမှာ ကြီးကျယ်ခမ်းနားပါသည်ဟုဆိုသော ဘုရင်တစ်ယောက်၏အထီးကျန်မူနှင့် နာကျင်မူတွေ...
ပြီးတော့ နှိပ်စက်နေခဲ့သည့်နောင်တတွေ..
သူနာနာကျင်ကျင် ငိုကြွေးခဲ့သည်..
နောင်တတွေနှင့် ပူလောင်လွန်းမက ပူလောင်လွန်းနေခဲ့သည်။ သေလုနီးပါးဒဏ်ရာရခဲ့သည့်တိုင် အမှန်ကာ ဘုရင်သည်မသေဆုံးခဲ့ပါ။ ဘုရင်တတ်မြောက်ထားသည့်ပညာရပ်ထဲမှာ ဒဏ်ရာကိုကုသနိုင်သည့် နည်းလမ်းတွေရှိနေခဲ့သည် မဟုတ်လား။
သို့သော်အဆုံးသတ်တွင်တော့ ဘုရင်မင်းမြတ်သည် သေဆုံးဖို့ကိုရွေးချယ်လိုက်လေ၏။ သူ့လက်ထဲတွင်ရှိနေသည်က ဓါးတစ်ချောင်း...
ထိုဓါးသည် စိမ်းမိဖုရား သူ့ကိုယ်ထဲသို့ထိုးစိုက်ကာ ဒဏ်ရာသင့်စေသော ဓါးပင်ဖြစ်သည်။ ထိုဓါးနှင့်သူကိုယ်တိုင်ကလည်း စိမ်းမိဖုရား၏သွေးတို့စွန်းစေခဲ့သည်။
ဘုရင်သည် ထိုဓါးကိုကောက်ကိုင်ပြီးနောက် စကားတစ်ခွန်းကို လေးနက်စွာသစ္စာတိုင်တည်ဆိုလိုက်လေသည်။
"ငါဘုရင်၏အသိဉာဏ်ကင်းမဲ့မူ မဆင်ခြင်မူကြောင့် အရာအားလုံး ပျက်ဆီးခြင်းလတ္တံတို့ဖြစ်ချေပြီ.. ငါသည် ဤကျွန်းကို အစိုးရသောဘုရင်တစ်ပါးဖြစ်သော်လည်း မိုက်မဲမူကြောင့် တိုင်းပြည်ပျက်သုဉ်းသွားသကဲ့သို့ ပြည်သူတို့၏အသက်ကိုလည်း မကယ်နိုင်တော့ချေ.. ငါသည် ငါ့တိုင်းပြည်နှင့်လူမျိုးအပေါ် အပြစ်ကြွေးတင်ခဲ့ချေပြီ ငါချစ်သောမင်းသမီးအပေါ်တွင်လည်း ခွင့်မလွတ်နိုင်သောရက်စက်ခြင်းတို့ပြုမူလျက် အပြစ်ကျူးလွန်ခဲ့ပြန်သည် တိုင်းပြည်နှင့်ငါကိုယ်တော် ပျက်ဆီးသွားသော်လည်း မင်းသမီးငယ်၏အငြိုးနှင့်အမုန်းကာ နှောင်နစ်ပေါင်းရာချီအောင် တည်တံ့နေမည်ကိုငါသိလေခဲ့ပြီ ထို့ကြောင့် ငါ၏အပြစ်ကြွေးတွေအတွက် ငါ၏နှလုံးသွေးဖြင့် ပြန်ပေးဆပ်ကာဆေးကြောပါမည် ဤပျက်ဆီးခြင်း၏တရားခံ စိမ်းမိဖုရား၏သွေးစွန်းခဲ့သော ဓါးနှင့်ပင် ငါ့နှလုံးသွေးကိုဖောက်လျက် ငါ့ပြစ်ကြွေးအတွက် ငါ့ရှင်သန်ခြင်းကိုအဆုံးသတ်ပါမည်.."
ဘုရင်သည်ဓါးကိုကောက်ကိုင်လိုက်ပြီးနောက် နောက်ဆုံးအကြိမ်အဖြစ် ကိုးကွယ်ယုံကြည်ရာ နတ်မင်းတို့ကိုတိုင်တည်ကာ ဆုတောင်းလိုက်လေ၏။
"ငါသည်ငါ့အပြစ်ကြွေးအတွက် မိမိကိုယ်ကိုအဆုံးသတ်ခဲ့သည့်တိုင် ငါ့ပြုခဲ့သောဝဋ်ကြောင့် ဤနေရာသို့ ပြန်ပေးဆပ်ရန် မလွဲမသွေ ပြန်လာခဲ့ရမည် ထိုအခါတွင် စိမ်းမိဖုရား၏သွေးစွန်းပြီး ငါ့နှလုံးသွေးကို သောက်သုံးခဲ့သောဤဓါးသည် ကြာဖြူမင်းသမီး၏အမုန်းကျိန်စာကို အဆုံးသတ်ကို ခေါ်ဆောင်သွားစေသတည်း ဤဓါးပေါ်ရှိအပြစ်ရှိသူ၏သွေးတို့သည် နှစ်ပေါင်းမည်မျှကြာသော်လည်း မပျက်မယွင်းရှိစေသော်ဝ် ဤသွေးတို့ဖြင့် ဤမြို့တော်၏ကျိန်စာဆိုးကို ပျက်ပျယ်စေကာ လွတ်မြောက်ခြင်းတို့ကို တဖန်ပြန်၍ယူဆောင်လာစေ ငါဘုရင်၏စကားကို နတ်မင်းအပေါင်းတို့ ကြားစေသတည်း.."
ထို့နောက်ဘုရင်သည် ဓါးကိုမြောက်ကာသူ၏နှလုံးသားထဲထိတိုင် နက်ရှိုင်းစွာထိုးစိုက်လိုက်လေ၏။ သို့နှင့်ဓါးတန်းလန်းနှင့်ပင် အားတင်းထလိုက်ပြီး ဒယီဒယိုင်ခြေလှမ်းတို့က သူ၏ရုပ်ကလပ်တော်သို့ ဦးတည်သွားလိုက်သည်။ သူမသေဆုံးခင်ကျန်ရှိသေးသည့် အမြင့်မားဆုံးသောအတတ်ပညာဖြင့် ဤရုပ်ကလပ်တော်ကို အဆင်သင့်တည်ဆောက်ပြီးခဲ့ပြီ မဟုတ်လား။
နာကျင်မူကနှလုံးသားထဲနက်ရှိုင်းစွာ စီးဝင်ချေပြီ။ မကြာလိုက်ပါ.. ရုပ်ကလပ်တော်ထဲလဲပြီးသည့်နောက်တွင်တော့ သူ၏သေခြင်းတရားသည်လည်း.....
"ဟင်.."
တစ်စုံတစ်ရာပုတ်နိုးလိုက်သကဲ့သို့ စေတန်ဖျတ်ခနဲ့သတိရလာ၏။ မသိစိတ်တွေထဲ လွင့်မျောသွားပြီးနောက် ဖမ်းဆုပ်ခဲ့မိသည့်ပုံရိပ်တွေကြားမှာ သူဘယ်လောက်နစ်မြောသွားသည် မသိလိုက်ပါ။
သေချာသည်က နှလုံးသားကိုဓါးစိုက်ရင်းတန်းလန်း သေဆုံးသွားသည့်ဘုရင်၏နာကျင်မူသည် သူ့ကိုပါ ကူးစက်နာကျင်စေခဲ့ပြီဖြစ်သည်။ သူ့ရင်တွေကဓါးစိုက်ထားသကဲ့သို့ပင် စူးစူးနင့်နင့်နာကျင်နေတော့၏။
"စေတန်..နင်အဆင်ပြေရဲ့လား.."
စိမ်းကစိုးရိမ်တကြီးမေးလိုက်တော့မှ စေတန်ပစ္စုပ္ပန်ကိုသတိထားမိပြီး..
"ငါအားလုံးကိုသတိရပြီ.."
"တော်ပါသေးရဲ့ မင်းထိုင်နေတာအတော်ကြာလို့ ငါတို့တောင်တရေးရနေပြီ."
"ဟုတ်ပါ့ ငါလည်းငိုက်နေတာ .."
ကမ္ဘာကဝင်နှောက်လိုက်သလို ကောင်းကင်ကလည်း ထောက်ခံရှာသည်။ စေတန်ကပြုံးရုံသာပြုံးပြီး ဘာမှမတုန့်ပြန်ပါ။ ထို့နောက် ကျောက်ဖျားပေါ်မှဆင်းလိုက်ပြီး ရုပ်ကလပ်တော်ရှိရာသွားရန်ပြင်တော့ ဈာန်က
"ဘာလုပ်မလို့လဲ စေတန်.."
"ရုပ်ကလောက်တော်ဆီသွားမလို့ အဲ့ဒီ့ရုပ်ကလပ်တော်ထဲမှာ ဘုရင့်နှလုံးသားကို နှစ်သုံးရာတိတိထိုးစိုက်ထားတဲ့ဓါးရှိတယ် အဲ့ဒီ့ဓါးဟာကျိန်စာတွေအားလုံးကို ဖျက်ဆီးပေးလိမ့်မယ်.."
"ဟင်.."
"ဘယ်လို.."
သူတို့တအံ့တသြဖြစ်သွားစဉ် စေတန်ကတော့တည်ငြိမ်စွာပင် ရုပ်ကလပ်တော်နားသို့တိုးကပ်သွားရာ စိမ်းမနေသာတော့ဘဲ စိတ်ပူစွာဆိုလိုက်၏။
"စေတန် နင်တကယ်သေချာရဲ့လား နင်တစ်ခုခုမှားယွင်းသွားရင် နင်သေလိမ့်မယ်သိလား နင်လုပ်ထားတဲ့ထောက်ချောက်တွေက နင့်ကိုလည်းသက်ညှာမှာမဟုတ်ဘူး.."
"ဟုတ်တယ်မောင်ရင် ရေကန်အလယ်ကရုပ်ကလပ်တော်ဆီ မောင်ရင်ဘယ်လိုသွားမှာလဲ အဲ့ဒီရေကန်ထဲမှာ ရုပ်ကလပ်တော်ဆီသွားဖို့ကြိုးစားခဲ့တဲ့ လူပေါင်းများစွာရဲ့အရိုးစုတွေရှိတယ်.."
ဦးရာဇကပါဆိုတော့ စေတန်တစ်ချက်ပြုံးလိုက်ပြီး
"စိတ်မပူပါနဲ့ ကျွန်တော်ဒါတွေတည်ဆောက်ခဲ့တာပါ ဒါတွေအားလုံးရဲ့ လျှို့ဝှက်ချက်တွေကိုလည်း သေချာမှတ်မိပါတယ်.."
ထို့နောက် စေတန်သည် ရေကန်ဘောင်တွင်ကပ်ထားသည့် သင်္ကေတတို့မှ အချို့သင်္ကေတတို့ကို တည်ငြိမ်စွာပင် နှိပ်နေတော့သည်။ သူတို့မှာရင်တထိတ်ထိတ်နှင့် စောင့်ကြည့်နေရသည်။
ရူပ်ထွေးသောသင်္ကေတအချို့ကို နှိပ်ပြီးသည့်နောက်တွင်တော့ အံ့သြသင့်ဖွယ်အရာတစ်ခုကို မြင်လိုက်ရလေ၏။ ထိုအရာကာ ရေကန်ထဲတွင် ရေများတဖြည်းဖြည်းခမ်းခြောက်သွားပြီးနောက် လှေကားထစ်တွေပေါ်လာတော့သည်။ ထိုလှေကားထစ်တို့ကာ တံတားပုံစံဖြင့် ရုပ်ကလပ်တော်ရှိရာသို့ ဆက်သွယ်ထားလေရာ..
"ဟင်.."
"ဘုရားရေ..."
စက်ယန္တာရားအတတ်ပညာကာ တကယ်ကိုဆန်းကြယ်လွန်းလှ၏။ နည်းပညာခေတ်လူငယ်ဖြစ်သော သူတို့တွေကိုပင် ပါးစပ်အဟောင်းသားနှင့် မှင်သက်သွားစေခဲ့သည်။
သို့နှင့်စေတန်သည် ထိုလှေကားအတိုင်း ရုပ်ကလပ်တော်ရှိရာသို့ တည်တည်ငြိမ်ငြိမ်ပင် လျှောက်သွားတော့သည်။ လှေကားအဆုံးတွင်တော့ လှပလွန်းသောစိန်အတိနှင့် ဘုရင်၏ရုပ်ကလပ်တော်..
သူ့ရင်တွေဆစ်ခနဲ့နာကျင်သွားပြန်သည် ထင်သည်။ ရုပ်ကလပ်တော်ဘေးမှ ခလုတ်မောင်းတံတစ်ခုကို သူ့လက်ကအလိုလို ဖိနှိပ်ပြီးသားဖြစ်သွား၏။ တကယ်က ဒီလျှို့ဝှက်ထောင်ချောက်ပညာတို့ကို သူအထူးတလည် စဉ်းစားနေဖို့ပင်မလိုပါ။
သူနှင့်ကောင်းစွာရင်းနှီးကျွမ်းကျင်နေသကဲ့သို့ သူ့လက်တွေကမှော်ဆန်စွာပင် အလိုလိုလူပ်ရှားပြီးသားဖြစ်သည်။ ရုပ်ကလပ်တော်အဖုံးဖွင့်လိုက်သည်နှင့် သူနှင့်တစ်ထေရာတည်းတူသော ဘုရင်တစ်ပါး၏အသွင်အပြင်နှင့် ဘုရင်တစ်ပါး၏ရုပ်အလောင်းတော်..
ရင်ဘတ်တွင်တော့ ဓါးစိုက်လျက်တန်းလန်းနှင့်...
အံ့သြစရာကောင်းအောင်ပင် ရင်ဘတ်ကသွေးတို့ကာ စိုထိုင်းလျက်ရှိနေဆဲပင်။
အလောင်းကိုမပုပ်မသိုးအောင် အတတ်ပညာတို့ဖြင့် သေချာစီမံထားခြင်းပင်ဖြစ်သည်။ သို့သော် ပြင်ပလေထိတွေ့လိုက်၍ထင်သည်။
အကောင်းတိုင်းရှိနေသည့် ရုပ်အလောင်းတော်သည် တဖြည်းဖြည်းနှင့်အမူန့်တစ်ခုလို ကြေမွသွားကာ နောက်ဆုံးအရိုးစုတွေသာကျန်ခဲ့လေ၏။ မျက်စိရှေ့မှာတင် ပျက်ဆီးကြွေမွသွားသည့် မိမိ၏ရုပ်အလောင်းကိုမြင်တော့ စိတ်ထဲနေလို့ပင် မကောင်းတော့ချေ။
နာကျင်နေသည့်စိတ်ကို အသိတရားနှင့်ပြန်သုံးသပ်လိုက်ပြီး အရိုးစုကြားထဲကျန်ခဲ့သည့် ဓါးမြောင်းကို ကောက်ယူပြီး ချာခနဲ့ပြန်လှည့်လာလိုက်သည်။ သူဓါးကိုင်ပြီး ပြန်ရောက်လာသည်အထိ အားလုံးက တအံ့တသြနှင့် မှင်သက်စွာရှိနေဆဲ။
"ဒါကကျိန်စာဆိုးတွေကို ဖျက်ဆီးပစ်မယ့်ပစ္စည်းပဲ သိပ်မကြာတော့ပါဘူး အားလုံးကိုအဆုံးသတ်နိုင်တော့မှာပါ.."
စေတန့်စကားကြောင့် သူတို့အားလုံးပြုံးမိသွား၏။ တကယ်ကို စိတ်လက်ပေါ့ပါးစွာပင်။
ကျိန်စာကိုဖျက်ဆီးမည့်လက်နက်ကို ရသွားခဲ့လေပြီ။ ဘယ်လိုဖျက်ဆီးနိုင်သလဲဆိုသည့် နည်းလမ်းအတွက်တော့ သူတို့သိင်္ခါစဝ်ကို ရှာဖွေရဦးမည်။ မည်သို့ပင်ဖြစ်စေ ဘာမှဖြစ်မလာသည်ထက်စာရင် တစ်ခုအတွက်တော့ စိတ်အေးသွားသည်မှာအမှန်ပင်။
သို့သော် သူတို့အပြုံးတွေကြာရှည်မခံလိုက်ပါ။
ရုတ်တရက်မြေကြီးတွေတုန်ခါကာ နံရံတွေအက်လာသဖြင့် အားလုံးအထိတ်တလန့်ဖြစ်သွား၏။ ဈာန်က နားမလည်စွာဖြင့်..
"စေတန်.. ဒါက ဘာဖြစ်သလဲ.."
ထိုအခါမှစေတန်သည် တစ်စုံတစ်ရာကိုအမှတ်ရသွားကာ မျက်နှာပျက်သွားပြီး အထိတ်တလန့်ဖြင့်..
"ဘုရားရေ.. ငါမေ့နေတယ် ဘုရင့်ရုပ်အလောင်းပျက်ဆီးသွားတာနဲ့ ဒီဂူဗိမ္မာန်တော်ကြီးလည်း ပြိုကျပျက်ဆီးသွားလိမ့်မယ်"
"ဟင်.."
"ဒါ..ဒါက ဘာအဓိပ္ပါယ်လဲ စေတန်.."
စိမ်းစကားကို စေတန်မဖြေနိုင်သေးပါ။ မြေကြီးတွေကပို၍တုန်ခါလာကာ နံရံတွေအက်ပြီးပြိုကျလာသဖြင့်
"အရင်ဆုံး ဒီဂူထဲကနေအမြန်ဆုံးထွက်ရအောင် ဒီထက်ပိုပြီးမပြိုကျသေးခင်ထွက်မှဖြစ်မယ် မဟုတ်ရင်အားလုံးပိတ်မိပြီးသေသွားလိမ့်မယ်"
"ဝုန်း.."
ပြောနေရင်းမှာပင် နံရံတွေပြိုကျလာသဖြင့် သူတို့ဘာမှထပ်မဆိုနိုင်တော့ဘဲ သွေးပျက်စွာပင် အမြန်ထွက်လာတော့၏။ သို့သော် စိတ်ရှိတိုင်းလည်း ပြေးလွှား၍မရပါ။
"သတိထားပြေးပါ .. အရှေ့က ယန္တားရားထောင်ချောက်တွေက အလုပ်လုပ်နေတုန်းပဲ မတော်တဆ ခြေချော်လက်ချော်ဖြစ်သွားရင်လည်း သေနိုင်တယ်.."
"ဒုက္ခပါပဲ.. ဘယ်နေရာမှမလွတ်ပါလား."
ကောင်းကင်ကညည်းညူလိုက်၏။ စေတန်ကအားလုံးကို ကြည့်လိုက်ပြီးနောက်..
"အကုန်လုံး ကိုယ်သွားတဲ့အတိုင်းကြည့်ပြီးသွားပါ ကိုယ့်နောက်ထပ်ချပ်မခွာလိုက်ပါ လာ အမြန်သွားရအောင်.."
ထို့နောက် စေတန်ဦးဆောင်ရာနောက်သို့ သူတို့စိတ်လူပ်ရှားစွာပင် အပြေးတပိုင်းလိုက်လာတော့၏။ မြေပြင်ကာ အဆက်မပြတ်တုန်ခါနေဆဲ..
"ဝုန်း...ဝုန်း...ဝုန်း.."
တဝုန်းဝုန်းပြိုကျလာသည့် အဆောက်အဦးကလည်း ပိုပြီးဆိုးဝါးပြင်းထန်လာသည်။ သူတို့နှင့်မထိခိုက်မိစေရန် မနည်းပင်ရှောင်ရှားပြီး သွားနေရ၏။ တကယ်ကို အသက်ကိုဖက်နှင့်ထုပ်နေရသည့်အဖြစ်က သူတို့အားသွေးပျက်တုန်လူပ်စေသည်မှာ ဆိုဖွယ်ရာပင် မရှိတော့ချေ။
အပြေးတပိုင်းထွက်လာရင်း တစ်နေရာအရောက်တွင်တော့ မျှော်လင့်မထားသည့်အဖြစ်ဆိုးတစ်ခု ဖြစ်သွားလေတော့၏။ အပေါ်ကနေတဝုန်းဝုန်းပြိုကျလာသည့် အုတ်အပိုင်းအစတို့ကို အသဲအသန်ရှောင်နေသည့်စိမ်းတစ်ယောက် ခြေချော်လက်ချော်ဖြစ်သွားရင်..
ဝုန်းခနဲ့ပြိုဆင်းလာသည့်တိုင်ကြီးကို ကမန်းကတန်းအရှောင် လူကခြေခေါက်လဲပြိုသွားတော့ အုတ်ပုံတွေနှင့်ရောထွေးပုံကျမသွားအောင် လက်လှမ်းမှီရာတစ်ခုခုကို အသဲအသန်ဆွဲလိုက်မိရာ..
"ကျွီ.."
"ဟင်.."
သူမဆွဲလိုက်သည်က မှောင်းတံတစ်ခု..။ ဘာလိုလုပ်မိလို့ ဘာဖြစ်သွားမှန်းမသိလိုက်ခင်မှာပင် အကောင်းကြီးရှိနေဆဲနံရံတစ်ဖက်မှ အံဝှက်တစ်ခုထွက်လာပြီးနောက်..
ဝှီခနဲ့ပျံထွက်လာသည်က ချွန်ထက်သောလှံတံတစ်ခု။ ထိုလှံက အရှိန်ပြင်းပြင်းနှင့် သူမရှိရာဝဲပျံလာလေရာ ဘယ်လိုမှရှောင်မရစွာ မြန်ဆန်လွန်းနေသဖြင့် မှင်သက်ကာရှိနေခိုက် ..
"စိမ်း သတိထား.."
တကယ်ပါ... တကယ်ကို စက္ကန့်ပိုင်းလေးအတွင်းပါ။ ဖြစ်ပွားသွားသည်မှာ မြန်ဆန်လွန်းသဖြင့် စိမ်းဘာမှမသိလိုက်ပါ။ တစ်စုံတစ်ရာသည် သူမကိုဆောင့်တွန်းပစ်ကာ သူမရှေ့ရောက်လာပြီးနောက်..
"ရှီ..."
"အား..."
သူမသတိထားလိုက်သည့်အချိန်တွင် ကမ္ဘာကသူမအနားတွင် လဲကျနေ၏။ သူ့ရင်ဘတ်တွင်တော့ ချွန်ထက်သော လှံတစ်ခုကထိုးစိုက်လို့...
ထုပ်ချင်းပေါက်သွားသည့်ကျောပြင်တစ်ခုလုံး သွေးတို့ချင်းချင်းနီနေလျက်။ စကားတစ်ခွန်းသာ သူ့နူတ်ခမ်းတို့ကလူပ်ရုံလေးဆိုလိုက်နိုင်၏။ သူ့ရဲ့နောက်ဆုံးစကားဖြစ်မည် ထင်သည်။
"စိမ်း....."
"ကမ္ဘာ...."
စိမ်း အသံပြာမတက်အော်လိုက်မိသည်။ စိမ်းအော်သံကြောင့် ရှေ့ရောက်နေသည့်ကောင်းကင်က ပြန်လှည့်လာသည်။ ကမ္ဘာ့အဖြစ်ကိုမြင်တော့ အလွန်ထိတ်လန့်တုန်လူပ်သွားကာ..
"ကမ္ဘာ...ဟာ...ဟာကွာ.."
စိမ်းသွေးပျက်တုန်လူပ်စွာပင် ကမ္ဘာနားတိုးကပ်လာစဉ် နံရံတွေပြိုကျလာသည်မှာ အဆက်မပြတ်..
"ဝုန်း...ဝုန်း.."
"စိမ်း..မသွားနဲ့..ဂူပြိုနေပြီ.."
ဂူနံရံတွေပြိုကျနေသည်မှာ ပို၍ဆိုးဝါးလာသည်။ အတောမသတ်အောင် တဝုန်းဝုန်းပြိုကျလာသဖြင့် ကောင်းကင်သတိဝင်လာပြီး စိမ်းကိုအတင်းဆွဲတော့၏။
"ဟင့်အင်း.. ဖယ် ငါ့ကမ္ဘာ့ဆီသွားမယ် ငါသူ့ကိုဒီတိုင်းမထားခဲ့နိုင်ဘူး "
စိမ်းက ငိုယိုပြီးအတင်းရုန်းကန်၏။ ကမ္ဘာက ဘာမှမပြောနိုင်တော့ပါ။ ကျောပြင်တစ်ခုလုံး ထုတ်ချင်းပေါက်သွားသည့်အခိုက်မှာပင် အသက်ဝိညာဉ်ကင်းမဲ့သွားခဲ့ပြီဖြစ်၏။ သို့သော် ပြူးကျယ်နေသော မျက်ဝန်းတို့က စိမ်းကိုလှမ်းကြည့်နေဆဲ...
ထိုအကြည့်တို့က လွတ်အောင်ပြေးဟုပြောနေသည့်သယောင်.. စိမ်းအပေါ်စိတ်မချခြင်းတို့ပြည့်နှက်နေရာ..
"ငါ့ကိုလွတ်စမ်း.."
စိမ်းငိုကြွေးရင်း အတင်းရုန်းကုန်စဉ်မှာပင် ပြိုကျလာသည့်တိုင်တစ်ခုက သူမတို့နှင့်ကမ္ဘာကြားစည်းခြားသွားတော့သည်။ ပြိုကျလာသောအုပ်ပုံနှင့်အတူ ကမ္ဘာသည်လည်း အက်ကွဲသွားသည့်ကြမ်းပြင်အောက်သို့ နစ်မြှပ်သွားခဲ့လေတော့...
"ကမ္ဘာ.."
"စိမ်း ကမ္ဘာကအသက်မရှိတော့ဘူး ငါတို့အမြန်ထွက်မှဖြစ်မယ် မဟုတ်ရင်အကုန်သေကုန်လိမ့်မယ် ဂူကလုံးဝပြိုကျနေပြီ.."
"ဟင့်အင်း..ငါကမ္ဘာကိုမထားခဲ့နိုင်ဘူး.."
စိမ်း ရိူက်ငို၏။ ကောင်းကင်ကစိမ်းကိုဆွဲထားရင်း မျက်ရည်တို့က တပေါက်ပေါက်။ သို့သော် သူတို့ဘာမှမတတ်နိုင်ပါ။ နံရံတွေအားလုံးပြိုကျနေပြီဖြစ်သလို ကြမ်းပြင်တွေကလည်း အက်ကွဲလာပြီဖြစ်သည်။
ရင်နာစရာကောင်းလွန်းလှပါ၏။ သူတို့အတွက် ကြေကွဲချိန်ပင်မရပါ။ ကမ္ဘာ့အတွက် ဝမ်းနည်းချိန်ပင်မရပါ။ ကမ္ဘာ၏မျက်နှာကို နောက်ဆုံးအကြိမ်အဖြစ် မိနစ်ပိုင်းမျှပင် ကြည့်ခွင့်မရလိုက်ပါ။
အသက်ရှင်လွတ်မြောက်ဖို့အတွက် အသဲအသန်းရုန်းကန်ထွက်ပြေးလာပြီးနောက် မျက်ရည်တို့က တပေါက်ပေါက်...
သူတို့အပြင်ထွက်နိုင်ရုံရှိသေးသည်။ ဂူကြီးကား လုံးဝပြိုကျပျက်ဆီးသွားလေပြီဖြစ်၏။ တကယ်ကိုသီသီလေးပင် လွတ်မြောက်ခဲ့သည်။
"ကမ္ဘာ.."
အပြင်ရောက်သည်နှင့် စိမ်းအရုပ်ကြိုးပြတ် ထိုင်ချကာ စိတ်မထိန်းနိုင်ဘဲနာကျင်စွာရူပ်ငိုမိ၏။ ကောင်းကင်ကစိတ်ထွက်ပေါက်အဖြစ် အုတ်နံရံတစ်ခုကိုလက်သီးဖြင့် စိတ်ရှိလက်ရှိပစ်ထိုးနေရင်း မျက်ရည်တို့က တပေါက်ပေါက်...
ခဏတွင်းချင်းပင် သူ့လက်တွေသွေးချင်းချင်းနီသွား၏။ သို့သော် ရင်ဘတ်ကနာကျင်မူနှင့်ယှဉ်လျှင် မြူတစ်မူန်မျှသာ...
"အား.."
စိတ်ရှိလက်ရှိ နာနာကျင်ကျင်အော်လိုက်တော့၏။ စေတန်သည်လည်း လက်သီးကိုတင်းတင်းဆုပ်ကာ အံကြိတ်ထားသည့်တိုင် မျက်ရည်တို့ကစီးကျလာသည်။ ကမ္ဘာ့အဖြစ်ကို လှမ်းမြင်ခဲ့သည်တိုင် သူဘာမှမတတ်နိုင်ခဲ့ပါ။ ကမ္ဘာ့အဖြစ်ဆိုးဟာ သူ့အပြစ်လည်းမကင်းပါ။ အကယ်၍သူသာ ဤဂူကြီးပြိုကျပျက်ဆီးသွားမည့်အဖြစ်ကို သတိမလစ်ခဲ့ပါက...
"မောင်စေတန်.. ကယ်ပါဦး.."
အထိတ်တလန့်အနားရောက်လာသူက ဦးရာဇ...။ ပြိုကျသွားသည့် အဝင်မုဒ်ဝ၏အုတ်ပုံတစ်ခုကိုတုန်တုန်ရီရီ လက်ညှိုးထိုးရင်း
"မောင်ဈာန်...ဈာန် အုတ်ပုံအောက်မှာ.."
"ဗျာ...သူ ထွက်မလာနိုင်ခဲ့ဘူးလား.."
"ထွက်လာနိုင်ခါနီးမှာပဲ ဒါတွေအားလုံးပြိုကျသွားတော့ ဒီမုဒ်ဝကြီးကသူ့ပေါ်ပိသွားတယ် သူ..သူ အဲ့ဒီ့ အုတ်ပုံအောက်မှာရှိလိမ့်မယ် သေလားရှင်လားတော့ မပြောတတ်ဘူး.."
ဦးရာဇစကားကြောင့် စေတန်ထိတ်လန့်သွားပြီး ထိုအုတ်ပုံရှိရာသို့ အလျင်အမြန်သွားမိ၏။ နက်ရိူင်းက ခြေထောက်ကျိုးကြေသွားပုံရသည်။ ရပ်ပင်မရပ်နိုင်တော့ရာ မြေပြင်ပေါ်ထိုင်ချနေရသဖြင့် သူတို့ကိုမကူနိုင်ရှာပေ။ သူနှင့်ဦးရာဇအသဲအသန်အုတ်တွေကို တွန်းဖယ်ပြီးရှာရတော့သည်။ အတော်ကြာအောင် အားစိုက်ရှာဖွေနေစဉ်..
"တွေ့ပြီ ဒီမှာ..."
ဦးရာဇဝမ်းသာအားရဆိုလိုက်သည်။ တော်သေးပါရဲ့... အပေါက်ဝတွင် ပိတ်မိသွား၍သာ။ ဒီထက်နည်းနည်းလှမ်းပါက ရှာ၍အဆင်ပြေတော့မည်မဟုတ်ပေ။
သို့သော် အုတ်ပုံအကျိုးအပဲ့တွေကြားမှမြင်ရသည့် ဈာန့်အခြေအနေကာ မကောင်းတော့ပါ။ တစ်ကိုယ်လုံးသွေးချင်းချင်းနီလျက် မလူပ်မယှက်ငြိမ်သက်နေတော့သည်။
"ဘုရားရေ.. ဈာန်အသက်ရှိသေးရဲ့လား.."
"မပြောတတ်ဘူး ကျုပ်တို့သူ့ကိုဒီနေရာကနေ အမြန်ဆုံးကယ်ထုတ်မှဖြစ်မယ် မောင်စေတန်.."
ထို့နောက်သူတို့နှစ်ယောက်ဈာန်ကို အုတ်ပုံကြားမှ ခက်ခက်ခဲခဲဆွဲထုတ်လာသည်။ ဈာန်ကာသွေးအလူးလူးနှင့် အသက်မဲ့နေသည့်အလား လုံးဝငြိမ်သက်နေတော့၏။ ဦးရာဇက ဈာန့်ရင်ဘတ်နားကို အသဲအသန်စမ်းကြည့်ပြီးနော် ဝမ်းသာအားရဖြင့်..
"သူ..သူနှလုံးခုန်နေသေးတယ်မောင်ရင် ဒါပေမယ့်အရမ်းတိုးနေတယ် ကျုပ်တို့သူ့ကို ဆေးကုဖို့အမြန်ခေါ်သွားမှဖြစ်မယ် မဟုတ်ရင်သူသေသွားလိမ့်မယ်.."
ဦးရာဇစကားကြောင့် စေတန်ခမျှာ ကမ္ဘာ့အတွက်ပင် ဝမ်းနည်းနေချိန်မရဘဲ ဈာန့်ကိုကယ်နိုင်ဖို့အတွက် ဦးရာဇနှင့်အတူ ဈာန့်ကိုယ်ကိုသယ်ပြီး အသဲအသန်ပြေးရတော့၏။
ကောင်းကင်ကတော့ အခုထက်ထိ စိတ်နှင့်ကိုယ်မကပ်နိုင်အောင်ဖြစ်နေဆဲ....
အပြီးသတ်ပြိုကျပျက်ဆီးသွားသည့် အုပ်ပုံအောက်မှာ ကမ္ဘာကာထာဝရနှစ်မြှပ်သွားပြီဖြစ်လေ၏။ သူတို့ကမ္ဘာကို ဘယ်သောမှတွေ့ရတော့မည် မဟုတ်ပါ။ ထို့အပြင် တန်ဖိုးကြီးမားပါသည်ဆိုသော စက်ယန္တားရားအတတ်ပညာအားလုံးတို့သည်လည်း ပြိုကျပျက်ဆီးသွားသော ဂူဗိမ္မာန်တော်နှင့်အတူ ပျောက်ကွယ်သွားခဲ့ပြီ ဖြစ်၏။ ဤပညာရပ်တို့ကား ဒဏ္ဍာရီအဖြစ်နှင့်သာ ကျန်ရစ်နိုင်တော့လေသည်။
ကြည့်စမ်း.... ဘယ်လောက်တောင် ရင်နာဖို့ကောင်းလိုက်လေခြင်းလဲ...
ကမ္ဘာ့နောက်ဆုံးအချိန်မှာ စကားတစ်ခွန်းပင် မပြောနိုင်ခဲ့ပါ။ နူတ်ဆက်ချိန်လည်းမရပါ။ ဝမ်းနည်းဖို့ကြေကွဲဖို့ရန်ပင် အချိန်မပေးနိုင်ခဲ့ပါ။ နောက်ဆုံးကမ္ဘာ့အလောင်းကိုပင် အစအနပြန်မဆွဲထုတ်နိုင်သည့်အဖြစ်က ဘယ်လောက်နာကျင်စရာကောင်းလွန်းလိုက်ပါလိမ့်။
မည်းမှောင်တိတ်ဆိတ်ကာအေးစက်နေသည့် ဤအုပ်ပုံကြီး၏ဟိုးအောက်ဆုံးတွင် ကမ္ဘာမည်ကဲ့သို့ နာကျင်ဖွယ်အတိနှင့်ရှိနေမည်နည်း။
"ငါ့..ငါ့ကြောင့်ကမ္ဘာသေ သေရတာ ငါ့ကြောင့်ပါ ငါ့ကိုကယ်ရင်း သူအသေခံသွားတယ် အားလုံး ငါ့အပြစ်တွေပါ ငါ့ကြောင့်ပါ.. ဟင့်..ဟင့်..."
စိမ်းကဖြေမဆည်နိုင်အောင် ရိူက်ငိုပြန်၏။ ကောင်းကင်မျက်ရည်တို့ကိုသုတ်ချပစ်ရင်း အံတင်းတင်းကြိတ်လိုက်ကာ..
"သူနင့်ကိုအသက်ပေးတဲ့အထိ ချစ်သွားခဲ့တာပါ စိမ်းရယ်.."
"ကမ္ဘာရယ်..ငါ..."
"ဒါကြောင့် နင်ကောင်းကောင်းရှင်သန်ရမယ် သူပေးခဲ့တဲ့အသက်နဲ့ နင်ကောင်းကောင်းကို ရှင်သန်နေရမယ် စိမ်း.."
စိမ်း မျက်ရည်တွေစီးကျလာပြန်၏။ နားထဲတွင်လွန်ခဲ့သည့်ရက်ပိုင်းလေးတွင်မှ ကမ္ဘာပြောခဲ့သောစကားတို့ကို ပြန်ကြားယောင်လာမိသည်။
"နူတ်မဆက်ရဘဲနဲ့ ငါတို့ဝေးသွားမှာကို စိုးရိမ်မိတယ် စိမ်း "
ကမ္ဘာရယ်... နင်တကယ်ပဲ နူတ်မဆက်ဘဲ ထွက်ခွာသွားတယ်နော်။ နင့်ကိုဘယ်လိုမှ မချစ်နိုင်ခဲ့တဲ့ ငါ့အတွက်အသက်ပေးခဲ့တာ တန်ရဲ့လား ကမ္ဘာရယ်..
စိမ်းနှလုံးသားနာကျင်လွန်းမက နာကျင်လာတော့၏။ ဤဆုံးရှုံးမူအတွက် သူမတို့ ဘယ်လိုဖြေသိမ့်ရမည်နည်း။
ထို့နောက် အတန်ကြာအောင် လက်ပန်းကျသည်အထိ ငိုကြွေးမိပြီးနောက် သူတို့ဤနေရာကို နာကျင်စွာပင်ကျောခိုင်းခဲ့လိုက်သည်။ လမ်းမလျှောက်နိုင်သည့်နက်ရိူင်းကို ကောင်းကင်ကဖေးမပြီးခေါ်လာသည်။ တစ်လမ်းလုံးဝမ်းနည်းစွာ တိတ်ဆိတ်လာခဲ့သော်လည်း တည်းခိုသည့် ဘုရင့်နန်းဆောင်အရောက်တွင်တော့..
နန်းဆောင်ရှေ့က ခရာကိုမြင်လိုက်သည်နှင့် ကောင်းကင်ကဘာကြောင့်မှန်းမသိ ဒေါသတွေထောင်းခနဲ့ထွက်သွားသည်။ ချက်ချင်းပင် သူမရှိရာသို့အပြေးတပိုင်းသွားလိုက်ပြီး..
"ခရာ.. ကြာဖြူဘယ်မှာလဲ.."
"ရှင်..."
"ခေါ်ခဲ့စမ်း ကြာဖြူကို"
ကောင်းကင်ဒေါသတကြီးအော်လိုက်တော့ ခရာထိတ်လန့်သွားပြီး ကြောက်ကြောက်ရွံ့ရွံ့နှင့်
"ခရာ...မသိ.."
"မင်းမသိလို့မရဘူး မင်းအမေကြောင့် ငါ့သူငယ်ချင်းကမ္ဘာသေရပြန်ပြီ မင်းအမေကိုခေါ်ခဲ့ ငါနဲ့စာရင်းရှင်းမယ် .."
ကောင်းကင်အသိမဲ့စွာအော်လိုက်တော့ ခရာအလွန်ကြောက်ရွံ့ကာ သွေးပျက်သွားတော့၏။ သူမဘာမှမသိသဖြင့် ဘာပြောရမှန်းမသိအောင် သွေးပျက်နေမိစဉ်..
"ရတယ် သူမထွက်လာရင် ငါသူ့ကိုထွက်လာအောင်လုပ်ပစ်မယ် .."
ရုတ်တရက်ကောင်းကင်သည် သူမကိုဆွဲခေါ်လာပြီး အနီးနားရှိရေကန်ငယ်တစ်ခုထဲသို့ ကြမ်းတမ်းစွာ ဆွဲနစ်ပစ်ရာ..
"အမေ့.."
"ကြာဖြူ ခင်ဗျားထွက်လာခဲ့စမ်း မဟုတ်ရင်ခင်ဗျားသမီးကို ကျုပ်သတ်ပစ်မယ်"
ကောင်းကင်အရူးတစ်ယောက်လို အော်လိုက်ပြီး ခရာ့မျက်နှာကိုရေထဲစွဲနစ်လိုက် ပြန်ဖော်လိုက်နှင့်လုပ်နေတော့၏။ ခရာယက်ကန်ယက်ကန်နှင့် ကြောက်ရွံ့စွာရုန်းနေသည့်တိုင် အင်အားချင်းမမျှသဖြင့် ရေမွန်းသည့်ဒဏ်ကို မေ့မျောလုမတက်ပင် ခံလိုက်ရလေသည်။
"ကောင်းကင် တော်တော့.."
စိမ်းမှင်သက်ရာမှသတိဝင်လာပြီး ကောင်းကင်ကို ပြေးတားတော့သည်။ ကောင်းကင်ကမလွတ်။ အားနှင့်ခရာ့လည်ပင်းကို ဖိပြီးနှစ်ထားဆဲ..
"ကောင်းကင်ငါပြောနေတယ် ခရာ့ကိုလွတ်လိုက် ခရာသေလိမ့်မယ်..."
"သေပါလေ့စေ.. ကမ္ဘာအတွက် ငါတန်ရာတန်ကြေးပြန်ယူရမယ်... "
"ကောင်းကင် နင်ရူးနေသလား ဒီကိစ္စခရာနဲ့မဆိုင်ဘူး နင်သူ့ကိုမဲမချပါနဲ့ ငါတောင်းပန်ပါတယ် ပြသာနာတွေကို ဒီထက်ကြီးအောင်မလုပ်ချင်ပါနဲ့ တော်ပါတော့.."
စိမ်းကငိုယိုပြီး အသဲအသန်ဝင်ဆွဲတော့မှ ကောင်းကင်တက်တစ်ချက်ခေါက်ပြီး သူမကိုရေထဲမှဆွဲထုတ်လိုက်၏။ ထို့နောက် ဒေါသတကြီးဆောင့်တွန်းပြီး
"ငါ့မျက်စိရှေ့ထပ်မပေါ်လာနဲ့ မဟုတ်ရင် ငါမင်းကိုသတ်မိလိမ့်မယ်"
ကြုံးဝါးပြီးထွက်ခွာသွားတော့သည်။ နက်ရှိုင်းကာကြောင်ပြီးကြည့်နေဆဲ..
သူဘာမှမတတ်နိုင်လို့ မတားဘဲကြည့်နေသလား ဒါမှမဟုတ်ခရာဖြစ်နေ၍ မတားဘဲနေသည်လား
ဒါကိုသူပဲသိပါလိမ့်မည်။ ခရာကတော့ ကြောက်လန့်တကြားလူးလဲထပြီး ခြေဦးတည့်ရာထွက်ပြေးလာမိသည်။ နာကျင်ဝမ်းနည်းမူကြောင့် မျက်ရည်တို့ကတလိမ့်လိမ့် စီးကျလာလျက်။
မမမို့လည်း သေသွားခဲ့ပြီ….
အခုကိုကမ္ဘာသေသွားပြီးတဲ့လား..
အစ်ကိုဈာန်လည်း သေသလားရှင်သလားမသိသေး.
ဒါတွေက တကယ်ပဲခရာ့ကြောင့်လား
ဝမ်းနည်းသိမ်ငယ်မူက ရင်ထဲစူးစူးနင့်နင့်ပင် တိုးဝင်လာသည်။ခရာကတကယ်ပဲ မကောင်းဆိုးဝါးလား။ ကြာဖြူရဲ့သမီးဖြစ်တာနဲ့ ခရာကြောင့်လူတွေသေရသလား..
ရှက်ရွံ့သိမ်ငယ်ခြင်းများနှင့် အပြစ်ရှိသောခံစားချက်များက တစ်ကိုယ်လုံးလွှမ်းခြုံလာတော့၏။ သူမ အားလုံးရှိရာသို့ ဘယ်လိုမှပြန်မသွားဝံ့တော့ပါ။ သူတို့နှင့်ခရာ ဆက်မနေသင့်တော့ပါဘူးလေ..
သို့သော် ခရာသွားစရာနေရာမရှိပါ။ အမြဲဖေးမပေးသည့်အရိပ်လည်းမရှိတော့ပါ။ ရေစိုစွဲနေသည့်အဝတ်ဖြင့် ခရာဝမ်းနည်းနာကျင်စွာ ခြေဦးတည့်ရာလျှောက်သွားနေမိ၏။
နောက်ဆုံးတွင်တော့ သူမတစ်နေရာသို့ ဦးတည်လျှောက်လာတော့၏။ ခရာမသွားချင်ဆုံးနေရာတစ်ခု။ သို့သော် ခရာရွေးချယ်စရာမရှိတော့ပါ။
ထိုနေရာကား ကြာဖြူနန်းဆောင်တော်...
နန်းဆောင်ကြီးကာ ပကတိအေးစက်ငြိမ်သက်နေ၏။ သို့သော် သူမရှိနေမည်ကို ခရာသိနေပါသည်။
"ကြာဖြူ..."
နာကျင်လွန်းသဖြင့် မျက်ရည်တို့ကစီးကျလာပြန်သည်။ ဝမ်းနည်းကြေကွဲစွာဖြင့် ခရာတစ်ယောက်တည်း ရေရွတ်နေမိ၏။
"ခရာ....ခရာ ဘယ်မှသွားစရာနေရာမရှိတော့ဘူး ခရာကြောင့် တစ်ယောက်ပြီး တစ်ယောက်သေကြပြန်ပြီ ခရာကိုဘယ်သူမှအလိုမရှိတော့ဘူး ဟင့်ဟင့်.."
ငိုရင်းငိုရင်းနှင့် နဂိုကမှအားနည်းနေသူမို့ ခရာမောပန်းစွာအိပ်မောကျသွားရှာသည်။ ရေထဲဆွဲနစ်ခံရစဉ်က အင်္ကျီလေးကလည်းရေစိုထားသဖြင့် သူမချမ်းနေရှာ၏။ လက်ကလေးပိုက်ကာ တောင့်တစ်နေရာတွင် သိမ်ငယ်စွာအိပ်ပျော်သွားသည့်အခါတွင်တော့
သူမနားရောက်လာသူက အဖြူရောင်အရိပ်လေးတစ်ခု။ ထို့နောက် သူမကိုယ်ပေါ်သို့ တစ်စုံတစ်ရာတင်ပေးပြီး တရွေ့ရွေ့ထွက်ခွာသွားတော့လေ၏။
ထိုအရာကာ... အဖြူရောင်ခြုံထည်လေးတစ်ခု.
ခဏတာတော့ ခရာနွေးထွေးသွားခဲ့မည်ထင်သည်။ ထို့နောက်.......
...................................... .................
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
